'தெற்கு கலிபோர்னியா (Southern California) (சுருக்கமாக: SoCal), வட அமெரிக்கா கண்டத்தில் அமைந்த ஐக்கிய அமெரிக்காவின் 50 அமெரிக்க ஐக்கிய மாநிலங்களில் ஒன்றான கலிபோர்னியா மாநிலத்தின் தெற்கில் அமைந்துள்ளது.
தெற்கு கலிபோர்னியாவின் மிகப்பெரிய நகரம் லாஸ் ஏஞ்சலஸ் ஆகும். இது ஐக்கிய அமெரிக்காவின் இரண்டாவது பெரிய மக்கள் தொகை கொண்ட நகரம் ஆகும்.தெற்கு கலிபோர்னியா 10 கவுண்டிகளைக் கொண்டது.அவைகள்: இம்பீரியல் கவுண்டி, கெர்ன் கவுண்டி, லாஸ் ஏஞ்சலஸ் கவுண்டி, ஆரஞ்ச் கவுண்டி, ரிவர்சைடு கவுண்டி, சான் பெர்னாண்டினோ கவுண்டி, சான் டியேகோ கவுண்டி, சான் லூயிஸ் ஒபிஸ்போ கவுண்டி, சாண்டா பார்பரா கவுண்டி மற்றும் வெண்சுரா கவுண்டி.
தெற்கு கலிபோர்னியா | |
---|---|
மேலிருந்து கீழாக: ஹெர்மோசா கடற்கரை பியர், டிஸ்னிலாண்ட், லா ஜொல்லா கிராமம், பிளாக் கடற்கரை, சாண்ட மோனிக்கா பியர், பிளாக் பீச், ஹாலிவுட் , லாஸ் ஏஞ்சலஸ், சான் டியேகோ | |
சிவப்பு:தெற்கு கலிபோர்னியாவின் 10 கவுண்டிகள் | |
நாடு | அமெரிக்க ஐக்கிய நாடுகள் |
மாநிலம் | கலிபோர்னியா |
கவுண்டிகள் | இம்பீரியல் கவுண்டி கெர்ன் கவுண்டி லாஸ் ஏஞ்சலஸ் கவுண்டி ஆரஞ்ச் கவுண்டி ரிவர்சைடு கவுண்டி சான் பெர்னாண்டினோ கவுண்டி சான் டியேகோ கவுண்டி சான் லூயிஸ் ஒபிஸ்போ கவுண்டி சாண்டா பார்பரா கவுண்டி வெண்சுரா கவுண்டி |
பெரிய நகரம் | லாஸ் ஏஞ்சலஸ் |
பரப்பளவு(10-county) | |
• மொத்தம் | 1,46,350 km2 (56,505 sq mi) |
மக்கள்தொகை (2020) | |
• மொத்தம் | 23,762,904 |
தெற்கு கலிபோர்னியாவின் மேற்கில் பசிபிக் பெருங்கடல், வடக்கில் வடக்கு கலிபோர்னியா, கிழக்கில் நெவாடா மற்றும் அரிசோனா மாநிலங்களும், தெற்கில் மெக்சிகோவும் உள்ளது. தெற்கு கலிபோர்னியாவில் கொலராடோ ஆறு பாய்கிறது. மேலும் இப்பகுதியில் மொகாவி பாலைவனம் மற்றும் கொலராடோ பாலைவனம் அமைந்துள்ளது.
வட கலிபோர்னியாவை விட சிறிதான தெற்கு கலிபோர்னியா 1,46,350 சதுர கிலோ மீட்டர் பரப்பளவு (56,505 சதுர மைல்) கொண்டது. இதன் மக்கள் தொகை, 2020ம் ஆண்டின் மக்கள் தொகை கணக்கெடுப்பின்படி, 23.76 மில்லியன் ஆகும்.
இப்பகுதியில் புகழ்பெற்ற சுற்றுலாத் தளங்களான டிஸ்னிலாண்ட், ஹாலிவுட், சான் டியேகோ விலங்குக் காட்சிச்சாலை மற்றும் ஜீன் பால் கெட்டி அருங்காட்சியகம் உள்ளது.
மக்கள் தொகை அடர்த்தி மிக்க தெற்கு கலிபோர்னியா நகரங்களில் தொழிற்சாலைகள், திரைப்பட உற்பத்தி, மென்பொருள் உற்பத்தி மற்றும் சுற்றுலாத் துறை சிறந்து விளங்குகிறது.
லாஸ் ஏஞ்சலஸ் பன்னாட்டு வானூர்தி நிலையம் இப்பகுதி நகரங்களுடன் இணைக்கிறது. மேலும் இப்பகுதியின் நகரங்களில் உள்ள உள்நாட்டு வானூர்தி நிலையங்கள் அண்டை மாநில நகரங்களுடன் இணைக்கிறது. கலிபோர்னியா மாநில நெடுஞ்சாலை எண் 1 தெற்கு கலிபோர்னியாவின் ஆரஞ்சு கவுண்டியையும், வடக்கு கலிபோர்னியாவுடன் இணைக்கிறது. வழித்தடம் எண் 56 தெற்கு கலிபோர்னியாவின் கிழக்கு மற்றும் மேற்குப் பகுதிகளை சாலைகள் மூலம் இணைக்கிறது.
This article uses material from the Wikipedia தமிழ் article தெற்கு கலிபோர்னியா, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.