டைன் ஆற்றங்கரை நியூகாசில்
டைன் ஆற்றங்கரை நியூகாசில் (Newcastle upon Tyne, /njuːˈkɑːsəl/ (ⓘ), நியூகாசில் அப்பான் டைன், சுருக்கமாக நியூகாசில்) வடகிழக்கு இங்கிலாந்தின் டைனும் வியரும் கௌன்ட்டியில் அமைந்துள்ள நகரமும் பெருநகர் பரோவும் ஆகும்.
வரலாற்றின்படி1974ஆம் ஆண்டுவரை இது நார்தம்பர்லாந்து கௌன்ட்டியின் அங்கமாக இருந்தது. டைன் ஆற்றின் வடகரையில் வடகடலிலிருந்து 8.5 mi (13.7 km) தொலைவில் உள்ளது. முன்பு உரோமைப் பேரரசின் குடியிருப்பாக இருந்த பொன்சு ஏலியசு என்றவிடத்திலேயே இந்நகரம் வளர்ந்துள்ளது. இங்கு இங்கிலாந்தைக் கையகப்படுத்திய நோர்மாந்திய பிரபு வில்லியத்தின் (பின்னர் இங்கிலாந்தின் முதலாம் வில்லியம்) மகன் குர்தோசு இங்கு கட்டிய புதிய கோட்டையை ஒட்டி இந்நகரத்தின் பெயர் அமைந்தது. கம்பளி வணிகத்தில் முதன்மையான மையமாக விளங்கிய இந்நகரம் பின்னாளில் பெரும் சுரங்கத் தொழில் நகரமாக மாறியது. இங்குள்ள துறைமுகம் 16வது நூற்றாண்டில் கட்டப்பட்டது;அதனுடன் கப்பல் கட்டும் தொழிற்கூடங்களும் டைன் ஆற்றின் போக்கோடு கட்டமைக்கப்பட்டன. உலகின் பெரிய கப்பல் கட்டும் மற்றும் கப்பல் சரிபார்ப்புத் தொழில் மையமாக விளங்கியது. தற்போது இவற்றில் பல முடங்கி மூடப்பட்டு விட்டன. இன்றைய காலத்திற்கேற்ப நிறுவன தலைமையகங்கள், கல்வி மற்றும் எண்ணிம தொழினுட்ப மையம், சில்லறை வணிகம், சுற்றுலா மற்றும் பண்பாட்டு மையங்கள் என புதிய சேவைத்துறை தொழில்கள் தழைக்கின்றன.
| டைன் ஆற்றங்கரை நியூகாசில் நகரம் நியூகாசில் | |
|---|---|
| பெருநகர் பரோ & நகரம் | |
 | |
 நகர மன்றத்தின் மரபுவழி மேலங்கி | |
| அடைபெயர்(கள்): தி டூன் | |
| குறிக்கோளுரை: "Fortiter Defendit Triumphans" "வீரமான தற்காப்பால் வெற்றி" | |
 இங்கிலாந்தினுள் நியூகாசிலின் அமைவிடம் | |
| நாடு | ஐக்கிய இராச்சியம் |
| உள்ளங்க நாடு | இங்கிலாந்து |
| மண்டலம் | வடகிழக்கு இங்கிலாந்து |
| சிறப்பு கௌன்டி | டைனும் வியரும் |
| நிர்வாகத் தலைமையகம் | நியூகாசில் நகர மையம் |
| நிறுவப்பட்டது | 2வது நூற்றாண்டு |
| நகர அரசியலமைப்பு | ஹென்றி II |
| கௌன்டி அமைப்பு | 1400 |
| நகரத் தகுதி | 1882 |
| அரசு | |
| • வகை | பெருநகர் பரோ, நகரம் |
| • ஆட்சி அமைப்பு | நியூகாசில் நகர மன்றம் |
| • மேயர் | ஜாக்கி சீசெங்கர் |
| பரப்பளவு | |
| • பெருநகர் பரோ & நகரம் | 113 km2 (44 sq mi) |
| மக்கள்தொகை | |
| • பெருநகர் பரோ & நகரம் | 279,100 |
| • பெருநகர் | 879,996 (டைன்சைடு) 1,093,400 (டைனும் வியரும்) 1,650,000 (டைனும் வியரும் நகர மண்டலம்) |
| நேர வலயம் | கிரீன்விச் இடைநிலை நேரம் (ஒசநே+0) |
| அஞ்சல்குறியீடு | NE |
| தொலைபேசி குறியீடு | 0191 |
| ISO 3166-2 | GB-NET |
| ONS code | 00CJ (ONS) E08000021 (GSS) |
| OS grid reference | NZ249645 |
| NUTS 3 | UKC22 |
| Demonym | ஜியோர்டி], நோவோகாசுத்திரியர் |
| இணையதளம் | www.newcastle.gov.uk |
நியூகாசில் பிரவுன் ஏல் எனப்படும் மதுவகையும் டைன் பாலமும் இந்நகரை அடையாளப்படுத்துகின்றன. இங்கிலீஷ் பிரீமியர் லீக்கில் நியூகாசில் யுனைடெட் காற்பந்துக் கழகமும் இந்நகரை அடையாளப்படுத்துகிறது. உலகின் மிகவும் புகழ்பெற்ற அரை மராத்தன், கிரேட் நார்த் இரன் 1981இல் தொடங்கப்பட்டதிலிருந்து இங்குதான் நடத்தப்படுகிறது.
இப்பகுதி மக்கள் ஜியோர்டி என்ற விளிப்பெயரால் அறியப்படுகின்றனர்.
மேற்சான்றுகள்
வெளி இணைப்புகள்
- City of Newcastle upon Tyne website (Newcastle City Council)
- BBC Tyne BBC Local website
This article uses material from the Wikipedia தமிழ் article டைன் ஆற்றங்கரை நியூகாசில், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.