கியெர்மோ லாசோ

இவர் எக்குவடோர் அரசுத்தலைவராக 2021 இல் தேர்ந்தெடுக்கப்பட்டார். இவர் 2021 பொதுத் தேர்தலில் போட்டியிட்டு, அந்திரேசு அரூசு என்பவரைத் தோற்கடித்து, எக்குவதோரின் 47-வது அரசுத்தலைவராகத் தேர்ந்தெடுக்கப்பட்டார். முன்னதாக இவர் 2013, 2017 தேர்தல்களிலும் போட்டியிட்டிருந்தார். 2013 தேர்தலில், ராஃபாயெல் கொறேயாவிற்கு அடுத்தபடியாக இரண்டாவதாக வந்தார்.

கியெர்மோ லாசோ Guillermo Lasso
2017 இல் லாசோ
எக்குவடோர் அரசுத்தலைவர்
பதவியில் 24 மே 2021
Vice President	அல்பிரெடோ வேகா
Succeeding	லெனின் மொரேனோ
பொருளாதார அமைச்சர்
பதவியில் 17 ஆகத்து 1999 – 24 செப்டம்பர் 1999
குடியரசுத் தலைவர்	சமீல் மகுவாது
கயாசு ஆளுநர்
பதவியில் 10 ஆகத்து 1998 – 17 ஆகத்து 1999
முன்னையவர்	கைடோ பாரா
பின்னவர்	பெஞ்சமின் வலன்சுவேலா
தனிப்பட்ட விவரங்கள்
பிறப்பு	கியெர்மோ அல்பெர்ட்டோ சந்தியாகோ லாசோ மென்டோசா 16 நவம்பர் 1955 (1955-11-16) (அகவை 68) உவயாகில், எக்குவடோர்
அரசியல் கட்சி	வாய்ப்புகளை உருவாக்குதல்
துணைவர்	மரியா டி லோர்டெசு (தி. 1981)
பிள்ளைகள்	5
கல்வி	எக்குவதோர் கத்தோலிக்கப் பல்கலைக்கழகம் (முடிக்கவில்லை)
இணையத்தளம்	guillermolasso.ec

லாசோ 199ப9 இல் சமீல் மகுவாதின் அமைச்சரவையில் பொருளாதாரத்துக்கான அமச்சராக சிறிது காலம் பதவி வகித்தார். முன்னதாக 1998 முதல் 1999 வரை கயாசு மாகாண ஆளுநராகப் பதவியில் இருந்தார். அரசியல் பணியைத் தவிர்த்து, லாசோ ஒரு வங்கியாளராகவும், கயாக்கில் வங்கியின் தலைவராகவும் பணியாற்றியிருந்தார்.

தாராளமயவாதியான லாசோவின் பொது நிகழ்ச்சி நிரலில், அரசாங்கத்தின் அதிகாரங்களைப் பிரித்தல், அடிப்படை உரிமைகள் ஆகியவற்றைப் பாதுகாத்தல் போன்ற தொன்மைத் தாராளவாதக் கோட்பாடுகளும் உள்ளன. அத்துடன் வரிகளைக் குறைப்பதற்கு ஆதரவாக அவர் கருத்துக்களை வெளிப்படுத்தியுள்ளார். இவர் கட்டற்ற சந்தைமுறைக்கும் ஆதரவளித்து வருகிறார்.