ஓத ஆற்றல்

புதுப்பிக்கத்தக்க ஆற்றல்
உயிரி எரிபொருள் உயிர்த்திரள் புவிவெப்பம் நீர்மின்சாரம் சூரிய ஆற்றல் நீர்ப்பெருக்கு ஆற்றல் அலை ஆற்றல் காற்றுத் திறன்

சமகாலத்தில் பரவலாக பயன்படுத்தப்படாவிட்டாலும், வருங்காலத்தில் மின்னாக்கத்திற்கு பெரும் பங்கு வகிக்கக் கூடியது. காற்றுத் திறன் அல்லது சூரிய ஆற்றலை விட நீர்ப்பெருக்கு ஏற்படும் காலங்களையும் அளவுகளையும் துல்லியமாகக் கணிக்க முடியும். வரலாற்றில் ஐரோப்பாவிலும் வட அமெரிக்காவின் அட்லாண்டிக் கடற்கரைப் பகுதிகளிலும் நீர்ப்பெருக்காலைகள் இயங்கி வந்துள்ளதைக் காண முடியும். உரோமர்கள் காலத்திலும் பயன்படுத்தப்பட்டிருக்கலாம் என வரலாற்று அறிஞர்கள் கருதுகின்றனர்.

 

நீர்ப்பெருக்கு ஆற்றல் நேரடியாக புவி-நிலவு இடையேயான நகர்வுகளை பெரும்பகுதியும் குறைந்த அளவில் புவி-சூரியன் இடையேயான நகர்வுகளையும் கொண்டு கிடைக்கப்பெறும் ஒரே ஆற்றல் வடிவமாகும். நிலவு, சூரியன் இவற்றின் ஈர்ப்பினாலும் புவியின் சுழற்சியாலும் நீர்நிலைகளில் ஏற்படும் விசையால் நீர்ப்பெருக்கு ஏற்படுகிறது. மற்ற வகை ஆற்றல்கள், (உயிரி எரிபொருள், உயிர்த்திரள், நீர்மின்சாரம், காற்றுத் திறன், சூரிய ஆற்றல், கடல் அலை ஆற்றல்) சூரியனிடமிருந்தே நேரடியாகப் பெறுகின்றன. அணுவாற்றல் புவியில் உள்ள கதிரியக்கப் பொருட்களிலிருந்து பெறப்படுகிறது. புவி வெப்ப ஆற்றல் புவியில் அடைபட்டுள்ள வெப்பத்தினைக் கொண்டு பெறப்படுகிறது.

ஓரிடத்திலுள்ள கடல் நீரின் ஏற்ற இறக்கங்கள் சூரியன்/நிலவு இவற்றுடன் புவியின் அக்கால அமைவிடம், புவியின் சுழற்சி மற்றும் கடற்தளத்தின் மற்றும் கடற்கரையின் அமைப்பு இவற்றைக்கொண்டு அமைகிறது. இவற்றைக் குறித்த துல்லியமான தரவுகள் நம்மிடையே உள்ளதால் நீர்ப்பெருக்கு மின்னாற்றல் நிலையங்கள் வடிவமைப்பது எளிதாகும். மேலும் இவை இயற்கை விசைகளை சார்ந்திருப்பதால் இவ்வாற்றல் என்றும் கிடைக்கக்கூடிய ஒன்றாகும்.

ஓர் நீர்ப்பெருக்கு மின்னாக்கி இந்நிகழ்வைப் பயன்படுத்தி மின்சாரத்தை உற்பத்தி செய்கிறது. நீர் மட்டத்தின் உயரம் அல்லது நீர்வரத்தின் வேகம் இவை கூடுதலாக இருப்பின், மின்சாரம் உற்பத்தி செய்யும் திறனும் கூடுதலாகும்.

நீர்ப்பெருக்கு ஆற்றலை மூன்று முதன்மை வகைகளாகப் பிரிக்கலாம்:

• நீர்ப்பெருக்கு ஓடை அமைப்புகள்: காற்றோலைகள் எவ்வாறு காற்று வீசுவதைக் கொண்டு விசைச்சுழலிகளை இயக்குகின்றனவோ அவ்வாறே இவை ஓடுகின்ற நீரின் இயக்க ஆற்றலைக் கொண்டு விசைச்சுழலிகளை இயக்குகின்றன.இவை குறைந்த மூலதனச் செலவையும் குறைந்த சுற்றுச்சூழல் தாக்கத்தையும் கொண்டிருப்பதால் பரவலாக விரும்பப்படுகிறது.

 

• தடுப்பணைகள் உயர்ந்த மற்றும் குறைந்த நீர்ப்பெருக்கினைடையே உள்ள உயர வேறுபாட்டினால் கிடைக்கும் நிலை ஆற்றலை பயன்படுத்துகின்றன.கயவாயின் முழு அகலத்திலும் ஓர் அணை கட்டப்பட வேண்டியுள்ளதால் பெரும் கட்டமைப்புச் செலவுகளையும் சுற்றுச்சூழல் பாதிப்பையும் கொண்டுள்ளது. தவிர, வேண்டுமளவு நிலை ஆற்றல் கிடைத்திடும் இடங்கள் உலகில் மிகக் குறைவாக உள்ளது.
• நீர்ப்பெருக்கு காயல்கள் தடுப்பணைகளைப் போன்றவையே எனினும் தன்னிறைவாக இவற்றை அமைக்க முடியும். இதனால் குறைந்த கட்டமைப்புச் செலவையும் குறைந்த சுற்றுச்சூழல் தாக்கத்தையும் கொண்டிருப்பதாக கூறப்படுகிறது. தவிர இவற்றைத் தொடர்ச்சியாக, தடுப்பணைகளைப் போலன்றி, இயக்க முடியும்.

நவீன விசைச்சழலி நுட்பங்கள் கடலில் இருந்து பெருமளவு மின்னாக்கம் பெற முயல்கின்றன.இவை கடலின் நீர்ப்பெருக்கைத் தவிர வெப்ப ஓடைகளையும் (எடுத்துக்காட்டு: வளைகுடா ஓடை) பயன்படுத்துகின்றன. இயற்கையான நீர்பெருக்கு ஓடைகள் மேற்கு மற்றும் கிழக்கு கனடா கடற்கரைகள், ஜிப்ரால்ட்டர் நீரிணை, தென்கிழக்கு ஆசியா மற்றும் ஆஸ்திரேலியாவின் பல பகுதிகளில் ஓடை விசைச்சுழலிகள் அமைக்கப்படலாம்.இத்தகைய ஓடைகள் எங்கெல்லாம் வளைகுடாக்களும் நதிகளும் இணைகின்றனவோ, இரு நிலப்பகுதிகளிடையே நீரோட்டம் அடர்ந்துள்ளதோ அங்கெல்லாம் உள்ளன.

 

விக்கிமீடியா பொதுவகத்தில்,
நீர்ப்பெருக்கு ஆற்றல்
என்பதில் ஊடகங்கள் உள்ளன.

• Marine and Hydrokinetic Technology Database The U.S. Department of Energy’s Marine and Hydrokinetic Technology Database provides up-to-date information on marine and hydrokinetic renewable energy, both in the U.S. and around the world.
• Severn Estuary Partnership: Tidal Power Resource Page பரணிடப்பட்டது 2011-07-23 at the வந்தவழி இயந்திரம்
• Location of Potential Tidal Stream Power sites in the UK
• University of Strathclyde ESRU—Detailed analysis of marine energy resource, current energy capture technology appraisal and environmental impact outline
• Coastal Research - Foreland Point Tidal Turbine and warnings on proposed Severn Barrage
• Sustainable Development Commission - Report looking at 'Tidal Power in the UK', including proposals for a Severn barrage
• World Energy Council பரணிடப்பட்டது 2008-05-29 at the வந்தவழி இயந்திரம் - Report on Tidal Energy
• Wave and Tidal Energy News பரணிடப்பட்டது 2019-06-28 at the வந்தவழி இயந்திரம்
• How electricity is produced using Tidal Energy ?