ஐதராபாத் மெட்ரோ

இத்திட்டத்தின்படி தொடருந்துகள் அதற்கென உருவாக்கப்படுகின்ற இருப்புவழிகளில் தனியே இயக்கப்படும். இவ்வாறு உருவாக்கப்படும் இருப்பு வழிகளின் தண்டவாளங்கள், மேம்பாலங்கள் அல்லது நிலத்தடியில் கட்டப்படும். மியன்பூர் முதல் நாகோல் வரை 24 மெட்ரோ நிலையங்களுடன் 29 கிலோமீட்டர் (18 மைல்) இந்த வழித்தடம் 28 நவம்பர் 2017 அன்று பிரதமர் நரேந்திர மோதி திறந்து வைத்தார்.

ஐதராபாத் மெட்ரோ
தகவல்
உரிமையாளர்	தெலங்காணா அரசு (10%) லார்சன் அன்ட் டூப்ரோ (90%)
அமைவிடம்	ஐதராபாத்து, தெலங்காணா, இந்தியா
போக்குவரத்து வகை	விரைவுப் போக்குவரத்து
மொத்தப் பாதைகள்	3
நிலையங்களின் எண்ணிக்கை	57 நிலையங்கள்
முதன்மை அதிகாரி	N.V.S ரெட்டி
தலைமையகம்	மெட்ரோ இல்லம், பேகம்பேட்டை, ஐதராபாத்து
இணையத்தளம்	L&T Metro HMRL
இயக்கம்
பயன்பாடு தொடங்கியது	29 நவம்பர் 2017
இயக்குனர்(கள்)	ஐதராபாத் மெட்ரோ ரயில் (HMRL)
Headway	3.5 - 7 நிமிடங்கள்
நுட்பத் தகவல்
அமைப்பின் நீளம்	72 km (45 mi) 69 km (43 mi) (செயல்பாடுகிறது)
இருப்புபாதை அகலம்	1,435 மிமீ (4 அடி 8 1⁄2 அங்)
மின்னாற்றலில்	25 kV, AC மேல்நிலையில்
சராசரி வேகம்	35 km/h (22 mph)
உச்ச வேகம்	80 km/h (50 mph)

மெட்ரோ ரயில் திட்டம் முதலில் ஆந்திர மாநிலம் பிரியும் முன் முதல்வர் நா. சந்திரபாபு நாயுடு 2003 ஆண்டு இதற்கான முயற்சியில் ஈடுபட்டார். ஐதராபாத் தொடர்ந்து வளர்ந்து வருவதால் பொது போக்குவரத்து போதுமான அளவில் இல்லாமலும் தொடர் போக்குவரத்து நெரிகல்களால் ஆந்திர அரசு மத்திய நகர்ப்புற மேம்பாட்டு அமைச்சகத்திடம் கொரிக்கை வைத்தன் காரணமாக ஐதராபாத் மெட்ரோ திட்டத்துக்கு ஒப்புதல் அளித்தது. மேலும் தில்லி மெட்ரோ நிறுவனத்துக்கு திட்டவரைவினை உருவாக்க கோரியது.

2007 ஆம் ஆண்டு ஐதராபாத் மெட்ரோ நிறுவனத்தின் நிர்வாக இயக்குநராக என்.வி.ரெட்டி நியமிக்கப்பட்டார். அதே ஆண்டு மத்திய அரசு முதல் கட்டமாக ₹ 1639 கோடி ஒதுக்கியது.

ஐதராபாத் மெட்ரோ திட்டம் பெப்ரவரி-மார்ச் 2013 இல் நியூயார்க்கில் நடைபெற்ற உலகளாவிய உள்கட்டமைப்பு கண்காட்சியில் சிறந்த 100 உலகளாவிய உள்கட்டமைப்பு திட்டங்களில் ஒன்றாக காட்சிப்படுத்தப்பட்டது.

2015 ஆம் ஆண்டு L&T ஐதராபாத் மெட்ரோ திட்டம் (LTMRHL) சிறந்த மனிதவளம் மற்றும் திறமையான திட்டமிடலுக்கான விருது கிடைத்தது.' category.

2018 ஆம் ஆண்டு ரசூல்பூரா, பாரடைஸ் மற்றும் பிரகாஷ் நகர் மெட்ரோ நிலையங்களுக்கு இந்திய பசுமை கட்டிடங்கள் அவை (IGBC) பசுமை எம்.ஆர்.டி.எஸ் பிளாட்டினம் விருது வழங்கியது.

2018 ஆம் ஆண்டு இந்திய அரசு ஐதராபாத் மெட்ரோவுக்கு சிறப்பான நகர்ப்புற போக்குவரத்து திட்டம் என்று தேர்வு செய்து விருது வழங்கியது.

தற்போது, ​​ஐதராபாத் மெட்ரோவில் 57 நிலையங்கள் உள்ளன. அறிவிப்பு பலகைகள் மற்றும் மின்னணு காட்சி வழிகாட்டிகள் நகரும் படிகட்டுகள் மற்றும் லிஃப்ட் ஆகியவற்றைக் கொண்டுள்ளன. இந்த நிலையங்களில் இணைப்வு சாலைகள் உள்ளன, மற்ற பொது போக்குவரத்துகளை பயன்படுத்த இணைப்புகள் ஏற்படுதடுத்தப்பட்டுள்ளது.