ஆல்பிரட் வெர்னெர் (Alfred Werner) (12 திசம்பர் 1866 – 15 நவம்பர் 1919) என்பவர் சுவிட்சர்லாந்து நாட்டின் வேதியியலாளர் ஆவார்.
இவர் சுவிட்சர்லாந்து நடுவண் தொழில்நுட்ப நிறுவனம், சூரிக்கின் மாணவரும், சூரிக்கு பல்கலைக்கழகத்தின் பேராசிரியரும் ஆவார். இவர் இடைநிலை உலோக அணைவுச் சேர்மங்களில் எண்முகி மூலக்கூறு வடிவினை முன்மொழிந்தமைக்காக 1913 ஆம் ஆண்டில் வேதியியலுக்கான நோபல் பரிசினை வென்றார். வெர்னர் நவீன அணைவு வேதியியலுக்கான அடிப்படைக் கோட்பாடுகளை உருவாக்கினார். இவரே நோபல் பரிசினை வென்ற முதல் கனிம வேதியியலாளர் ஆவார். அவர் 1973 ஆம் ஆண்டிற்கு முன்னதாகப்பெற்ற ஒரே நபர் ஆவார்.
ஆல்பிரட் வெர்னெர் | |
---|---|
பிறப்பு | 12 திசம்பர் 1866 மல்ஹவுஸ், ஆவ்ட்-ரின், அல்சாசே, பிரான்சு |
இறப்பு | 15 நவம்பர் 1919 சூரிக்கு, சுவிட்சர்லாந்து | (அகவை 52)
தேசியம் | சுவிட்சர்லாந்து |
துறை | கனிம வேதியியல் |
பணியிடங்கள் | சூரிக் பல்கலைக்கழகம் |
கல்வி கற்ற இடங்கள் | சூரிக் பல்கலைக்கழகம் சுவிட்சர்லாந்து நடுவண் தொழில்நுட்ப நிறுவனம், சூரிக் |
அறியப்படுவது | இடைநிலை உலோகங்களின் அணைவுச் சேர்மங்களின் அமைப்பு |
விருதுகள் | வேதியியலுக்கான நோபல் பரிசு (1913) |
வெர்னர் பிரான்சு நாட்டில் அல்சாசில் உள்ள மல்ஹவுசில் 1866 ஆம் ஆண்டில் பிறந்தார். இந்தப் பகுதி 1871 ஆம் ஆண்டில் செருமனியுடன் இணைக்கப்பட்டது, இவர் கத்தோலிக்க திருச்சபையினைச் சார்ந்தவராக இருந்தார். இவர் வேதியியலை, சூரிக், சுவிட்சர்லாந்து நடுவண் தொழில்நுட்ப நிறுவனத்தில் பயின்றார். இதே நிறுவனத்தில் ஆராய்ச்சியில் முனைவர் பட்டத்தைப் பெற்றார். பாரீசு நகரில் முனைவர் பட்டத்திற்குப் பிந்தைய ஆய்வினை முடித்த பிறகு 1892 ஆம் ஆண்டில் சூரிக்கிற்குத் திரும்பினார். 1893 ஆம் ஆண்டில் சூரிக் பல்கலைக்ழகத்திற்குச் சென்ற இவர் 1895 ஆம் ஆண்டில் அந்நிறுவனத்தின் பேராசிரியரானார். அதே ஆண்டில் அவர் சுவிட்சர்லாந்துக் குடியுரிமையைப் பெற்றார்.
1893 ஆம் ஆண்டில் அணைவு அயனிகளைக் கொண்ட அணைவுச் சேர்மத்திற்கான சரியான அமைப்பினை முதன் முதலில் முன்மொழிந்தவர் ஆவார். அந்தச் சேர்மத்தில் மைய உலோக அணுவானது, நடுநிலையான அல்லது எதிர்மின் ஈனிகளால் சூழப்பட்டதாக இருந்தது.
This article uses material from the Wikipedia தமிழ் article ஆல்பிரட் வெர்னெர், which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.