Xhevdet Peci (17 prill 1955 - 9 maj 2022) ishte boksier dhe trajner shqiptar i boksit, ish pjesëtar i KBx Prishtina, disa herë ishte kampion i ish-Jugosllavisë në boks.
Xhevdet Peci u lind me 17 Prill 1955 në fshatin Zhazhë (asokohe pjesë e Komunës së Mitrovicës ndërsa tani pjesë e Komunës së Zveçanit). Shkollimin fillor dhe të mesëm i kreu në Mitrovicë, ndërsa Fakultetin e Shkencave Sportive në Prishtinë. Nisi të merret me boks në moshën 16-vjeçare në KB "Akumulatori" të Mitrovicës. Në gjysmësezonin 1973/74 kaloi në KBx Prishtina. Në periudhën 1975-1983 i fitoi pesë tituj të kampionit të ish-Jugosllavisë në boks. Është shpallur katër herë kampion i ish Jugosllavisë për kategorinë e rëndë, ndërsa i ka fituar edhe dy tituj të kampionit ballkanik. Xhevdet Peci ka boksuar deri në vitin 1986, kur pas një padrejtësie në referim e pati goditur një gjyqtar serb, arsye që bëri të përjashtohej përjetë nga boksi. Më vonë dënimi i është falur. Një kohë ka qenë përzgjedhës i përfaqësueses së boksit të Kosovës.
This article uses material from the Wikipedia Shqip article Xhevdet Peci, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.