Taulant Fatmir Seferi (lindur më 15 nëntor 1996) është një futbollist profesionist shqiptar i cili luan si sulmues për emirat Baniyas, në huazim nga Vorskla Poltava, dhe kombëtaren shqiptare.
Të dhënat vetjake | |||
---|---|---|---|
Emri i plotë | Taulant Fatmir Seferi | ||
Datëlindja | 15 nëntor 1996 | ||
Vendlindja | Kumanova, Maqedoni | ||
Gjatësia | 1.77 m (5 ft 10 in) | ||
Pozicioni | Sulmues | ||
Të dhënat e klubit | |||
Klubi aktual | Baniyas (në huazim nga Vorskla Poltava) | ||
Numri | 99 | ||
Karriera me të rinjtë | |||
2002–2011 | Milano Kumanovë | ||
2011–2013 | Rabotnichki | ||
Karriera me klube* | |||
Vitet | Klubi | Ndeshje | (Golat) |
2012–2014 | Rabotnički | 31 | (6) |
2015–2016 | Young Boys II | 14 | (6) |
2015–2021 | Young Boys | 8 | (0) |
2018 | → Wohlen (huazim) | 8 | (3) |
2018–2019 | → Winterthur (huazim) | 31 | (10) |
2019–2020 | → Neuchâtel Xamax (huazim) | 29 | (1) |
2021 | → Tirana (huazim) | 23 | (7) |
2021–2022 | Tirana | 36 | (19) |
2022– | Vorskla Poltava | 24 | (11) |
2023– | → Baniyas (huazim) | 7 | (3) |
Karriera ndërkombëtare‡ | |||
2009 | Maqedonia U15 | 9 | (7) |
2011–2012 | Maqedonia U17 | 3 | (2) |
2012–2013 | Maqedonia U18 | 5 | (3) |
2013 | Maqedonia U19 | 10 | (4) |
2014–2016 | Maqedonia U21 | 2 | (1) |
2014 | Maqedonia | 2 | (0) |
2017–2018 | Shqipëria U21 | 12 | (2) |
2019– | Shqipëria | 16 | (3) |
*Ndeshjet dhe golat me klubet llogariten vetëm për ligën vendase – redaktuar më 27 maj 2022 ‡ Ndeshjet dhe golat me ekipin kombëtar të redaktuar më 12 tetor 2023 |
Seferi e nisi karrierën e tij futbollistike me klubin e qytetit të lindjes, FK Milano Kumanovë. Në vitin 2011, ai u transferua te FK Rabotnički.
Seferi bëri debutimin e tij me Rabotničkin më 5 tetor 2013 në ndeshjen kundër Bregalnica Štip, duke u aktivizuar në minutën e 91të si zëvëndësues në vend të Krste Velkoski. Në atë kohë ai ishte 16 vjeç, 10 muaj e 20 ditë, duke u bërë një nga debutuesit më të rinjë në futbollin maqedonas.
Ai shënoi golin e parë si profesionist më 23 nëntor 2013 në fitoren bindëse 5–0 kundër KF Shkëndijes; ai u aktivizua si zëvëndësues në minutën e 61të dhe shënoi 20 minuta më pas. Ai e mbylli sezonin e parë me Rabotničkin me 3 gola në 16 ndeshje. Në sezonin 2014–15, ai u aktivivua në 12 ndeshje pa mundur të shënojë.
Në janar 2015, Seferi u transferua në Zvicër te BSC Young Boys. Ai fillimisht luajti me ekipin nën-21 në 1. Liga Classic. Debutimi i tij me ekipin e parë erdhi më 14 shkurt në fitoren 4–2 në shtëpi kundër Grasshoppers, në ndeshjen e vlefshme për javën e 20të të Super Ligës Zvicerane.
Pesë ditë më pas, Seferi luajti ndeshjen e tij të parë në kompeticionet evropiane, duke u aktivizuar si zëvëndësues në ndeshjen kundër Evertonit në raundin e 32-tave të UEFA Ligës së Evropës.
Seferi fitoi vendin e titullarit nën drejtimin e trajnerit Uli Forte, duke u aktivizuar në çdo ndeshje. Megjithatë, në mars, ai pësoi një dëmtim të rëndë në gju dhe j'u nënshtrua operacionit. Pas operacionit, u konfirmua se Seferi do të qëndronte jashtë fushave të lojës për disa muaj. Në janar 2016, Seferi pësoi një tjetër dëmtim madhor, duke këputur tendinën patelare që do t'a mbante jashtë fushave të lojës për të paktën nëntë muaj.
Ai u rikthye nga dëmtimi i rëndë në tetor 2016, duke u aktivizuar me ekipin nën-21. Ai luajti ndeshjen e parë me ekipin e parë pas gati dy vitesh më 5 shkurt 2017, duke u aktivizuar në minutat e fundit kundër Sionit.
Më 10 korrik 2019, Seferi u huazua te Neuchâtel Xamax FCS për një sezon.
Më 4 janar 2021, Seferi u huazua te klubi shqiptar Tirana për pjesën e mbetur të sezonin 2020–21. Ai mori fanellën me numrin 99 dhe bëri debutimin e tij zyrtar më 16 janar në fitoren 2–1 kundër Kastriotit, duke u aktivizuar si zëvëndësues në vend të Ardit Tolit.
Seferi shënoi golin e tij të parë në Kategorinë Superiore më 31 janar kundër Apolonisë, duke finalizuar asistin e Ernest Muçit në minutën e 77të. Në përfundimin e sezonit, Tirana i ofroi Seferit një kontratë tre-vjeçare, të cilën ai e pranoi. Në qershor 2021, Seferi u huazua te Teuta për ndeshjet e tyte në UEFA Ligën e Kampioneve.
Seferi ishte një nga lojtarët kryesor të Tiranës në sezonin 2021–22, e cila u mbyll me fitimin e kampionatit për herë të 26të në histori. Ai shënoi 19 gola në 35 ndeshje, po aq sa Saliou Guindo i Laçit, i cili fitoi Këpucën e Artë për shkak se kishte luajtur më pak minuta se Seferi. Gjatë sezonit, ai formoi një dyshe të suksesshme në sulm me talentin Redon Xhixha: ata sëbashku shënuan dhe asistuan 49 nga 64 golat në kampionat të Tiranës.
Më 20 gusht 2022, Seferi firmosi me klubin ukrainas Vorskla Poltava një kontratë tre-vjeçare. Vorskla i pagoi Tiranës 500,000 $ kurse Seferi do të përfitonte 700,000 $ në gjatë tre viteve.
Në korrik 2023, Seferi u huazua për një sezon te Baniyas në Emiratet e Bashkuara Arabe.
Seferi luajti ndeshjen e tij të parë me Maqedoninë më 26 maj 2014 në ndeshjen miqësore kundër Kamerunit, duke zëvëndësuar Besart Abdurahimin në minutën e 57të. Duke u aktivizuar në këtë ndeshje, Seferi u bë lojtari më i ri në historinë e kombëtares maqedonase që luan një ndeshje, në moshën 17 vjeç e 6 muajsh. Ai theu rekordin e legjendës maqedonase Goran Pandev, i cili e kishte vendosur atë rekord më 6 qershor 2001 kundër Turqisë në moshën 17 vjeç, 10 muaj dhe 11 ditë.
Në janar 2017, media shqiptare raportoi se trajneri i shpresave nën-21, Alban Bushi, e kishte bindur Seferi për të luajtur me kuqezinjtë. Në një tjetër intervistë, Bushi deklaroi se ai e kishte ftuar Seferin për një kamp përgatitor por ai nuk ishte lejuar nga ekipi i tii, i cili në atë kohë po zhvillonte fazën përgatitore. Federata Shqiptare e Futbollit e pajisi Seferin me pasaportën shqiptare për t'a të disponueshëm për fushatën kualifikuese të UEFA Kampionatit Evropian nën-21 të Futbollit 2019.
Më 18 mars 2017, ai mori ftesën zyrtare nga ekipi nën-21 për dy ndeshjet miqësore kundër Moldavisë. Dy ditë më vonë, atij j'u dha pasaporta shqiptare nga presidenti Bujar Nishani. Ai debutoi në ndeshjen e parë më 25 mars e cila u mbyll në barazim pa gola; ai luajti si titullar. Seferi u aktivizua si titullar edhe në ndeshjen tjetër më 27 mars; Shqipëria fitoi 2–0.
Më 12 qershor 2017, Seferi luajti ndeshjen e tij të parë kompetitive kundër Estonisë në ndeshjen hapëse kualifikuese të Kampionatit Evropian nën-21; ai luajti 90 minuta të plota me ndeshjen që u mbyll në barazim pa gola. Ai shënoi golat e vetëm me kombëtaren nën-21 në formën e një dopiete më 18 tetor 2018 në barazimin 2–2 në ndeshjen e kthimit kundër Estonisë. Shqipëria e mbylli grupin e tyre në vendin e parafundit me vetëm një fitore në 10 ndeshje, duke mbledhur 7 pikë.
Reja mori thirrjen e parë nga trajneri Edoardo Reja në kombëtaren e parë në nëntor 2019 për dy ndeshjet mbyllëse të kualifikueseve të UEFA Euro 2020 kundër Andorrës dhe Francës. Ai debutoi kundër Andorrës, duke u aktivizuar si zëvëndësues në pjesën e dytë me ndeshjen që u mbyll në një barazim zhgënjyes 2–2 në Elbasan Arena.
Seferi u përdor shumë pak gjatë fushatë së UEFA Ligës së Kombeve C 2020–21, duke mbledhur 90 minuta në tre ndeshje të luajtura. Shqipëria fitoi grupin e saj dhe u ngjit në Ligën B. Më 5 qershor 2022, Seferi shënoi golin e tij të parë ndërkombëtar me Shqipërinë në barazimin 1–1 në transfertë kundër Islandës në UEFA Ligën e Kombeve B 2021–22.
Klubi | Sezoni | Liga | Kupa | Evropa | Tjetër | Gjithsej | ||||||
---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Rabotnički | 2013–14 | Liga e Parë Maqedonase | 16 | 3 | 4 | 1 | — | — | 20 | 4 | ||
2014–15 | 12 | 0 | 1 | 0 | 2 | 0 | — | 15 | 0 | |||
Gjithsej | 28 | 3 | 5 | 1 | 2 | 0 | 0 | 0 | 35 | 4 | ||
Young Boys II | 2014–15 | Swiss 1. Liga | 1 | 0 | — | — | — | 1 | 0 | |||
2015–16 | 1 | 0 | — | — | — | 1 | 0 | |||||
2016–17 | 12 | 6 | — | — | — | 12 | 6 | |||||
Gjithsej | 14 | 6 | 0 | 0 | 0 | 0 | 0 | 0 | 14 | 6 | ||
Young Boys | 2014–15 | Super Liga Zvicerane | 1 | 0 | — | 1 | 0 | — | 2 | 0 | ||
2015–16 | 0 | 0 | — | 0 | 0 | — | 0 | 0 | ||||
2016–17 | 7 | 0 | 0 | 0 | 0 | 0 | — | 7 | 0 | |||
2017–18 | 0 | 0 | — | — | — | 0 | 0 | |||||
2018–19 | 0 | 0 | — | — | — | 0 | 0 | |||||
2019–20 | 0 | 0 | — | — | — | 0 | 0 | |||||
2020–21 | 0 | 0 | — | 0 | 0 | — | 0 | 0 | ||||
Gjithsej | 8 | 0 | 0 | 0 | 1 | 0 | 0 | 0 | 9 | 0 | ||
Wohlen (huazim) | 2017–18 | Challenge League Zvicerane | 13 | 3 | — | — | — | 13 | 3 | |||
Winterthur (huazin) | 2018–19 | Challenge League Zvicerane | 32 | 10 | 2 | 0 | — | — | 34 | 10 | ||
Neuchâtel Xamax (huazim) | 2019–20 | Super Liga Zvicerane | 29 | 1 | 1 | 0 | — | — | 30 | 1 | ||
Tirana (huazim) | 2020–21 | Kategoria Superiore | 23 | 7 | — | — | — | 23 | 7 | |||
2021–22 | 34 | 19 | 2 | 0 | — | — | 36 | 19 | ||||
2022–23 | 1 | 0 | 0 | 0 | 4 | 0 | — | 5 | 0 | |||
Gjithsej | 58 | 26 | 3 | 0 | 4 | 0 | 0 | 0 | 65 | 26 | ||
Teuta (huazim) | 2021–22 | Kategoria Superiore | — | — | 6 | 0 | — | 6 | 0 | |||
Gjithsej karriera | 182 | 49 | 10 | 1 | 13 | 0 | 0 | 0 | 205 | 50 |
Ekipi kombëtar | Viti | Ndsh | Gola |
---|---|---|---|
Maqedonia | 2014 | 2 | 0 |
Gjithsej | 2 | 0 | |
Shqipëria | 2019 | 1 | 0 |
2020 | 4 | 0 | |
2021 | 3 | 0 | |
2022 | 2 | 1 | |
2023 | 6 | 2 | |
Gjithsej | 16 | 3 |
Nr. | Data | Vendi | Ndsh | Kundërshtari | Goli | Rezultati | Kompeticioni |
---|---|---|---|---|---|---|---|
1 | 5 qershor 2022 | Laugardalsvöllur, Reykjavík, Islandë | 9 | Islanda | 0–1 | 1–1 | Liga e Kombeve 2022–23 |
2 | 12 tetor 2023 | Arena Kombëtare, Tiranë, Shqipëri | 16 | Republika Çeke | 2–0 | 3–0 | Kualifikueset e UEFA Euro 2024 |
3 | 3–0 |
This article uses material from the Wikipedia Shqip article Taulant Seferi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.