Statusi Personal Në Shqipëri Në Epokën E Skënderbeut

Botuesi: Plejad. Faqet e librit 224.

Qytetet kryesore shqiptare të asaj kohe, ato përgjatë bregut të Adriatikut, e jo shumë larg prej tyre, si Durrësi, Shkodra, Ulqini, Drishti, Lezha dhe Tivari e konsideronin vetveten "latine". Po në çfarë elementesh konsistonte një "latinitet" i tillë? Në veçanti, na duhet të besojmë se "autoritetet noteriale të perandorisë" të ardhur prej shkollave të Bolonjës, Padovës, Napolit, e ndoshta dhe Pavisë, nuk qenë të kufizuara vetëm në njohjen e koncepteve të së drejtës imperiale romane (ose gjermanike) apo ta asaj kanonike, por qenë të ndikuara jo pak nga mentaliteti juridik i komunave italiane, aq më tepër që gjendeshin në shërbim jo të Zotërinjve, por të komunitetit. Falë kësaj veçantie, besojnë se qe e mundur prirja e tyre për institucione të lira dhe për formimin e statuteve lokalë, që merr në trajtim ky libër.