Plazhi I Shëngjinit
Plazhi i Shëngjinit është një prej plazheve më të përmendur të veriut të Shqipërisë, i njohur veçanërisht për kualitetin e rërës.
Gjendet 8 km larg qytetit të Lezhës.
Gjeografia
Plazhi i Shëngjinit është një plazh i cili shtrihet në perëndim të qytetit të Lezhës, nga Shëngjini në veri dhe deri në anën e djathtë të grykëderdhjes së Drinit të Lezhës, në jug të ishullit Kune. Plazhi ka një gjatësi prej 9 km dhe gjerësi deri 30 - 40 m. Pjesa më rekreative e Plazhit të Shëngjinit është zona e ishullit Kune, ku janë ngritur një varg restorantesh dhe objektesh tjera hotelerie. Zona përreth Plazhit të Shëngjinit, është e populluar dendur, me 200 banorë për kilometër katror. Klima është e butë. Temperatura mesatare vjetore është 16 ° C, me 250 - 300 ditë me diell në vit. Muaji më i ngrohtë është korriku, kur temperatura mesatare është 27 ° C, dhe më i ftohti është janari, me 4 ° C. Reshjet mesatare vjetore janë 1,578 milimetra. Muaji me më shumë reshje atmosferike është nëntori, me reshje mesatare prej 185 mm, ndërsa më i thati është gushti, me 37 mm reshje atmosferike. Në veri të plazhit të Shëngjinit në një largësi prej 2.5 km, rrëzë kodrave të Rencit, gjendet i mbrojtur nga erërat plazhi i "Ranës së Hedhun".
Shih edhe
Referime
Lidhje të jashtme
- Lezha Travel and Tourism
- Njesia administrative Shëngjin Arkivuar 7 korrik 2020 tek Wayback Machine (PDF)
This article uses material from the Wikipedia Shqip article Plazhi i Shëngjinit, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.