Pedro Rodríguez Ledesma: Futbollist spanjoll

Roma">Roma dhe me kombëtaren spanjolle.

Pedro

Pedro në vitin 2008
Të dhënat vetjake
Emri i plotë	Pedro Eliezer Rodríguez Ledesma
Datëlindja	(1987-07-28) 28 korrik 1987 (36 vjeç)
Vendlindja	Santa Cruz de Tenerife, Spanjë
Gjatësia	1.69 m (5 ft 7 in)
Pozicioni	Sulmues / Anësor
Të dhënat e klubit
Klubi aktual	Roma
Numri	11
Karriera me të rinjtë
2003–2004	San Isidro
2004–2005	Barcelona
Karriera me klube*
Vitet	Klubi	Ndeshje	(Golat)
2005–2007	Barcelona C	70	(10)
2007–2009	Barcelona B	55	(17)
2008–2015	Barcelona	171	(52)
2015–2020	Chelsea	137	(29)
2020–	Roma	3	(1)
Karriera ndërkombëtare‡
2008	Spanja U21	2	(0)
2010–	Spanja	64	(17)
*Ndeshjet dhe golat me klubet llogariten vetëm për ligën vendase – redaktuar më 4 tetor 2020 ‡ Ndeshjet dhe golat me ekipin kombëtar të redaktuar më 6 shtator 2017

Ai zakonisht luan me topin me këmbën e majtë por këmba e tij e preferuar është e djathta. Ai mund të luaj në të dy anët e fushës, ai është e shkëlqyer në gjetjen e pozicionit e duhur dhe ka një gjuajtje të fortë nga distanca.

Gjatë sezonit 2009–10 në klubin e tij FC Barcelona, ai u bë lojtari i parë që shënon gol në gjashtë kompedicione zyrtare në 1 sezon (më pas u bashkua edhe Lionel Messi).

Pedro ka përfaqsuar Spanjën në Kupën e Botës 2010 dhe UEFA Euro 2012, duke ndihmuar kombëtaren që ti fitoj të dy kompedicionet.

Vitet e hershme

Lindur në Santa Cruz de Tenerife, Tenerife, Canary Islands, Pedro u bashkua me Barcelonën që në moshën 17 vjeç, duke arritur nga klubi lokal i tij CD San Isidro.

Barcelona

Pedro ishte një lojtar kyç në skuadrën e rezervave duke shënuar 7 gola në 37 ndeshje. Më 12 janar 2008, ai bëri debutimin e tij me skuadrën e parë, ai luajti një minutë në fitoren 4–0 në Camp Nou kundër Real Murcia.

2008–2010: Debutimi me ekipin e parë dhe shpërtimi

Pedro ishte pjesë e ekipit të parë të Barcelonës në fazën përgatitore para fillimit të sezonit 2008–09, duke u aktivizuar në disa ndeshje miqësore. Ai bëri paraqitje pozitive, duke shënuar në ndeshjet kundër Hibernian dhe New York Red Bulls. Më 13 gusht, Pedro luajti ndeshjen e parë si titullar (më vonë u zëvendësua nga Yaya Touré) në fitoren 4–0 kundër klubit polak Wisła Kraków për raundin e tretë kualifikues të Ligës së Kampioneve. Ndeshja e tij e parë në fazën e grupeve në këtë kompeticion erdhi më 16 shtator në fitoren 3–1 kundër Sporting, duke zëvëndësuar francezin Thierry Henry gjatë ndeshjes.

Në sezonin 2008–09 ku Barcelona fitoi Tripletën, Pedro regjistroi 14 ndeshje në të gjitha kompeticionet; ai luajti 6 ndeshje në La Liga, duke koleksionuar 365 minuta. Në Kupën e Mbretit, ai luajti dy ndeshje si zëvëndësues (në të dy rastet si zëvëndësues i Lionel Messit), respektivisht kundër Benidorm CF dhe Atlético Madrid. Në finalen e Ligës së Kampioneve, ai luajti në minutën e fundit si zëvëndësues në vend të Andrés Iniestës.

Në sezonin 2009–10, trajneri Pep Guardiola konfirmoi se Pedro do të ishte lojtar i skuadrës së parë. Në sezonin e tij të parë si lojtar i ekipit të parë, Pedro shënoi në gjashtë kompeticione zyrtare në një vit të vetëm, duke vendosur një rekord. Më 16 gusht, pasi dhuroi asistin e golit të parë të Xavit, Pedro shënoi golin e parë me fanellën e Barcelonës në fitoren 2–1 kundër Athletic Bilbao në stadiumin San Mamés në ndeshjen e parë të finales së Superkupës Spanjolle. Po në atë javë, ai firmosi kontratën e parë si profesionist me Barcelonën, e cila do të ishte e vlefshme deri në qershor 2014. Ai gjithashtu ju vendos një klauzolë lirimi 60 milion £. Në ndeshjen e UEFA Super Kupës kundër ukrainasve të Shakhtar Donetsk, ai hyri si zëvëndësues në vend të Zlatan Ibrahimović në minutën e 80të dhe arriti të shënojë golin e vetëm të ndeshjes në kohën shtesë duke i dhuruar skuadrës trofeun.

Më 28 shtator, Pedro shënoi golin e parë në Ligën e Kampioneve, pasi zëvëndësoi Iniestën në fillim të pjesës së dytë në fitoren 2–0 kundër Dynamo Kyiv. Ai vazhdoi formën e tij të mirë duke shënuar edhe golin e parë në ligë kundër Almerías, me një gjuajtje gjeniale që vulosi suksesin 1–0. Në muajin e ardhshëm ai shënoi një dygolësh në ndeshjen e parë të raundit të 32-tave në Kupës së Mbretit kundër Cultural y Deportiva Leonesa, duke ndihmuar skuadrën të fitojë ndeshjen 2–0. Ai gjithashtu shënoi në ndeshjen e kthimit e cila u mbyll me një fitoren 5–0.

Pak nga pak ai po e vendoste veten në formacionin titullar dhe kjo gjë bëri që bëri që ai të edhe një dygolësh tjetër në fitoren 4–2 në ligë kundër Majorkës. Ai vazhdoi formën e tij të shënimit duke shënoi një nga dy golat në fitoren 2–0 kundër Interit në ndeshjen e fazës së grupeve të Ligës së Kampioneve.

 

Më 16 dhjetor, Pedro shënoi në gjysëm-finalen e Kupës së Botës për Klubeve kundër Atlante FC, në një fitore 3–1. Duke shënuar atë gol, ai u bë lojtari i parë në histori që shënon në gjashtë kompedicione të ndryshme për klube në një sezon – në tre turnamente të mëdha, UEFA Liga e Kampioneve, Super Kupa dhe Kupa e Botës për Klube. Ai u shpall Lojtari më i mirë i javës në botës nga Goal.com pas performancës së tij respektivisht kundër RCD Espanyol, Atlante dhe Estudiantes de La Plata e Argjentinës.

Në një rikthim emocionues në qytetin e tij të lindjes Tenerife, në një ndeshje kundër klubit të qytetit CD Tenerife më 10 janar 2010, Pedro hyri si zëvëndësues në minutën e 76të dhe ishte protagonist i autogolit të mbrojtësit Ezequiel Luna, me ndeshjen e cila në fund u mbyll me fitoren 5–0 – në shenjë respekti, ai vendosi të mos festojë. Më 10 prill, ai shënoi golin e dytë në fitoren 2–0 kundër Real Madrid, në paraqitjen e tij të parë në El Clásico.

Më 14 prill, në një ndeshje lige kundër Deportivo de La Coruña, portieri kundërshtar Daniel Aranzubia largoi topin nga zona e 16 metrave, topi shkoi direkt te këmbët e Pedros, i cili goditi nga rreth 45 metra për të shënuar dhe për t'i dhënë Barcelonës kyresimin 2–0 dhe në fund fitoren 3–0. Ai gjithashtu e gjeti golin në humbjen 3–1 kundër Interit në ndeshjen e parë të gjysëm-finales së Ligës së Kampioneve në San Siro.

Pedro shënoi në tre ndeshjet e fundit të kampionatit, me katalanasit që treguan sërisht dominimin e tyre: golat e tij erdhën kundër Tenerifes (fitore 4–1), Seviljes (fitore 3–2), dhe Valladolidit (fitore 4–0). Ai e përfundoi sezonin 2009–10 me 53 ndeshje në të gjitha kompeticionet dhe 23 gola. Më 9 qershor 2010, firmosi një kontratë të re pesë-vjeçare me Barcelonën.

2010–2014: Suksesi i vazhdueshëm kolektiv

Pedro e nisi sezonin 2010–11 si titullar në formacion. Më 29 nëntor 2010, ai shënoi golin e dytë në fitoren historike 5–0 në shtëpi kundër Real Madrid, duke ndihmuar ekipin të merrte kryesimin e kampionatit Një muaj më pas, ai shënoi një dygolësh në derbin lokal kundër Espanyolit, me Barcelonën që fitoi 5–1.

Më 20 prill 2011, Pedro shënoi kundër Real Madridit në pjesën e dytë të finales së Kupës së Mbretit, por goli u anullua për pozicion të pa rregullt, me Barcelonën që humbi ndeshjen 1–0 në kohën shtesë. Më 3 maj, kundër të njëjtit kundërshtar, në ndeshjen e kthimit të gjysëm-finales së Ligës së Kampioneve, ai gjeti golin duke mposhtur Iker Casillas në në një barazimin 1–1 (3–1 rezultati i përgjithshëm). Ky ishte goli i tij i 21të sezonal. Në finalen e Ligës së Kampioneve, ai shënoi golin e parë në suksesin 3–1 kundër Manchester United.

Më 6 korrik 2011, Pedro i shtoi edhe një vit kontratës së tij me klubin, e cila do tani do të skandonte në qershor 2016. Klauzola e lirimit të tij u rrit nga 90 milion € në 150 milion €. Pas blerjes së Alexis Sánchez dhe shfaqjes së lojtarëve të rinjë si Isaac Cuenca dhe Cristian Tello, ai luajti më pak ndeshje gjatë sezonit 2011–12, duke pasur probleme edhe me dëmtimet. Ai e përfundoi sezonin me 13 gola, përfshirë dy gola në fitoren 3–0 kundër Athletic Bilbao në finalen e Kupës së Mbretit.

2014–2015: Tripleta dhe sezoni i fundit

Më 21 shtator 2013, Pedro shënoi një tregolësh në suksesin 4–0 në transfertë kundër Rayo Vallecanos. Më 22 dhjetor, në një tjetër transferë, ai shënoi edhe tre të tjerë – të tre në pjesën e parë dhe brënda nëntë minutave – për të ndihmuar Barcelonën të përmbyste rezultatin 0–2 dhe në fund të fitonte 5–2 kundër Getafes. Më 16 dhjetor 2014, Pedro shënoi një tjetër tregolësh, këtë herë në ndeshjen e kthimit të raundit të 32-tave në Kupën e Mbretit kundër Huescas, me Barcelonën që regjistroi një fitore 8–1 në Camp Nou.

Chelsea

Më 20 gusht 2015, Pedro u transferua te kampionët e Premier Ligës Çelsi në një marrëveshje katër-vjeçare për 19 milion £ (26.6 milion €), që mund të rritej në 21.4 milion £ (30 milion €) në bazë të paraqitjeve. Ai debutoi tre ditë më vonë në ndeshjen si vizitor kundër West Bromwich Albion, në fillim duke shënuar e më pas duke asistuar golin e bashkëkombasit të tij Diego Costa në një fitore 3–2, e para e Çelsit për sezonin e ri. Performanca e tij në debutim u vlerësua edhe nga trajneri i ekipit José Mourinho. Më 19 dhjetor, Pedro shënoi golin e dytë të fitores 3–1 kundër Sunderland, duke regjistruar golin e parë në Stamford Bridge. Më 13 shkurt, ai shënoi një dygolësh në fitoren 5–1 kundër Newcastle United, një arritje që e përsëriti edhe në fitoren 4–0 kundër Aston Villës.

Më 29 maj 2019, Pedro shënoi në fitoren 4–1 të Çelsit kundër Arsenalit në finalen e Ligës së Evropës; si rezultat i kësaj, ai u bë lojtari i pestë që shënon në një finale të Kupës Evropiane/Ligës së Kampioneve dhe Kupës UEFA/Ligës së Evropës pas Allan Simonsen, Dmitri Alenichev, Hernán Crespo dhe Steven Gerrard.

Roma

Më 25 gusht 2020, Pedro firmosi një kontratë tre-vjeçare me klubin italian Roma si një lojtar i lirë. Më 3 tetor, ai shënoi golin e parë me Romën në transferën ndaj Udineses, duke mposhtur portierin me një gjuajtje të fuqishme nga distanca; ky gol i dha Romës tre pikët dhe fitoren e parë në Serie A për sezonin 2020–21.

2010–2012: Debutimi dhe suksesi në Botëror dhe Evropian

Më 20 maj 2010, falë paraqitje të tij pozitive gjatë sezonit 2009–10, Pedro ishte pjesë e listës me 23 lojtarë të trajnerit Vicente del Bosque për të luajtur në Kupën e Botës 2010 që u zhvillua në Afrikën e Jugut. Ai bëri debutimin e tij me kombëtaren më 29 maj në miqësoren e fituar 3–2 kundër Arabisë Saudite, dhe luajti ndeshjen e tij të dytë pesë ditë më vonë, në një tjetër miqësore të fituar 1–0 kundër Koresë së Jugut ku ai hyri në fushë në minutën e 58të.

 

Më 8 qershor 2010, në ndeshjen e fundit miqësore para fillimit të Kupës së Botës në Afrikën e Jugut, kundër Polonisë, Pedro shënoi golin e parë ndërkombëtarë, si dhe asistoi Fernando Torresin në një fitore madhore 6–0. Në Kupën e Botës, ai luajti në pesë ndeshje (tre si zëvëndësues në minutat e fundit): më 7 korrik, në gjysëm-finalen kundër Gjermanisë, ai e nisi ndeshjen si titullar në vend të Torres, i cili kishte qënë poshtë pritshmërive në ndeshjet e para. Në minutën e 82të, në momentin që Spanja po kryesonte 1–0, Pedro vendosi të shënonte vetë në vend që të pasonte te Torres, i cili ishte i lirë dhe në një pozicion më të favorshëm për të shënuar, megjithatë, performanca e tij u konsiderua pozitive. Pavarësisht këtij gabimi, ai u zgjodh për të luajtur si titullar në finale, ku Spanja mposhti Holandën me rezultatin 1–0 pas kohës shtesë; ai u zëvendësua në përfundim të pjesës së parë nga Jesús Navas.

Pedro luajti gjithsej dy ndeshje në kualifikueset e UEFA Euro 2012 dhe shënoi golin e dytë me kombëtaren më 7 qershor 2011 në fitoren 3–0 kundër Venezuelës në një ndeshje miqësore.

Pedro ishte në listën e 23 lojtarëve të thirrur nga Del Bosque për të luajtur në Euro 2012. Ai nuk u aktivizua në asnjë ndeshje në grup që u fitua nga Spanja me 7 pikë. Ai debutoi në ndeshjen çerek–finale kundër Francës, duke u aktivizuar si zëvëndësues në minutën e 65të në vend të mesfushorit David Silva. Në minutën e 90të, ai fitoi një penallti pas një ndërhyrje të gabuar të mbrojtësit kundërshtar Anthony Réveillère. Penalltia e fituar nga ai u kthye në gol nga Xabi Alonso, i cili me dopietën e tij i dha fitoren Spanjës 2–0. Ai u aktivizua edhe disa minuta në ndeshjen gjysëm-finale kundër Portugalisë, ku Spanja triumfoi nga gjuajtjet e penalltive. Në finale, Pedro luajti sërisht si zëvëndësues me Spanjën që arriti një fitore bindëse 4–0 kundër Italisë dhe u shpall kampione evrope për të dytin edicion rresht.

2012–2014: Fitimi i vendit të titullarit

 

Pas përfundimit të Euro 2012, Pedro shfaqi një formë shumë të mirë, duke shënuar në disa ndeshje; ai e nisi serinë e golave me një dopietë në fitoren 5–0 kundër Arabisë Saudite më 7 shtator, e cila u pasua nga një tregolësh më 12 tetor në fitoern 4–0 kundër Bjellorusisë në ndeshjen e dytë të kualifikueseve të Kupës së Botës 2014. Ai e mbylli vitin me një tjetër dopietë të shënuar, këtë herë në miqësoren e fituar 5–1 kundër Panamasë.

Pedro e nisi vitin 2013 duke i shënuar dy herë Uruguajit në miqësoren e fituar 3–1 në Doha. Në ndeshjen e rradhës kualifikuese kundër Francës, Pedro vazhdoi formën e tij mbreslënëse duke shënuar golin e vetëm të ndeshjes. Spanja i mbylli kualifikueset në vendin e parë me 20 pikë kurse Pedro ishte golashënuesi më i mirë i kombëtares me katër gola. Në maj 2013, Pedro ishte një nga 23 lojtarët e thirrur për të luajtur në Kupën e Konfederatave. Ai shënoi brënda 20 minutash në ndeshjen e parë në grupe kundër Uruguajit, duke i hapur rrugën një fitoreje 2–1. Spanja arriti deri në finale, ku u mposht me rezultatin 3–0 nga vendi organizator Brazili, me Pedron i cili luajti 90 minuta të plota.

Në maj 2014, Pedro ishte pjesë e listës përfundimtare për Kupën e Botës 2014. Ai luajti 27 minuta në ndeshjen e parë të grupit kundër Holandës, ku Spanja mori një humbje rekord 5–1 pavarësisht se shënoi e para.. Në ndeshjen e dytë, Pedro u aktivizua për 76 minuta me Spanjën që mori një humbje 2–0 nga Kili dhe u eliminua nga kompeticioni; Spanja u bë ekipi i tretë (pas Italisë, Brazilit dhe Francës) që eliminohet në fazën e grupeve duke qënë kampionja në fuqi. Ai nuk u aktivizua në ndeshjen e tretë të grupit kundër Australisë.

2014–2017: Paraqitjet sporadike

Më 8 shtator 2014, në ndeshjen e parë kualifikuese për Euro 2016 kundër Maqedonisë, Pedro e nisi ndeshjen si titullar dhe në minutën e 90të shënoi golin e pestë të skuadrës së tij duke ndihmuar që të fitonin ndeshjen 5–1.

Klube

Redaktuar më 1 gusht 2020

Kombëtarja

Redaktuar më 9 tetor 2017

Golat me kombëtaren

Redaktuar më 9 tetor 2017. Rezultatet e Spanjës të listuara të parat, kolonat e golave tregojnë rezultatin pas çdo goli të shënuar nga Pedro.

Golat me kombëtaren sipas datës, vendit, ndeshjes, kundërshtarit, rezultatit dhe kompeticionit

Nr.	Data	Vendi	Ndsh	Kundërshtari	Goli	Rezultati	Kompeticioni
1	8 qershor 2010	Nueva Condomina, Murcia, Spanjë	3	Polonia	6–0	6–0	Ndeshje miqësore
2	7 qershor 2011	José Antonio Anzoátegui, Puerto la Cruz, Venezuelë	13	Venezuela	2–0	3–0
3	7 shtator 2012	Pasarón, Pontevedra, Spanjë	19	Arabia Saudite	2–0	5–0
4					5–0
5	12 tetor 2012	Stadiumi Dynama, Minsk, Bjellorusi	21	Bjellorusia	2–0	4–0	Kualifikueset e FIFA Kupës së Botës 2014
6					3–0
7					4–0
8	14 nëntor 2012	Rommel Fernández, Panama	23	Panama	1–0	5–1	Ndeshje miqësore
9					3–0
10	6 shkurt 2013	Khalifa International Stadium, Doha, Katar	24	Uruguaji	2–1	3–1
11					3–1
12	26 mars 2013	Stade de France, Paris, Francë	26	Franca	1–0	1–0	Kualifikueset e FIFA Kupës së Botës 2014
13	16 qershor 2013	Arena Pernambuco, Recife, Brazil	28	Uruguaji	1–0	2–1	FIFA Kupa e Konfederatave 2013
14	5 mars 2014	Vicente Calderón, Madrid, Spanjë	38	Italia	1–0	1–0	Ndeshje miqësore
15	8 shtator 2014	Ciutat de València, Valencia, Spanjë	44	Maqedonia	5–1	5–1	Kualifikueset e UEFA Euro 2016
16	15 nëntor 2014	Estadio Nuevo Colombino, Huelva, Spanjë	47	Bjellorusia	3–0	3–0
17	29 maj 2016	AFG Arena, St. Gallen, Zvicër	56	Bosnja dhe Hercegovina	3–1	3–1	Ndeshje miqësore

Klube

Barcelona B

• Tercera División: 2007–08

Barcelona

• La Liga: 2008–09, 2009–10, 2010–11, 2012–13, 2014–15
• Copa del Rey: 2008–09, 2011–12; Runner-up 2010–11, 2013–14
• Supercopa de España: 2009, 2010, 2011, 2013
• UEFA Liga e Kampioneve: 2008–09, 2010–11, 2014–15
• UEFA Super Kupa: 2009, 2011, 2015
• FIFA Kupa e Botës për Klube: 2009, 2011

Chelsea

• Premier League: 2016–17
• FA Cup: 2017–18
• UEFA Liga e Evropës: 2018–19

Kombëtarja

• FIFA Kupa e Botës: 2010
• UEFA Kampionati Europian: 2012

Personale

• Çmimi Princi i Asturias: 2010
• Skuadra e Sezonit në UEFA Ligën e Evropës: 2018–19

• Profili te FC Barcelona
• Profili te BDFutbol
• Profili te 2010 FIFA Kupa e Botës Arkivuar 13 tetor 2014 tek Wayback Machine
• Pedro te National-Football-Teams.com
• Pedro Arkivuar 16 shtator 2011 tek Wayback Machine – Rekordi në kompeticionet e FIFA-s
• Pedro – Rekordi në kompeticionet e UEFA-s