Muhamet Godeni lindur në Gjakovë, Kosovë është këngëtar i muzikës popullore gjakovare.
Në rini filloj të këndojë në tubimet e të rinjve të cilat në atë kohë luanin rolin e organizatave e të shoqatave muzikore të sotit. Grupi i të rinjve në të cilin ishte aktiv Meti ishte ai i muhallës së tij dhe takohej në parkun e qytetit, në Muhallen e Geces.
Më vonë së bashku me pjesëtarët tjerë të shoqërish kulturo-artistike "Ymër Riza" përkujdesen për afirmimin dhe mbajtjen në jetë të muzikës gjakovare dhe të muzikës së Shqipërisë së veriut në territorin e Kosovës. Aktivitet e tij kanë lënë gjurmë në kulturën e muzikës në Odat gjakovare dhe në rrethinën e malësisë së Gjakovës.
Me hapjen e Radio Televizionit të Prishtinës ai dhe grupi i tij bëjnë disa xhirime të programeve muzikore. Me këtë ky art i këndimit të këngëve të vjetra shqiptare bëhet i njohur edhe në pjesën tjetër të Kosovës.
Kryesisht këngët e kënduara nga Meti përcilleshin me sharkia. Janë të njohura gazelet që këndoheshin në tubimet e festave apo të mbrëmjeve të organizuara nga qytetaret për rreth "sofrës".
Meti tani (2006) është në moshën e pleqërisë dhe ende nga këngëtarët e rinjë gjakovarë respektohet për artin e këndimit të gazeleve, me të cilën ai tek të rinjtë përcjellë frymën e kulturës së viteve të Ymer Rizës e Qamilit Vogël. Nuk është e rrallë që edhe në banketet e qytetarëve të Gjakovës, kur takohet Shkëlzen Jetishi me Metin, që i riu të i dorëzojë mikrofonin plakut i cili edhe pse në gjendje të vështirë shëndetësore ja arrin që të krijojë atmosferën e Odës shqiptare.
This article uses material from the Wikipedia Shqip article Met Godeni, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.