Marrëdhëniet Mes Kosovës Dhe Bashkimit Evropian

Kosova   Bashkimi Evropian

Më 1 prill të vitit 2005 Komisioni Evropian miraton një komunikatë mbi të ardhmen evropiane për Kosovën. Më tutje ato janë konsoliduar edhe gjatë procesit të pavarësisë së Kosovës në vitin 2008. Gjithashtu Kosova merr pjesë në Procesin e Stabilizim Asociimit në Ballkan dhe është njohur si një kandidat i mundshëm (potencial) për anëtarësim në BE.

Kosova ka kërkuar që të njihet si një komb i pavarur duke shpallur pavarësinë e saj nga Serbia, pas Luftës së Kosovës, Shpërbërjes së Jugosllavisë dhe konflikteve të armatosura në Jugosllavi. Gjatë kësaj periudhe, shtetet anëtare të BE-së dhe vendet e NATO-së ndërhynë politikisht, ushtarakisht dhe më vonë ligjërisht për të ndaluar konfliktet dhe për të rivendosur paqen në Ballkan .

Për disa vende të rajonit, njohja tregtare dhe diplomatike e Kosovës ende nuk është arritur. Për më tepër, pavarësia e saj njihet vetëm nga 23 prej 28 vendeve të BE-së. Prandaj, mungesa e një pozicioni të qartë të Komisionit Evropian, çështjet e korrupsionit dhe paqëndrueshmëria politike, diplomatike dhe ekonomike e Kosovës, nuk lejojnë akoma fillimin e procedurave të pranimit. Përkundër këtyre rrethanave, ndihma financiare dhe një dialog i rregullt për stabilizim i japin Kosovës statusin e kandidatit të mundshëm (potencial) për anëtarësim në Bashkimin Evropian. Më 23 prill të vitit 2008 Zëvendëskryeministri i Kosovës Hajredin Kuqi e konsideronte pranimin në Bashkimin Evropian si një "prioritet absolut (priorité absolue)" duke shpresuar arritjen e këtij qëllimi në vitin 2015 .

BE kontribuon në stabilitetin e Kosovës përmes misionit të saj në Kosovë EULEX, Përfaqësuesin e saj Special dhe Zyrën Civile Ndërkombëtare në Prishtinë. Komisioni Evropian gjithashtu bën rekomandime se si të përmbushen kriteret për anëtarësimin në BE, të përcaktuara në Partneritetin Evropian për Kosovën.

Bashkimi Evropian e konsideron Kosovën si një kandidat i mundshëm potencial për një zgjerim të ardhshëm të Bashkimit Evropian edhe pse Kosova ende nuk ka paraqitur një kandidaturë zyrtare për anëtarësim.

Megjithatë, fakti që BE-ja ka njohur Kosovën si një kandidat i mundshëm potencial për anëtarësim është një hap pozitiv në drejtim të njohjes së plotë të Kosovës.

• Dérenset, Jean-Arnaud; Samary, Catherine (2000). Les conflits yougoslaves de A à Z (në frëngjisht). Éditions de l'Atelier. ISBN 2-7082-3532-X.
• Bajraktari, Halim (2010). Kosovo Challenge of Integration in the European Union (në anglisht). GRIN Verlag. fq. 23. ISBN 978-3-6406-4925-9.

• Kosova
• Euro dhe Kosova
• Anëtarësimi i Kosovës në Bashkimin Evropian
• Marrëdhëniet mes Shqipërisë dhe Bashkimit Evropian

• Uebfaqja e Delegacionit Evropian për Kosovën. Transclusion error: {{En}} is only for use in File namespace. Use {{lang-en}} or {{in lang|en}} instead.
• BE: Prioritetet e Kosovës.