Lucia Nadin është një studjuese italiane nga Venecia.
U lind në Venecia, u laureua në Padova për filologji (italisht: Lettere e Filosofia) me një tezë mbi traditën e tekstit të Dekameronit të Bokaçios dhe përvijoi studimet e doktoraturës duke i përfunduar më 1987. Është marrë me punë kërkimore dhe mësimdhënie në fakultetet e filologjisë të universiteteve të Padovës dhe Venecias dhe punoi për dhjetë vjet në një institut edukativ kërkimor në rajonin e Venetos. Nga 1995 e deri më 2000 dha mësim letërsi italiane në Fakultetin e Gjuhëve të Huaja të Universitetit të Tiranës.
Ka patur edhe poste, përpos detyrave akademike, në Zyrën e Kulturës të ambasadës italiane si dhe në Institutin Italian të Kulturës.
Tani merret me punë kërkimore historiografiko-letrare në lëmin në fushën veneto-adriatike. Përpos gati 30 artikujve me karakter të specializuar mbi autorë dhe tematika të kulturës venete dhe italiane, nga shekulli i 14 e deri në atë të 20-të, gjatë angazhimit të vet në Shqipëri organizoi edhe ekspozitën hartografike mbi Arbërinë.
Ka përgatitur botimin e "Statuteve të Shkodrës" duke nxjerrë në dritë tekstin nga Biblioteka e Muzeut të Venecies: një "monument" i historisë mesjetare të Shqipërisë.
Ka rindërtuar dukurinë e emigrimit shqiptar në krahinën e Venetos mes shekujve XV e XVI në librin "Shqiptarët në Venedik, mërgim e integrim 1479 – 1552". Ka studiuar traditën ikonografike të Skënderbeut në anijen e dukëve të Venecies, të famshme Bucintoro. Po punon mbi mërgimin e klerikëve katolikë në tokat e Republikës së Përndritur mes shekujve XV dhe XVI, në lidhje me porositjen e veprave të artit. Në vitin 2010 ka marrë titullin e qytetares së nderit të Shkodrës.
Ky artikull në lidhje me një biografi individi është i cunguar. Ju mund të ndihmoni Wikipedian duke e zgjeruar atë. |
This article uses material from the Wikipedia Shqip article Lucia Nadin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.