Jailbreak

Jailbreak lejon përdoruesit e iOS të fitojnë qasje të plotë në sistemin operativ, duke i lejuar ata të shkarkojnë aplikacione shtesë, shtojca, dhe tema që nuk mund të shkarkohen nëpërmjet Apple App Store. Fjala "jailbreak" vjen nga anglishtja që nënkupton nxjerrje (break) nga burgu (jail). Një iPhone, iPod touch, ose iPad me jailbreak që përdor iOS mund ta përdorë ende App Store, iTunes, dhe funksionet e tjera normale, siç është kryerja e thirrjeve telefonike.

Kjo faqe është e palidhur nga faqe të tjera. Ndihmoni që faqet e tjera me temë të ngjashme të lidhen me të. (Data: shtator 2012)

Jailbreaking është i nevojshëm nëse përdoruesi ka si qëllim të përdorë programe të paautorizuara nga Apple. Nën "Digital Millennium Copyright Act", jailbreak i iPhone është i ligjshëm në Shtetet e Bashkuara, edhe pse Apple ka deklaruar se kjo praktikë "mund të shkelë garancinë".

Përdorimi i aplikimeve nga palë të treta

Një nga arsyet kryesore për jailbreak është për të zgjeruar funksione të caktuara të kufizuaara nga Apple dhe App Store i saj. Jailbreak lejon instalimin e çdo aplikimi dhe nuk i nënshtrohet miratimit nga Apple. Aplikimet i nënshtrohen shqyrtimit nga ana e iPhone Developer Program License Agreement përpara se të jenë në dispozicion përmes Apple App Store. Jailbreak lejon shkarkimin e programeve të pamiratuara nga Apple.

Instalimi i programve të publikuara jashtë App Store ka potencial të ndikojë në jetën e baterisë dhe në qëndrueshmërinë e sistemit nëse porgrami është optimizuar dobët ose përdor shpesh shërbime që shkarkojnë baterinë (siç janë 3G apo Wi-Fi).

Përdorimi i operatorëve të shumtë

Jailbreak hap gjithashtu mundësinë për të përdorur programe për të zhbllokuar jozyrtarisht celularë iPhone të bllokuar (që pranojnë karta SIM vetëm të një operatori), në mënyrë që të përdoren me operatorët e tjerë.