Libër Inteligjenca Emocionale: Libër

Në këtë libër, Goleman përmend se inteligjenca emocionale është po aq e rëndësishme sa IQ-ja. Autori na tërheq vëmendjen se këndvështrimi ynë për inteligjencën njerëzore është shumë i ngushtë. Arsyeja është se ne injorojmë një sërë aftësish që kanë ndikim shumë të madh në ecurinë e jetës sonë.

Sot, shumë vite pas botimit të parë të veprës, termi "inteligjencë emocionale" është bërë pjesë e të folurit tonë të përditshëm. Duke u mbështetur në hulumtime shkencore që sjellin risi në fushën e studimit të funksionit të trurit dhe të sjelljes njerëzore, Goleman na parashtron faktorët të cilët bëjnë që një person me IQ të lartë të mos arrijë ndonjë gjë të madhe në jetë, ndërkohë që një me IQ mesatare t'i kapë majat e suksesit.

Këta faktorë në të cilët përfshihet vetënjohja, vetëpërmbajtja dhe empatia, i japin një kuptim tjetër të qenit "i mençur". Edhe pse bazat e saj ndërtohen nga përvojat e fëmijërisë, inteligjenca emocionale mund të ushqehet nga përvojat e fëmijërisë, inteligjenca emocionale mund të ushqehet edhe në moshë të pjekur. Përfitimet që ajo do të na sjellë në shëndet, në marrëdhënie dhe në punë mund të jenë të menjëhershme.

• Emocioni
• Psikologjia
• Inteligjenca
• Daniel Goleman
• Inteligjenca emocionale
• Psikologjia e të mësuarit

• Inteligjenca emocionale, Daniel Goleman në ShtëpiaeLibrit.com
• Inteligjenca emocionale (Anglisht)