Në gjuhësi, huazimi kalk ose huazimi i përkthyer është një fjalë ose sintagmë e huazuar nga një gjuhë tjetër me përkthim fjalë për fjalë ose rrënjë për rrënjë.
Për shembull, fjala angleze "skyscraper" u huazua si kalk në dhjetëra gjuhë të tjera. Një shembull tjetër i dukshëm janë emrat latinë të ditëve të javës, të cilët u lidhën nga folësit e lashtë gjermanikë me perënditë e tyre, duke ndjekur një praktikë të njohur si interpretatio germanica : latinishtja "Dita e Mërkurit", Mercurii dies (më vonë "mercredi " në frëngjishten moderne ), u huazua në protogjermanishten e vonë si "Dita e Wōđanaz" (*Wodanesdag ), e cila u bë Wōdnesdæg në anglishten e vjetër, pastaj "Wednesday" në anglishten moderne.
Vetë termi kalk është një huazim nga emri francez calque ("gjurmim, imitim, kopje"). Huazimi kalk është i ndryshëm nga përputhja fono-semantike: ndërsa të huazuarit kalk përfshin përkthimin semantik, ai nuk konsiston në përputhjen fonetike - d.m.th., në ruajtjen e tingullit të përafërt të fjalës së huazuar duke e përputhur atë me një fjalë ose morfemë paraekzistuese me tingull të ngjashëm në gjuhën e synuar.
Për ta vërtetuar se një fjalë është një huazim kalk kërkon ndonjëherë më shumë dokumentacion sesa një huazim i papërkthyer, sepse, në disa raste, një frazë e ngjashme mund të ketë lindur në të dyja gjuhët në mënyrë të pavarur. Ky ka më pak gjasa të ndodhë kur gramatika e kalkut të propozuar është krejt e ndryshme nga ajo e gjuhës së huamarrjes, ose kur kalku përmban imazhe më pak të dukshme.
Bibliografia
This article uses material from the Wikipedia Shqip article Huazimi kalk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.