Beteja e Dyrrahut ndodhi në shkurt 1018.Ajo ishte një pjesë e Luftërave Bizantine-Bullgare .Kjo betejë ndodhi ndërsa cari bullgar Ivan Vladislav u përpoq të vendosë fuqinë e tij në bregdetin juglindor të Detit Adriatik .
Ai udhëhoqi një ushtri kundër Dyrrahut (sot njihet si Durrës, në Shqipëri ) dhe e rrethoi qytetin, por u vra gjatë një kundërsulmi nga mbrojtësit të qytetit.
Kjo ishte beteja e fundit e luftës shekullore midis Perandorisë së Parë Bullgare dhe Bizantit . Brenda disa muajsh pas vdekjes së Vladisllavit, shumica e mbretërisë së tij u nënshtrua nga perandori Bizantin Basil II .
Pas betejës së Kleidionit dhe vdekjes së car Samuil në 1014 shteti bullgar u destabilizua nga trazirat e brendshme. Në vitin që pasoi, car Gavril Radomir, djali dhe trashëgimtari i Samuelit, u vra nga kushëriri i tij, Ivan Vladislav, me nxitjen e perandorit bizantin. Sundimtari i ri bullgar negocioi një paqe të shkurtër pasi premtoi se do t'i nënshtrohej Basilit II në këmbim të kontrollit mbi Dyrrahun. Asnjëra palë nuk i mbajti premtimet e saj dhe lufta shpërtheu përsëri në vjeshtën e 1015. Ndërsa Vladislav sulmoi Dyrrahun, Basil II pushtoi kryeqytetin e tij Ohrin, por më vonë, si rezultat i Betejës së Manastirit, u detyrua ta braktisë atë.
This article uses material from the Wikipedia Shqip article Beteja e Dyrrahut (1018), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.