Muzikant Arca: Producent muzikor venezuelian

Ai ka lançuar tre albume muzikore të mirëpritura gjerësisht nga kritika si dhe ka bashkëpunuar me muzikantë si Björk, Kanye West, FKA twigs, Kelela dhe Frank Ocean.

Arca lindi në Caracas, Venezuelë. Babai i tij ishte një investitor bankash ndërsa e ëma kishte përfunduar universitetin për studime ndërkombëtare. Familja e tij u zhvendos në Connecticut për pak kohë, përpara se të kthehej në Venezuelë, ku ai u edukua në një shkollë private si dhe mori leksione pianoje. Ai e përshkruan fëmijërinë si “të qenurit i burgosur brenda një flluske” si dhe kishte vështirësi të pranonte faktin se ishte homoseksual. Ai nisi të lançojë muzikë gjatë adoleshencës së tij përmes pseudonimit artistik “Nuuro”, si dhe nisi të korri famë kombëtare në vendlindjen e tij, duke u vlerësuar nga artistë me famë të madhe sikurse janë Los Amigos Invisibles. Më vonë ai ndoqi institutin "Clive Davis Institute of Recorded Music" në Universtitetin privat të Nju Jorkut.

Në 1 shkurt 2012 Arca publikon albumin me titull "Baron Libre". Më vonë, në po të njëjtin vit ai publikon "Stretch 1" dhe "Stretch 2" respektivisht në 19 prill si dhe 6 gusht.

Në 2013 Arca ishte producenti dhe shkroi 5 këngë për albumin "Yeezus" të Kanye West. Ai gjithashtu ishte një prej tre producentëve konsulentë. Në po të njëjtin vit ai lançoi në 23 korik miksimin &&&&& përmes Soundcloud. Projekti përmbante edhe një performancë vizuale së bashku me Jesse Kanda, i cili dha kontributin për pjesën vizuale, në MoMA PS1 në tetor 2013. Në 17 shtator publikohet albumi i FKA Twigs, në të cilin Arca është producent si dhe ka shkruar çdo këngë.

Albumi i tij me titull Xen u lançua në 4 nëntor 2014 përmes shtëpisë diskografike Mute Records. Arca kontribuoi në pjesën më të madhe të albumit të Björk me titull "Vulnicura", i cili u lançua në 20 janar 2015. He Ai mori kredite si bashkë-producent i shtatë këngëve. Arca gjithashtu bashkëpunoi me këngëtaren amerikane Kelela për albumin e saj me titull Hallucinogen, i cili u lançua në tetor 2015. Në këtë album Arca ka marrë kredite për miksimin e 2 prej këngëve. Një prej këngëve ka si bazë instrumentale një këngë nga miksimi &&&&& i Arcës, me vokalin e Kelelës të mbivendosur mbi të. Albumi i tij i dytë me titull Mutant u lançua në 20 nëntor 2015. Ai lançoi një tjetër miksim me titull “Entrañas” në 4 korrik 2016, pas publikimit të këngës “Sin Rumbo”. Në 7 prill 2017 u publikua albumi i tretë me titull “Arca” përmes shtëpisë diskografike "XL Recordings". Albumi u vlerësua maksimalisht prej kritizierëve të muzikës.

Në 2017 Arca bashkëpunoi sërish me Björk në albumin me titull "Utopia", një album i prodhuar tërësisht prej të dyve. Gjatë një interviste Björk shpjegon se albumi është një shëmbëlltyrë e Arca/ Björk." Një klip muzikor ku Arca është pjesë, me titull Arisen My Senses” u lançua në 18 dhjetor 2017.