සේනානායක සමුද්‍රය
ශ්‍රී ලංකාවේ පළමු අගමැති ඩී.
සේනානායක">ඩී. එස්. සේනානායක මහතාගේ සංකල්පයක් මත 1949 වර්ෂයේ නිමා කරන ලද ගල්ඔය බහුකාර්ය යෝජනා ක්‍රමය යටතේ 1953 අගෝස්තු මස 28 වැනි දින සේනානායක සමුද්‍රය විවෘත කරන ලදී. ඉඟිනියාගල පිහිටි සුවිසල් කඳු යුගලයක් යා කරමින් සේනානායක සමුද්‍රය බිහි විය. විශිෂ්ට කළමණාකාරිත්වයකින් යුතුව මනා තත්ත්ව ආරක්ෂණ ක්‍රමවේද අනුගමනය කිරීමේ දීර්ඝකාලීන ප්‍රතිලාභ පිළිබඳව කදිම නිදසුනක් ලෙස මෙම ඉදිකිරීම වර්තමානයටද ආදර්ශයක් සපයයි. දේශීය අරමුදල්වලින් මෙම දැවැන්ත බහුකාර්ය යෝජනා ක්‍රමය ඉදි කරනු ලැබුවේ ඇමෙරිකාවේ සැන්ෆ‍්‍රැන්සිස්කෝහි සිමාසහිත මොරිසන් නුඞ්සන් ඉන්ටර්නැෂනල් සමාගමයි.
| සේනානායක සමුද්‍රය | |
|---|---|
 සේනානායක සමුද්‍රයේ දසුනක් | |
  සේනානායක සමුද්‍රය ශ්‍රී ලංකාව තුල පිහිටීම | |
| රට | ශ්‍රී ලංකාව |
| අරමුණ | Power |
| තත්වය | Operational |
| ඉදිකිරීම ඇරඹුවේ | අගෝස්තු 28, 1949 |
| වේල්ල සහ වාන් දොරටු | |
| වේල්ලේ වර්ගය | ආරුක්කු වේල්ල |
| වාන් දොරටු | 8 |
මූලික සැලසුම
ගල්ඔය ව්‍යාපාරය යටතේ ඉදිකෙරුණු සේනානායක සමුද්‍රය පිළිබඳව මූලික සැලසුම් 1937 ඞී. එස්. සේනානායක මහතා කෘෂිකර්ම ඇමැති වශයෙන් සිටිය දී සකස් කර ඇත. ආරම්භයේ දී වාරිමාර්ග දෙපාර්තමේන්තුවේ මූලිකත්වය යටතේ ආරම්භ කොට පසුව, 1949 අංක 51 දරණ පනතින් යෝජනා වූ "ගල්ඔය සංවර්ධන මණ්ඩලය" 1949 නොවැම්බර් 24 වැනි දින සංස්ථාපනය කර ඇත.
ජල ධාරිතාව
වර්ග සැතපුම් 384 ක ජල පෝෂක ප්‍රදේශයකින් යුතු සේනානායක සමුද්‍රයේ ජල ධාරිතාව අක්කර අඩි හත් ලක්ෂ හැත්තෑදාහකි. මෙය ලංකාවේ වැඩිම ජල ධාරිතාවක් ඇති ජලාශයයි. බැම්මේ දිග අඩි තිස් හය දහසකි. වැවට යට වෙන ප්‍රදේශය අක්කර 19250කි. වම් ඉවුර ප්‍රධාන ඇල මාර්ගය සැතපුම් 32 ක් දිග වන අතර දකුණු ඉවුර ඇල මාර්ගය සැතපුම් 22 ක් පමණ දිග වේ. මෙමගින් අක්කර එක් ලක්ෂ විසිදහසක පමණ වගා බිම්වලට ජලය සැපයිය හැකිය.
අමතර සේවා
සේනානායක සමුද්‍රය මඟින් වාරි ජල සැපයුම සහ ජල විදුලි බල ජනනයට අමතරව තවත් සේවා රැසක් ඉටු වේ. ගල්ඔය නිම්නයේ ගං වතුර පාලනය මිරිදිය මත්ස්‍ය වගාව, අම්පාර නගරයේ ජල අවශ්‍යතාව සපුරාලීමට අවැසි ජලය සැපයීම මෙන්ම සංචාරක ව්‍යාපාරයද ඒ අතර වේ.
ජල විදුලි බලාගාරය
ගල්ඔය ව්‍යාපාරය බහුකාර්ය යෝජනා ක්‍රමයක් ලෙස ජල විදුලි බලය ද ජනනය කරයි. විදුලි බලාගාරයේ අඩි 714 දිග අඩි 13 ක විශ්කම්භයකින් යුතු 'පෙන්ස්ටොක්' නල යොදා සකසා තිබෙන විදුලි ජනක 4 මඟින් නිපදවිය හැකි විදුලි බල ප්‍රමාණය මෙගා වොට් 11.25කි.
මිරිදිය මත්ස්‍ය වගාව
අමතරව සේවාවක් ලෙස ඇති මිරිදිය මත්ස්‍ය වගාව යටතේ කොරළි, ගුරාමි වැනි මසුන් අභිජනනය කොට සමුද්‍රයට මුදා හැරීම මෙන්ම ව්‍යාපාරික අවශ්‍යතාවයන්ට මත්ස්‍ය පැටවුන් ලබාදීමද සිදුවේ.
බාහිර සබැඳි
This article uses material from the Wikipedia සිංහල article සේනානායක සමුද්‍රය, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.