දෙවන ලෝක යුද්ධයෙහි මිත්ර පාක්ෂිකයෝ යනු දෙවන ලෝක යුද්ධ සමයේ (1939–1945) නිර්මාණය වූ අන්තර්ජාතික හමුදාමය සන්ධානයකි.
1941 වන විට එක්සත් රාජධානිය, එක්සත් ජනපදය, සෝවියට් සංගමය සහ චීනය මෙහි ප්රධාන සාමාජිකයින් වූ අතර, ඔවුන් නාසි ජර්මනිය, ජපාන අධිරාජ්යය සහ පැසිස්ට් ඉතාලියෙන් සමන්විත වූ අක්ෂ බලවතුන්ට එරෙහිව ක්රියා කළහ.
අක්ෂ බලවතුන් උතුරු යුරෝපය ආක්රමණය කිරීම ඇරඹීමත් සමග නෙදර්ලන්තය, බෙල්ජියම, නෝර්වේ, ග්රීසිය සහ යුගෝස්ලාවියාව මිත්ර පක්ෂයට එකතු විය. ජර්මනිය සමග මොලටෝව්-රිබන්ට්රොප් නම් ගිවිසුමක් අත්සන් කොට තිබූ සෝවියට් සංගමය මුලින් ජර්මනියේ පෝලන්ත ආක්රමණයට සහය දැක්වීය. එහෙත් ඔපරේෂන් බාබරෝසා නොහොත් ජර්මනියේ සෝවියට් ආක්රමණයත් සමග සෝවියට් සංගමය මිත්ර පක්ෂයට එක් විය. 1940 සැප්තැම්බර් වන විට එක්සත් ජනපදය යුරෝපානු මිත්ර පාක්ෂිකයන් හට ද්රව්යයමය වශයෙන් උපකාර කළද නිළ වශයෙන් මධ්යස්ථව සිටියේය. එහෙත් 1940 දෙසැම්බර් මස ජපානය පර්ල් වරායට බෝම්බ හෙලීමත් සමග එක්සත් ජනපදය අක්ෂ පාර්ශවයට එරෙහිව යුධ ප්රකාශ කරමින් මිත්ර පාර්ශවය හා එක් විය. චීනය 1937 සිටම ජපානය සමග යුද්ධ කරමින් සිටියද ඔවුන් මිත්ර පක්ෂයට නිළ වශයෙන් එකතු වූයේ 1941 දෙසැම්බර් මස දීය.
This article uses material from the Wikipedia සිංහල article දෙවන ලෝක යුද්ධයෙහි මිත්ර පාක්ෂිකයෝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.