ඇතීනා (/əˈθiːnə/; ඇටික ග්රීක: Ἀθηνᾶ, Athēnā, හෙවත් Ἀθηναία, Athēnaia; එපික: Ἀθηναίη, Athēnaiē; ඩොරික: Ἀθάνα, Athānā) හෙවත් ඇතීනි (/əˈθiːniː/; අයොනික: Ἀθήνη, Athēnē), නැතහොත් බොහෝවිට පෑලස් (/ˈpæləs/; Παλλὰς) යන විරුද නාමයෙන් හැඳින්වෙන්නේ පුරාතන ග්රීක ආගමේ සහ පුරාණෝක්තිවේදයේ ප්රඥාව, ශිල්ප සහ යුද්ධයට අධිපති දේවතාවියයි.
ඇතීනා සමග අනුරූප යැයි හඳුනාගැනෙන රෝම දේවතාවිය වන්නේ මිනර්වා ය. ඇතීනා ඇගේ සන්සුන් ස්වභාවය නිසා ප්රකට වී ඇත්තේ ඇය කෝප වී ඉක්මන් කටයුතු නොකරන නිසායි. ඇය සාධාරණ හේතුන් සඳහා පමණක් සටන් වැදුණු බවත්, අරමුණක් නොමැතිව සටන් නොවැදි බවත් පැවසේ.
ඇතීනා | |
---|---|
ප්රඥාවේ, ශිල්පයේ සහ යුද්ධයේ දෙවඟන | |
වාසභවනය | ඔලිම්පස් කන්ද |
සංකේතය | බකමූණෝ, ඔලිව් ගස්, සර්පයින්, ඊජිස්, සන්නාහය, ශීර්ෂකය, හෙලි, ගෝර්ගොනියන් |
පෞද්ගලික තොරතුරු | |
දෙමාපියන් | මෙටිස් සහ සියුස් |
සොයුරු/සොයුරියන් | එයාකස්, ඇන්ජලෝස්, ඇෆ්රොඩයිටි, ඇපලෝ, ඒරිස්, ආර්ටිමිස්, ඩියෝනිසස්, එයිලෙයිතියා, එන්යෝ, ඉරිස්, එර්සා, හෙබේ, ට්රෝයිහි හෙලන්, හෙෆේස්ටස්, හෙරක්ලස්, හර්මිස්, මිනෝස්, පැන්ඩියා, පර්සිෆෝන්, පර්සියස්, රැඩමැන්තස්, ග්රේස්වරු, හොරේවරු, ලිටේ, මුසේවරු, මොයිරයි |
රොම සමානයා | මිනර්වා |
ඇතීනා වීරයන්ගේ නිපුණ සහායිකාව ලෙස මෙන්ම වීර ක්රියාවන් සඳහා වන අනුග්රාහක දෙවඟන ලෙස ද සැලකේ. ඇය ඇතැන්ස්හි අනුශාසක කන්යාවිය ද වේ. ඇයට ගෞරව වශයෙන් ඇගේ නාමය සහිත ඇතැන්ස් (ඇතීනා පාර්තිනොස්) නගරයේ ඇක්රොපොලිසය තුළ ඇතීනියානුවන් විසින් පාර්තිනන් දෙවොල ගොඩනංවන ලදී.
ඇතීනා භක්තිය නිරන්තරව දක්නට ලැබුණු අතර, ඇය පිළිබඳ පෞරාණික පුරාණෝක්ති විවිධ සංස්කෘතීන් තුළ අනුවර්තනය කොට භාවිතයට ගෙන තිබේ. නගරයේ (පොලිස්) ආරක්ෂිකාව ලෙස ග්රීක ලෝකය පුරාම ඇයව ඇතීනා පොලියාස් (Ἀθηνᾶ Πολιάς "නගරයේ ඇතීනා") වන්දනාමානයට ලක් විය. ඇතැන්ස් නගරය ඇතීනා දෙවඟනගේ නාමයම දැරුව ද (ඇතීනා දෙවඟන, ඇතීනේ නගරය) මින් කුමක් කුමකින් සම්භවය වූයේ ද යන්න පැහැදිළි නැත.
සැකිල්ල:Symbols of Greece
This article uses material from the Wikipedia සිංහල article ඇතීනා, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). අන්ලෙසකින් සඳහන්කර නැති සෑම විටෙකම අන්තර්ගතය CC BY-SA 4.0 යටතේ ඇත. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki සිංහල (DUHOCTRUNGQUOC.VN) is an independent company and has no affiliation with Wiki Foundation.