ᱜᱚᱴᱟ ᱫᱷᱟᱹᱨᱛᱤ ᱯᱩᱨᱤᱨᱮ ᱥᱤᱨᱡᱚᱱᱚᱜ ᱜᱷᱟᱥ ᱞᱮᱠᱟᱱᱟᱜ ᱢᱤᱫᱴᱟᱹᱝ ᱫᱟᱨᱮ (ᱜᱟᱹᱪᱷᱤ) ᱡᱟᱦᱟᱸ ᱫᱚ ᱯᱳᱭᱞᱳ ᱡᱟᱱᱟᱢ ᱞᱮᱢᱟ ᱢᱚᱫᱫᱷᱚ ᱯᱨᱟᱪᱪᱚ ᱨᱮᱱᱟᱜ ᱞᱮᱵᱷᱟᱱᱴ ᱯᱤᱲ ᱨᱮ, ᱢᱮᱱᱠᱷᱟᱱ ᱱᱮᱛᱟᱨ ᱫᱚ ᱜᱚᱴᱟ ᱫᱷᱟᱹᱨᱛᱤ ᱨᱮᱜᱮ ᱜᱩᱦᱩᱢ ᱠᱚ ᱟᱨᱡᱟᱣ ᱮᱫᱟ ᱾ ᱒᱐᱐᱗ ᱥᱮᱨᱢᱟ ᱨᱮ ᱜᱩᱦᱩᱢ ᱫᱷᱟᱹᱨᱛᱤ ᱨᱮ ᱟᱨᱡᱟᱣ ᱞᱮᱱᱟ ᱖᱐᱗ ᱢᱤᱞᱤᱭᱚᱱ ᱴᱚᱱ, ᱡᱟᱦᱟᱸ ᱫᱚ ᱛᱟᱦᱮᱸ ᱠᱟᱱᱟ ᱫᱷᱟᱹᱨᱛᱤ ᱨᱮ ᱛᱮᱥᱟᱨ ᱡᱟᱹᱥᱛᱤᱭᱟᱱ ᱟᱨᱡᱟᱣ ᱪᱟᱥ ᱚᱨᱡᱚ ᱡᱚ ᱾ ᱯᱳᱭᱞᱳ ᱟᱨ ᱫᱚᱥᱟᱨ ᱴᱷᱟᱸᱣ ᱮ ᱟᱢᱮᱴ ᱞᱮᱫᱼᱟ ᱡᱮ ᱞᱮᱠᱟ- ᱦᱳᱲᱳ ᱟᱨ ᱡᱚᱸᱰᱨᱟ ᱾ ᱜᱚᱴᱟ ᱫᱷᱟᱹᱨᱛᱤ ᱨᱮ ᱜᱩᱦᱩᱢ ᱱᱤᱛᱚᱜ ᱯᱨᱳᱴᱤᱱ ᱨᱮᱭᱟᱜ ᱵᱟᱝ ᱥᱤᱲᱤᱪ ᱟᱱ ᱡᱤᱱᱤᱥ ᱞᱮᱠᱟᱛᱮ ᱟᱹᱰᱤᱜᱟᱱ ᱜᱮ ᱞᱟᱠᱛᱤᱭᱟᱱᱼᱟ, ᱡᱟᱦᱟᱸ ᱫᱚ ᱢᱟᱹᱱᱢᱤ ᱠᱚᱭᱟᱜ ᱡᱚᱢ ᱧᱩᱻ ᱨᱮ ᱛᱟᱦᱮᱱ ᱫᱚ ᱮᱠᱟᱞ ᱜᱮ ᱞᱟᱹᱠᱛᱤᱭᱟᱱ ᱠᱟᱱᱟ ᱾ ᱜᱩᱦᱩᱢ ᱨᱮ ᱟᱹᱰᱤᱜᱟᱱ ᱜᱮ ᱯᱨᱳᱴᱤᱱ ᱢᱮᱱᱟᱜᱼᱟ, ᱱᱚᱶᱟ ᱪᱷᱟᱰᱟ ᱦᱳᱲᱳ ᱟᱨ ᱡᱚᱸᱰᱨᱟ ᱨᱮ ᱦᱚᱸ ᱱᱚᱶᱟ ᱯᱨᱳᱴᱤᱱ ᱧᱟᱢᱚᱜ ᱜᱮᱭᱟ ᱾ ᱡᱚᱢ ᱞᱟᱹᱜᱤᱫ ᱛᱮ ᱵᱮᱳᱦᱟᱨᱚᱜ ᱥᱟᱱᱟᱢᱟᱜ ᱜᱩᱴ ᱟᱨᱡᱟᱣ ᱡᱚ ᱞᱮᱠᱟᱛᱮ ᱜᱩᱦᱩᱢ ᱫᱚ ᱢᱮᱱᱟᱜᱼᱟ ᱫᱚᱥᱟᱨ ᱴᱷᱟᱸᱣ ᱨᱮ, ᱡᱮ ᱦᱤᱞᱚᱜ ᱠᱷᱚᱱᱟᱜ ᱡᱚᱸᱰᱨᱟ ᱫᱚ ᱡᱤᱭᱟᱹᱞᱤ ᱠᱚᱣᱟᱜ ᱡᱚᱢᱟᱜ ᱞᱟᱹᱜᱤᱫ ᱵᱮᱣᱦᱟᱨ ᱮᱛᱚᱦᱚᱵ ᱞᱮᱱᱟ ᱾ ᱟᱨ ᱦᱚᱸ ᱦᱳᱲᱳ ᱢᱮᱱᱟᱜ ᱟ ᱯᱳᱭᱞᱳ ᱨᱮ ᱪᱮᱫᱟᱜ ᱥᱮ ᱦᱳᱲᱳ ᱫᱚ ᱢᱟᱹᱱᱢᱤᱭᱟᱜ ᱡᱚᱢᱟᱜ ᱧᱩᱻ ᱟᱜ ᱢᱩᱠᱷᱚᱭᱟᱹ ᱪᱟᱥ ᱚᱨᱡᱚ ᱡᱚ ᱠᱟᱱᱟ ᱾
ᱱᱚᱶᱟ ᱚᱱᱚᱞ ᱫᱚ ᱮᱴᱟᱜ ᱣᱤᱠᱤᱯᱤᱰᱤᱭᱟ ᱚᱱᱚᱞ ᱥᱟᱞᱟᱜ ᱡᱩᱲᱟᱹᱣ ᱪᱷᱚ ᱞᱟᱹᱜᱤᱫ ᱰᱷᱮᱨ ᱞᱤᱝᱠ ᱫᱚᱨᱠᱟᱨ ᱠᱟᱱᱟ ᱾ (ᱮᱯᱨᱤᱞ ᱒᱐᱒᱒) (Learn how and when to remove this template message) |
ᱜᱩᱦᱩᱢ ᱢᱟᱹᱱᱢᱤ ᱥᱟᱶᱛᱟ ᱨᱮᱭᱟᱜ ᱮᱛᱚᱦᱚᱵ ᱨᱮ ᱱᱟᱜᱟᱨ ᱞᱮᱠᱟᱱ ᱥᱟᱶᱛᱟ ᱛᱚᱨᱟᱣ ᱨᱟᱠᱟᱵ ᱨᱮᱭᱟᱜ ᱢᱩᱠᱷᱚᱭᱟᱹ ᱞᱮᱠᱟ ᱛᱟᱦᱮᱸ ᱠᱟᱱᱟ, ᱪᱮᱫᱟᱜ ᱥᱮ ᱜᱩᱦᱩᱢ ᱜᱮ ᱛᱟᱦᱮᱸ ᱠᱟᱱᱟ ᱯᱩᱭᱞᱩ ᱨᱮᱱᱟᱜ ᱪᱟᱥ ᱚᱨᱡᱚ ᱡᱚ, ᱥᱤᱨᱡᱟᱹᱣ ᱢᱩᱫᱽᱨᱮ ᱢᱤᱫ ᱴᱟᱝ; ᱡᱟᱦᱟᱸ ᱫᱚ ᱪᱟᱥ ᱚᱨᱡᱚ ᱡᱚ ᱟᱹᱰᱤ ᱰᱮᱦᱮᱨ ᱛᱮ ᱟᱨᱡᱟᱣ ᱜᱟᱱᱚᱜᱼᱟ, ᱟᱨ ᱦᱚᱸ ᱵᱟᱹᱲᱛᱤ ᱟᱨᱡᱟᱣ ᱫᱷᱚᱱ ᱞᱮᱠᱟᱛᱮ ᱟᱭᱢᱟ ᱫᱤᱱ ᱵᱟᱺᱫᱤ ᱠᱟᱛᱮ ᱫᱚᱦᱚ ᱜᱟᱱᱚᱜᱼᱟ ᱾
ᱜᱩᱦᱩᱢ ᱡᱟᱝ ᱟᱹᱰᱤ ᱞᱟᱹᱠᱛᱤᱭᱟᱱ ᱡᱚᱢᱟᱜ ᱨᱮᱭᱟᱜ ᱞᱟᱜᱟᱜ ᱞᱮᱠᱟᱛᱮ ᱵᱮᱣᱦᱟᱨᱚᱜᱼᱟ, ᱡᱟᱦᱟᱸ ᱫᱚ ᱜᱩᱸᱰᱟᱹ ᱠᱟᱛᱮ ᱛᱮᱭᱟᱨ ᱦᱚᱞᱚᱝ, ᱱᱟᱱᱟ ᱦᱩᱱᱟᱹᱨ ᱨᱩᱴᱤ, ᱵᱤᱥᱠᱩᱴ, ᱠᱩᱠᱤᱡ, ᱠᱮᱠ, ᱯᱤᱴᱷᱟᱹ, ᱯᱟᱥᱛᱟ, ᱱᱩᱰᱩᱞᱚᱥ ᱟᱨ ᱦᱚᱸ ᱟᱭᱢᱟ ᱡᱚᱢᱟᱜ ᱧᱩᱻ ᱟᱜ ᱛᱮᱭᱟᱨ ᱞᱟᱹᱜᱤᱫ ᱵᱮᱣᱦᱟᱨᱚᱜᱼᱟ ᱾ ᱱᱚᱶᱟ ᱪᱷᱟᱰᱟ ᱦᱚᱸ ᱵᱤᱭᱟᱨ, ᱵᱷᱚᱰᱠᱟ ᱮᱢᱟᱱ ᱮᱢᱟᱱ ᱯᱟᱹᱣᱨᱟᱹ ᱟᱨ ᱦᱚᱸ ᱡᱚᱭᱵᱚ ᱥᱟᱦᱟᱱ ᱛᱮᱭᱟᱨ ᱞᱟᱹᱜᱤᱫ ᱜᱩᱦᱩᱢ ᱵᱮᱣᱦᱟᱨᱚᱜᱼᱟ ᱾ ᱜᱩᱦᱩᱢ ᱨᱮᱭᱟᱜ ᱵᱩᱥᱩᱵ ᱚᱲᱟᱜ ᱨᱮᱱ ᱠᱟᱰᱟ ᱰᱟᱝᱜᱽᱨᱟ ᱟᱜ ᱡᱚᱢᱟᱜ ᱞᱮᱠᱟᱛᱮ ᱵᱮᱣᱦᱟᱨ ᱦᱩᱭᱩᱜ ᱜᱮᱭᱟ ᱾ ᱟᱨ ᱦᱚᱸ ᱚᱲᱟᱜ ᱫᱟᱞᱚᱵ ᱞᱟᱹᱜᱤᱫ ᱛᱮᱦᱚᱸ ᱵᱮᱣᱦᱟᱨ ᱜᱮᱭᱟ ᱠᱚ ᱾
This article uses material from the Wikipedia ᱥᱟᱱᱛᱟᱲᱤ article ᱜᱩᱦᱩᱢ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.