«Pè 'a profunne sensibilità, pè 'a freschezze e bellezze de le verse ca, cu conzumate capacetà, riesse ccu rende jndr'à soje poeticità, espresse attraverse 'u soje lèngagge 'ngliese, vanne d'a letterature de l'ovest.» |
(Motivaziune d'u Premie Nobel) |
Rabindranath Tagore [ɾobin̪d̪ɾonat̪ʰ ʈʰakuɾ] (canosciute pure cu 'u nome de Gurudev), jè 'u nome anglicizzate de Rabíndranáth Thákhur (রবীন্দ্রনাথ ঠাকুর, रवीन्द्रनाथ ठाकुर) (Calcutta, 6 másce 1861 – Santiniketan, 7 aguste 1941) ha state 'nu screttore, poete, drammaturghe e felosofe indiane.
Mendre Gandhi, cu 'a disobbedienze civile, ha organizzate 'u naziunalisme indiane fine a fà ccu recacce jndr'ô mare le 'nglise, Tagore se propose de fà ccu concilie e ccu 'ndegre Oriende ed Occidente.
Opere assaje difficile, cui jidde ère preparate da l'esembie de le soje tatarànne ca jndr'ô 1928, funnanne 'u Sodalizie de le credende in Die, ha 'ndegrate 'u monoteisme crestiáne ed 'u politeisme induiste.
Figghie de 'nu sande e ricche bramine, ha studiate jndr'ô Regne Aunìte addò ha anglicizzate 'u proprie cognome (Thakhur).
Turnate cu 'a convinziune ca lle 'nglise sapene bbuène ccu protegge n'Indie besognose de proteziune, jidde se dediche a l'amministraziune de le soje terre e ad ogne forme d'arte.
Jndre lireche destinate ad 'u cande, ca jidde stesse ha musecate e tradotte jndr'ô 'nglise (Offerte de cande, 1913), jndre fatije teatrale ricche de 'ndermezze lireche ('A vendette d'a nature, 1884), jndre rumanze (Il naufrage, 1906), jndre novelle, memorie, sagge e conferenze Tagore ha affermate 'u proprie amore pè 'a nature e pè Die, le proprie aspiraziune de fratellanze umane, 'a proprie passione (pure erotiche), l'attrattive d'a fanciullezze.
D'a soje canzone Amar Shonar Bangla jè state pigghiate l'inne naziunale d'u Bangladesh.
Ha esercitate 'nu fascine granne assaje pure sus ad 'u monne occidentale, ca l'ha premiate c'u Premie Nobel pè 'a letterature jndr'ô 1913. Tagore jè state tradotte pratecamènde jndre totte le lènghe europee resultanne forse l'autore de origgene bengalese cchiù canosciute jndr'ô Occidente. Le soje fatije sonde state pure, quase totte, tradotte jndr'ô tagliàne. Inoltre ha fatte ccu quagghie strade, ospedale e pure 'na scole, 'a quale jè pure ôsce a die 'na università.
Condrolle de autorità | VIAF (EN) 24608356 · ISNI (EN) 0000 0001 2099 9155 · SBN (IT, EN) CFIV004010 · BAV (EN, IT, JA) 495/117103 · Europeana (EN) agent/base/85054 · ULAN (EN) 500121702 · LCCN (EN) n80036680 · GND (DE) 118620517 · BNE (ES) XX924094 (data) · BNF (FR) cb11925917p (data) · J9U (EN, HE) 987007268753705171 · NSK (HR) 000002301 · NDL (EN, JA) 00458261 · CONOR.SI (SL) 9583971 · WorldCat Identities (EN) lccn-n80036680 |
---|
This article uses material from the Wikipedia Tarandíne article Rabindranath Tagore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 'U condenute jè disponibile sotte a CC BY-SA 4.0 senze otre note. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Tarandíne (DUHOCTRUNGQUOC.VN) is an independent company and has no affiliation with Wiki Foundation.