Mar Baltiche

Sfoce jndr'ô Kattegat e jndr'ô mare d'u Nord passanne attraverse le isole danese jndre ttréde stritte, l'Oresund, 'u Piccele Belt e 'u Granne Belt.

Mar Baltiche
viste satelletare a marze 2000
Parte de	Oceane Atlandiche
Statère	Danemarche, Estonie, Finlandie, Germanie, Lettonie, Lituanie, Pulonie, Russie, Svezzie
Coordinate	59°30′N 23°00′E / 59.5°N 23°E59.5; 23 Coordinate: 59°30′N 23°00′E / 59.5°N 23°E59.5; 23
Dimensioni
Grannèzze	377.000 km²
Lunghezze	1600 km
Larijezze	193 km
Profunnetate masseme	459 m
Profunnetate medie	55 m
Volume	20.000 km³
Sveluppe costiere	8.000 km
Idrografije
Bacine idrografeche	1.650.000 km²
Immissarie prengepále	Oder, Vistola, Njemen, Dvina, Neva
Ghiacciate	fine ad 'u 45%
Salinità	salmastre
Isole	Gotland, Saaremaa, otre
'Nzenature	Gurfe de Finlandie, Gurfe de Botnia, Gurfe de Riga

Sfociane jndr'ô mar Baltiche cinghe granne jume: l'Oder, 'a Vistola, 'u Njemen, 'a Dvina e 'a Neva

Termine accume mare de l'Est sonde ausate jndre assaje lènghe de l'Europe continendale, pe' jèssere sàtte-sàtte jndr'ô danese (Østersøen), tedesche (Ostsee), finlandese (Itämeri), olannese (Oostzee), norveggese (Østersjøen), e svedese (Östersjön). Jndr'ô estone avène 'nvece chiamate mare Occidendale (Läänemeri). Oltre a 'u tagliáne, avène chiamate mar Baltiche jndr'ô frangese (mer Baltique), 'nglese (Baltic Sea), pulacche (Morze Bałtyckie), russe (Baltijskoe More - Балтийское море), lituane (Baltijos Jūra), lettone (Baltijas Jūra) e greche (Βαλτική Θάλασσα).

'A vanne settendrionale d'u mar Baltiche jè canosciute cumme Gurfe de Botnie, d'u quale 'a vanne cchiù a nord avène ditte Baje de Botnie. Sùbbete a sud se iaccchije 'u mare de le Åland. 'U gurfe de Finlandie colleghe 'u mar Baltiche a San Pitreburghe. 'U mar Baltiche settendrionale se iacchije 'ndorne ad 'a vanne de Stoccolme, Finlandie sud-occidendale ed Estonie. Le bacine d'u Gotland occidendale e oriendale ccrèjene 'a cchiù granna vanne d'u mar Baltiche cendrale. 'U gurfe de Riga se iacchije 'mbrà Riga e Saaremaa e 'u bacine de Danziche se iacchije ad est d'a penisole de Hel sus 'a coste pulacche. 'A baje de Pomeranie jè acchijate a nord de le isole Usedom e Wolin, a est de Rügen.'U bacine de Bornholm combone 'a vanne a est de Bornholm e 'u bacine de Arkona se spànne da Bornholm a le isole danese de Falster e Zelanne. 'Mbrà Falster e 'a coste tedesche se iacchije 'a baje d'u Meclemburghe. 'A vanne cchiù occidendale d'u mar Baltiche e 'a baje de Kiel. L'Öresund, le cindure e 'u Kattegat collegane 'u mar Baltiche c'ô Skagerrak e i'u mare d'u Nord. 'A confluenze de quiste doje mare a Skagen sus 'a punde settendrionale d'a Danemarche jè 'nu spettachele visive, mete de assaje turiste ogne anne.

Jndr'ô 1999 'u gruèsse Ponde de Øresund hé limitate a trasùte a 'u mar Baltiche a sckife de medie grannèzze. Ad 'ô stesse timbe, 'u mar Baltiche jè 'a prengepále rotte commerciale pe' l'esportazione d'u petrolie russe.

• Danemarche
• Svezzie
• Finlandie
• Russie
• Estonie
• Lettonie
• Lituanie
• Pulonie
• Germanie

Pe approfondimende, 'ndruche 'a vôsce Liste de isole jndr'ô mar Baltiche.

• Gotland (Svezzie)
• Öland (Svezzie)
• Saaremaa (Estonie)
• Hiiumaa (Estonie)
• Osmussaar (Estonie)
• Bornholm (Danemarche)
• Rügen (Germanie)
• Usedom (scucchiáte 'mbrà Germanie e Pulonie)
• Wolin (Pulonie)

Le prengepále cetate costiere sonde:

• San Pitreburghe (Russie) 4.700.000
• Stoccolme (Svezzie) 743.703 (vanne metropuletane 1.823.210)
• Copenaghen (Danemarche) 509.861 (vanne metropuletane 1.167.569)
• Vanne metropuletane d'a Triple Cetata (Pulonie) 1.035.000, combrenne:
  • Danzica (Pulonie) 462.700
  • Gdynia (Pulonie) 255.600
  • Sopot (Pulonie) 42.700
• Helsinki (Finlandie) 559.716 (vanne metropuletane 980.000)
• Riga (Lettonie) 760.000
• Stettine (Pulonie) 413.600 ('mbortande puèrte maritteme ma non g'ète 'na cetata costiere - 60 km da 'u mare, aunìte c'u mare cu l'estuarie d'Oder)
• Kaliningrad (Russie) 400.000
• Tallinn (Estonie) 387.224
• Malmö (Svezzie) 259.579
• Kiel (Germanie) 250.000
• Lubecca (Germanie) 216.100
• Rostock (Germanie) 212.700
• Klaipeda (Lituanie) 194.400

Puèrte 'mbortande (pure ce non g'essenne gruèsse cetate):

• Świnoujście (Pulonie) 50.000
• Ventspils (Lettonie) 30.000
• Baltiysk (Russie) 20.000

• Lènghe baltiche
• Reggione baltiche
• Conziglie d'u mar baltiche
• Statère baltiche
• Scandinavie
• Europe settendrionale
• Gurfe de Finlandie

•   Uicchimedie Commons tène files multimediale sus Mar Baltiche