جمہوریہ ادیگیا روس دی اک وفاقی اکائی اے ۔ جہڑی کراسنودر کرائی چ واقع اے ۔ اس دا رقبہ 7،600 مربی کلومیٹر اے تے آبادی ساڈھے 4 لکھ اے ۔ اے جمہوریہ دا راجکھر مائیکوپ شہر اے ۔
ادیگیا | |
روس دی وفاقی جمہوریہ | |
روس دے نقشے چ ادیگیا | |
راجگھر | مائیکوپ |
بولیاں | روسی ، ادیگے بولی |
مذہب | اسلام |
حثیت | روس دی خودمختار جمہوریہ |
قیام | 27 جولائی 1922ء |
رقبہ | 7،600 مربع کلومیٹر |
رقبے دے لحاظ نال روس چ درجہ | 80واں |
آبادی (2002ء دے مطابق) | |
آبادی | 4،47،109 افراد |
روس چ آبادی دے لحاظ نال درجہ | 74واں |
کثافت آبادی | 59 افراد فی کلومیٹر |
شہری : | ساڈھے 52 فیصد |
دیہی: | ساڈھے 47 فیصد |
صدر : | اسلان تخاکوشینوف |
ادیگیا چڑھدے دکھنی یورپ چ کوہ قفقاز دے اتلے اخیرلے حصے چ واقع اے ۔ اس دے اتلے چ میدانی علاقہ تے دکھن چ پہاڑ نیں ۔ اس دے کل رقبے دے 40 فیصد حصے تے جنگلات نیں ۔
دریائے کوبان قفقاز دے علاقے دا اک اہم دریا اے تے جہازرانی دے قابل اے۔ ایہہ ادیگیا تے کراسنادر کرائی دی اتلی سرحد دا کجھ حصہ تشکیل دیندا اے ۔
جمہویہ قدرتی وسائل نال مالامال اے ، جس چ قدرتی گیس تے معدنی تیل شامل اے ۔ دوجے معدنیات چ سونا ، چاندی ، ٹنگسٹن تے لوہا شامل اے ۔
ادیگیا چ سردیاں چ جنوری چ اوسط درجا حرارت منفی 5 ڈگری سینٹی گریڈ رہندا اے تے گرمیاں چ جولائی دا اوسط درحہ حرارت 23 ڈگری سینٹی گریڈ رہندا اے ۔
ادیگے لوک اتلے لہندے قفقاز دے قدیم باسی نیں ، اینہاں نوں 13ویں صدی عیسوی توں گئی وار چرکیسی وی آکھیا جاندا اے ۔
چرکیس (ادیگے) خودمختار اوبلاست ، روسی ایس ایف ایس آر چ ادیگے لوکاں دے اکثریتی علاقے کوبان کالا سمندر اوبلاست چ 27 جولائی 1922ء چ قائم کیتا گیا ۔ اوس ویلے اسدا انتظامی مرکز کراسنادر شہر سی ۔ اس دا ناں 24 اگست 1922ء چ بدل کے ادیگے (چرکیس) خودمختار اوبلاست رکھ دتا گیا ۔ اپنے قیام دے پہلے دو سال ایہہ خودمختار صوبہ روسی ایس ایف ایس آر دا حصہ رہیا ، پر 17 اکتوبر 1924ء اسنوں آر ایس ایف ایس آر' (روسی اشتراکی جمہوریہ) چ نویں بنائی گئی اتلا قفقاز کرائی چ شامل کر دتا گیا ۔
This article uses material from the Wikipedia شاہ مکھی پنجابی (Shāhmukhī Pañjābī) article ادیگیا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.