روسی: بولی

روسی
Russian
بولن والے دیس:	روس، بیلارس، یوکرین
بولن والے:	278 ملین لوک
بولی ٹبر:	ہند یورپی بولیاں
لپی:	سریلک
دنیا چ نمبر:	7-4 واں

ٹولی

روسی ہند یورپی بولیاں دے ٹبر چ اک سلاوی بولی اے۔ یوکرینی تے بیلاروسی دو چڑھدی سلاوی بولیاں ایدے بس توں نیڑے نیں۔ ایناں دو بولیاں مگروں پولش تے [[سلاوک] ایدے سب توں نیڈے اے۔ روسی بولی دے شبد یا بول تے گریمر چرچ سلاونک توں بنے نیں۔

نیرکتا

بول روسی 9ویں توں 12ویں صدی دی بولی لوکاں دے راجواڑیاں نوں آکھیا جاندا اے جیہڑے یوکرین بیلارس تے روس دے رلدے تھاواں نال رل کے بندے سن۔

جغرافیائی ونڈ

روسی بولی روس یوکرین بیلارس قازقستان تے کرغیزستان چ بولی جاندی اے تے لیٹویا ایسٹونیا چ وی اید بولن والے ہیگے نیں۔ سویت یونین ویلے یوینین دے دیساں دیاں بولیان نوں سرکاری تھاپڑا ہے سی پر اصل جوڑن والی بولی روسی ای سی۔

روس چ 94٪ بیلارس چ 75٪ قازقستان چ 41٪ یوکرین چ 20٪ کرغیزستان چ 23٪ مولڈوا چ 21٪ جواک سکولاں چ روسی بولی ج پڑھائی کردے نیں۔ قازقستان تے کرغیزستان چ قازق تے کرغیز نال روسی نوں وی سرکاری بولی دا درجہ ہیگا اے۔ اسرائیل چ روسی بولن والیاں دی کنتی 7،50000 تک اے۔ اے اوہ روسی یہودی نیں جیہڑے سویت یونین دے ٹٹن تے ایتھے آۓ سن پر ہجے وی روسی بولی نال اوناں دا ساک ٹٹیا نیں۔ منگولیا چ روسی سب تون بعوتی سکھی جان والی بدیسی بولی اے۔ 7ویں ورے مگروں اینوں سکھناں سکولاں چ لازمی ہوندا اے۔

تریخ

چودویں صدی تک ہن والی دوسی بولن والیاں تے وڈ وڈیرے چڑھدی سلاوی بولی بولدے سن۔ اے بولی تے گربے والی سلاوی بولی کیفی روس چ ورتی جاندی سی۔ ایس بولی دی سب توں پرانی ادھارن دسویں صدی دی اے۔ ایس ویلے توں پہلے روسی بولی چ جرمن بولیاں توں بول ارۓ سن۔ روسی بولی دی پہلی گریمر 1740 دے دوالے ڈیوڈروف نے لکھی۔

15 تون 17ویں صدی روسی بولی دا ماسکو ویلہ اخواندا اے۔ تاتاریاں توں جان چھڑان مگروں ماسکو راجگرھ بنیا تے ایتھے دی بولی نے روسی بولی تے اثر پایا۔ نویں روسی ساہت دی نیو 17ویں صدی ج رکھی کئی۔

روسی زار پیٹر نے روسی سماج چ نواپن تے چنگیاں گلاں لیندے یورپ تون لیاندیاں۔ اودے کماں چ روسی بولی دی النابٹ نوں ٹھیک کرنا وی سی۔ لیندے یورپ توں انگنت نویں بول روسی بولی ج لیاندے گۓ۔ ڈچ فرانسیسی جرمن لاطینی تے یونانی بول روسی بولی چ آۓ۔ ایسے ویلے چ ای روسی بولی نوں نوين ساہتی بولی بنان ول وی کم کیتا گیا۔ پر اے کم انیویں صدی دے ٹرن تے پشکن تے اودے سنگیاں نیں کیتا۔ پشکن دا کم ایڈا وڈ ا اے جے اے آکھیا جاندا اے جے پشکن توں روشی بولی نویں ہوئی۔ 1900 تک روسی چ یورپی بولیاں دے بولاں دا ہڑ آگیا۔

روسی انقلاب دے مگروں روسی بولے دے ہجیاں وچ پلٹے دتے گۓ۔ 20ویں صدی دے وشکار چ سویت یونیو دے دنیا چ سپر پاور ہون توں روسی زبان دا دنیا چ ورتن ودیا۔ وارسا پیکٹ دے سنگی دیساں چ اینوں پڑھایا جاندا سی۔ روسی ساہت خاص کر کے روسی ناول وی روسی بولی دی مشہوری سن۔

روسی بولیاں

بولیاں دے سعاب نال روسی نوں دو انکاں چ ونڈیا جاسکدا اے: اتلی تے دکھنی۔ ماسکو دونواں انگاں دے وشکار آندا اے۔ کج روسی بولی نوں تن انگاں ج ونڈدے نیں: اتلی، وشکارلی تے تھلویں۔ ماسکو اینج وشکارلی بولی دے انگ ج آندا اے۔

روسی بولی نوں لخن لئی سریلک الفابٹ ورتی جاندی اے۔ ایدے چ 33 اکرے نیں۔ روسی بولی چ 160000 توں اپر بول نیں۔ روسی بولی ج کنے بول نین اے سعاب لانا اوکھا اے۔

بارلے جوڑ