چیچنیا وفاق روس دی اک وفاقی اکائی اے تے شمالی قفقاز دے پہاڑی علاقے چ واقع اے ۔ چیچن زبان چ اسنوں نوخچیین سدیا جاندا اے ۔
چیچنیا | ||
راجکعر: | گروزنی | |
رقبہ: | 15,300 مربع کلومیٹر | |
لوک گنتی: | 1,103,686 |
سویت یونین دے 1991ء ٹٹن دے بعد چیچن انگوش خود مختار سویت جمہوریہ دو حصییاں ،جمہوریہ انگوشتیا تے چیچن جمہوریہ اشکیریہ ،جہڑی کہ آزادی چاہندی سی ، چ تقسیم ہوگئی ۔ روس نال پہلی چیچن جنگ چ چیچنیا دی فتح دے بعد ، چیچنیا نے چیچن جمہوریہ اشکیریہ دے ناں نال تقریبا آزادی حاصل کر لئی سی پر دوجی چیچن جنگ چ روس نے ایس علاقے تے اپنا کنٹرول دوبارہ بحال کرلئیا ،اوس ویلے ایتھے تعمیر نو دا کم جاری اے ۔ اگرچہ ہلے وی پہاڑی علاقیاں چ تے جمہوریہ دے جنوبی علاقیاں چ اکا دکا جھڑپاں ہندیاں رہندیاں نیں ۔ 2006ء چیچنیا دے سابق صدر علو الخانوف نے تجویز دتی سی کہ جمہوریہ دا سرکاری ناں "نوخچیین" رکھ دتا جاوے ۔
چیچنیا شمالی قفقاز دے مشرقی حصے چ مشرقی یورپ تے ایشیاء دے وچکار تقریبا سارے پاسوں روس دے وفاقی علاقیاں چ گھریا ہوئیا اے ۔ اسدیاں سرحداں مغرب چ شمالی اوسیتیا تے انگوشیا نال ، شمال چ ستاوروپول کرائی نال ، مشرق چ داغستان تے جنوب چ جارجیا نال ملدیاں نیں ۔ اسدا راجگھر گروزنی اے ۔ اسدا رقبہ 15300 مربع کلومیٹر اے ۔
چیچنیا چ نکے وڈے کئی دریا وگدے نیں پر 3 وڈے دریا "تیریک" ، "سنژا" ، تے "آرغون" نیں ۔
چیچنیا دے 20 ہزار توں ودھ آبادی والے شہر ،گروزنی ، اوتودی ، کوچالوئی ، شالی ، عروس مرتان ، تے آرغون نیں ۔
چچنیا ماسکو ٹائم زون چ واقع اے ۔
قدیم زمانے چ کوہ قاف دیاں شمالی ڈھلواناں تے مغرب دے پاسے چرکسی تے مشرق دے بننے عوار رہندے سن ،اینہاں دے درمیاں "زیگیئنز " "زیکس" یعنی اج دے چیچن ،انگوش ،اوسیتی تے بلکاراں دے چ رہندے سن ۔ چیچنیا کوہ قاف دا علاقہ اے جہڑا کہ 15ویں صدی چ عثمانی ترکاں نال آویزش توں بعد ئیر ملکی حکمراناں نال تقریبا مسلسل حالت جنگ چ رہیا ۔ آخرکار چیچن لوکاں دے اسلام قبول کرن توں بعد ترک چیچن تناؤ ختم ہوگئیا پر اپنے عیسائی گوانڈھیاں جارجیا تے کاسکاں تے بدھ متی کلمیکاں نال کھچاؤ ودھ گئیا ۔ روسیاں نے 1577ء چ خفیہ طور تے چیچنیا چ ریاست "تیریک کاسک ہاسٹ " قائم کردتی جہڑی آزاد کاسکاں نال آباد کیتی گئی تے وولگا دریا کنارے آباد کاسک لیا کے تیریک دریا تے آباد کیتے گئے ۔
روس نے 1783ء چ مشرقی جارجیا دی بادشاہت "کارتل کاخیتی" نال معاہدہ جورجیوسک تے دستخط کیتے ، جسدی رو نال کارتل کاخیتی نوں تحفظ روسی سلطنت دے گئی ۔ جاجیا تے کوہ قاف دے پار علاقیاں نال رابطہ اپنا رابطہ محفوظ کرن لئی روسی سلطنت نے کوہ قاف دے علاقیاں چ اپنا اثر و رسوخ ودھنا شروع کر دتا ۔
· ادیگیا · ماری ال · کومی · ورونزخ · انگشتیا · چوواشیا · چیچنیا · بریاتیا · باشکیرستان · التائی · کباردینو بلکاریہ · کلمایکیہ · کاراچے چرکیسیا · کریلیا · خاکاسیا · موردوویا · اتلا اوسیتیا · یاکوتیا · ادمرتیا · تاتارستان · تووا
This article uses material from the Wikipedia شاہ مکھی پنجابی (Shāhmukhī Pañjābī) article چیچنیا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.