Die Saigedier (Mammalia) sinn ä Unnergrubbierung (Klass) vun de Wirbldiere.
Zu ihre haubdsäschlische Merkmale g'heerd des Saige vun ihrm Nochwugs mit Milich, die in de Milichdriese vun de Waibscher broduziad werd. Die maischde Saigedier hawwe ä Fell aus Haare unn ä glaischwarmi Dembradur vun ihrm Kerba, des mocht se zimmlisch uabhängisch vun de Dembradur in ihre Umgewung. Mid wennische Ausnahme bringe die Saigedier ihrn Nochwugs lewnd uff die Weld. Saigediere sinn an Lond am ardenraigschde vabraided, awwer's dut aa welsche in de Lufd unn im Wassa gewwe.
2003 wurde in de Weld iwwer 5400 vaschiedne Arde vun Saigedier erfassd. Sie werre in drai Unnerklasse aigedeeld: die Aialegende Ursaischa odda Gloagedier (Protheria) wie's Gerdldier, die Baidlsaischa (Metatheria) wies Kängaruh unn die Heare Saigedier (Eutheria), zu denne aa de Mensch zähle dut. Die schbezjell Rischdung vun de Zooloschie, die sisch mid de Forschung iwwer die Saigedier befassd, werd wisseschafdlisch als Mammalogie bezaischnd.
This article uses material from the Wikipedia Pälzisch article Säugetiere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.