Weschdpälzisch
Des Weschdpälzisch geheerd zu de Pälzische Dialegde un is e Dialegdgrupp vum Rhoifränkische innahalb des Weschtmiddeldaitsche, die in Rhoilånd-Palz un im Saarlånd gesproch werd.
| Weschdpälzisch | ||
|---|---|---|
| G'babbeld in | Rhoiland-Palz, Saarlond | |
| Schbroochlischi Oideelung |
| |
Weschdpälzisch isch ä Grubb vun pälza Dialegde im Rhoifrängische innahalb vum Weschdmiddldaitsche un werd in Rhoiland-Palz un im Saarlond geebabbeld. Weschdpälzisch dud sisch vum Voaddapälzische dorch die gebroch-gebroche-Linje abgrenze. Im Weschdpälzische exischdierd baim Partizip vun de Vegångehäd bai starge Verbe kä Endung (gebroch, gesung, kumm/komm), wo im Voaddapälzische es Partizip uf "-e" end (g(e)broche, g(e)sunge, kumme).
Sprochgeographie
Zum Weschdpälzische zehld jänes Gebied ohne die Partizipendung "-e" im weschdliche Beraich vun de Palz un äweso es gesåmde rhoifrängisch sprechende Oschdsaarlånd, wo dorch die (das-dat-Linie) vum moselfrängische Weschdsaarlånd abgegrenzd werd. Außadääm zähle zum Weschdpälzische es rhoifrängische Hunsriggisch (das-dat-Linie) un de Sidweschde vum rhoihessische Dialegdgebied (zum Baischbiel Alzey).
Dodemid vawoand isch a des Riograndensa Hunsrüggisch, wu vun Auswoandara in Siedbrasilije gebabbeld werd.
Meglische Oideelung
Des "Linguasphere Register" (Ausgaab vun 1999/2000, uff de Said 430) fiad una Weschdpälzisch nain Dialeggd uff:
- 52-ACB-dea: des Rhoifrängische im Saarlond, gugg a una de Dialeggd im Saarlond
- 52-ACB-deb: Westrichisch im Saarlond
- 52-ACB-dec: Pälza-Berschländisch in Rhoiland-Palz
- 52-ACB-ded: Pälzer-Wäldisch in Rhoiland-Palz
- 52-ACB-dee: Schwarzwälda-Hochwäldisch in Rhoiland-Palz
- 52-ACB-def: Idarwäldisch in Rhoiland-Palz
- 52-ACB-deg: Hunsriggisch in Rhoiland-Palz
- 52-ACB-deh: Naheländisch in Rhoiland-Palz
- 52-ACB-dei: Rhoihessisch in Rhoiland-Palz
This article uses material from the Wikipedia Pälzisch article Westpfälzisch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Was do drin schded isch unna CC BY-SA 4.0 vafieschba, wonn nedd onnaschda uffgschriwwe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Pälzisch (DUHOCTRUNGQUOC.VN) is an independent company and has no affiliation with Wiki Foundation.