ਕੈਥਰੀਨ ਮਹੇਰ

ਮਹੇਰ, 2002 ਤੋਂ 2003 ਤੱਕ ਅਰਬੀ ਭਾਸ਼ਾ ਦੀ ਵਿਦਿਅਕ ਸੰਸਥਾ,ਅਮੇਰਿਕਨ ਯੂਨੀਵਰਸਿਟੀ ਦੀ ਵਿਦਿਆਰਥਣ ਰਹੀ ਅਤੇ ਸਾਲ 2003 ਦੌਰਾਨ ਆਰਟਸ ਅਤੇ ਸਾਇੰਸ ਦੇ ਨਿਊਯਾਰਕ ਯੂਨੀਵਰਸਿਟੀ ਦੇ ਕਾਲਜ ਵਿੱਚ ਦਾਖਿਲਾ ਲਿਆ ਜਿਥੋਂ ਉਸ ਨੇ 2005 ਵਿੱਚ ਬੈਚਲਰ ਦੀ ਡਿਗਰੀ ਪ੍ਰਾਪਤ ਕੀਤੀ।

ਕੈਥਰੀਨ ਮਹੇਰ ਨੂੰ ਵਿਕੀਮੀਡੀਆ ਫਾਊਡੇਸ਼ਨ (WMF) ਵਿੱਚ ਕਾਰਜਕਾਰੀ ਨਿਰਦੇਸ਼ਕ ਦਾ ਅਹੁਦਾ ਮਾਰਚ 2016 ਵਿੱਚ ਦਿੱਤਾ ਗਿਆ। ਉਸਨੇ 23 ਜੂਨ 2016 ਨੂੰ ਪੱਕੇ ਤੌਰ ਉੱਤੇ ਇਹ ਅਹੁਦਾ ਸੰਭਾਲਿਆ। ਇਸ ਤੋਂ ਪਹਿਲਾਂ ਉਹ ਅਪ੍ਰੈਲ 2014 ਤੋਂ ਫਾਊਡੇਸ਼ਨ ਵਿੱਚ ਮੁੱਖ ਸੰਚਾਰ ਅਫਸਰ ਵਜੋਂ ਕੰਮ ਕਰਦੀ ਰਹੀ। ਵਿਕੀਮੀਡੀਆ ਫਾਊਡੇਸ਼ਨ ਵਿੱਚ ਸ਼ਾਮਿਲ ਹੋਣ ਤੋਂ ਪਹਿਲਾਂ ਕੈਥਰੀਨ ਵਿਸ਼ਵ ਬੈਂਕ, ਯੂਨੀਸੈਫ਼ ਅਤੇ AccessNow.org ਵਰਗੇ ਸੰਗਠਨਾ ਵਿੱਚ ਕਨੂੰਨੀ ਸਲਾਹਕਾਰ ਵੀ ਰਹਿ ਚੁੱਕੀ ਹੈ।

ਵਿਸ਼ਵ ਬੈਂਕ ਵਿੱਚ ਮਹੇਰ ਰਾਸ਼ਟਰੀ ਵਿਕਾਸ ਅਤੇ ਲੋਕਤੰਤਰੀਕਰਨ ਲਈ ਤਕਨਾਲੋਜੀ ਵਿੱਚ ਇੱਕ ਸਲਾਹਕਾਰ ਸੀ। ਸੰਚਾਰ ਤਕਨੀਕ ਉੱਤੇ ਕੰਮ ਕਰਦਿਆਂ ਖਾਸ ਤੌਰ ਉੱਤੇ ਮੱਧ ਪੂਰਬ ਅਤੇ ਅਫ਼ਰੀਕਾ ਵਿੱਚ ਉਸਨੇ ਜਵਾਬਦੇਹੀ, ਪ੍ਰਸ਼ਾਸਨ, ਮੋਬਾਈਲ ਫੋਨ ਦੀ ਭੂਮਿਕਾ ਉੱਤੇ  ਧਿਆਨ ਦੇਣਾ, ਸਿਵਲ ਸਮਾਜ ਅਤੇ ਸੰਸਥਾਗਤ ਸੁਧਾਰ ਦੀ ਸਹੂਲਤ ਦੇ ਨਾਲ ਨਾਲ ਹੋਰ ਕਈ ਤਕਨੀਕੀ ਵਿਸ਼ਿਆਂ ਦਾ ਵਿਕਾਸ ਕੀਤਾ। ਉਹ ਵਿਸ਼ਵ ਬੈਂਕ ਪ੍ਰਕਾਸ਼ਨ "ਮੈਕਿੰਗ ਗੋਵਰਨਮੈਂਟ ਮੋਬਾਈਲ" ਜਿਸਦਾ ਵਿਸ਼ਾ "ਸੂਚਨਾ ਅਤੇ ਸੰਚਾਰ ਰਾਹੀਂ ਵਿਕਾਸ: ਵੱਧ ਤੋਂ ਵੱਧ ਮੋਬਾਈਲ" ਨਾਲ ਸੰਬੰਧਿਤ ਸੀ ਦੀ ਸਹਿ-ਲੇਖਕ ਵੀ ਹੈ।(2012)

ਮਹੇਰ ਨੇ ਅਪ੍ਰੈਲ 2014 ਤੋਂ ਫਾਊਡੇਸ਼ਨ ਵਿੱਚ ਮੁੱਖ ਸੰਚਾਰ ਅਫਸਰ ਵਜੋਂ ਅਹੁਦਾ ਸੰਭਾਲਿਆ। ਜਿੱਥੇ ਉਸ ਨੇ ਅਮਰੀਕਾ ਦੇ ਕਾਪੀਰਾਈਟ ਕਾਨੂੰਨ ਉੱਤੇ ਟਿੱਪਣੀ ਕੀਤੀ। ਉਹ ਫਾਊਡੇਸ਼ਨ ਵਿੱਚ ਅੰਤਰਿਮ ਕਾਰਜਕਾਰੀ ਨਿਰਦੇਸਕ ਲਗਭਗ ਦੋ ਸਾਲ ਬਾਅਦ ਮਾਰਚ 2016 ਵਿੱਚ ਲੀਲਾ ਟ੍ਰੇਟਿਕੋਵ ਦੇ ਅਸਤੀਫਾ ਦੇਣ ਤੋਂ ਬਾਅਦ ਬਣੀ। ਮਹੇਰ ਨੇ ਕਾਰਜਕਾਰੀ ਡਾਇਰੈਕਟਰ ਦਾ ਅਹੁਦਾ 23 ਜੂਨ 2016 ਨੂੰ ਸੰਭਾਲਿਆ। ਉਸ ਦੀ ਨਿਯੁਕਤੀ ਦੀ ਸੂਚਨਾ ਜਿੰਮੀ ਵੇਲਜ਼ ਨੇ ਵਿੱਕੀਮੀਨੀਆ 2016 ਦੌਰਾਨ 24 ਜੂਨ 2016 ਨੂੰ ਐਲਾਨ ਦਿੱਤੀ।

ਗਿਨੀਜ਼ ਵਰਲਡ ਰਿਕਾਰਡਜ਼

ਮਹੇਰ ਨੇ ਲਗਾਤਾਰ 72 ਘੰਟੇ ਵਿਕਿਪੀਡਿਆ ਅਡੀਟਿੰਗ ਕਰਕੇ ਆਪਣਾ ਨਾਮ ਗਿਨੀਜ਼ ਵਰਲਡ ਰਿਕਾਰਡਜ਼ ਵਿੱਚ ਸ਼ਾਮਿਲ ਕੀਤਾ।

•  
  ਐਡੀਟਾਥਾਨ ਦੌਰਾਨ ਕੈਥਰੀਨ ਮਹੇਰ
•  
  ਗਿਨੀਜ਼ ਵਰਲਡ ਰਿਕਾਰਡਜ਼ ਦੇ ਅਧਿਕਾਰੀ ਕੈਥਰੀਨ ਨੂੰ ਉਸਦੇ ਲਗਾਤਾਰ 72 ਘੰਟੇ ਕੰਮ ਕਰਨ 'ਤੇ ਵਰਲਡ ਰਿਕਾਰਡ ਦਾ ਲਿਖਤੀ ਪੱਤਰ ਦਿੰਦੇ ਹੋਏ

•  
  ਵਿਕੀਮੇਨੀਆ 2016
•  
  ਵਿਕੀਮੀਨੀਆ 2016 ਦੌਰਾਨ ਮਹੇਰ ਅਤੇ ਜਿੰਮੀ ਵੇਲਸ
•  
  ਵਿਕੀਮੇਨੀਆ 2016 ਦੌਰਾਨ ਮਹੇਰ
•  
  ਵਿਕੀਮੇਨੀਆ 2015 ਦੌਰਾਨ ਮਹੇਰ
•  
  72 ਘੰਟੇ ਦਾ ਰਿਕਾਰਡ ਬਣਾਉਣ ਵਾਲੇ ਐਡੀਟਾਥਾਨ ਸਮੇਂ ਕੈਥਰੀਨ
•  
  SXSW 2010 'ਤੇ ਕੈਥਰੀਨ ਮਹੇਰ