ଉତ୍କଳ ଗ୍ରାମୀଣ ବ୍ୟାଙ୍କ(English: Utkal Grameen Bank), ଓଡ଼ିଶାର ବିଭିନ୍ନ ଅଞ୍ଚଳରେ ଥିବା ବିଭିନ୍ନ ଗ୍ରାମ୍ୟ ବ୍ୟାଙ୍କ ଗୁଡିକର ସମ୍ମିଶ୍ରିତ କରି ଗଢ଼ା ଯାଇଥିବା ଏକ ଆଞ୍ଚଳିକ ଗ୍ରାମ୍ୟ ଭିତ୍ତିକ ବ୍ୟାଙ୍କ । ଏହା ୧ ନଭେମ୍ବର ୨୦୧୨ରେ ଗଠନ କରାଯାଇଥିଲା । ସରକାରଙ୍କ ପ୍ରଣିତ ଆଞ୍ଚଳିକ ଗ୍ରାମ୍ୟ ବ୍ୟାଙ୍କ ଆଇନ ୧୯୭୬ର ବ୍ୟବସ୍ଥା ଅନୁଯାୟୀ ଏହା ପରିଗଠିତ । ଏହି ବ୍ୟାଙ୍କ ଭରତ ସରକାରଙ୍କ ବ୍ୟାଙ୍କ ଷ୍ଟେଟ ବ୍ୟାଙ୍କ ଓଫ ଇଣ୍ଡିଆ ଓ ଓଡ଼ିଶା ସରକାରଙ୍କ ମିଳିତ ପ୍ରଯୋଜନା ସହିତ ପରିଚାଳିତ ।
ପ୍ରତିଷ୍ଠିତ ସ୍ଥାନ | ୨୦୧୨ |
---|---|
ମୁଖ୍ୟ କାର୍ଯ୍ୟାଳୟ | ବଲାଙ୍ଗୀର, ଭାରତ |
Area served | ଓଡ଼ିଶା |
ପ୍ରମୁଖ ବ୍ୟକ୍ତି | ରଞ୍ଜିତ କୁମାର ମିଶ୍ର (ଅଧ୍ୟକ୍ଷ) |
ୱେବ୍ସାଇଟ୍ | www |
ଏହି ବ୍ୟାଙ୍କରେ ୫୦% ଅଂଶଧନ ଭାରତ ସରକାରଙ୍କ, ୩୫% ଷ୍ଟେଟ ବ୍ୟାଙ୍କ ଓଫ ଇଣ୍ଡିଆର ଓ ବାକି ୧୫% ଓଡ଼ିଶା ସରକାରଙ୍କ । ଏହି ବ୍ୟାଙ୍କର ମୁଖ୍ୟାଳୟ ବଲାଙ୍ଗୀରଠାରେ ଅବସ୍ଥିତ ଓ ରାଜ୍ୟର ୧୭ଟି ଜିଲ୍ଲାରେ ଏହାର ଶାଖା ସବୁ ରହିଛି । ୭ଟି ବିଭିନ୍ନ ଅଞ୍ଚଳରେ ଏହାର ଆଞ୍ଚଳିକ କାର୍ଯ୍ୟାଳୟ ମଧ୍ୟ ରହିଛି ।
ଋଷିକୁଲ୍ୟ ଗ୍ରାମ୍ୟ ବ୍ୟାଙ୍କ, ବଲାଙ୍ଗିର ଆଞ୍ଚଳିକ ଗ୍ରାମ୍ୟ ବ୍ୟାଙ୍କ ଆଦି ଗ୍ରାମ୍ୟବ୍ୟାଙ୍କ ସମୂହକୁ ସମ୍ମିଶ୍ରଣ ଘଟେଇ ୨୦୧୨ରେ ବୃହତ ଉତ୍କଳ ଗ୍ରାମୀଣ ବ୍ୟାଙ୍କ ସୃଷ୍ଟି କରାହେଲା । ବର୍ତ୍ତମାନ ସୁଦ୍ଧା ଓଡ଼ିଶାରେ ଏହାର ୪୪୨ଟି ଶାଖା ରହିଛି । ସମ୍ବଲପୁର, ବରଗଡ଼, ରାୟଗଡ଼ା, ଭବାନୀପାଟଣା, ଯାଜପୁର ତଥା ବ୍ରହ୍ମପୁରଠାରେ ଆଞ୍ଚଳିକ ମୁଖ୍ୟାଳୟ ସହ ଏହାର ମୁଖ୍ୟ କାର୍ଯ୍ୟାଳୟ ବଲାଙ୍ଗୀରଠାରେ ଅବସ୍ଥିତ କରାଗଲା।
ବର୍ତ୍ତମାନ ସୁଦ୍ଧା ୧୭ ଜିଲ୍ଲା ସହ ଓଡ଼ିଶାର ୬୩% ଅଚଳ ଓ ୪୮% ଲୋକଙ୍କ ପାଇଁ ସୁବିଧା ଦଉଥିବା ଏହି ବ୍ୟାଙ୍କ ମୁଖ୍ଯତଃ କୃଷି ଓ ଅନନ୍ୟ ଗ୍ରାମୀଣ ଉଦ୍ୟୋଗ ପାଇଁ ଆର୍ଥିକ ରୁଣ ପ୍ରଦାନ ପାଇଁ ପ୍ରାଥମିକତା ଦେଇଥାଏ ।
ନିୟମାନୁସାରେ ଗଠିତ ଏକ ପରିଚନା ସମିତିର ତତ୍ତ୍ୱାବଧାନରେ ଏହା ପରିଚାଳିତ ହୁଏ । ଏଥିରେ ଓଡ଼ିଶା ସରକାର, ଭାରତ ସରକାର ଓ ଭାରତୀୟ ଷ୍ଟେଟ ବ୍ୟାଙ୍କର ପ୍ରତିନିଧିମାନେ ରହିଥାଆନ୍ତି ।
This article uses material from the Wikipedia ଓଡ଼ିଆ article ଉତ୍କଳ ଗ୍ରାମୀଣ ବ୍ୟାଙ୍କ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.