ପ୍ରୀତିକା ରାଓ: ଭାରତୀୟ ଅଭିନେତ୍ରୀ

ପ୍ରୀତିକାଙ୍କ ବାପାଙ୍କର ଏକ ବିଜ୍ଞାପନ ନିର୍ମାଣ ସଂସ୍ଥା ମୁମ୍ବାଇରେ ଅଛି । ସେ ଅଭିନେତ୍ରୀ ଅମ୍ରିତା ରାଓଙ୍କ ସାନ ଭଉଣୀ । ପ୍ରୀତିକା ସୋଫିଆ କଲେଜରୁ ଇତିହାସରେ ସ୍ନାତକ ହାସଲ କରିଥିଲେ । ଏହିସ‌ହ ସେ ବିଜ୍ଞାପନ ଏବଂ ସାମ୍ବାଦିକତାରେ ଡିପ୍ଲୋମା କରିଥିଲେ ।

ଜଣେ କିଶୋରୀ ମଡେଲ ଭାବରେ ପ୍ରୀତିକା କ୍ୟାଡାବରି ଡେରୀ ମିଲ୍କ ଚକୋଲେଟ୍‌ ପାଇଁ ବିଜ୍ଞାପନରେ ଅମିତାଭ ବଚ୍ଚନଙ୍କ ସ‌ହ ଅଭିନୟ କରିଥିଲେ । ସେ ଜଣେ ମଡେଲ ଭାବରେ ଫୋର୍ଟି ପ୍ଲସ୍ ଏବଂ ପେପର କ୍ୟାମ୍ପେନ୍ ସ‌ହ କାର୍ଯ୍ୟ କରିଥିଲେ । ମଡେଲିଂରେ ସଫଳ ହେବା ପରେ ପ୍ରୀତିକା ସାମ୍ବାଦିକତାରେ କିଛି ଚଳଚ୍ଚିତ୍ର ନିର୍ମାଣ କରିବା ଆରମ୍ଭ କରିଥିଲେ । ସେ ଚେନ୍ନାଇ ଟାଇମ୍‌ସ୍, ମୁମ୍ବାଇ ମିରର୍, ବାଙ୍ଗାଲୋର ମିରର୍, ଇଣ୍ଡିଆନ ଫରମ୍‌ସ୍, ଡେକାନ କ୍ରୋନିକଲ୍ ଏବଂ ଏସିଆନ୍ ଏଜ୍ ଭଳି ସମ୍ବାଦପତ୍ର ପାଇଁ କାର୍ଯ୍ୟକରିଥିଲେ ।

ପ୍ରୀତିକା ତାଙ୍କର ପାଠପଢ଼ା ପାଇଁ ହିନ୍ଦୀ କଥାଚିତ୍ର ଜଗତରୁ ଅସିଥିବା ବଡ଼ ବଡ଼ ଚଳଚ୍ଚିତ୍ରର ସୁଯୋଗ ଛାଡ଼ିଥିଲେ । ତାଙ୍କୁ ଯାନେ ତୁ ୟା ଯାନେନା ଏବଂ ଆଶିକ୍ ୨ ଭଳି ଚଳଚ୍ଚିତ୍ରରେ କାମ କରିବାକୁ ମନା କରିଥିଲେ ।

ପ୍ରତୀକା ୨୦୧୧ରେ ତାମିଲ କଥାଚିତ୍ର ଚିକୁ ବକୁ ଜରିଆରେ ଅଭିନୟ ଜଗତରେ ପ୍ରବେଶ କରିଥିଲେ । ମାତ୍ର ସେ ନିଉ ୟର୍କ ଫିଲ୍ମ ଆକାଡେମୀରେ ବ୍ରଡକାଷ୍ଟ ଜର୍ଣ୍ଣାଲିଜିମ୍‌ରେ ଡିପ୍ଲୋମା କରିବା ପାଇଁ ଦକ୍ଷିଣ ଭାରତୀୟ କଥାଚିତ୍ରରୁ ବିରାମ ନେଇଥିଲେ ।

୨୦୧୪ରେ ପ୍ରୀତିକା କଲର୍ସ ଟିଭିରେ ପ୍ରସାରିତ ଧାରାବାହିକ ବେଇନ୍ତେହା ଜରିଆରେ ଚଳଚ୍ଚିତ୍ର ଦୁନିଆରୁ ଦୂରଦର୍ଶନ ଜଗତରେ ପ୍ରବେଶ କରିଥିଲେ । ଏହି ଧାରାବାହିକ ପାଇଁ ତାଙ୍କୁ କଳାକର ଆୱାର୍ଡ଼ରେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମିଳିଥିଲା । ଏଥି ସ‌ହ ସେ ଜୀ ଗୋଲ୍ଡ ଶ୍ରେଷ୍ଠ ନବାଗତା ପୁରସ୍କାର ପାଇଥିଲେ ।

• ୨୦୧୨: ଚିକୁ ବୁକୁ (ତାମିଲ)
• ୨୦୧୨: ପ୍ରିୟାଡ଼ୁ (ତେଲୁଗୁ)
• ୨୦୧୫: ରେବେଲ୍ (କନ୍ନଡ଼)

• ୨୦୦୬: ଝଲକ୍ ଦିଖ୍‌ଲା ଜା (ଅତିଥି)
• ୨୦୧୩: ବିଗ୍ ବସ୍ ୭ (ଅତିଥି)
• ୨୦୧୩: ବେଇନ୍ତେହା
• ୨୦୧୪: ବକ୍ସ କ୍ରିକେଟ ଲିଗ୍

• ଇଣ୍ଟରନେଟ ମୁଭି ଡାଟାବେସରେ ପ୍ରୀତିକା ରାଓ