ନୃସିଂହ ଚରଣ ପଣ୍ଡା

ନୃସିଂହ ଚରଣ, ୧୯୨୯ ଅପ୍ରେଲ ୨୦ ତାରିଖରେ ଢେଙ୍କାନାଳ ଜିଲ୍ଲାର ପରଜଙ୍ଗ ବ୍ଲକ ଅନ୍ତର୍ଗତ ତାଳବେରେଣା ଗ୍ରାମରେ ଜନ୍ମଗ୍ରହଣ କରିଥିଲେ । ପିଲାଦିନରୁ ସେ ଜଣେ ମେଧାବୀ ଛାତ୍ର ଥିଲେ । ୧୯୪୯ମସିହାରେ ପ୍ରଥମ ଶ୍ରେଣୀରେ ମାଟ୍ରିକ ପାସ କରିଥିଲେ । ଏହି ପରୀକ୍ଷାରେ ସେ ସମଗ୍ର ଓଡ଼ିଶାର ଶ୍ରେଷ୍ଠ ଦଶଜଣଙ୍କ ମଧ୍ୟରୁ ଜଣେ ଥିଲେ । ୧୯୫୧ ମସିହାରେ ରେଭେନ୍ସା ମହାବିଦ୍ୟାଳୟରୁ ପ୍ରଥମ ଶ୍ରେଣୀରେ ଆଇ.ଏସ୍.ସି ପାସ କରିଥିଲେ ।

ନୃସିଂହ ଚରଣ, ୧୯୫୫ ମସିହାରେ ଆଗ୍ରା ବିଶ୍ୱବିଦ୍ୟାଳୟ ଅଧିନସ୍ଥ ୟୁ.ପି. ପଶୁଚିକିତ୍ସା ବିଦ୍ୟାଳୟରୁ ପଶୁଚିକିତ୍ସା କ୍ଷେତ୍ରରେ ସ୍ନାତକ ପାସ କରିଥିଲେ । ଏଠାରେ ସେ ସ୍ୱର୍ଣ୍ଣପଦକ ଓ କୁଳପତି ପଦକ ହାସଲ କରିଥିଲେ । ସେ ୧୯୬୨ ମସିହାରେ ଆମେରିକାର ମିସୌରୀ ବିଶ୍ୱବିଦ୍ୟାଳୟରୁ ସ୍ନାତକୋତ୍ତର ଓ ୧୯୬୯ମସିହାରେ ପି.ଏଚ୍.ଡି ହାସଲ କରିଥିଲେ । ୨୦୧୦ ମସିହାରେ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ତାଙ୍କୁ ଡକ୍ଟରେଟ ପ୍ରଦାନ କରିଥିଲା । ଡ଼ ପଣ୍ଡା ୧୯୫୮ ମସିହାରୁ ୧୯୯୪ ପର୍ଯ୍ୟନ୍ତ ଓଡ଼ିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ ସହିତ ଜଡ଼ିତ ରହି ଶିକ୍ଷାଦାନ ଓ ଗବେଷଣାରେ ବ୍ରତୀ ଥିଲେ । ବାୟୋକେମେଷ୍ଟ୍ରୀ ଓ ନ୍ୟୁଟ୍ରିସନ ବିଭାଗରେ ତାଙ୍କର ଦକ୍ଷତା ରହିଥିଲା । ବାୟୋକେମେଷ୍ଟ୍ରୀ ଓ ନ୍ୟୁଟ୍ରିସନରେ ତାଙ୍କର ପ୍ରାୟ ୬୬ଟି ଶୋଧ ପତ୍ର ପ୍ରକାଶ ପାଇସାରିଛି । ତାଙ୍କ ଅଧିନରେ ୪ଜଣ ଛାତ୍ର ପି.ଏଚ୍.ଡି ମଧ୍ୟ ଲାଭ କରିଛନ୍ତି ।

ନୃସିଂହ ଚରଣ ସାହିତ୍ୟର ବହୁ ବିଭାଗ ଯଥା ଗଳ୍ପ, ଉପନ୍ୟାସ, ପ୍ରବନ୍ଧ, ଶିଶୁସାହିତ୍ୟ ଓ କବିତାରେ ଲେଖନି ଚାଳନା କରିଛନ୍ତି । ବିଜ୍ଞାନ ଭିତ୍ତିକ ସାହିତ୍ୟ ଲେଖକ ଭାବରେ ତାଙ୍କର ବିଶେଷ ପରିଚୟ ଅଛି । ଉଭୟ ଓଡ଼ିଆ ଓ ଇଂରାଜୀ ଭାଷାରେ ସେ ଲେଖନ୍ତି ।

ରଚନାବଳୀ

ଇଂରାଜୀ ପୁସ୍ତକ

• Maya in Physics, 1991, published by Motilal Banarsidass, Delhi.
• The Vibrating Universe, 1995, published by Motilal Banarsidas, Delhi.
• Mind and Supermind, 1996, Vol I & II, published by D.K. Printworld, New Delhi.
• Cyclic Universe, Vol. I & II, 2002, published by D.K. Printworld, New Delhi.
• Meditation, Science and Practice, 2003, published by D.K. Printworld, New Delhi.
• Yoga-Nidra, Yogic Trance, Theory, Practice and Applications, 2003, published by D.K. Printworld, New Delhi.
• Japa Yoga, Theory, Practice and Applications, 2007, published by D.K. Printworld, New Delhi.
• Bhagavadgeetaa : A New Exposition in a Broader Spectrum, 2009, published by D.K. Printworld, New Delhi.
• Hatha-Yoga
• Integral Cosmology

• ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର - ୧୯୮୪ (ସପ୍ତସିନ୍ଧୁ ଉପନ୍ୟାସ ନିମନ୍ତେ)
• ଶାରଳା ପୁରସ୍କାର - ୧୯୯୩ (ଖାରବେଳ ଉପନ୍ୟାସ ନିମନ୍ତେ)
• ଓଡ଼ିଶା ବିଜ୍ଞାନ ଏକାଡେମୀ ସମ୍ମାନ - ୨୦୧୧
• ଶୁକଦେବ ସାହୁ ଉପନ୍ୟାସ ସମ୍ମାନ - ୨୦୧୨
• ଦଶମ କଳିଙ୍ଗ ପୁସ୍ତକ ମେଳା ସାରସ୍ୱତ ସମ୍ମାନ - ୨୦୦୭(ଫେଣ ଓ ତରଙ୍ଗ କବିତା ସଙ୍କଳନା ନିମନ୍ତେ)
• ଭରତ ଚନ୍ଦ୍ର ନାୟକ ସ୍ମୃତି ପୁରସ୍କାର - ୧୯୭୮( ସମ୍ବଲପୁର ବିଶ୍ୱବିଦ୍ୟାଳୟଦ୍ୱାରା ପ୍ରଦତ୍ତ ଶ୍ରେଷ୍ଠ ପ୍ରବନ୍ଧ ନିମନ୍ତେ)
• ନନ୍ଦିଘୋଷ ସମ୍ମାନ - ୧୯୮୬
• ପଣ୍ଡିତ ଶ୍ରୀଧର ଦାସ ସ୍ମାରକୀ ନ୍ୟାସ ସମ୍ମାନ - ୨୦୦୨( ଉତ୍କଳ ବିଶ୍ୱବିଦ୍ୟାଳୟଦ୍ୱାରା ପ୍ରଦତ୍ତ ଦର୍ଶନ ଓ ସାହିତ୍ୟ କ୍ଷେତ୍ରରେ ଶ୍ରେଷ୍ଠତା ନିମନ୍ତେ)
• ଜଗନ୍ନାଥ ସୋସାଇଟି ଅଫ୍ ଆମେରିକାସ ସମ୍ମାନ - ୧୯୯୭ (ଦର୍ଶନ ଓ ସାହିତ୍ୟ କ୍ଷେତ୍ରରେ ଶ୍ରେଷ୍ଠତା ନିମନ୍ତେ)
• କପିଳାସ ସମ୍ମାନ - ୨୦୦୨( କଳା ଓ ସାହିତ୍ୟ କ୍ଷେତ୍ରରେ ଶ୍ରେଷ୍ଠତା ନିମନ୍ତେ ପ୍ରଦତ୍ତ)
• ଚିର ସାମର୍ଥ ପ୍ରତିଭା ସମ୍ମାନ - ୨୦୦୫
• ଷଷ୍ଠ ଭାରତୀୟ ପଶୁଚିକିତ୍ସା କଂଗ୍ରେସ ସମ୍ମାନ - ୨୦୦୬
• ଭୁବନେଶ୍ୱର ପ୍ରତିଭା ସମ୍ମାନ - ୨୦୧୩ (ମୁକ୍ତ ଚିନ୍ତନ ମଞ୍ଚଦ୍ୱାରା ପ୍ରଦତ୍ତ)