ତାରାନା ହାଲିମ (ଜନ୍ମ: ୧୬ ଅଗଷ୍ଟ ୧୯୬୬) ବଙ୍ଗଳାଦେଶୀ ରାଜନୈତିଜ୍ଞ, ପ୍ରାକ୍ତନ ଆଇନଜୀବୀ, ଦୂରଦର୍ଶନ ଏବଂ ଚଳଚ୍ଚିତ୍ର ଅଭିନେତ୍ରୀ ଓ ନାଟ୍ୟକାର । ସେ ପ୍ରଥମେ ଜଣେ ଦୂରଦର୍ଶନ ଅଭିନେତ୍ରୀ ଭାବରେ କାମ କରିବା ଆରମ୍ଭ କରିଥିଲେ ଏବଂ ପରେ ଚଳଚ୍ଚିତ୍ରରେ ଅଭିନୟ କରିଥିଲେ । ଜାନୁଆରୀ ୨୦୧୮ରେ ତାଙ୍କୁ ବଙ୍ଗଳାଦେଶର ଏକ ରାଜ୍ୟର ସୂଚନା ବିଭାଗ ମନ୍ତ୍ରୀ ଭାବରେ ନିଯୁକ୍ତି କରାଯାଇଥିଲା । ଏହାପୂର୍ବରୁ ସେ ଦୂରସଞ୍ଚାର ବିଭାଗର ମନ୍ତ୍ରୀ ଭାବରେ ଜୁଲାଇ ୨୦୧୪ରୁ ବଙ୍ଗଳାଦେଶ ସରକାର ପାଇଁ କାର୍ଯ୍ୟ କରିଥିଲେ ।
ତାରାନା ହାଲିମ | |
---|---|
তারানা হালিম | |
ଜନ୍ମ | ତାଙ୍ଗାଇଲ, ପୂର୍ବ ପାକିସ୍ତାନ, ପାକିସ୍ତାନ | ୧୬ ଅଗଷ୍ଟ ୧୯୬୬
ଜାତୀୟତା | ବଙ୍ଗଳାଦେଶୀ |
ଶିକ୍ଷା | ଏଲ୍ଏଲ୍ଏମ୍ |
ଶିକ୍ଷାନୁଷ୍ଠାନ | ଢାକା ବିଶ୍ୱବିଦ୍ୟାଳୟ |
Office | ସୂଚନା ଓ ଲୋକସମ୍ପର୍କ ମନ୍ତ୍ରୀ |
Predecessor | ହସନୁଲ ହକ୍ ଇନୁ |
ରାଜନୈତିକ ଦଳ | ବଙ୍ଗଳାଦେଶ ଆୱାମୀ ଲିଗ୍ |
ବୈବାହିକ-ସାଥୀ | ଅହମ୍ମଦ ରୁବେଲ |
ତାରାନା ହାଲିମ ପୂର୍ବ ପାକିସ୍ତାନର ତାଙ୍ଗାଇଲଠାରେ ୧୬ ଅଗଷ୍ଟ ୧୯୬୬ରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ଏମ୍ଏ ହାଲିମ ଜଣେ ଆୟକର ବିଭାଗର ଆୟୁକ୍ତ ଥିଲେ ଏବଂ ପରେ ଏବଂ ପରେ ସେ ବଙ୍ଗଳାଦେଶର ଅର୍ଥ ବିଭାଗ ମନ୍ତ୍ରାଳୟରେ ଜଣେ ସଚିବ ଭାବରେ ଯୋଗ ଦେଇଥିଲେ । ତାଙ୍କ ମାଆ ଅଖତାର ହାଲିମ ସ୍କୁଲରେ ଜଣେ ଶିକ୍ଷୟିତ୍ରୀ । ତିନି ଭାଇଭଉଣୀ ମଧ୍ୟରେ ତାରାନା ଥିଲେ କନିଷ୍ଠା । ତାଙ୍କ ଘର ତାଙ୍ଗାଇଲର ନାଗରପୁର ଉପଜିଲ୍ଲାର ଧୁବରିୟା ଗାଁରେ ।
ତାରାନା ୧୯୮୨ ମସିହାରେ ଆଜିମପୁର ଅଗ୍ରଣୀ ବାଳିକା ବିଦ୍ୟାଳୟରୁ ତାଙ୍କର ପ୍ରାରମ୍ଭିକ ଶିକ୍ଷା ଶେଷ କରିଥିଲେ ଏବଂ ୧୯୮୪ରେ ହଲିକସ୍ ମହାବିଦ୍ୟାଳୟରୁ ଉଚ୍ଚଶିକ୍ଷା ଶେଷ କରିଥିଲେ । ସେ ଢାକା ଶିକ୍ଷା ବୋର୍ଡ଼ରେ ଉଭୟ ଶିକ୍ଷାରେ ୯ମ ସ୍ଥାନରେ ରହିଥିଲେ । ଏହାପରେ ସେ ଢାକା ବିଶ୍ୱବିଦ୍ୟାଳୟରେ ଆଇନ ବିଭାଗରେ ପାଠ ପଢ଼ିଥିଲେ ।
ତାରାନା ସ୍କୁଲରେ ପଢ଼ୁଥିବାବେଳେ ମାତ୍ର ୫ ବର୍ଷ ବୟସରେ ଅଭିନୟ କରିବା ଆରମ୍ଭ କରିଥିଲେ ଏବଂ ସେ ପିମ୍ପଲ ଓ ସୁଟର ଭଳି ନାଟକରେ ଏକ ଜନ୍ଦାର ଭୂମିକାରେ ଅଭିନୟ କରିଥିଲେ । ଏହାପରେ ତାରାନା କଲେଜରେ ପଢ଼ୁଥିବାବେଳେ ଏକ ଦୂରଦର୍ଶନ ନାଟକରେ ଅଭିନୟ କରିଥିଲେ ଏବଂ ଏହାପରେ ସେ ରଙ୍ଗୀନ ଦୁନିଆରେ କାମ କରିବା ଆରମ୍ଭ କରିଥିଲେ । ସେ ଦୂରଦର୍ଶନରେ ସ୍ନେହ ଓ ଧାକେ ଟାକି ଭଳି ନାଟକରେ କାମ କରିଥିଲେ । ସେ ଏକ ଚଳଚ୍ଚିତ୍ରରେ ଅଭିନେତା ଫାରୁକ୍ଙ୍କର ସାନ ଭଉଣୀ ଭୂମିକାରେ ଅଭିନୟ କରିଥିଲେ ଏବଂ ଏହାପରେ ସେ ବଙ୍ଗାଳୀ ଚଳଚ୍ଚିତ୍ର ସାହେବରେ କାମ କରିଥିଲେ ।
ତାରାନା ଅଭିନୟ ସହିତ ନିଜର ପାଠ ପଢ଼ା ଜାରି ରଖିଥିଲେ ଏବଂ ସେ ବିଶ୍ୱବିଦ୍ୟାଳୟରେ ଆଇନ ବିଜ୍ଞାନରେ ପାଠ ପଢ଼ୁଥିବାବେଳେ ଉମୟ ଟିଭିର ଏକ ନାଟକରେ ମଦିନା ଭୂମିକାରେ ଅଭିନୟ କରିଥିଲେ ଏବଂ ସେତେବେଳେ ଦର୍ଶକ ତାଙ୍କୁ ଅଧିକ ପସନ୍ଦ କରିଥିଲେ । ସେ ୧୯୭୮ ମସିହାରେ ଅମଜାଦ ହୁସେନଙ୍କ ନିର୍ଦ୍ଦେଶିତ ଚଳଚ୍ଚିତ୍ର ଅମିତାଭ ଗୋଲାପିରେ ଅଭିନୟ କରିଥିଲେ ।
ତାରାନା ବଙ୍ଗବନ୍ଧୁ ସାଂସ୍କୃତିକ ଜାତି ନାମକ ଏକ ସାଂସ୍କୃତି ସଂସ୍ଥାରେ କାମ କରୁଥିଲେ । ୨୦୦୯ ମସିହା ମାର୍ଚ୍ଚ ମାସ ୨୦ ତାରିଖରେ ସେ ବଙ୍ଗଳାଦେଶର ସଂସଦରେ ଥିବା ୪୫ଟି ସଂରକ୍ଷିତ ମହିଳା ଆସନରୁ ଗୋଟିଏ ପାଇଁ ନିର୍ବାଚିତ ହୋଇଥିଲେ ।
ତାରାନା ପ୍ରଥମେ ଜଣଙ୍କୁ ବିବାହ କରିଥିଲେ ଏବଂ ଉଭୟଙ୍କର ଏକ ପୁଅ ଅଛି । ମାତ୍ର ପରେ ଏହି ଦମ୍ପତିଙ୍କର ବିବାହ ବିଚ୍ଛେଦ ହେବାପରେ ସେ ଅଭିନେତା ଅହମ୍ମଦ ରୁବେଲଙ୍କୁ ବିବାହ କରିଥିଲେ ।
This article uses material from the Wikipedia ଓଡ଼ିଆ article ତାରାନା ହାଲିମ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.