ଗଜେଡ଼ି ତାଳ: ନେପାଳର ହ୍ରଦ
]
ଗଜେଡ଼ି ତାଲ गजेडी ताल | |
|---|---|
 ନେପାଳର ଅନ୍ୟତମ ଲୋକପ୍ରିୟ ହ୍ରଦ ଗଜେଡ଼ି | |
| Coordinates: 27°39.74′N 83°16.55′E / 27.66233°N 83.27583°E | |
| ଦେଶ | ନେପାଳ |
| ଡେଭେଲପମେଣ୍ଟ ରିଜିଅନ୍ | ପଶ୍ଚିମ |
| ଜୋନ୍ | ଲୁମ୍ବିନୀ |
| ଜିଲ୍ଲା | ରୂପମଦେହୀ |
| ପୌରପାଳିକା | କଞ୍ଚନ ଆର୍.ଏମ୍. |
| ଗାଁ | ଦାନପୁର-ପୁଚିରା |
| ୱାର୍ଡ଼ ନମ୍ବର. | ୪ |
| Time zone | UTC+5:45 (ନେପାଳ ଟାଇମ୍) |
ଗଜେଡ଼ି ତାଳ (ନେପାଳୀ: गजेडी ताल) ହେଉଛି ନେପାଳରେ ଅବସ୍ଥିତ ଏକ ହ୍ରଦ । ଏହି ହ୍ରଦଟି ନେପାଳର ଦକ୍ଷିଣ ଅଞ୍ଚଳରେ ଲୁମ୍ବିନି ଅଞ୍ଚଳ ପାଖାପାଖି ଗଜେଡ଼ି ଗାଆଁରେ ରହିଛି । ହ୍ରଦଟି ନେପାଳର ମହେନ୍ଦ୍ର ରାଜପଥର ଦକ୍ଷିଣ ଆଡ଼କୁ ମାତ୍ରର 3 km (1.9 mi) ଦୂରରେ ଅବସ୍ଥିତ । ଏହି ହ୍ରଦଟି 4.5 km2 (1.7 sq mi) ଅଞ୍ଚଳରେ ପରିବ୍ୟାପ୍ତ ଏବଂ ଏହାକୁ ବଡ଼ ବଣ ଘେରି ରହିଛି ।
ଅବସ୍ଥିତି
ଗଜେଡ଼ି ତାଳ ନେପାଳର ଏକ ଗ୍ରାମାଞ୍ଚଳରେ ଅବସ୍ଥିତ । ଏହି ହ୍ରଦଟି ଦାନପୁର (କୁଚିରା) ଗାଆଁରେ ଅବସ୍ଥିତ, ଯାହାକି କଞ୍ଚନ ଗ୍ରାମୀଣ ପୌରପାଳିକା ଅନ୍ତର୍ଗତ । ଏହି ହ୍ରଦ ପାଖରେ ପହଞ୍ଚିବାକୁ ହେଲେ ରୂପନଦେହୀ ଜିଲ୍ଲା ମୁଖ୍ୟ ସଦର ମହକୁମାର ବୁତ୍ୱାଳଠାରୁ ସଡ଼କ ପଥ ମାଧ୍ୟମରେ ଯିବାକୁ ହୁଏ । ଜିଲ୍ଲା ସଦର ମହକୁମାଠାରୁ ଏହି ସ୍ଥାନଟି ପାଖାପାଖି ୨୧ କିଲୋମିଟର ଦୂରରେ ଅବସ୍ଥିତ । ବୁତ୍ୱାଳଠାରୁ ସଡ଼କ ପଥରେ ଯିବାବେଳେ ୧୯ କିଲୋମିଟର ପରେ ବାଂସଗାଧୀଠାରୁ ଦକ୍ଷିଣ ଦିଗକୁ ଯିବାକୁ ପଡ଼ିଥାଏ । ଏହି ହ୍ରଦ କୂଳରେ ଶାନ୍ତ ଓ ସବୁଜ ପରିବେଶ ପର୍ଯ୍ୟଟକଙ୍କୁ ଆକୃଷ୍ଟ କରିଥାଏ ଏବଂ ଏହି ହ୍ରଦ ପାଖାପାଖି ଅଞ୍ଚଳରେ ଅନେକ ବିରଳ ପ୍ରଜାତିର ପକ୍ଷୀମାନେ ଦୃଶ୍ୟମାନ ହୁଅନ୍ତି ।
ପର୍ଯ୍ୟଟକ ଆକର୍ଷଣ
ନୌକା ବିହାର
ଏହି ହ୍ରଦରେ ନୌକା ବିହାର ଦିନକୁ ଦିନକୁ ଲୋକପ୍ରିୟ ହେବାରେ ଲାଗିଛି । ଅନେକ ପର୍ଯ୍ୟଟକ ଏହି ହ୍ରଦରେ କେବଳ ନିର୍ମଳ ଜଳରେ ନୌକା ବିହାର କରିବା ପାଇଁ ଆସିଥାନ୍ତି ଏବଂ ନୌକା ବିହାର ସହିତ ଏହି ଅଞ୍ଚଳର ସବୁଜ ବନାନୀକୁ ଉପଭୋଗ କରିଥାନ୍ତି । ଏହି ସ୍ଥାନରେ ନୌକା ବିହାର କରିବା ପାଇଁ ଅନେକ ପ୍ରଶିକ୍ଷିତ ଲୋକ ଅଛନ୍ତି, ଯେଉଁମାନେ ଆବଶ୍ୟକସ୍ଥଳେ ସାହାଯ୍ୟ କରିଥାନ୍ତି । ସେହି ଅଞ୍ଚଳରେ ପର୍ଯ୍ୟଟକମାନଙ୍କୁ ସାହାଯ୍ୟ କରିବା ପାଇଁ ପର୍ଯ୍ୟଟକ ମାର୍ଗଦର୍ଶକମାନେ ମଧ୍ୟ ଥାଆନ୍ତି, ଯେଉଁମାନେ ସେହି ଅଞ୍ଚଳ ବିଷୟରେ ପ୍ରାୟ ସବୁକିଛି ଜାଣିଥାନ୍ତି । ଅନେକ ସମୟରେ ସେଠାରେ ଥିବା ମାର୍ଗଦର୍ଶକ ଏବଂ ସ୍ଥାନୀୟ ଅଞ୍ଚଳବାସୀ ସେଠାକର କିଛି ଦୁର୍ଘଟଣାରେ ମରିଥିବା କାହାଣୀକୁ କହି ପର୍ଯ୍ୟଟକମାନଙ୍କର ମନୋରଞ୍ଜନ କରିବା ପାଇଁ ଭୟଭୀତ କରାଇଥାନ୍ତି ।
ଜଙ୍ଗଲ ସଫାରୀ
ଏହି ହ୍ରଦର ଚତୁଃପାର୍ଶ୍ୱରେ ଥିବା ସବୁଜ ବନାନୀ ପାଇଁ ଜଙ୍ଗଲ ସଫାରୀ କରିବା ଆନନ୍ଦପୂର୍ଣ୍ଣ ହୋଇଥାଏ । ଏହାର ପାଖାପାଖି ଅଞ୍ଚଳରେ ଲୋକମାନେ ଆମା ସମୂହ, ସାମୂହିକ ବନ, ଇତ୍ୟାଦି ସଂସ୍ଥା ତିଆରି କରିଛନ୍ତି । ଏଠାରେ ଥିବା ପର୍ଯ୍ୟଟକ ମାର୍ଗଦର୍ଶକମାନେ ଉଭୟ ଆଭ୍ୟନ୍ତରୀଣ ଏବଂ ବାହାର ପର୍ଯ୍ୟଟକଙ୍କ ପାଇଁ ଅନୁଗତ ରହିଥାନ୍ତି । ଏଠାକୁ ଆସୁଥିବା ପର୍ଯ୍ୟଟକମାନଙ୍କୁ ବୁଲାଇ ଦେଖାଇବାକୁ ଥିବା ମାର୍ଗଦର୍ଶକମାନେ ଅତି ଅଳ୍ପ ଖର୍ଚ୍ଚରେ କାମ କରିଥାନ୍ତି ।
ବଣଭୋଜି
ଏହି ସ୍ଥାନରେ ବଣଭୋଜି କରିବା ହେଉଛି ଏକ ବିଶେଷ କାର୍ଯ୍ୟକଳାପ । ଯେତେବେଳେ ଏହି ହ୍ରଦଟି ସେତେ ଲୋକପ୍ରିୟ ହୋଇନଥିଲା, ସେତେବେଳେ ଦୂର ଗାଆଁମାନଙ୍କୁ ଲୋକମାନେ ବଣଭୋଜି କରିବା ପାଇଁ ପ୍ରଥମେ ଏହି ସ୍ଥାନଟିକୁ ଆସୁଥିଲେ । ଏବେ ଏହି ସ୍ଥାନଟି ସମୂର୍ଣ୍ଣ ସୁବିଧା ଥିବା ବଣଭୋଜି ସ୍ଥଳ ।
ପାଖାପାଖି ସ୍ଥାନ
ଏହି ହ୍ରଦର ଅଳ୍ପ କିଛି ଦୂରରେ ଲୁମ୍ବିନୀ, ଗୌତମ ବୁଦ୍ଧଙ୍କର ଜନ୍ମସ୍ଥଳ ଅବସ୍ଥିତ, ଯାହାକି "ଦ ଲାଇଟ ଅଫ୍ ଏସିଆ" ଭାବରେ ଜଣା । ଏହି ସ୍ଥାନଟିକୁ ବିଦେଶ ପର୍ଯ୍ୟଟକମାନେ ବହୁତ ଆସନ୍ତି ।
ଆଧାର
ବାହାର ଆଧାର
This article uses material from the Wikipedia ଓଡ଼ିଆ article ଗଜେଡ଼ି ତାଳ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.