ଅନନ୍ତ ପ୍ରସାଦ ପଣ୍ଡା (୧୮ ଜୁଲାଇ ୧୯୦୬ - ୧୫ ଡିସେମ୍ବର ୧୯୮୯) ଜଣେ ଓଡ଼ିଆ ସାହିତ୍ୟିକ ଥିଲେ । ଗଳ୍ପ ଲେଖି ଅଧିକ ଆନନ୍ଦ ପାଇଥିବା କଥା ସେ ନିଜେ ସ୍ୱୀକାର କରିଥିଲେ ମଧ୍ୟ, ସାହିତ୍ୟର ବିଭିନ୍ନ ବିଭାଗ ଯଥା, ଉପନ୍ୟାସ, ନାଟକ, ପ୍ରବନ୍ଧ ତଥା କବିତାରେ ତାଙ୍କର ପ୍ରବେଶ ରହିଥିଲା ।
ଅନନ୍ତ ପ୍ରସାଦ ପଣ୍ଡା | |
---|---|
ଜନ୍ମ | ଅନନ୍ତ ପ୍ରସାଦ ପଣ୍ଡା ୧୮ ଜୁଲାଇ ୧୯୦୬ |
ମୃତ୍ୟୁ | ୧୫ ଡିସେମ୍ବର ୧୯୮୯ | (ବୟସ ୮୩)
ଜାତୀୟତା | ଭାରତୀୟ |
ଶିକ୍ଷାନୁଷ୍ଠାନ | ରେଭେନ୍ସା ମହାବିଦ୍ୟାଳୟ |
ପ୍ରସିଦ୍ଧି | ଗାଳ୍ପିକ |
ଅନନ୍ତ ପ୍ରସାଦ ୧୯୦୬ ମସିହାରେ ଜନ୍ମଗ୍ରହଣ କରିଥିଲେ । ବାଲ୍ୟକାଳ ସୋର ବାହାନାଗା ଅନ୍ତର୍ଗତ କଲ୍ୟାଣୀ ଗ୍ରାମରେ କଟିଥିଲା । ପିଲାଦିନେ ମୋଟା ଥିବାରୁ, ତାଙ୍କ ଅବଧାନ କହୁଥିଲେ ସାକ୍ଷାତ ଗଣେଶ । ପାଣିରେ ପଶି କଇଁ ଫୁଲ ତୋଳିବା ତାଙ୍କର ସଉକ ଥିଲା । ସେ ବାଲେଶ୍ୱର ଜିଲ୍ଲା ସ୍କୁଲ ଓ ରେଭେନ୍ସା ମହାବିଦ୍ୟାଳୟରେ ପାଠ ପଢ଼ିଥିଲେ । ୨୦ବର୍ଷ ବୟସରେ ସବ୍-ଡେପୁଟି କଲେକ୍ଟର ଭାବରେ ଚାକିରି ଜୀବନ ଆରମ୍ଭ କରିଥିଲେ । ଚାକିରି ଜୀବନ ବାଲେଶ୍ୱର, କଟକ, ଭଦ୍ରକ, ପୁରୀ, ବରଗଡ଼, କେନ୍ଦ୍ରାପଡ଼ା ଓ ଆସିକା ଆଦି ସ୍ଥାନରେ ବିତିଥିଲା । ଅବସର ପରେ କଟକରେ ସ୍ଥାୟି ଭାବରେ ବସବାସ କରୁଥିଲେ ।
୧୯୮୯ ମସିହା ଡିସେମ୍ବର ୧୫ ତାରିଖରେ ତାଙ୍କର ତିରୋଧାନ ଘଟିଥିଲା ।
କୈଶରରୁ କବିତା ଲେଖା ଆରମ୍ଭ କରିଥିଲେ ଅନନ୍ତ । ବାଲେଶ୍ୱର ଜିଲ୍ଲା ସ୍କୁଲରେ ପଢ଼ିବା ବେଳେ, "ପାରିଜାତ" ନାମକ ହାତ ଲେଖା ପତ୍ରିକା ତାଙ୍କରି ପ୍ରଚେଷ୍ଠାରେ ପ୍ରକାଶ ପାଉଥିଲା । ସେଥିରେ ସେ ଲେଖିଥିଲେ "ସ୍ୱର୍ଗୀୟ କୁସୁମ ଆରେ ପାରିଜାତ; ତୋ' ସଙ୍ଗେ ସରି କେ ହେବ କହ ତ ।" ରେଭେନ୍ସା ମହାବିଦ୍ୟାଳୟରେ ପଢ଼ିବା ବେଳକୁ ପୂର୍ବ-ଛାତ୍ରାବାସ(ଇଷ୍ଟ ହଷ୍ଟେଲ)ର ପତ୍ରିକା "ଜାଗରଣ" ପ୍ରକାଶ ପାଉଥିଲା । ସେଥିରେ ତାଙ୍କର ପ୍ରଥମ ଗଳ୍ପ "ଅନ୍ତିମ ମିଳନ" ପ୍ରକାଶ ପାଇଥିଲା । ଦ୍ୱିତୀୟ ଗଳ୍ପ ଥିଲା "ଅତୃପ୍ତ ବାସନା" । ଗଳ୍ପଟି ବାଗ୍ମୀ ବିଶ୍ୱନାଥ କରଙ୍କଦ୍ୱାରା ସମ୍ପାଦିତ ପତ୍ରିକା "ଉତ୍କଳ ସାହିତ୍ୟ"ରେ ପ୍ରକାଶିତ ହୋଇଥିଲା । ତୃତୀୟ ଗଳ୍ପ "ବାସନା ତୃପ୍ତି" ମଧ୍ୟ ସେହି ପତ୍ରିକାରେ ସ୍ଥାନ ପାଇଥିଲା ।
ଗଳ୍ପ ଗ୍ରନ୍ଥ
| ଉପନ୍ୟାସ
ଆତ୍ମଚରିତ
|
This article uses material from the Wikipedia ଓଡ଼ିଆ article ଅନନ୍ତ ପ୍ରସାଦ ପଣ୍ଡା, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.