Lo guindolièr o agriotièr, (Prunus cerasus) es un arbre fruchièr del genre Prunus, familha de las Rosaceae.
Règne | Plantae |
---|---|
Sosrègne | Tracheobionta |
Division | Magnoliophyta |
Classa | Magnoliopsida |
Sosclassa | Rosidae |
Òrdre | Rosales |
Familha | Rosaceae |
Genre | Prunus |
Òrdre | Rosales |
---|---|
Familha | Rosaceae |
Es cultivat per sos fruches, las agriòtas/griòtas, guindas, guindolas, guindolhs gasc., guinhas o moretas gasc.
L'apellacion cererièr agre es justificada, car lo tèrme agriòta o griòta deriva precisament de agre.
Lo Prunus cerasus es un arbrilhon, que despassa rarament 8 mètres de nautor, a la diferéncia de l'amarovièr que pòt aténher 20 mètres. A l'estat salvatge, es un arbrilhon que gaissa facilament, en formant de boissons dins las baranhas e e los torals. Sas brancas pus feblas que las de l'amarovièr, son espandidas o pendentas.
Lo pecol de 1-2 cm de long es fòrça pus cort que lo de l'amarovièr que fa 2-7 cm. Pòrta o pas de nectaris. Lo limbe elliptic, de 5-8 cm × 3-5 cm, a de margas finament biserruladas.
Las flors, amassadas en ombèlas de 2-4 flors, apareisson al començament de la foliacion. Son blancas e fan 2 - 2,5 cm de diamètre. A la diferéncia dels cerièrs, son autogamas. La florida a luòc en abril-mai.
Lo fruch es una drupa, de color roge viu a negre e brilhant, de 1,2 - 1,5 cm de diamètre, fòrça chucosa, de sabor acidulada, conven per las confituras e las conservas amb aigardent.
This article uses material from the Wikipedia Occitan article Prunus cerasus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.