Sindhi
Lo sindhi es una lenga indoariana parlada en Paquistan.
سنڌي — सिन्धी  | |
| Locutors | 25 000 000 |
|---|---|
| Classificacion lingüistica | Sindhi |
| Acadèmia | Sindhi Language Authority (fr)  |
| Còdis lingüistics | |
| ISO 639-1 | sd |
| ISO 639-2 | snd |
| ISO 639-3 | snd |
| Ethnologue | snd |
| Glottolog | sind1272 |
| Linguasphere | 59-AAF-f |
| ASCL | 5208 |
| IETF | sd |
Localisacion
La lenga es parlada dins lo Sindh e lo Balochistan en Paquistan. En Índia la lenga parlada per de sindhis, qu'an daissat Paquistan aprèp la particicion amb Índia, en 1947. Vivon subretot dins de vilas de Maharashtra, Gujarat, Rajasthan, Madhya Pradesh e en Delhi.
Classificacion e dialèctes
Lo sindhi fa partida de las lengas indoarianas del nòrd-oèst, una branca de las lengas indoarianas, que fan partida de la familha indoeuropèa.
Lo sindhi pòt èsser despartit entre sièis dialèctes. Lo vicholi del Sindh central es, en Paquistan, lo dialècte de referéncia. Lo siraiki, es parlat dins lo Naut Sindh e es pas de confondre amb lo saraiki o siraiki, qu'es un dialècte del panjabi. Lo lari es parlat dins lo Bas Sindh e lo lasi en Balochistan e en Kohistan. En Índia, fòra de las populacions refugiadas de 1947, se tròban los parlars thari, dins lo desèrt de Thar en Rajasthan e lo kutchi o kachchi, dins la region de Kutch en Gujarat. Los sindhis indians reconneisson pas lo vicholi coma lenga estandard, encara que la compreneson entre vicholi e kachhi siá pas dificila.
Referéncias
Fonts
- (en) Lachman M.Khubchandani, 2007, Sindhi, dins The Indo-Aryan Languages, George Cardona, Danesh Jain (eds.) p. 683-721, Routledge language family series, Londres, Taylor & Francis.
This article uses material from the Wikipedia Occitan article Sindhi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.