Lo leninisme es l'ideologia fondada sus lei teorias de Vladimir Ilich Ulianov (1870-1924) dich « Lenin ».
Derivat dau marxisme, es una adaptacion dei doctrinas de Karl Marx (1818-1883) destinat a conquistar e conservar lo poder dins l'Empèri Rus dau començament dau sègle XX. Dins aquela concepcion, lo partit comunista a l'origina de la revolucion comunista èra vist coma l'otís principau de la direccion de la lucha dau proletariat còntra la borgesiá.
Après la presa dau poder per lei bolchevics e la mòrt de Lenin, lo leninisme, qu'èra encara un ensemble divèrs de directivas provisòrias, foguèt estructurat per Estalin (1878-1953). Desenant fondat sus de principis quasi dogmatics, lo leninisme prenguèt lo nom de « marxisme-leninisme ». Inspirèt lo foncionament de l'Union Sovietica e dei país dau blòt de l'Èst fins a la fin de la Guèrra Freja. Pasmens, uei, lo leninisme es largament descreditat per l'afondrament finau dau blòt sovietic
This article uses material from the Wikipedia Occitan article Leninisme, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.