Un condensat de Bose-Einstein es un estat de la matèria format d'un gas de bosons fòrça diluit a una temperatura pròcha dau zèro absolut.
Dins aquelei condicions, la màger part dei bosons ocupan l'estat quantic pus bas possible, çò que permet a certaneis efiechs quantics microscopics de venir visibles. Dins lei fachs, per obtenir un tal compausat, es necessari de diluir un gas a una densitat 100 000 còps pus febla qu'aquela de l'èr e de lo refrejar a una temperatura d'aperaquí un centenau de nanogras Kelvin (10-7 K).
Aquel estat foguèt previst en 1924-1925 per lei fiscians Satyendra Nath Bose (1894-1974) e Albert Einstein (1879-1955) e la premiera observacion experimentala foguèt realizada en 1995 per Eric Allin Cornell (nascut en 1961) e Carl Wieman (nascut en 1951).
This article uses material from the Wikipedia Occitan article Condensat de Bose-Einstein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Lo contengut es disponible jos licéncia CC BY-SA 4.0 levat mencion contrària. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Occitan (DUHOCTRUNGQUOC.VN) is an independent company and has no affiliation with Wiki Foundation.