ߡߐ߰ߦߊ ߖߏ ߟߎ߬/ ߡߐ߰ߦߊ ߖߏ ߟߎ߬ ߦߋ߫ ߡߎ߲߬ ߘߌ߫؟ ߤߊߟߌ߬ ߣߴߊ߬ ߕߘߍ߬ ߘߊ߫ ߞߏ߫ ߞߘߐߝߐߟߊ߲ ߘߏ߫ ߟߎ߫ ߦߋ߫ ߞߎߡߊߡߊߘߋ߲ ߣߌ߲߬ ߞߘߐ߫ ߞߍ߫ ߟߊ߫ > ߘߌ߫ ߣߴߊ߬ ߟߊߓߊ߯ߙߊ߫ ߘߊ߫ ߡߐ߰ߦߊ ߖߏ ߘߊߞߎ߲ ߠߊ߫.
ߞߘߐ߫ ߖߐ߲ߖߐ߲ ߞߐ߬ߣߌ߲߬ ߦߴߊ߬ ߟߊ߫. ߖߏ ߘߏ߫ ߦߋ߫ ߡߐ߱ ߞߋ߬ߟߋ߲߬ߞߋ߬ߟߋ߲߬ߠߊ ߓߟߏ߫ ߞߵߊ߬ ߛߊߓߎ ߞߍ߫ ߘߐߙߐ߲߫ ߞߏ߫ ߡߐ߱ ߟߋ߬. ߏ߬ ߟߋ߬ ߦߋ߫ <<ߡߐ߰ߦߊ ߖߏ ߘߌ߫>> ߤߊߞߍ ߟߎ߬ ߕߍ߫ ߘߐߙߐ߲߫ ߡߍ߲ ߘߌ߫ ߛߋ߫ ߓߐ߬ߛߌ߬ ߟߊ߫ ߡߐ߱ ߟߊ߫ ߘߏ߫ ߓߟߏ߫. ߖߏ ߘߏ߫ ߟߋ߬ ߡߐ߱ ߓߍ߯ ߣߌ߫ ߡߍ߲ ߞߊ߫ ߞߊ߲߫ ߞߵߊ߬ ߛߊߓߎ ߞߴߊ߬ ߟߊ߫ ߡߐ߰ߦߊ ߘߐߙߐ߲߫ ߘߌ߫.
ߦߌߟߡߊߓߏߟߏ߲ | rights, convention |
---|---|
ߊ߬ ߦߋ߫ ߡߍ߲ ߘߏ߫ ߘߌ߫ | international law |
ߖߎ߬ߓߌ߬ߟߊ߬ߟߌ߬ ߞߟߏߜߍ | Universal Declaration of Human Rights |
Hashtag | StandUp4HumanRights |
Main regulatory text | European Convention on Human Rights |
ߟߥߊߟߌߟߊ߫ | ߡߐ߱ ߤߊߞߍ ߡߊߞߊ߲ߞߊ߲ߓߊ߮ |
Personal library at | University of Minnesota Libraries |
WordLift URL | http://data.thenextweb.com/tnw/entity/human_rights |
߅߃߉ ߟߊ߫ ߌ.ߡ ߢߍ߫ ߛߌߙߎ߳ߛߑߓߊ ߟߊ߫ ߞߟߍ߬ߓߏߟߏ߲، ߔߍߙߛߌ߫ ߡߊ߲߬ߛߊ߬ ߝߟߐ߫، ߏ߬ ߞߊ߬ ߓߊߓߌߟߐߣ ߝߌߙߌ߲ߕߊ߬ߥߏ߬ ߒ߬ߞߊ߬ ߏ߬ ߟߊ߫ ߥߊߟߋߦߊ ߟߎ߬ ߟߋ߬ ߞߍ߫ ߘߊ߫ ߛߊߓߎ ߘߌ߫ ߞߊ߬ ߢߍߕߊ߯ߓߊ ߘߌ߫ ߡߐ߰ߦߊ ߖߏ ߡߊ߬. ߊ߬ ߞߊ߬ ߖߐ߲߭ ߠߎ߬ ߞߊ߲ߠߊߓߌ߬ߟߊ߬ ߞߊ߬ ߓߊ߲߫ ߞߵߊ߬ ߟߊߛߋ߫ ߞߏ߫ ߖߏ ߦߋ߫ ߓߍ߯ ߓߟߏ߫ ߞߊ߬ ߘߏ߲߬ ߘߌ߯ߣߊ ߘߐ߫ ߡߍ߲ ߞߊ߫ ߘߴߊ߬ ߦߋ߫. ߊ߬ ߞߊ߬ ߛߌߦߊ ߟߎ߬ ߓߍ߯ ߟߊߞߢߊ߫. ߊ߬ ߟߊ߫ ߛߙߊߕߌ ߕߊ߬ߣߍ߲ ߠߎ߬ ߘߏ߫ ߟߎ߫ ߟߊߞߎ߲߬ߘߎ ߘߊ߫ ߛߓߍߟߌ ߘߐ߫ ߓߐ߱ ߟߎ߬ ߞߊ߲߬ ߊߞߊߘߌ߫ ߞߊ߲ ߘߐ߫. ߏ߬ ߟߋ߬ ߦߋ߫ ߟߊߞߏߟߐ߲߫ ߓߌ߬ ߛߌߙߎ߳ߛ ߕߐ߮ ߘߐ߫. ߘߐ߬ߛߙߋ߬ ߞߘߐ ߏ߬ ߟߋ߬ ߓߘߊ߫ ߖߊ߬ߕߋ߬ ߛߌ߬ߛߊ߲߬ ߡߐ߰ߦߊ ߖߏ ߟߊߥߊ߲߬ߞߊ߬ߣߍ߲ ߝߟߐ߫ ߘߌ߫. ߘߎߢߊ߫ ߘߐ߫. ߊ߬ ߘߟߊߡߌ߬ߘߊ߬ߣߍ߲ ߡ.ߟ.ߛ ߟߊ߫ ߞߎ߲߬ߠߊ߬ߛߌ߰ ߞߊ߲߬ ߥߙߐ߫(߆) ߓߍ߯ ߘߐ߫. ߊ߬ ߓߍ߲߬ߞߊ߲ ߏ߬ ߟߎ߫ ߟߋ߬ ߣߌ߫ ߡߐ߰ߦߊ ߖߏ ߟߊߥߊ߲߬ߞߊ߬ߣߍ߲ ߖߊ߯ߓߊߟߞߊ ߟߊ߫ ߕߐ߲ߛߋ߲ ߣߊ߯ߣߌ߲߫ ߝߟߐ߫ ߓߍ߯ ߞߊ߫ ߛߎ߬ߘߎ߲߬.
ߡߐ߰ߦߊ ߖߏ ߟߎ߬ ߡߊ߬ߡߊ߬ ߘߊ߫ ߞߵߊ߬ ߕߊ߬ ߓߊߓߌߟߐߣ ߠߊ߫، ߍ߲ߘߌ߬ ߟߊ߫ ߜߙߍߞߌ߫ ߟߊ߫ ߞߊ߬ ߛߋ߫ ߙߐߡߎ߲߬ ߡߊ߬. ߞߐ߬ߣߌ߲߬ ߸ ߛߎ߲ߞߎ߲ ߞߎ߬ߙߎ߲߬ߘߎ ߟߎ߬ ߞߊ߬ ߡߐ߱ ߟߎ߬ ߟߊߢߐ߲߯ߡߊ ߘߐ߬ߞߙߐ߬ߛߌ ߟߋ߬ ߝߍ߬ ߞߎ߬ߙߎ߲߬ߘߎ߬ ߛߓߍߓߊߟߌ ߟߎ߬ ߟߊ߫ ߓߊ߯ߙߊߟߌ. ߙߐ߬ߡߎ߲߬ ߞߎ߬ߙߎ߲߬ߘߎ ߓߎ߲ߓߎ߲ߣߍ߲ ߕߎ߲߬ ߧߋ߫ ߝߋ߲ ߠߎ߬ ߛߎ߲ߞߎ߲ ߞߍߢߊ ߡߙߌߦߊ ߟߋ߬ ߡߊ߬.
ߘߐ߬ߛߙߋ ߘߏ߫ ߟߎ߫ ߟߋ߬ ߓߘߊ߫ ߡߐ߰ߦߊ ߖߏ ߟߊߛߙߋߦߊ߫ ߦߏ߫ ߡߊߢߊ߲߫ ߞߊߙߑߕߊ (߁߂߁߅)، ߞߎ߬ߙߎ߲߬ߘߎ ߟߊߢߌߣߌ߲ (߁߆߂߈)، ߞߊ߬ߝߏ߬ ߟߊߘߍ߬ߣߍ߲ ߛߌ߰ߞߊ߲ (߁߇߈߇). ߝߊ߬ߙߊ߲߬ߛߌ ߡߐ߰ߦߊ ߖߏ ߣߌ߫ ߘߎ߰ߘߋ߲ ߖߏ ߟߊߥߊ߲߬ߞߊ߬ߣߍ߲ (߁߇߈߉) ߊ߬ ߣߌ߫ ߞߊ߬ߝߏ߬ ߟߊߘߍ߬ߣߍ߲ ߠߎ߬ ߖߏ ߟߊߥߊ߲߬ߞߊ߬ߣߍ߲(߁߇߉߁) ߣߌ߲߬ ߠߎ߬ ߠߋ߬ ߞߎ߲߬ߝߟߐ߫ ߛߓߍߣߍ߲ ߠߎ߬ ߘߌ߫ ߡߐ߰ߦߊ ߖߏ ߞߊ߬ߞߎߘߊ ߘߐߛߙߋ ߝߊ߲߬ߓߊ ߓߐߣߍ߲ ߡߍ߲ ߠߎ߬ ߘߐ߫.
ߡߊ߲߬ߕߏ߲߬ ߠߊߘߍ߬ߣߍ߲ ߛߌ߲߬ߝߏ߲߬ߧߊ߬ߟߌ (ߡ.ߟ.ߛ) ߛߌ߲ߘߌ߫ ߘߊ߫ ߁߉߄߈ ߠߋ߬ ߟߊ߫، ߖߊ߯ߓߊ ߞߟߍ߬ ߝߌߟߊߣߊ߲ ߓߊ߲߫ ߞߐ߫ ߜߐߞߎ߫. ߡ.ߟ.ߛ ߟߊ߫ ߟߊ߬ߢߌߣߌ߲ ߠߋ߬ ߞߊ߬ ߖߐ ߟߊߘߏ߲߬ ߘߎߢߊ߫ ߖߡߊ߬ߣߊ ߓߍ߯ ߞߣߐ߫. ߖߊ߯ߓߊ ߞߣߍ߬ ߝߌߟߊߣߊ߲ ߞߐ߫ ߸ ߥߛߊ߬ߓߊ߰ߦߊ ߘߏ߫ ߛߌ߰ ߘߊ߫ ߛߋ߲߭ ߞߊ߲߬ ߡߍ߲ ߥߛߊ߬ߘߋ߲ ߢߍߡߐ߮ ߕߎ߲߬ ߧߋ߫ ߓߐ߬ߟߐ߲߬ߞߊ ߋߟߋߤߊߣߐߙ ߙߤߏߛ߭ߍߝ߭ߍߟ ߘߌ߫ ߸ ߊߡߋߙߌߞߌ߬ ߞߊ߲ߕߌ߮ ߝߊߙߊ߲ߞߌߟߍ߲߫ ߘߋ߲߫ ߡߏ߬ߛߏ. ߙߤߏߛ߭ߍߝ߭ߍߟ ߦߋ߫ ߘߐ߬ߛߙߋ ߘߏ߫ ߛߓߍ߫ ߡߍ߲ ߦߴߊ߬ <<ߟߊߥߊ߲߬ߞߊ߬>> ߟߊ߫ ߞߏ߫ ߡߐ߱ ߓߍ߯ ߣߌ߫ ߖߏ ߖߐ߲ ߞߊ߫ ߞߊ߲߫. ߏ߬ ߟߋ߬ ߦߋ߫ ߡߐ߰ߦߊ ߖߏ ߖߊ߯ߓߊߟߞߊ ߘߌ߫. ߓߌ߬ ߸ ߞߊ߬ߝߏ ߁߉߂ ߟߋ߬ ߡ.ߟ.ߛ ߛߌ߲߬ߝߏ߲ ߘߌ߫. ߏ߬ ߓߍ߯ ߞߊ߬ ߡߐ߰ߦߊ ߖߏ߫ ߖߊ߯ߓߊߟߞߊ ߟߊߥߊ߲߬ߞߊ߬ߣߍ߲ ߞߟߊ߬ߣߐ߬ߦߊ߬ ߞߵߊ߬ߟߎ߬ ߟߊ߫ ߘߌ߬ߢߍ ߘߌ߫.
<< ߦߙߐߣߍ߲ ߓߍ߯، ߌ ߞߍ߬ߙߍߝߍ߬، ߌ ߘߊߝߍ߬، ߞߐ߬ߣߌ߲߬ ߊ߬ ߘߐ߯ߡߊ߲߫ ߞߏߖߎ߰ ߝߴߊ߬ ߕߴߛߋ߫ ߦߋ߫ ߟߊ߫ ߘߎߢߊ߫ ߘߎ߰ ߔߊ߬ߔߘߊ߬ ߛߌ߫ ߞߊ߲߬ ߸ ߞߵߊ߬ ߕߘߍ߬ ߡߐ߱ ߞߋ߬ߟߋ߲ߞߋ߬ߟߋ߲ߣߊ ߟߊ߫ ߞߣߍ߫ ߟߋ߬ ߞߏ߫ ߦߋ߫ ߸ ߌ ߡߊ߬ߛߎ߬ߘߎ߲߬ߧߊ ߘߐ߫، ߞߊ߬ߙߊ߲߬ߕߊ ߥߟߊ߫ ߖߊ߯ߓߘߊ ߟߊ߫ ߌ ߦߋ߫ ߡߍ߲ ߟߊߡߍ߲߬ߛߍ߲߬ߧߊ߬ ߟߊ߫، ߘߍ߲߬ߢߊ߬ߘߊ ߟߊ߫، ߝߏ߬ߙߏ ߟߊ߫ ߥߟߊ߫ ߛߓߍߘߊ ߟߊ߫ ߓߊ߯ߙߊ ߦߋ߫ ߞߍ߫ ߟߊ߫ ߡߍ߲ ߘߐ߫߸ ߣߌ߲߬ ߦߙߐ߫ ߞߏߝߐߣߍ߲ ߠߎ߬ ߟߋ߬ ߘߐ߫ ߗߍ߭ ߣߌ߫ ߡߏ߬ߛߏ ߣߌ߫ ߘߋ߲ߣߍ߲ ߠߎ߬ ߡߊ߬ߞߏ ߦߋ߫ ߡߌ߬ߘߊ߬ߞߏ߬ ߢߎߡߊ߲߫ ߠߊ߫ ߘߐ߬ߥߟߏ߬ߡߊ߬ߟߌ ߛߌ߫ ߕߍ߫ ߡߍ߲ ߘߐ߫ ߊ߬ ߣߌ߫ ߓߍ߯ ߦߋ߫ ߞߋߟߋ߲߫ ߘߌ߫ ߡߍ߲ ߘߐ߫ ߛߊ߬ߙߌ߬ߦߊ߬ ߓߟߏߡߊ߬ ߊ߬ ߣߌ߫ ߓߍ߯ ߓߍ߬ߒ߬ߛߋ߲߬ߡߊ ߟߊߞߢߊߟߌ ߛߎߘߊ߲ߠߌ ߘߊߞߎ߲ ߠߊ߫ ߤߙߐߦߊ ߞߣߐ߫. ߣߌ߫ ߞߎ߲߬ ߡߊ߫ ߞߍ߫ ߞߎ߬ߙߎ߲߬ߘߎ ߟߎ߬ ߟߊ߫ ߦߙߐ ߏ߬ ߟߎ߫ ߘߐ߫ ߸ ߏ߬ ߞߘߐ߫ ߟߋ߬ ߞߏ߫ ߞߎ߲߬ ߕߴߊ߬ ߝߊ߲߬ ߛߌ߫. ߣߌ߫ ߘߎ߰ߘߋ߲ ߠߎ߬ ߡߊ߫ ߓߍ߲߬ ߞߋߟߋ߲߫ ߞߊ߲߬ ߞߊ߬ ߖߏ ߣߌ߲߬ ߠߎ߫ ߞߐߞߘߐߓߌ߲ߓߌ߲߫ ߊ߬ߟߎ߬ ߡߊߞߍ߫ ߦߙߐ ߟߎ߬ ߘߐ߫، ߊ߲ ߟߊߣߴߊ߬ ߟߊ߫ ߞߏ߫ ߘߎߢߊ߫ ߦߋ߫ ߕߊ߯ ߞߊ߲߬ ߢߍ߫>> ߋߟߋߤߊߣߐߙ ߙߤߏߛ߭ߍߝ߭ߍߟ، ߞߊ߬ߝߏ߬ ߟߊߘߍ߬ߣߍ߲ ߞߊ߲ߕߌ߯ ߞߘߐ߫ ߝߊߙߊ߲ߞߌߟߍ߲ ߡߏ߬ߛߏ ߣߌ߫ ߡߊ߲߬ߕߏ߲߬ ߠߊߘߍ߬ߣߍ߲ ߥߛߊ߬ߓߊ߰ߦߊ ߢߍߡߐ߮، ߊ߬ߟߋ ߟߋ߬ ߞߊ߬ ߡߐ߰ߦߊ ߖߏ߫ ߖߊ߯ߓߊߟߞߊ ߛߓߍ߫ ߁߉߄߈ ߠߊ߫.
ߓߐߞߏߣߊ߲ ߟߊߣߐ߰ߦߊ߬ߣߍ߲: ߓߐߞߏߣߊ߲ ߟߊߣߐ߰ߦߊ߬ߣߍ߲ ߣߌ߲߬ ߧߋ߫ ߡߐ߰ߦߊ ߖߏ߫ ߖߊ߯ߓߊߟߞߊ ߟߊߥߊ߲߬ߞߊ߬ߣߍ߲ ߕߏ߲ߘߋ߲ ߃߀ ߟߊߣߐ߰ߦߊ߬ߣߍ߲ ߠߋ߬ ߘߌ߫ ߡߍ߲ ߞߙߍߞߙߍߣߍ߲ ߝߎߣߎ߲ߞߋ ߟߎ߬ ߞߊ߲ߡߊ߬.
This article uses material from the Wikipedia ߒߞߏ article ߡߐ߰ߦߊ ߖߏ ߟߎ߬, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.