ߞߙߎߞߊ߲ߝߎߥߊ߫ ߞߎ߬ߙߎ߲߬ߘߎ ߟߎ߬
ߞ ߡߊ߲߬ߘߋ߲߫ ߣߴߊ߬ ߢߌ߲߬ ߖߡߊߣߊ ߟߎ߬ ߓߊ߲ ߞߐ ߘߐ߫ ߛߏ߬ߛߏ߬ ߣߴߊ߬ ߢߌ߲߬ ߖߡߊߣߊ ߟߎ߬ ߟߊ߫ ߁߂߃߅ ߟߊ߫߸ ߊ߬ߟߎ߫ ߞߊ߬ ߟߊ߬ߘߍ ߡߊߞߟߌ߫ ߞߊ߯ߓߊ߫߸ ߞߊ߬ ߥߊ߫ ߡߊ߲߬ߘߋ߲߬ ߞߎ߬ߙߎ߲߬ߘߎ ߟߎ߬ ߘߐߓߍ߲߬߸ ߒ߬ߓߊ߬ ߞߎ߬ߙߎ߲߬ߘߎ ߏ߬ ߟߋ ߞߟߌ߫ ߘߊ߫ ߛߊ߫ ߞߏ߫ ߞߙߎߞߊ߫ ߝߎߥߊ߫ ߞߎ߬ߙߎ߲߬ߘߎ ߟߎ߬.
ߟߊ߬ߘߍ ߞߎ߲߭ ߘߏ߫ ߞߍ߫ ߘߊ߫ ߝߊ߰ߡߊ߬ ߞߋߟߋ߲߫ ߠߊߛߌ߰ ߡߊ߲߬ߘߋ߲߫ ߞߊ߬ߝߏ߬ ߡߌߛߍ߲ ߁߂ ߓߍ߯ ߟߊߘߍ߬ߣߍ߲ ߞߎ߲߬ߠߊ߬، ߝߊ߲߬ߡߊ߬ ߞߋߟߋ߲ ߏ߬ ߞߍ߫ ߘߊ߫ ߡߊ߲߰ ߛߏ߲߬ߖߘߊ߫ ߞߋߕߊ߬ ߟߋ߬ ߘߌ߫.
ߊ߬ߟߎ߫ ߛߐ߰ ߘߊ߫ ߞߕߌ ߟߋ߬ ߡߊ߬ ߛߏ߬ߛߏ߫ ߞߎ߲߬ߞߏ߬ߕߐ߫ ߡߌ߬ߘߊ߬ߣߍ߲ ߠߎ߫ ߡߊ߬، ߏ߬ ߟߎ߫ ߘߏ߲߬ ߞߕߌ߫ ߘߊ߫ ߞߵߊ߬ߟߎ߫ ߖߊ߲ߞߌ߫ ߓߌ߲߬ߓߊߏ ߛߊ߲ߘߐߕߊ ߟߊ߫ ߸ ߣߊߟߌ߬ߡߎ߲ ߝߊ߰ߟߌ ߘߌ߫.
ߊ߬ߟߎ߬ ߓߊ߲߫ ߘߊ߫ ߞߊ߬ ߛߌ߰ߞߊ߲߬ ߞߋߟߋ߲߫ ߠߊߘߊ߲ ߡߊ߲߬ߘߋ߲߫ ߠߊ߫߸ ߕߐ߲ ߠߎ߬ ߣߌ߫ ߞߎ߬ߙߎ߲߬ߘߎ ߟߎ߬ ߣߌ߫ ߟߊ߲߬ߘߊ ߟߎ߬ ߣߌ߫ ߣߊߡߎ߲ ߓߍ߯ ߦߋ߫ ߡߍ߲ ߞߣߐ߫، ߥߟߴߊ߬ߟߎ߫ ߓߍ߯ ߘߌ߫ ߕߏ߫ ߛߎߡߊ߲߫ ߠߊ߫ ߛߌ߰ߞߊ߲ ߡߍ߲ ߛߌ߬ߕߊ߬ߙߌ߫ ߞߍ߬ߙߍ߲߬ߘߍ߬ߣߍ߲ ߞߏ߬ ߢߌߡߊ ߟߎ߫ ߡߊ߬، ߞߊ߬ ߓߊ߲ ߞߊ߬ ߡߊ߲߬ߘߋ߲߫ ߞߊ߬ߝߏ߬ߓߏߟߏ߲ ߠߎ߬ ߟߐ߬ ߛߌ߰ߞߊ߲ ߏ߬ ߛߊ߬ߙߌ߬ߦߊ ߟߎ߫ ߛߌߟߊ ߕߊ߯ߡߊ߫ ߟߊ߫ ߞߏߣߍ߲ ߣߌ߫ ߞߏߓߊ ߓߍ߯ ߟߊߘߍ߬ߣߍ߲ ߘߐ߫. ߓߊߏ߬߸ ߞߎ߬ߙߎ߲߬ߘߎ߬ ߕߋߟߋ߲ߣߍ߲ ߠߋ߬ ߘߐߙߐ߲ ߘߴߊ߬ ߞߍ߫߸ ߛߌ߱ ߘߌ߫ ߘߌߦߊ ߸ ߞߊ߬ ߘߍ߲߭ ߛߌ߲߬ߝߏ߲߬ߧߊ߫߸ ߞߊ߬ ߡߐ߰ߦߊ ߛߓߊ߬ߕߌ߫߸ ߞߊ߬ ߓߍ߯ ߞߛߌ߫ ߜߐ߬ߛߐ߲߬ߞߐ ߣߌ߫ ߥߐ߬ߦߐ ߣߌ߫ ߞߍ߬ߟߍ ߣߌ߫ ߢߐ߲ ߕߙߐ ߣߌ߫ ߢߐ߲߯ ߖߌߖߎ߯ ߟߊߞߎߣߎ߲ ߣߌ߫ ߢߐ߲߯ ߠߊߜߏߦߊߢߍ ߣߌ߫ ߢߐ߲߯ ߞߐߣߌߢߊ ߓߍ߯ ߡߊ߬ ߛߌ߰ߢߐ߲߰ߦߊ ߘߐ߫، ߊ߬ ߣߌ߫ ߞߊ߬ ߓߍ߲߭ ߠߊߘߏ߲߬ ߖߡߊ߬ߣߊ ߞߣߐ߫، ߓߍ߲߭ ߏ߬ ߟߋ߫ ߘߏ߲߬ ߦߋ߫ ߤߙߊ ߣߌ߫ ߓߎ߲ߘߍ ߣߌ߫ ߡߍ߲ߘߌߦߊ ߣߌ߫ ߝߡߊߢߊ߯ߙߌ ߣߌ߫ ߢߋߙߌߡߦߊ ߓߍ߯ ߛߓߊߓߎ ߘߌ߫، ߊ߬ ߣߌ߫ ߝߣߊ߫߸ ߓߍ߲߭ ߠߋ߬ ߡߐ߱ ߟߎ߫ ߟߐ߬ ߟߊ߫ ߢߐ߲߯ ߘߍߡߍ߲ ߣߌ߫ ߢߐ߲߯ ߠߊߝߛߊ ߣߌ߫ ߢߐ߲߯ ߡߊߡߣߌߡߌߣߌ߲ ߠߎ߬ ߟߊ߫، ߢߐ߲߯ ߘߍߡߍ߲ ߝߣߊ ߟߋ߬ ߡߐ߱ ߛߐ߫ ߟߊ߫ ߝߊ߲߬ߞߊ ߟߊ߫ ߞߏ߫ ߜߍߟߍ߲߫ ߠߎ߬ ߟߊߢߐ߬ߣߌ߲ ߘߐ߫ ߸ ߊ߬ ߣߌ߫ ߞߊ߬ ߘߎߢߊ߫ ߘߐߕߍ߮ ߣߐ߰ߦߊ߫ ߗߍ߭ ߣߌ߫ ߡߏ߬ߛߏ ߣߌ߫ ߘߋ߲ߣߍ߲ ߣߌ߫ ߡߐ߰ߓߊ ߡߊ߬ ߕߐߟߍ߯.
ߞߙߎߞߊ߲ߝߎߥߊ߫ ߕߐ߲ ߠߎ߬ ߓߊߖߎ
ߞߙߎ߬ߞߊ߲ߝߎߥߊ߫ ߕߐ߲ ߠߴߊ߬ ߞߎ߬ߙߎ߲߬ߘߎ ߟߎ߬ ߓߐ߫ ߘߊ߫ ߓߊߖߎ߫ ߓߟߋߓߟߋ߫ ߛߊ߬ߓߊ߫ ߟߋ߬ ߘߐ߫، ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߣߊ ߝߊߙߊ߲ߝߊߛߌ ߟߊߘߛߍߣߍ߲ ߝߟߍ߫ ߣߌ߲߬ :
ߏ߬ ߦߋ߫ ߡߊ߲߬ߘߋ߲ ߟߊ߲߬ߘߊ߬ ߞߘߐ߫ ߟߎ߫ ߟߋ߬ ߘߌ߫، ߏ߬ ߟߎ߫ ߟߋ߬ ߘߐߕߐ߬ߡߐ߲߬ ߘߊ߫ ߞߎ߬ߙߎ߬ߞߊ߲ߝߎߥߊ߫ ߜߊ߬ߙߊ ߡߐ߰ߓߊ ߟߎ߬ ߓߟߏ߫ ߸ ߞߵߊ߬ߟߎ߫ ߓߍ߬ߘߍ ߟߎ߫ ߕߊ߬، ߞߊ߬ ߖߎ߯ߡߊ߲ ߠߎ߬ ߓߐ߫ ߊ߬ ߘߐ߫ ߞߵߊ߬ߟߎ߬ ߟߊߕߐ߲߫ ߝߋߎ߫. ߞߊ߬ ߞߎߘߊ ߕߋߟߋ߲ߣߍ߲ ߠߎ߬ ߓߌ߬ߟߊ߬ ߖߎ߯ߡߊ߲ ߓߌ߬ߟߊ߬ߣߍ߲ ߠߎ߫ ߣߐ߭ ߘߐ߫. ߊ߲ ߘߌ߫ ߕߊ߬ߡߌ߲߬ ߖߎ߯ߡߊ߲ ߏ߬ ߟߎ߫ ߦߟߍ߬ߡߊ߲߬ ߞߎ߲ ߣߴߊ߬ߟߎ߫ ߦߟߍ߬ߡߊ߲߬ ߢߊ ߓߍ߯ ߡߊߘߊ߲߫ ߠߊ߫ ߞߎߡߊ ߞߎ߲߬ߕߊ߮ ߘߐ߫߸ ߣߴߊߟߊ߫ ߘߌ߬ߢߍ߬ ߘߊ߫.
ߏ߬ ߦߋ߫ ߡߙߊ߬ߞߊ߬ ߟߊ߲ߘߊ ߟߎ߫ ߟߋ߬ ߘߌ߫߸ ߛߏ߲߬ߖߘߊ߫ ߘߋ߬ߙߌ߬ߣߍ߲ ߏ߬ ߟߎ߬ ߡߍ߲ ߠߎ߬ ߟߊ߫ ߡߙߊ߬ߞߊ߬ ߖߡߊ߬ߣߊ ߟߎ߫ ߛߌ߱ ߛߊ߲߬ ߈ ߞߘߐ߫߸ ߊ߬ ߟߊ߫ ߝߎ߲ߘߌ߫ ߡߊߓߏߙߌ ߥߊ߯ߕߌ ߟߊ߫ ߞߎ߲߬ߓߌ߫ ߣߌ߫ ߡߍ߭ߡߊ߬ ߟߎ߬ ߘߐ߫، ߛߏ߲߬ߖߘߊ߫ ߞߊ߬ ߟߊ߲߬ߘߊ߬ ߢߌ߬ߡߊ߬ ߛߌߦߊߡߊ߲ ߠߋ߬ ߟߐ߲ ߦߋ߲߬ ߠߎ߬ ߘߐ߫ ߸ ߡߍ߲ ߠߎ߫ ߞߵߊ߬ ߤߣߍ߫ ߡߊ߲߬ߘߋ߲߫ ߟߊ߲ߘߊ ߟߎ߬ ߘߌ߫، ߊ߬ ߞߵߏ߬ ߟߎ߬ ߟߊߘߏ߲߬ ߡߊ߲߬ߘߋ߲ ߛߌ߰ߞߊ߲ ߘߐ߫ ߞߙߎ߬ߞߊ߲ߝߎߥߊ߫ ߜߊ߬ߙߊ ߝߍ߬ ߏ߬ ߟߋ߫ ߘߐ߫ ߘߏߦߌ߲߫. ߓߊ߬ߙߌ߬ ߡߙߊ߬ߞߊ߬ ߟߊ߲ߘߊ ߏ߬ ߝߊ߲߬ߓߊ ߦߋ߫ ߛߌ߬ߟߡߊ߬ ߛߊߙߌߦߊ ߟߎ߫ ߟߋ߬ ߘߌ߫ ߸ ߡߙߊ߬ߞߊ ߟߎ߫ ߞߊ߬ ߡߍ߲ ߠߎ߫ ߕߊ߬ ߡߎ߬ߙߊ߬ߓߌߕߎ߱ ߊߙߊߓߎ ߟߎ߬ ߟߊ߫ ߛߊ߲߬ ߕߊ߲߫ ߡߊ߬ߙߊ ߟߋ߬ ߘߐ߫ ߸ ߦߏ߫ ߟߐ߯ߕߍ ߟߏ߲ ߇ ߣߌ߫ ߞߙߏ߫ ߁߂ ߓߌ߬ߟߊ ߛߊ߲ߓߏߟߏ߲ ߁߂ ߣߐ߭ ߘߐ߫.
ߏ߬ ߟߋ ߛߏ߬ߛߏ߫ ߡߊ߲߬ߛߊ߬ ߛߎߡߊߏߙߏ߫ ߞߊ߲ߕߍ߫ ߟߊ߫ ߟߊ߲ߘߊ߫ ߟߊߘߏ߲߬ߣߍ߲ ߠߎ߫ ߟߋ߬ ߘߌ߫ ߡߊ߬ߣߋ߲߬ߞߊ߬ߟߊ߫، ߓߊߏ߬ ߡߊ߲߬ߘߋ߲߫ ߞߊ߬ ߛߊ߲߬ ߃߀ ߡߍ߲ ߞߍ߫ ߛߎߡߊߏߙߏ߫ ߟߊ߫ ߡߊ߬ߙߊ ߞߣߐ߫ ߁߂߀߅ ߣߌ߫ ߁߂߃߅ ߕߍߟߊ ߘߐ߫߸ ߛߎߡߊߏߙߏ߫ ߞߵߊ߬ߟߎ߬ ߞߘߊߡߊ߫ ߞߎ߬ߙߎ߲߬ߘߎ߬ ߜߍ߬ߟߍ߲߬ ߛߘߍߡߊ߲߫ ߠߋ߬ ߟߊ߫ ߛߊ߲߬ ߃߀ ߏ߬ ߞߎ߲߬ߕߊ߮ ߘߐ߫، ߛߏ߲߬ߖߘߊ߫ ߞߊ߬ ߛߎߡߊߏߙߏ߫ ߟߊ߫ ߛߊ߬ߙߌ߬ߦߊ߬ ߜߍߟߍ߲ ߏ߬ ߟߋ߫ ߛߌߦߊߡߊ߲ ߕߏ߫ ߊ߬ ߡߊ߬، ߓߊ ߊ߬ ߞߊ߬ ߛߊ߲߬ ߈ ߡߍ߲ ߞߴߊ߬ ߞߎ߲߬ߝߍ߬ ߝߎ߲ߘߌ ߘߐ߫ ߖߡߊ߬ߣߊ߬ ߛߏߡߐ߯ߦߊߣߍ߲ ߞߎߣߎ߲ߣߍ߲ ߞߘߐ ߟߎ߬ ߢߊߝߍ߬߸ ߊ߬ ߞߵߊ߬ ߟߐ߲ ߏ߬ ߘߐ߫ ߞߏ߫ ߖߡߊ߬ߣߊ߬ ߟߊ߬ߛߓߊ߬ߕߌ߬ߟߊ ߛߌ߫ ߕߴߛߋ߫ ߢߊ߬ ߟߊ߫ ߛߎߡߊߏߙߏ߫ ߟߊ߫ ߞߘߊ߬ߜߟߍ߬ߦߊ߬ ߛߊߙߌߦߊ ߟߎ߬ ߞߐ߫ ߝߋߎ߫، ߓߊߏ߬ ߡߌ߬ߙߌ߲߬ߘߌ ߡߙߊ߬ ߢߊ ߦߋ߫ ߞߟߌ ߡߍ߲ ߞߍ߫ ߟߊ߫ ߞߏ߫ (ߓߘߍ߬ߓߘߍ߬ߟߌ)، ߊߙߊߓߎ ߞߊ߲ ߘߐ߫ ߸ (ߛߌ߬ߦߊ߯ߛߊ) ߝߊ߬ߙߊ߲ߛߌ߬ ߞߊ߲ ߘߐ߫ ( ߔߏ߬ߟߌ߬ߕߌߞ ) ߏ߬ ߞߘߐ ߟߋ߬ ߞߏ߫ ߞߊ߬ ߞߘߊ߬ߜߟߍ߬ߦߊ ߞߍ߫ ߡߌ߬ߙߌ߲߬ߘߌ ߟߊ߫ ߊ߬ ߣߝߊ߬ ߛߌߟߊ ߟߎ߬ ߕߊ߯ߡߊ ߘߐ߫ ߘߌߦߊߜߏߦߊ ߟߊ، ߤߊߟߌ߫ ߊ߰ ߝߐ߫ ߡߍ߲ ߞߍ߫ ߟߊ߫ ߞߏ߫ ߞߊ߬ ߘߋ߲ߣߍ߲ ߡߊߓߘߍ߬ߓߘߍ߬߸ ߏ߬ ߞߘߐ߫ ߟߋ߬ ߞߏ߫ ߞߊ߬ ߘߋ߲ ߞߘߊߡߴߊ߬ ߟߊߢߊ߬ ߞߏ߫ ߟߎ߬ ߟߊ߫ ߝߊ߲߬ߞߊ ߟߊ߫ ، ߊ߬ ߣߌ߫ ߞߵߊ߬ ߓߐ߫ ߊ߬ ߣߌ ߛߊ߬ߥߏ ߟߎ߫ ߞߊ߲߬ ߸ ߡߍ߲ ߠߎ߬ ߡߊ߲߫ ߘߴߊ߬ ߟߊ߫، ߓߊ ߞߏ– ߏ- ߞߏ߬ ߘߌߡߊ߲ ߘߋ߲ߣߍ߲ ߢߍ߫ ߸ ߏ߬ ߛߌ߫ ߡߊ߲ ߘߴߊ߬ ߟߊ߫، ߡߍ߲-ߍ-ߡߍ߲ ߘߌߡߴߊ߬ ߟߊ߫ ߸ ߏ߬ ߛߌ߫ ߡߊ߲߫ ߘߴߊ߬ ߢߍ߫، ߡߌ߬ߙߌ߲߬ߘߌ ߝߣߊ߫ ߕߋ߲߬ ߠߋ߬ ، ߏ߬ ߘߐ߫߸ ߝߊ߲߬ߡߊ߫ ߞߘߊ߬ߜߍ߬ߟߍ߲ ߕߋߟߋ߲ߣߍ߲ ߠߋ߬ ߘߐߙߐ߲ ߘߌ߫ ߛߋ߫ ߡߌ߬ߙߌ߲߬ߘߌ ߟߊߕߋߟߋ߲ ߠߴߊ߬ ߣߝߊ߬ ߛߌߟߊ ߟߎ߫ ߞߊ߲߬، ߊ߬ ߣߌ߫ ߞߵߊ߬ ߜߍ߲߫ ߊ߬ ߕߙߐ߫ ߞߏ ߟߎ߬ ߡߊ߬ ߖߊ߯ߟߌߞߊ ߟߊ߫، ߒ߬ߓߊ߬ ߛߏ߲߬ߖߘߊ߫ ߞߊ߬ ߓߘߍ߬ߓߘߍ߬ߟߌ ߤߊ߲ߞߟߌߡߦߊ߫ ߛߌߟߊ ߏ߬ ߟߋ߫ ߕߊ߯ߡߊ߫ ߸ ߞߊ߬ ߞߘߊ߬ߜߟߍ߬ߦߊ ߞߍ߫ ߛߍߥߊ ߣߌ߫ ߢߊߞߘߐߘߌߦߊ ߘߝߊߣߍ߲ ߕߍߡߊ߬، ߓߊߏ߬ ߛߏ߲߬ߖߘߊ߫ ߞߵߊ߬ ߝߊ߰ߡߎ߲ ߠߋ߬ ߸ ߞߏ߫ ߕߎ߬ߢߊ ߘߐ߫ ߸ ߘߏ߲߬ߛߏ߬ߦߊ ߓߘߊ߫ ߡߊ߬ߣߋ߲߬ߞߊ ߟߊߖߊߝߏ߫ ߓߊߏ߬ ߛߊ߲ߖߌ߫ ߞߎߣߊ ߣߊ߬ ߟߏ߲ ߡߍ߲ ߦߋ߫ ߛߣߍ߬ ߓߊ߯ߙߊ ߘߊߡߌ߬ߣߊ߬ ߟߏ߲ ߢߌߡߊ ߘߌ߫ ߸ ߏ߬ ߟߋ ߛߏ߬ߓߏ ߟߎ߫ ߛߋ߲߬ ߣߐ ߦߋ߫ ߟߏ߲ ߘߌ߫ ߸ ߞߊ߬ ߘߏ߲߬ߛߏ ߟߎ߬ ߟߛߊߙߌ߫ ߥߊ߭ ߟߊ߫ ، ߏ߬ ߟߋ ߞߏߛߐ߲߬ ߸ ߞߐ߲ߞߐ ߟߋ߬ ߕߘߍ߬ ߡߊ߲߬ߘߋ߲ ߞߘߊߎ߫، ߛߎߡߊߏߙߏ߫ ߣߊ߬ ߡߊ߲߬ߘߋ߲ ߡߙߊ߬ ߟߊ ߸ ߊ߬ ߛߐ߰ ߘߊ߫ ߘߏ߲߬ߛߏ߬ ߖߡߊ ߦߙߌߞߊ ߟߊߘߐ߯ߦߊ ߟߋ߫ ߡߊ߬ ߸ ߞߵߊ߬ ߕߏ߫ ߟߎߓߊ ߓߍ߯ ߕߊ߫ ߣߊ߫ ߢߌߣߌ߲ߠߊ߫ ߁-߁ ߡߊ߬ ߸ ߞߊ߬ ߖߊ߬ߡߊ ߕߐ߭ ߞߘߊߡߊ߫ ߛߍ߬ߣߍ ߟߊ߫، ߝߏ߫ ߞߊ߬ ߓߋ߭ ߕߋ߬ ߟߎ ߓߍ߯ ߞߘߐ߫ ߞߊ߬ ߓߍ߯ ߕߊ ߓߍ߲߬ ߊ߬ ߟߊ߫ ߖߊ߬ߡߊ ߤߊߞߍ ߡߊ߬، ߞߊ߬ ߡߊ߲߬ߘߋ߲ ߓߍ߯ ߟߊߞߌ߬ߛߍ߬ߦߊ߬ ߘߌߦߊߜߏߦߊ ߟߊ߫ ، ߛߏ߲߬ߖߘߊ߫ ߞߊ߬ ߛߎߡߊߏߙߏ߫ ߟߊ߫ ߡߐ߰ ߟߊ߬ߞߌ߬ߛߍ߬ߦߊ߬ ߛߊߙߌߦߊ ߏ߬ ߟߋ ߕߴߊ߬ ߢߊ߫ ߓߘߍ߫ ߡߊ߬، ߒ߬ߞߊ߬ ߛߎߡߊߏߙߏ߫ ߕߘߍ߬ ߊ߬ ߟߊ߫ ߖߡߊ߬ߙߌ߬ ߜߍߟߍ߲ ߠߎ߬ ߝߐ߫ ߡߍ߲ ߞߍ߫ ߟߊ߫ ߞߘߊ߬ߜߟߍ߬ߦߊ߬ ߞߊ߲ ߘߐ߫ ߞߏ߫ ߊߟߎ߫ ߣߌ߲߬ ߞߍ߫ ߜߏߦߊߜߏߦߊ ߟߊ߫ ߸ ߛߏ߲߬ߖߘߊ߫ ߕߘߍ߬ ߊ߬ ߕߊ ߏ߬ ߟߋ߫ ߝߐ߫ ߟߊ߫ ߞߘߊ߬ߣߐ߰ߦߊ߬ ߞߊ߲ ߘߐ߬ ߸ ߞߏ߫ ߊߟߎ߫ ߣߌ߲߬ ߞߍ߫ ߘߌߦߊߜߏߦߊ ߟߊ߫، ߏ߬ ߟߋ߫ ߞߏߛߐ߲߬ ߡߊ߲߬ߘߋ߲߫ ߗߍ߬ߡߐ߮ ߟߎ߫ ߕߘߍ߬ ߛߏ߲߬ߖߘߊ߫ ߞߏߝߐ߫ ߢߊ ߞߍ߫ ߟߊ߫ ߊ߬ߟߎ߬ ߟߊ ߝߙߍߡߊ߫ ߓߊߘߏ ߟߎ߬ ߘߐ߫ ߟߋ߬ ߞߏ߫ ( ߛߎߡߊߏߙߏߣߍ߲ ߞߊ߲ ߘߌߡߊ߲) ߏ߬ ߘߏ߲߬ ߞߘߐ߫ ߟߋ߬ ߸ ߞߏ߫ ߛߏ߲߬ߖߘߊ߫ ߣߌ߫ ߛߎߡߊߏߙߏ߫ ߓߍ߯ ߞߢߊߡߊ߲ ߠߋ߬ ߡߊ߲ߛߊ߬ߦߊ ߞߘߊ߬ߜߟߍ߬ߦߊ ߘߐ߫ ߖߐ߲، ߒ߬ߞߊ߬ ߛߏ߲߬ߖߘߊ߫ ߟߋ߬ ߞߎ߬ߛߊ߲߬ ߊ߬ ߕߊ ߟߎ߬ ߢߊߝߐ߫ ߟߊ߫ ߞߊ߲ߘߌߡߊ߲ߣߍ߲ ߣߌ߫ ߞߘߊ߬ߣߐ߰ߦߊ߬ ߞߊ߲ ߘߐ߫، ߊ߬ ߣߴߊ߬ ߛߋߣߍ߲ ߊ߬ ߟߊ߫ ߞߎ߬ߙߎ߲߬ߘߎ߬ ߜߍߟߍ߲ ߠߎ߬ ߟߊߛߋ߫ ߞߏ߫ ߢߌߡߊ ߞߍ߫ ߟߊ߫ ߛߐ߲߬ ߸ ߞߊ߬ ߖߊ߬ߡߊ ߟߊߝߊ߰ߡߎ߲ ߊ߬ߟߎ߬ ߞߘߐ߫ ߣߴߊ߬ߟߎ߬ ߡߎߣߊ߲ߝߊ߲ ߠߊ߫ ߖߛߎ߬ߡߊ߬ߣߐ ߘߝߊߣߍ߲ ߘߐ߫ ߘߍ߰ߡߎ߲ ߠߎ߬ ߘߐ߫ ( ߞߐ߲ߝߋߙߊ߲ߛ ߞߊ߬ߣߌ߲ ) .
ߛߏ߲߬ߖߘߊ߫ ߟߊ߫ ߞߎ߬ߙߎ߲߬ߘߎ ߟߎ߬ ߦߙߌߞߊ
ߤߊߟߌ߫ ߓߌ߬ ߸ ߓߍ߲߬ ߡߊ߫ ߞߍ߫ ߛߏ߲߬ߖߘߊ߫ ߞߎ߬ߙߎ߲߬ߘߎ߫ ߕߋ߬ߣߍ߲ ߠߎ߬ ߦߙߌߞߊ ߡߊ߬. ߓߊ ߘߝߐ߬ߦߊ߬ߟߊ ߘߏ߫ ߟߎ߫ ߞߊ߲ ߞߏ߫ ߛߊ߬ߙߌ߬ߦߊ ߡߍ߲ ߓߍ߯ ߟߊߘߊ߲ ߘߊ߫ ߛߏ߰ߟߏ߲ ߡߊ߲ ߓߟߏ߫ ߊ߬ ߟߊ߫ ߡߊ߲߬ߛߊ߬ߦߊ ߛߊ߲߬ ߡߎ߬ߥߊ߲ ߞߎ߲߬ߕߊ߮ ߞߘߐ߫ ߸ ߞߴߏ߬ ߡߎ߰ߡߍ ߕߘߍ߬ ߛߊ߬ߙߌ߬ߦߊߓߏߟߏ߲ ߁߂߀ ߠߋ߬ ߘߌ߫، ߘߏ߫ ߟߎ߫ ߝߣߊ߫ ߞߊ߲߫ ߞߏ߫ ߁߅߀ ߟߋ߬ ߕߘߍ߬، ߘߏ߫ ߟߎ߫ ߝߊ߲߭ ߕߊ߫ ߝߐߟߌ ߘߐ߫ ߸ ߊ߬ߟߎ߬ ߡߊ߫ ߁߂߀ ߓߐ߫، ߘߏ߫ ߟߎ߫ ߝߣߊ߫ ߦߴߊ߬ߟߎ߬ ߦߙߌߞߊ ߟߊߛߌߦߊߦߊ߫ ߟߊ߫ ߁߅߀ ߘߌ߫، ߒߠߋ ߞߏ߬ߣߌ߲ ߡߴߏ߬ ߢߊߘߐߜߍ߫ ߖߐ߲ߖߐ߲ ߟߐ߲، ߞߊ߬ߕߎ߲߯ ߸ ߛߓߍߟߌߓߊߟߌߦߊ ߡߊ߬ ߸ ߊ߬ ߝߊ߲߬ߓߊ ߓߊ߲ ߘߊ߫ ߕߎߣߎ߲ ߠߊ߫ ߟߋ߬، ߓߊ ߒߠߋ ߡߊ߫ ߡߐ߰ ߛߌ߫ ߦߋ߫ ߡߎߣߎ߲߬ ߸ ߛߊ߬ߙߌ߬ߦߊ߬ߓߏߟߏ߲ ߂߀ ߘߝߊߣߍ߲ ߘߙߎ߬ߛߌ߬ߣߍ߲ ߡߍ߲ ߓߟߏ߫. ߖߋ߬ߟߌ ߡߍ߲ ߠߎ߫ ߣߵߊ߬ ߓߍ߯ ߘߙߎ߬ߛߌ ߞߊ߫ ߞߊ߲ ߸ ߏ߬ ߟߎ߬ ߡߊ߫ ߝߏߦߌ߬ ߟߐ߲߫ ߊ߬ ߘߐ߫، ߓߊ ߏ߬ ߟߎ߬ ߡߴߊ߬ߟߎ߫ ߘߐ߰ߘߏ߲߬ ߊ߬ ߟߊ߫ ߝߋߎ߫، ߞߵߏ߬ ߞߎ߲߭ ߞߍ߫ ߞߏ߫ ߝߌ߬ߟߊ߬ ߘߌ߫، ߏ߬ ߟߎ߬ ߝߟߍ߫ ߣߌ߲߬:
ߊ) ߏ߬ ߟߎ߬ ߝߟߐ ߡߍ߲ ߘߌ߫ ߸ ߖߋ߬ߟߌ ߟߎ߬ ߡߴߊ߬ߟߎ߬ ߟߊ߫ ߡߎߣߊ߲ߝߊ߲߫ ߛߌ߫ ߦߋ߫ ߛߊ߬ߙߌ߬ߦߊ ߟߎ߬ ߡߊߘߊ߲ ߘߐ߫، ߓߊ ߛߊ߬ߙߌ߬ߦߊ߬ ߢߊ߬ߝߐ߬ ߛߌߦߊߡߊ߲ ߠߋ߫ ߣߊ߬ ߟߊ߫ ߕߎ߬ߢߊ߬ ߜߍ߬ߟߍ߲߬ ߝߐ ߘߌ߫ ߞߎ߲߬ߕߌ߯ ߕߋߟߋ߲ߓߊߟߌ ߢߣߊ߫ ߸ ߡߍ߲ ߕߴߊ߬ ߝߍ߬ ߞߊ߬ ߕߊ߯ߡߊ߫ ߛߊ߬ߙߌ߬ߦߊ߬ ߛߌߟߊ߫ ߞߊ߲߬، ߖߋ߬ߟߌ ߟߎ߫ ߘߏ߲߬ ߦߴߊ߬ ߝߍ߬ ߟߋ߬ ߸ ߞߊ߬ ߓߍ߯ ߘߌߦߊߣߊ߲ ߞߊ߲ ߢߊߝߐ߫ ߊ߬ ߢߣߊ߫ ߸ ߛߴߊ߬ߟߎ߬ ߘߌ߫ ߓߍ߯ ߓߏߟߏߝߋ߲ ߛߐ߬ߘߐ߲߬ ߊ߬ߟߎ߫ ߛߊ߬ߥߏ ߟߊ߫.
ߋ) ߊ߬ ߞߎ߲߭ ߂߲ ߡߍ߲ ߘߌ߫ ߸ ߖߋ߬ߟߌ ߟߎ߫ ߖߍ߬ߘߍ ߟߋ߬ ߞߊ߬ ߡߊ߲߬ߘߋ߲ ߛߊ߬ߙߌ߬ߦߊ ߟߎ߬ ߡߊߛߐ߬ߛߐ߬ ߸ ߞߵߊ߬ߟߎ߫ ߖߍ߲߬ߞߍ߫ ߊ߬ߟߎ߫ ߡߊ߬ ߝߊ߯ߙߌ߫. ߓߊ ߊ߬ߟߎ߫ ߞߊ߬ ߢߡߊ߬ߞߟߊ ߕߐ߭ ߓߍ߯ ߣߌ߭ ߟߎ߬ ߣߴߊ߬ߟߎ߫ ߟߐ߬ߦߌߟߊ ߟߎ߫ ߡߌ߬ߘߵߊ߬ߟߎ߬ ߟߊ߫ ߟߋ߬، ߞߊ߬ߕߎ߲߯ ߸ ߊ߬ߟߎ߬ ߘߴߊ߬ߟߎ߬ ߛߊ߲ߘߐ߫ ߢߡߊߞߟߊ ߟߎ߬ ߕߙߊ߫ (ߣߊߟߌ߬ߡߎ߲߫ ߣߎ߬ߡߎ߲ ߠߎ߬ ߣߌ߫ ߛߡߐ߬ߣߐ ߟߎ߬ ߘߌ߫) ߊ߬ߟߎ߫ ߘߏ߲߬ ߕߍ߫ ߛߐ߲߬ ߊ߬ߟߎ߫ ߘߎ߰ߟߊ߬ ߢߡߊߞߟߊ ߟߎ߬ ߛߐ߫ ߟߊ߫ ߸ (ߣߊߟߌ߬ߡߎ߲߫ ߝߌ߬ߣߊ ߟߎ߬ ߣߌ߫ ߞߊߙߊ߲ߞߋ ߟߎ߬ ߘߌ߫) ߝߏ߫ ߞߵߏ߬ ߟߎ߫ ߟߐ߬ߦߌߟߊ ߣߴߊߟߎ߫ ߣߌ߭ ߟߎ߫ ߓߏ߬ߛߴߊ߬ߟߎ߬ ߟߊ߫. ߏ߬ ߟߎ߬ ߤߊߞߍ ߕߐ߭ ߟߎ߬ ߓߍߣߊ߬ ߡߊߘߊ߲ ߞߐߟߊ߫ ߝߙߍߕߍ߫ ߁߁߈ ߘߐ߫ ߸ ߣߌ߫ ߛߊ߲ ߓߟߌ߫ ߡߊ߯ߙߌ ߛߐ߲߬ ߘߊ߬ . ߏ߬ ߓߍ߯ ߞߐ߫ ߸ ߖߋ߬ߟߌ ߡߍ߲ ߓߊ߯ ߘߏߣߍ߲ ߞߊ߬ߙߊ߲߬ ߞߎ߬ߙߊ߬ߣߊ ߘߐ߫ ߸ ߏ߬ ߞߋߟߋ߲߫ ߘߌ߫ ߕߏ߫ ߖߋ߬ߟߌ߬ߦߊ߬ ߣߌ ߣߌ߫ ߡߏߙߌߦߊ߫ ߣߌ ߓߍ߯ ߕߊ߬ ߟߊ߬ ߝߘߎ߫ ߛߘߌ ߟߎ߬ ߣߌ߫ ߘߋ߲ ߠߊߓߐ ߟߎ߬ ߣߌ߫ ߓߊߘߍ ߟߎ߬ ߘߐ߫ ߸ ߊ߬ ߣߌ߫ ߖߡߊ߬ ߟߊ߬ߘߍ߬ ߞߏ ߓߍ߯ ߘߐ߫. ߏ߬ ߟߋ߫ ߓߍ߯ ߞߊ߬ ߖߋ߬ߟߌ ߟߎ߫ ߘߐ߰ߓߐ ߡߊ߲߬ߘߋ߲ ߛߊ߬ߙߌ߬ߦߊ ߢߊߢߌߣߌ߲ ߠߊ߫. ߊ߬ߟߎ߬ ߡߊ߫ ߡߊ߲߬ߘߋ߲ ߞߎ߬ߙߎ߲߬ߘߎ ߟߎ߬ ߟߐ߲߫ ߠߋ߬ ߘߍ߯، ߤߊߟߌ߬ ߒߠߋ ߣߊ߬ ߘߊ߲ߘߐߣߍ߲ ߡߍ߲ ߠߎ߬ ߟߐ߲ ߠߴߊ߬ߟߎ߬ ߘߐ߫ ߣߌ߫ ߒߞߍߕߐ߫ ߊ߬ߟߎ߬ ߡߊߘߊ߲߫ ߠߴߊߟߎ߫ ߢߍ߫ ߣߌ߲߬ ߸ ߒߠߋ ߞߵߏ߬ ߓߍ߯ ߞߊ߬ߙߊ߲߬ ߕߏ߲ߕߌ߯ ߗߍߡߐ߮ ߟߎ߫ ߟߋ߬ ߝߍ߬، ߒߠߋ ߝߊ߲߭ ߞߍ߫ ߘߊ߫ ߛߊ߬ߙߌ߬ߦߊ߬ ߞߏ߫ ߣߌ߲߬ ߞߊ߬ߟߊߡߊ߬ ߞߎ߬ߟߋ ߟߎ߬ ߟߊ߫ ߞߏ ߢߊߢߌߣߌ߲ ߠߋ߬ ߘߐ߫، ߊ߬ߟߎ߬ ߓߐߣߍ߲ ߡߊ߲߬ߘߋ߲߫ ߞߎ߲߭ ߡߍ߲ ߠߊ߫ ߞߊ߬ߣߌ߲߬، ߒ ߠߊ߫ ߡߐ߰ ߢߌ߬ߣߌ߲߬ߞߊ߬ߕߊ ߘߏ߫ ߟߋ߫ ߞߵߊ߬ ߝߐ߫ ߒ ߢߍ߫ ߏ߬ ߘߐ߫ ߞߏ߫ ߌ ߕߍ߫ ߞߎ߬ߟߋ ߟߎ߬ ߓߐ߫ ߢߊ ߟߐ߲߫ ߝߋߎ߫ ߸ ߝߏ߫ ߌ ߓߊ߯ ߞߙߎߞߊ߲ߝߎߥߊ߫ ߞߎ߬ߙߎ߲߬ߘߎ ߟߎ߫ ߞߊ߬ߙߊ߲߬.
ߘߝߐ߬ߦߊ߬ߟߊ ߓߍ߯ ߓߍ߲߬ߣߴߊ߬ ߡߊ߬ ߸ ߞߏ߫ ߛߊ߬ߙߌ߬ߦߊ ߝߊ߲߬ߓߊ ߟߊߘߊ߲߫ ߘߊ߫ ߞߙߎߞߊ߲ߝߎߥߊ߫ ߜߊ߬ߙߊ ߟߋ߬ ߘߐ߫، ߞߏ߫ ߞߏ߬ߣߌ߲߬ ߸ ߜߙߊ߬ ߜߘߍ߫ ߟߎ߫ ߞߍ߫ ߘߊ߫ ߢߊ߬ߣߌ߲߬ߓߊ߫ ߸ ߞߊ߬ ߞߊ߯ߓߊ߫ ߞߎ߬ߙߎ߲߬ߘߎ ߘߏ߫ ߟߎ߫ ߟߊߓߋ߬ ߸ ߞߊ߬ ߘߏ߫ ߟߎ߫ ߡߊߝߊ߬ߟߋ߲߬ ߊ߬ ߣߌ߫ ߞߊ߬ ߞߎߘߊ߫ ߜߘߍ߫ ߟߎ߫ ߝߙߵߊ߬ߟߎ߫ ߞߊ߲߬، ߒ߬ߓߊ߬ ߊ߲ ߞߊ߬ ߡߍ߲ߣߍ߲ ߠߎ߬ ߟߐ߲ ߡߊ߲߬ߘߋ߲ ߛߊ߬ߙߌ߬ߦߊ ߘߐ߫ ߸ ߊߟߴߊߟߎ߫ ߕߟߏߡߊߟߐ߬ ߸ ߊ߲ ߛߋߣߍ߲ ߏ߬ ߟߎ߫ ߟߋ߬ ߡߊߘߊ߲ ߡߊ߫ ߣߌ߲߬:
ߛߌ߰ߘߊ ߝߟߐ ߣߊ߲ߝߟߏ߬ ߞߏ ߟߊߕߊ߯ߡߊ߫ ߢߊ
ߛߊ߬ߙߌ߬ߦߊ߬ߓߏ߬ߟߏ߲߬ ߝߟߐ ߥߟߊ߫ ߞߎ߬ߙߎ߲߬ߘߎ ߝߟߐ:
ߡߊ߲߰ ߛߏ߲߬ߖߘߊ߫ ߞߵߊ߬ ߦߌ߬ߘߊ߬߸ ߞߏ߫ ߜߐ߬ߛߐ߲߬ߞߐ ߣߌ߫ ߝߐߢߐ߲ߞߐ ߣߌ߫ ߜߏߦߊߢߍ ߣߌ߫ ߞߍ߬ߟߍ ߓߍ߯ ߞߎ߲߭ ߦߋ߫ ߞߏ߫ ߛߊ߬ߓߊ ߢߌ߲߬ ߠߎ߬ ߘߏ߫ ߟߋ߬ ߘߌ߫. (ߝߋ߲ ߞߏ، ߟߐ߬ߦߌ߬ߟߊ߬ ߞߏ ߊ߬ ߣߌ߫ ߢߐ߲߯ ߕߊߦߋߓߊߟߌߦߊ) ߞߴߏ߬ ߘߐ߫ ߸ ߊ߲ ߧߋ߫ ߛߐ߰ ߟߊ߫ ߕߦߊ ߟߋ߬ ߝߟߐ ߡߊ߬ ߞߎ߬ߙߎ߲߬ߘߎ߬ ߟߊߘߊ߲ ߢߌ߲߬ ߘߐ߫ ߸ ߞߏ߫ ߡߊ߲߬ߘߋ߲߫ ߞߣߐ߫ ߡߎ߬ߕߎ߲߬ ߸ ߡߐ߰ ߕߊ߫ ߓߍ߫ ߌ ߛߎ߲ ߓߍ ߦߋ߫ ߝߋ߲ ߟߏ߯ߟߎ ߢߌ߲߬ ߠߎ߫ ߟߋ߬ ߘߌ߫: ((ߌ ߞߊ߬ ߝߋ߲ ߡߍ߲ ߛߐ߬ߘߐ߲߬ ߓߊ߯ߙߊ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߗߍ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߛߊ߲ߠߌ ߣߌ߫ ߝߊ߬ߟߋ߲߬ߒߡߊ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߛߐߟߌ ߘߐ߫، ߊ߬ ߣߴߌ ߞߊ߬ ߡߍ߲ ߛߐ߬ߘߐ߲߬ ߟߐ߲ߞߏ ߜߍߘߐߕߊ ߘߐ߫.))
ߛߊ߬ߙߌ߬ߦߊ߬ߓߏߟߏ߲ ߝߌߟߊߣߊ߲:
ߞߏ߫ ߡߐ߰ ߘߏ߲߬ ߓߊ߯ ߞߍ߫ ߝߋ߲ ߛߐ߬ߘߐ߲߬ ߠߊ߫ ߞߏ߫ ߟߏ߯ߟߎ ߏ߬ ߝߋ߲- ߋ-ߝߋ߲ ߘߐ߫ ߸ ߌ ߦߴ ߌ ߘߐߖߊ߬ ߟߋ߬ ߞߙߊߕߊߕߊ߫ ߸ ߡߐ߰ ߜߘߍ߫ ߦߋ߫ ߞߍ߫ ߝߋ߲ ߏ߬ ߛߐ߬ߘߐ߲ ߞߊ߬ߟߊߡߊ߬ ߌ ߓߟߏ߫ ߟߋ߬ ߛߋ߲ߛߋߘߋ߲، ߣߌ߫ ߡߐ߰ ߛߌ߫ ߡߊ߫ ߞߏߟߐ߲ ߡߍ߲ ߛߐ߬ߘߐ߲ ߘߐ߫ ߸ ߏ߬ ߕߊ߬ߕߐ ߟߵ ߌ߬ ߕߦߊ ߟߊ߫ ߡߎߣߎ߲߬ ߛߊ߬ߣߌ ߡߐ߰ ߜߘߍ߫ ߦߴߊ߬ ߡߞߊߣߌ߲߫. ߣߌ߫ ߘߊ߬ߟߎ߬ ߖߐ߲ߖߐ߲ ߘߏ߲߬ ߦߴߊ߬ ߡߞߊߣߌ߲ߓߊ߮ ߏ߬ ߝߍ߬ ߸ ߊ߲ ߘߴߊ߬ ߡߌ߬ߘߵ ߌ ߟߊ߫ ߞߵߊ߬ ߘߴߏ߬ ߡߊ߬ ߘߏߦߌ߲߫.
ߛߊ߬ߙߌ߬ߦߊ߬ߓߏߟߏ߲ ߛߓߊߣߊ߲:
ߞߏ߫ ߝߋ߲ ߛߐ߬ߘߐ߲߬ ߢߊ߬ ߅ ߣߌ߲߬ ߓߐ߲߯ߕߍ߫ ߸ ߊ߬ ߛߐ߬ߘߐ߲ ߕߐ߭ ߓߍ߯ ߖߌߖߎ߮ ߟߋ߬ ߘߌ߫، ߢߐ߲߯ ߖߌߖߎ߯ ߟߊߞߎߣߎ߲ ߛߎ߯ߦߊ ߓߍ߯ ߘߏ߲߬ ߟߊߕߐ߲ߣߍ߲ ߠߋ߬ ߜߘߋߜߘߋ߫، ߏ߬ ߟߎ߫ ߟߋ߬ ߛߏ߲߬ߧߊ߬ߟߌ ߣߌ߫ ߓߋ߲߬ߒ߬ߞߊ߲ߣߌ߲ ߣߌ߫ ߞߊ߲ߛߏ߲ ߣߌ߫ ߞߝߊ ߣߌ߫ ߞߊ߬ߙߏ߲ ߣߌ߫ ߡߊ߬ߣߡߊ߬ߙߊ߬ߟߌ ߣߌ߫ ߣߊ߲ߞߊ߬ߡߎ߲߬ߣߊ߲ߞߊߡߎ߲ ߠߎ߬ ߘߌ߫، ߣߊ߲ߞߊ߬ߡߎ߲߬ߣߊ߲ߞߊߡߎ߲ ߠߋ߬ ߝߋ߲ ߡߌ߬ߘߊ ߘߌ߫ ߢߐ߲߮ ߠߊ߫ ߛߏ߬ߝߘߊ߬ߓߋ ߣߌ߫ ߛߏ߬ߖߌ߬ߓߐ ߣߌ߫ ߛߍ߬ ߡߙߎ ߣߴߊ߬ ߢߐ߲߰ߘߐ߫ ߓߟߏߟߊߡߌߘߊ ߞߏ ߟߋ߬ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߣߊߣߌ߲ߣߊ߲:
ߞߏ߫ ߛߏ߲߭ ߘߍ߬ߒ߬ߞߏ߬ߡߊ߬ߢߐ߲߮ ߣߴߊ߬ ߓߟߏߟߊߡߌߘߟߊ ߓߍ߯ ߦߋ߫ ߛߏ߲߭ ߠߋ߬ ߘߌ߫، ߏ߬ ߟߎ߬ ߓߍ߯ ߦߋ߫ ߡߌ߬ߘߊ߬ ߟߊ߫ ߢߊ߫ ߁ ߠߋ߫ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߅߲:
ߞߏ߫ ߛߏ߲߬ߧߊ߬ߟߌ ߡߊߕߊ߲ߞߊ ߛߌߟߊ ߝߍ߬ ߸ ߡߍ߲ ߓߊ߯ ߝߋ߲ ߡߐ߬ߟߐ߲߬ߡߊ ߛߊ߲ߕߊ ߦߋ߫ ߘߏ߫ ߓߟߏ߫ ߘߊߛߎ ߟߊ߫ ߸ ߏ߬ ߦߴ ߏ߬ ߝߛߍ߬ߝߛߍ߫ ߟߋ߬ ߞߵߊ߬ ߟߐ߲ ߣߴߊ߬ ߛߏ߲߬ߧߊ߬ߣߍ߲ ߕߍ߫، ߓߊ߬ߙߌ߬ ߣߴߊ߬ ߞߵ ߏ߬ ߛߊ߲߬ ߕߋ߲߬ ߸ ߊ߬ ߓߘߊ߫ ߞߍ߫ ߛߏ߲߭ ߓߟߏߟߊߡߌߘߟߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߆߲:
ߞߏ߫ ߛߏ߲߬ߧߊ߬ߟߌ ߡߊߕߊ߲ߞߊ ߛߌߟߊ ߝߍ߬ ߸ ߡߍ߲ ߓߊ߯ ߝߋ߲ ߘߏ߫ ߛߌߘߌ߲ ߸ ߏ߬ ߕߊ߫ ߕߍ߫ ߞߍ߫ ߟߴߏ߬ ߘߌ߫ ߘߋ߬، ߊ߬ ߦߋ߫ ߥߊߟߴߏ߬ ߡߊߟߐ߬ ߟߊ߫ ߛߏߕߌ߮ ߟߋ߬ ߟߊ߫، ߏ߬ ߦߴߊ߬ ߞߟߋߞߟߋߡߊߦߟߍ ߞߍ߫ ߊ߬ ߣߌ߫ ߞߵ ߊ߬ ߘߣߊߟߊ߫ ߘߊ߲ߘߎ߮ ߟߎ߬ ߟߊ߫، ߣߴߊ߬ ߞߍ߫ ߘߊ߫ ߝߋ߲ ߕߌߢߍ߫ ߘߌߡߊ߲ ߘߌ߫ ߸ ߛߏߕߌ߮ ߟߋ߬ ߘߌ߫ ߛߴߏ߬ ߘߊߥߎ߲ ߠߊ߫ ߥߟߊ߫ ߞߵߊ߬ ߟߊߘߤߊ߬ ߊ߬ ߛߌߘߌ߲ߓߊ߮ ߢߍ߫.
ߛߊ߬ߙߌ߬ߦߊ߬ߓߏߟߏ߲ ߇߲:
ߣߌ߫ ߝߋ߲ ߠߊߡߙߊ߬ߕߊ ߛߌߘߌ߲ ߘߊ߫ (ߛߊߣߌ߲، ߓߌߦߊ߲، ߝߊ߰ߣߌ߲، ߡߎ߬ߙߊ߲) ߏ߬ ߦߋ߫ ߘߣߊߟߊ߫ ߛߊ߲߬ ߄ ߞߘߐ߫، ߣߴߊ߬ ߕߌ߰ ߡߊ߫ ߦߋ߫ ߝߋߎ߫ ߸ ߊ߬ ߓߘߊ߫ ߞߍ߫ ߛߎߘߋ ߘߌ߫، ߛߎߘߋ߫ ߘߏ߲߬ ߦߋ߫ ߛߏ ߓߍ߯ ߘߍ߭ ߟߋ߬ ߘߌ߫، ߊ߬ ߕߍ߫ ߞߍ߫ ߟߊ߫ ߞߎ߲߬ߕߌ߮ ߟߎ߬ ߣߌ߫ ߞߏߟߊߕߍ߮ ߟߎ߬ ߣߌ߫ ߢߓߊ ߟߎ߫ ߘߎ߲߬ߘߎ߬ߡߊ߫ ߘߌ߫ ߘߋ߬.
ߛߊ߬ߙߌ߬ߦߊ߬ߓߏߟߏ߲ ߈߲:
ߣߌ߫ ߛߎߘߋ ߕߌ߱ ߣߊ߬ ߘߊ߬ ߦߋ߫ ߊ߬ ߘߊߥߎ߲ߣߍ߲ ߞߐ߫ ߸ ߛߏ ߓߍ߯ ߟߋ߫ ߘߍ߬ ߟߊ߫ ߞߴߏ߬ ߖߎ߬ߟߎ ߛߙߊ߬ ߸ ߦߏ߫ ߊ߬ߟߎ߫ ߘߍ߬ ߘߴߊ߬ ߘߊߥߎ߲߫ ߠߊ߫ ߢߊ ߡߍ߲.
ߛߊ߬ߙߌ߬ߦߊ߬ߓߏߟߏ߲ ߉߲:
ߣߌ߫ ߡߐ߰ ߞߋߟߋ߲ ߥߟߊ߫ ߡߐ߰ ߘߊ߲ߘߐ߫ ߡߍ߲ ߞߊ߬ ߛߎߘߋ ߘߊߥߎ߲߫ ߛߏ ߢߌ߬ߣߊߡߊ߬ ߸ ߞߵߏ߬ ߟߎ߫ ߛߏ߲߬ ߡߌߘߊ ߞߍ߫ ߊ߬ߟߎ߬ ߦߴߊ߬ ߛߙߊ߬ ߜߏߦߊߜߏ߬ߦߊ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߁߀߲:
ߞߏ߫ ߣߌ߫ ߞߐ߲ߞߕߐ ߘߏ߲߬ ߘߊ߫ ߥߊߟߌ߫ ߛߣߍ ߘߐ߫ ߊ߬ ߕߌ߮ ߞߐ߫ ߸ ߏ߬ ߘߌ߫ ߛߋ߫ ߛߣߍ߬ߝߋ߲ ߘߏ߫ ߘߊߥߎ߲߫ ߠߊ߫ ߛߍ߬ߣߍ ߘߐ߫ ߦߋ߲߬ ߸ ߞߵߊ߬ ߢߊ߬ߙߊ ߣߴߊ߬ ߝߊ߬ߘߊ ߟߎ߬ ߟߊߘߍ߫ ߛߣߍ߬ ߕߌ߮ ߟߊ߫ ߕߏ߯ ߘߊ ߟߊ߫، ߞߏ߬ߣߵߊ߬ ߞߊߣߊ߬ ߝߏߦߌ ߕߊ߬ ߞߊ߬ ߥߴߊ߬ ߘߌ߫ ߦߙߐ߫ ߛߌ߫.
ߛߊ߬ߙߌ߬ߦߊ߬ߓߏߟߏ߲ ߁߁߲:
ߣߌ߫ ߡߍ߲ ߞߵߊ߬ ߓߊߙߌ߲ߣߞߊ ߟߎ߬ ߓߟߏߝߋ߲ ߛߏ߲߬ߧߊ߬ ߸ ߏ߬ ߣߵߊ߬ ߕߊ ߟߋ߫ ߕߊ߬ ߟߊ߫ ߏ߬ ߘߌ߫، ߞߕߌ߫ ߛߌ߫ ߕߴߏ߬ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߁߂߲:
ߞߏ߫ ߊ߲ ߧߋ߫ ߢߐ߲߮ ߖߌߖߎ߮ ߡߊߕߊ߲ߞߊ߬ ߓߊ߯ߙߊߢߐ߲߯ߦߊ ߘߐ߫، ߏ߬ ߘߐ߫ ߣߌ߫ ߡߍ߲ ߡߐ߰ߢߐ߲߮ ߞߊ߬ ߓߊ߯ߙߊ ߞߴߊ߬ ߢߍ߫ ߛߊ߬ߙߊ ߟߊ߫ ߸ ߓߊ߯ߙߊ ߓߊ߯ ߓߊ߲ ߢߊߡߍ߲ ߊ߬ ߦߴߊ߬ ߛߊ߬ߙߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߃߲:
ߣߌ߫ ߡߐ߰ ߓߊ߲߫ ߘߊ߫ ߓߊ߯ߙߊ ߡߍ߲ ߛߊ߬ߙߊ ߡߌ߬ߘߊ߬ ߟߊ߫ ߸ ߌ ߦߴߏ߬ ߞߍ߫ ߟߋ߬ ߛߍߣߍ߲߬ ߘߋ߬، ߊ߬ ߘߏ߲߬ ߦߋ߫ ߞߴߊ߬ ߕߌ߱ ߢߣߊ߫ ߕߎߡߊ ߟߋ߬ ߟߊ߫، ߊ߬ ߞߊߣߊ߬ ߡߊߓߌ߬ߟߊ߬ ߝߋߎ߫.
ߛߊ߬ߙߌ߬ߦߊ߬ߓߏߟߏ߲ ߁߄߲:
ߞߏ߫ ߓߊ߯ߙߊ ߢߐ߲߯ߦߊ ߛߌߟߊ ߝߍ߬ ߸ ߣߌ߫ ߡߍ߲ ߞߊ߬ ߓߌߦߊ߲ ߓߌߘߌ߲ߕߊ ߞߊ߬ߙߌ߬ߝߊ߫ ߡߐ߱ ߘߏ߫ ߟߊ߫ ߸ ߊ߬ ߟߊߡߙߊ߬ߓߊ߮ ߕߊ ߟߋ߬ ߝߍ߬ߣߍ ߣߌ߫ ߣߐߣߐ ߓߍ߯ ߘߌ߫، ߊ߬ ߦߋ߫ ߟߊ߬ߡߙߊ߬ߟߌ ߖߐ߲߰ߣߍ߲ ߠߎ߬ ߓߐ߫ ߟߊ߫ ߏ߬ ߟߎ߫ ߟߋ߬ ߘߐ߫، ߏ߬ ߞߐ߫ ߸ ߓߌߦߊ߲ ߓߊ߯ ߘߋ߲ ߣߊ߯ߣߌ߲ ߛߐ߬ߘߐ߲߬ ߞߏߕߊ߲߫ ߸ ߊ߬ ߟߊߡߙߊ߬ߓߊ߮ ߕߊ ߟߋ߬ ߄߲ ߘߌ߫ ߸ ߡߍ߲ ߛߐ߬ߘߐ߲߬ߕߐ߫ ߞߐ ߟߊ߫ ߞߊ߬ߣߌ߲߬، ߣߌ߫ ߓߌߦߊ߲ ߡߍ߲ ߕߍ߫ ߓߌߘߌ߲ߕߊ߫ ߘߌ߫ ߸ ߏ߬ ߟߊߡߙߊ߬ߓߊ߮ ߕߊ ߟߋ߬ ߘߋ߲߫ ߃߲ ߘߌ߫، ߣߌ߫ ߛߌ߬ߛߍ ߟߋ߬ ߥߟߊ߫ ߞߊ߬ߡߌ߲ ߤߊߡߊ߲ߕߍ߫ ߞߣߐ߬ ߛߎ߰ ߜߘߍ߫ ߸ ߊ߬ ߟߊߡߙߊ߬ߓߊ߮ ߦߋ߫ ߘߏ߫ ߛߐ߬ߘߐ߲߬ ߊ߬ ߓߎ߰ ߞߋߟߋ߲ ߓߍ߯ ߘߐ߫. ߣߴߊ߬ ߥߟߌ߬ ߘߊ߫ ߘߋ߲ ߄ ߘߌ߫ ߸ ߊ߬ ߟߊ߫ ߡߙߊ߬ߓߊ߮ ߕߊ߫ ߞߋߟߋ߲، ߣߌ߫ ߛߋߦߌ߲ ߠߋ߬ ߸ ߊ߬ ߕߊ߫ ߂، ߣߌ߫ ߁߂ ߟߋ߬ ߸ ߊ߬ ߕߊ ߛߓߊ߬. ߣߌ߫ ߓߌߦߊ߲ ߠߊߡߙߊ߬ߕߊ ߛߊ߬ ߘߊ߫ ߸ ߞߊ߬ ߡߐ߰ ߟߊߞߍ߫ ߊ߬ ߞߊ߬ߟߊߡߊ߬ ߸ ߡߍ߲ ߣߴߊ߬ ߕߌ߱ ߛߘߎ߬ߡߊ߲߬ ߓߊߘߋ߲ߧߊ ߘߐ߫ ߥߟߊ߫ ߕߋߙߌߦߊ ߘߐ߫ ߤߊߡߊ߲ߕߍ߫ ߟߊ߲ߒߠߦߊ ߘߐ߫.
ߛߐߟߌ، ߥߊߟߌ߫ ߢߌߡߊ، ߛߌ߲ߞߊߟߌ، ߖߎ߬ߟߎ، ߘߐ߲ߘߐߟߌ
ߛߊ߬ߙߌ߬ߦߊ߬ߓߏߟߏ߲ ߁߅߲:
ߞߏ߫ ߡߍ߲ ߓߴ ߌ ߛߐ߫ ߝߌߛߙߌ ߟߊ߫ ߸ ߌ ߝߣߊ߫ ߦߴߏ߬ ߛߐ߫ ߟߏ߲߫ ߜߘߍ߫، ߊ߬ ߣߌ߫ ߞߵߊ߬ ߕߊ߲߬ߘߏ߬ ߞߵߊ߬ ߖߊ߲ߛߊ߫ ߊ߬ ߟߊ߫ ߢߊ߱ ߟߎ߬ ߘߐ߫. ߛߊ߲ߘߊ ߞߊ߲߫ ߏ߬ ߟߋ߫ ߡߊ߬ ߞߏ߫: ߥߊߟߌ߫ ߢߌߡߊ ߡߊ߫ ߕߏ߫ ߕߊ߲߬ߘߏ߬ ߛߏ߫ ߸ ߊ߬ ߡߊ߫ ߕߏ߫ ߢߐ߲߯ ߛߏ߫ ߸ ߛߏ߲߭ ߓߘߊ ߥߴ ߌ ߗߍ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߆߲:
ߞߏ߫ ߣߌ߫ ߡߍ߲ ߞߊ߬ ߓߊ߯ߙߊ ߞߴ ߌ ߢߍ߫ ߥߊߟߌ߫ ߢߌߡߊ ߟߊ߫ ߸ ߌ ߝߣߊ߫ ߦߴߏ߬ ߞߐ߲ߘߐ߲ ߞߏ߫ ߢߌߡߊ߫ ߞߍ߫ ، ߛߊ߲ߘߊ ߞߊ߲ ߏ߬ ߟߋ߫ ߡߊ߬ ߞߏ߫ : (( ߞߵ ߊ߬ ߝߐ߫ ߒߕߋߙߌ߫ ߓߍ߫ ߡߐ߰ ߘߌ߫ ߸ ߒߕߋߙߌ߫ ߓߍ߫ ߡߐ߰ ߘߌ߫ ߸ ߌߟߋ ߖߍ߬ߘߍ ߞߊߣߊ߬ ߞߍ߫ ߥߘߊ߫ ߘߌ߫ ߘߋ߬)) .
ߛߊ߬ߙߌ߬ߦߊ߬ߓߏߟߏ߲ ߁߇߲:
ߣߌ߫ ߡߍ߲ ߕߏ߫ ߘߊ߫ ߞߣߐߘߐߘߌߦߊ ߞߍ߫ ߟߴ ߌ ߢߍ߫ ߛߐ߲߬ ߸ ߌ ߝߣߊ߫ ߦߋ߫ ߕߴߏ߬ ߟߊߘߌߦߟߊ߫ ߛߐ߲߬، ߛߊ߲ߘߊ ߞߊ߲ ߏ߬ ߟߋ߫ ߡߊ߬ ߞߏ߫ ((ߘߋ߲ߣߍ߲߫ ߞߣߐߘߐߘߌ ߟߋ߬ ߓߏ߭ ߕߌߡߊ߲߫))
ߛߊ߬ߙߌ߬ߦߊ߬ߓߏߟߏ߲ ߁߈߲:
ߞߏ߫ ߘߐ߲ߘߐߟߌ ߣߌ߫ ߖߎ߬ߟߎ ߣߌ߫ ߛߌ߲ߞߊߟߌ ߟߎ߫ ߦߋ߫ ߞߏ߫ ߟߋ߬ ߘߌ߫ ߸ ߡߍ߲ ߦߋ߫ ߛߌ߱ ߣߌ߫ ߓߊߘߋ߲ߧߊ ߣߌ߫ ߟߊ߬ߡߐ߰ߦߊ ߓߍ߯ ߘߐߘߌߦߊ߫ ߟߊ߫، ߞߏ߬ߣߌ߲߬ ߞߵߊ߬ߟߎ߬ ߓߐ߫ ߊ߬ߟߎ߬ ߛߌߟߊ߫ ߓߘߍ ߟߎ߫ ߟߋ߬ ߝߍ߬ ߘߋ߬، ߛߌߟߊ ߏ߬ ߟߎ߬ ߝߟߐ ߟߋ߬ ߸ ߞߊ߬ ߡߐ߰ ߜߘߍ߫ ߟߊߞߍ߫ ߊ߬ ߓߍ߯ ߞߊ߬ߟߊߡߊ߬ ߟߋ߬ ߛߙߋߦߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߉߲:
ߞߏ߫ ߞߊ߬ ߛߙߋߦߊ ߞߍ߫ ߖߎ߬ߟߎ ߟߊ߫ ߟߋ߬ ߕߘߋ߫، ߞߏ߫ ߣߌ߫ ߡߍ߲ ߝߊ߲߭ ߟߊߒߣߦߊ ߘߐ߯ߦߊ߫ ߘߊ߫ ߸ ߓߟߏߡߊ ߦߋ߫ ߞߴߏ߬ ߟߊ߫ ߸ ߥߟߊ߫ ߕߏ߬ߟߌ߬ߡߊ߬ߛߌ߮ ߤߊߡߊ߲ߕߍ߫ ߕߣߐ߬ߡߊ߬ߛߌ߮.
(ߒߞߏ ߘߐ߫): ߕߏ߬ߟߌ߬ߡߊ߬ߛߌ߮ ߦߋ߫ ߝߋ߲߫ ߠߋ߬ ߛߌ߰ߣߍ߲ ߘߌ߫ ߖߎ߬ߟߎ ߞߎ߲߬ߞߘߐ߫ ߸ ߡߍ߲ ߛߐ߲߬ߞߐ ߓߏ߲߬ߓߊ߫ ߖߎ߬ߟߎ ߖߍ߬ߘߍ ߘߌ߫ ، ߏ߬ ߞߎ߲߭ ߠߋ߬ ߸ ߣߌ߫ ߖߟߎ߬ߡߍ߬ߣߍ߲߬ߕߐ ߡߊߣߊ߬ ߖߎ߬ߟߎ ߛߙߊ߬ ߛߕߊ ߡߊ߫ ߸ ߕߏ߬ߟߌ߬ߡߊ߬ߛߌ߮ ߘߌ߫ ߓߊ߲ߖߏ߬ ߘߊߛߎ ߟߊ߫ ߞߊ߬ ߖߟߎ߬ߡߍ߬ߣߍ߲߬ߕߌ߮ ߕߊ ߘߴߊ߬ ߡߊ߬. ߥߟߊ߫ ߕߏ߬ߟߌ߬ߡߊ߬ߛߌ߮ ߦߋ߫ ߕߏ߫ ߖߟߎ߬ߡߍ߬ߣߍ߲ߕߌ߮ ߓߟߏ߫ ߘߊߛߎ ߟߊ߫.
ߕߣߐ߬ߡߊ߬ߛߌ߮ ߦߋ߫ ߝߋ߲ ߕߣߐ߬ߡߊ ߘߌ ߟߋ߬ ߘߌ߫ ߖߎ߬ߟߎ ߞߎ߲߬ߞߘߐ߫. ߖߟߎ߬ߡߍ߬ߣߍ߲߬ߕߌ߮ ߦߋ߫ ߕߏ߫ ߊ߬ ߕߣߐ߬ߓߐ߫ ߟߊ߫ ߛߊߣߌ ߖߎ߬ߟߎ ߛߙߊ߬ ߕߍ߫، ߦߏ߫ ߛߣߍ߬ߞߍ߫ ߣߛߌ ߣߌ߫ ߣߛߌ߬ ߓߌߘߌ߲ߕߊ ߣߌ߫ ߘߏ߬ߣߌ߲߬ߕߊ߬ ߝߊߟߌ.
ߛߊ߬ߙߌ߬ߦߊ߬ߓߏߟߏ߲ ߂߀߲:
ߞߏ߫ ߣߌ߫ ߡߐ߱ ߛߌ߰ ߘߊ߫ ߕߣߐ߬ ߡߊ߬ ߸ ߏ߬ ߓߊ߯ߙߊ ߛߙߊ ߦߋ߫ ߕߏ߫ ߕߍ߰ ߟߊ߫ ߖߎ߬ߟߎ ߟߊ߫ ߝߎߚߎ߫ ߝߏ߫ ߖߎ߬ߟߎ ߦߋ߫ ߓߊ߲ ߛߙߊ߬ ߟߊ߫، ߓߊ߬ߙߌ߬ ߏ߬ ߛߊ߬ߙߊ ߦߋ߫ ߞߍ߫ ߓߊ߯ߙߊߘߋ߲߫ ߓߘߍ ߛߊ߬ߙߊ ߕߊߟߊ߲ߒߕߍ ߟߋ߬ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߂߁߲:
ߞߏ߫ ߣߌ߫ ߕߏ߬ߟߌ߬ߡߊ߬ߛߌ߰ ߓߌߦߊ߲ ߝߊ߰ ߘߊ ߸ ߏ߬ ߓߐ߬ߣߐ ߦߴߊ߬ ߕߌ߱ ߟߋ߫ ߞߎ߲߬ ߸ ߡߍ߲ ߞߵ ߊ߬ ߘߌ߫ ߖߎ߬ߟߎ ߞߎ߲߬ߞߘߐ߫، ߓߊ ߤߊߟߴߊ߬ ߓߊ߯ ߞߴߊ߬ ߖߍ߬ߘߍ ߓߟߏ߫ ߊ߬ ߘߌ߫ ߝߊ߰.
ߛߊ߬ߙߌ߬ߦߊ߬ߓߏߟߏ߲ ߂߂߲:
ߞߏ߫ ߜߙߐ߬ߞߐ ߦߋ߫ ߞߏ߫ ߖߎ߯ߓߊ߫ ߟߋ߬ ߘߌ߫ ߖߟߎ߬ ߞߏ߫ ߘߐ߫، ߏ߬ ߘߐ߫ ߸ ߊ߬ ߕߍ߫ ߓߍ߲߬ ߓߊߘߋ߲ߧߊ ߣߌ߫ ߛߌ߰ߢߐ߲߰ߦߊ ߘߐ߫ ߝߋߎ߫، ߓߊ ߊ߬ ߦߋ߫ ߟߊ߬ߡߐ߰ߦߊ ߜߏߦߊ߫ ߟߊ߫ ߟߋ߬، ߏ߬ ߞߏߛߐ߲߬ ߡߐ߰ ߞߊ߫ ߜߙߐ߬ߞߐ߬ ߖߟߎ ߘߏ߲߬ ߸ ߡߐ߰ ߞߴߊ߬ ߕߊ߫ ߞߣߐ߬ߘߐ߬ߝߟߌ߫ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߂߃߲:
ߞߏ߫ ߣߌ߫ ߕߍ߯ߜߍߟߍ߲ ߤߌߣߊߓߊߟߌ ߡߍ߲ ߗߋ ߞߍ߫ ߘߊ߫ ߜߙߐ߬ߞߐ߬ ߖߟߎ߬ߘߏ߲ ߘߌ߫ ߸ ߥߟߊ߫ ߕߊ߬ߣߊ ߞߍ߫ ߘߊ߫ ߖߟߎ߬ߘߏ߲ ߣߌ߫ ߘߐ߲ߘߐߟߌ ߣߌ߫ ߛߐߟߌ ߣߌ߫ ߛߌ߲ߞߊߟߌ ߟߎ߬ ߘߌ߫ ߸ ߞߎ߲߬ߞߏ߬ ߕߴߏ߬ ߡߊ߬ ߸ ߒ߬ߞߊ߬ ߣߴߊ߬ ߡߊ߲ߜߏ߬ߦߊ߬ ߘߴߊ߬ ߛߌ߰ߢߐ߲߮ ߠߎ߬ ߓߟߏ߫ ߞߵߊ߬ ߟߊ߫ ߞߏ ߟߎ߬ ߘߐߜߏߦߊ߫ ߸ ߊ߬ ߣߌ߫ ߞߵߊ߬ߟߎ߬ ߘߐߜߟߍ߬ߦߊ߫ ߸ ߞߎ߲߬ߞߏ߬ ߕߴߊ߬ ߛߌ߰ߢߐ߲߮ ߠߎ߬ ߝߣߊ߫ ߡߴߏ߬ ߘߐ߫ ߘߋ߬، ߓߊ ߡߍ߲ ߓߴߊ߬ ߛߋ߲߬ ߞߋߟߋ߲ ߛߊߙߌ߫ ߞߊ߲ ߞߍ߫ ߞߏ߫ ߒߕߍ߫ ߡߐ߱ ߟߎ߬ ߕߊ ߘߐ߫ ߸ ߏ߬ ߦߴߊ߬ ߕߐ߬ ߞߋߟߋ߲ ߛߊߙߌ߫ ߞߊ߲ ߞߍ߫ ߞߏ߫ ߡߐ߱ ߟߎ߬ ߝߣߊ߫ ߕߍ߫ ߒߕߊ߫ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߂߄߲:
ߞߏ߫ ߡߍ߲ ߓߊ߯ ߊ߬ ߓߊ߲߬ ߖߎ߬ߟߎ ߞߊ߲߬ ߸ ߞߵߏ߬ ߞߘߊߡߊ߫ ߊ߬ ߦߴߊ߬ ߛߊ߬ߙߊ ߟߋ߬ ߕߋߘߋ߫.
ߛߊ߬ߙߌ߬ߦߊ߬ߓߏߟߏ߲ ߂߅߲:
ߞߏ߫ ߘߐ߲ߘߐߟߌ ߣߌ߫ ߖߎ߬ߟߎ ߓߍ߯ ߦߋ߫ ߛߙߵߊ߬ߟߎ߬ ߛߕߊ ߟߋ߬ ߡߊ߬ ߖߐ߫.
ߛߊ߬ߙߌ߬ߦߊ߬ߓߏߟߏ߲ ߂߆߲:
ߞߏ߫ ߘߐ߲ߘߐߟߌ ߞߊߣߊ߬ ߦߟߍ߬ߡߊ߲ ߖߎ߬ߟߎ ߘߌ߫ ߢߊ-ߊ-ߢߊ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߂߇߲:
ߞߏ߫ ߞߊ߬ ߛߌ߲ߞߊ ߟߊߛߊ߬ߦߌ߬ ߖߏߣߊ߫، ߛߌ߲ߞߊ ߘߏ߲߬ ߞߊߣߊ߬ ߘߏ߲߬ ߛߌ߲ߞߊ߫ ߘߐ߫، ߡߐ߰ ߘߏ߲߬ ߞߊߣߊ߬ ߟߊߥߟߌ߬ ߝߋ߲ ߕߌ߮ ߘߊߞߘߐߓߐ ߡߊ߬ ߕߎ߬ߡߊ ߓߍ߯ ߛߌ߲ߞߊߟߌ߫ ߛߌߦߊߡߊ߲ ߠߊ߫. ߣߌ߫ ߛߓߍ߬ߣߊ߲߬ ߡߐ߮ ߕߍߣߊ߬ ߢߊ߰ ߝߋ߲ ߡߍ߲ ߞߐ߫ ߸ ߊ߰ ߏ߬ ߘߏ߫ ߢߌߣߌ߲߫ ߠߊ߫ ߟߋ߬ ߸ ߞߊ߬ ߝߘߊ߫ ߛߌ߲ߞߊߟߌ ߛߌߦߊߡߊ߲ ߠߊ߬، ߞߏ߫ ߣߌ߫ ߛߌ߲ߞߊߟߌ߫ ߝߋ߲ ߕߌߢߍ߫ ߘߊ߫ ߥߟߴߊ߬ ߕߎߣߎ߲߫ ߘߊ߫ ߡߍ߲ ߓߟߏ߫ ߸ ߏ߬ ߦߴߊ߬ ߛߙߊ߬، ߝߏ߫ ߣߴߊ߬ ߕߌ߱ ߘߌ߬ߢߍ߬ ߘߊ߫ ߢߊ߰ߙߊ߬ߒߞߋ ߡߍ߲ ߢߍ߫، ߓߊ ߞߡߊ߬ߙߊ߬ߒߞߋ ߕߍ߫ ߛߐ߲߬ ߝߋ߲ ߛߎ߮ ߏ߬ ߕߌ߱ ߟߊ߫ ߘߌ߬ߢߍ ߡߊ߬ ߞߏ߫-ߏ-ߞߏ߫ ߢߍ߫.
ߛߊ߬ߙߌ߬ߦߊ߬ߓߏߟߏ߲ ߂߈߲:
ߞߏ߫ ߓߌߦߊ߲ ߟߊߡߙߊ ߛߌߟߊ ߝߍ߬ ߸ ߣߌ߫ ߡߍ߲ ߞߊ߬ ߓߌߦߊ߲ ߟߴߊ߬ ߘߋ߲ߡߛߏ ߞߊ߲߬ ߞߵߊ߬ ߘߌ߫ ߗߍ߬ ߡߊ߬ ߸ ߥߟߊ߫ ߣߊ߲߬ߝߟߏ߬ ߛߎ߰ ߜߘߍ߫، ߡߏ߬ߛߏ ߕߊ ߟߵߊ߬ ߟߊ߫ ߣߊ߲߬ߝߟߏ ߘߌ߫، ߝߏ߫ ߣߴߊ߬ ߘߌ߬ߢߍ߬ ߘߊ߫ ߞߊ߬ ߡߍ߲ ߘߴߊ߬ ߗߍ߬ ߡߊ߬، ߓߊ߬ߙߌ߬ ߣߌ߫ ߗߍ߭ ߟߋ߬ ߓߌߦߊ߲ ߟߊߘߊ߬ߙߏ߬ ߟߊ߫ ߸ ߏ߬ ߕߎ߬ߡߵߊ߬ ߘߋ߲ ߗߍ߬ߡߊ߲ ߠߎ߬ ߘߌ߫ ߞߍ߫ ߗߍ߭ ߕߊ ߘߌ߫ ߸ ߞߊ߬ ߡߛߏ߬ߡߊ߲ ߠߎ߬ ߞߍ߫ ߡߏ߬ߛߏ ߕߊ ߘߌ߫، ߓߊ߬ߙߌ߬ ߣߌ߫ ߗߍ߬ߡߊ߲ ߛߌߦߊߦߊ߫ ߘߊ߫ ߓߌߦߊ߲ ߘߋ߲ ߛߓߊߢߐ߲߮ ߘߌ߫ ߸ ߏ߬ ߓߍ߯ ߕߴߛߋ߫ ߕߏ߫ ߟߊ߫ ߗߍ߭ ߓߟߏ߫، ߓߊ ߊ߬ ߣߌ߭ ߡߊ߲ ߞߊ߲߫ ߞߊ߬ ߕߊ߬ߡߌ߲߬ ߃ / ߁߭ ߠߊ߫ ߝߋߎ߫. ߣߌ߫ ߓߌߦߊ߲ ߘߏ߲߬ ߣߊ߬ ߘߊ߫ ߡߛߏ߬ߡߊ߲ ߜߊ߲ߛߊ߲ ߛߐ߬ߘߐ߲߬ ߸ ߛߓߊߢߐ߲߯ ߞߋߟߋ߲ ߦߋ߫ ߘߌ߫ ߗߍ߭ ߡߊ߬، ߓߊ ߊ߬ ߓߟߏߞߏߟߏ߲ ߜߍ ߕߴߛߋ߫ ߕߏ߫ ߟߴߊ߬ ߘߐ߫ ߕߋ߲߬ ߛߏߘߊ߫، ߒ߬ߓߊ߬ ߣߌ߫ ߝߘߎ ߞߍ߫ ߘߊ߫ ߛߊ߬ ߝߋ߲ ߘߌ߫ ߸ ߡߏ߬ߛߏ ߣߴߊ߬ ߟߊ߫ ߣߊ߲߬ߝߟߏ ߘߌ߫ ߕߊ߯ ߛߐߍ߫.
ߝߘߎ ߣߌ߫ ߝߘߎߝߋ߲ ߠߎ߬
ߛߊ߬ߙߌ߬ߦߊ߬ߓߏߟߏ߲ ߂߉߲:
ߛߊ߲ߏ߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߝߘߎߝߋ߲ ߡߊߓߍ߲߬، ߊ߬ ߕߘߍ߬ ߣߛߌ߬ ߕߊ߲ ߡߍ߲ ߘߌ߫ ߸ ߊ߬ ߞߵߏ߬ ߓߐ߫ ߊ߬ ߡߊ߬ ߝߋߎ߫ ߸ ߞߵߊ߬ ߕߏ߫ ߣߛߌ߬ ߃ ߡߊ߬، ߞߏ߫ ߣߛߌ߬ ߞߋߟߋ߲ ߦߋ߫ ߘߋ߲ ߝߊ ߕߊ ߘߌ߫، ߞߋߟߋ߲ ߦߋ߫ ߘߋ߲ ߣߊ ߕߊ ߘߌ߫، ߊ߬ ߕߐ߬ ߞߋߟߋ߲ ߦߋ߫ ߘߋ߲ߡߛߏ߫ ߘߎ߲߬ߘߎ߬ߡߊ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߃߀߲:
ߞߏ߫ ߘߋ߲ߡߛߏ ߓߘߊߡߐ߮ ߟߎ߬ ߟߊߘߌߦߊ߫ ߝߋ߲ ߞߏ ߛߌߟߊ ߝߍ߬ ߸ ߓߍߣߐ߯ ߣߌ߫ ߓߊߘߋ߲ ߣߌ߫ ߣߊ߫ ߛߌ߬ߣߊ ߣߌ߫ ߝߘߎ߫ ߕߊ߯ߡߊ ߟߎ߬، ߏ߬ ߓߍ߯ ߣߌ߭ ߦߋ߫ ߞߍ߫ ߝߋ߲ ߓߘߎߓߘߎ ߟߎ߫ ߟߋ߬ ߘߌ߫ ߸ ߝߊ߰ߣߌ߲ ߣߌ߫ ߥߏ߬ߙߏ ߣߌ߫ ߞߐ߱ ߟߎ߬ ، ߞߣߵߏ߬ ߝߋ߲ ߣߌ߭ ߞߊߣߊ߬ ߞߍ߫ ߓߌߦߊ߲ ߘߌ߫ ߸ ߊ߬ ߞߊߣߊ߬ ߞߍ߫ ߓߌߦߊ߲߫ ߛߐ߲ߞߐ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߃߁߲:
ߞߏ߫ ߣߌ߫ ߓߌߦߊ߲ ߖߊ߲ߞߊߙߏ ߘߏ߲߬ ߘߊ߫ ߖߡߊ߬ߣߊ ߞߣߐ߫ ߞߵߊ߬ ߘߊ ߜߟߍ߬ߦߊ߬ ߞߏߖߎ߯ߦߊ߫ ߸ ߗߍ߬ߡߐ߮ ߟߎ߬ ߘߌ߫ ߛߋ߫ ߘߏ߫ ߓߐ߫ ߟߊ߫ ߝߘߎ߫ ߣߛߌ ߦߙߌߞߊ ߟߊ߫، ߣߌ߫ ߓߌߦߊ߲ ߠߎ߬ ߓߎ߯ ߘߊ߫ ߕߎ߲߯ ߸ ߝߘߎߝߋ߲ ߘߌ߫ ߘߝߊ߫ ߣߛߌ߬ ߃ ߟߊ߫، ߓߊ߬ߙߌ߬ ߝߘߎ ߡߍ߲ ߠߎ߬ ߞߍ߫ ߘߊ߫ ߘߏߓߐ߲ߒߣߊ ߕߎ߬ߡߊ ߟߊ߫ ߸ ߏ߬ ߟߎ߬ ߘߝߊ ߕߍ߫ ߛߙߊ߬ ߟߊ߫ ߡߎ߬ߕߎ߲ ߘߋ߬، ߣߌ߫ ߝߘߎ ߘߏ߲߬ ߞߍ߫ ߘߊ߫ ߛߊ߬ߕߊ ߘߌ߫ ߸ ߣߊ߲߬ߝߟߏ ߓߍ߬ߙߍ ߡߍ߲ ߓߐߣߍ߲ ߓߊ߯ ߞߍ߫ ߸ ߏ߬ ߟߋ ߦߋ߫ ߟߊߛߊ߬ߦߌ߬.
ߛߊ߬ߙߌ߬ߦߊ߬ߓߏߟߏ߲ ߃߂:
ߞߏ߫ ߝߘߎߝߋ߲ ߣߌ߬ߛߌ ߘߌ߫ ߛߋ߫ ߛߙߊ߬ ߟߊ߫ ߛߊ߱ ߣߌ߫ ߓߊ߭ ߘߐ߫، ߣߛߌ߬ ߞߋߟߋ߲ ߦߋ߫ ߛߊ߰ ߄ ߘߌ߫ ߥߟߊ߫ ߓߊ߬ ߄ ߘߌ߫ ߤߊߡߊ߲ߕߍ߫ ߛߊ߰ ߂ ߣߌ߫ ߓߊ߬ ߂.
ߛߊ߬ߙߌ߬ߦߊ߬ߓߏߟߏ߲ ߃߃߲:
ߞߏ߫ ߝߘߎߝߋ߲ ߦߋ߫ ߞߍ߫ ߓߌߦߊ߲ ߣߌ߫ ߝߊ߰ߣߌ߲ ߣߌ߫ ߛߣߍ߬ߝߋ߲ ߠߋ߬ ߘߌ߫، ߊ߬ ߞߊߣߊ߬ ߞߍ߫ ߛߊߣߌ߲ ߣߌ߫ ߞߐ߰ ߜߊ߲ߛߊ߲ ߘߌ߫ ߥߟߊ߫ ߝߋ߲ ߡߍ߲ ߕߍ߫ ߛߐ߬ߘߐ߲߬ ߠߊ߫ ߕߎ߬ߡߊ ߓߍ߯ ߣߌ߫ ߦߌߟߊ ߓߍ߯ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߃߄߲:
ߞߏ߫ ߝߘߎߝߋ߲ ߖߊ߬ߕߋ ߡߍ߲ ߟߊߕߍ߰ߣߍ߲ ߥߊ߯ߕߌ ߡߍ߲ ߠߊ߫ ߸ ߡߐ߰ ߘߌ߫ ߛߋ߫ ߘߏ߫ ߓߐ߫ ߟߴߏ߬ ߟߊ߫ ߤߌߣߊ߫ ߓߟߏ ߡߊ߬ ߸ ߓߊ߬ߙߌ߬ ߡߍ߲ ߓߊ߯ ߘߏ߫ ߟߴߏ߬ ߞߊ߲߬ ߥߊߛߏ ߡߊ߬ ߥߟߊ߫ ߘߊ߰ߙߊ߬ߞߙߊ߫ ߡߊ߬ ߸ ߊ߬ ߣߌ߫ ߡߍ߲ ߓߊ߯ ߏ߬ ߡߌ߬ߘߊ߬ ߝߋ߲ߞߏߒߕߋߦߊ ߡߊ߬ ߸ ߡߐ߰ߓߊ ߟߎ߬ ߦߋ߫ ߞߏ߫ ߟߊߕߐ߲߫ ߏ߬ ߟߎ߬ ߟߊ߫، ߞߵߊ߬ߟߎ߬ ߘߐ߯ߦߊ ߞߵߊ߬ߟߎ߬ ߣߴߊ߬ߟߎ߬ ߟߊ߫ ߝߘߎ߫ ߛߐ߲ߞߐߟߐ߲ ߓߍ߯ ߟߊߡߊ߬ߟߏ߬ߦߊ߬ ߢߐ߯ߛߐ߫، ߊ߬ ߣߌ߫ ߞߵߊ߬ߟߎ߫ ߟߐ߬ ߛߏ ߟߊߘߊ߲ ߠߊ߫ ߓߌߦߊ߲ ߞߎ߲ߓߊߓߊ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߃߅߲:
ߞߏ߫ ߝߘߎߝߋ߲ ߝߊ߲߬ߞߋߟߋ߲ ߘߌ߫ ߛߋ߫ ߞߍ߫ ߟߊ߫ ߖߎ߬ߟߎ ߘߌ߫، ߓߊ߬ߙߌ߬ ߝߏ߫ ߖߎ߬ߟߎ ߏ߬ ߦߋ߫ ߛߙߊ߬ ߟߋ߬، ߞߏ߫ ߞߡߊ߬ߙߊ߬ߒߞߋ ߝߊ߲߭ ߘߌ߫ ߛߊ߯ߡߍߦߴߊ߬ ߘߋ߲ߡߛߏ ߝߘߎߝߋ߲ ߓߍ߯ ߡߌ߬ߘߊ߬ ߟߊ߫ ߞߢߐ߫ ߡߊߟߐ ߢߍ߫ ߊ߬ ߣߌ߫ ߞߏ߫ ߤߙߐߞߍ ߝߣߊ߫ ߘߌ߫ ߡߊ߬ߟߏ߬ߦߴߊ߬ ߡߏ߬ߛߏ ߝߘߎߝߋ߲ ߖߟߎ߬ ߡߊ߬ߕߡߊߣߊ ߘߐ߫ ߝߏ߫ ߞߵߊ߬ ߛߋ߫ ߡߞߊ߬ߣߌ߲߬ߣߌ߲ ߘߐ߫ .
ߛߊ߬ߙߌ߬ߦߊ߬ߓߏߟߏ߲ ߃߆߲:
ߞߏ߫ ߣߌ߫ ߞߢߐߗߍ ߡߊ߫ ߕߘߍ߬ ߟߎ߫ ߘߐ߫ ߸ ߊ߬ ߦߋ߫ ߡߊߞߐ߬ߣߐ߲߬ ߞߊߙߏ߫ ߛߓߊ߬ ߟߊ߫، ߊ߬ ߢߐ߲߰ߘߐ߫ ߣߌ߫ ߞߢߐ߫ ߡߊߟߐ߫ ߖߌ߲߬ߓߊ߲ߖߌ߲ߓߊ߲ ߣߐ߬ ߞߍ߫ ߘߊ߫ ߗߍ߭ ߓߊ ߓߐ߫ ߟߴߊ߬ ߡߊ߬ ߸ ߛߴߏ߬ ߢߊߘߐߜߍ ߘߌ߫ ߟߐ߲߫، ߒ߬ߓߊ߬ ߣߴߊ߬ ߡߊ߫ ߞߏ-ߏ-ߞߏ߫ ߟߋ߬ ߣߐ߬ ߞߊߙߏ߫ ߛߊ߬ߓߊ ߞߘߐ߫ ߸ ߝߘߎ ߦߋ߫ ߓߟߏߞߊ߬، ߏ߬ ߟߋ ߝߌ߬ߛߊ߬ ߞߢߐ ߘߌߣߍ߲ ߘߌ߫ ߟߎ߫ ߡߊ߫ ߡߐ߯ ߜߘߍ߫ ߡߊ߬ ߸ ߞߊ߬ ߕߍߜߟߍߦߊ ߟߊߘߏ߲߬ ߟߎ ߞߣߐ߫.
ߛߊ߬ߙߌ߬ߦߊ߬ߓߏߟߏ߲ ߃߇:
ߣߌ߫ ߘߓߍ߬ߘߐ߬ߜߊߛߌ ߣߊ߬ ߘߊ ߗߍ߭ ߡߍ߲ ߛߐ߬ߘߐ߲߬ ߞߐ ߟߊ߫ ߥߟߊ߫ ߦߍ߬ߦߊ ߸ ߗߍ߭ ߣߴߊ߬ ߡߏ߬ߛߏ ߞߎ߲߬ߞߏ ߟߴߏ߬ ߘߌ߫، ߊ߬ߟߎ߬ ߓߍ߯ ߟߋ߬ ߘߍ߬ ߟߊ߫ ߞߵߏ߬ ߘߊ߲ߘߊ߫، ߣߌ߫ ߢߊ߫ ߡߊ߫ ߛߐ߬ߘߐ߲߬ ߗߍ߭ ߞߍ߲ߘߍߦߊ߫ ߞߏ߫ ߡߊ߬ ߝߋߎ߫ ߸ ߗߍ߭ ߦߋ߫ ߘߌ߬ߢߍ߬ ߞߊ߬ ߡߏ߬ߛߏ ߟߊߕߊ߬ߡߌ߲ ߓߊߘߋ߲ ߘߏ߫ ߡߊ߬ ߘߓߌ߬ ߘߐ߫، ߓߊ߬ߙߌ߬ ߘߋ߲ ߠߎ߬ ߦߋ߫ ߝߘߎߞߍ ߕߦߊ ߟߋ߬ ߟߊ߫ ߘߋ߬، ߓߊߏ߬ ߣߊ߲߬ߝߟߏ ߣߌ߫ ߥߙߏ߬ ߕߊ߲ ߠߋ߬ ߕߊ߫ ߦߋ߫ ߘߋ߲ ߘߌ߫ ߸ ߘߓߍ߬ ߘߐ߬ ߟߊߟߌ ߕߊ߫ ߕߍ߫، ߣߌ߫ ߦߟߌߘߐߜߊߛߌ ߝߣߊ߫ ߞߊ߬ ߡߏ߬ߛߏ ߛߐ߬ߘߐ߲߬ ߘߋ߲ߡߌߛߍ߲ߦߊ ߘߐ߫ ߥߟߊ߫ ߦߟߌߕߍ߯ ߖߏߣߊ ߸ ߏ߬ ߝߣߊ߫ ߣߴߊ߬ ߗߍ߬ ߞߎ߲߬ߞߏ ߟߴߏ߬ ߘߌ߫ ߸ ߊ߬ߟߎ߬ ߓߍ߯ ߟߋ߬ ߘߍ߬ ߟߊ߫ ߞߵߏ߬ ߘߊ߲ߘߊ߫، ߡߏ߬ߛߏ ߕߴߛߋ߫ ߟߊߓߐ߫ ߟߊ߫ ߓߏ߲ߣߊߛߌ ߘߐ߫ ߞߏ߬ߟߌ߬ߦߋ߬ߓߊߟߌߦߊ ߛߌ߰ ߝߌ߬ߟߊ ߏ߬ ߝߋ߲-ߋ-ߘߐ߫، ߝߏ߫ ߣߌ߫ ߡߏ߬ߛߏ ߡߍ߲ ߞߵߊ߬ ߖߘߍ߬ ߟߊߓߐ߫ ߊ߬ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߃߈߲:
ߞߏ߫ ߣߌ߫ ߛߎ߲ߞߎߘߎ߲ ߡߍ߲ ߡߊߟߐ߬ ߘߊ߫ ߞߵߊ߬ ߕߘߍ߬ ߊ߬ ߕߴ ߊߟߊ߫ ߛߌߟߊ ߘߐ߫ ߸ ߞߏ߫ ߦߋ߫ ߟߊߕߐ߲ ߞߢߐ߫ ߡߛߏ ߖߍ߬ߘߍ ߟߊ߫ ߸ ߊ߬ ߣߌ߫ ߗߍ߭ ߡߍ߲ ߞߵߊ߬ ߘߐߣߐ߯ ߸ ߊ߬ ߟߊߡߐ߬ߣߍ߲ ߡߏ߬ߛߏ ߡߍ߲ ߝߣߊ߫ ߓߟߏ߫ ߸ ߞߵߏ߬ ߟߊߘߐ߯ߦߊ ߞߊߕߌ߫، ߓߊ ߊ߬ ߡߊ߲ ߞߎ߬ߛߊ߲߬ ߘߋ߲ ߠߊߡߐ ߟߊ߫، ߓߊ߬ߙߌ߬ ߏ߬ ߕߴߛߋ߫ ߞߍ߫ ߟߊ߫ ߝߘߎ ߛߊ߬ ߞߎ߲ ߘߌ߫ ߡߛߏ߬ ߗߍ ߣߌ߫ ߘߋ߲ ߝߊ ߛߌ߫ ߓߟߏ߫.
ߛߊ߬ߙߌ߬ߦߊ߬ߓߏߟߏ߲ ߃߉߲:
ߞߏ߫ ߝߘߎ ߕߍߘߐߓߍ߲ ߛߌߟߊ ߝߍ߬ ߸ ߞߊ߬ ߞߢߐ ߞߎߘߊ ߞߐߡߐ߯ߦߊ ߞߊ߬ߙߌ߬ߝߊ ߛߌ߰ߢߐ߲߯ ߝߌ߬ߟߊ߬ ߟߊ߫ ߸ ߗߍ߬ ߞߋߟߋ߲ ߣߌ߫ ߡߛߏ߬ ߞߋߟߋ߲، ߏ߬ ߟߎ߬ ߦߋ߫ ߕߏ߫ ߞߢߐ ߣߴߊ߬ ߗߍ߬ ߟߊߟߌ߫ ߟߊ߫ ߝߐߢߐ߲ߞߐ߫ ߡߌߛߍ߲ ߠߎ߬ ߘߐ߫ ߞߍ߬ߣߍ߲، ߤߊߞߍߕߏ߫ ߘߋ߲ ߝߊ ߣߌ߫ ߛߋ߲ ߣߊ ߖߎ߬ߛߎ ߞߊߣߊ߬ ߕߏ ߞߊ߬ߛߌ߬ ߟߊ߫ ߥߐ߬ߦߐ߬ ߡߌ߬ߛߍ߲߬ߣߍ߲ ߓߍ߯ ߡߊ߲ߞߊ߲ ߡߍ߲ ߘߐ߫ ߕߎ߬ߡߊ ߓߍ߯ ߟߊ߫. ߞߏ߫ ߝߘߎ ߞߐߡߐ߮ ߏ߬ ߟߎ߫ ߘߏ߲߬ ߦߋ߫ ߞߏ߫ ߘߐߓߍ߲ߠߊ ߜߊ߲ߛߊ߲ ߠߋ߬ ߘߌ߫ ߸ ߊ߬ߟߎ߬ ߞߊߣߊ߬ ߞߍ߫ ߝߘߎ ߣߊ߯ߝߌ߯ ߟߎ߫ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߄߀߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߝߘߎ ߕߍ߫ ߘߋ߲ߡߛߏ ߞߍ߫ ߟߊ߫ ߖߐ߲߬ ߘߌ߫ ߛߊ߫ ߸ ߓߊ߬ߙߌ߬ ߊ߬ ߘߴߊ߬ ߞߍ߫ ߓߟߏߡߐ߮ ߘߌ߫، ߣߌ߫ ߡߏ߬ߛߏ ߡߍ߲ ߞߵߊ߬ ߖߘߍ߬ ߕߏ߫ ߓߟߏߡߐ߯ߦߊ ߟߊ߫ ߸ ߏ߬ ߘߌ߫ ߘߤߊ، ߓߊߏ߬ ߓߏ߲ߣߊߛߌ ߘߐ߫ ߸ ߊߟߊ߫ ߟߋ߬ ߣߊ߬ ߡߏ߬ߛߏ ߞߍ߫ ߟߊ߫ ߘߎ߰ߡߊ߬ ߝߋ߲ ߘߌ߫، ߊ߬ ߘߏ߲߬ ߞߊ߫ ߞߊ߲߫ ߞߵߊ߬ ߖߘߍ߬ ߕߏ߫ ߘߎ߰ߡߊ߬ߝߋ߲߬ߦߊ ߏ߬ ߟߊ߫ ، ߣߌ߫ ߡߏ߬ߛߏ ߡߍ߲ ߝߊ߲߭ ߞߵߊ߬ ߕߊ߫ ߞߍߕߊ ߟߐ߲߫ ߝߘߎ ߛߌ߱ ߘߐ߫ ߸ ߏ߬ ߘߌ߫ ߞߍ߫ ߤߙߐ߫ ߡߛߏ ߘߝߊߣߍ߲ ߘߌ߫ ، ߡߊ߲߬ߘߋ߲ ߛߊ߲ߘߊ ߦߴߊ߬ ߝߐ ߟߊ߫ ߏ߬ ߟߋ߫ ߘߐ߫ ߞߏ߫: (( ߖߐ߲߭ ߠߎ߬ ߓߋ߲ߓߊ߫ ߕߐ߯ ߟߋ߬ ߞߏ߫ ߝߐߒߢߍ߫ ߤߙߐ ߞߵߊ߬ ߕߊ߫ ߞߍ߫ ߕߊ߫ ߟߐ߲ ߠߋ߬ )).
ߛߊ߬ߙߌ߬ߦߊ߬ߓߏߟߏ߲ ߄߁߲:
ߞߏ߫ ߣߌ߫ ߝߘߎߡߊ߫ ߝߌ߬ߟߊ ߡߊ߫ ߛߋ߫ ߞߎ߲ ߠߊ߫ ߛߌ߱ ߘߐ߫ ߸ ߝߘߎ ߦߋ߫ ߛߊ߬، ߞߴߏ߬ ߟߋ ߝߌ߬ߛߊ߬ ߝߘߎ߫ ߜߏ ߟߊߝߛߊ߬ߣߍ߲ ߘߌ߫ ߢߊ߫ ߡߊ߬ ߸ ߓߍ߯ ߘߴߊ߬ ߛߐ߲ ߛߐ߬ߘߐ߲߬ ߊ߬ ߘߐ߫ ߢߊ߫ ߡߍ߲، ߞߏ߫ ߓߊ߬ߙߌ߬ ߝߘߎߛߊ ߦߋ߫ ߕߊ߯ ߞߍ߫ ߥߊ߭ ߟߋ߬ ߘߐ߫ ߸ ߤߊ߲ߞߟߌߡߊ ߛߌ߫ ߞߊߣߊ߬ ߛߐ߲߬ ߊ߬ ߦߋ߫ ߞߴߊ߬ ߟߊ߫ ߟߎ ߡߊ߬،
ߞߏ߫ ߝߘߎߛߊ ߦߋ߫ ߛߌߦߊߦߊ߫ ߟߊ߫ ߡߐ߰ߓߊ ߞߎ߲߬ߣߊ߲ߜߏ ߟߋ߬ ߕߋ߬ߟߋ ߘߐ߫، ߊ߬ ߣߌ߫ ߞߏ߫ ߡߊ߲ߛߊ߫ ߖߎ߬ߟߊ߬ߖߎ߯ ߖߊߡߙߎ ߟߋ߬ ߝߘߎߛߊ ߘߐߘߌߦߊ߫ ߟߴߊ߬ ߕߋ߬ߟߋ ߘߐ߫
ߛߊ߬ߙߌ߬ߦߊ߬ߓߏߟߏ߲ ߄߂߲:
ߞߏ߫ ߗߍ߭ ߡߍ߲ ߠߎ߬ ߦߋ߫ ߡߛߏ߬ ߘߐ߬ ߢߊߙߌߢߊߙߌ߫ ߟߊ߫، ߊ߬ ߣߌ߫ ߡߏ߬ߛߏ ߡߍ߲ ߠߎ߬ ߦߋ߫ ߘߎߢߊ߫ ߟߊߡߌߣߌ߲ ߛߊ߬ߓߊ ߘߌ߫، ߞߏ߫ ߓߍ߯ ߦߋ߫ ߘߍ߬ ߞߵߏ߬ ߟߎ߫ ߛߐ߲߬ ߏ߬ ߘߐߜߏߦߊ߫ ߊ߬ߟߎ߬ ߓߟߏ߫، ߏ߬ ߘߐ߬ ߗߍ߭ ߡߍ߲ ߓߊ ߡߏ߬ߛߏ ߝߌ߬ߟߊ ߓߌ߬ߟߊ߬ ߸ ߡߐ߰ ߛߌ߫ ߞߴߏ߬ ߛߐ߫ ߡߛߏ߬ ߟߊ߫ ߡߎ߬ߕߎ߲߬ ، ߡߍ߲ ߓߴߏ߬ ߛߐ߫ ߡߛߏ߬ ߟߊ߫ ߓߍ߯ ߦߴߏ߬ ߞߟߍ߬ ، ߓߊߏ߬ ߌ ߘߴߊ߬ ߕߘߍ߬ ߏ߬ ߟߋ ߣߵߊ߬ ߟߐ߬ ߟߊ߫ ߡߛߏ߬ ߓߌߟߊ ߟߊ߫ ߞߏ߫ ߊ߬ ߘߴߊ߬ ߕߊ߫ ߘߴߊ߬ ߡߊ߬ ، ߊ߬ ߣߌ߫ ߝߣߊ߫ ߞߏ߫ ߡߏ߬ߛߏ ߡߍ߲ ߓߊ߯ ߝߘߎߛߊ߫ ߝߌ߬ߟߊ߬ ߞߍ߫ ߸ ߗߍ߬ ߛߌ߫ ߞߴߏ߬ ߝߘߎ߫ ߡߎ߬ߕߎ߲߬ ߤߊߟߴߊ߬ ߣߎ߲ߜߟߊ ߓߊ߯ ߞߍ߫ ߛߎ߫ ߟߴߊ߬ ߘߊ ߘߐ߫، ߞߏ߫ ߞߏ߫ ߖߎ߮ ߟߋ߬ ߕߐ߲ ߛߌ߰ ߟߴߊ߬ ߖߘߍ߬ ߟߊ߫ .
ߡߊ߲߬ߘߋ߲߫ ߕߐ߲ߓߊ߫ ߣߊ߯ߣߌ߲ ߡߍ߲ ߠߎ߬ ߟߊߥߟߌ߬ ߘߊ߫
ߛߊ߬ߙߌ߬ߦߊ߬ߓߏߟߏ߲ ߄߃߲:
ߝߟߐ ߸ ߕߐ߲ ߠߋ߬ ߕߘߍ߬ ߡߊ߲߬ߘߋ߲ ߸ ߞߏ߫ ߡߍ߲ ߝߟߐ߫ ߓߊ߯ ߊ߬ ߓߌ߬ߟߊ߬ ߡߏ߬ߛߏ ߞߐ߫ ߞߏ߫ ߊ߬ ߦߴߊ߬ ߢߌߣߌ߲߫ ߠߊ߫ ߝߘߎ ߟߊ߫ ߸ ߏ߬ ߞߊߣߊ߬ ߖߊ߲߬ ߊ߬ ߟߊ߫ ߝߋߎ߫ ߞߵߊ߬ ߛߌ߰ ߡߐ߰ ߜߘߍ߫ ߢߍ߫، ߤߊߟߌ߫ ߥߏ߬ߙߏ ߝߌ߬ߟߊ߬ ߓߊ߯ ߜߙߊ߬ ߡߍ߲ ߡߊ߬ ߸ ߝߛߍ߬ߝߛߍ߬ߟߌ ߟߋ߬ ߞߍߕߐ߫ ߝߎߚߎ߫ ߝߏ߫ ߞߵߊ߬ ߟߐ߲߫ ߠߋ߬ ߕߘߋ߫ ߡߍ߲ ߝߟߐ߫ ߕߊ ߥߏ߬ߙߏ ߣߊ߬ߣߍ߲ ߸ ߞߊ߬ ߘߋ߲ߡߛߏ ߘߴߏ߬ ߡߊ߬، ߞߣߵ ߊ߬ ߞߍ߫ ߛߊ߫ ߸ ߝߘߎ߫ ߛߐ߲ߞߐߟߐ߲ ߠߎ߬ ߕߍ߫ ߡߐ߰ ߛߌ߫ ߟߊ߫ ߥߏ߬ߙߏ ߡߌ߬ߣߊ߬ ߝߏ߫ ߊ߬ߟߎ߬ ߓߊ߯ ߊ߬ ߟߐ߲ ߞߏ߫ ߡߐ߰ ߜߘߍ߫ ߛߎ߯-ߎ-ߛߎ ߕߍ߫ ߡߏ߬ߛߏ ߞߐ߫. ߓߊ߬ߙߌ߬ ߡߊ߰ߙߌ߬ ߖߘߊ߫ ߞߊ߬ ߕߐ߲߫ ߖߎ߮ ߏ߬ ߟߊߥߟߌ߬ ߝߋߎ߫، ߞߏ߫ ߗߍ߭ ߡߍ߲ ߓߊ߯ ߡߐ߰ ߘߌߦߊ ߛߍߣߍ߲߬ ߌ ߦߴ ߌ ߘߋ߲ߡߛߏ ߘߌ߫ ߟߊ߫ ߏ߬ ߟߋ ߡߊ߬، ߓߊߏ߬ ߡߏ߬ߛߏ ߡߍ߲ ߓߊ߯ ߗߍ߭ ߘߌߦߊ߫ ߸ ߊ߬ ߓߐ߫ ߟߊ߫ ߏ߬ ߟߋ ߞߐ߫.
ߛߊ߬ߙߌ߬ߦߊ߬ߓߏߟߏ߲ ߄߄߲:
ߝߌߟߊߣߊ߲ ߸ ߕߐ߲߫ ߠߋ߬ ߕߘߍ߬ ߡߊ߲߬ߘߋ߲߫ ߜߘߋߜߘߋ߫ ߸ ߞߏ߫ ߘߋ߲ߡߛߏ ߞߊߣߊ߬ ߘߌ߫ ߗߍ߬ ߡߊ߬ ߸ ߝߏ߫ ߊ߬ ߓߊ߯ ߞߐ߫ ߞߊ߬ ߘߏ߫ ߟߴ ߊ߬ ߛߊ߲߬ ߂߀ ߞߊ߲߬، ߘߋ߲ߞߍ ߝߣߊ߫ ߞߊߣߊ߬ ߡߏ߬ߛߏ ߕߊ߬ ߝߋߎ߫ ߞߊ߬ ߘߏ߫ ߟߴߊ߬ ߛߊ߲߬ ߂߅ ߞߊ߲߬ ߸ ߛߏ߰ߟߏ߲ ߘߋ߲ ߤߊ߲ߞߟߌ߫ ߓߘߐ߬ ߞߊ߬ ߕߐ߲߫ ߖߎ߮ ߏ߬ ߟߊߥߟߌ߬ ߢߍߣߍߎ߲߫، ߞߏ߫ ߘߋ߲ߡߛߏ ߓߊ߯ ߞߎ߲߬ߡߊߞߘߎ߬ ߢߊ ߡߍ߲ ߞߊ߬ ߞߏ߬ߟߌ ߦߋ߫ ߸ ߞߏ߫ ߞߵߊ߬ ߘߌ߫ ߗߍ߬ ߡߊ߬ ߘߏߦߌ߲، ߞߏ߫ ߘߋ߲ߞߍ ߝߣߊ߫ ߓߊ߯ ߛߊ߲߬ ߂߀ ߓߐ߫ ߢߊ ߡߍ߲، ߝߘߎ ߦߋ߫ ߞߴߊ߬ ߢߍ߫ ߌߞߘߐ߫. ߊ߬ ߞߊ߬ ߝߘߎߝߋ߲ ߝߣߊ߫ ߡߊߓߍ߲߬ ߝߐߍ߲ ߞߵ ߊ߬ ߕߏ߫ ߣߛߌ߬ ߃ ߡߊ߬، ߊ߬ ߣߴߊ߬ ߞߵߊ߬ ߡߊߜߟߍ߬ߦߊ߫ ߜߘߋߜߘߋ߫ ߞߏ߫ ߞߊ߬ ߡߛߏ߬ ߞߏ ߟߊߣߐ߰ߦߊ߫ ߗߍ߭ ߟߎ߫ ߢߍ߫ ߸ ߞߏ߫ ߞߊ߬ ߗߍ߬ ߞߏ ߟߊߣߐ߰ߦߊ߫ ߡߏ߬ߛߏ ߟߎ߬ ߢߍ߫، ߞߣߵߏ߬ ߓߍ߯ ߣߴߊ߬ ߕߊ ߸ ߝߘߎ ߞߏߢߊ ߟߎ߬ ߘߐߜߍ߬ߟߍ߲߬ߡߊ߲ ߡߊ߲߬ߘߋ߲߫ ߞߣߐ߫ ߤߊߟߌ ߓߌ߬ ߞߊ߬ ߕߊ߬ߡߌ߲߬ ߊ߬ ߟߊߡߌߣߌ߲ ߖߡߊ߬ߣߊ ߓߍ߯ ߟߊ߫. ߛߏ߲߬ߖߘߊ߫ ߞߊ߬ ߝߘߎ ߘߐߣߐ߰ߦߊ ߟߋ߬ ߸ ߓߊ ߊ߬ ߓߘߊ߫ ߛߋ߫ ߦߌߟߊ߫ ߡߍ߲ ߓߍ߯ ߘߐ߫ ߸ ߡߊ߲߬ߘߋ߲߫ ߡߛߏ߬ ߞߏ߫ ߘߐߜߟߍ߬ߦߊ߬ߣߍ߲ ߏ߬ ߓߍ߯ ߕߊ ߘߌ߫ ، ߝߏ߫ ߡߊ߲߬ߘߋ߲ ߡߛߏ߬ ߞߏ߬ ߜߟߍߦߊ ߓߘߴߊ߬ ߞߊߡߋߙߋ߲ ߠߎ߬ ߟߊߝߋߝߋ߫، ߏ߬ ߘߏ߲߬ ߓߊ߯ ߕߊ ߡߛߏ߬ ߞߏ߫ ߘߐߣߐ߰ߦߊ߬ߣߍ߲߬ߓߊ ߦߋ߫ ߝߊ߲߭ ߕߐ߭ ߟߎ߬ ߘߐ߫ ߏ߬ ߕߴߊ߬ ߞߐߛߊ߬ߦߌ߲߬ ߛߏ߫ ߡߎ߬ߕߎ߲߫ ، ߞߏ߫ ߛߎ߮ ߏ߬ ߞߊ߬ ߡߊ߲߬ߘߋ߲ ߕߋ߬ ߞߵߊ߬ ߖߍ߲ߛߍ߲ ߢߊ ߡߍ߲ ߤߊߟߌ߫ ߞߍ߬ߟߍ ߟߎ߬ ߡߴߊ߬ ߕߋ߫ ߞߊ߬ ߛߋ߫ ߏ߬ ߘߐ߫ ، ߏ߬ ߟߋ ߞߏߛߐ߲߬ ߤߊߟߌ߫ ߓߌ߬ ߌ ߓߊ߯ ߛߋ߫ ߝߊ߲߬-ߊ-ߝߊ߲߬ ߸ ߌ ߘߴߏ߬ ߝߊ߲ߓߊ ߞߊ߲ ߡߍ߲ ߞߏ߫ ߒ߬ߠߎ߬ ߓߋ߲ߓߊ߫ ߓߐߣߍ߲ ߡߊ߲߬ߘߋ߲ ߠߋ߬، ߝߏߦߌ ߘߏ߲߬ ߡߴߏ߬ ߟߎ߬ ߟߊߓߐ߫ ߝߏ߫ ߒ߬ ߓߋ߲ߓߊ߫ ߟߎ߬ ߟߊ߫ ߝߘߎ ߞߏ߫ ߘߐߜߟߍ߬ߦߊ߬ߓߊ߫ ߓߟߋ߬ߓߟߋ، ߤߊߟߌ ߓߌ߬ ߘߏ߲߬ ߸ ߡߊ߬ߣߋ߲߬ߞߊ߬ ߖߡߊ߬ߣߊ ߡߛߏ߬ ߞߏ߫ ߘߐߜߟߍ߬ߡߊ߲߫ ߡߎߣߎ߲߬ ߞߊ߬ ߕߊ߬ߡߌ߲߬ ߦߌߟߊ ߓߍ߯ ߕߊ ߞߊ߲߬، ߒ߬ߓߊ߬ ߊ߲ ߓߌ߬ ߡߐ߮ ߓߍ߯ ߟߊ߫ ߛߋ߲ߛߋߘߋ߲ ߡߍ߲ ߘߌ߫ ߛߍߣߍ߲߬ ߸ ߏ߬ ߟߴߊ߲ ߠߊ߫ ߝߘߎ߫ ߞߏ ߞߍߢߊ ߟߎ߬ ߘߐߣߐ߰ߦߊ ߘߌ߫ ߢߊ ߓߍ߯ ߘߏ߫ ߡߊ߬ ߝߏ߫ ߖߊߕߐߦߊ ߢߊ .
ߛߊ߬ߙߌ߬ߦߊ߬ߓߏߟߏ߲ ߄߅߲:
ߘߋ߲ߡߛߏ ߟߎ߬ ߡߊߟߐ߬ ߖߏߣߊ ߛߌߟߊ ߝߍ߬ ߸ ߛߏ߲߬ߖߘߊ߫ ߞߊ߬ ߕߐ߰ߡߊ߬ߛߙߋ ߟߎ߬ ߟߊߘߊ߲ ߛߎ߲ߞߎߘߎ߲ ߠߎ߬ ߟߊ߫ ߸ ߊ߬ ߘߌ߫ ߟߐ߲߫ ߡߍ߲߫ ߠߎ߫ ߡߊ߬ ߞߏ߫ ߊ߬ߟߎ߬ ߓߘߊ߫ ߛߋ߫ ߝߘߎ ߡߊ߬، ߕߐ߰ߡߊ߬ߛߙߋ ߏ߬ ߟߎ߬ ߞߍ߫ ߘߊ߫ ߝߙߊߓߊ߲ ߣߌ߫ ߓߊߛߊ߬ߓߊ ߟߎ߫ ߟߋ߬ ߘߌ߫ ، ߝߙߊߓߊ߲ ߦߋ߫ ߜߟߏ߬ ߟߏߞߌߣߍ߲ ߕߎ߬ ߞߏ߬ߢߌߡߊ ߟߋ߬ ߘߌ߫ ߸ ߞߵ ߊ߬ ߞߍ߫ ߕߍߡߊߓߊ߲߯ ߝߘߍ߬ߓߊ ߘߌ߫ ߸ ߞߊ߬ ߞߏ߬ߙߏ߲߬ ߞߌߛߍ ߛߝߊ߫ ߃ ߥߟߊ߫ ߄ ߟߴߊ߬ ߞߐߞߊ߲߬ ߝߍߚߍ߫ ، ߞߵ ߊ߬ ߗߋ߲߬ߧߊ߫ ߥߊ߯ߕߌ ߟߊ߬ߗߋ߲߰ߧߊ߬ߟߌ ߘߐ߫ ߞߏߛߓߍ߫ . ߓߊߛߊ߬ߓߊ ߦߋ߫ ߛߓߍ ߞߘߎ߫ ߃ ߛߌ߰ ߂ ߟߋ߬ ߘߌ߫ ߸ ߜߟߏ߬ ߖߟߎ߬ ߡߌߛߍ߲ ߛߌߦߊߡߊ߲ߓߊ ߓߙߐߣߍ߲ ߢߌߡߊ ߕߌߛߊߞߘߊ ߦߋ߫ ߡߍ߲ ߠߎ߬ ߟߊ߫ ، ߛߎ߲ߞߎߘߎ߲ ߡߍ߲ ߓߊ߯ ߞߎ߲߬ߡߊߞߘߎ߬ ߞߊ߬ ߞߏ߬ߟߌ ߦߋ߫ ߢߊ ߡߍ߲ ߸ ߟߍ߲߬ߓߍ߲߬ ߢߌߡߊ ߘߌ߫ ߘߏ߲߬ ߏ߬ ߟߊ߫ ߞߊ߬ ߝߙߊߓߊ߲ ߛߘߌ߬ ߊ߬ ߕߍߡߊ߬ ߟߍ߲߬ߓߍ߲ ߏ߬ ߞߊ߲߬ ߞߊ߬ ߓߊߛߊ߬ߓߊ ߞߋߟߋ߲ ߓߌ߬ߟߵ ߊ߬ ߞߊ߲ߠߊ߫ ߞߵߏ߬ ߟߊߓߐ߫ ߊ߬ ߞߊ߬ߓߊ ߘߐ ߞߘߐ߫ ߸ ߞߵߊ߬ ߕߐ߬ ߞߋߟߋ߲ ߓߌ߬ߟߵ ߊ߬ ߞߊ߲ߠߊ߫ ߞߵߏ߬ ߟߊߓߐ߫ ߊ߬ ߞߊ߬ߓߊ ߕߐ߬ ߞߋߟߋ߲ ߞߘߐ߫، ߓߊߛߓߊ߬ ߛߌ߰ ߝߌ߬ߟߊ ߖߎ߬ߟߎ ߟߎ߫ ߞߊ߲ߞߊ߲ߣߍ߲߫ ߢߐ߲߮ ߘߐ߫ ߊ߬ ߛߌߛߌ ߘߐ߫ ߊ߬ ߛߌ߲ ߝߌ߬ߟߊ ߝߊߣߍ߲ ߕߍߟߊ ߘߐ߫، ߏ߬ ߟߋ߫ ߕߐ߯ ߛߍߣߍ߲ ߞߏ߫ ߊ߬ ߓߘߴߊ߬ ߕߎ߬ ، ߕߎ߬ߟߌ ߞߘߐ ߟߋ߬ ߞߏ߫ ߊ߬ ߓߘߴߊ߬ ߡߊߛߘߌ߬ ߞߏ߬ߢߌߡߊ ߞߍ߫ ߜߏ߬ߟߏ ߘߐ߫ ، ߏ߬ ߟߋ߫ ߞߏߛߐ߲ ߊ߰ ߝߐ߫ ߟߊ߫ ߞߏ߫ ߞߊ߬ ߖߋ߲߬ߓߋ ߕߎ߬ ߸ ߞߊ߬ ߘߎ߬ߣߎ߲ ߕߎ߬، ߏ߬ ߞߘߐ ߟߋ߬ ߞߏ߫ ߞߵߊ߬ߟߎ߬ ߡߊߛߘߌ߬ ߜߏ߬ߟߏ ߘߐ߫ ، ߥߊ߯ߕߌ ߏ߬ ߟߊ߫ ߸ ߘߋ߲ߡߛߏ ߕߎ߬ ߢߊ ߏ߬ ߕߘߍ߬ ߡߊ߬ߛߘߌ ߘߐ߫ ߗߋ߲߬ߓߊ ߘߏ߫ ߟߋ߬ ߘߌ߫، ߞߏ߬ߣߌ߲ ߤߊߟߌ߫ ߓߌ߬ ߸ ߡߍ߲ ߓߊ߯ ߝߊߘߌߦߊߓߐ߫ ߢߌߡߊ ߛߌߦߊߡߊ߲ ߕߊ߬ ߞߋߟߋ߲ ߘߌ߫ ߊ߬ ߘߌ߫ ߝߐ߫ ߞߏ߫ ߊ߬ ߓߘߴߊ߬ ߕߎ߬، ߝߏ߫ ߘߏ߫ ߟߎ߫ ߘߴߊ߬ ߝߐ߫ ߞߏ߫ ߊ߬ ߓߘߴߊ߬ ߕߎ߬ ߦߏ߫ ߖߊ߬ߓߊ. ߛߎ߲ߞߎߘߎ߲ ߡߍ߲ ߕߎ߬ߣߍ߲ ߓߊ߯ ߦߋ߫ ߟߍ߲߬ߓߍ߲ ߣߌ߫ ߝߙߊߓߊ߲ ߣߌ߫ ߓߊߛߊ߬ߓߊ ߘߐ߫ ߛߊ߫ ߸ ߓߍ߯ ߘߴߊ߬ ߟߐ߲߫ ߞߴߏ߬ ߓߘߊ߫ ߞߎ߲߬ߡߊߞߘߎ߬ ߞߊ߬ ߛߋ߫ ߝߘߎ ߡߊ߬، ߏ߬ ߓߊ߯ ߞߍ߫ ߊ߬ ߝߘߎ ߟߐ߮ ߓߊ߯ ߞߍ߫ ߡߍ߲ ߠߊ߫ ߸ ߏ߬ ߘߌ߫ ߥߏ߬ߙߏ ߟߊߓߐ߫ ߊ߬ ߞߐ߫، ߊ߬ ߓߊ߯ ߞߍ߫ ߘߌ߫ ߟߊ߫ ߡߍ߲ ߡߊ߬ ߸ ߊ߬ ߘߌ߫ ߝߐ߫ ߞߴߏ߬ ߦߋ߫ ߣߊ߬ ߞߊ߬ߣߌ߲߬ ߘߏ߲߬ ߝߊ߯ߣߌ߲ ߘߌ߫، ߏ߬ ߛߍߥߊߣߍ߲ ߘߌ߫ ߥߊ߫ ߘߊߟߌߓߊ ߞߣߐ߫ ߇ ߘߌ߫ ߝߍ߫ ߞߊߓߊ߲ ߞߣߐ߫ ߞߊ߬ ߟߋ߬ߝߊ ߛߌ߰ ߊ߬ ߘߊߟߊ߫، ߡߐ߰ߓߊ ߟߎ߬ ߓߊ߯ ߞߍ߫ ߘߋ߲ߡߛߏ ߟߊߓߌ߬ߟߊ߬ ߟߴߊ߬ ߗߍ߬ ߢߍ߫ ߟߏ߲ ߡߍ߲ ߸ ߊ߬ߟߎ߬ ߘߌ߫ ߛߐ߰ ߞߣߐ߫ ߇ ߏ߬ ߞߙߊ ߡߊ߬ ߞߵ ߊ߬ ߞߍ߫ ߕߊ߰ߝߋ߬ߣߍ߲ ߘߌ߫ ߛߎ߲ߞߎߘߎ߲ ߢߍ߫ ، ߞߙߊߟߌ ߏ߬ ߞߍ߫ ߢߊ߫ ߘߐ߫ ߸ ߡߐ߰ߓߊ ߝߌ߬ߟߊ߬ ߘߌ߫ ߝߊ߰ߣߌ߲ ߞߐ߫ ߂ ߡߌ߬ߘߊ߬، ߘߏ ߦߴߊ߬ ߞߙߊ ߘߊߡߌ߬ߣߊ߬ ߞߎ߲߭ ߞߋߟߋ߲ ߠߊ߫ ߘߏ߫ ߝߣߊ߫ ߦߴߊ߬ ߘߊߡߌ߬ߣߊ߬ ߞߎ߲ ߕߐ߬ ߞߋߟߋ߲ ߠߊ߫ ߸ ߊ߬ߟߎ߬ ߦߋ߫ ߢߐ߲߮ ߓߍ߲߬ ߕߍߡߊ߬، ߡߐ߰ߓߊ ߟߎ߬ ߕߊ߫ ߝߐߟߌ ߘߐ߫ ߸ ߞߏ߫ ߢߐ߲߮ ߓߍ߲ ߡߍ߲ ߞߍ߫ ߟߊ߫ ߕߍߡߊ߬ ߸ ߞߴߏ߬ ߟߋ߫ ߓߍ߲߭ ߕߏ߫ ߟߊ߫ ߝߘߎߡߊ߫ ߝߌ߬ߟߊ ߕߍ߫ ߞߘߊߎ߫، ߛߌߛߍ߲߬ ߡߐ߰ߓߊ ߟߎ߫ ߝߊ߲߭ ߞߊ߲߫ ߞߏ߫ ߞߊ߬ߣߌ߲߬ߘߏ߲߬ ߝߊ߯ߣߌ߲ ߞߙߊ ߢߊ ߏ߬ ߓߟߎߞߊ߭ ߟߋ߬ ߣߊ߬ ߝߘߎߛߊ ߛߌߦߊߦߊ ߟߊ߫ ߞߐ߫ ߢߌ߲߬ ߠߊ߫ ، ߒ߬ߓߊ߬ ߓߌߘߊ߲ ߠߎ߫ ߖߍ߬ߘߍ ߦߋ߫ ߝߊ߰ߣߌ߲߬ ߞߙߊ ߡߍ߲ ߞߍ߫ ߟߊ߫ ߸ ߥߙߏ߬ ߓߐ߫ ߘߊߡߌ߬ߘߊ߬ ߘߊ߫ ߝߘߎ ߘߐ߫ ߞߵ ߊ߬ ߞߍ߫ ߞߙߊߟߌߟߊ߫ ߏ߬ ߟߎ߫ ߟߋ߬ ߞߐ߲ߘߐ߲ ߘߌ߫ ߞߎ߲߬ߝߟߐ߫ ߘߐ߫ ߸ ߥߏ߬ߙߏ ߦߙߌߞߊ ߕߘߍ߬ ߞߍ߫ ߟߊ߫߄ ߠߋ߬ ߘߌ߫ ߥߟߊ߫ ߆ ، ߊ߬ ߣߊ߬ ߘߊ߫ ߝߐ߫ ߞߐ߫ ߟߊ߫ ߸ ߞߏ߫ ߞߊ߬ ߛߎ߲ߞߎߘߎ߲ ߕߊ߫ ߘߝߊ߫ ߕߊ߲ ߠߊ߫، ߓߊ ߛߎ߲ߞߎߘߎ߲ ߘߝߊߣߍ߲ ߠߋ߬ ߸ ߝߋ߲- ߋ-ߝߋ߲ ߡߴߊ߬ ߖߊ߲߬ ߝߟߐ߫، ߏ߬ ߟߋ ߖߏ߲ߞߊ߲ ߘߌ߫ ߛߊ߫ ߥߟߊ߫ ߓߟߊ߬ߡߊ߬ ߖߏ߲ߞߊ߲ ، ߒ߬ߞߊ߬ ߞߐ ߟߊ߫ ߸ ߡߐ߰ߓߊ ߟߎ߫ ߣߊ߬ ߘߊ߫ ߡߏ߬ߛߏ ߕߊ߫ ߘߝߊ߫ ߥߙߏ߬ ߕߊ߲߫ ߕߊ߲ ߠߊ߫، ߞߏ߫ ߓߊ ߤߊߟߌ ߝߋ߲ ߣߐ߬ ߞߍ߫ ߘߊ߫ ߓߐ߬ߟߐ߲߬ߞߊ ߖߊ߲߬ ߠߊ߬ ߸ ߝߋ߲ ߡߴߊ߬ ߝߊ߬ ߟߎ߬ ߟߊ߫ ߓߌߘߊ߲ߦߊ ߘߝߊ ߖߊ߲߬، ߝߘߎ߬ ߥߙߏ ߞߏ߫ ߟߊߓߊ߲ ߣߊ߬ ߘߊ߫ ߞߍ߫ ߥߙߏ߬ ߕߊ߲ ߟߊ߫ ߘߌ߫ ߝߘߎ ߕߎ߲ߞߎ߲ ߓߍ߯ ߞߊ߲߬. ߣߌ߫ ߥߙߏ߬ ߕߊ߲ ߡߊ߫ ߟߊ߫ ߡߍ߲ ߞߊ߲߬ ߸ ߢߡߊ߬ߞߟߊ ߟߎ߬ ߕߴߏ߬ ߛߊ߲ߓߊ ߟߊߛߋ߫، ߞߏ߫ ߊ߬ߟߎ߬ ߕߍ߫ ߡߐ߰ߓߊ ߟߎ߬ ߟߊߘߍ߬ ߟߊ߫ ߞߎߡߊ߫ ߘߐߞߏߟߏ߲ ߞߎ߲߬ߠߊ߬. ߞߊ߬ߣߌ߲߬ߘߏ߲߬ ߝߊ߯ߣߌ߲ ߓߊ߯ ߓߊ߲߫ ߞߙߊ߫ ߟߊ߫ ߸ ߏ߬ ߟߋ ߓߌ߬ߟߊ߬ߕߐ߫ ߝߙߊߓߊ߲ ߣߐ߭ ߘߐ߫، ߕߊ߰ߝߋ ߏ߬ ߓߊ߯ ߞߍ߫ ߛߘߌ߬ ߟߊ߫ ߘߋ߲ߡߛߏ ߟߊ߫ ߸ ߞߐߣߐ߲ ߘߏ߫ ߟߋ߫ ߛߘߌ߬ ߕߐ߫ ߊ߬ ߕߍߡߊ߬ ߸ ߏ߬ ߕߐ߯ ߞߏ߫ ߓߊ߬ߦߊ ߸ ߞߊ߬ ߕߊ߰ߝߋ ߛߘߌ߬ ߓߊ߬ߦߊ ߏ߬ ߞߊ߲߬ ߸ ߞߏ߫ ߓߊ߭ ߟߎ߬ ߟߊ߫ ߞߏ ߓߘߊ߫ ߟߊߘߤߵߊ߬ ߢߍ߫ ߸ ߣߊߟߌ߬ߡߎ߲ ߗߍ߬ߣߌ߬ߡߛߏ߬ߦߊ ߜߍߘߐߕߊ ߘߌ߫، ߓߊ ߊ߬ ߜߍߘߐߕߊ ߏ߬ ߟߋ ߝߘߎ ߘߌ߫ ߸ ߊ߬ ߘߏ߲߬ߘߐ߬ߕߊ ߦߋ߫ ߢߊ߬ߡߐ߰ߦߊ ߘߌ߫ ، ߕߊ߰ߝߋ ߣߌ߫ ߓߊ߬ߦߊ ߓߊ߯ ߛߘߌ߬ ߘߋ߲ߡߛߏ ߡߍ߲ ߠߊ߫، ߓߍ߯ ߘߴߊ߬ ߟߐ߲ ߞߴߏ߬ ߓߘߊ ߝߘߎ ، ߊ߬ ߕߘߍ߬ ߝߐ߫ ߟߊ߫ ߛߎ߲ߞߎߘߎ߲߫ ߝߘߎߣߍ߲ ߞߎߘߊ ߏ߬ ߟߋ ߡߊ߬ ߞߏ߫ ߊ߬ ߓߘߴߊ߬ ߓߦߊ߬ ، ߓߊߏ߬ ߓߊ߬ߦߊ ߓߘߊ߫ ߛߘߌ߬ ߊ߬ ߕߍߡߊ߬ ، ߌ ߓߴߊ߬ ߡߍ߲ ߛߍߣߍ߲ ߞߏ߫ ( ߒ ߡߊ߫ ߒ ߕߎ߬ ߒ ߡߊ߫ ߒ ߓߦߊ߬) ߏ߬ ߞߘߐ ߟߋ߬ ߞߏ߫ ߒ ߡߊ߫ ߛߋ߫ ߗߍ߬ߣߌ߬ߡߛߏ߬ߦߊ ߡߊ߬ ߡߎߣߎ߲߬ ߸ ߒ ߡߊ߫ ߝߘߎ߫ ߘߊ߰ߡߎ߲ ߞߍ߫ ߝߟߐ߫. ߏ߬ ߝߊ߬ߛߊߙߌ ߟߋ߬ ߞߏ߫ ߒ ߡߊ߫ ߞߐ߯ ߡߎߣߎ߲߬.
ߛߊ߬ߙߌ߬ߦߊ߬ߓߏߟߏ߲ ߄߆߲:
ߛߓߊߣߊ߲߸ ߕߐ߲߫ ߠߋ߬ ߕߘߍ߬ ߡߊ߲߬ߘߋ߲ ߜߘߋߜߘߋ߫ ߸ ߞߊ߲ߡߋߙߋ߲ ߠߎ߬ ߣߌ߫ ߛߎ߲ߞߎߘߎ߲ ߠߎ߬ ߞߊߣߵߊ߬ߟߎ߬ ߡߊߘߏ߲߬ ߢߐ߲߮ ߠߊ߫ ߝߛߍߝߛߍ߫ ، ߘߋ߲ߞߍߣߍ߲ ߠߎ߬ ߦߴߊ߬ߟߎ߬ ߕߊ߫ ߖߡߊ߬ߣߊ߬ߞߍ߬ ߕߏߟߏ߲ ߞߴߊ߬ߟߎ߫ ߘߊ߲߬ ߠߊ߫، ߘߋ߲ߡߛߏߣߍ߲ ߠߎ߬ ߦߴߊ߬ߟߎ߬ ߕߊ ߟߎ߬ ߞߴߊ߬ߟߎ߫ ߞߏߟߊ߫، ߛߏ߲߬ߖߘߊ߫ ߞߵߊ߬ ߦߋ߫ ߸ ߕߐ߲߫ ߛߎ߮ ߏ߬ ߘߌ߫ ߖߊ߲ߕߌ߯ ߝߌ߬ߟߊ ߢߊ߱ ߖߊ߬ ߢߐ߲߮ ߘߐ߫ ߸ ߊ߬ ߘߏ߲߬ ߕߍ߫ ߞߏߙߏ߲ߧߊ ߞߏ߫ ߛߌ߫ ߘߐߛߊ߬ ߟߊ߫ ߗߍ߭ ߣߌ߫ ߡߏ߬ߛߏ ߕߍ߫ ، ߊ߬ ߞߊ߬ ߕߐ߲߫ ߏ߬ ߟߊߥߟߌ߬ ߏ߬ ߟߋ ߘߐ߫ ߝߋߎ߫ ، ߞߵߊ߬ ߟߊߛߋ߫ ߞߏ߫ ߝߎߣߎ߲ߞߋ ߗߍ߬ߡߊ߲ ߣߴߊ߬ ߡߛߏ߬ߡߊ߲ ߠߎ߬ ߦߋ߫ ߘߍ߬ ߛߍߣߍ߲߬ ߞߵߊ߬ߟߎ߬ ߟߊ߫ ߘߋ߲ߡߌߛߍ߲ߧߊ ߢߣߊߕߍ߮ ߟߎ߬ ߞߍ߫ ߢߐ߲߮ ߝߍ߬ ߝߛߊߦߌ߫، ߊ߬ ߣߴߊ߬ߟߎ߬ ߦߋ߫ ߕߏ߫ ߥߊ߫ ߟߊ߫ ߛߌ߰ ߟߊ߫ ߢߐ߲߮ ߓߘߊ ߢߣߊߜߍ ߘߐ߫ ߸ ߊ߬ ߣߌ߫ ߢߐ߲߯ ߠߊߘߌߦߊߢߍ ߘߝߊߣߍ߲ ߘߐ߫ ، ߞߏ߫ ߞߏ߬ߣߌ߲߬ ߛߎ߲ߞߎߘߎ߲ ߞߋߟߋ߲ ߣߌ߫ ߞߊ߲ߡߋߙߋ߲ ߞߋߟߋ߲ ߡߐ߰ ߝߌ߬ߟߊ ߓߟߏߡߊߞߊ߬ߣߍ߲ ߞߊߣߊ߬ ߛߌ߬ ߓߏ߲ ߁ ߠߊ߫ ߘߋ߬ ߸ ߛߎ߲ߞߎߘߎ߲ ߖߡߊ ߣߌ߫ ߞߊ߲ߡߋߙߋ߲ ߞߙߎ ߟߋ߬ ߕߏ߫ ߛߌ߬ ߟߊ߫ ߓߏ߲ ߁ ߠߊ߫ ߢߐ߲߮ߝߍ߬ ߢߣߊߜߍ߮ ߥߎ߬ߘߞߊ߬ߥߎߘߞߊ ߘߐ߫ ߞߍ߬ߣߍ߲ ، ߓߊ ߡߊ߲߬ߘߋ߲߫ ߕߍ߫ ߞߎ߲߬ߘߐ߬ߞߏ߬ߖߎ߰ߦߊ ߟߊߘߤߊ߬ ߡߐ߰ ߛߌ߫ ߢߍ߫، ߡߍ߲ ߓߴߏ߬ ߞߍ߫ ߸ ߏ߬ ߦߋ߫ ߟߊߕߐ߲ ߏ߬ ߟߊ߫ ߢߊ߫ ߡߊ߬ ߸ ߡߍ߲ ߘߴߊ߬ ߞߍ߫ ߤߊߟߴߊ߬ ߞߍߣߍ߲ ߡߍ߲ ߠߎ߬ ߢߣߊ߫ ߸ ߏ߬ ߕߴߊ߬ ߡߌߙߴߊ߬ ߡߊ߬ ߡߎ߬ߕߎ߲߬ ߞߎߡߊ߫ ߕߍ߫ ߞߵߊ߬ ߞߍ߫.
ߖߐ߲߭ ߠߎ߫ ߖߎ߬ߟߎ ߘߐߦߏߙߏ߲
ߛߊ߬ߙߌ߬ߦߊ߬ߓߏߟߏ߲ ߄߇߲:
ߒߞߏ ߞߘߐ߬ߡߊ߲ ߘߐ߫ ߸ ߖߐ߲߭ ߠߋ߬ ߓߟߏߡߐ߮ ߘߌ߫، ߡߍ߲ ߕߍ߫ ߖߐ߲߬ ߘߌ߫ ߝߏ߫ ߖߘߍ߬ߕߌ߮ ߟߋ߬، ߏ߬ ߞߘߐ ߟߋ߬ ߞߏ߫ ߊ߬ ߕߊ ߟߴߊ߬ ߖߘߍ߬ ߘߌ߫، ߏ߬ ߟߋ ߕߐ߯ ߕߘߍ߬ ߒߞߏ ߘߐ߫ ߞߏ߫ (ߡߊ) ߒ߬ߞߊ߬ ߛߌ߬ߟߡߊ߬ߦߊ ߣߊ߭ ߡߍ߲ ߞߍߣߍ߲ ߊߙߊߓߎ ߞߊ߲ (ߤߙߐ) ߘߌ߫ ߸ ߊ߲ ߞߊ߬ ߒ߬ ߕߊ߫ (ߡߊ) ߣߌ߫ (ߡߦߊ) ߝߐ ߓߟߏߞߊ߬ ߏ߬ ߟߋ ߘߐ߫ ߸ ߞߊ߬ ߊߙߊߓߎ߫ ߞߊ߲ (ߤߙߐ) ߣߌ߫ (ߤߙߐߦߊ) ߕߊ߬ ߗߊߥߎ߫. ߤߊߟߌ߬ ߞߊ߲ߞߌߢߍ߫ ߞߟߊߓߍ߲ ߕߎ߬ߡߊ ߁߂߃߅ ߟߊ߫ ߸ ߊ߬ߟߎ߬ ߞߊ߬ ߘߐ߲߬ߞߟߌ ߡߍ߲ ߟߊ߫ ߞߍ߬ߟߍ ߏ߬ ߜߟߍ߬ߦߊ ߞߊ߲߬ ߸ ߊ߬ ߝߐ߫ ߘߴߏ߬ ߘߐ߫ ߟߋ߬ ߞߏ߫ (ߖߐ߲߬ߦߊ ߝߌ߬ߛߦߊ߬ ߘߊ߫ ߡߦߊ ߘߌ߫). ߒ߬ߓߊ߬ ߛߎߡߊߏߙߏ߫ ߟߊ߫ ߡߊ߬ߙߊ ߕߎ߬ߡߊ߸ ߊ߬ ߞߊ߬ ߖߐ߲߭ ߠߎ߬ ߤߙߐߦߊ߫ ߞߊ߲ ߞߍ߫ ߸ ߞߏ߫ ߖߐ߲߬ߦߊ ߦߋ߫ ߡߌ߬ߙߌ߲߬ߘߌ ߝߊ߲ߞߋߟߋ߲ ߟߊߖߊߝߏ ߟߋ߬ ߘߌ߫ ߸ ߞߵߏ߬ ߟߎ߬ ߟߊߓߊ߲߬ ߞߊ߲ ߞߍ߫ ߓߊ߯ߙߊ ߡߊ߬ ߸ ߞߴߏ߬ ߟߎ߬ ߦߋ߫ ߡߊ ߟߋ߬ ߘߌ߫، (ߤߙߐ ߞߊ߬ߣߌ߲߫) ߡߊ ߏ߬ ߟߎ߫ ߟߋ߬ ߘߏ߲߬ ߦߋ߫ ߖߊ߬ߡߊ ߝߊ߲ߓߊ ߘߌ߫، ߣߵ ߏ߬ ߓߍ߯ ߞߵ ߊ߬ ߛߌ߰ ߛߟߊ߬ߦߊ߬ ߡߊ߬ߞߟߏߞߟߏ ߟߊ߫ ߸ ߏ߬ ߦߋ߫ ߖߊ߬ߡߊ ߟߊߖߊߝߏ ߟߋ߬ ߘߌ߫، ߏ߬ ߟߋ߫ ߞߊ߬ ߛߎߡߊߏߙߏ߫ ߟߐ߬ ߖߐ߲߭ ߠߎ߫ ߤߙߐߦߊ ߟߊ߫ ߸ ߞߊ߬ ߡߌ߬ߙߌ߲߬ߘߌ ߓߍ߯ ߞߘߊߡߊ߫ ߓߊ߯ߙߊ ߥߓߊ߬ߞߏ߬ ߞߍ ߟߊ߫، ߒ߬ߓߊ߬ ߡߊ߲߬ߘߋ߲߫ ߞߊ߬ ߛߊ߲߬ ߞߋߟߋ߲ ߡߍ߲ ߞߍ߫ ߛߎߡߊߏߙߏ߫ ߞߍ߬ߟߍ ߟߊ߫ ߸ ߊ߬ ߣߴߊ߬ ߞߊ߬ ߛߊ߲߬ ߞߋߟߋ߲ ߡߍ߲ ߞߍ߫ ߛߍ߬ߣߍ ߟߊ߫ ߞߙߎߞߊ߲ߝߎߥߊ߫ ߜߊ߬ߙߊ ߢߍ߫ ߸ ߊ߬ߟߎ߫ ߞߊ߬ ߖߐ߲߬ ߛߌߦߊߡߊ߲ ߟߊߘߍ߬ ߏ߬ ߞߎ߲߬ߕߊ߮ ߟߋ߬ ߞߘߐ߫ ، ߓߊߏ߬ ߛߎߡߊߏߙߏ߫ ߟߊ߫ ߖߐ߲߬ ߤߙߐߦߊ ߕߎ߲߬ ߡߊ߫ ߓߍ߲߬ ߡߊ߲߬ߘߋ߲߫ ߡߌ߬ߙߌ߲߬ߘߌ ߡߊ߬ ߢߊ߫ ߛߌ߫ ߡߊ߬، ߤߊߟߌ߬ ߛߏ߬ߛߏ ߞߎ߲߬ߞߏߕߐ ߟߎ߬ ߞߕߌ ߝߍ߬ ߸ ߊ߬ߟߎ߫ ߞߊ߬ ߛߎߡߊߏߙߏ߫ ߖߙߊ߬ߞߌ߫ ߛߐ߲߬ ߖߎ߯ ߄ ߡߍ߲ ߠߎ߬ ߟߊ߫ ߓߊߞߍ ߸ ߏ߬ ߟߎ߫ ߟߋ߬ ߞߍ߫ ߘߊ߫ ߖߐ߲߬ߦߊ߫ ߟߊߕߐ߲ ߣߌ߫ ߘߏ߲߬ߛߏ߬ ߖߡߊ ߟߊߘߐ߯ߦߊ ߣߌ߫ ߘߌߦߊߜߏߦߊ߫ ߓߊ߯ߙߊ ߣߌ߫ ߕߐ߲߫ ߠߎ߬ ߘߐߖߊ߬ ߞߏ߬ߖߎ߮ ߘߌ߫، ߡߊ߲߬ߘߋ߲ ߡߐ߰ߓߊ ߟߎ߫ ߞߵ ߊ߬ ߝߐ߫ ߸ ߞߏ߫ ߛߎߡߊߏߙߏ߫ ߞߊ߬ ߖߐ߲߭ ߠߎ߬ ߤߙߐߦߊ߫ ߟߋ߬ ߸ ߛߴߊ߬ ߘߌ߫ ߤߙߐ ߣߌ߫ ߖߐ߲߭ ߓߍ߯ ߞߍ߫ ߓߟߏߡߐ߮ ߘߌ߫ .
ߞߎߡߊ ߘߊߞߎ߲ ߣߊ߬ߣߍ߲ ߛߋ߫ ߟߊ߫ ߖߐ߲߭ ߠߎ߬ ߟߊ߫ ߞߏߢߊ ߡߊ߬ ߸ ߛߏ߲߬ߖߘߊ߫ ߞߊ߲߫ ߞߏ߫ ߊ߲ ߕߎ߲߬ ߦߴߊ߬ ߝߍ߬ ߟߋ߬ ߞߊ߬ ߖߐ߲߭ ߓߍ߯ ߤߙߐߦߊ߫ ߓߌ߬ ߸ ߞߊ߬ ߓߟߏߡߐ߯ߦߊ ߓߟߏߞߊ߬ ߝߋߎ߫، ߓߊ߬ߙߌ߬ ߛߊ߲ߘߊ ߞߊ߲ ߠߋ߬ ߞߏ߫ ߛߌ߬ߛߍ߬ߣߍ߲ ߞߌ߬ߦߊ߬ ߟߊ߫ ߥߟߐ߬ߣߍ߲ ߡߊߓߐ߬ ߦߌߟߊ ߟߋ߬ ، ߓߊ ߒߠߋ ߓߘߴߊ߬ ߟߐ߲ ߛߏ߬ߛߏ߬ߞߊ ߟߎ߬ ߞߕߌ ߦߌߟߊ ߸ ߞߏ߫ ߖߐ߲߬ ߤߙߐ߬ߦߊ ߕߍߣߊ߬ ߓߍ߲߬ ߠߊ߫ ߒ߬ ߞߏߟߊߘߍߢߐ߲߮ ߠߎ߫ ߡߊ߬، ߊ߲ ߦߴߏ߬ ߕߏ߫ ߟߊ߫ ߦߋ߲ ߏ߬ ߟߋ ߘߐ߫ ߡߎߣߎ߲߬ ، ߞߏ߬ߣߵ ߊ߲ ߘߌ߫ ߖߐ߲߭ ߠߎ߫ ߖߎ߬ߟߎ ߘߐߦߙߏ߫ ߓߌ߬ ߞߏߛߓߍ߫، ߞߊ߬ ߕߦߊ ߟߊߘߤߵߊ߬ߟߎ߬ ߢߍ߫ ߸ ߝߏ߫ ߊ߬ߟߎ߬ ߝߣߊ߫ ߘߌ߫ ߖߐ߲߭ ߛߊ߲߬ ߊ߬ߟߎ߫ ߖߘߍ߬ ߢߍ߫ ، ߏ߬ ߖߟߎ߬ ߘߐߦߙߏ ߛߌߟߊ ߝߍ߬ ߸ ߓߟߏߡߐ߮ ߓߊ߯ ߞߍ߫ ߡߐ߰-ߐ-ߡߐ߬ ߓߟߏ߫ ߡߎ߬ߕߎ߲߬ ߸ ߏ߬ ߦߴߊ߬ ߟߐ߲ ߡߐ߱ ߘߌ߫، ߓߌߦߊ߲ ߕߍ߫ ߝߋߎ߫، ߏ߬ ߘߐ߬ ߸ ߡߍ߲ ߓߊ߯ ߊ߬ ߟߊ߫ ߖߐ߲߭ ߓߌߦߊ߲߫ ߡߌߘߊ ߞߍ߫ ߡߎ߬ߕߎ߲߬ ߸ ߊ߲ ߘߴߏ߬ ߟߊߕߐ߲ .
ߛߊ߬ߙߌ߬ߦߊ߬ߓߏߟߏ߲ ߄߈߲:
ߞߏ߫ ߖߐ߲߭ ߠߎ߫ ߡߐ߰ߦߊ߬ ߡߌߘߊ ߛߌߟߊ ߝߍ߬ ߸ ߊ߬ߟߎ߬ ߟߊ߫ ߛߣߍ߬ ߘߐ߬ ߕߊ߮ ߕߘߍ߬ ߓߐ߫-ߛߎ߫-ߘߏ߲߬-ߛߎ߫ ߡߍ߲ ߘߌ߫ ߸ ߏ߬ ߓߘߊ߫ ߟߊߕߐ߲ ߓߌ߬، ߊ߬ߟߎ߬ ߞߊߣߊ߬ ߓߊ߯ߙߊ ߘߊߡߌ߬ߣߊ߬ ߡߎ߬ߕߎ߲߬ ߸ ߝߏ߫ ߕߋ߬ߟߋ ߓߊ߯ ߖߎ߬ߞߘߎ߬ ߥߎ߬ߙߊ߬ ߕߟߋ ߖߌ߰ߕߐ߰ߟߊ ߓߊ߯ ߛߋ߫ ߡߐ߱ ߕߋ߲ ߟߊ߫ ߸ ߊ߬ߟߎ߬ ߦߋ߫ ߓߊ߯ߙߊ ߓߟߏߞߊ߬ ߞߊ߬ ߕߊ߯ ߛߏ߫ ، ߥߟߊ߫ ߞߊ߬ ߥߎ߬ߙߊ ߕߐ߭ ߏ߬ ߞߍ߫ ߘߎ߲߬ߘߎ߬ߡߊ߬ ߛߣߍ ߘߐ߫، ߏ߬ ߟߋ ߥߎߙߊ߲ߖߊ߲ ߘߌ߫ ߛߊ߫، ߡߐ߰ ߞߌߛߍ ߦߴߊ߬ ߡߊ߬ߞߏ߬ ߡߌߛߍ߲ ߠߎ߫ ߢߊ߬ߟߊ ߏ߬ ߟߋ ߛߎ߬ߡߊ߲߬ ߛߐ߲ߞߐ ߘߐ߫ .
ߛߊ߬ߙߌ߬ߦߊ߬ߓߏߟߏ߲ ߄߉߲:
ߞߏ߫ ߕߦߊ ߓߘߊ߫ ߟߊߘߤߊ߬ ߖߐ߲߭ ߠߎ߬ ߢߍ߫ ߛߍߣߍ߲߬ ߝߛߊߦߌ߫ ، ߏ߬ ߘߐ߫ ߸ ߖߐ߲߭ ߠߎ߬ ߦߋ߫ ߟߐ߯ߓߊ߫ ߕߟߋ߬ ߅ ߞߴߊ߬ ߡߊ߯ߙߌ ߢߍ߫ ߸ ߞߊ߬ ߟߐ߯ߣߍ߲߫ ߕߟߋ߬ ߂ ߞߴߊ߬ ߖߘߍ߬ ߢߍ߫ ߸ ߟߎߕߌ߮ ߘߐ߮ ߟߎ߬ ߣߴߊ߬ ߘߋ߲ ߞߎ߲ߓߊ ߟߎ߬ ߦߋ߫ ߟߐ߯ߣߍ߲ ߞߍ߫ ߟߴߊ߬ߟߎ߫ ߖߘߍ߬ ߢߍ߫ ߢߊ ߡߍ߲ ، ߞߏ߫ ߟߐ߯ߣߍ߲߫ ߕߌ߮ ߏ߬ ߟߊ߫ ߕߟߋ߬ ߂ ߏ߬ ߓߊߟߏ ߦߴߊ߬ ߖߍ߬ߘߍ ߟߋ߬ ߞߎ߲߬ ، ߞߏ߫ ߖߐ߲߭ ߓߊ߯ ߣߊ߲ߝߟߏ ߡߍ߲ ߛߐ߬ߘߐ߲߬ ߟߐ߯ߣߍ߲ ߕߟߋ߬ ߂ ߏ߬ ߓߊ߯ߙߊ ߘߐ߫ ߸ ߊ߬ ߛߎ߲ ߓߍ߫ ߊ߬ ߕߊ߫ ߓߍ߫ ߟߴߏ߬ ߘߌ߫ ، ߣߊ߲߬ߝߟߏ߬ ߛߎ߮ ߏ߬ ߟߋ߫ ߕߘߍ߬ ߞߟߌ ߟߊ߫ ߞߏ߫ ( ߖߐ߲߬ߞߐߙߌߢߐ) ߖߐ߲߬ߞߍ߬ ߢߐ ߞߊ߬ߣߌ߲߬ ، ߡߊ߲߬ߘߋ߲߫ ߖߐ߲߬ ߞߌߛߍ ߟߎ߫ ߓߣߊ߬ߦߊ߬ ߘߊ߫ ߟߐ߯ߣߍ߲ ߣߊ߲ߝߟߏ ߘߐ߫ ߝߏ߫ ߞߵ ߊ߬ߟߎ߬ ߕߊ߫ ߖߐ߲߭ ߛߊ߲߬، ߒ߬ߓߊ߬ ߖߐ߲߭ ߕߊ߫ ߖߐ߲߭ ߏ߬ ߟߋ ߖߐ߲߬ߡߊߢߐ߬ߙߐ ߘߌ߫ ߛߊ߫ .
ߛߊ߬ߙߌ߬ߦߊ߬ߓߏߟߏ߲ ߅߀߲:
ߞߏ߫ ߞߘߐ߬ߡߊ߲߬ ߸ ߖߐ߲߬ ߡߛߏ߬ ߕߌ߮ ߟߊ߫ ߡߐ߰ ߟߊߘߊ߬ߙߏ߬ߕߊ ߟߵߊ߬ ߟߊ߫ ߖߐ߲߬ߡߛߏ ߘߋ߲ ߘߌ߫ ߸ ߞߣߐ߫ ߟߊߟߊ߫ ߕߊ߫ ߕߍ߫، ߊ߲ ߧߴߏ߬ ߕߏ߫ ߟߊ߫ ߢߊ ߏ߬ ߡߊ߬ ߕߋ߲߬ ߡߎߣߎ߲߬.
ߛߊ߬ߙߌ߬ߦߊ߬ߓߏߟߏ߲ ߅߁߲:
ߞߏ߫ ߖߐ߲߬ ߕߌ߮ ߟߊ߫ ߛߊ߬ߙߌ߬ߦߊ ߓߍ߯ ߦߴߊ߬ ߟߊ߫ ߖߐ߲ ߛߊ߲ߣߍ߲ ߣߴߊ߬ ߟߊ߫ ߖߐ߲߬ ߡߌ߬ߘߊ߬ߣߍ߲ ߠߎ߫ ߟߋ߬ ߞߊ߲߬ ، ߒ߬ߞߵߊ߬ ߟߊ߫ ߖߐ߲߭ ߘߋ߲ ߕߴߊ߬ ߟߊ߫ ߖߐ߲߬ ߘߌ߫ ߘߋ߬ ، ߏ߬ ߦߴߊ߬ ߟߊ߫ ߥߟߏߛߏ ߟߋ߬ ߘߌ߫، ߓߊߏ߬ ߊ߬ ߥߟߏߣߴߊ߬ ߟߊ߫ ߛߏ ߟߋ߬ ߞߣߐ߫، ߏ߬ ߘߐ߫ ߸ ߊ߬ ߟߊ߫ ߖߐ߲߬ߦߊ ߛߊ߬ߙߌ߬ߦߊ߬ ߛߌ߫ ߕߴߏ߬ ߞߊ߲߬ ، ߏ߬ ߣߴߊ߬ ߖߍ߬ߘߍ ߣߴߊ߬ ߘߐ߮ ߓߍ߯ ߞߢߊߡߊ߲߫ ߠߋ߬ ߟߎ߫ ߞߣߐ߫، ߤߊߟߴߊ߬ ߕߴߛߋ߫ ߝߙߋ߬ ߟߊ߫ ߓߊߏ߬ ߖߐ߲߬ ߕߍ߫ ، ߡߊ߲߬ߘߋ߲ ߛߊ߲ߘߊ ߞߊ߲ ߏ߬ ߟߋ ߡߊ߬ ߞߏ߫ (( ߖߐ߲߬ ߞߍ߬ߓߊ ߟߊ߫ ߥߊߟߌߢߌߡߊߟߐ߲ߓߊ ߟߋ ߣߵߊ߬ ߘߋ߲ ߞߍ߫ ߟߊ߫ ߖߐ߲߭ ߘߌ߫ ߸ ߣߴߏ߬ ߕߍ߫ ߖߐ߲߬ ߕߍ߫ )) ߡߐ߰ ߞߏ߬ߣߌ߲߬ ߘߌ߫ ߛߴ ߌ ߟߊ߫ ߥߟߏߛߏ ߓߌ߬ߟߊ߬ߟߴ ߌ ߘߋ߲ ߡߛߏ ߝߍ߬ ߊ߬ ߗߍ߬ ߓߘߊ߫߸ ߦߏ߫ ߘߋ߲ߡߛߏ ߣߊ߬ ߘߋ߲߫ ߘߐ߮ ߦߋ߫ ߥߊ߫ ߟߴߊ߬ ߝߍ߬ ߊ߬ ߗߍ߬ ߓߘߊ ߢߊ ߡߍ߲ .
ߛߊ߬ߙߌ߬ߦߊ߬ߓߏߟߏ߲ ߅߂߲:
ߞߏ߫ ߣߌ߫ ߡߍ߲ ߖߐ߲߬ ߛߊ߲ߕߐ ߥߟߴߊ߬ ߖߐ߲߬ ߡߌ߬ߘߊ߬ߕߐ߫ ߥߊ߫ ߘߊ߫ ߓߍ߲߬ ߊ߬ ߓߘߊߡߐ߯ ߞߎߣߊ߲ ߡߊ߬ ߸ ߏ߬ ߦߴߏ߬ ߤߙߐߦߊ߫ ߟߊ߫ ߟߋ߬ ߘߏߦߌ߲߫ ، ߡߐ߰ ߓߘߊߡߐ߮ ߞߎߣߊ߲ ߦߋ߫ ߡߊ߬ߛߎ߬ߘߎ߲߬ߦߊ߬ ߡߐ߯ ߟߋ߬ ߘߌ߫ ߸ ߡߍ߲ ߛߐ߲߬ߞߐ ߘߌ߫ ߞߎߣߊߦߴ ߌ ߞߊ߲ߠߊ߫، ߦߏ߫ ߓߊߙߌ߲߫ ߞߎߣߊ߲ ߣߌ߫ ߕߍߣߍ߲ ߞߎߣߊ߲ ߣߌ߫ ߓߍߣߐ߯ ߞߎߣߊ߲ ߠߎ߬ ߦߋ߫ ߢߊ ߡߍ߲. ߓߘߊߡߐ߯ ߞߎߣߊ߲ ߤߙߐߦߊ ߘߐ߫ ߸ ߣߴߊ߬ ߡߊ ߞߊ߯ߙߌ ߸ ߊ߬ ߟߊ߫ ߣߊ߲߬ߝߟߏ ߘߌ߫ ߕߏ߫ ߟߊߛߊ߬ߦߌ߲߬ ߟߴߊ߬ ߡߊ߫ ߘߏ߯ߣߍ߲-ߘߏ߯ߣߍ߲ ߝߎߚߎ߫ ߝߏ߫ ߞߵߊ߬ ߓߊ߲ ߛߙߊ߬ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߅߃߲:
ߞߏ߫ ߡߍ߲ ߓߊ߯ ߊ߬ ߟߊ߫ ߡߐ߱ ߦߋ߫ ߖߐ߲߬ߦߊ ߘߐ߫ ߡߐ߱ ߡߍ߲ ߓߟߏ߫ ߸ ߣߌ߫ ߛߋ߫ ߦߴߊ߬ ߢߍ߫ ߸ ߊ߬ ߘߴߊ߬ ߞߎ߲߬ߞߊ߬ ߏ߬ ߦߌߟߊ ߓߍ߯ ߘߐ߫. ߖߐ߲߬ ߕߌ߮ ߘߏ߲߬ ߕߍ߫ ߛߴߊ߬ ߓߊ߲߬ ߠߊ߫ ߞߎ߲߬ߞߊ߬ߟߌ ߏ߬ ߡߊ߬ ߝߋߎ߫، ߣߴߊ߬ ߡߊ߫ ߛߐ߲߬ ߸ ߛߏߕߌ߮ ߦߴߊ߬ ߞߘߊߡߊ߫ ߘߌߦߊߜߏ߬ߦߊ ߟߊ߫.
ߓߊ߯ߙߊ ߘߐߖߊ߭ ߣߌ߫ ߖߊߝߏߦߊ ߞߍ߬ߟߍ
ߛߊ߬ߙߌ߬ߦߊ߬ߓߏߟߏ߲ ߅߄߲:
ߡߊ߬ߙߌ߫ ߖߘߊ߬ ߞߵ ߊ߬ ߦߌ߬ߘߊ߬ ߞߏ߫ ߘߊߞߎ߲ ߓߘߊ߫ ߛߋ߫ ߓߊ߯ߙߊ ߟߋ߬ ߡߊ߬ ߣߌ߲߬ ، ߓߊ ߊ߲ ߓߍ߯ ߦߋ߫ ߝߋ߲ ߡߍ߲ ߢߌߣߌ߲ ߠߊ߫ ߘߎߢߊ߫ ߘߐߕߍ߮ ߘߐ߫ ߸ ߏ߬ ߟߋ߬ ߡߍ߲ߘߌߦߊ ߓߊߟߏ߫ ߢߌߡߊ ߣߴߊ߬ ߝߊߘߌߦߊߓߐ ߢߌߡߊ ߣߌ߫ ߖߊ߲ߞߊߙߏ ߟߎ߬ ߓߊߛߌ߫ ߘߌߡߊ߲ ߠߎ߬ ߘߌ߫، ߏ߬ ߘߏ߲߬ ߛߌ߫ ߕߍ߫ ߛߐ߬ߘߐ߲߬ ߓߊ߯ߙߊ ߛߓߍ߬ߡߊ ߞߐ߫، ߞߊ߬ߦߌ߯ ߞߘߐ߬ߡߊ߲ ߘߏ߲߬ ߸ ߡߊ߲߬ߘߋ߲߫ ߛߌ߰ߞߊ߲ ߓߊߖߎ ߟߋ߬ ߘߊ߫ ߢߊ߫ ߛߊ߬ߓߊ ߢߌ߲߬ ߘߌ߫ : (( ߞߊ߬ ߞߏ߫ ߟߐ߲ ߸ ߞߊ߬ ߓߊ߯ߙߊ߫ ߸ ߞߊ߬ ߕߋߟߋ߲ )) ߞߏ߬ߣߌ߲߬ ߐ߲߬ߤߐ߲߫ ߸ ߣߌ߫ ߞߏߟߐ߲ ߣߌ߫ ߞߎ߬ߛߊ߲߬ߧߊ ߕߍ߫ ߡߐ߱ ߡߍ߲ ߠߊ߫ ߸ ߏ߬ ߛߋ߫ ߕߐ߫ ߓߊ߯ߙߊ ߢߌߡߊ ߞߍ߫ ߟߊ߫ ߘߌ߬ ߣߝߊ߬ ߘߌ߫ ߛߐ߬ߘߐ߲߬ ߡߍ߲ ߠߊ߫؟ ߣߌ߫ ߡߍ߲ ߝߣߊ߫ ߡߊ߫ ߓߊ߯ߙߊ߫ ߞߵߊ߬ ߖߘߍ߬ ߟߊߞߊ߯ߙߌ ߝߋ߲ ߛߐ߬ߘߐ߲߬ ߸ ߏ߬ ߛߋ߫ ߕߐ߫ ߡߐ߰ ߝߋ߲ ߟߐ߮ ߕߏ߫ ߟߴߊ߬ ߟߊ߫ ߘߌ߫ ߞߊ߬ ߕߋߟߋ߲؟ ߣߌ߫ ߡߍ߲ ߘߏ߲߬ ߕߋߟߋ߲ߣߍ߲ ߕߍ߫ ߸ ߡߐ߰ߦߊ ߞߏ߫ ߟߎ߬ ߛߋߕߐ߫ ߓߎ߲ߓߎ߲ ߠߴߏ߬ ߡߊ߬ ߘߌ߫؟ ߣߌ߫ ߡߐ߰ߦߊ ߞߏ߫ ߟߎ߬ ߕߴߛߋ߫ ߓߎ߲ߓߎ߲ ߠߊ߫ ߡߍ߲ ߡߊ߬ ߏ߬ ߓߊߟߏ߫ ߞߎ߲ ߞߍߣߍ߲ ߡߎ߲߬ ߘߌ߫ ߏ߬ ߘߐ߫؟
ߒ߬ߓߊ߬ ߢߌ߬ߣߌ߲߬ߞߊ߬ߟߌ ߢߌ߲߬ ߠߎ߬ ߓߍ߯ ߖߋ߬ߓߌ ߦߴߊ߬ ߦߌ߬ߘߊ߬ ߟߊ߫ ߟߋ߬ ߸ ߞߏ߫ ߝߏ߫ ߊ߲ ߓߍ߯ ߦߴߊ߲ ߘߐߖߊ߬ ߟߋ߬ ߘߌߦߊߜߏ߬ߦߊ ߟߊ߫ ߞߊ߬ ߞߏߟߐ߲ ߢߊߢߌߣߌ߲ ߸ ߞߊ߬ ߓߊ߯ߙߊ ߛߓߍ߬ߡߊ ߞߎ߬ߛߊ߲߬ߧߊ ߟߊ߫ ߸ ߞߵ ߊ߲ ߕߋߟߋ߲ ߞߏ߫ ߓߍ߯ ߘߐ߫ ߦߏ߫ ߓߌ߬ߢߍ ، ߏ߬ ߘߐ߫ ߸ ߊ߲ ߓߘߊ ߕߐ߲ ߛߌ߰ ߖߊߝߏߦߊ ߟߊ߫ ߸ ߞߊ߬ ߓߍ߯ ߞߘߊߡߊ ߞߌ߬ߛߍ߬ߦߊ ߣߌ߫ ߓߊ߯ߙߊ ߟߊ߫ ، ߊ߲ ߖߍ߬ߘߍ ߞߊߣߊ߬ ߝߊߥߏ߫ ߸ ߊ߲ ߘߏ߲߬ ߞߴߊ߲ ߛߐ߲߬ ߡߐ߰ ߦߋ߫ ߖߊߝߏ߫ ߒ߬ ߢߣߊ߫ ، ߓߊߏ߬ ߓߊ߯ߙߊߟߊ ߕߴߊ߬ ߟߊ߫ ߓߊ߯ߙߊ ߕߐ߬ߣߐ ߘߌߦߊߓߐ߫ ߟߊ߫ ߖߊߝߏߓߊ߯ߕߐ ߢߣߊ߫، ߏ߬ ߘߐ߫ ߸ ߝߏ߫ ߞߊ߬ ߓߍ߯ ߘߌߦߊߜߏߦߊ߫ ߓߊ߯ߙߊ ߟߊ߫ ߟߋ߬، ߣߌ߫ ߡߍ߲ ߕߍ߫ ߓߊ߯ߙߊ ߝߍ߬ ߸ ߊ߲ ߓߘߊ߫ ߘߌ߬ߢߍ߫ ߏ߬ ߘߐ߫ ߝߋߎ߫ ߊ߰ ߓߐ߫ ߡߊ߲߬ߘߋ߲߫ .
ߛߊ߬ߙߌ߬ߦߊ߬ߓߏߟߏ߲ ߅߅߲:
ߞߏ߫ ߣߌ߫ ߟߎ ߡߍ߲ ߥߟߊ߫ ߜߊ߭ ߡߍ߲ ߕߏ߫ ߘߊ߫ ߞߐ߲ߞߐ߫ ߟߊ߫ ߸ ߛߏߕߌ߮ ߦߴߏ߬ ߟߎ߬ ߟߊߛߌ߰ ߖߐ߲ ߘߐ߫ ߖߊ߬ߡߊ ߕߍߡߊ߬ ߞߵߊ߬ߟߎ߬ ߘߐߢߌ߬ߣߌ߲߬ߞߊ߫ ߊ߬ߟߎ߬ ߟߊ߫ ߓߊ߯ߙߊ ߢߊ߫ ߡߊ߬، ߞߵߊ߬ߟߎ߬ ߝߍߦߊ߫ ߞߵߊ߬ߟߎ߬ ߘߐ߯ߦߊ߫، ߞߊ߬ ߓߊ߲߫ ߞߊ߬ ߖߊ߬ߛߙߋ߬ߡߟߊ߬ ߜߍߟߍ߲ ߞߴߊ߬ߟߎ߬ ߢߍ߫، ߞߏ߫ ߣߴߊ߬ߟߎ߬ ߡߊ߫ ߓߊ߯ߙߊ ߞߍ߫ ߛߍ߬ߓߍ ߟߊ߫ ߊ߬ߟߎ߬ ߓߌߘߊ߲߫ ߠߎ߬ ߘߴߊ߬ߟߎ߬ ߘߋ߲ߡߛߏ ߟߎ߫ ߡߌ߬ߘߵߊ߬ߟߎ߫ ߟߊ߫، ߡߐ߰ߜߘߍ߫ ߘߏ߲߬ ߕߴߊ߬ ߘߋ߲ߡߛߏ߫ ߘߴߊ߬ߟߎ߬ ߡߊ߬ ߝߘߎ ߟߊ߫ ߡߎ߬ߕߎ߲߬ ߝߛߍߞߘߎ߫.
ߛߊ߬ߙߌ߬ߦߊ߬ߓߏߟߏ߲ ߅߆߲:
ߞߏ߫ ߗߍ߭ ߣߌ߫ ߡߏ߬ߛߏ ߸ ߘߋ߲ߣߍ߲ ߣߌ߫ ߡߐ߰ߓߊ ߸ ߓߍ߯ ߦߋ߫ ߓߊ߯ߙߊ߫ ߸ ߓߍ߯ ߦߴߊ߬ ߝߊ߲߬ߞߊ ߓߍ߬ߙߍ ߞߍ߫ ߞߣߐߘߐߘߌߦߊ ߟߊ߫، ߤߊߟߌ߫ ߡߐ߰ߓߊ ߟߎ߬ ߡߊ߫ ߛߋ߫ ߓߘߍ߬ ߞߍ߫ ߟߊ߫ ߸ ߊ߬ߟߎ߬ ߦߋ߫ ߞߍ߫ ߓߊ߯ߙߊ ߘߊߞߎ߲ ߘߐ߫ ߟߋ߬ ߞߘߊߎ߫، ߓߊ ߊ߬ߟߎ߬ ߢߊ ߦߋ߫ ߡߍ߲ ߞߍ߫ ߟߊ߫ ߸ ߊ߬ߟߎ߬ ߓߟߏ ߕߍ߫ ߛߴߏ߬ ߕߟߊߒߕߍ ߞߍ߫ ߟߊ߫، ߛߊ߲ߘߊ ߞߊ߲ ߏ߬ ߟߋ ߘߐ߫ ߸ ߞߏ߫ ߛߣߍ߬ ߕߌ߮ ߢߊ ߣߌ߫ ߜߎ߲߬ߞߎ߬ߘߎ߲ ߢߊ ߕߍ߫ ߞߋߟߋ߲ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߅߇߲:
ߞߏ߫ ߓߍ߯ ߦߋ߫ ߓߊ߯ߙߊ ߞߊ߬ߣߌ߲߬ ߸ ߞߊ߬ ߢߐ߲߮ ߖߎ߬ߛߎ ߟߐ߬ ߓߊ߯ߙߊ ߟߊ߫، ߓߊ߯ߙߊ ߝߊ߲߬ߞߊ߬ߓߊ ߦߋ߫ ߝߎߣߎ߲ߞߋ ߡߍ߲ ߠߎ߬ ߟߊ߫ ߸ ߓߍ߯ ߦߋ߫ ߗߋ ߘߐߘߌߦߊ ߏ߬ ߟߎ߬ ߓߟߏ߫ ߸ ߊ߬ߟߎ߫ ߖߍ߬ߘߍ ߦߴߊ߬ ߘߐߘߌߦߊ ߊ߬ߟߎ߬ ߓߟߏ߫ ، ߝߎߣߎ߲ߞߋ ߟߎ߬ ߦߴߊ߬ߟߎ߬ ߟߊߘߍ߬ ߞߵߊ߬ߟߎ߬ ߖߍ߬ߘߍ ߛߌ߲߬ߝߏ߲߬ߧߊ߫ ߸ ߞߊ߬ ߟߡߊ ߟߎ߬ ߞߍ߫ ، ߞߊ߬ ߛߊ߲ߛߣߍ ߟߎ߬ ߣߌ߫ ߛߣߍ߬ ߛߏ߲ߧߊ ߟߎ߬ ߟߊߛߌߦߊߦߊ߫ ، ߞߊ߬ ߡߊ߬ߗߋ ߟߎ߬ ߟߊߡߌ߬ߘߊ߬ ߞߣߐߘߐߘߌߦߊ ߟߊ߫ ، ߞߊ߬ ߝߊ߲߬ߞߊ߬ߓߊ ߘߌ߫ ߖߍ߬ߝߙߍ߬ ߞߏ ߡߊ߬ ،ߞߊ߬ ߖߍ߬ߝߙߍ ߛߎ߮ ߟߊߛߌߦߊߦߊ߫: (( ߝߟߏ߬ߟߏ߬ߓߐ ߖߍ߬ߝߙߍ ، ߞߊ߲ߛߊ߲ߓߐ ߖߍ߬ߝߙߍ ، ߓߙߎ߬ߞߎ߬ߟߌ ߖߍ߬ߝߙߍ ، ߞߘߐߛߊߟߌ ߖߍ߬ߝߙߍ ، ߞߊ߬ߟߌ ߖߍ߬ߝߙߍ ، ߓߌ߲ߓߐ ߖߍ߬ߝߙߍ ، ߝߊߣߌ߲ ߘߐ߲ ߖߍ߬ߝߙߍ ، ߢߐ߬ ߜߊߛߌ ߖߍ߬ߝߙߍ )) ߞߊ߬ ߓߊ߯ߙߊ ߓߍ߯ ߖߍ߬ߝߙߍ ߟߊߘߊ߲ ، ߞߊ߬ ߖߍ߬ߝߙߍ ߓߍ߯ ߘߐ߲߬ߞߟߌ߬ ߘߌߡߊ߲ ߠߎ߬ ߟߊߘߊ߲ .
ߖߊ߲ߕߏ߬ߒߘߐ: ߖߍ߬ߝߙߍ ߦߋ߫ ߝߙߊߓߊ߲ ߝߘߍߓߊ ߘߏ߫ ߟߋ߬ ߘߌ߫ ߸ ߞߏ߬ߙߏ߲߬ ߞߌߛߍ ߛߝߊ߫ ߦߙߌߞߊ ߦߋ߫ ߡߍ߲ ߞߊ߲߬، ߞߣߐ߬ ߖߟߏ߫ ߗߋ߲߰ߓߊ ߟߎ߬ ߦߴߊ߬ ߓߌ߲ߛߊ߲ ߘߌ߫، ߏ߬ ߟߋ ߛߘߌ߬ ߟߊ߫ ߓߍ߯ ߘߊ߲ߓߊ߮ ߕߍߡߊ߬ ߸ ߞߵߊ߬ ߡߊߕߐ߯ ߘߐ߲ߞߟߌ ߟߎ߬ ߞߍ߫ ߞߴߊ߬ ߞߐߞߘߐߘߌߦߊ߫.
ߛߊ߬ߙߌ߬ߦߊ߬ߓߏߟߏ߲ ߅߈߲:
ߞߏ߫ ߓߊ߯ߙߊ ߘߐߖߊ߭ ߣߴߊ߬ ߘߐߘߌߦߊ ߛߌߟߊ ߝߍ߬ ߸ ߞߊ߬ߙߌ ߡߍ߲ ߓߊ߯ ߞߍ߫ ߓߙߊ ߘߐ߫ ߸ ߊ߬ ߣߌ߫ ߓߙߊߡߊߞߣߐ ߠߎ߬ ߸ ߞߊ߬ ߛߏ ߝߘߏ߬ߓߊ߬ ߓߊ߯ߙߊ ߓߍ߯ ߞߊ߬ߙߌ߬ߝߊ߫ ߏ߬ ߟߎ߬ ߗߍ߬ߡߊ߲ ߠߎ߬ ߣߴߊ߬ ߡߛߏ߬ߡߊ߲ ߠߎ߬ ߟߊ߫، ߏ߬ ߟߎ߬ ߦߋ߫ ߛߏ ߘߐߓߍ߲߬ ߞߵߊ߬ ߛߊߣߌ߲ߧߊ߫ ߞߊ߬ ߜߊߟߊ߲ ߠߎ߬ ߜߊ߬ߛߌ߬ ߓߙߊ ߟߎ߬ ߘߐ߫ ߸ ߞߊ߬ ߦߙߌ߫ ߘߎߟߋ߲ߡߊ ߟߎ߬ ߕߘߎ߫ ߦߋ߲߬، ߞߊ߬ ߥߊ߬ߛߌ ߟߎ߬ ߟߊߘߊ߲ ߦߙߌ߫ ߘߎߟߋ߲ߡߊ ߏ߬ ߟߎ߬ ߘߎߟߋ߲ߡߊ ߏ߬ ߟߎ߫ ߖߎ߭ ߟߎ߬ ߟߊߡߌߣߌ߲ ߘߐ߫ ߞߵߏ߬ ߟߝߊ߫ ߓߍ߬ߙߍ ߟߎ߬ ߟߊ߫ ߥߟߊ߫ ߞߌ߬ߢߍ ߟߎ߬ ߟߊ߫ .
ߛߊ߬ߙߌ߬ߦߊ߬ߓߏߟߏ߲ ߅߉߲:
ߞߏ߫ ߕߐ߲ ߘߐߖߊ߭ ߣߌ߫ ߖߊߝߏߦߊ ߞߍ߬ߟߍ ߘߐ߫ ߸ ߓߙߊߕߌ߮ ߟߎ߬ ߦߋ߫ ߘߏ߲߬ ߝߎ߭ ߘߐ߫ ߞߊ߬ ߞߍ߫ ߞߣߐ߬ߜߍ߲߬ ߥߟߐ ߟߎ߬ ߘߌ߫ ، ߏ߬ ߟߎ߬ ߦߋ߫ ߟߎ ߞߣߐߟߊ ߟߎ߬ ߣߌ߫ ߓߏ߲ ߞߣߐߟߊ ߟߎ߬ ߡߊߝߟߍ߫ ߕߋ߬ߟߋ ߘߐ߫ ߛߣߍ߬ߞߍ߬ ߥߊ߯ߕߌ ߟߎ߬ ߟߊ߫ ߞߍ߬ߣߍ߲ ، ߊ߬ߟߎ߬ ߓߊ߯ ߛߊ߬ߟߊ ߣߌ߫ ߖߊߝߏߓߊ߯ߕߐ ߡߍ߲ ߠߎ߬ ߟߊߣߍ߲ ߦߋ߫ ߓߏ߲ ߠߎ߬ ߟߊ߫ ߸ ߊ߬ߟߎ߬ ߦߋ߫ ߓߏ߲߬ߛߊ߲ ߘߐ߬ߟߐ ߟߐ߬ ߏ߬ ߟߎ߬ ߟߊ߫ ߸ ߞߵߊ߬ߟߎ߬ ߜߍ߲߫ ߞߵߊ߬ߟߎ߬ ߟߥߊ߫ ߛߍ߬ߣߍ ߟߎ߬ ߘߐ߫ ߓߊ߯ߙߊ ߦߌߟߊ ، ߊ߬ߟߎ߬ ߦߋ߫ ߕߏ߫ ߛߣߍ߬ ߞߣߐ߬ߟߊ ߟߎ߬ ߝߣߊ߫ ߡߊߝߟߍ߫ ߟߊ߫ ߛߐ߲߬ ، ߊ߬ߟߎ߬ ߓߊ߯ ߗߋߞߍߓߊߟߌ߫ ߖߊߝߏߓߊ߯ߕߐ ߡߍ߲ ߠߎ߬ ߟߊߣߍ߲ ߦߋ߫ ߦߙߌ߫ ߘߎߟߋ߲ ߠߎ߬ ߟߊ߫ ߛߍ߬ߣߍ ߟߎ߬ ߘߐ߫ ߕߋ߲߬ ߸ ߊ߬ߟߎ߬ ߦߴߏ߬ ߝߌ߲߬ߝߊ߲߬ ߕߐ߲ߘߐ߫ ߣߎ߲ߜߊ߲ ߠߎ߬ ߣߌ߫ ߣߐ߯ߣߐ߯ ߓߏ߲ߛߊ߲ ߠߎ߬ ߟߊ߫ ߞߊߕߌ߫، ߞߏ߫ ߊ߬ߟߎ߬ ߦߋ߫ ߛߏ߬ߙߌ߬ ߞߣߐ߬ߜߍ߲߬ ߘߋ߲ ߟߎ߬ ߟߊߞߎߣߎ߲ ߠߊ߫ ߛߎߓߊ߯ ߘߓߌ ߡߊ߬ ߸ ߞߵߊ߬ߟߎ߬ ߓߌ߬ߟߊ߬ߛߌߟߊ ߓߏ߲߬ߛߊ߲ ߠߊ߫ ߝߏ߯ ߛߍ߬ߣߍ ߘߐ߫ ، ߞߏ߫ ߊ߬ߟߎ߬ ߦߋ߫ ߕߏ߫ ߛߣߍ߬ ߞߣߐߟߊ ߟߎ߬ ߛߊߞߍ߫ ߟߊ߫ ߞߍ߬ߣߍ߲ ، ߊ߬ߟߎ߬ ߓߊ߯ ߥߘߊ ߟߎ߬ ߕߌߢߍߟߌ ߣߐ ߦߋ߫ ߞߣߐ߬ߜߍ߲߬ߘߋ߲ ߡߍ߲ ߞߘߐ߫ ߸ ߊ߬ ߣߴߊ߬ߟߎ߬ ߓߊ߯ ߓߌߦߊ߲ ߠߎ߬ ߕߟߊߣߍ߲ ߦߋ߫ ߓߌߦߊ߲ߜߍ߲ߘߋ߲ ߡߍ߲ ߠߎ߬ ߟߊ߫ ߸ ߊ߬ߟߎ߬ ߦߴߏ߬ ߓߍ߯ ߜߏ߬ߟߏ ߥߎߙߊ߫ ߜߍߢߍ ߣߌ߫ ߓߏ߲߬ߛߊ߲ ߣߌ߫ ߛߏߜߋ ߣߌ߫ ߜߐ߲߬ߞߏ ߣߌ߫ ߡߊ߬ߣߌ߲߬ߝߐߛߐ߲ ߠߎ߬ ߟߊ߫. ߞߏ߫ ߣߌ߫ ߦߙߌߘߋ߲ ߥߟߊ߫ ߛߣߍ߬ߝߋ߲ ߞߐ߯ߓߊߟߌ ߡߙߍ߬ߛߍ ߦߋ߫ ߘߊ߫ ߛߐߢߐ߲ߕߐ ߡߍ߲ ߓߟߏ߫ ߸ ߤߊߟߴߊ߬ ߖߍ߬ߘߍ ߕߊ ߞߍ߫ ߘߊ߫ ߸ ߊ߬ߟߎ߬ ߦߴߏ߬ ߟߊߡߌ߲߬ ߓߏ߲߬ߛߊ߲ ߘߊ߲ߘߊߟߌ߲ ߠߊ߫ ، ߊ߬ߟߎ߫ ߘߏ߲߬ ߞߊߣߊ߬ ߡߊ߬ߟߏ߬ߦߊ߫ ߥߟߊ߫ ߞߊ߬ ߕߎ߲߬ߞߎ߬ߙߎ߲߫ ߡߐ߰ ߛߌ߫ ߡߊ߬ ߜߊ߬ߛߌ߬ߟߌ ߘߐ߫ ߸ ߤߊߟߴߊ߬ ߞߍ߫ ߘߴߊ߬ߟߎ߬ ߓߌߘߊ߲ ߘߌ߫ ، ߊ߬ߟߎ߫ ߘߏ߲߬ ߞߎ߲ ߠߋ߬ ߝߎ߭ ߘߐ߫ ߏ߬ ߘߌ߫ ߸ ߛߊ߫ ߡߐ߰ ߞߊߣߵ ߊ߬ߟߎ߬ ߟߐ߲ ، ߊ߬ ߣߌ߫ ߞߵߊ߬ߟߎ߬ ߟߐ߬ ߢߐ߲߮ ߞߟߌ߫ ߟߊ߫ ߞߏ߫ ߒ ߕߐ߯ߡߊ߲ ، ߊ߬ ߣߌ߫ ߞߵߊ߬ߟߎ߬ ߟߐ߬ ߣߎ߲ߘߐߞߐ߲ߞߐ߲ ߞߎߡߊ ߟߊ߫ ߤߊߞߍߕߏ߫ ߡߐ߰ ߞߊߣߵߊ߬ߟߎ߬ ߟߐ߲، ߒ߬ߓߊ߬ ߡߍ߲ ߓߊ߯ ߞߣߐ߬ߜߍ߲ ߥߟߐ ߘߏ߫ ߟߐ߲ ߝߎ߭ ߘߐ߫ ߞߵߊ߬ ߞߟߌ߫ ߊ߬ ߡߐ߰ ߕߐ߫ ߟߊ߫ ߸ ߏ߬ ߓߘߊ߫ ߛߏ ߟߊ߫ ߕߐ߲ ߕߌߢߍ߫ ، ߝߏ߫ ߊ߬ ߦߋ߫ ߓߊ߭ ߟߋ߬ ߓߐ߫ ߏ߬ ߘߐ߫ ߘߌߦߊߜߏ߬ߦߊ ߟߊ߫ ߸ ߞߵߏ߬ ߞߍ߫ ߞߊ߬ ߛߏ ߟߊߘߊ߲ .
ߛߊ߬ߙߌ߬ߦߊ߬ߓߏߟߏ߲ ߆߀߲:
ߞߏ߫ ߣߌ߫ ߞߏ߫ ߟߊߕߐ߲ߕߊ ߥߟߊ߫ ߞߏ߫ ߟߊߘߊ߲ߕߊ ߡߍ߲ ߥߙߊ߬ ߘߊ߫ ߓߙߊߕߌ߮ ߟߎ߬ ߣߌ߫ ߓߙߊߡߊߞߐߣߐ߲ ߠߎ߬ ߡߊ߬ ߸ ߞߏ߫ ߊ߬ߟߎ߬ ߦߴߏ߬ ߟߊ߫ ߞߊ߲ߜߍ ߟߎ߬ ߞߘߐ߫، ߏ߬ ߟߎ߬ ߕߍ߫ ߞߢߊ߬ ߏ߬ ߢߊߓߐߟߊ ߝߋߎ߫، ߓߊ ߞߊ߲ߜߍ ߟߎ߬ ߦߋ߫ ߘߋ߲ߡߌߛߍ߲ߦߊ ߣߌ߫ ߡߐ߰ߓߊ߬ߦߊ ߘߊ߲ߕߍ߬ ߟߋ߬ ߟߊ߫.
((ߖߊ߲ߕߏ߬ߒߘߐ߫)) ߡߊ߲߬ߘߋ߲߫ ߝߎߣߎ߲ߞߋߦߊ ߖߡߊ߬ߣߊ߬ߞߍ ߕߟߊߣߍ߲ ߕߘߍ߬ ߦߌߟߡߊ߫ ߇ ߟߋ߬ ߘߌ߫ ߥߟߊ߫ ߛߌ߰ ߞߛߊ߬ߓߌ߬ ߇. ߏ߬ ߟߎ߬ ߝߟߍ߫:
߁߭- ߞߏ߲߬ߘߋ߲߬ ߞߊߙߊ߲ߘߋ߲ ߠߎ߬: ߞߵߊ߬ ߕߊ߬ ߛߊ߲߬ ߁߀ ߡߊ߬ ߞߵߊ߬ ߛߌ߰ ߁߅ ߟߊ߫، ߏ߬ ߟߎ߫ ߟߋ߬ ߞߣߐ߬ߜߍ߲ߘߋ߲ ߠߎ߬ ߣߌ߫ ߣߛߌ߬ߜߍ߲߬ߘߋ߲ ߠߎ߬ ߘߌ߫.
߂߲- ߞߏ߲߬ߘߋ߲߬ߓߊ ߟߎ߬: ߞߵߊ߬ ߕߊ߬ ߛߊ߲߬ ߁߅ ߡߊ߬ ߞߵߊ߬ ߛߌ߰ ߂߀ ߠߊ߫، ߏ߬ ߟߎ߫ ߟߋ߬ ߗߍ߬ߓߦߊ߬ ߓߌߟߊߞߙߏ ߣߌ߫ ߓߙߊߕߌ߮ ߡߊ߬ߡߊ߬ߙߋ߲ ߟߎ߬ ߘߌ߫.
߃߲- ߓߙߊߡߊߞߐߣߐ߲ ߠߎ߬: ߞߵߊ߬ ߕߊ߬ ߛߊ߲߬ ߂߀ ߡߊ߬ ߞߵߊ߬ ߛߌ߰ ߂߅ ߟߊ߫، ߏ߬ ߟߎ߫ ߟߋ߬ ߗߍ߬ߓߊ߬ߟߋ߲ ߠߎ߬ ߘߌ߫.
߄߲- ߓߙߊߕߌ߮ ߟߎ߬: ߞߵߊ߬ ߕߊ߬ ߛߊ߲߬ ߂߅ ߡߊ߬ ߞߵߊ߬ ߛߌ߰ ߃߀ ߟߊ߫، ߏ߬ ߟߎ߫ ߟߋ߬ ߞߊߡߋߙߋ߲ ߠߎ߬ ߘߌ߫، ߏ߬ ߟߎ߫ ߟߋ߬ ߝߘߎ ߘߊߞߎ߲ ߘߐ߫.
߅߲- ߓߙߊߕߌ߮ ߞߐ߬ߘߐ ߟߎ߬ ߣߌ߫ ߓߙߊߡߊߞߐߣߐ߲ ߠߎ߬ ߓߋ߲ߓߊ ߟߎ߬: ߞߵߊ߬ ߕߊ߬ ߛߊ߲߬ ߃߀ ߡߊ߬ ߞߵߊ߬ ߛߌ߰ ߃߅ ߟߊ߫، ߏ߬ ߟߎ߫ ߟߋ߬ ߞߊߡߋߙߋ߲ ߞߘߐ߫ ߟߎ߬ ߘߌ߫
߆߲- ߓߙߊߕߌ߮ ߓߋ߲ߓߊ ߟߎ߬: ߞߵߊ߬ ߕߊ߬ ߛߊ߲߬ ߅߃ ߡߊ߬ ߞߵߊ߬ ߛߌ߰ ߄߀ ߠߊ߫، ߏ߬ ߟߎ߫ ߟߋ߬ ߜߌߛߌ߲ ߠߎ߬ ߘߌ߫ ߥߟߊ߫ ߛߌ߲ߓߊ߲ ߠߎ߬، ߏ߬ ߟߎ߬ ߦߴߊ߬ߟߎ߫ ߡߊ߬ߡߊ߬ߙߋ߲ ߟߎ߫ ߝߍ߬ ߟߋ߬ ߓߙߊ߫ ߘߐ߫ ߞߊߡߋߙߋ߲ߦߊ ߟߊ߫ ߞߊߕߌ߫.
߇߲- ߞߊ߲ߜߍ ߟߎ߬: ߞߵߊ߬ ߕߊ߬ ߛߊ߲߬ ߄߀ ߡߊ߬ ߞߵߊ߬ ߛߌ߰ ߄߅ ߟߊ߫، ߏ߬ ߟߎ߫ ߟߋ߬ ߟߊߡߎ߯ߛߊ ߟߎ߬ ߘߌ߫، ߏ߬ ߟߎ߫ ߟߋ߫ ߝߎߣߎ߲ߞߋߦߊ ߣߌ߫ ߡߐ߰ߓߊ߬ߦߊ ߘߊ߲ߕߍ ߟߊ߫، ߏ߬ ߟߎ߫ ߟߋ߫ ߖߡߊ߬ߣߊ߬ߞߍ ߞߐߘߊ߲ ߠߊ߫. ߏ߬ ߥߊ߯ߕߌ ߊ߬ ߕߘߍ߬ ߟߊ߫ ߟߋ߬ ߊ߬ ߤߊ߬ߙߌ߬ߖߍ߰ߡߊ ߟߎ߬ ߘߋ߲ ߓߘߊ ߛߋ߫ ߝߘߎ ߡߊ߬ ، ߏ߬ ߘߐ߫ ߸ ߊ߬ߟߎ߬ ߘߌ߫ ߛߴߊ߬ߟߎ߬ ߘߊ ߛߎ߫ ߟߊ߫ ߡߐ߰ߓߊ߬ ߞߎߡߊ ߓߍ߯ ߘߐ߫ ߛߍߣߍ߲ ، ߊ߬ߟߎ߬ ߕߍ߫ ߡߊ߬ߟߏ߬ߦߊ ߡߐ߰ߓߦߊ߬ ߞߎߡߊ ߛߌ߫ ߝߐ߫ ߟߊ߫ ߡߎ߬ߕߎ߲߬ ، ߏ߬ ߟߋ ߞߏߛߐ߲߬ ߓߙߊߕߌ߮ ߟߎ߬ ߓߊ߯ ߞߢߊ߬ ߡߐ߰ߓߊ߬ ߞߏ߫ ߡߍ߲ ߢߊߓߐ߫ ߟߊ߫ ߸ ߊ߬ߟߎ߬ ߦߴߏ߬ ߟߊ߫ ߟߊ߫ ߞߊ߲ߜߍ ߟߎ߬ ߞߘߐ߫ ߸ ߏ߬ ߟߎ߬ ߡߍ߲ ߠߎ߫ ߘߋ߲ߣߍ߲ߠߡߊ ߞߊ߬ ߡߐ߰ߓߊ߬ ߞߘߐ߫ ߛߌߦߊߡߊ߲ ߓߌ߬ߟߊ߬ߞߙߏ߬ߓߊ ߦߋ ߟߋ߬ ، ߡߐ߰ߓߊ ߡߍ߲ ߓߊ߯ ߞߊ߲ߜߍ ߟߎ߬ ߘߌߣߍ߲ߦߊ ߡߌߘߊ߫ ߞߍ߫ ߞߏߖߎ߯ߦߊ߫ ߸ ߊ߬ߟߎ߬ ߦߴߊ߬ ߝߐ߫ ߟߴߏ߬ ߡߊ߬ ߟߋ߬ ߞߏ߫ ߋ߯ ߸ ߡߐ߰ ߦߴ ߌ ߓߍ߯ ߝߐ߫ ߟߴ ߌ ߘߋ߲ߣߍ߲ ߞߎ߲߬ ߜߘߋ߬ߓߊ ߟߋ߬ ߢߍ ، ߒ߬ߞߊ߬ ߌ ߘߐ߯ߣߍ߲ ߞߎ߲߬ ߜߘߋ߬ߓߊ ߸ ߌ ߟߊ߫ ߞߏ߫ ߛߌߦߊߡߊ߲߫ ߞߍߣߍ߲߫ ߣߵߏ߬ ߢߣߊ߫ ߘߋ߬ .
ߛߊ߬ߙߌ߬ߦߊ߬ߓߏߟߏ߲ ߆߁:
ߞߏ߫ ߖߊߝߏߦߊ ߟߊߕߐ߲ ߣߌ߫ ߢߐ߲߯ ߟߊߞߌߛߍߦߊ ߛߌߟߊ ߝߍ߬ ߸ ߣߌ߫ ߓߙߊߕߌ߮ ߟߎ߬ ߣߌ߫ ߞߊ߲ߜߍ ߟߎ߬ ߖߐ߬ߘߊ߫ ߡߐ߰ߓߊ ߡߍ߲ ߠߊ߫ ߝߏ߬ߘߏ ߡߊ߬ ߥߟߴߊ߬ ߛߣߍ߬ߞߍ߬ ߢߊ ߡߊ߬ ߸ ߛߍ߬ߣߍ ߘߐߓߍ߲߬ ߓߊߟߌߦߊ ߘߐ߫ ߸ ߊ߬ߟߎ߬ ߦߋ߫ ߟߊߡߊ߬ߟߏ߬ߦߊ߫ ߛߏߕߌ߮ ߓߘߊ ߖߊ߬ߡߊ ߓߍ߯ ߢߣߊ߫ ߢߐ߯ߛߐ߫، ߝߏ߫ ߊ߬ ߦߴߊ߬ ߛߓߍ߬ߘߏ߲߫ ߠߋ ߕߘߋ߫.
ߛߊ߬ߙߌ߬ߦߊ߬ߓߏߟߏ߲ ߆߂:
ߞߏ߫ ߛߣߍ߬ ߘߎ߰ ߞߏ ߓߏ߲ ߟߐ߫ ߘߎ߯ ߞߏ ߛߌߟߊ ߝߍ߬ ߸ ߛߏ߫ ߞߋߟߋ߲ ߛߣߍ߬ߞߍ߬ ߘߎ߮ ߡߎ߰ߡߍ ߦߴߊ߬ ߟߏ߲ߟߊ߲ ߣߴߊ߬ ߘߎ߰ߙߋ߲ ߓߍ߯ ߕߊ ߟߋ߬ ߘߌ߫ ߖߐ߲، ߡߊ߲߬ߘߋ߲߬ ߡߊ߲ߛߊ ߟߋ߬ ߕߊ߫ ߦߋ߫ ߘߎ߰ߞߟߏ ߓߍ߯ ߘߌ߫، ߊ߬ ߣߵߊ߬ ߞߊ߬ߙߌ߬ߝߊ߬ ߟߊ߫ ߘߎ߱ ߟߊ߲ߔߊ߯ߛߌ ߟߎ߫ ߟߋ߬ ߟߊ߫ ߸ ߡߍ߲ ߠߎ߬ ߓߋ߲ߓߊ ߣߊ߬ ߛߏ ߜߍ߲߭ ߕߍ߰ ߟߊ߫ ، ߓߊ߬ߙߌ߬ ߓߊߏ߬ ߞߊ߬ߙߌ߬ߝߊ ߘߐߙߐ߲ ߠߋ߬ ߸ ߊ߬ ߕߍ߫ ߞߎ߲ ߏ߬ ߟߎ߬ ߘߐ߫ ߞߊ߬ ߡߐ߰ ߛߌ߫ ߖߊ߲߬ ߊ߬ ߟߊ߫ ߛߣߍ߬ߞߍ߬ ߦߌ߬ߟߊ߬ ߞߏ ߘߐ߫ ߥߟߊ߫ ߓߏ߲߫ ߟߐ ߦߙߐ߫ ߞߏ ߘߐ߫، ߊ߬ ߘߏ߲߬ ߛߐ߲߬ߞߐ߫ ߕߍ߫ ߓߐ߫، ߡߍ߲ ߓߊ߯ ߘߎ߰ߞߟߏ߬ ߛߐ߲ߞߐ ߘߊߥߎ߲ ߞߎ߲߬-ߎ-ߞߎ߲߬ ߠߊ߫ ߸ ߊ߲ ߘߴߏ߬ ߟߊߓߴߏ߬ ߞߣߐ߫ ߡߎ߬ߙߎ ߟߊ߫ ، ߊ߬ߟߎ߬ ߞߊ߫ ߞߊ߲ ߞߊ߬ ߡߐ߰ ߞߋߟߋ߲߫ ߔߋ߫ ߟߋ߬ ߖߊ߲߬ ߘߎ߱ ߟߊ߫ ߸ ߡߍ߲ ߦߴߊ߬ ߢߎ߲߫ ߞߏ ߘߐ߫ ߞߊ߬ ߥߴߊ߬ ߘߌ߫ ߖߡߊ߬ߣߊ߬ ߜߘߍ߫ ߘߐ߫، ߞߏ߫ ߘߊߡߊ߲ߕߊ߫ ߣߊ߲ߜߊ߲ ߕߐ߬ ߦߋ߫ ߛߏ ߞߣߐ߫ ߸ ߓߏ߲ ߟߐߟߊ߫ ߞߊߣߊ߬ ߟߊߓߐ߫ ߞߐ߫ ߞߊ߲ ߡߐ߰ ߛߌ߫ ߟߊ߫ ߢߊ߲ߜߏߦߊ ߡߊ߬ ߛߏߕߌ߮ ߢߣߊ߫ ، ߡߊ߲߬ߘߋ߲߫ ߘߎ߱ ߞߊߣߊ߬ ߞߍ߫ ߥߊ߬ߣߌ߲߬ߞߋ߲߬ ߖߎ߯ ߝߊ߬ ߟߊ߫ ߛߊ߲ߜߊ߲ ߘߌ߫ ߝߋߎ߫ ߸ ߊ߬ߟߋ߬ ߕߴߊ߬ ߛߍ߬ߣߍ߫ ߡߐ߰ ߜߘߍ߫ ߕߴߊ߬ ߛߣߍ߬ ، ߊ߬ߟߋ߬ ߕߴߊ߬ ߟߐ߬ ߡߐ߰ ߜߘߍ߫ ߕߴߊ߬ ߟߐ߬ ، ߡߐ߰ߦߊ ߛߊ߬ߙߌ߬ߦߊ ߕߍ߫ ߛߐ߲߬ ߏ߬ ߡߊ߬ ߝߋߎ߫ .
ߣߌ ߟߎ߬ ߣߌ߫ ߝߊ߬ߘߌ ߟߎ߬ ߟߊߞߊ߲ߘߊ
ߛߊ߬ߙߌ߬ߦߊ߬ߓߏߟߏ߲ ߆߃߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߓߘߊ߫ ߛߋ߫ ߦߌߟߊ ߡߍ߲ ߣߌ߲߬ ߸ ߊ߲ ߕߴߛߋ߫ ߒ߬ ߘߊ ߛߎ߫ ߟߴߏ߬ ߘߐ߫ ߸ ߝߏ߫ ߣߴߊ߲ ߛߐ߰ ߘߊ߫ ߡߊ߲߬ߘߋ߲ ߡߌ߬ߙߌ߲߬ߘߌ ߕߊ߲߬ߘߏ߫ ߡߊ߬ ߸ ߞߵߊ߬ ߝߏ߬ ߕߐ߲ ߕߌߢߍߓߊߟߌߦߊ ߣߌ߫ ߞߎ߬ߙߎ߲߬ߘߎ߬ ߟߊߕߏ ߟߊ߫ ߝߎߚߎ߫ ߸ ߝߏ߫ ߞߵߊ߬ ߞߎߟߎ߲ߖߋ߫ ، ߓߊߏ߬ ߊ߬ߟߎ߫ ߢߐ߲߰ ߛߌ߫ ߕߍ߫ ߛߊ߬ߙߌ߬ߦߊ߬ ߡߌߘߊ ߘߐ߫ ، ߞߊ߬ߕߎ߲߯ ߸ ߞߵߊ߬ ߕߊ߬ ߊ߲ ߓߋ߲ߓߊ ߟߎ߫ ߞߊ߬ ߕߐ߲ ߛߌ߰ ߡߐ߱ ߞߍ߫ ߟߊ߫ ߛߘߊߞߊ ߣߌ߫ ߖߏ߬ ߛߐ ߣߌ߫ ߝߎ߬ߙߋ߬ ߖߊ߲ߛߊ ߘߌ߫ ߞߊ߬ߦߌ߯ ߤߌ߲ߤߊ߲ߤߌ߲ ߘߐ߫ ߸ ߡߊ߲߬ߘߋ߲ ߡߐ߰ ߛߌ߫ ߡߴߏ߬ ߕߐ߲ ߕߌߢߍ߫ ߸ ߡߐ߰ ߡߴߊ߬ ߞߎ߬ߙߎ߲߬ߘߎ ߞߐߛߊ߬ߥߏ߲߬ ، ߊ߬ߟߎ߬ ߓߊߙߌߞߊ ߞߘߐ߬ߡߊ߲ ߏ߬ ߟߊ߫ ߟߋ߬ ߓߎߦߌ߯. ߞߏ߬ߣߌ߲߬ ߓߊߏ߬ ߡߊ߲߬ߘߋ߲ ߛߌ߰ߢߐ߲߰ߡߊ߬ߖߊ߲ ߘߏ߫ ߟߎ߫ ߦߋ߫ ߡߐ߱ ߘߏ߲߬ ߠߴ ߊ߬ߟߎ߫ ߡߊ߬ߞߏ ߟߊ߫ ߸ ߡߐ߱ ߘߏ߲߬ ߞߊߟߌߡߊ߲ ߢߐ߲߮ ߛߐ߲߭ ߕߊ߬ ߟߊ߫ ߢߡߊߟߊ ߢߐ߲߰ ߡߊ ߘߐ߫ ߸ ߊ߲ ߧߋ߫ ߣߌ߫ ߟߊߞߊ߲ߘߊ߫ ߕߐ߲ ߢߌ߲߬ ߟߊߞߎߘߊߦߊ߫ ߟߊ߫ ߏ߬ ߟߋ ߘߐ߫ ߓߌ߬ ߕߎ߲ߣߌ߲ ، ߓߊߏ߬ ߟߊ߬ߘߍ ߢߌ߲߬ ߘߐ߫ ߸ ߊ߲ ߡߊ߫ ߞߊ߲ ߞߊ߬ ߢߌ߬ߣߊ߬ ߝߏߦߌ ߞߐ߫، ߊ߲ ߢߴߊ߲ ߘߊ ߡߊ߰ ߞߏ߫ ߓߍ߯ ߟߋ߬ ߟߊ߫: ߞߊ߬ ߞߎ߬ߙߎ߲߬ߘߎ߬ ߞߘߐ߫ ߟߎ߬ ߡߊߝߟߍ߫ ߸ ߞߵߏ߬ ߟߎ߬ ߖߎ߯ߡߊ߲ ߠߎ߬ ߟߊߕߐ߲ ߸ ߞߊ߬ ߢߌ߬ߡߊ ߟߎ߬ ߟߊߞߎߘߦߊ߫ ߸ ߞߎߘߊ߫ ߟߎ߫ ߟߊߘߊ߲ ߝߟߐ߫ ߡߐ߱ ߟߎ߬ ߡߙߌ ߡߊ߫ ߛߋ߫ ߡߍ߲ ߠߎ߫ ߡߊ߬ .
ߛߊ߬ߙߌ߬ߦߊ߬ߓߏߟߏ߲ ߆߄߲:
ߞߏ߫ ߣߌ߫ ߟߊߞߊ߲ߘߊ ߛߊ߬ߙߌ߬ߦߊ߬ ߟߊߞߎߘߦߊ ߛߌߟߊ ߝߍ߬ ߸ ߊ߲ ߦߋ߫ ߕߐ߲ ߛߌ߰ ߟߊ߫ ߞߎߘߊ߫ ߞߍ߫ ߡߐ߱ ߣߌ ߘߐߕߌߢߍ ߟߊ߫ ߸ ߊ߬ ߣߴߊ߬ ߝߊ߬ߘߌ ߖߐߞߎ ߟߊ߫ ߡߙߊ߬ߒߡߊ߬ߝߋ߲ ߠߊ߫ ، ߕߐ߲ ߏ߬ ߛߌ߰ߣߍ߲ ߡߊ߲߬ߘߋ߲ ߝߊ߰ߒ߬ߕߊ߲ ߣߴߊ߬ ߝߊ߲ߒ߬ߡߊ ߓߍ߯ ߟߋ߬ ߡߊ߬ ، ߓߊ߬ߙߌ߬ ߊ߲ ߦߴߊ߬ ߡߊߜߟߍ߬ߦߊ߬ߓߊ߫ ߞߍ߫ ߟߊ߫ ߡߐ߰ ߛߌ߰ ߛߊ߬ߓߊ ߢߌ߲߬ ߠߎ߫ ߟߋ߬ ߢߍ߫ :
߁߭- ߞߵߏ߬ ߟߊߛߋ߫ ߓߟߏߟߊߝߍߣߍ߲ߠߊ ߟߎ߬ ߣߌ߫ ߞߏߦߋߟߊ ߟߎ߫ ߡߊ߬، ߣߴߊ߬ߟߎ߫ ߞߊ߬ ߞߍ߫ ߛߘߊߞߊ ߝߐ߫ ߟߊ߫ ߸ ߊ߬ߟߎ߬ ߦߋ߫ ߛߘߊߞߊ ߛߎ߮ ߓߍ߯ ߦߌ߬ߘߊ߬ ߝߏ߫ ߡߐ߰ ߛߘߊߞߊ، ߊ߬ߟߎ߬ ߞߴߏ߬ ߦߋ߫ ߸ ߊ߬ߟߎ߬ ߘߊ ߞߴߏ߬ ߝߐ߫ ߸ ߕߟߏ߫ ߞߴߊ߬ ߡߍ߲ ߊ߬ߟߎ߬ ߟߊ߫ ߸ ߢߊ ߞߊ߫ ߛߏ߬ߓߌ ߊ߬ߟߎ߫ ߝߍ߬ ߢߊ-ߊ-ߢߊ߫ ߡߊ߬، ߏ߬ ߓߊ߯ ߡߍ߲ ߡߍ߲ ߠߊ߫ ߸ ߊ߬ ߘߌ߫ ߟߊ߫ ߏ߬ ߖߍ߬ߘߍ ߣߴߊ߬ ߣߌ ߞߊ߲߬.
߂߲- ߞߵߏ߬ ߟߊߛߋ߫ ߝߎ߬ߙߋ߬ߓߊ߬ ߕߌ߮ ߟߎ߫ ߡߊ߬: ߛߎ߭ ߓߊ߯ ߓߏ߲߬ߧߊ߬ ߢߊ-ߊ-ߢߊ߫ ߸ ߊ߬ ߛߐߝߋ߲ ߣߴߊ߬ ߖߊ߲ߛߊ ߦߋ߫ ߞߍ߫ ߘߍ߱ ߣߌ߫ ߥߏ߬ߙߏ ߣߌ߫ ߛߌ߬ߛߍ ߣߌ߫ ߓߌߦߊ߲ ߠߎ߫ ߟߋ߬ ߘߌ߫ ، ߊ߲ ߓߴߊ߬ ߡߍ߲߫ ߞߏ߫ ߡߍ߲-ߍ-ߡߍ߲ ߞߊ߬ ߛߎ߭ ߛߐ߫ ߤߊߟߌ ߡߐ߱ ߖߊ߲ߞߊ߬ߙߏ߬ߕߐ ߥߟߴߊ߬ ߝߍ߰ߕߐ ߟߋ߬ ߟߊ߫ ߞߎߡߊ߫ ߕߴߊ߬ ߞߍ߲ߘߍ ߡߊ߬ ߸ ߊ߲ ߘߴߏ߬ ߕߌ߱ ߝߊ߰ ߸ ߞߊ߬ ߓߊ߲ ߞߵߊ߬ߟߋ߬ ߛߎ߭ ߏ߬ ߓߘߊߡߐ߮ ߣߴߊ߬ ߓߐ߲ߛߐ߲ ߓߍ߯ ߛߌߟߊߛߊ߬ ߝߊ߬ߟߌ߬ ߜߘߋ ߟߊ߫ ߜߋߙߊ߫ ، ߣߌ߫ ߡߍ߲ ߘߏ߲߬ ߛߌ߬ߓߏ߬ ߘߊ߫ ߞߏ߫ ߛߎ߭ ߘߏ߫ ߞߊ߲ ߞߏ߫ ߞߵߊ߬ߟߋ߬ ߛߐ߫ ߡߐ߱ ߟߊ߫ ߸ ߊ߲ ߘߌ߫ ߛߌ߬ߓߏ߬ߟߊ ߏ߬ ߘߊ ߝߙߊ߫ ߡߎ߬ߙߎ ߟߊ߫ ߝߊߥߎ߲߫ ، ߛߊ߲ߘߊ ߘߏ߲߬ ߞߊ߲߫ ߠߋ߬ ߞߏ߫ ߌ ߓߊ߯ ߡߐ߱ ߜߊ߬ߛߌ߬ߕߐ ߦߴ ߌ ߛߌ߬ߓߏ߬ߞߊ߲ ߝߍ߬ ߸ ߌߟߋ ߟߋ߬ ߣߵߊ߬ ߘߐߛߊߙߌ߫ ߟߊ߫ .
߃߲- ߞߵߏ߬ ߟߊߛߋ߫ ߖߏ߬ ߛߐ߬ߟߊ߫ ߟߎ߫ ߡߊ߬، ߞߏ߫ ߓߏߟߌ߫ ߛߐߕߊ ߝߋ߲ -ߋ-ߝߋ߲ ߦߋ߫ ߖߡߊ߬ߣߊ ߣߌ߲ ߞߣߐ߫ ߸ ߏ߬ ߟߎ߬ ߛߐߝߋ߲ ߘߐ߫ ߓߏ߲߬ߓߊ ߟߋ߬ ߥߎ߬ߟߎ ߘߌ߫ ߞߊ߬ߞߘߐ߫، ߊ߬ ߘߏ߲߬ ߦߋ߫ ߘߊ߲߬ ߏ߬ ߟߋ ߡߊ߬ ߘߋ߬، ߓߊ߬ߙߌ߬ ߡߍ߲ -ߍ- ߡߍ߲ ߕߊ߬ߡߌ߲߬ ߘߴߏ߬ ߞߊ߲߬ ߞߊ߬ ߛߋ߫ ߡߐ߱ ߛߎ߭ ߡߊ߬ ߥߟߴߊ߬ ߢߣߊߡߊ߫، ߊ߬ ߞߍ߫ ߘߊ߫ ߦߋߝߎߋ߫ ߡߐ߰ߣߎ߲߬ߜߍ߫ ߘߌ߫ ߓߊ߬ ߸ ߊ߬ ߞߍ߫ ߘߊ߫ ߜߐ߲߬ߓߟߍ ߣߌ߫ ߣߌߡߙߌ ߣߌ߫ ߖߓߊ߬ߙߊ߲ ߘߏ߫ ߘߌ߫ ߓߊ߬ ߸ ߊ߬ ߞߍ߫ ߘߊ߫ ߝߎߦߋ߲ ߣߌ߫ ߘߊ߲ߕߐ߫ ߣߌ߫ ߣߡߊ߬ߘߊ ߣߌ߫ ߝߍ߬ߕߐ ߛߎ߯- ߎ-ߛߎ߯ ߘߌ߫ ߸ ߊ߲ ߘߌ߫ ߖߏ߭ ߏ߬ ߖߋ߬ߣߌ߲߬ ߡߍߚߍ߫ ߞߵߊ߬ ߕߌ߱ ߝߊ߰ ߛߊ߲ߞߌߘߊ߲ ߡߍ߲ ߞߵߊ߬ߟߋ߬ ߖߏ߭ ߟߊߘߊ߲ ߞߵߏ߬ ߝߣߊ߫ ߝߊ߰ ߔߌߘߏ߫. ߤߊߟߌ߬ ߡߍ߲ ߡߊ߬ߞߏ ߓߊ߯ ߛߋ߫ ߡߐ߰ ߞߟߏ ߟߋ߬ ߡߊ߬ ߛߊ߬ߙߌ ߞߣߐ߫ ߸ ߊ߲ ߧߴߏ߬ ߟߊߕߐ߲ ߠߊ߫ ߡߎ߬ߙߎ ߣߌ߫ ߝߊ߲߭ ߠߋ߬ ߟߊ߫، ߏ߬ ߦߋ߫ ߡߊ߲߬ߘߋ߲߫ ߓߍ߯((ߞߙߎߞߊ߲ߝߎߥߊ߫ ߟߊ߬ߘߍ ߞߎ߲߬ ߛߓߊߣߊ߲))
ߊ߲ ߓߘߴߊ߬ ߝߐ߫ ߞߘߐ߬ߡߊ߲߬ ߸ ߞߏ߫ ߞߙߎߞߊ߲ߝߎߥߊ߫ ߟߊ߬ߘߍ ߞߍ߫ ߘߊ߫ ߞߎ߲߬ ߃ ߟߋ߬ ߟߊ߬،
ߊ) ߏ߬ ߟߎ߬ ߝߟߐ ߟߋ߬ ߸ ߞߊ߬ ߝߊ߰ߡߊ߬ ߁ ߠߊߛߌ߰ ߡߊ߲߬ߘߋ߫ ߡߌߛߍ߲ ߁߂ ߓߍ߯ ߟߊߘߍ߬ߣߍ߲ ߞߎ߲߬ߠߊ߬، ߝߊ߲߬ߡߊ߬ ߞߋߟߋ߲ ߏ߬ ߞߍ߫ ߘߊ߫ ߡߊ߲߰ ߛߏ߲߬ߖߘߊ߫ ߞߋߕߊ߬ ߟߋ߬ ߘߌ߫.
ߋ) ߝߌߟߊߣߊ߲ ߠߋ߬ ߸ ߞߊ߬ ߞߕߌ߫ ߛߏ߬ߛߏ߫ ߞߎ߲߬ߞߏ߬ߕߐ߫ ߡߌ߬ߘߊ߬ߣߍ߲ ߠߎ߫ ߡߊ߬، ߏ߬ ߟߎ߫ ߘߏ߲߬ ߞߕߌ߫ ߘߊ߫ ߞߵߊ߬ߟߎ߫ ߖߊ߲ߞߌ߫ ߓߌ߲߬ߓߊߏ ߛߊ߲ߘߐߕߊ ߟߊ߫ ߸ ߣߊߟߌ߬ߡߎ߲ ߝߊ߰ߟߌ ߘߌ߫.
ߌ) ߛߓߊߣߊ߲ ߠߋ߬ ߸ ߞߊ߬ ߛߌ߰ߞߊ߲߬ ߞߋߟߋ߲߫ ߠߊߘߊ߲ ߡߊ߲߬ߘߋ߲߫ ߠߊ߫ ߸ ߕߐ߲ ߠߎ߬ ߣߌ߫ ߞߎ߬ߙߎ߲߬ߘߎ ߟߎ߬ ߣߌ߫ ߟߊ߲߬ߘߊ ߟߎ߬ ߣߌ߫ ߣߊߡߎ߲ ߓߍ߯ ߦߋ߫ ߡߍ߲ ߞߣߐ߫، ߥߟߴߊ߬ߟߎ߫ ߓߍ߯ ߘߌ߫ ߕߏ߫ ߛߎߡߊ߲߫ ߠߊ߫ ߛߌ߰ߞߊ߲ ߡߍ߲ ߛߌ߬ߕߊ߬ߙߌ߫ ߞߍ߬ߙߍ߲߬ߘߍ߬ߣߍ߲ ߞߏ߬ ߢߌߡߊ ߟߎ߫ ߡߊ߬، ߞߊ߬ ߓߊ߲ ߞߊ߬ ߡߊ߲߬ߘߋ߲߫ ߞߊ߬ߝߏ߬ߓߏߟߏ߲ ߟߐ߬ ߛߌ߰ߞߊ߲ ߏ߬ ߛߊ߬ߙߌ߬ߦߊ ߟߎ߫ ߛߌߟߊ ߕߊ߯ߡߊ߫ ߟߊ߫ ߞߏߣߍ߲ ߣߌ߫ ߞߏߓߊ ߓߍ߯ ߟߊߘߍ߬ߣߍ߲ ߘߐ߫. ߓߊߏ߬ ߸ ߞߎ߬ߙߎ߲߬ߘߎ߬ ߕߋߟߋ߲ߣߍ߲ ߠߋ߬ ߘߐߙߐ߲ ߘߴߊ߬ ߞߍ߫ ߸ ߛߌ߱ ߘߌ߫ ߘߌߦߊ ߸ ߞߊ߬ ߘߍ߲߭ ߛߌ߲߬ߝߏ߲߬ߧߊ߫ ߸ ߞߊ߬ ߡߐ߰ߦߊ ߛߓߊ߬ߕߌ߫ ߸ ߞߊ߬ ߓߍ߯ ߞߛߌ߫ ߜߐ߬ߛߐ߲߬ߞߐ ߣߌ߫ ߥߐ߬ߦߐ ߣߌ߫ ߞߍ߬ߟߍ ߣߌ߫ ߢߐ߲ ߕߙߐ ߣߌ߫ ߢߐ߲߯ ߖߌߖߎ߯ ߟߊߞߎߣߎ߲ ߣߌ߫ ߢߐ߲߯ ߠߊߜߏߦߊߢߍ ߣߌ߫ ߢߐ߲߯ ߞߐߣߌߢߊ ߓߍ߯ ߡߊ߬ ߛߌ߰ߢߐ߲߰ߦߊ ߘߐ߫، ߊ߬ ߣߌ߫ ߞߊ߬ ߓߍ߲߭ ߠߊߘߏ߲߬ ߖߡߊ߬ߣߊ ߞߣߐ߫ ، ߓߍ߲߭ ߏ߬ ߟߋ߫ ߘߏ߲߬ ߦߋ߫ ߤߙߊ ߣߌ߫ ߓߎ߲ߘߍ ߣߌ߫ ߡߍ߲ߘߌߦߊ ߣߌ߫ ߝߡߊߢߊ߯ߙߌ ߣߌ߫ ߢߋߙߌߡߦߊ ߓߍ߯ ߛߓߊߓߎ ߘߌ߫، ߊ߬ ߣߌ߫ ߝߣߊ߫ ߸ ߓߍ߲߭ ߠߋ߬ ߡߐ߱ ߟߎ߫ ߟߐ߬ ߟߊ߫ ߢߐ߲߯ ߘߍߡߍ߲ ߣߌ߫ ߢߐ߲߯ ߠߊߝߛߊ ߣߌ߫ ߢߐ߲߯ ߡߊߡߣߌߡߌߣߌ߲ ߠߎ߬ ߟߊ߫، ߢߐ߲߯ ߘߍߡߍ߲ ߝߣߊ ߟߋ߬ ߡߐ߱ ߛߐ߫ ߟߊ߫ ߝߊ߲߬ߞߊ ߟߊ߫ ߞߏ߫ ߜߍߟߍ߲߫ ߠߎ߬ ߟߊߢߐ߬ߣߌ߲ ߘߐ߫ ߸ ߊ߬ ߣߌ߫ ߞߊ߬ ߘߎߢߊ߫ ߘߐߕߍ߮ ߣߐ߰ߦߊ߫ ߗߍ߭ ߣߌ߫ ߡߏ߬ߛߏ ߣߌ߫ ߘߋ߲ߣߍ߲ ߣߌ߫ ߡߐ߰ߓߊ ߡߊ߬ ߕߐߟߍ߯ .
ߞߙߎߞߊ߲ߝߎߥߊ߫ ߕߐ߲ ߠߎ߬ ߓߊߖߎ
ߞߙߎ߬ߞߊ߲ߝߎߥߊ߫ ߕߐ߲ ߠߴߊ߬ ߞߎ߬ߙߎ߲߬ߘߎ ߟߎ߬ ߓߐ߫ ߘߊ߫ ߓߊߖߎ߫ ߓߟߋߓߟߋ߫ ߛߊ߬ߓߊ߫ ߟߋ߬ ߘߐ߫، ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߣߊ ߝߊߙߊ߲ߝߊߛߌ ߟߊߘߛߍߣߍ߲ ߝߟߍ߫ ߣߌ߲߬ :
ߝߟߐ:
ߏ߬ ߦߋ߫ ߡߊ߲߬ߘߋ߲ ߟߊ߲߬ߘߊ߬ ߞߘߐ߫ ߟߎ߫ ߟߋ߬ ߘߌ߫، ߏ߬ ߟߎ߫ ߟߋ߬ ߘߐߕߐ߬ߡߐ߲߬ ߘߊ߫ ߞߎ߬ߙߎ߬ߞߊ߲ߝߎߥߊ߫ ߜߊ߬ߙߊ ߡߐ߰ߓߊ ߟߎ߬ ߓߟߏ߫ ߸ ߞߵߊ߬ߟߎ߫ ߓߍ߬ߘߍ ߟߎ߫ ߕߊ߬، ߞߊ߬ ߖߎ߯ߡߊ߲ ߠߎ߬ ߓߐ߫ ߊ߬ ߘߐ߫ ߞߵߊ߬ߟߎ߬ ߟߊߕߐ߲߫ ߝߋߎ߫. ߞߊ߬ ߞߎߘߊ ߕߋߟߋ߲ߣߍ߲ ߠߎ߬ ߓߌ߬ߟߊ߬ ߖߎ߯ߡߊ߲ ߓߌ߬ߟߊ߬ߣߍ߲ ߠߎ߫ ߣߐ߭ ߘߐ߫. ߊ߲ ߘߌ߫ ߕߊ߬ߡߌ߲߬ ߖߎ߯ߡߊ߲ ߏ߬ ߟߎ߫ ߦߟߍ߬ߡߊ߲߬ ߞߎ߲ ߣߴߊ߬ߟߎ߫ ߦߟߍ߬ߡߊ߲߬ ߢߊ ߓߍ߯ ߡߊߘߊ߲߫ ߠߊ߫ ߞߎߡߊ ߞߎ߲߬ߕߊ߮ ߘߐ߫ ߸ ߣߴߊߟߊ߫ ߘߌ߬ߢߍ߬ ߘߊ߫.
ߝߌߟߊߣߊ߲:
ߏ߬ ߦߋ߫ ߡߙߊ߬ߞߊ߬ ߟߊ߲ߘߊ ߟߎ߫ ߟߋ߬ ߘߌ߫ ߸ ߛߏ߲߬ߖߘߊ߫ ߘߋ߬ߙߌ߬ߣߍ߲ ߏ߬ ߟߎ߬ ߡߍ߲ ߠߎ߬ ߟߊ߫ ߡߙߊ߬ߞߊ߬ ߖߡߊ߬ߣߊ ߟߎ߫ ߛߌ߱ ߛߊ߲߬ ߈ ߞߘߐ߫ ߸ ߊ߬ ߟߊ߫ ߝߎ߲ߘߌ߫ ߡߊߓߏߙߌ ߥߊ߯ߕߌ ߟߊ߫ ߞߎ߲߬ߓߌ߫ ߣߌ߫ ߡߍ߭ߡߊ߬ ߟߎ߬ ߘߐ߫، ߛߏ߲߬ߖߘߊ߫ ߞߊ߬ ߟߊ߲߬ߘߊ߬ ߢߌ߬ߡߊ߬ ߛߌߦߊߡߊ߲ ߠߋ߬ ߟߐ߲ ߦߋ߲߬ ߠߎ߬ ߘߐ߫ ߸ ߡߍ߲ ߠߎ߫ ߞߵߊ߬ ߤߣߍ߫ ߡߊ߲߬ߘߋ߲߫ ߟߊ߲ߘߊ ߟߎ߬ ߘߌ߫، ߊ߬ ߞߵߏ߬ ߟߎ߬ ߟߊߘߏ߲߬ ߡߊ߲߬ߘߋ߲ ߛߌ߰ߞߊ߲ ߘߐ߫ ߞߙߎ߬ߞߊ߲ߝߎߥߊ߫ ߜߊ߬ߙߊ ߝߍ߬ ߏ߬ ߟߋ߫ ߘߐ߫ ߘߏߦߌ߲߫. ߓߊ߬ߙߌ߬ ߡߙߊ߬ߞߊ߬ ߟߊ߲ߘߊ ߏ߬ ߝߊ߲߬ߓߊ ߦߋ߫ ߛߌ߬ߟߡߊ߬ ߛߊߙߌߦߊ ߟߎ߫ ߟߋ߬ ߘߌ߫ ߸ ߡߙߊ߬ߞߊ ߟߎ߫ ߞߊ߬ ߡߍ߲ ߠߎ߫ ߕߊ߬ ߡߎ߬ߙߊ߬ߓߌߕߎ߱ ߊߙߊߓߎ ߟߎ߬ ߟߊ߫ ߛߊ߲߬ ߕߊ߲߫ ߡߊ߬ߙߊ ߟߋ߬ ߘߐ߫ ߸ ߦߏ߫ ߟߐ߯ߕߍ ߟߏ߲ ߇ ߣߌ߫ ߞߙߏ߫ ߁߂ ߓߌ߬ߟߊ ߛߊ߲ߓߏߟߏ߲ ߁߂ ߣߐ߭ ߘߐ߫.
ߛߓߊߣߊ߲:
ߏ߬ ߟߋ ߛߏ߬ߛߏ߫ ߡߊ߲߬ߛߊ߬ ߛߎߡߊߏߙߏ߫ ߞߊ߲ߕߍ߫ ߟߊ߫ ߟߊ߲ߘߊ߫ ߟߊߘߏ߲߬ߣߍ߲ ߠߎ߫ ߟߋ߬ ߘߌ߫ ߡߊ߬ߣߋ߲߬ߞߊ߬ߟߊ߫، ߓߊߏ߬ ߡߊ߲߬ߘߋ߲߫ ߞߊ߬ ߛߊ߲߬ ߃߀ ߡߍ߲ ߞߍ߫ ߛߎߡߊߏߙߏ߫ ߟߊ߫ ߡߊ߬ߙߊ ߞߣߐ߫ ߁߂߀߅ ߣߌ߫ ߁߂߃߅ ߕߍߟߊ ߘߐ߫ ߸ ߛߎߡߊߏߙߏ߫ ߞߵߊ߬ߟߎ߬ ߞߘߊߡߊ߫ ߞߎ߬ߙߎ߲߬ߘߎ߬ ߜߍ߬ߟߍ߲߬ ߛߘߍߡߊ߲߫ ߠߋ߬ ߟߊ߫ ߛߊ߲߬ ߃߀ ߏ߬ ߞߎ߲߬ߕߊ߮ ߘߐ߫، ߛߏ߲߬ߖߘߊ߫ ߞߊ߬ ߛߎߡߊߏߙߏ߫ ߟߊ߫ ߛߊ߬ߙߌ߬ߦߊ߬ ߜߍߟߍ߲ ߏ߬ ߟߋ߫ ߛߌߦߊߡߊ߲ ߕߏ߫ ߊ߬ ߡߊ߬، ߓߊ ߊ߬ ߞߊ߬ ߛߊ߲߬ ߈ ߡߍ߲ ߞߴߊ߬ ߞߎ߲߬ߝߍ߬ ߝߎ߲ߘߌ ߘߐ߫ ߖߡߊ߬ߣߊ߬ ߛߏߡߐ߯ߦߊߣߍ߲ ߞߎߣߎ߲ߣߍ߲ ߞߘߐ ߟߎ߬ ߢߊߝߍ߬ ߸ ߊ߬ ߞߵߊ߬ ߟߐ߲ ߏ߬ ߘߐ߫ ߞߏ߫ ߖߡߊ߬ߣߊ߬ ߟߊ߬ߛߓߊ߬ߕߌ߬ߟߊ ߛߌ߫ ߕߴߛߋ߫ ߢߊ߬ ߟߊ߫ ߛߎߡߊߏߙߏ߫ ߟߊ߫ ߞߘߊ߬ߜߟߍ߬ߦߊ߬ ߛߊߙߌߦߊ ߟߎ߬ ߞߐ߫ ߝߋߎ߫ ، ߓߊߏ߬ ߡߌ߬ߙߌ߲߬ߘߌ ߡߙߊ߬ ߢߊ ߦߋ߫ ߞߟߌ ߡߍ߲ ߞߍ߫ ߟߊ߫ ߞߏ߫ ( ߓߘߍ߬ߓߘߍ߬ߟߌ )، ߊߙߊߓߎ ߞߊ߲ ߘߐ߫ ߸ ( ߛߌ߬ߦߊ߯ߛߊ ) ߝߊ߬ߙߊ߲ߛߌ߬ ߞߊ߲ ߘߐ߫ ( ߔߏ߬ߟߌ߬ߕߌߞ ) ߏ߬ ߞߘߐ ߟߋ߬ ߞߏ߫ ߞߊ߬ ߞߘߊ߬ߜߟߍ߬ߦߊ ߞߍ߫ ߡߌ߬ߙߌ߲߬ߘߌ ߟߊ߫ ߊ߬ ߣߝߊ߬ ߛߌߟߊ ߟߎ߬ ߕߊ߯ߡߊ ߘߐ߫ ߘߌߦߊߜߏߦߊ ߟߊ، ߤߊߟߌ߫ ߊ߰ ߝߐ߫ ߡߍ߲ ߞߍ߫ ߟߊ߫ ߞߏ߫ ߞߊ߬ ߘߋ߲ߣߍ߲ ߡߊߓߘߍ߬ߓߘߍ߬ ߸ ߏ߬ ߞߘߐ߫ ߟߋ߬ ߞߏ߫ ߞߊ߬ ߘߋ߲ ߞߘߊߡߴߊ߬ ߟߊߢߊ߬ ߞߏ߫ ߟߎ߬ ߟߊ߫ ߝߊ߲߬ߞߊ ߟߊ߫ ، ߊ߬ ߣߌ߫ ߞߵߊ߬ ߓߐ߫ ߊ߬ ߣߌ ߛߊ߬ߥߏ ߟߎ߫ ߞߊ߲߬ ߸ ߡߍ߲ ߠߎ߬ ߡߊ߲߫ ߘߴߊ߬ ߟߊ߫، ߓߊ ߞߏ– ߏ- ߞߏ߬ ߘߌߡߊ߲ ߘߋ߲ߣߍ߲ ߢߍ߫ ߸ ߏ߬ ߛߌ߫ ߡߊ߲ ߘߴߊ߬ ߟߊ߫، ߡߍ߲-ߍ-ߡߍ߲ ߘߌߡߴߊ߬ ߟߊ߫ ߸ ߏ߬ ߛߌ߫ ߡߊ߲߫ ߘߴߊ߬ ߢߍ߫، ߡߌ߬ߙߌ߲߬ߘߌ ߝߣߊ߫ ߕߋ߲߬ ߠߋ߬ ، ߏ߬ ߘߐ߫ ߸ ߝߊ߲߬ߡߊ߫ ߞߘߊ߬ߜߍ߬ߟߍ߲ ߕߋߟߋ߲ߣߍ߲ ߠߋ߬ ߘߐߙߐ߲ ߘߌ߫ ߛߋ߫ ߡߌ߬ߙߌ߲߬ߘߌ ߟߊߕߋߟߋ߲ ߠߴߊ߬ ߣߝߊ߬ ߛߌߟߊ ߟߎ߫ ߞߊ߲߬، ߊ߬ ߣߌ߫ ߞߵߊ߬ ߜߍ߲߫ ߊ߬ ߕߙߐ߫ ߞߏ ߟߎ߬ ߡߊ߬ ߖߊ߯ߟߌߞߊ ߟߊ߫، ߒ߬ߓߊ߬ ߛߏ߲߬ߖߘߊ߫ ߞߊ߬ ߓߘߍ߬ߓߘߍ߬ߟߌ ߤߊ߲ߞߟߌߡߦߊ߫ ߛߌߟߊ ߏ߬ ߟߋ߫ ߕߊ߯ߡߊ߫ ߸ ߞߊ߬ ߞߘߊ߬ߜߟߍ߬ߦߊ ߞߍ߫ ߛߍߥߊ ߣߌ߫ ߢߊߞߘߐߘߌߦߊ ߘߝߊߣߍ߲ ߕߍߡߊ߬، ߓߊߏ߬ ߛߏ߲߬ߖߘߊ߫ ߞߵߊ߬ ߝߊ߰ߡߎ߲ ߠߋ߬ ߸ ߞߏ߫ ߕߎ߬ߢߊ ߘߐ߫ ߸ ߘߏ߲߬ߛߏ߬ߦߊ ߓߘߊ߫ ߡߊ߬ߣߋ߲߬ߞߊ ߟߊߖߊߝߏ߫ ߓߊߏ߬ ߛߊ߲ߖߌ߫ ߞߎߣߊ ߣߊ߬ ߟߏ߲ ߡߍ߲ ߦߋ߫ ߛߣߍ߬ ߓߊ߯ߙߊ ߘߊߡߌ߬ߣߊ߬ ߟߏ߲ ߢߌߡߊ ߘߌ߫ ߸ ߏ߬ ߟߋ ߛߏ߬ߓߏ ߟߎ߫ ߛߋ߲߬ ߣߐ ߦߋ߫ ߟߏ߲ ߘߌ߫ ߸ ߞߊ߬ ߘߏ߲߬ߛߏ ߟߎ߬ ߟߛߊߙߌ߫ ߥߊ߭ ߟߊ߫ ، ߏ߬ ߟߋ ߞߏߛߐ߲߬ ߸ ߞߐ߲ߞߐ ߟߋ߬ ߕߘߍ߬ ߡߊ߲߬ߘߋ߲ ߞߘߊߎ߫، ߛߎߡߊߏߙߏ߫ ߣߊ߬ ߡߊ߲߬ߘߋ߲ ߡߙߊ߬ ߟߊ ߸ ߊ߬ ߛߐ߰ ߘߊ߫ ߘߏ߲߬ߛߏ߬ ߖߡߊ ߦߙߌߞߊ ߟߊߘߐ߯ߦߊ ߟߋ߫ ߡߊ߬ ߸ ߞߵߊ߬ ߕߏ߫ ߟߎߓߊ ߓߍ߯ ߕߊ߫ ߣߊ߫ ߢߌߣߌ߲ߠߊ߫ ߁-߁ ߡߊ߬ ߸ ߞߊ߬ ߖߊ߬ߡߊ ߕߐ߭ ߞߘߊߡߊ߫ ߛߍ߬ߣߍ ߟߊ߫، ߝߏ߫ ߞߊ߬ ߓߋ߭ ߕߋ߬ ߟߎ ߓߍ߯ ߞߘߐ߫ ߞߊ߬ ߓߍ߯ ߕߊ ߓߍ߲߬ ߊ߬ ߟߊ߫ ߖߊ߬ߡߊ ߤߊߞߍ ߡߊ߬، ߞߊ߬ ߡߊ߲߬ߘߋ߲ ߓߍ߯ ߟߊߞߌ߬ߛߍ߬ߦߊ߬ ߘߌߦߊߜߏߦߊ ߟߊ߫ ، ߛߏ߲߬ߖߘߊ߫ ߞߊ߬ ߛߎߡߊߏߙߏ߫ ߟߊ߫ ߡߐ߰ ߟߊ߬ߞߌ߬ߛߍ߬ߦߊ߬ ߛߊߙߌߦߊ ߏ߬ ߟߋ ߕߴߊ߬ ߢߊ߫ ߓߘߍ߫ ߡߊ߬، ߒ߬ߞߊ߬ ߛߎߡߊߏߙߏ߫ ߕߘߍ߬ ߊ߬ ߟߊ߫ ߖߡߊ߬ߙߌ߬ ߜߍߟߍ߲ ߠߎ߬ ߝߐ߫ ߡߍ߲ ߞߍ߫ ߟߊ߫ ߞߘߊ߬ߜߟߍ߬ߦߊ߬ ߞߊ߲ ߘߐ߫ ߞߏ߫ ߊߟߎ߫ ߣߌ߲߬ ߞߍ߫ ߜߏߦߊߜߏߦߊ ߟߊ߫ ߸ ߛߏ߲߬ߖߘߊ߫ ߕߘߍ߬ ߊ߬ ߕߊ ߏ߬ ߟߋ߫ ߝߐ߫ ߟߊ߫ ߞߘߊ߬ߣߐ߰ߦߊ߬ ߞߊ߲ ߘߐ߬ ߸ ߞߏ߫ ߊߟߎ߫ ߣߌ߲߬ ߞߍ߫ ߘߌߦߊߜߏߦߊ ߟߊ߫، ߏ߬ ߟߋ߫ ߞߏߛߐ߲߬ ߡߊ߲߬ߘߋ߲߫ ߗߍ߬ߡߐ߮ ߟߎ߫ ߕߘߍ߬ ߛߏ߲߬ߖߘߊ߫ ߞߏߝߐ߫ ߢߊ ߞߍ߫ ߟߊ߫ ߊ߬ߟߎ߬ ߟߊ ߝߙߍߡߊ߫ ߓߊߘߏ ߟߎ߬ ߘߐ߫ ߟߋ߬ ߞߏ߫ ( ߛߎߡߊߏߙߏߣߍ߲ ߞߊ߲ ߘߌߡߊ߲) ߏ߬ ߘߏ߲߬ ߞߘߐ߫ ߟߋ߬ ߸ ߞߏ߫ ߛߏ߲߬ߖߘߊ߫ ߣߌ߫ ߛߎߡߊߏߙߏ߫ ߓߍ߯ ߞߢߊߡߊ߲ ߠߋ߬ ߡߊ߲ߛߊ߬ߦߊ ߞߘߊ߬ߜߟߍ߬ߦߊ ߘߐ߫ ߖߐ߲، ߒ߬ߞߊ߬ ߛߏ߲߬ߖߘߊ߫ ߟߋ߬ ߞߎ߬ߛߊ߲߬ ߊ߬ ߕߊ ߟߎ߬ ߢߊߝߐ߫ ߟߊ߫ ߞߊ߲ߘߌߡߊ߲ߣߍ߲ ߣߌ߫ ߞߘߊ߬ߣߐ߰ߦߊ߬ ߞߊ߲ ߘߐ߫، ߊ߬ ߣߴߊ߬ ߛߋߣߍ߲ ߊ߬ ߟߊ߫ ߞߎ߬ߙߎ߲߬ߘߎ߬ ߜߍߟߍ߲ ߠߎ߬ ߟߊߛߋ߫ ߞߏ߫ ߢߌߡߊ ߞߍ߫ ߟߊ߫ ߛߐ߲߬ ߸ ߞߊ߬ ߖߊ߬ߡߊ ߟߊߝߊ߰ߡߎ߲ ߊ߬ߟߎ߬ ߞߘߐ߫ ߣߴߊ߬ߟߎ߬ ߡߎߣߊ߲ߝߊ߲ ߠߊ߫ ߖߛߎ߬ߡߊ߬ߣߐ ߘߝߊߣߍ߲ ߘߐ߫ ߘߍ߰ߡߎ߲ ߠߎ߬ ߘߐ߫ ( ߞߐ߲ߝߋߙߊ߲ߛ ߞߊ߬ߣߌ߲ ) .
ߛߏ߲߬ߖߘߊ߫ ߟߊ߫ ߞߎ߬ߙߎ߲߬ߘߎ ߟߎ߬ ߦߙߌߞߊ
ߤߊߟߌ߫ ߓߌ߬ ߸ ߓߍ߲߬ ߡߊ߫ ߞߍ߫ ߛߏ߲߬ߖߘߊ߫ ߞߎ߬ߙߎ߲߬ߘߎ߫ ߕߋ߬ߣߍ߲ ߠߎ߬ ߦߙߌߞߊ ߡߊ߬. ߓߊ ߘߝߐ߬ߦߊ߬ߟߊ ߘߏ߫ ߟߎ߫ ߞߊ߲ ߞߏ߫ ߛߊ߬ߙߌ߬ߦߊ ߡߍ߲ ߓߍ߯ ߟߊߘߊ߲ ߘߊ߫ ߛߏ߰ߟߏ߲ ߡߊ߲ ߓߟߏ߫ ߊ߬ ߟߊ߫ ߡߊ߲߬ߛߊ߬ߦߊ ߛߊ߲߬ ߡߎ߬ߥߊ߲ ߞߎ߲߬ߕߊ߮ ߞߘߐ߫ ߸ ߞߴߏ߬ ߡߎ߰ߡߍ ߕߘߍ߬ ߛߊ߬ߙߌ߬ߦߊߓߏߟߏ߲ ߁߂߀ ߠߋ߬ ߘߌ߫، ߘߏ߫ ߟߎ߫ ߝߣߊ߫ ߞߊ߲߫ ߞߏ߫ ߁߅߀ ߟߋ߬ ߕߘߍ߬، ߘߏ߫ ߟߎ߫ ߝߊ߲߭ ߕߊ߫ ߝߐߟߌ ߘߐ߫ ߸ ߊ߬ߟߎ߬ ߡߊ߫ ߁߂߀ ߓߐ߫، ߘߏ߫ ߟߎ߫ ߝߣߊ߫ ߦߴߊ߬ߟߎ߬ ߦߙߌߞߊ ߟߊߛߌߦߊߦߊ߫ ߟߊ߫ ߁߅߀ ߘߌ߫، ߒߠߋ ߞߏ߬ߣߌ߲ ߡߴߏ߬ ߢߊߘߐߜߍ߫ ߖߐ߲ߖߐ߲ ߟߐ߲، ߞߊ߬ߕߎ߲߯ ߸ ߛߓߍߟߌߓߊߟߌߦߊ ߡߊ߬ ߸ ߊ߬ ߝߊ߲߬ߓߊ ߓߊ߲ ߘߊ߫ ߕߎߣߎ߲ ߠߊ߫ ߟߋ߬، ߓߊ ߒߠߋ ߡߊ߫ ߡߐ߰ ߛߌ߫ ߦߋ߫ ߡߎߣߎ߲߬ ߸ ߛߊ߬ߙߌ߬ߦߊ߬ߓߏߟߏ߲ ߂߀ ߘߝߊߣߍ߲ ߘߙߎ߬ߛߌ߬ߣߍ߲ ߡߍ߲ ߓߟߏ߫. ߖߋ߬ߟߌ ߡߍ߲ ߠߎ߫ ߣߵߊ߬ ߓߍ߯ ߘߙߎ߬ߛߌ ߞߊ߫ ߞߊ߲ ߸ ߏ߬ ߟߎ߬ ߡߊ߫ ߝߏߦߌ߬ ߟߐ߲߫ ߊ߬ ߘߐ߫، ߓߊ ߏ߬ ߟߎ߬ ߡߴߊ߬ߟߎ߫ ߘߐ߰ߘߏ߲߬ ߊ߬ ߟߊ߫ ߝߋߎ߫، ߞߵߏ߬ ߞߎ߲߭ ߞߍ߫ ߞߏ߫ ߝߌ߬ߟߊ߬ ߘߌ߫، ߏ߬ ߟߎ߬ ߝߟߍ߫ ߣߌ߲߬:
ߊ) ߏ߬ ߟߎ߬ ߝߟߐ ߡߍ߲ ߘߌ߫ ߸ ߖߋ߬ߟߌ ߟߎ߬ ߡߴߊ߬ߟߎ߬ ߟߊ߫ ߡߎߣߊ߲ߝߊ߲߫ ߛߌ߫ ߦߋ߫ ߛߊ߬ߙߌ߬ߦߊ ߟߎ߬ ߡߊߘߊ߲ ߘߐ߫، ߓߊ ߛߊ߬ߙߌ߬ߦߊ߬ ߢߊ߬ߝߐ߬ ߛߌߦߊߡߊ߲ ߠߋ߫ ߣߊ߬ ߟߊ߫ ߕߎ߬ߢߊ߬ ߜߍ߬ߟߍ߲߬ ߝߐ ߘߌ߫ ߞߎ߲߬ߕߌ߯ ߕߋߟߋ߲ߓߊߟߌ ߢߣߊ߫ ߸ ߡߍ߲ ߕߴߊ߬ ߝߍ߬ ߞߊ߬ ߕߊ߯ߡߊ߫ ߛߊ߬ߙߌ߬ߦߊ߬ ߛߌߟߊ߫ ߞߊ߲߬، ߖߋ߬ߟߌ ߟߎ߫ ߘߏ߲߬ ߦߴߊ߬ ߝߍ߬ ߟߋ߬ ߸ ߞߊ߬ ߓߍ߯ ߘߌߦߊߣߊ߲ ߞߊ߲ ߢߊߝߐ߫ ߊ߬ ߢߣߊ߫ ߸ ߛߴߊ߬ߟߎ߬ ߘߌ߫ ߓߍ߯ ߓߏߟߏߝߋ߲ ߛߐ߬ߘߐ߲߬ ߊ߬ߟߎ߫ ߛߊ߬ߥߏ ߟߊ߫.
ߋ) ߊ߬ ߞߎ߲߭ ߂߲ ߡߍ߲ ߘߌ߫ ߸ ߖߋ߬ߟߌ ߟߎ߫ ߖߍ߬ߘߍ ߟߋ߬ ߞߊ߬ ߡߊ߲߬ߘߋ߲ ߛߊ߬ߙߌ߬ߦߊ ߟߎ߬ ߡߊߛߐ߬ߛߐ߬ ߸ ߞߵߊ߬ߟߎ߫ ߖߍ߲߬ߞߍ߫ ߊ߬ߟߎ߫ ߡߊ߬ ߝߊ߯ߙߌ߫. ߓߊ ߊ߬ߟߎ߫ ߞߊ߬ ߢߡߊ߬ߞߟߊ ߕߐ߭ ߓߍ߯ ߣߌ߭ ߟߎ߬ ߣߴߊ߬ߟߎ߫ ߟߐ߬ߦߌߟߊ ߟߎ߫ ߡߌ߬ߘߵߊ߬ߟߎ߬ ߟߊ߫ ߟߋ߬، ߞߊ߬ߕߎ߲߯ ߸ ߊ߬ߟߎ߬ ߘߴߊ߬ߟߎ߬ ߛߊ߲ߘߐ߫ ߢߡߊߞߟߊ ߟߎ߬ ߕߙߊ߫ (ߣߊߟߌ߬ߡߎ߲߫ ߣߎ߬ߡߎ߲ ߠߎ߬ ߣߌ߫ ߛߡߐ߬ߣߐ ߟߎ߬ ߘߌ߫) ߊ߬ߟߎ߫ ߘߏ߲߬ ߕߍ߫ ߛߐ߲߬ ߊ߬ߟߎ߫ ߘߎ߰ߟߊ߬ ߢߡߊߞߟߊ ߟߎ߬ ߛߐ߫ ߟߊ߫ ߸ (ߣߊߟߌ߬ߡߎ߲߫ ߝߌ߬ߣߊ ߟߎ߬ ߣߌ߫ ߞߊߙߊ߲ߞߋ ߟߎ߬ ߘߌ߫) ߝߏ߫ ߞߵߏ߬ ߟߎ߫ ߟߐ߬ߦߌߟߊ ߣߴߊߟߎ߫ ߣߌ߭ ߟߎ߫ ߓߏ߬ߛߴߊ߬ߟߎ߬ ߟߊ߫. ߏ߬ ߟߎ߬ ߤߊߞߍ ߕߐ߭ ߟߎ߬ ߓߍߣߊ߬ ߡߊߘߊ߲ ߞߐߟߊ߫ ߝߙߍߕߍ߫ ߁߁߈ ߘߐ߫ ߸ ߣߌ߫ ߛߊ߲ ߓߟߌ߫ ߡߊ߯ߙߌ ߛߐ߲߬ ߘߊ߬ . ߏ߬ ߓߍ߯ ߞߐ߫ ߸ ߖߋ߬ߟߌ ߡߍ߲ ߓߊ߯ ߘߏߣߍ߲ ߞߊ߬ߙߊ߲߬ ߞߎ߬ߙߊ߬ߣߊ ߘߐ߫ ߸ ߏ߬ ߞߋߟߋ߲߫ ߘߌ߫ ߕߏ߫ ߖߋ߬ߟߌ߬ߦߊ߬ ߣߌ ߣߌ߫ ߡߏߙߌߦߊ߫ ߣߌ ߓߍ߯ ߕߊ߬ ߟߊ߬ ߝߘߎ߫ ߛߘߌ ߟߎ߬ ߣߌ߫ ߘߋ߲ ߠߊߓߐ ߟߎ߬ ߣߌ߫ ߓߊߘߍ ߟߎ߬ ߘߐ߫ ߸ ߊ߬ ߣߌ߫ ߖߡߊ߬ ߟߊ߬ߘߍ߬ ߞߏ ߓߍ߯ ߘߐ߫. ߏ߬ ߟߋ߫ ߓߍ߯ ߞߊ߬ ߖߋ߬ߟߌ ߟߎ߫ ߘߐ߰ߓߐ ߡߊ߲߬ߘߋ߲ ߛߊ߬ߙߌ߬ߦߊ ߢߊߢߌߣߌ߲ ߠߊ߫. ߊ߬ߟߎ߬ ߡߊ߫ ߡߊ߲߬ߘߋ߲ ߞߎ߬ߙߎ߲߬ߘߎ ߟߎ߬ ߟߐ߲߫ ߠߋ߬ ߘߍ߯، ߤߊߟߌ߬ ߒߠߋ ߣߊ߬ ߘߊ߲ߘߐߣߍ߲ ߡߍ߲ ߠߎ߬ ߟߐ߲ ߠߴߊ߬ߟߎ߬ ߘߐ߫ ߣߌ߫ ߒߞߍߕߐ߫ ߊ߬ߟߎ߬ ߡߊߘߊ߲߫ ߠߴߊߟߎ߫ ߢߍ߫ ߣߌ߲߬ ߸ ߒߠߋ ߞߵߏ߬ ߓߍ߯ ߞߊ߬ߙߊ߲߬ ߕߏ߲ߕߌ߯ ߗߍߡߐ߮ ߟߎ߫ ߟߋ߬ ߝߍ߬، ߒߠߋ ߝߊ߲߭ ߞߍ߫ ߘߊ߫ ߛߊ߬ߙߌ߬ߦߊ߬ ߞߏ߫ ߣߌ߲߬ ߞߊ߬ߟߊߡߊ߬ ߞߎ߬ߟߋ ߟߎ߬ ߟߊ߫ ߞߏ ߢߊߢߌߣߌ߲ ߠߋ߬ ߘߐ߫، ߊ߬ߟߎ߬ ߓߐߣߍ߲ ߡߊ߲߬ߘߋ߲߫ ߞߎ߲߭ ߡߍ߲ ߠߊ߫ ߞߊ߬ߣߌ߲߬، ߒ ߠߊ߫ ߡߐ߰ ߢߌ߬ߣߌ߲߬ߞߊ߬ߕߊ ߘߏ߫ ߟߋ߫ ߞߵߊ߬ ߝߐ߫ ߒ ߢߍ߫ ߏ߬ ߘߐ߫ ߞߏ߫ ߌ ߕߍ߫ ߞߎ߬ߟߋ ߟߎ߬ ߓߐ߫ ߢߊ ߟߐ߲߫ ߝߋߎ߫ ߸ ߝߏ߫ ߌ ߓߊ߯ ߞߙߎߞߊ߲ߝߎߥߊ߫ ߞߎ߬ߙߎ߲߬ߘߎ ߟߎ߫ ߞߊ߬ߙߊ߲߬.
ߘߝߐ߬ߦߊ߬ߟߊ ߓߍ߯ ߓߍ߲߬ߣߴߊ߬ ߡߊ߬ ߸ ߞߏ߫ ߛߊ߬ߙߌ߬ߦߊ ߝߊ߲߬ߓߊ ߟߊߘߊ߲߫ ߘߊ߫ ߞߙߎߞߊ߲ߝߎߥߊ߫ ߜߊ߬ߙߊ ߟߋ߬ ߘߐ߫، ߞߏ߫ ߞߏ߬ߣߌ߲߬ ߸ ߜߙߊ߬ ߜߘߍ߫ ߟߎ߫ ߞߍ߫ ߘߊ߫ ߢߊ߬ߣߌ߲߬ߓߊ߫ ߸ ߞߊ߬ ߞߊ߯ߓߊ߫ ߞߎ߬ߙߎ߲߬ߘߎ ߘߏ߫ ߟߎ߫ ߟߊߓߋ߬ ߸ ߞߊ߬ ߘߏ߫ ߟߎ߫ ߡߊߝߊ߬ߟߋ߲߬ ߊ߬ ߣߌ߫ ߞߊ߬ ߞߎߘߊ߫ ߜߘߍ߫ ߟߎ߫ ߝߙߵߊ߬ߟߎ߫ ߞߊ߲߬، ߒ߬ߓߊ߬ ߊ߲ ߞߊ߬ ߡߍ߲ߣߍ߲ ߠߎ߬ ߟߐ߲ ߡߊ߲߬ߘߋ߲ ߛߊ߬ߙߌ߬ߦߊ ߘߐ߫ ߸ ߊߟߴߊߟߎ߫ ߕߟߏߡߊߟߐ߬ ߸ ߊ߲ ߛߋߣߍ߲ ߏ߬ ߟߎ߫ ߟߋ߬ ߡߊߘߊ߲ ߡߊ߫ ߣߌ߲߬:
ߛߌ߰ߘߊ ߝߟߐ: ߣߊ߲ߝߟߏ߬ ߞߏ ߟߊߕߊ߯ߡߊ߫ ߢߊ
ߛߊ߬ߙߌ߬ߦߊ߬ߓߏ߬ߟߏ߲߬ ߝߟߐ ߥߟߊ߫ ߞߎ߬ߙߎ߲߬ߘߎ ߝߟߐ:
ߡߊ߲߰ ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߜߐ߬ߛߐ߲߬ߞߐ ߣߌ߫ ߝߐߢߐ߲ߞߐ ߣߌ߫ ߜߏߦߊߢߍ ߣߌ߫ ߞߍ߬ߟߍ ߓߍ߯ ߞߎ߲߭ ߦߋ߫ ߞߏ߫ ߛߊ߬ߓߊ ߢߌ߲߬ ߠߎ߬ ߘߏ߫ ߟߋ߬ ߘߌ߫. (ߝߋ߲ ߞߏ، ߟߐ߬ߦߌ߬ߟߊ߬ ߞߏ ߊ߬ ߣߌ߫ ߢߐ߲߯ ߕߊߦߋߓߊߟߌߦߊ) ߞߴߏ߬ ߘߐ߫ ߸ ߊ߲ ߧߋ߫ ߛߐ߰ ߟߊ߫ ߕߦߊ ߟߋ߬ ߝߟߐ ߡߊ߬ ߞߎ߬ߙߎ߲߬ߘߎ߬ ߟߊߘߊ߲ ߢߌ߲߬ ߘߐ߫ ߸ ߞߏ߫ ߡߊ߲߬ߘߋ߲߫ ߞߣߐ߫ ߡߎ߬ߕߎ߲߬ ߸ ߡߐ߰ ߕߊ߫ ߓߍ߫ ߌ ߛߎ߲ ߓߍ ߦߋ߫ ߝߋ߲ ߟߏ߯ߟߎ ߢߌ߲߬ ߠߎ߫ ߟߋ߬ ߘߌ߫: ((ߌ ߞߊ߬ ߝߋ߲ ߡߍ߲ ߛߐ߬ߘߐ߲߬ ߓߊ߯ߙߊ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߗߍ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߛߊ߲ߠߌ ߣߌ߫ ߝߊ߬ߟߋ߲߬ߒߡߊ ߘߐ߫، ߌ ߞߊ߬ ߡߍ߲ ߛߐ߬ߘߐ߲߬ ߛߐߟߌ ߘߐ߫، ߊ߬ ߣߴߌ ߞߊ߬ ߡߍ߲ ߛߐ߬ߘߐ߲߬ ߟߐ߲ߞߏ ߜߍߘߐߕߊ ߘߐ߫.))
ߛߊ߬ߙߌ߬ߦߊ߬ߓߏߟߏ߲ ߝߌߟߊߣߊ߲:
ߞߏ߫ ߡߐ߰ ߘߏ߲߬ ߓߊ߯ ߞߍ߫ ߝߋ߲ ߛߐ߬ߘߐ߲߬ ߠߊ߫ ߞߏ߫ ߟߏ߯ߟߎ ߏ߬ ߝߋ߲- ߋ-ߝߋ߲ ߘߐ߫ ߸ ߌ ߦߴ ߌ ߘߐߖߊ߬ ߟߋ߬ ߞߙߊߕߊߕߊ߫ ߸ ߡߐ߰ ߜߘߍ߫ ߦߋ߫ ߞߍ߫ ߝߋ߲ ߏ߬ ߛߐ߬ߘߐ߲ ߞߊ߬ߟߊߡߊ߬ ߌ ߓߟߏ߫ ߟߋ߬ ߛߋ߲ߛߋߘߋ߲، ߣߌ߫ ߡߐ߰ ߛߌ߫ ߡߊ߫ ߞߏߟߐ߲ ߡߍ߲ ߛߐ߬ߘߐ߲ ߘߐ߫ ߸ ߏ߬ ߕߊ߬ߕߐ ߟߵ ߌ߬ ߕߦߊ ߟߊ߫ ߡߎߣߎ߲߬ ߛߊ߬ߣߌ ߡߐ߰ ߜߘߍ߫ ߦߴߊ߬ ߡߞߊߣߌ߲߫. ߣߌ߫ ߘߊ߬ߟߎ߬ ߖߐ߲ߖߐ߲ ߘߏ߲߬ ߦߴߊ߬ ߡߞߊߣߌ߲ߓߊ߮ ߏ߬ ߝߍ߬ ߸ ߊ߲ ߘߴߊ߬ ߡߌ߬ߘߵ ߌ ߟߊ߫ ߞߵߊ߬ ߘߴߏ߬ ߡߊ߬ ߘߏߦߌ߲߫.
ߛߊ߬ߙߌ߬ߦߊ߬ߓߏߟߏ߲ ߛߓߊߣߊ߲:
ߞߏ߫ ߝߋ߲ ߛߐ߬ߘߐ߲߬ ߢߊ߬ ߅ ߣߌ߲߬ ߓߐ߲߯ߕߍ߫ ߸ ߊ߬ ߛߐ߬ߘߐ߲ ߕߐ߭ ߓߍ߯ ߖߌߖߎ߮ ߟߋ߬ ߘߌ߫، ߢߐ߲߯ ߖߌߖߎ߯ ߟߊߞߎߣߎ߲ ߛߎ߯ߦߊ ߓߍ߯ ߘߏ߲߬ ߟߊߕߐ߲ߣߍ߲ ߠߋ߬ ߜߘߋߜߘߋ߫، ߏ߬ ߟߎ߫ ߟߋ߬ ߛߏ߲߬ߧߊ߬ߟߌ ߣߌ߫ ߓߋ߲߬ߒ߬ߞߊ߲ߣߌ߲ ߣߌ߫ ߞߊ߲ߛߏ߲ ߣߌ߫ ߞߝߊ ߣߌ߫ ߞߊ߬ߙߏ߲ ߣߌ߫ ߡߊ߬ߣߡߊ߬ߙߊ߬ߟߌ ߣߌ߫ ߣߊ߲ߞߊ߬ߡߎ߲߬ߣߊ߲ߞߊߡߎ߲ ߠߎ߬ ߘߌ߫، ߣߊ߲ߞߊ߬ߡߎ߲߬ߣߊ߲ߞߊߡߎ߲ ߠߋ߬ ߝߋ߲ ߡߌ߬ߘߊ ߘߌ߫ ߢߐ߲߮ ߠߊ߫ ߛߏ߬ߝߘߊ߬ߓߋ ߣߌ߫ ߛߏ߬ߖߌ߬ߓߐ ߣߌ߫ ߛߍ߬ ߡߙߎ ߣߴߊ߬ ߢߐ߲߰ߘߐ߫ ߓߟߏߟߊߡߌߘߊ ߞߏ ߟߋ߬ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߣߊߣߌ߲ߣߊ߲:
ߞߏ߫ ߛߏ߲߭ ߘߍ߬ߒ߬ߞߏ߬ߡߊ߬ߢߐ߲߮ ߣߴߊ߬ ߓߟߏߟߊߡߌߘߟߊ ߓߍ߯ ߦߋ߫ ߛߏ߲߭ ߠߋ߬ ߘߌ߫، ߏ߬ ߟߎ߬ ߓߍ߯ ߦߋ߫ ߡߌ߬ߘߊ߬ ߟߊ߫ ߢߊ߫ ߁ ߠߋ߫ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߅߲:
ߞߏ߫ ߛߏ߲߬ߧߊ߬ߟߌ ߡߊߕߊ߲ߞߊ ߛߌߟߊ ߝߍ߬ ߸ ߡߍ߲ ߓߊ߯ ߝߋ߲ ߡߐ߬ߟߐ߲߬ߡߊ ߛߊ߲ߕߊ ߦߋ߫ ߘߏ߫ ߓߟߏ߫ ߘߊߛߎ ߟߊ߫ ߸ ߏ߬ ߦߴ ߏ߬ ߝߛߍ߬ߝߛߍ߫ ߟߋ߬ ߞߵߊ߬ ߟߐ߲ ߣߴߊ߬ ߛߏ߲߬ߧߊ߬ߣߍ߲ ߕߍ߫، ߓߊ߬ߙߌ߬ ߣߴߊ߬ ߞߵ ߏ߬ ߛߊ߲߬ ߕߋ߲߬ ߸ ߊ߬ ߓߘߊ߫ ߞߍ߫ ߛߏ߲߭ ߓߟߏߟߊߡߌߘߟߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߆߲:
ߞߏ߫ ߛߏ߲߬ߧߊ߬ߟߌ ߡߊߕߊ߲ߞߊ ߛߌߟߊ ߝߍ߬ ߸ ߡߍ߲ ߓߊ߯ ߝߋ߲ ߘߏ߫ ߛߌߘߌ߲ ߸ ߏ߬ ߕߊ߫ ߕߍ߫ ߞߍ߫ ߟߴߏ߬ ߘߌ߫ ߘߋ߬، ߊ߬ ߦߋ߫ ߥߊߟߴߏ߬ ߡߊߟߐ߬ ߟߊ߫ ߛߏߕߌ߮ ߟߋ߬ ߟߊ߫، ߏ߬ ߦߴߊ߬ ߞߟߋߞߟߋߡߊߦߟߍ ߞߍ߫ ߊ߬ ߣߌ߫ ߞߵ ߊ߬ ߘߣߊߟߊ߫ ߘߊ߲ߘߎ߮ ߟߎ߬ ߟߊ߫، ߣߴߊ߬ ߞߍ߫ ߘߊ߫ ߝߋ߲ ߕߌߢߍ߫ ߘߌߡߊ߲ ߘߌ߫ ߸ ߛߏߕߌ߮ ߟߋ߬ ߘߌ߫ ߛߴߏ߬ ߘߊߥߎ߲ ߠߊ߫ ߥߟߊ߫ ߞߵߊ߬ ߟߊߘߤߊ߬ ߊ߬ ߛߌߘߌ߲ߓߊ߮ ߢߍ߫.
ߛߊ߬ߙߌ߬ߦߊ߬ߓߏߟߏ߲ ߇߲:
ߣߌ߫ ߝߋ߲ ߠߊߡߙߊ߬ߕߊ ߛߌߘߌ߲ ߘߊ߫ (ߛߊߣߌ߲، ߓߌߦߊ߲، ߝߊ߰ߣߌ߲، ߡߎ߬ߙߊ߲) ߏ߬ ߦߋ߫ ߘߣߊߟߊ߫ ߛߊ߲߬ ߄ ߞߘߐ߫، ߣߴߊ߬ ߕߌ߰ ߡߊ߫ ߦߋ߫ ߝߋߎ߫ ߸ ߊ߬ ߓߘߊ߫ ߞߍ߫ ߛߎߘߋ ߘߌ߫، ߛߎߘߋ߫ ߘߏ߲߬ ߦߋ߫ ߛߏ ߓߍ߯ ߘߍ߭ ߟߋ߬ ߘߌ߫، ߊ߬ ߕߍ߫ ߞߍ߫ ߟߊ߫ ߞߎ߲߬ߕߌ߮ ߟߎ߬ ߣߌ߫ ߞߏߟߊߕߍ߮ ߟߎ߬ ߣߌ߫ ߢߓߊ ߟߎ߫ ߘߎ߲߬ߘߎ߬ߡߊ߫ ߘߌ߫ ߘߋ߬.
ߛߊ߬ߙߌ߬ߦߊ߬ߓߏߟߏ߲ ߈߲:
ߣߌ߫ ߛߎߘߋ ߕߌ߱ ߣߊ߬ ߘߊ߬ ߦߋ߫ ߊ߬ ߘߊߥߎ߲ߣߍ߲ ߞߐ߫ ߸ ߛߏ ߓߍ߯ ߟߋ߫ ߘߍ߬ ߟߊ߫ ߞߴߏ߬ ߖߎ߬ߟߎ ߛߙߊ߬ ߸ ߦߏ߫ ߊ߬ߟߎ߫ ߘߍ߬ ߘߴߊ߬ ߘߊߥߎ߲߫ ߠߊ߫ ߢߊ ߡߍ߲.
ߛߊ߬ߙߌ߬ߦߊ߬ߓߏߟߏ߲ ߉߲:
ߣߌ߫ ߡߐ߰ ߞߋߟߋ߲ ߥߟߊ߫ ߡߐ߰ ߘߊ߲ߘߐ߫ ߡߍ߲ ߞߊ߬ ߛߎߘߋ ߘߊߥߎ߲߫ ߛߏ ߢߌ߬ߣߊߡߊ߬ ߸ ߞߵߏ߬ ߟߎ߫ ߛߏ߲߬ ߡߌߘߊ ߞߍ߫ ߊ߬ߟߎ߬ ߦߴߊ߬ ߛߙߊ߬ ߜߏߦߊߜߏ߬ߦߊ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߁߀߲:
ߞߏ߫ ߣߌ߫ ߞߐ߲ߞߕߐ ߘߏ߲߬ ߘߊ߫ ߥߊߟߌ߫ ߛߣߍ ߘߐ߫ ߊ߬ ߕߌ߮ ߞߐ߫ ߸ ߏ߬ ߘߌ߫ ߛߋ߫ ߛߣߍ߬ߝߋ߲ ߘߏ߫ ߘߊߥߎ߲߫ ߠߊ߫ ߛߍ߬ߣߍ ߘߐ߫ ߦߋ߲߬ ߸ ߞߵߊ߬ ߢߊ߬ߙߊ ߣߴߊ߬ ߝߊ߬ߘߊ ߟߎ߬ ߟߊߘߍ߫ ߛߣߍ߬ ߕߌ߮ ߟߊ߫ ߕߏ߯ ߘߊ ߟߊ߫، ߞߏ߬ߣߵߊ߬ ߞߊߣߊ߬ ߝߏߦߌ ߕߊ߬ ߞߊ߬ ߥߴߊ߬ ߘߌ߫ ߦߙߐ߫ ߛߌ߫.
ߛߊ߬ߙߌ߬ߦߊ߬ߓߏߟߏ߲ ߁߁߲:
ߣߌ߫ ߡߍ߲ ߞߵߊ߬ ߓߊߙߌ߲ߣߞߊ ߟߎ߬ ߓߟߏߝߋ߲ ߛߏ߲߬ߧߊ߬ ߸ ߏ߬ ߣߵߊ߬ ߕߊ ߟߋ߫ ߕߊ߬ ߟߊ߫ ߏ߬ ߘߌ߫، ߞߕߌ߫ ߛߌ߫ ߕߴߏ߬ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߁߂߲:
ߞߏ߫ ߊ߲ ߧߋ߫ ߢߐ߲߮ ߖߌߖߎ߮ ߡߊߕߊ߲ߞߊ߬ ߓߊ߯ߙߊߢߐ߲߯ߦߊ ߘߐ߫، ߏ߬ ߘߐ߫ ߣߌ߫ ߡߍ߲ ߡߐ߰ߢߐ߲߮ ߞߊ߬ ߓߊ߯ߙߊ ߞߴߊ߬ ߢߍ߫ ߛߊ߬ߙߊ ߟߊ߫ ߸ ߓߊ߯ߙߊ ߓߊ߯ ߓߊ߲ ߢߊߡߍ߲ ߊ߬ ߦߴߊ߬ ߛߊ߬ߙߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߃߲:
ߣߌ߫ ߡߐ߰ ߓߊ߲߫ ߘߊ߫ ߓߊ߯ߙߊ ߡߍ߲ ߛߊ߬ߙߊ ߡߌ߬ߘߊ߬ ߟߊ߫ ߸ ߌ ߦߴߏ߬ ߞߍ߫ ߟߋ߬ ߛߍߣߍ߲߬ ߘߋ߬، ߊ߬ ߘߏ߲߬ ߦߋ߫ ߞߴߊ߬ ߕߌ߱ ߢߣߊ߫ ߕߎߡߊ ߟߋ߬ ߟߊ߫، ߊ߬ ߞߊߣߊ߬ ߡߊߓߌ߬ߟߊ߬ ߝߋߎ߫.
ߛߊ߬ߙߌ߬ߦߊ߬ߓߏߟߏ߲ ߁߄߲:
ߞߏ߫ ߓߊ߯ߙߊ ߢߐ߲߯ߦߊ ߛߌߟߊ ߝߍ߬ ߸ ߣߌ߫ ߡߍ߲ ߞߊ߬ ߓߌߦߊ߲ ߓߌߘߌ߲ߕߊ ߞߊ߬ߙߌ߬ߝߊ߫ ߡߐ߱ ߘߏ߫ ߟߊ߫ ߸ ߊ߬ ߟߊߡߙߊ߬ߓߊ߮ ߕߊ ߟߋ߬ ߝߍ߬ߣߍ ߣߌ߫ ߣߐߣߐ ߓߍ߯ ߘߌ߫، ߊ߬ ߦߋ߫ ߟߊ߬ߡߙߊ߬ߟߌ ߖߐ߲߰ߣߍ߲ ߠߎ߬ ߓߐ߫ ߟߊ߫ ߏ߬ ߟߎ߫ ߟߋ߬ ߘߐ߫، ߏ߬ ߞߐ߫ ߸ ߓߌߦߊ߲ ߓߊ߯ ߘߋ߲ ߣߊ߯ߣߌ߲ ߛߐ߬ߘߐ߲߬ ߞߏߕߊ߲߫ ߸ ߊ߬ ߟߊߡߙߊ߬ߓߊ߮ ߕߊ ߟߋ߬ ߄߲ ߘߌ߫ ߸ ߡߍ߲ ߛߐ߬ߘߐ߲߬ߕߐ߫ ߞߐ ߟߊ߫ ߞߊ߬ߣߌ߲߬، ߣߌ߫ ߓߌߦߊ߲ ߡߍ߲ ߕߍ߫ ߓߌߘߌ߲ߕߊ߫ ߘߌ߫ ߸ ߏ߬ ߟߊߡߙߊ߬ߓߊ߮ ߕߊ ߟߋ߬ ߘߋ߲߫ ߃߲ ߘߌ߫، ߣߌ߫ ߛߌ߬ߛߍ ߟߋ߬ ߥߟߊ߫ ߞߊ߬ߡߌ߲ ߤߊߡߊ߲ߕߍ߫ ߞߣߐ߬ ߛߎ߰ ߜߘߍ߫ ߸ ߊ߬ ߟߊߡߙߊ߬ߓߊ߮ ߦߋ߫ ߘߏ߫ ߛߐ߬ߘߐ߲߬ ߊ߬ ߓߎ߰ ߞߋߟߋ߲ ߓߍ߯ ߘߐ߫. ߣߴߊ߬ ߥߟߌ߬ ߘߊ߫ ߘߋ߲ ߄ ߘߌ߫ ߸ ߊ߬ ߟߊ߫ ߡߙߊ߬ߓߊ߮ ߕߊ߫ ߞߋߟߋ߲، ߣߌ߫ ߛߋߦߌ߲ ߠߋ߬ ߸ ߊ߬ ߕߊ߫ ߂، ߣߌ߫ ߁߂ ߟߋ߬ ߸ ߊ߬ ߕߊ ߛߓߊ߬. ߣߌ߫ ߓߌߦߊ߲ ߠߊߡߙߊ߬ߕߊ ߛߊ߬ ߘߊ߫ ߸ ߞߊ߬ ߡߐ߰ ߟߊߞߍ߫ ߊ߬ ߞߊ߬ߟߊߡߊ߬ ߸ ߡߍ߲ ߣߴߊ߬ ߕߌ߱ ߛߘߎ߬ߡߊ߲߬ ߓߊߘߋ߲ߧߊ ߘߐ߫ ߥߟߊ߫ ߕߋߙߌߦߊ ߘߐ߫ ߤߊߡߊ߲ߕߍ߫ ߟߊ߲ߒߠߦߊ ߘߐ߫.
ߛߐߟߌ، ߥߊߟߌ߫ ߢߌߡߊ، ߛߌ߲ߞߊߟߌ، ߖߎ߬ߟߎ، ߘߐ߲ߘߐߟߌ
ߛߊ߬ߙߌ߬ߦߊ߬ߓߏߟߏ߲ ߁߅߲:
ߞߏ߫ ߡߍ߲ ߓߴ ߌ ߛߐ߫ ߝߌߛߙߌ ߟߊ߫ ߸ ߌ ߝߣߊ߫ ߦߴߏ߬ ߛߐ߫ ߟߏ߲߫ ߜߘߍ߫، ߊ߬ ߣߌ߫ ߞߵߊ߬ ߕߊ߲߬ߘߏ߬ ߞߵߊ߬ ߖߊ߲ߛߊ߫ ߊ߬ ߟߊ߫ ߢߊ߱ ߟߎ߬ ߘߐ߫. ߛߊ߲ߘߊ ߞߊ߲߫ ߏ߬ ߟߋ߫ ߡߊ߬ ߞߏ߫: ߥߊߟߌ߫ ߢߌߡߊ ߡߊ߫ ߕߏ߫ ߕߊ߲߬ߘߏ߬ ߛߏ߫ ߸ ߊ߬ ߡߊ߫ ߕߏ߫ ߢߐ߲߯ ߛߏ߫ ߸ ߛߏ߲߭ ߓߘߊ ߥߴ ߌ ߗߍ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߆߲:
ߞߏ߫ ߣߌ߫ ߡߍ߲ ߞߊ߬ ߓߊ߯ߙߊ ߞߴ ߌ ߢߍ߫ ߥߊߟߌ߫ ߢߌߡߊ ߟߊ߫ ߸ ߌ ߝߣߊ߫ ߦߴߏ߬ ߞߐ߲ߘߐ߲ ߞߏ߫ ߢߌߡߊ߫ ߞߍ߫ ، ߛߊ߲ߘߊ ߞߊ߲ ߏ߬ ߟߋ߫ ߡߊ߬ ߞߏ߫ : (( ߞߵ ߊ߬ ߝߐ߫ ߒߕߋߙߌ߫ ߓߍ߫ ߡߐ߰ ߘߌ߫ ߸ ߒߕߋߙߌ߫ ߓߍ߫ ߡߐ߰ ߘߌ߫ ߸ ߌߟߋ ߖߍ߬ߘߍ ߞߊߣߊ߬ ߞߍ߫ ߥߘߊ߫ ߘߌ߫ ߘߋ߬)) .
ߛߊ߬ߙߌ߬ߦߊ߬ߓߏߟߏ߲ ߁߇߲:
ߣߌ߫ ߡߍ߲ ߕߏ߫ ߘߊ߫ ߞߣߐߘߐߘߌߦߊ ߞߍ߫ ߟߴ ߌ ߢߍ߫ ߛߐ߲߬ ߸ ߌ ߝߣߊ߫ ߦߋ߫ ߕߴߏ߬ ߟߊߘߌߦߟߊ߫ ߛߐ߲߬، ߛߊ߲ߘߊ ߞߊ߲ ߏ߬ ߟߋ߫ ߡߊ߬ ߞߏ߫ ((ߘߋ߲ߣߍ߲߫ ߞߣߐߘߐߘߌ ߟߋ߬ ߓߏ߭ ߕߌߡߊ߲߫))
ߛߊ߬ߙߌ߬ߦߊ߬ߓߏߟߏ߲ ߁߈߲:
ߞߏ߫ ߘߐ߲ߘߐߟߌ ߣߌ߫ ߖߎ߬ߟߎ ߣߌ߫ ߛߌ߲ߞߊߟߌ ߟߎ߫ ߦߋ߫ ߞߏ߫ ߟߋ߬ ߘߌ߫ ߸ ߡߍ߲ ߦߋ߫ ߛߌ߱ ߣߌ߫ ߓߊߘߋ߲ߧߊ ߣߌ߫ ߟߊ߬ߡߐ߰ߦߊ ߓߍ߯ ߘߐߘߌߦߊ߫ ߟߊ߫، ߞߏ߬ߣߌ߲߬ ߞߵߊ߬ߟߎ߬ ߓߐ߫ ߊ߬ߟߎ߬ ߛߌߟߊ߫ ߓߘߍ ߟߎ߫ ߟߋ߬ ߝߍ߬ ߘߋ߬، ߛߌߟߊ ߏ߬ ߟߎ߬ ߝߟߐ ߟߋ߬ ߸ ߞߊ߬ ߡߐ߰ ߜߘߍ߫ ߟߊߞߍ߫ ߊ߬ ߓߍ߯ ߞߊ߬ߟߊߡߊ߬ ߟߋ߬ ߛߙߋߦߊ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߉߲:
ߞߏ߫ ߞߊ߬ ߛߙߋߦߊ ߞߍ߫ ߖߎ߬ߟߎ ߟߊ߫ ߟߋ߬ ߕߘߋ߫، ߞߏ߫ ߣߌ߫ ߡߍ߲ ߝߊ߲߭ ߟߊߒߣߦߊ ߘߐ߯ߦߊ߫ ߘߊ߫ ߸ ߓߟߏߡߊ ߦߋ߫ ߞߴߏ߬ ߟߊ߫ ߸ ߥߟߊ߫ ߕߏ߬ߟߌ߬ߡߊ߬ߛߌ߮ ߤߊߡߊ߲ߕߍ߫ ߕߣߐ߬ߡߊ߬ߛߌ߮.
((ߒߞߏ ߘߐ߫)): ߕߏ߬ߟߌ߬ߡߊ߬ߛߌ߮ ߦߋ߫ ߝߋ߲߫ ߠߋ߬ ߛߌ߰ߣߍ߲ ߘߌ߫ ߖߎ߬ߟߎ ߞߎ߲߬ߞߘߐ߫ ߸ ߡߍ߲ ߛߐ߲߬ߞߐ ߓߏ߲߬ߓߊ߫ ߖߎ߬ߟߎ ߖߍ߬ߘߍ ߘߌ߫ ، ߏ߬ ߞߎ߲߭ ߠߋ߬ ߸ ߣߌ߫ ߖߟߎ߬ߡߍ߬ߣߍ߲߬ߕߐ ߡߊߣߊ߬ ߖߎ߬ߟߎ ߛߙߊ߬ ߛߕߊ ߡߊ߫ ߸ ߕߏ߬ߟߌ߬ߡߊ߬ߛߌ߮ ߘߌ߫ ߓߊ߲ߖߏ߬ ߘߊߛߎ ߟߊ߫ ߞߊ߬ ߖߟߎ߬ߡߍ߬ߣߍ߲߬ߕߌ߮ ߕߊ ߘߴߊ߬ ߡߊ߬. ߥߟߊ߫ ߕߏ߬ߟߌ߬ߡߊ߬ߛߌ߮ ߦߋ߫ ߕߏ߫ ߖߟߎ߬ߡߍ߬ߣߍ߲ߕߌ߮ ߓߟߏ߫ ߘߊߛߎ ߟߊ߫.
ߕߣߐ߬ߡߊ߬ߛߌ߮ ߦߋ߫ ߝߋ߲ ߕߣߐ߬ߡߊ ߘߌ ߟߋ߬ ߘߌ߫ ߖߎ߬ߟߎ ߞߎ߲߬ߞߘߐ߫. ߖߟߎ߬ߡߍ߬ߣߍ߲߬ߕߌ߮ ߦߋ߫ ߕߏ߫ ߊ߬ ߕߣߐ߬ߓߐ߫ ߟߊ߫ ߛߊߣߌ ߖߎ߬ߟߎ ߛߙߊ߬ ߕߍ߫، ߦߏ߫ ߛߣߍ߬ߞߍ߫ ߣߛߌ ߣߌ߫ ߣߛߌ߬ ߓߌߘߌ߲ߕߊ ߣߌ߫ ߘߏ߬ߣߌ߲߬ߕߊ߬ ߝߊߟߌ.
ߛߊ߬ߙߌ߬ߦߊ߬ߓߏߟߏ߲ ߂߀߲:
ߞߏ߫ ߣߌ߫ ߡߐ߱ ߛߌ߰ ߘߊ߫ ߕߣߐ߬ ߡߊ߬ ߸ ߏ߬ ߓߊ߯ߙߊ ߛߙߊ ߦߋ߫ ߕߏ߫ ߕߍ߰ ߟߊ߫ ߖߎ߬ߟߎ ߟߊ߫ ߝߎߚߎ߫ ߝߏ߫ ߖߎ߬ߟߎ ߦߋ߫ ߓߊ߲ ߛߙߊ߬ ߟߊ߫، ߓߊ߬ߙߌ߬ ߏ߬ ߛߊ߬ߙߊ ߦߋ߫ ߞߍ߫ ߓߊ߯ߙߊߘߋ߲߫ ߓߘߍ ߛߊ߬ߙߊ ߕߊߟߊ߲ߒߕߍ ߟߋ߬ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߂߁߲:
ߞߏ߫ ߣߌ߫ ߕߏ߬ߟߌ߬ߡߊ߬ߛߌ߰ ߓߌߦߊ߲ ߝߊ߰ ߘߊ ߸ ߏ߬ ߓߐ߬ߣߐ ߦߴߊ߬ ߕߌ߱ ߟߋ߫ ߞߎ߲߬ ߸ ߡߍ߲ ߞߵ ߊ߬ ߘߌ߫ ߖߎ߬ߟߎ ߞߎ߲߬ߞߘߐ߫، ߓߊ ߤߊߟߴߊ߬ ߓߊ߯ ߞߴߊ߬ ߖߍ߬ߘߍ ߓߟߏ߫ ߊ߬ ߘߌ߫ ߝߊ߰.
ߛߊ߬ߙߌ߬ߦߊ߬ߓߏߟߏ߲ ߂߂߲:
ߞߏ߫ ߜߙߐ߬ߞߐ ߦߋ߫ ߞߏ߫ ߖߎ߯ߓߊ߫ ߟߋ߬ ߘߌ߫ ߖߟߎ߬ ߞߏ߫ ߘߐ߫، ߏ߬ ߘߐ߫ ߸ ߊ߬ ߕߍ߫ ߓߍ߲߬ ߓߊߘߋ߲ߧߊ ߣߌ߫ ߛߌ߰ߢߐ߲߰ߦߊ ߘߐ߫ ߝߋߎ߫، ߓߊ ߊ߬ ߦߋ߫ ߟߊ߬ߡߐ߰ߦߊ ߜߏߦߊ߫ ߟߊ߫ ߟߋ߬، ߏ߬ ߞߏߛߐ߲߬ ߡߐ߰ ߞߊ߫ ߜߙߐ߬ߞߐ߬ ߖߟߎ ߘߏ߲߬ ߸ ߡߐ߰ ߞߴߊ߬ ߕߊ߫ ߞߣߐ߬ߘߐ߬ߝߟߌ߫ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߂߃߲:
ߞߏ߫ ߣߌ߫ ߕߍ߯ߜߍߟߍ߲ ߤߌߣߊߓߊߟߌ ߡߍ߲ ߗߋ ߞߍ߫ ߘߊ߫ ߜߙߐ߬ߞߐ߬ ߖߟߎ߬ߘߏ߲ ߘߌ߫ ߸ ߥߟߊ߫ ߕߊ߬ߣߊ ߞߍ߫ ߘߊ߫ ߖߟߎ߬ߘߏ߲ ߣߌ߫ ߘߐ߲ߘߐߟߌ ߣߌ߫ ߛߐߟߌ ߣߌ߫ ߛߌ߲ߞߊߟߌ ߟߎ߬ ߘߌ߫ ߸ ߞߎ߲߬ߞߏ߬ ߕߴߏ߬ ߡߊ߬ ߸ ߒ߬ߞߊ߬ ߣߴߊ߬ ߡߊ߲ߜߏ߬ߦߊ߬ ߘߴߊ߬ ߛߌ߰ߢߐ߲߮ ߠߎ߬ ߓߟߏ߫ ߞߵߊ߬ ߟߊ߫ ߞߏ ߟߎ߬ ߘߐߜߏߦߊ߫ ߸ ߊ߬ ߣߌ߫ ߞߵߊ߬ߟߎ߬ ߘߐߜߟߍ߬ߦߊ߫ ߸ ߞߎ߲߬ߞߏ߬ ߕߴߊ߬ ߛߌ߰ߢߐ߲߮ ߠߎ߬ ߝߣߊ߫ ߡߴߏ߬ ߘߐ߫ ߘߋ߬، ߓߊ ߡߍ߲ ߓߴߊ߬ ߛߋ߲߬ ߞߋߟߋ߲ ߛߊߙߌ߫ ߞߊ߲ ߞߍ߫ ߞߏ߫ ߒߕߍ߫ ߡߐ߱ ߟߎ߬ ߕߊ ߘߐ߫ ߸ ߏ߬ ߦߴߊ߬ ߕߐ߬ ߞߋߟߋ߲ ߛߊߙߌ߫ ߞߊ߲ ߞߍ߫ ߞߏ߫ ߡߐ߱ ߟߎ߬ ߝߣߊ߫ ߕߍ߫ ߒߕߊ߫ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߂߄߲:
ߞߏ߫ ߡߍ߲ ߓߊ߯ ߊ߬ ߓߊ߲߬ ߖߎ߬ߟߎ ߞߊ߲߬ ߸ ߞߵߏ߬ ߞߘߊߡߊ߫ ߊ߬ ߦߴߊ߬ ߛߊ߬ߙߊ ߟߋ߬ ߕߋߘߋ߫.
ߛߊ߬ߙߌ߬ߦߊ߬ߓߏߟߏ߲ ߂߅߲:
ߞߏ߫ ߘߐ߲ߘߐߟߌ ߣߌ߫ ߖߎ߬ߟߎ ߓߍ߯ ߦߋ߫ ߛߙߵߊ߬ߟߎ߬ ߛߕߊ ߟߋ߬ ߡߊ߬ ߖߐ߫.
ߛߊ߬ߙߌ߬ߦߊ߬ߓߏߟߏ߲ ߂߆߲:
ߞߏ߫ ߘߐ߲ߘߐߟߌ ߞߊߣߊ߬ ߦߟߍ߬ߡߊ߲ ߖߎ߬ߟߎ ߘߌ߫ ߢߊ-ߊ-ߢߊ ߡߊ߬.
ߛߊ߬ߙߌ߬ߦߊ߬ߓߏߟߏ߲ ߂߇߲:
ߞߏ߫ ߞߊ߬ ߛߌ߲ߞߊ ߟߊߛߊ߬ߦߌ߬ ߖߏߣߊ߫، ߛߌ߲ߞߊ ߘߏ߲߬ ߞߊߣߊ߬ ߘߏ߲߬ ߛߌ߲ߞߊ߫ ߘߐ߫، ߡߐ߰ ߘߏ߲߬ ߞߊߣߊ߬ ߟߊߥߟߌ߬ ߝߋ߲ ߕߌ߮ ߘߊߞߘߐߓߐ ߡߊ߬ ߕߎ߬ߡߊ ߓߍ߯ ߛߌ߲ߞߊߟߌ߫ ߛߌߦߊߡߊ߲ ߠߊ߫. ߣߌ߫ ߛߓߍ߬ߣߊ߲߬ ߡߐ߮ ߕߍߣߊ߬ ߢߊ߰ ߝߋ߲ ߡߍ߲ ߞߐ߫ ߸ ߊ߰ ߏ߬ ߘߏ߫ ߢߌߣߌ߲߫ ߠߊ߫ ߟߋ߬ ߸ ߞߊ߬ ߝߘߊ߫ ߛߌ߲ߞߊߟߌ ߛߌߦߊߡߊ߲ ߠߊ߬، ߞߏ߫ ߣߌ߫ ߛߌ߲ߞߊߟߌ߫ ߝߋ߲ ߕߌߢߍ߫ ߘߊ߫ ߥߟߴߊ߬ ߕߎߣߎ߲߫ ߘߊ߫ ߡߍ߲ ߓߟߏ߫ ߸ ߏ߬ ߦߴߊ߬ ߛߙߊ߬، ߝߏ߫ ߣߴߊ߬ ߕߌ߱ ߘߌ߬ߢߍ߬ ߘߊ߫ ߢߊ߰ߙߊ߬ߒߞߋ ߡߍ߲ ߢߍ߫، ߓߊ ߞߡߊ߬ߙߊ߬ߒߞߋ ߕߍ߫ ߛߐ߲߬ ߝߋ߲ ߛߎ߮ ߏ߬ ߕߌ߱ ߟߊ߫ ߘߌ߬ߢߍ ߡߊ߬ ߞߏ߫-ߏ-ߞߏ߫ ߢߍ߫.
ߛߊ߬ߙߌ߬ߦߊ߬ߓߏߟߏ߲ ߂߈߲:
ߞߏ߫ ߓߌߦߊ߲ ߟߊߡߙߊ ߛߌߟߊ ߝߍ߬ ߸ ߣߌ߫ ߡߍ߲ ߞߊ߬ ߓߌߦߊ߲ ߟߴߊ߬ ߘߋ߲ߡߛߏ ߞߊ߲߬ ߞߵߊ߬ ߘߌ߫ ߗߍ߬ ߡߊ߬ ߸ ߥߟߊ߫ ߣߊ߲߬ߝߟߏ߬ ߛߎ߰ ߜߘߍ߫، ߡߏ߬ߛߏ ߕߊ ߟߵߊ߬ ߟߊ߫ ߣߊ߲߬ߝߟߏ ߘߌ߫، ߝߏ߫ ߣߴߊ߬ ߘߌ߬ߢߍ߬ ߘߊ߫ ߞߊ߬ ߡߍ߲ ߘߴߊ߬ ߗߍ߬ ߡߊ߬، ߓߊ߬ߙߌ߬ ߣߌ߫ ߗߍ߭ ߟߋ߬ ߓߌߦߊ߲ ߟߊߘߊ߬ߙߏ߬ ߟߊ߫ ߸ ߏ߬ ߕߎ߬ߡߵߊ߬ ߘߋ߲ ߗߍ߬ߡߊ߲ ߠߎ߬ ߘߌ߫ ߞߍ߫ ߗߍ߭ ߕߊ ߘߌ߫ ߸ ߞߊ߬ ߡߛߏ߬ߡߊ߲ ߠߎ߬ ߞߍ߫ ߡߏ߬ߛߏ ߕߊ ߘߌ߫، ߓߊ߬ߙߌ߬ ߣߌ߫ ߗߍ߬ߡߊ߲ ߛߌߦߊߦߊ߫ ߘߊ߫ ߓߌߦߊ߲ ߘߋ߲ ߛߓߊߢߐ߲߮ ߘߌ߫ ߸ ߏ߬ ߓߍ߯ ߕߴߛߋ߫ ߕߏ߫ ߟߊ߫ ߗߍ߭ ߓߟߏ߫، ߓߊ ߊ߬ ߣߌ߭ ߡߊ߲ ߞߊ߲߫ ߞߊ߬ ߕߊ߬ߡߌ߲߬ ߃ / ߁߭ ߠߊ߫ ߝߋߎ߫. ߣߌ߫ ߓߌߦߊ߲ ߘߏ߲߬ ߣߊ߬ ߘߊ߫ ߡߛߏ߬ߡߊ߲ ߜߊ߲ߛߊ߲ ߛߐ߬ߘߐ߲߬ ߸ ߛߓߊߢߐ߲߯ ߞߋߟߋ߲ ߦߋ߫ ߘߌ߫ ߗߍ߭ ߡߊ߬، ߓߊ ߊ߬ ߓߟߏߞߏߟߏ߲ ߜߍ ߕߴߛߋ߫ ߕߏ߫ ߟߴߊ߬ ߘߐ߫ ߕߋ߲߬ ߛߏߘߊ߫، ߒ߬ߓߊ߬ ߣߌ߫ ߝߘߎ ߞߍ߫ ߘߊ߫ ߛߊ߬ ߝߋ߲ ߘߌ߫ ߸ ߡߏ߬ߛߏ ߣߴߊ߬ ߟߊ߫ ߣߊ߲߬ߝߟߏ ߘߌ߫ ߕߊ߯ ߛߐߍ߫.
ߝߘߎ ߣߌ߫ ߝߘߎߝߋ߲ ߠߎ߬
ߛߊ߬ߙߌ߬ߦߊ߬ߓߏߟߏ߲ ߂߉߲:
ߛߊ߲ߏ߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߞߊ߬ ߝߘߎߝߋ߲ ߡߊߓߍ߲߬، ߊ߬ ߕߘߍ߬ ߣߛߌ߬ ߕߊ߲ ߡߍ߲ ߘߌ߫ ߸ ߊ߬ ߞߵߏ߬ ߓߐ߫ ߊ߬ ߡߊ߬ ߝߋߎ߫ ߸ ߞߵߊ߬ ߕߏ߫ ߣߛߌ߬ ߃ ߡߊ߬، ߞߏ߫ ߣߛߌ߬ ߞߋߟߋ߲ ߦߋ߫ ߘߋ߲ ߝߊ ߕߊ ߘߌ߫، ߞߋߟߋ߲ ߦߋ߫ ߘߋ߲ ߣߊ ߕߊ ߘߌ߫، ߊ߬ ߕߐ߬ ߞߋߟߋ߲ ߦߋ߫ ߘߋ߲ߡߛߏ߫ ߘߎ߲߬ߘߎ߬ߡߊ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߃߀߲:
ߞߏ߫ ߘߋ߲ߡߛߏ ߓߘߊߡߐ߮ ߟߎ߬ ߟߊߘߌߦߊ߫ ߝߋ߲ ߞߏ ߛߌߟߊ ߝߍ߬ ߸ ߓߍߣߐ߯ ߣߌ߫ ߓߊߘߋ߲ ߣߌ߫ ߣߊ߫ ߛߌ߬ߣߊ ߣߌ߫ ߝߘߎ߫ ߕߊ߯ߡߊ ߟߎ߬، ߏ߬ ߓߍ߯ ߣߌ߭ ߦߋ߫ ߞߍ߫ ߝߋ߲ ߓߘߎߓߘߎ ߟߎ߫ ߟߋ߬ ߘߌ߫ ߸ ߝߊ߰ߣߌ߲ ߣߌ߫ ߥߏ߬ߙߏ ߣߌ߫ ߞߐ߱ ߟߎ߬ ، ߞߣߵߏ߬ ߝߋ߲ ߣߌ߭ ߞߊߣߊ߬ ߞߍ߫ ߓߌߦߊ߲ ߘߌ߫ ߸ ߊ߬ ߞߊߣߊ߬ ߞߍ߫ ߓߌߦߊ߲߫ ߛߐ߲ߞߐ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߃߁߲:
ߞߏ߫ ߣߌ߫ ߓߌߦߊ߲ ߖߊ߲ߞߊߙߏ ߘߏ߲߬ ߘߊ߫ ߖߡߊ߬ߣߊ ߞߣߐ߫ ߞߵߊ߬ ߘߊ ߜߟߍ߬ߦߊ߬ ߞߏߖߎ߯ߦߊ߫ ߸ ߗߍ߬ߡߐ߮ ߟߎ߬ ߘߌ߫ ߛߋ߫ ߘߏ߫ ߓߐ߫ ߟߊ߫ ߝߘߎ߫ ߣߛߌ ߦߙߌߞߊ ߟߊ߫، ߣߌ߫ ߓߌߦߊ߲ ߠߎ߬ ߓߎ߯ ߘߊ߫ ߕߎ߲߯ ߸ ߝߘߎߝߋ߲ ߘߌ߫ ߘߝߊ߫ ߣߛߌ߬ ߃ ߟߊ߫، ߓߊ߬ߙߌ߬ ߝߘߎ ߡߍ߲ ߠߎ߬ ߞߍ߫ ߘߊ߫ ߘߏߓߐ߲ߒߣߊ ߕߎ߬ߡߊ ߟߊ߫ ߸ ߏ߬ ߟߎ߬ ߘߝߊ ߕߍ߫ ߛߙߊ߬ ߟߊ߫ ߡߎ߬ߕߎ߲ ߘߋ߬، ߣߌ߫ ߝߘߎ ߘߏ߲߬ ߞߍ߫ ߘߊ߫ ߛߊ߬ߕߊ ߘߌ߫ ߸ ߣߊ߲߬ߝߟߏ ߓߍ߬ߙߍ ߡߍ߲ ߓߐߣߍ߲ ߓߊ߯ ߞߍ߫ ߸ ߏ߬ ߟߋ ߦߋ߫ ߟߊߛߊ߬ߦߌ߬.
ߛߊ߬ߙߌ߬ߦߊ߬ߓߏߟߏ߲ ߃߂:
ߞߏ߫ ߝߘߎߝߋ߲ ߣߌ߬ߛߌ ߘߌ߫ ߛߋ߫ ߛߙߊ߬ ߟߊ߫ ߛߊ߱ ߣߌ߫ ߓߊ߭ ߘߐ߫، ߣߛߌ߬ ߞߋߟߋ߲ ߦߋ߫ ߛߊ߰ ߄ ߘߌ߫ ߥߟߊ߫ ߓߊ߬ ߄ ߘߌ߫ ߤߊߡߊ߲ߕߍ߫ ߛߊ߰ ߂ ߣߌ߫ ߓߊ߬ ߂.
ߛߊ߬ߙߌ߬ߦߊ߬ߓߏߟߏ߲ ߃߃߲:
ߞߏ߫ ߝߘߎߝߋ߲ ߦߋ߫ ߞߍ߫ ߓߌߦߊ߲ ߣߌ߫ ߝߊ߰ߣߌ߲ ߣߌ߫ ߛߣߍ߬ߝߋ߲ ߠߋ߬ ߘߌ߫، ߊ߬ ߞߊߣߊ߬ ߞߍ߫ ߛߊߣߌ߲ ߣߌ߫ ߞߐ߰ ߜߊ߲ߛߊ߲ ߘߌ߫ ߥߟߊ߫ ߝߋ߲ ߡߍ߲ ߕߍ߫ ߛߐ߬ߘߐ߲߬ ߠߊ߫ ߕߎ߬ߡߊ ߓߍ߯ ߣߌ߫ ߦߌߟߊ ߓߍ߯ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߃߄߲:
ߞߏ߫ ߝߘߎߝߋ߲ ߖߊ߬ߕߋ ߡߍ߲ ߟߊߕߍ߰ߣߍ߲ ߥߊ߯ߕߌ ߡߍ߲ ߠߊ߫ ߸ ߡߐ߰ ߘߌ߫ ߛߋ߫ ߘߏ߫ ߓߐ߫ ߟߴߏ߬ ߟߊ߫ ߤߌߣߊ߫ ߓߟߏ ߡߊ߬ ߸ ߓߊ߬ߙߌ߬ ߡߍ߲ ߓߊ߯ ߘߏ߫ ߟߴߏ߬ ߞߊ߲߬ ߥߊߛߏ ߡߊ߬ ߥߟߊ߫ ߘߊ߰ߙߊ߬ߞߙߊ߫ ߡߊ߬ ߸ ߊ߬ ߣߌ߫ ߡߍ߲ ߓߊ߯ ߏ߬ ߡߌ߬ߘߊ߬ ߝߋ߲ߞߏߒߕߋߦߊ ߡߊ߬ ߸ ߡߐ߰ߓߊ ߟߎ߬ ߦߋ߫ ߞߏ߫ ߟߊߕߐ߲߫ ߏ߬ ߟߎ߬ ߟߊ߫، ߞߵߊ߬ߟߎ߬ ߘߐ߯ߦߊ ߞߵߊ߬ߟߎ߬ ߣߴߊ߬ߟߎ߬ ߟߊ߫ ߝߘߎ߫ ߛߐ߲ߞߐߟߐ߲ ߓߍ߯ ߟߊߡߊ߬ߟߏ߬ߦߊ߬ ߢߐ߯ߛߐ߫، ߊ߬ ߣߌ߫ ߞߵߊ߬ߟߎ߫ ߟߐ߬ ߛߏ ߟߊߘߊ߲ ߠߊ߫ ߓߌߦߊ߲ ߞߎ߲ߓߊߓߊ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߃߅߲:
ߞߏ߫ ߝߘߎߝߋ߲ ߝߊ߲߬ߞߋߟߋ߲ ߘߌ߫ ߛߋ߫ ߞߍ߫ ߟߊ߫ ߖߎ߬ߟߎ ߘߌ߫، ߓߊ߬ߙߌ߬ ߝߏ߫ ߖߎ߬ߟߎ ߏ߬ ߦߋ߫ ߛߙߊ߬ ߟߋ߬، ߞߏ߫ ߞߡߊ߬ߙߊ߬ߒߞߋ ߝߊ߲߭ ߘߌ߫ ߛߊ߯ߡߍߦߴߊ߬ ߘߋ߲ߡߛߏ ߝߘߎߝߋ߲ ߓߍ߯ ߡߌ߬ߘߊ߬ ߟߊ߫ ߞߢߐ߫ ߡߊߟߐ ߢߍ߫ ߊ߬ ߣߌ߫ ߞߏ߫ ߤߙߐߞߍ ߝߣߊ߫ ߘߌ߫ ߡߊ߬ߟߏ߬ߦߴߊ߬ ߡߏ߬ߛߏ ߝߘߎߝߋ߲ ߖߟߎ߬ ߡߊ߬ߕߡߊߣߊ ߘߐ߫ ߝߏ߫ ߞߵߊ߬ ߛߋ߫ ߡߞߊ߬ߣߌ߲߬ߣߌ߲ ߘߐ߫ .
ߛߊ߬ߙߌ߬ߦߊ߬ߓߏߟߏ߲ ߃߆߲:
ߞߏ߫ ߣߌ߫ ߞߢߐߗߍ ߡߊ߫ ߕߘߍ߬ ߟߎ߫ ߘߐ߫ ߸ ߊ߬ ߦߋ߫ ߡߊߞߐ߬ߣߐ߲߬ ߞߊߙߏ߫ ߛߓߊ߬ ߟߊ߫، ߊ߬ ߢߐ߲߰ߘߐ߫ ߣߌ߫ ߞߢߐ߫ ߡߊߟߐ߫ ߖߌ߲߬ߓߊ߲ߖߌ߲ߓߊ߲ ߣߐ߬ ߞߍ߫ ߘߊ߫ ߗߍ߭ ߓߊ ߓߐ߫ ߟߴߊ߬ ߡߊ߬ ߸ ߛߴߏ߬ ߢߊߘߐߜߍ ߘߌ߫ ߟߐ߲߫، ߒ߬ߓߊ߬ ߣߴߊ߬ ߡߊ߫ ߞߏ-ߏ-ߞߏ߫ ߟߋ߬ ߣߐ߬ ߞߊߙߏ߫ ߛߊ߬ߓߊ ߞߘߐ߫ ߸ ߝߘߎ ߦߋ߫ ߓߟߏߞߊ߬، ߏ߬ ߟߋ ߝߌ߬ߛߊ߬ ߞߢߐ ߘߌߣߍ߲ ߘߌ߫ ߟߎ߫ ߡߊ߫ ߡߐ߯ ߜߘߍ߫ ߡߊ߬ ߸ ߞߊ߬ ߕߍߜߟߍߦߊ ߟߊߘߏ߲߬ ߟߎ ߞߣߐ߫.
ߛߊ߬ߙߌ߬ߦߊ߬ߓߏߟߏ߲ ߃߇:
ߣߌ߫ ߘߓߍ߬ߘߐ߬ߜߊߛߌ ߣߊ߬ ߘߊ ߗߍ߭ ߡߍ߲ ߛߐ߬ߘߐ߲߬ ߞߐ ߟߊ߫ ߥߟߊ߫ ߦߍ߬ߦߊ ߸ ߗߍ߭ ߣߴߊ߬ ߡߏ߬ߛߏ ߞߎ߲߬ߞߏ ߟߴߏ߬ ߘߌ߫، ߊ߬ߟߎ߬ ߓߍ߯ ߟߋ߬ ߘߍ߬ ߟߊ߫ ߞߵߏ߬ ߘߊ߲ߘߊ߫، ߣߌ߫ ߢߊ߫ ߡߊ߫ ߛߐ߬ߘߐ߲߬ ߗߍ߭ ߞߍ߲ߘߍߦߊ߫ ߞߏ߫ ߡߊ߬ ߝߋߎ߫ ߸ ߗߍ߭ ߦߋ߫ ߘߌ߬ߢߍ߬ ߞߊ߬ ߡߏ߬ߛߏ ߟߊߕߊ߬ߡߌ߲ ߓߊߘߋ߲ ߘߏ߫ ߡߊ߬ ߘߓߌ߬ ߘߐ߫، ߓߊ߬ߙߌ߬ ߘߋ߲ ߠߎ߬ ߦߋ߫ ߝߘߎߞߍ ߕߦߊ ߟߋ߬ ߟߊ߫ ߘߋ߬، ߓߊߏ߬ ߣߊ߲߬ߝߟߏ ߣߌ߫ ߥߙߏ߬ ߕߊ߲ ߠߋ߬ ߕߊ߫ ߦߋ߫ ߘߋ߲ ߘߌ߫ ߸ ߘߓߍ߬ ߘߐ߬ ߟߊߟߌ ߕߊ߫ ߕߍ߫، ߣߌ߫ ߦߟߌߘߐߜߊߛߌ ߝߣߊ߫ ߞߊ߬ ߡߏ߬ߛߏ ߛߐ߬ߘߐ߲߬ ߘߋ߲ߡߌߛߍ߲ߦߊ ߘߐ߫ ߥߟߊ߫ ߦߟߌߕߍ߯ ߖߏߣߊ ߸ ߏ߬ ߝߣߊ߫ ߣߴߊ߬ ߗߍ߬ ߞߎ߲߬ߞߏ ߟߴߏ߬ ߘߌ߫ ߸ ߊ߬ߟߎ߬ ߓߍ߯ ߟߋ߬ ߘߍ߬ ߟߊ߫ ߞߵߏ߬ ߘߊ߲ߘߊ߫، ߡߏ߬ߛߏ ߕߴߛߋ߫ ߟߊߓߐ߫ ߟߊ߫ ߓߏ߲ߣߊߛߌ ߘߐ߫ ߞߏ߬ߟߌ߬ߦߋ߬ߓߊߟߌߦߊ ߛߌ߰ ߝߌ߬ߟߊ ߏ߬ ߝߋ߲-ߋ-ߘߐ߫، ߝߏ߫ ߣߌ߫ ߡߏ߬ߛߏ ߡߍ߲ ߞߵߊ߬ ߖߘߍ߬ ߟߊߓߐ߫ ߊ߬ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߃߈߲:
ߞߏ߫ ߣߌ߫ ߛߎ߲ߞߎߘߎ߲ ߡߍ߲ ߡߊߟߐ߬ ߘߊ߫ ߞߵߊ߬ ߕߘߍ߬ ߊ߬ ߕߴ ߊߟߊ߫ ߛߌߟߊ ߘߐ߫ ߸ ߞߏ߫ ߦߋ߫ ߟߊߕߐ߲ ߞߢߐ߫ ߡߛߏ ߖߍ߬ߘߍ ߟߊ߫ ߸ ߊ߬ ߣߌ߫ ߗߍ߭ ߡߍ߲ ߞߵߊ߬ ߘߐߣߐ߯ ߸ ߊ߬ ߟߊߡߐ߬ߣߍ߲ ߡߏ߬ߛߏ ߡߍ߲ ߝߣߊ߫ ߓߟߏ߫ ߸ ߞߵߏ߬ ߟߊߘߐ߯ߦߊ ߞߊߕߌ߫، ߓߊ ߊ߬ ߡߊ߲ ߞߎ߬ߛߊ߲߬ ߘߋ߲ ߠߊߡߐ ߟߊ߫، ߓߊ߬ߙߌ߬ ߏ߬ ߕߴߛߋ߫ ߞߍ߫ ߟߊ߫ ߝߘߎ ߛߊ߬ ߞߎ߲ ߘߌ߫ ߡߛߏ߬ ߗߍ ߣߌ߫ ߘߋ߲ ߝߊ ߛߌ߫ ߓߟߏ߫.
ߛߊ߬ߙߌ߬ߦߊ߬ߓߏߟߏ߲ ߃߉߲:
ߞߏ߫ ߝߘߎ ߕߍߘߐߓߍ߲ ߛߌߟߊ ߝߍ߬ ߸ ߞߊ߬ ߞߢߐ ߞߎߘߊ ߞߐߡߐ߯ߦߊ ߞߊ߬ߙߌ߬ߝߊ ߛߌ߰ߢߐ߲߯ ߝߌ߬ߟߊ߬ ߟߊ߫ ߸ ߗߍ߬ ߞߋߟߋ߲ ߣߌ߫ ߡߛߏ߬ ߞߋߟߋ߲، ߏ߬ ߟߎ߬ ߦߋ߫ ߕߏ߫ ߞߢߐ ߣߴߊ߬ ߗߍ߬ ߟߊߟߌ߫ ߟߊ߫ ߝߐߢߐ߲ߞߐ߫ ߡߌߛߍ߲ ߠߎ߬ ߘߐ߫ ߞߍ߬ߣߍ߲، ߤߊߞߍߕߏ߫ ߘߋ߲ ߝߊ ߣߌ߫ ߛߋ߲ ߣߊ ߖߎ߬ߛߎ ߞߊߣߊ߬ ߕߏ ߞߊ߬ߛߌ߬ ߟߊ߫ ߥߐ߬ߦߐ߬ ߡߌ߬ߛߍ߲߬ߣߍ߲ ߓߍ߯ ߡߊ߲ߞߊ߲ ߡߍ߲ ߘߐ߫ ߕߎ߬ߡߊ ߓߍ߯ ߟߊ߫. ߞߏ߫ ߝߘߎ ߞߐߡߐ߮ ߏ߬ ߟߎ߫ ߘߏ߲߬ ߦߋ߫ ߞߏ߫ ߘߐߓߍ߲ߠߊ ߜߊ߲ߛߊ߲ ߠߋ߬ ߘߌ߫ ߸ ߊ߬ߟߎ߬ ߞߊߣߊ߬ ߞߍ߫ ߝߘߎ ߣߊ߯ߝߌ߯ ߟߎ߫ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߄߀߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߝߘߎ ߕߍ߫ ߘߋ߲ߡߛߏ ߞߍ߫ ߟߊ߫ ߖߐ߲߬ ߘߌ߫ ߛߊ߫ ߸ ߓߊ߬ߙߌ߬ ߊ߬ ߘߴߊ߬ ߞߍ߫ ߓߟߏߡߐ߮ ߘߌ߫، ߣߌ߫ ߡߏ߬ߛߏ ߡߍ߲ ߞߵߊ߬ ߖߘߍ߬ ߕߏ߫ ߓߟߏߡߐ߯ߦߊ ߟߊ߫ ߸ ߏ߬ ߘߌ߫ ߘߤߊ، ߓߊߏ߬ ߓߏ߲ߣߊߛߌ ߘߐ߫ ߸ ߊߟߊ߫ ߟߋ߬ ߣߊ߬ ߡߏ߬ߛߏ ߞߍ߫ ߟߊ߫ ߘߎ߰ߡߊ߬ ߝߋ߲ ߘߌ߫، ߊ߬ ߘߏ߲߬ ߞߊ߫ ߞߊ߲߫ ߞߵߊ߬ ߖߘߍ߬ ߕߏ߫ ߘߎ߰ߡߊ߬ߝߋ߲߬ߦߊ ߏ߬ ߟߊ߫ ، ߣߌ߫ ߡߏ߬ߛߏ ߡߍ߲ ߝߊ߲߭ ߞߵߊ߬ ߕߊ߫ ߞߍߕߊ ߟߐ߲߫ ߝߘߎ ߛߌ߱ ߘߐ߫ ߸ ߏ߬ ߘߌ߫ ߞߍ߫ ߤߙߐ߫ ߡߛߏ ߘߝߊߣߍ߲ ߘߌ߫ ، ߡߊ߲߬ߘߋ߲ ߛߊ߲ߘߊ ߦߴߊ߬ ߝߐ ߟߊ߫ ߏ߬ ߟߋ߫ ߘߐ߫ ߞߏ߫: (( ߖߐ߲߭ ߠߎ߬ ߓߋ߲ߓߊ߫ ߕߐ߯ ߟߋ߬ ߞߏ߫ ߝߐߒߢߍ߫ ߤߙߐ ߞߵߊ߬ ߕߊ߫ ߞߍ߫ ߕߊ߫ ߟߐ߲ ߠߋ߬ )).
ߛߊ߬ߙߌ߬ߦߊ߬ߓߏߟߏ߲ ߄߁߲:
ߞߏ߫ ߣߌ߫ ߝߘߎߡߊ߫ ߝߌ߬ߟߊ ߡߊ߫ ߛߋ߫ ߞߎ߲ ߠߊ߫ ߛߌ߱ ߘߐ߫ ߸ ߝߘߎ ߦߋ߫ ߛߊ߬، ߞߴߏ߬ ߟߋ ߝߌ߬ߛߊ߬ ߝߘߎ߫ ߜߏ ߟߊߝߛߊ߬ߣߍ߲ ߘߌ߫ ߢߊ߫ ߡߊ߬ ߸ ߓߍ߯ ߘߴߊ߬ ߛߐ߲ ߛߐ߬ߘߐ߲߬ ߊ߬ ߘߐ߫ ߢߊ߫ ߡߍ߲، ߞߏ߫ ߓߊ߬ߙߌ߬ ߝߘߎߛߊ ߦߋ߫ ߕߊ߯ ߞߍ߫ ߥߊ߭ ߟߋ߬ ߘߐ߫ ߸ ߤߊ߲ߞߟߌߡߊ ߛߌ߫ ߞߊߣߊ߬ ߛߐ߲߬ ߊ߬ ߦߋ߫ ߞߴߊ߬ ߟߊ߫ ߟߎ ߡߊ߬،
ߞߏ߫ ߝߘߎߛߊ ߦߋ߫ ߛߌߦߊߦߊ߫ ߟߊ߫ ߡߐ߰ߓߊ ߞߎ߲߬ߣߊ߲ߜߏ ߟߋ߬ ߕߋ߬ߟߋ ߘߐ߫، ߊ߬ ߣߌ߫ ߞߏ߫ ߡߊ߲ߛߊ߫ ߖߎ߬ߟߊ߬ߖߎ߯ ߖߊߡߙߎ ߟߋ߬ ߝߘߎߛߊ ߘߐߘߌߦߊ߫ ߟߴߊ߬ ߕߋ߬ߟߋ ߘߐ߫
ߛߊ߬ߙߌ߬ߦߊ߬ߓߏߟߏ߲ ߄߂߲:
ߞߏ߫ ߗߍ߭ ߡߍ߲ ߠߎ߬ ߦߋ߫ ߡߛߏ߬ ߘߐ߬ ߢߊߙߌߢߊߙߌ߫ ߟߊ߫، ߊ߬ ߣߌ߫ ߡߏ߬ߛߏ ߡߍ߲ ߠߎ߬ ߦߋ߫ ߘߎߢߊ߫ ߟߊߡߌߣߌ߲ ߛߊ߬ߓߊ ߘߌ߫، ߞߏ߫ ߓߍ߯ ߦߋ߫ ߘߍ߬ ߞߵߏ߬ ߟߎ߫ ߛߐ߲߬ ߏ߬ ߘߐߜߏߦߊ߫ ߊ߬ߟߎ߬ ߓߟߏ߫، ߏ߬ ߘߐ߬ ߗߍ߭ ߡߍ߲ ߓߊ ߡߏ߬ߛߏ ߝߌ߬ߟߊ ߓߌ߬ߟߊ߬ ߸ ߡߐ߰ ߛߌ߫ ߞߴߏ߬ ߛߐ߫ ߡߛߏ߬ ߟߊ߫ ߡߎ߬ߕߎ߲߬ ، ߡߍ߲ ߓߴߏ߬ ߛߐ߫ ߡߛߏ߬ ߟߊ߫ ߓߍ߯ ߦߴߏ߬ ߞߟߍ߬ ، ߓߊߏ߬ ߌ ߘߴߊ߬ ߕߘߍ߬ ߏ߬ ߟߋ ߣߵߊ߬ ߟߐ߬ ߟߊ߫ ߡߛߏ߬ ߓߌߟߊ ߟߊ߫ ߞߏ߫ ߊ߬ ߘߴߊ߬ ߕߊ߫ ߘߴߊ߬ ߡߊ߬ ، ߊ߬ ߣߌ߫ ߝߣߊ߫ ߞߏ߫ ߡߏ߬ߛߏ ߡߍ߲ ߓߊ߯ ߝߘߎߛߊ߫ ߝߌ߬ߟߊ߬ ߞߍ߫ ߸ ߗߍ߬ ߛߌ߫ ߞߴߏ߬ ߝߘߎ߫ ߡߎ߬ߕߎ߲߬ ߤߊߟߴߊ߬ ߣߎ߲ߜߟߊ ߓߊ߯ ߞߍ߫ ߛߎ߫ ߟߴߊ߬ ߘߊ ߘߐ߫، ߞߏ߫ ߞߏ߫ ߖߎ߮ ߟߋ߬ ߕߐ߲ ߛߌ߰ ߟߴߊ߬ ߖߘߍ߬ ߟߊ߫ .
ߡߊ߲߬ߘߋ߲߫ ߕߐ߲ߓߊ߫ ߣߊ߯ߣߌ߲ ߡߍ߲ ߠߎ߬ ߟߊߥߟߌ߬ ߘߊ߫
ߛߊ߬ߙߌ߬ߦߊ߬ߓߏߟߏ߲ ߄߃߲:
ߝߟߐ ߸ ߕߐ߲ ߠߋ߬ ߕߘߍ߬ ߡߊ߲߬ߘߋ߲ ߸ ߞߏ߫ ߡߍ߲ ߝߟߐ߫ ߓߊ߯ ߊ߬ ߓߌ߬ߟߊ߬ ߡߏ߬ߛߏ ߞߐ߫ ߞߏ߫ ߊ߬ ߦߴߊ߬ ߢߌߣߌ߲߫ ߠߊ߫ ߝߘߎ ߟߊ߫ ߸ ߏ߬ ߞߊߣߊ߬ ߖߊ߲߬ ߊ߬ ߟߊ߫ ߝߋߎ߫ ߞߵߊ߬ ߛߌ߰ ߡߐ߰ ߜߘߍ߫ ߢߍ߫، ߤߊߟߌ߫ ߥߏ߬ߙߏ ߝߌ߬ߟߊ߬ ߓߊ߯ ߜߙߊ߬ ߡߍ߲ ߡߊ߬ ߸ ߝߛߍ߬ߝߛߍ߬ߟߌ ߟߋ߬ ߞߍߕߐ߫ ߝߎߚߎ߫ ߝߏ߫ ߞߵߊ߬ ߟߐ߲߫ ߠߋ߬ ߕߘߋ߫ ߡߍ߲ ߝߟߐ߫ ߕߊ ߥߏ߬ߙߏ ߣߊ߬ߣߍ߲ ߸ ߞߊ߬ ߘߋ߲ߡߛߏ ߘߴߏ߬ ߡߊ߬، ߞߣߵ ߊ߬ ߞߍ߫ ߛߊ߫ ߸ ߝߘߎ߫ ߛߐ߲ߞߐߟߐ߲ ߠߎ߬ ߕߍ߫ ߡߐ߰ ߛߌ߫ ߟߊ߫ ߥߏ߬ߙߏ ߡߌ߬ߣߊ߬ ߝߏ߫ ߊ߬ߟߎ߬ ߓߊ߯ ߊ߬ ߟߐ߲ ߞߏ߫ ߡߐ߰ ߜߘߍ߫ ߛߎ߯-ߎ-ߛߎ ߕߍ߫ ߡߏ߬ߛߏ ߞߐ߫. ߓߊ߬ߙߌ߬ ߡߊ߰ߙߌ߬ ߖߘߊ߫ ߞߊ߬ ߕߐ߲߫ ߖߎ߮ ߏ߬ ߟߊߥߟߌ߬ ߝߋߎ߫، ߞߏ߫ ߗߍ߭ ߡߍ߲ ߓߊ߯ ߡߐ߰ ߘߌߦߊ ߛߍߣߍ߲߬ ߌ ߦߴ ߌ ߘߋ߲ߡߛߏ ߘߌ߫ ߟߊ߫ ߏ߬ ߟߋ ߡߊ߬، ߓߊߏ߬ ߡߏ߬ߛߏ ߡߍ߲ ߓߊ߯ ߗߍ߭ ߘߌߦߊ߫ ߸ ߊ߬ ߓߐ߫ ߟߊ߫ ߏ߬ ߟߋ ߞߐ߫.
ߛߊ߬ߙߌ߬ߦߊ߬ߓߏߟߏ߲ ߄߄߲:
ߝߌߟߊߣߊ߲ ߸ ߕߐ߲߫ ߠߋ߬ ߕߘߍ߬ ߡߊ߲߬ߘߋ߲߫ ߜߘߋߜߘߋ߫ ߸ ߞߏ߫ ߘߋ߲ߡߛߏ ߞߊߣߊ߬ ߘߌ߫ ߗߍ߬ ߡߊ߬ ߸ ߝߏ߫ ߊ߬ ߓߊ߯ ߞߐ߫ ߞߊ߬ ߘߏ߫ ߟߴ ߊ߬ ߛߊ߲߬ ߂߀ ߞߊ߲߬، ߘߋ߲ߞߍ ߝߣߊ߫ ߞߊߣߊ߬ ߡߏ߬ߛߏ ߕߊ߬ ߝߋߎ߫ ߞߊ߬ ߘߏ߫ ߟߴߊ߬ ߛߊ߲߬ ߂߅ ߞߊ߲߬ ߸ ߛߏ߰ߟߏ߲ ߘߋ߲ ߤߊ߲ߞߟߌ߫ ߓߘߐ߬ ߞߊ߬ ߕߐ߲߫ ߖߎ߮ ߏ߬ ߟߊߥߟߌ߬ ߢߍߣߍߎ߲߫، ߞߏ߫ ߘߋ߲ߡߛߏ ߓߊ߯ ߞߎ߲߬ߡߊߞߘߎ߬ ߢߊ ߡߍ߲ ߞߊ߬ ߞߏ߬ߟߌ ߦߋ߫ ߸ ߞߏ߫ ߞߵߊ߬ ߘߌ߫ ߗߍ߬ ߡߊ߬ ߘߏߦߌ߲، ߞߏ߫ ߘߋ߲ߞߍ ߝߣߊ߫ ߓߊ߯ ߛߊ߲߬ ߂߀ ߓߐ߫ ߢߊ ߡߍ߲، ߝߘߎ ߦߋ߫ ߞߴߊ߬ ߢߍ߫ ߌߞߘߐ߫. ߊ߬ ߞߊ߬ ߝߘߎߝߋ߲ ߝߣߊ߫ ߡߊߓߍ߲߬ ߝߐߍ߲ ߞߵ ߊ߬ ߕߏ߫ ߣߛߌ߬ ߃ ߡߊ߬، ߊ߬ ߣߴߊ߬ ߞߵߊ߬ ߡߊߜߟߍ߬ߦߊ߫ ߜߘߋߜߘߋ߫ ߞߏ߫ ߞߊ߬ ߡߛߏ߬ ߞߏ ߟߊߣߐ߰ߦߊ߫ ߗߍ߭ ߟߎ߫ ߢߍ߫ ߸ ߞߏ߫ ߞߊ߬ ߗߍ߬ ߞߏ ߟߊߣߐ߰ߦߊ߫ ߡߏ߬ߛߏ ߟߎ߬ ߢߍ߫، ߞߣߵߏ߬ ߓߍ߯ ߣߴߊ߬ ߕߊ ߸ ߝߘߎ ߞߏߢߊ ߟߎ߬ ߘߐߜߍ߬ߟߍ߲߬ߡߊ߲ ߡߊ߲߬ߘߋ߲߫ ߞߣߐ߫ ߤߊߟߌ ߓߌ߬ ߞߊ߬ ߕߊ߬ߡߌ߲߬ ߊ߬ ߟߊߡߌߣߌ߲ ߖߡߊ߬ߣߊ ߓߍ߯ ߟߊ߫. ߛߏ߲߬ߖߘߊ߫ ߞߊ߬ ߝߘߎ ߘߐߣߐ߰ߦߊ ߟߋ߬ ߸ ߓߊ ߊ߬ ߓߘߊ߫ ߛߋ߫ ߦߌߟߊ߫ ߡߍ߲ ߓߍ߯ ߘߐ߫ ߸ ߡߊ߲߬ߘߋ߲߫ ߡߛߏ߬ ߞߏ߫ ߘߐߜߟߍ߬ߦߊ߬ߣߍ߲ ߏ߬ ߓߍ߯ ߕߊ ߘߌ߫ ، ߝߏ߫ ߡߊ߲߬ߘߋ߲ ߡߛߏ߬ ߞߏ߬ ߜߟߍߦߊ ߓߘߴߊ߬ ߞߊߡߋߙߋ߲ ߠߎ߬ ߟߊߝߋߝߋ߫، ߏ߬ ߘߏ߲߬ ߓߊ߯ ߕߊ ߡߛߏ߬ ߞߏ߫ ߘߐߣߐ߰ߦߊ߬ߣߍ߲߬ߓߊ ߦߋ߫ ߝߊ߲߭ ߕߐ߭ ߟߎ߬ ߘߐ߫ ߏ߬ ߕߴߊ߬ ߞߐߛߊ߬ߦߌ߲߬ ߛߏ߫ ߡߎ߬ߕߎ߲߫ ، ߞߏ߫ ߛߎ߮ ߏ߬ ߞߊ߬ ߡߊ߲߬ߘߋ߲ ߕߋ߬ ߞߵߊ߬ ߖߍ߲ߛߍ߲ ߢߊ ߡߍ߲ ߤߊߟߌ߫ ߞߍ߬ߟߍ ߟߎ߬ ߡߴߊ߬ ߕߋ߫ ߞߊ߬ ߛߋ߫ ߏ߬ ߘߐ߫ ، ߏ߬ ߟߋ ߞߏߛߐ߲߬ ߤߊߟߌ߫ ߓߌ߬ ߌ ߓߊ߯ ߛߋ߫ ߝߊ߲߬-ߊ-ߝߊ߲߬ ߸ ߌ ߘߴߏ߬ ߝߊ߲ߓߊ ߞߊ߲ ߡߍ߲ ߞߏ߫ ߒ߬ߠߎ߬ ߓߋ߲ߓߊ߫ ߓߐߣߍ߲ ߡߊ߲߬ߘߋ߲ ߠߋ߬، ߝߏߦߌ ߘߏ߲߬ ߡߴߏ߬ ߟߎ߬ ߟߊߓߐ߫ ߝߏ߫ ߒ߬ ߓߋ߲ߓߊ߫ ߟߎ߬ ߟߊ߫ ߝߘߎ ߞߏ߫ ߘߐߜߟߍ߬ߦߊ߬ߓߊ߫ ߓߟߋ߬ߓߟߋ، ߤߊߟߌ ߓߌ߬ ߘߏ߲߬ ߸ ߡߊ߬ߣߋ߲߬ߞߊ߬ ߖߡߊ߬ߣߊ ߡߛߏ߬ ߞߏ߫ ߘߐߜߟߍ߬ߡߊ߲߫ ߡߎߣߎ߲߬ ߞߊ߬ ߕߊ߬ߡߌ߲߬ ߦߌߟߊ ߓߍ߯ ߕߊ ߞߊ߲߬، ߒ߬ߓߊ߬ ߊ߲ ߓߌ߬ ߡߐ߮ ߓߍ߯ ߟߊ߫ ߛߋ߲ߛߋߘߋ߲ ߡߍ߲ ߘߌ߫ ߛߍߣߍ߲߬ ߸ ߏ߬ ߟߴߊ߲ ߠߊ߫ ߝߘߎ߫ ߞߏ ߞߍߢߊ ߟߎ߬ ߘߐߣߐ߰ߦߊ ߘߌ߫ ߢߊ ߓߍ߯ ߘߏ߫ ߡߊ߬ ߝߏ߫ ߖߊߕߐߦߊ ߢߊ .
ߛߊ߬ߙߌ߬ߦߊ߬ߓߏߟߏ߲ ߄߅߲:
ߘߋ߲ߡߛߏ ߟߎ߬ ߡߊߟߐ߬ ߖߏߣߊ ߛߌߟߊ ߝߍ߬ ߸ ߛߏ߲߬ߖߘߊ߫ ߞߊ߬ ߕߐ߰ߡߊ߬ߛߙߋ ߟߎ߬ ߟߊߘߊ߲ ߛߎ߲ߞߎߘߎ߲ ߠߎ߬ ߟߊ߫ ߸ ߊ߬ ߘߌ߫ ߟߐ߲߫ ߡߍ߲߫ ߠߎ߫ ߡߊ߬ ߞߏ߫ ߊ߬ߟߎ߬ ߓߘߊ߫ ߛߋ߫ ߝߘߎ ߡߊ߬، ߕߐ߰ߡߊ߬ߛߙߋ ߏ߬ ߟߎ߬ ߞߍ߫ ߘߊ߫ ߝߙߊߓߊ߲ ߣߌ߫ ߓߊߛߊ߬ߓߊ ߟߎ߫ ߟߋ߬ ߘߌ߫ ، ߝߙߊߓߊ߲ ߦߋ߫ ߜߟߏ߬ ߟߏߞߌߣߍ߲ ߕߎ߬ ߞߏ߬ߢߌߡߊ ߟߋ߬ ߘߌ߫ ߸ ߞߵ ߊ߬ ߞߍ߫ ߕߍߡߊߓߊ߲߯ ߝߘߍ߬ߓߊ ߘߌ߫ ߸ ߞߊ߬ ߞߏ߬ߙߏ߲߬ ߞߌߛߍ ߛߝߊ߫ ߃ ߥߟߊ߫ ߄ ߟߴߊ߬ ߞߐߞߊ߲߬ ߝߍߚߍ߫ ، ߞߵ ߊ߬ ߗߋ߲߬ߧߊ߫ ߥߊ߯ߕߌ ߟߊ߬ߗߋ߲߰ߧߊ߬ߟߌ ߘߐ߫ ߞߏߛߓߍ߫ . ߓߊߛߊ߬ߓߊ ߦߋ߫ ߛߓߍ ߞߘߎ߫ ߃ ߛߌ߰ ߂ ߟߋ߬ ߘߌ߫ ߸ ߜߟߏ߬ ߖߟߎ߬ ߡߌߛߍ߲ ߛߌߦߊߡߊ߲ߓߊ ߓߙߐߣߍ߲ ߢߌߡߊ ߕߌߛߊߞߘߊ ߦߋ߫ ߡߍ߲ ߠߎ߬ ߟߊ߫ ، ߛߎ߲ߞߎߘߎ߲ ߡߍ߲ ߓߊ߯ ߞߎ߲߬ߡߊߞߘߎ߬ ߞߊ߬ ߞߏ߬ߟߌ ߦߋ߫ ߢߊ ߡߍ߲ ߸ ߟߍ߲߬ߓߍ߲߬ ߢߌߡߊ ߘߌ߫ ߘߏ߲߬ ߏ߬ ߟߊ߫ ߞߊ߬ ߝߙߊߓߊ߲ ߛߘߌ߬ ߊ߬ ߕߍߡߊ߬ ߟߍ߲߬ߓߍ߲ ߏ߬ ߞߊ߲߬ ߞߊ߬ ߓߊߛߊ߬ߓߊ ߞߋߟߋ߲ ߓߌ߬ߟߵ ߊ߬ ߞߊ߲ߠߊ߫ ߞߵߏ߬ ߟߊߓߐ߫ ߊ߬ ߞߊ߬ߓߊ ߘߐ ߞߘߐ߫ ߸ ߞߵߊ߬ ߕߐ߬ ߞߋߟߋ߲ ߓߌ߬ߟߵ ߊ߬ ߞߊ߲ߠߊ߫ ߞߵߏ߬ ߟߊߓߐ߫ ߊ߬ ߞߊ߬ߓߊ ߕߐ߬ ߞߋߟߋ߲ ߞߘߐ߫، ߓߊߛߓߊ߬ ߛߌ߰ ߝߌ߬ߟߊ ߖߎ߬ߟߎ ߟߎ߫ ߞߊ߲ߞߊ߲ߣߍ߲߫ ߢߐ߲߮ ߘߐ߫ ߊ߬ ߛߌߛߌ ߘߐ߫ ߊ߬ ߛߌ߲ ߝߌ߬ߟߊ ߝߊߣߍ߲ ߕߍߟߊ ߘߐ߫، ߏ߬ ߟߋ߫ ߕߐ߯ ߛߍߣߍ߲ ߞߏ߫ ߊ߬ ߓߘߴߊ߬ ߕߎ߬ ، ߕߎ߬ߟߌ ߞߘߐ ߟߋ߬ ߞߏ߫ ߊ߬ ߓߘߴߊ߬ ߡߊߛߘߌ߬ ߞߏ߬ߢߌߡߊ ߞߍ߫ ߜߏ߬ߟߏ ߘߐ߫ ، ߏ߬ ߟߋ߫ ߞߏߛߐ߲ ߊ߰ ߝߐ߫ ߟߊ߫ ߞߏ߫ ߞߊ߬ ߖߋ߲߬ߓߋ ߕߎ߬ ߸ ߞߊ߬ ߘߎ߬ߣߎ߲ ߕߎ߬، ߏ߬ ߞߘߐ ߟߋ߬ ߞߏ߫ ߞߵߊ߬ߟߎ߬ ߡߊߛߘߌ߬ ߜߏ߬ߟߏ ߘߐ߫ ، ߥߊ߯ߕߌ ߏ߬ ߟߊ߫ ߸ ߘߋ߲ߡߛߏ ߕߎ߬ ߢߊ ߏ߬ ߕߘߍ߬ ߡߊ߬ߛߘߌ ߘߐ߫ ߗߋ߲߬ߓߊ ߘߏ߫ ߟߋ߬ ߘߌ߫، ߞߏ߬ߣߌ߲ ߤߊߟߌ߫ ߓߌ߬ ߸ ߡߍ߲ ߓߊ߯ ߝߊߘߌߦߊߓߐ߫ ߢߌߡߊ ߛߌߦߊߡߊ߲ ߕߊ߬ ߞߋߟߋ߲ ߘߌ߫ ߊ߬ ߘߌ߫ ߝߐ߫ ߞߏ߫ ߊ߬ ߓߘߴߊ߬ ߕߎ߬، ߝߏ߫ ߘߏ߫ ߟߎ߫ ߘߴߊ߬ ߝߐ߫ ߞߏ߫ ߊ߬ ߓߘߴߊ߬ ߕߎ߬ ߦߏ߫ ߖߊ߬ߓߊ. ߛߎ߲ߞߎߘߎ߲ ߡߍ߲ ߕߎ߬ߣߍ߲ ߓߊ߯ ߦߋ߫ ߟߍ߲߬ߓߍ߲ ߣߌ߫ ߝߙߊߓߊ߲ ߣߌ߫ ߓߊߛߊ߬ߓߊ ߘߐ߫ ߛߊ߫ ߸ ߓߍ߯ ߘߴߊ߬ ߟߐ߲߫ ߞߴߏ߬ ߓߘߊ߫ ߞߎ߲߬ߡߊߞߘߎ߬ ߞߊ߬ ߛߋ߫ ߝߘߎ ߡߊ߬، ߏ߬ ߓߊ߯ ߞߍ߫ ߊ߬ ߝߘߎ ߟߐ߮ ߓߊ߯ ߞߍ߫ ߡߍ߲ ߠߊ߫ ߸ ߏ߬ ߘߌ߫ ߥߏ߬ߙߏ ߟߊߓߐ߫ ߊ߬ ߞߐ߫، ߊ߬ ߓߊ߯ ߞߍ߫ ߘߌ߫ ߟߊ߫ ߡߍ߲ ߡߊ߬ ߸ ߊ߬ ߘߌ߫ ߝߐ߫ ߞߴߏ߬ ߦߋ߫ ߣߊ߬ ߞߊ߬ߣߌ߲߬ ߘߏ߲߬ ߝߊ߯ߣߌ߲ ߘߌ߫، ߏ߬ ߛߍߥߊߣߍ߲ ߘߌ߫ ߥߊ߫ ߘߊߟߌߓߊ ߞߣߐ߫ ߇ ߘߌ߫ ߝߍ߫ ߞߊߓߊ߲ ߞߣߐ߫ ߞߊ߬ ߟߋ߬ߝߊ ߛߌ߰ ߊ߬ ߘߊߟߊ߫، ߡߐ߰ߓߊ ߟߎ߬ ߓߊ߯ ߞߍ߫ ߘߋ߲ߡߛߏ ߟߊߓߌ߬ߟߊ߬ ߟߴߊ߬ ߗߍ߬ ߢߍ߫ ߟߏ߲ ߡߍ߲ ߸ ߊ߬ߟߎ߬ ߘߌ߫ ߛߐ߰ ߞߣߐ߫ ߇ ߏ߬ ߞߙߊ ߡߊ߬ ߞߵ ߊ߬ ߞߍ߫ ߕߊ߰ߝߋ߬ߣߍ߲ ߘߌ߫ ߛߎ߲ߞߎߘߎ߲ ߢߍ߫ ، ߞߙߊߟߌ ߏ߬ ߞߍ߫ ߢߊ߫ ߘߐ߫ ߸ ߡߐ߰ߓߊ ߝߌ߬ߟߊ߬ ߘߌ߫ ߝߊ߰ߣߌ߲ ߞߐ߫ ߂ ߡߌ߬ߘߊ߬، ߘߏ ߦߴߊ߬ ߞߙߊ ߘߊߡߌ߬ߣߊ߬ ߞߎ߲߭ ߞߋߟߋ߲ ߠߊ߫ ߘߏ߫ ߝߣߊ߫ ߦߴߊ߬ ߘߊߡߌ߬ߣߊ߬ ߞߎ߲ ߕߐ߬ ߞߋߟߋ߲ ߠߊ߫ ߸ ߊ߬ߟߎ߬ ߦߋ߫ ߢߐ߲߮ ߓߍ߲߬ ߕߍߡߊ߬، ߡߐ߰ߓߊ ߟߎ߬ ߕߊ߫ ߝߐߟߌ ߘߐ߫ ߸ ߞߏ߫ ߢߐ߲߮ ߓߍ߲ ߡߍ߲ ߞߍ߫ ߟߊ߫ ߕߍߡߊ߬ ߸ ߞߴߏ߬ ߟߋ߫ ߓߍ߲߭ ߕߏ߫ ߟߊ߫ ߝߘߎߡߊ߫ ߝߌ߬ߟߊ ߕߍ߫ ߞߘߊߎ߫، ߛߌߛߍ߲߬ ߡߐ߰ߓߊ ߟߎ߫ ߝߊ߲߭ ߞߊ߲߫ ߞߏ߫ ߞߊ߬ߣߌ߲߬ߘߏ߲߬ ߝߊ߯ߣߌ߲ ߞߙߊ ߢߊ ߏ߬ ߓߟߎߞߊ߭ ߟߋ߬ ߣߊ߬ ߝߘߎߛߊ ߛߌߦߊߦߊ ߟߊ߫ ߞߐ߫ ߢߌ߲߬ ߠߊ߫ ، ߒ߬ߓߊ߬ ߓߌߘߊ߲ ߠߎ߫ ߖߍ߬ߘߍ ߦߋ߫ ߝߊ߰ߣߌ߲߬ ߞߙߊ ߡߍ߲ ߞߍ߫ ߟߊ߫ ߸ ߥߙߏ߬ ߓߐ߫ ߘߊߡߌ߬ߘߊ߬ ߘߊ߫ ߝߘߎ ߘߐ߫ ߞߵ ߊ߬ ߞߍ߫ ߞߙߊߟߌߟߊ߫ ߏ߬ ߟߎ߫ ߟߋ߬ ߞߐ߲ߘߐ߲ ߘߌ߫ ߞߎ߲߬ߝߟߐ߫ ߘߐ߫ ߸ ߥߏ߬ߙߏ ߦߙߌߞߊ ߕߘߍ߬ ߞߍ߫ ߟߊ߫߄ ߠߋ߬ ߘߌ߫ ߥߟߊ߫ ߆ ، ߊ߬ ߣߊ߬ ߘߊ߫ ߝߐ߫ ߞߐ߫ ߟߊ߫ ߸ ߞߏ߫ ߞߊ߬ ߛߎ߲ߞߎߘߎ߲ ߕߊ߫ ߘߝߊ߫ ߕߊ߲ ߠߊ߫، ߓߊ ߛߎ߲ߞߎߘߎ߲ ߘߝߊߣߍ߲ ߠߋ߬ ߸ ߝߋ߲- ߋ-ߝߋ߲ ߡߴߊ߬ ߖߊ߲߬ ߝߟߐ߫، ߏ߬ ߟߋ ߖߏ߲ߞߊ߲ ߘߌ߫ ߛߊ߫ ߥߟߊ߫ ߓߟߊ߬ߡߊ߬ ߖߏ߲ߞߊ߲ ، ߒ߬ߞߊ߬ ߞߐ ߟߊ߫ ߸ ߡߐ߰ߓߊ ߟߎ߫ ߣߊ߬ ߘߊ߫ ߡߏ߬ߛߏ ߕߊ߫ ߘߝߊ߫ ߥߙߏ߬ ߕߊ߲߫ ߕߊ߲ ߠߊ߫، ߞߏ߫ ߓߊ ߤߊߟߌ ߝߋ߲ ߣߐ߬ ߞߍ߫ ߘߊ߫ ߓߐ߬ߟߐ߲߬ߞߊ ߖߊ߲߬ ߠߊ߬ ߸ ߝߋ߲ ߡߴߊ߬ ߝߊ߬ ߟߎ߬ ߟߊ߫ ߓߌߘߊ߲ߦߊ ߘߝߊ ߖߊ߲߬، ߝߘߎ߬ ߥߙߏ ߞߏ߫ ߟߊߓߊ߲ ߣߊ߬ ߘߊ߫ ߞߍ߫ ߥߙߏ߬ ߕߊ߲ ߟߊ߫ ߘߌ߫ ߝߘߎ ߕߎ߲ߞߎ߲ ߓߍ߯ ߞߊ߲߬. ߣߌ߫ ߥߙߏ߬ ߕߊ߲ ߡߊ߫ ߟߊ߫ ߡߍ߲ ߞߊ߲߬ ߸ ߢߡߊ߬ߞߟߊ ߟߎ߬ ߕߴߏ߬ ߛߊ߲ߓߊ ߟߊߛߋ߫، ߞߏ߫ ߊ߬ߟߎ߬ ߕߍ߫ ߡߐ߰ߓߊ ߟߎ߬ ߟߊߘߍ߬ ߟߊ߫ ߞߎߡߊ߫ ߘߐߞߏߟߏ߲ ߞߎ߲߬ߠߊ߬. ߞߊ߬ߣߌ߲߬ߘߏ߲߬ ߝߊ߯ߣߌ߲ ߓߊ߯ ߓߊ߲߫ ߞߙߊ߫ ߟߊ߫ ߸ ߏ߬ ߟߋ ߓߌ߬ߟߊ߬ߕߐ߫ ߝߙߊߓߊ߲ ߣߐ߭ ߘߐ߫، ߕߊ߰ߝߋ ߏ߬ ߓߊ߯ ߞߍ߫ ߛߘߌ߬ ߟߊ߫ ߘߋ߲ߡߛߏ ߟߊ߫ ߸ ߞߐߣߐ߲ ߘߏ߫ ߟߋ߫ ߛߘߌ߬ ߕߐ߫ ߊ߬ ߕߍߡߊ߬ ߸ ߏ߬ ߕߐ߯ ߞߏ߫ ߓߊ߬ߦߊ ߸ ߞߊ߬ ߕߊ߰ߝߋ ߛߘߌ߬ ߓߊ߬ߦߊ ߏ߬ ߞߊ߲߬ ߸ ߞߏ߫ ߓߊ߭ ߟߎ߬ ߟߊ߫ ߞߏ ߓߘߊ߫ ߟߊߘߤߵߊ߬ ߢߍ߫ ߸ ߣߊߟߌ߬ߡߎ߲ ߗߍ߬ߣߌ߬ߡߛߏ߬ߦߊ ߜߍߘߐߕߊ ߘߌ߫، ߓߊ ߊ߬ ߜߍߘߐߕߊ ߏ߬ ߟߋ ߝߘߎ ߘߌ߫ ߸ ߊ߬ ߘߏ߲߬ߘߐ߬ߕߊ ߦߋ߫ ߢߊ߬ߡߐ߰ߦߊ ߘߌ߫ ، ߕߊ߰ߝߋ ߣߌ߫ ߓߊ߬ߦߊ ߓߊ߯ ߛߘߌ߬ ߘߋ߲ߡߛߏ ߡߍ߲ ߠߊ߫، ߓߍ߯ ߘߴߊ߬ ߟߐ߲ ߞߴߏ߬ ߓߘߊ ߝߘߎ ، ߊ߬ ߕߘߍ߬ ߝߐ߫ ߟߊ߫ ߛߎ߲ߞߎߘߎ߲߫ ߝߘߎߣߍ߲ ߞߎߘߊ ߏ߬ ߟߋ ߡߊ߬ ߞߏ߫ ߊ߬ ߓߘߴߊ߬ ߓߦߊ߬ ، ߓߊߏ߬ ߓߊ߬ߦߊ ߓߘߊ߫ ߛߘߌ߬ ߊ߬ ߕߍߡߊ߬ ، ߌ ߓߴߊ߬ ߡߍ߲ ߛߍߣߍ߲ ߞߏ߫ ( ߒ ߡߊ߫ ߒ ߕߎ߬ ߒ ߡߊ߫ ߒ ߓߦߊ߬) ߏ߬ ߞߘߐ ߟߋ߬ ߞߏ߫ ߒ ߡߊ߫ ߛߋ߫ ߗߍ߬ߣߌ߬ߡߛߏ߬ߦߊ ߡߊ߬ ߡߎߣߎ߲߬ ߸ ߒ ߡߊ߫ ߝߘߎ߫ ߘߊ߰ߡߎ߲ ߞߍ߫ ߝߟߐ߫. ߏ߬ ߝߊ߬ߛߊߙߌ ߟߋ߬ ߞߏ߫ ߒ ߡߊ߫ ߞߐ߯ ߡߎߣߎ߲߬.
ߛߊ߬ߙߌ߬ߦߊ߬ߓߏߟߏ߲ ߄߆߲:
ߛߓߊߣߊ߲߸ ߕߐ߲߫ ߠߋ߬ ߕߘߍ߬ ߡߊ߲߬ߘߋ߲ ߜߘߋߜߘߋ߫ ߸ ߞߊ߲ߡߋߙߋ߲ ߠߎ߬ ߣߌ߫ ߛߎ߲ߞߎߘߎ߲ ߠߎ߬ ߞߊߣߵߊ߬ߟߎ߬ ߡߊߘߏ߲߬ ߢߐ߲߮ ߠߊ߫ ߝߛߍߝߛߍ߫ ، ߘߋ߲ߞߍߣߍ߲ ߠߎ߬ ߦߴߊ߬ߟߎ߬ ߕߊ߫ ߖߡߊ߬ߣߊ߬ߞߍ߬ ߕߏߟߏ߲ ߞߴߊ߬ߟߎ߫ ߘߊ߲߬ ߠߊ߫، ߘߋ߲ߡߛߏߣߍ߲ ߠߎ߬ ߦߴߊ߬ߟߎ߬ ߕߊ ߟߎ߬ ߞߴߊ߬ߟߎ߫ ߞߏߟߊ߫، ߛߏ߲߬ߖߘߊ߫ ߞߵߊ߬ ߦߋ߫ ߸ ߕߐ߲߫ ߛߎ߮ ߏ߬ ߘߌ߫ ߖߊ߲ߕߌ߯ ߝߌ߬ߟߊ ߢߊ߱ ߖߊ߬ ߢߐ߲߮ ߘߐ߫ ߸ ߊ߬ ߘߏ߲߬ ߕߍ߫ ߞߏߙߏ߲ߧߊ ߞߏ߫ ߛߌ߫ ߘߐߛߊ߬ ߟߊ߫ ߗߍ߭ ߣߌ߫ ߡߏ߬ߛߏ ߕߍ߫ ، ߊ߬ ߞߊ߬ ߕߐ߲߫ ߏ߬ ߟߊߥߟߌ߬ ߏ߬ ߟߋ ߘߐ߫ ߝߋߎ߫ ، ߞߵߊ߬ ߟߊߛߋ߫ ߞߏ߫ ߝߎߣߎ߲ߞߋ ߗߍ߬ߡߊ߲ ߣߴߊ߬ ߡߛߏ߬ߡߊ߲ ߠߎ߬ ߦߋ߫ ߘߍ߬ ߛߍߣߍ߲߬ ߞߵߊ߬ߟߎ߬ ߟߊ߫ ߘߋ߲ߡߌߛߍ߲ߧߊ ߢߣߊߕߍ߮ ߟߎ߬ ߞߍ߫ ߢߐ߲߮ ߝߍ߬ ߝߛߊߦߌ߫، ߊ߬ ߣߴߊ߬ߟߎ߬ ߦߋ߫ ߕߏ߫ ߥߊ߫ ߟߊ߫ ߛߌ߰ ߟߊ߫ ߢߐ߲߮ ߓߘߊ ߢߣߊߜߍ ߘߐ߫ ߸ ߊ߬ ߣߌ߫ ߢߐ߲߯ ߠߊߘߌߦߊߢߍ ߘߝߊߣߍ߲ ߘߐ߫ ، ߞߏ߫ ߞߏ߬ߣߌ߲߬ ߛߎ߲ߞߎߘߎ߲ ߞߋߟߋ߲ ߣߌ߫ ߞߊ߲ߡߋߙߋ߲ ߞߋߟߋ߲ ߡߐ߰ ߝߌ߬ߟߊ ߓߟߏߡߊߞߊ߬ߣߍ߲ ߞߊߣߊ߬ ߛߌ߬ ߓߏ߲ ߁ ߠߊ߫ ߘߋ߬ ߸ ߛߎ߲ߞߎߘߎ߲ ߖߡߊ ߣߌ߫ ߞߊ߲ߡߋߙߋ߲ ߞߙߎ ߟߋ߬ ߕߏ߫ ߛߌ߬ ߟߊ߫ ߓߏ߲ ߁ ߠߊ߫ ߢߐ߲߮ߝߍ߬ ߢߣߊߜߍ߮ ߥߎ߬ߘߞߊ߬ߥߎߘߞߊ ߘߐ߫ ߞߍ߬ߣߍ߲ ، ߓߊ ߡߊ߲߬ߘߋ߲߫ ߕߍ߫ ߞߎ߲߬ߘߐ߬ߞߏ߬ߖߎ߰ߦߊ ߟߊߘߤߊ߬ ߡߐ߰ ߛߌ߫ ߢߍ߫، ߡߍ߲ ߓߴߏ߬ ߞߍ߫ ߸ ߏ߬ ߦߋ߫ ߟߊߕߐ߲ ߏ߬ ߟߊ߫ ߢߊ߫ ߡߊ߬ ߸ ߡߍ߲ ߘߴߊ߬ ߞߍ߫ ߤߊߟߴߊ߬ ߞߍߣߍ߲ ߡߍ߲ ߠߎ߬ ߢߣߊ߫ ߸ ߏ߬ ߕߴߊ߬ ߡߌߙߴߊ߬ ߡߊ߬ ߡߎ߬ߕߎ߲߬ ߞߎߡߊ߫ ߕߍ߫ ߞߵߊ߬ ߞߍ߫.
ߖߐ߲߭ ߠߎ߫ ߖߎ߬ߟߎ ߘߐߦߏߙߏ߲
ߛߊ߬ߙߌ߬ߦߊ߬ߓߏߟߏ߲ ߄߇߲:
ߒߞߏ ߞߘߐ߬ߡߊ߲ ߘߐ߫ ߸ ߖߐ߲߭ ߠߋ߬ ߓߟߏߡߐ߮ ߘߌ߫، ߡߍ߲ ߕߍ߫ ߖߐ߲߬ ߘߌ߫ ߝߏ߫ ߖߘߍ߬ߕߌ߮ ߟߋ߬، ߏ߬ ߞߘߐ ߟߋ߬ ߞߏ߫ ߊ߬ ߕߊ ߟߴߊ߬ ߖߘߍ߬ ߘߌ߫، ߏ߬ ߟߋ ߕߐ߯ ߕߘߍ߬ ߒߞߏ ߘߐ߫ ߞߏ߫ (ߡߊ) ߒ߬ߞߊ߬ ߛߌ߬ߟߡߊ߬ߦߊ ߣߊ߭ ߡߍ߲ ߞߍߣߍ߲ ߊߙߊߓߎ ߞߊ߲ (ߤߙߐ) ߘߌ߫ ߸ ߊ߲ ߞߊ߬ ߒ߬ ߕߊ߫ (ߡߊ) ߣߌ߫ (ߡߦߊ) ߝߐ ߓߟߏߞߊ߬ ߏ߬ ߟߋ ߘߐ߫ ߸ ߞߊ߬ ߊߙߊߓߎ߫ ߞߊ߲ (ߤߙߐ) ߣߌ߫ (ߤߙߐߦߊ) ߕߊ߬ ߗߊߥߎ߫. ߤߊߟߌ߬ ߞߊ߲ߞߌߢߍ߫ ߞߟߊߓߍ߲ ߕߎ߬ߡߊ ߁߂߃߅ ߟߊ߫ ߸ ߊ߬ߟߎ߬ ߞߊ߬ ߘߐ߲߬ߞߟߌ ߡߍ߲ ߟߊ߫ ߞߍ߬ߟߍ ߏ߬ ߜߟߍ߬ߦߊ ߞߊ߲߬ ߸ ߊ߬ ߝߐ߫ ߘߴߏ߬ ߘߐ߫ ߟߋ߬ ߞߏ߫ (ߖߐ߲߬ߦߊ ߝߌ߬ߛߦߊ߬ ߘߊ߫ ߡߦߊ ߘߌ߫). ߒ߬ߓߊ߬ ߛߎߡߊߏߙߏ߫ ߟߊ߫ ߡߊ߬ߙߊ ߕߎ߬ߡߊ߸ ߊ߬ ߞߊ߬ ߖߐ߲߭ ߠߎ߬ ߤߙߐߦߊ߫ ߞߊ߲ ߞߍ߫ ߸ ߞߏ߫ ߖߐ߲߬ߦߊ ߦߋ߫ ߡߌ߬ߙߌ߲߬ߘߌ ߝߊ߲ߞߋߟߋ߲ ߟߊߖߊߝߏ ߟߋ߬ ߘߌ߫ ߸ ߞߵߏ߬ ߟߎ߬ ߟߊߓߊ߲߬ ߞߊ߲ ߞߍ߫ ߓߊ߯ߙߊ ߡߊ߬ ߸ ߞߴߏ߬ ߟߎ߬ ߦߋ߫ ߡߊ ߟߋ߬ ߘߌ߫، (ߤߙߐ ߞߊ߬ߣߌ߲߫) ߡߊ ߏ߬ ߟߎ߫ ߟߋ߬ ߘߏ߲߬ ߦߋ߫ ߖߊ߬ߡߊ ߝߊ߲ߓߊ ߘߌ߫، ߣߵ ߏ߬ ߓߍ߯ ߞߵ ߊ߬ ߛߌ߰ ߛߟߊ߬ߦߊ߬ ߡߊ߬ߞߟߏߞߟߏ ߟߊ߫ ߸ ߏ߬ ߦߋ߫ ߖߊ߬ߡߊ ߟߊߖߊߝߏ ߟߋ߬ ߘߌ߫، ߏ߬ ߟߋ߫ ߞߊ߬ ߛߎߡߊߏߙߏ߫ ߟߐ߬ ߖߐ߲߭ ߠߎ߫ ߤߙߐߦߊ ߟߊ߫ ߸ ߞߊ߬ ߡߌ߬ߙߌ߲߬ߘߌ ߓߍ߯ ߞߘߊߡߊ߫ ߓߊ߯ߙߊ ߥߓߊ߬ߞߏ߬ ߞߍ ߟߊ߫، ߒ߬ߓߊ߬ ߡߊ߲߬ߘߋ߲߫ ߞߊ߬ ߛߊ߲߬ ߞߋߟߋ߲ ߡߍ߲ ߞߍ߫ ߛߎߡߊߏߙߏ߫ ߞߍ߬ߟߍ ߟߊ߫ ߸ ߊ߬ ߣߴߊ߬ ߞߊ߬ ߛߊ߲߬ ߞߋߟߋ߲ ߡߍ߲ ߞߍ߫ ߛߍ߬ߣߍ ߟߊ߫ ߞߙߎߞߊ߲ߝߎߥߊ߫ ߜߊ߬ߙߊ ߢߍ߫ ߸ ߊ߬ߟߎ߫ ߞߊ߬ ߖߐ߲߬ ߛߌߦߊߡߊ߲ ߟߊߘߍ߬ ߏ߬ ߞߎ߲߬ߕߊ߮ ߟߋ߬ ߞߘߐ߫ ، ߓߊߏ߬ ߛߎߡߊߏߙߏ߫ ߟߊ߫ ߖߐ߲߬ ߤߙߐߦߊ ߕߎ߲߬ ߡߊ߫ ߓߍ߲߬ ߡߊ߲߬ߘߋ߲߫ ߡߌ߬ߙߌ߲߬ߘߌ ߡߊ߬ ߢߊ߫ ߛߌ߫ ߡߊ߬، ߤߊߟߌ߬ ߛߏ߬ߛߏ ߞߎ߲߬ߞߏߕߐ ߟߎ߬ ߞߕߌ ߝߍ߬ ߸ ߊ߬ߟߎ߫ ߞߊ߬ ߛߎߡߊߏߙߏ߫ ߖߙߊ߬ߞߌ߫ ߛߐ߲߬ ߖߎ߯ ߄ ߡߍ߲ ߠߎ߬ ߟߊ߫ ߓߊߞߍ ߸ ߏ߬ ߟߎ߫ ߟߋ߬ ߞߍ߫ ߘߊ߫ ߖߐ߲߬ߦߊ߫ ߟߊߕߐ߲ ߣߌ߫ ߘߏ߲߬ߛߏ߬ ߖߡߊ ߟߊߘߐ߯ߦߊ ߣߌ߫ ߘߌߦߊߜߏߦߊ߫ ߓߊ߯ߙߊ ߣߌ߫ ߕߐ߲߫ ߠߎ߬ ߘߐߖߊ߬ ߞߏ߬ߖߎ߮ ߘߌ߫، ߡߊ߲߬ߘߋ߲ ߡߐ߰ߓߊ ߟߎ߫ ߞߵ ߊ߬ ߝߐ߫ ߸ ߞߏ߫ ߛߎߡߊߏߙߏ߫ ߞߊ߬ ߖߐ߲߭ ߠߎ߬ ߤߙߐߦߊ߫ ߟߋ߬ ߸ ߛߴߊ߬ ߘߌ߫ ߤߙߐ ߣߌ߫ ߖߐ߲߭ ߓߍ߯ ߞߍ߫ ߓߟߏߡߐ߮ ߘߌ߫ .
ߞߎߡߊ ߘߊߞߎ߲ ߣߊ߬ߣߍ߲ ߛߋ߫ ߟߊ߫ ߖߐ߲߭ ߠߎ߬ ߟߊ߫ ߞߏߢߊ ߡߊ߬ ߸ ߛߏ߲߬ߖߘߊ߫ ߞߊ߲߫ ߞߏ߫ ߊ߲ ߕߎ߲߬ ߦߴߊ߬ ߝߍ߬ ߟߋ߬ ߞߊ߬ ߖߐ߲߭ ߓߍ߯ ߤߙߐߦߊ߫ ߓߌ߬ ߸ ߞߊ߬ ߓߟߏߡߐ߯ߦߊ ߓߟߏߞߊ߬ ߝߋߎ߫، ߓߊ߬ߙߌ߬ ߛߊ߲ߘߊ ߞߊ߲ ߠߋ߬ ߞߏ߫ ߛߌ߬ߛߍ߬ߣߍ߲ ߞߌ߬ߦߊ߬ ߟߊ߫ ߥߟߐ߬ߣߍ߲ ߡߊߓߐ߬ ߦߌߟߊ ߟߋ߬ ، ߓߊ ߒߠߋ ߓߘߴߊ߬ ߟߐ߲ ߛߏ߬ߛߏ߬ߞߊ ߟߎ߬ ߞߕߌ ߦߌߟߊ ߸ ߞߏ߫ ߖߐ߲߬ ߤߙߐ߬ߦߊ ߕߍߣߊ߬ ߓߍ߲߬ ߠߊ߫ ߒ߬ ߞߏߟߊߘߍߢߐ߲߮ ߠߎ߫ ߡߊ߬، ߊ߲ ߦߴߏ߬ ߕߏ߫ ߟߊ߫ ߦߋ߲ ߏ߬ ߟߋ ߘߐ߫ ߡߎߣߎ߲߬ ، ߞߏ߬ߣߵ ߊ߲ ߘߌ߫ ߖߐ߲߭ ߠߎ߫ ߖߎ߬ߟߎ ߘߐߦߙߏ߫ ߓߌ߬ ߞߏߛߓߍ߫، ߞߊ߬ ߕߦߊ ߟߊߘߤߵߊ߬ߟߎ߬ ߢߍ߫ ߸ ߝߏ߫ ߊ߬ߟߎ߬ ߝߣߊ߫ ߘߌ߫ ߖߐ߲߭ ߛߊ߲߬ ߊ߬ߟߎ߫ ߖߘߍ߬ ߢߍ߫ ، ߏ߬ ߖߟߎ߬ ߘߐߦߙߏ ߛߌߟߊ ߝߍ߬ ߸ ߓߟߏߡߐ߮ ߓߊ߯ ߞߍ߫ ߡߐ߰-ߐ-ߡߐ߬ ߓߟߏ߫ ߡߎ߬ߕߎ߲߬ ߸ ߏ߬ ߦߴߊ߬ ߟߐ߲ ߡߐ߱ ߘߌ߫، ߓߌߦߊ߲ ߕߍ߫ ߝߋߎ߫، ߏ߬ ߘߐ߬ ߸ ߡߍ߲ ߓߊ߯ ߊ߬ ߟߊ߫ ߖߐ߲߭ ߓߌߦߊ߲߫ ߡߌߘߊ ߞߍ߫ ߡߎ߬ߕߎ߲߬ ߸ ߊ߲ ߘߴߏ߬ ߟߊߕߐ߲ .
ߛߊ߬ߙߌ߬ߦߊ߬ߓߏߟߏ߲ ߄߈߲:
ߞߏ߫ ߖߐ߲߭ ߠߎ߫ ߡߐ߰ߦߊ߬ ߡߌߘߊ ߛߌߟߊ ߝߍ߬ ߸ ߊ߬ߟߎ߬ ߟߊ߫ ߛߣߍ߬ ߘߐ߬ ߕߊ߮ ߕߘߍ߬ ߓߐ߫-ߛߎ߫-ߘߏ߲߬-ߛߎ߫ ߡߍ߲ ߘߌ߫ ߸ ߏ߬ ߓߘߊ߫ ߟߊߕߐ߲ ߓߌ߬، ߊ߬ߟߎ߬ ߞߊߣߊ߬ ߓߊ߯ߙߊ ߘߊߡߌ߬ߣߊ߬ ߡߎ߬ߕߎ߲߬ ߸ ߝߏ߫ ߕߋ߬ߟߋ ߓߊ߯ ߖߎ߬ߞߘߎ߬ ߥߎ߬ߙߊ߬ ߕߟߋ ߖߌ߰ߕߐ߰ߟߊ ߓߊ߯ ߛߋ߫ ߡߐ߱ ߕߋ߲ ߟߊ߫ ߸ ߊ߬ߟߎ߬ ߦߋ߫ ߓߊ߯ߙߊ ߓߟߏߞߊ߬ ߞߊ߬ ߕߊ߯ ߛߏ߫ ، ߥߟߊ߫ ߞߊ߬ ߥߎ߬ߙߊ ߕߐ߭ ߏ߬ ߞߍ߫ ߘߎ߲߬ߘߎ߬ߡߊ߬ ߛߣߍ ߘߐ߫، ߏ߬ ߟߋ ߥߎߙߊ߲ߖߊ߲ ߘߌ߫ ߛߊ߫، ߡߐ߰ ߞߌߛߍ ߦߴߊ߬ ߡߊ߬ߞߏ߬ ߡߌߛߍ߲ ߠߎ߫ ߢߊ߬ߟߊ ߏ߬ ߟߋ ߛߎ߬ߡߊ߲߬ ߛߐ߲ߞߐ ߘߐ߫ .
ߛߊ߬ߙߌ߬ߦߊ߬ߓߏߟߏ߲ ߄߉߲:
ߞߏ߫ ߕߦߊ ߓߘߊ߫ ߟߊߘߤߊ߬ ߖߐ߲߭ ߠߎ߬ ߢߍ߫ ߛߍߣߍ߲߬ ߝߛߊߦߌ߫ ، ߏ߬ ߘߐ߫ ߸ ߖߐ߲߭ ߠߎ߬ ߦߋ߫ ߟߐ߯ߓߊ߫ ߕߟߋ߬ ߅ ߞߴߊ߬ ߡߊ߯ߙߌ ߢߍ߫ ߸ ߞߊ߬ ߟߐ߯ߣߍ߲߫ ߕߟߋ߬ ߂ ߞߴߊ߬ ߖߘߍ߬ ߢߍ߫ ߸ ߟߎߕߌ߮ ߘߐ߮ ߟߎ߬ ߣߴߊ߬ ߘߋ߲ ߞߎ߲ߓߊ ߟߎ߬ ߦߋ߫ ߟߐ߯ߣߍ߲ ߞߍ߫ ߟߴߊ߬ߟߎ߫ ߖߘߍ߬ ߢߍ߫ ߢߊ ߡߍ߲ ، ߞߏ߫ ߟߐ߯ߣߍ߲߫ ߕߌ߮ ߏ߬ ߟߊ߫ ߕߟߋ߬ ߂ ߏ߬ ߓߊߟߏ ߦߴߊ߬ ߖߍ߬ߘߍ ߟߋ߬ ߞߎ߲߬ ، ߞߏ߫ ߖߐ߲߭ ߓߊ߯ ߣߊ߲ߝߟߏ ߡߍ߲ ߛߐ߬ߘߐ߲߬ ߟߐ߯ߣߍ߲ ߕߟߋ߬ ߂ ߏ߬ ߓߊ߯ߙߊ ߘߐ߫ ߸ ߊ߬ ߛߎ߲ ߓߍ߫ ߊ߬ ߕߊ߫ ߓߍ߫ ߟߴߏ߬ ߘߌ߫ ، ߣߊ߲߬ߝߟߏ߬ ߛߎ߮ ߏ߬ ߟߋ߫ ߕߘߍ߬ ߞߟߌ ߟߊ߫ ߞߏ߫ ( ߖߐ߲߬ߞߐߙߌߢߐ) ߖߐ߲߬ߞߍ߬ ߢߐ ߞߊ߬ߣߌ߲߬ ، ߡߊ߲߬ߘߋ߲߫ ߖߐ߲߬ ߞߌߛߍ ߟߎ߫ ߓߣߊ߬ߦߊ߬ ߘߊ߫ ߟߐ߯ߣߍ߲ ߣߊ߲ߝߟߏ ߘߐ߫ ߝߏ߫ ߞߵ ߊ߬ߟߎ߬ ߕߊ߫ ߖߐ߲߭ ߛߊ߲߬، ߒ߬ߓߊ߬ ߖߐ߲߭ ߕߊ߫ ߖߐ߲߭ ߏ߬ ߟߋ ߖߐ߲߬ߡߊߢߐ߬ߙߐ ߘߌ߫ ߛߊ߫ .
ߛߊ߬ߙߌ߬ߦߊ߬ߓߏߟߏ߲ ߅߀߲:
ߞߏ߫ ߞߘߐ߬ߡߊ߲߬ ߸ ߖߐ߲߬ ߡߛߏ߬ ߕߌ߮ ߟߊ߫ ߡߐ߰ ߟߊߘߊ߬ߙߏ߬ߕߊ ߟߵߊ߬ ߟߊ߫ ߖߐ߲߬ߡߛߏ ߘߋ߲ ߘߌ߫ ߸ ߞߣߐ߫ ߟߊߟߊ߫ ߕߊ߫ ߕߍ߫، ߊ߲ ߧߴߏ߬ ߕߏ߫ ߟߊ߫ ߢߊ ߏ߬ ߡߊ߬ ߕߋ߲߬ ߡߎߣߎ߲߬.
ߛߊ߬ߙߌ߬ߦߊ߬ߓߏߟߏ߲ ߅߁߲:
ߞߏ߫ ߖߐ߲߬ ߕߌ߮ ߟߊ߫ ߛߊ߬ߙߌ߬ߦߊ ߓߍ߯ ߦߴߊ߬ ߟߊ߫ ߖߐ߲ ߛߊ߲ߣߍ߲ ߣߴߊ߬ ߟߊ߫ ߖߐ߲߬ ߡߌ߬ߘߊ߬ߣߍ߲ ߠߎ߫ ߟߋ߬ ߞߊ߲߬ ، ߒ߬ߞߵߊ߬ ߟߊ߫ ߖߐ߲߭ ߘߋ߲ ߕߴߊ߬ ߟߊ߫ ߖߐ߲߬ ߘߌ߫ ߘߋ߬ ، ߏ߬ ߦߴߊ߬ ߟߊ߫ ߥߟߏߛߏ ߟߋ߬ ߘߌ߫، ߓߊߏ߬ ߊ߬ ߥߟߏߣߴߊ߬ ߟߊ߫ ߛߏ ߟߋ߬ ߞߣߐ߫، ߏ߬ ߘߐ߫ ߸ ߊ߬ ߟߊ߫ ߖߐ߲߬ߦߊ ߛߊ߬ߙߌ߬ߦߊ߬ ߛߌ߫ ߕߴߏ߬ ߞߊ߲߬ ، ߏ߬ ߣߴߊ߬ ߖߍ߬ߘߍ ߣߴߊ߬ ߘߐ߮ ߓߍ߯ ߞߢߊߡߊ߲߫ ߠߋ߬ ߟߎ߫ ߞߣߐ߫، ߤߊߟߴߊ߬ ߕߴߛߋ߫ ߝߙߋ߬ ߟߊ߫ ߓߊߏ߬ ߖߐ߲߬ ߕߍ߫ ، ߡߊ߲߬ߘߋ߲ ߛߊ߲ߘߊ ߞߊ߲ ߏ߬ ߟߋ ߡߊ߬ ߞߏ߫ (( ߖߐ߲߬ ߞߍ߬ߓߊ ߟߊ߫ ߥߊߟߌߢߌߡߊߟߐ߲ߓߊ ߟߋ ߣߵߊ߬ ߘߋ߲ ߞߍ߫ ߟߊ߫ ߖߐ߲߭ ߘߌ߫ ߸ ߣߴߏ߬ ߕߍ߫ ߖߐ߲߬ ߕߍ߫ )) ߡߐ߰ ߞߏ߬ߣߌ߲߬ ߘߌ߫ ߛߴ ߌ ߟߊ߫ ߥߟߏߛߏ ߓߌ߬ߟߊ߬ߟߴ ߌ ߘߋ߲ ߡߛߏ ߝߍ߬ ߊ߬ ߗߍ߬ ߓߘߊ߫߸ ߦߏ߫ ߘߋ߲ߡߛߏ ߣߊ߬ ߘߋ߲߫ ߘߐ߮ ߦߋ߫ ߥߊ߫ ߟߴߊ߬ ߝߍ߬ ߊ߬ ߗߍ߬ ߓߘߊ ߢߊ ߡߍ߲ .
ߛߊ߬ߙߌ߬ߦߊ߬ߓߏߟߏ߲ ߅߂߲:
ߞߏ߫ ߣߌ߫ ߡߍ߲ ߖߐ߲߬ ߛߊ߲ߕߐ ߥߟߴߊ߬ ߖߐ߲߬ ߡߌ߬ߘߊ߬ߕߐ߫ ߥߊ߫ ߘߊ߫ ߓߍ߲߬ ߊ߬ ߓߘߊߡߐ߯ ߞߎߣߊ߲ ߡߊ߬ ߸ ߏ߬ ߦߴߏ߬ ߤߙߐߦߊ߫ ߟߊ߫ ߟߋ߬ ߘߏߦߌ߲߫ ، ߡߐ߰ ߓߘߊߡߐ߮ ߞߎߣߊ߲ ߦߋ߫ ߡߊ߬ߛߎ߬ߘߎ߲߬ߦߊ߬ ߡߐ߯ ߟߋ߬ ߘߌ߫ ߸ ߡߍ߲ ߛߐ߲߬ߞߐ ߘߌ߫ ߞߎߣߊߦߴ ߌ ߞߊ߲ߠߊ߫، ߦߏ߫ ߓߊߙߌ߲߫ ߞߎߣߊ߲ ߣߌ߫ ߕߍߣߍ߲ ߞߎߣߊ߲ ߣߌ߫ ߓߍߣߐ߯ ߞߎߣߊ߲ ߠߎ߬ ߦߋ߫ ߢߊ ߡߍ߲. ߓߘߊߡߐ߯ ߞߎߣߊ߲ ߤߙߐߦߊ ߘߐ߫ ߸ ߣߴߊ߬ ߡߊ ߞߊ߯ߙߌ ߸ ߊ߬ ߟߊ߫ ߣߊ߲߬ߝߟߏ ߘߌ߫ ߕߏ߫ ߟߊߛߊ߬ߦߌ߲߬ ߟߴߊ߬ ߡߊ߫ ߘߏ߯ߣߍ߲-ߘߏ߯ߣߍ߲ ߝߎߚߎ߫ ߝߏ߫ ߞߵߊ߬ ߓߊ߲ ߛߙߊ߬ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߅߃߲:
ߞߏ߫ ߡߍ߲ ߓߊ߯ ߊ߬ ߟߊ߫ ߡߐ߱ ߦߋ߫ ߖߐ߲߬ߦߊ ߘߐ߫ ߡߐ߱ ߡߍ߲ ߓߟߏ߫ ߸ ߣߌ߫ ߛߋ߫ ߦߴߊ߬ ߢߍ߫ ߸ ߊ߬ ߘߴߊ߬ ߞߎ߲߬ߞߊ߬ ߏ߬ ߦߌߟߊ ߓߍ߯ ߘߐ߫. ߖߐ߲߬ ߕߌ߮ ߘߏ߲߬ ߕߍ߫ ߛߴߊ߬ ߓߊ߲߬ ߠߊ߫ ߞߎ߲߬ߞߊ߬ߟߌ ߏ߬ ߡߊ߬ ߝߋߎ߫، ߣߴߊ߬ ߡߊ߫ ߛߐ߲߬ ߸ ߛߏߕߌ߮ ߦߴߊ߬ ߞߘߊߡߊ߫ ߘߌߦߊߜߏ߬ߦߊ ߟߊ߫.
ߓߊ߯ߙߊ ߘߐߖߊ߭ ߣߌ߫ ߖߊߝߏߦߊ ߞߍ߬ߟߍ
ߛߊ߬ߙߌ߬ߦߊ߬ߓߏߟߏ߲ ߅߄߲:
ߡߊ߬ߙߌ߫ ߖߘߊ߬ ߞߵ ߊ߬ ߦߌ߬ߘߊ߬ ߞߏ߫ ߘߊߞߎ߲ ߓߘߊ߫ ߛߋ߫ ߓߊ߯ߙߊ ߟߋ߬ ߡߊ߬ ߣߌ߲߬ ، ߓߊ ߊ߲ ߓߍ߯ ߦߋ߫ ߝߋ߲ ߡߍ߲ ߢߌߣߌ߲ ߠߊ߫ ߘߎߢߊ߫ ߘߐߕߍ߮ ߘߐ߫ ߸ ߏ߬ ߟߋ߬ ߡߍ߲ߘߌߦߊ ߓߊߟߏ߫ ߢߌߡߊ ߣߴߊ߬ ߝߊߘߌߦߊߓߐ ߢߌߡߊ ߣߌ߫ ߖߊ߲ߞߊߙߏ ߟߎ߬ ߓߊߛߌ߫ ߘߌߡߊ߲ ߠߎ߬ ߘߌ߫، ߏ߬ ߘߏ߲߬ ߛߌ߫ ߕߍ߫ ߛߐ߬ߘߐ߲߬ ߓߊ߯ߙߊ ߛߓߍ߬ߡߊ ߞߐ߫، ߞߊ߬ߦߌ߯ ߞߘߐ߬ߡߊ߲ ߘߏ߲߬ ߸ ߡߊ߲߬ߘߋ߲߫ ߛߌ߰ߞߊ߲ ߓߊߖߎ ߟߋ߬ ߘߊ߫ ߢߊ߫ ߛߊ߬ߓߊ ߢߌ߲߬ ߘߌ߫ : (( ߞߊ߬ ߞߏ߫ ߟߐ߲ ߸ ߞߊ߬ ߓߊ߯ߙߊ߫ ߸ ߞߊ߬ ߕߋߟߋ߲ )) ߞߏ߬ߣߌ߲߬ ߐ߲߬ߤߐ߲߫ ߸ ߣߌ߫ ߞߏߟߐ߲ ߣߌ߫ ߞߎ߬ߛߊ߲߬ߧߊ ߕߍ߫ ߡߐ߱ ߡߍ߲ ߠߊ߫ ߸ ߏ߬ ߛߋ߫ ߕߐ߫ ߓߊ߯ߙߊ ߢߌߡߊ ߞߍ߫ ߟߊ߫ ߘߌ߬ ߣߝߊ߬ ߘߌ߫ ߛߐ߬ߘߐ߲߬ ߡߍ߲ ߠߊ߫؟ ߣߌ߫ ߡߍ߲ ߝߣߊ߫ ߡߊ߫ ߓߊ߯ߙߊ߫ ߞߵߊ߬ ߖߘߍ߬ ߟߊߞߊ߯ߙߌ ߝߋ߲ ߛߐ߬ߘߐ߲߬ ߸ ߏ߬ ߛߋ߫ ߕߐ߫ ߡߐ߰ ߝߋ߲ ߟߐ߮ ߕߏ߫ ߟߴߊ߬ ߟߊ߫ ߘߌ߫ ߞߊ߬ ߕߋߟߋ߲؟ ߣߌ߫ ߡߍ߲ ߘߏ߲߬ ߕߋߟߋ߲ߣߍ߲ ߕߍ߫ ߸ ߡߐ߰ߦߊ ߞߏ߫ ߟߎ߬ ߛߋߕߐ߫ ߓߎ߲ߓߎ߲ ߠߴߏ߬ ߡߊ߬ ߘߌ߫؟ ߣߌ߫ ߡߐ߰ߦߊ ߞߏ߫ ߟߎ߬ ߕߴߛߋ߫ ߓߎ߲ߓߎ߲ ߠߊ߫ ߡߍ߲ ߡߊ߬ ߏ߬ ߓߊߟߏ߫ ߞߎ߲ ߞߍߣߍ߲ ߡߎ߲߬ ߘߌ߫ ߏ߬ ߘߐ߫؟
ߒ߬ߓߊ߬ ߢߌ߬ߣߌ߲߬ߞߊ߬ߟߌ ߢߌ߲߬ ߠߎ߬ ߓߍ߯ ߖߋ߬ߓߌ ߦߴߊ߬ ߦߌ߬ߘߊ߬ ߟߊ߫ ߟߋ߬ ߸ ߞߏ߫ ߝߏ߫ ߊ߲ ߓߍ߯ ߦߴߊ߲ ߘߐߖߊ߬ ߟߋ߬ ߘߌߦߊߜߏ߬ߦߊ ߟߊ߫ ߞߊ߬ ߞߏߟߐ߲ ߢߊߢߌߣߌ߲ ߸ ߞߊ߬ ߓߊ߯ߙߊ ߛߓߍ߬ߡߊ ߞߎ߬ߛߊ߲߬ߧߊ ߟߊ߫ ߸ ߞߵ ߊ߲ ߕߋߟߋ߲ ߞߏ߫ ߓߍ߯ ߘߐ߫ ߦߏ߫ ߓߌ߬ߢߍ ، ߏ߬ ߘߐ߫ ߸ ߊ߲ ߓߘߊ ߕߐ߲ ߛߌ߰ ߖߊߝߏߦߊ ߟߊ߫ ߸ ߞߊ߬ ߓߍ߯ ߞߘߊߡߊ ߞߌ߬ߛߍ߬ߦߊ ߣߌ߫ ߓߊ߯ߙߊ ߟߊ߫ ، ߊ߲ ߖߍ߬ߘߍ ߞߊߣߊ߬ ߝߊߥߏ߫ ߸ ߊ߲ ߘߏ߲߬ ߞߴߊ߲ ߛߐ߲߬ ߡߐ߰ ߦߋ߫ ߖߊߝߏ߫ ߒ߬ ߢߣߊ߫ ، ߓߊߏ߬ ߓߊ߯ߙߊߟߊ ߕߴߊ߬ ߟߊ߫ ߓߊ߯ߙߊ ߕߐ߬ߣߐ ߘߌߦߊߓߐ߫ ߟߊ߫ ߖߊߝߏߓߊ߯ߕߐ ߢߣߊ߫، ߏ߬ ߘߐ߫ ߸ ߝߏ߫ ߞߊ߬ ߓߍ߯ ߘߌߦߊߜߏߦߊ߫ ߓߊ߯ߙߊ ߟߊ߫ ߟߋ߬، ߣߌ߫ ߡߍ߲ ߕߍ߫ ߓߊ߯ߙߊ ߝߍ߬ ߸ ߊ߲ ߓߘߊ߫ ߘߌ߬ߢߍ߫ ߏ߬ ߘߐ߫ ߝߋߎ߫ ߊ߰ ߓߐ߫ ߡߊ߲߬ߘߋ߲߫ .
ߛߊ߬ߙߌ߬ߦߊ߬ߓߏߟߏ߲ ߅߅߲:
ߞߏ߫ ߣߌ߫ ߟߎ ߡߍ߲ ߥߟߊ߫ ߜߊ߭ ߡߍ߲ ߕߏ߫ ߘߊ߫ ߞߐ߲ߞߐ߫ ߟߊ߫ ߸ ߛߏߕߌ߮ ߦߴߏ߬ ߟߎ߬ ߟߊߛߌ߰ ߖߐ߲ ߘߐ߫ ߖߊ߬ߡߊ ߕߍߡߊ߬ ߞߵߊ߬ߟߎ߬ ߘߐߢߌ߬ߣߌ߲߬ߞߊ߫ ߊ߬ߟߎ߬ ߟߊ߫ ߓߊ߯ߙߊ ߢߊ߫ ߡߊ߬، ߞߵߊ߬ߟߎ߬ ߝߍߦߊ߫ ߞߵߊ߬ߟߎ߬ ߘߐ߯ߦߊ߫، ߞߊ߬ ߓߊ߲߫ ߞߊ߬ ߖߊ߬ߛߙߋ߬ߡߟߊ߬ ߜߍߟߍ߲ ߞߴߊ߬ߟߎ߬ ߢߍ߫، ߞߏ߫ ߣߴߊ߬ߟߎ߬ ߡߊ߫ ߓߊ߯ߙߊ ߞߍ߫ ߛߍ߬ߓߍ ߟߊ߫ ߊ߬ߟߎ߬ ߓߌߘߊ߲߫ ߠߎ߬ ߘߴߊ߬ߟߎ߬ ߘߋ߲ߡߛߏ ߟߎ߫ ߡߌ߬ߘߵߊ߬ߟߎ߫ ߟߊ߫، ߡߐ߰ߜߘߍ߫ ߘߏ߲߬ ߕߴߊ߬ ߘߋ߲ߡߛߏ߫ ߘߴߊ߬ߟߎ߬ ߡߊ߬ ߝߘߎ ߟߊ߫ ߡߎ߬ߕߎ߲߬ ߝߛߍߞߘߎ߫.
ߛߊ߬ߙߌ߬ߦߊ߬ߓߏߟߏ߲ ߅߆߲:
ߞߏ߫ ߗߍ߭ ߣߌ߫ ߡߏ߬ߛߏ ߸ ߘߋ߲ߣߍ߲ ߣߌ߫ ߡߐ߰ߓߊ ߸ ߓߍ߯ ߦߋ߫ ߓߊ߯ߙߊ߫ ߸ ߓߍ߯ ߦߴߊ߬ ߝߊ߲߬ߞߊ ߓߍ߬ߙߍ ߞߍ߫ ߞߣߐߘߐߘߌߦߊ ߟߊ߫، ߤߊߟߌ߫ ߡߐ߰ߓߊ ߟߎ߬ ߡߊ߫ ߛߋ߫ ߓߘߍ߬ ߞߍ߫ ߟߊ߫ ߸ ߊ߬ߟߎ߬ ߦߋ߫ ߞߍ߫ ߓߊ߯ߙߊ ߘߊߞߎ߲ ߘߐ߫ ߟߋ߬ ߞߘߊߎ߫، ߓߊ ߊ߬ߟߎ߬ ߢߊ ߦߋ߫ ߡߍ߲ ߞߍ߫ ߟߊ߫ ߸ ߊ߬ߟߎ߬ ߓߟߏ ߕߍ߫ ߛߴߏ߬ ߕߟߊߒߕߍ ߞߍ߫ ߟߊ߫، ߛߊ߲ߘߊ ߞߊ߲ ߏ߬ ߟߋ ߘߐ߫ ߸ ߞߏ߫ ߛߣߍ߬ ߕߌ߮ ߢߊ ߣߌ߫ ߜߎ߲߬ߞߎ߬ߘߎ߲ ߢߊ ߕߍ߫ ߞߋߟߋ߲ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߅߇߲:
ߞߏ߫ ߓߍ߯ ߦߋ߫ ߓߊ߯ߙߊ ߞߊ߬ߣߌ߲߬ ߸ ߞߊ߬ ߢߐ߲߮ ߖߎ߬ߛߎ ߟߐ߬ ߓߊ߯ߙߊ ߟߊ߫، ߓߊ߯ߙߊ ߝߊ߲߬ߞߊ߬ߓߊ ߦߋ߫ ߝߎߣߎ߲ߞߋ ߡߍ߲ ߠߎ߬ ߟߊ߫ ߸ ߓߍ߯ ߦߋ߫ ߗߋ ߘߐߘߌߦߊ ߏ߬ ߟߎ߬ ߓߟߏ߫ ߸ ߊ߬ߟߎ߫ ߖߍ߬ߘߍ ߦߴߊ߬ ߘߐߘߌߦߊ ߊ߬ߟߎ߬ ߓߟߏ߫ ، ߝߎߣߎ߲ߞߋ ߟߎ߬ ߦߴߊ߬ߟߎ߬ ߟߊߘߍ߬ ߞߵߊ߬ߟߎ߬ ߖߍ߬ߘߍ ߛߌ߲߬ߝߏ߲߬ߧߊ߫ ߸ ߞߊ߬ ߟߡߊ ߟߎ߬ ߞߍ߫ ، ߞߊ߬ ߛߊ߲ߛߣߍ ߟߎ߬ ߣߌ߫ ߛߣߍ߬ ߛߏ߲ߧߊ ߟߎ߬ ߟߊߛߌߦߊߦߊ߫ ، ߞߊ߬ ߡߊ߬ߗߋ ߟߎ߬ ߟߊߡߌ߬ߘߊ߬ ߞߣߐߘߐߘߌߦߊ ߟߊ߫ ، ߞߊ߬ ߝߊ߲߬ߞߊ߬ߓߊ ߘߌ߫ ߖߍ߬ߝߙߍ߬ ߞߏ ߡߊ߬ ،ߞߊ߬ ߖߍ߬ߝߙߍ ߛߎ߮ ߟߊߛߌߦߊߦߊ߫: (( ߝߟߏ߬ߟߏ߬ߓߐ ߖߍ߬ߝߙߍ ، ߞߊ߲ߛߊ߲ߓߐ ߖߍ߬ߝߙߍ ، ߓߙߎ߬ߞߎ߬ߟߌ ߖߍ߬ߝߙߍ ، ߞߘߐߛߊߟߌ ߖߍ߬ߝߙߍ ، ߞߊ߬ߟߌ ߖߍ߬ߝߙߍ ، ߓߌ߲ߓߐ ߖߍ߬ߝߙߍ ، ߝߊߣߌ߲ ߘߐ߲ ߖߍ߬ߝߙߍ ، ߢߐ߬ ߜߊߛߌ ߖߍ߬ߝߙߍ )) ߞߊ߬ ߓߊ߯ߙߊ ߓߍ߯ ߖߍ߬ߝߙߍ ߟߊߘߊ߲ ، ߞߊ߬ ߖߍ߬ߝߙߍ ߓߍ߯ ߘߐ߲߬ߞߟߌ߬ ߘߌߡߊ߲ ߠߎ߬ ߟߊߘߊ߲ .
ߖߊ߲ߕߏ߬ߒߘߐ: ߖߍ߬ߝߙߍ ߦߋ߫ ߝߙߊߓߊ߲ ߝߘߍߓߊ ߘߏ߫ ߟߋ߬ ߘߌ߫ ߸ ߞߏ߬ߙߏ߲߬ ߞߌߛߍ ߛߝߊ߫ ߦߙߌߞߊ ߦߋ߫ ߡߍ߲ ߞߊ߲߬، ߞߣߐ߬ ߖߟߏ߫ ߗߋ߲߰ߓߊ ߟߎ߬ ߦߴߊ߬ ߓߌ߲ߛߊ߲ ߘߌ߫، ߏ߬ ߟߋ ߛߘߌ߬ ߟߊ߫ ߓߍ߯ ߘߊ߲ߓߊ߮ ߕߍߡߊ߬ ߸ ߞߵߊ߬ ߡߊߕߐ߯ ߘߐ߲ߞߟߌ ߟߎ߬ ߞߍ߫ ߞߴߊ߬ ߞߐߞߘߐߘߌߦߊ߫.
ߛߊ߬ߙߌ߬ߦߊ߬ߓߏߟߏ߲ ߅߈߲:
ߞߏ߫ ߓߊ߯ߙߊ ߘߐߖߊ߭ ߣߴߊ߬ ߘߐߘߌߦߊ ߛߌߟߊ ߝߍ߬ ߸ ߞߊ߬ߙߌ ߡߍ߲ ߓߊ߯ ߞߍ߫ ߓߙߊ ߘߐ߫ ߸ ߊ߬ ߣߌ߫ ߓߙߊߡߊߞߣߐ ߠߎ߬ ߸ ߞߊ߬ ߛߏ ߝߘߏ߬ߓߊ߬ ߓߊ߯ߙߊ ߓߍ߯ ߞߊ߬ߙߌ߬ߝߊ߫ ߏ߬ ߟߎ߬ ߗߍ߬ߡߊ߲ ߠߎ߬ ߣߴߊ߬ ߡߛߏ߬ߡߊ߲ ߠߎ߬ ߟߊ߫، ߏ߬ ߟߎ߬ ߦߋ߫ ߛߏ ߘߐߓߍ߲߬ ߞߵߊ߬ ߛߊߣߌ߲ߧߊ߫ ߞߊ߬ ߜߊߟߊ߲ ߠߎ߬ ߜߊ߬ߛߌ߬ ߓߙߊ ߟߎ߬ ߘߐ߫ ߸ ߞߊ߬ ߦߙߌ߫ ߘߎߟߋ߲ߡߊ ߟߎ߬ ߕߘߎ߫ ߦߋ߲߬، ߞߊ߬ ߥߊ߬ߛߌ ߟߎ߬ ߟߊߘߊ߲ ߦߙߌ߫ ߘߎߟߋ߲ߡߊ ߏ߬ ߟߎ߬ ߘߎߟߋ߲ߡߊ ߏ߬ ߟߎ߫ ߖߎ߭ ߟߎ߬ ߟߊߡߌߣߌ߲ ߘߐ߫ ߞߵߏ߬ ߟߝߊ߫ ߓߍ߬ߙߍ ߟߎ߬ ߟߊ߫ ߥߟߊ߫ ߞߌ߬ߢߍ ߟߎ߬ ߟߊ߫ .
ߛߊ߬ߙߌ߬ߦߊ߬ߓߏߟߏ߲ ߅߉߲:
ߞߏ߫ ߕߐ߲ ߘߐߖߊ߭ ߣߌ߫ ߖߊߝߏߦߊ ߞߍ߬ߟߍ ߘߐ߫ ߸ ߓߙߊߕߌ߮ ߟߎ߬ ߦߋ߫ ߘߏ߲߬ ߝߎ߭ ߘߐ߫ ߞߊ߬ ߞߍ߫ ߞߣߐ߬ߜߍ߲߬ ߥߟߐ ߟߎ߬ ߘߌ߫ ، ߏ߬ ߟߎ߬ ߦߋ߫ ߟߎ ߞߣߐߟߊ ߟߎ߬ ߣߌ߫ ߓߏ߲ ߞߣߐߟߊ ߟߎ߬ ߡߊߝߟߍ߫ ߕߋ߬ߟߋ ߘߐ߫ ߛߣߍ߬ߞߍ߬ ߥߊ߯ߕߌ ߟߎ߬ ߟߊ߫ ߞߍ߬ߣߍ߲ ، ߊ߬ߟߎ߬ ߓߊ߯ ߛߊ߬ߟߊ ߣߌ߫ ߖߊߝߏߓߊ߯ߕߐ ߡߍ߲ ߠߎ߬ ߟߊߣߍ߲ ߦߋ߫ ߓߏ߲ ߠߎ߬ ߟߊ߫ ߸ ߊ߬ߟߎ߬ ߦߋ߫ ߓߏ߲߬ߛߊ߲ ߘߐ߬ߟߐ ߟߐ߬ ߏ߬ ߟߎ߬ ߟߊ߫ ߸ ߞߵߊ߬ߟߎ߬ ߜߍ߲߫ ߞߵߊ߬ߟߎ߬ ߟߥߊ߫ ߛߍ߬ߣߍ ߟߎ߬ ߘߐ߫ ߓߊ߯ߙߊ ߦߌߟߊ ، ߊ߬ߟߎ߬ ߦߋ߫ ߕߏ߫ ߛߣߍ߬ ߞߣߐ߬ߟߊ ߟߎ߬ ߝߣߊ߫ ߡߊߝߟߍ߫ ߟߊ߫ ߛߐ߲߬ ، ߊ߬ߟߎ߬ ߓߊ߯ ߗߋߞߍߓߊߟߌ߫ ߖߊߝߏߓߊ߯ߕߐ ߡߍ߲ ߠߎ߬ ߟߊߣߍ߲ ߦߋ߫ ߦߙߌ߫ ߘߎߟߋ߲ ߠߎ߬ ߟߊ߫ ߛߍ߬ߣߍ ߟߎ߬ ߘߐ߫ ߕߋ߲߬ ߸ ߊ߬ߟߎ߬ ߦߴߏ߬ ߝߌ߲߬ߝߊ߲߬ ߕߐ߲ߘߐ߫ ߣߎ߲ߜߊ߲ ߠߎ߬ ߣߌ߫ ߣߐ߯ߣߐ߯ ߓߏ߲ߛߊ߲ ߠߎ߬ ߟߊ߫ ߞߊߕߌ߫، ߞߏ߫ ߊ߬ߟߎ߬ ߦߋ߫ ߛߏ߬ߙߌ߬ ߞߣߐ߬ߜߍ߲߬ ߘߋ߲ ߟߎ߬ ߟߊߞߎߣߎ߲ ߠߊ߫ ߛߎߓߊ߯ ߘߓߌ ߡߊ߬ ߸ ߞߵߊ߬ߟߎ߬ ߓߌ߬ߟߊ߬ߛߌߟߊ ߓߏ߲߬ߛߊ߲ ߠߊ߫ ߝߏ߯ ߛߍ߬ߣߍ ߘߐ߫ ، ߞߏ߫ ߊ߬ߟߎ߬ ߦߋ߫ ߕߏ߫ ߛߣߍ߬ ߞߣߐߟߊ ߟߎ߬ ߛߊߞߍ߫ ߟߊ߫ ߞߍ߬ߣߍ߲ ، ߊ߬ߟߎ߬ ߓߊ߯ ߥߘߊ ߟߎ߬ ߕߌߢߍߟߌ ߣߐ ߦߋ߫ ߞߣߐ߬ߜߍ߲߬ߘߋ߲ ߡߍ߲ ߞߘߐ߫ ߸ ߊ߬ ߣߴߊ߬ߟߎ߬ ߓߊ߯ ߓߌߦߊ߲ ߠߎ߬ ߕߟߊߣߍ߲ ߦߋ߫ ߓߌߦߊ߲ߜߍ߲ߘߋ߲ ߡߍ߲ ߠߎ߬ ߟߊ߫ ߸ ߊ߬ߟߎ߬ ߦߴߏ߬ ߓߍ߯ ߜߏ߬ߟߏ ߥߎߙߊ߫ ߜߍߢߍ ߣߌ߫ ߓߏ߲߬ߛߊ߲ ߣߌ߫ ߛߏߜߋ ߣߌ߫ ߜߐ߲߬ߞߏ ߣߌ߫ ߡߊ߬ߣߌ߲߬ߝߐߛߐ߲ ߠߎ߬ ߟߊ߫. ߞߏ߫ ߣߌ߫ ߦߙߌߘߋ߲ ߥߟߊ߫ ߛߣߍ߬ߝߋ߲ ߞߐ߯ߓߊߟߌ ߡߙߍ߬ߛߍ ߦߋ߫ ߘߊ߫ ߛߐߢߐ߲ߕߐ ߡߍ߲ ߓߟߏ߫ ߸ ߤߊߟߴߊ߬ ߖߍ߬ߘߍ ߕߊ ߞߍ߫ ߘߊ߫ ߸ ߊ߬ߟߎ߬ ߦߴߏ߬ ߟߊߡߌ߲߬ ߓߏ߲߬ߛߊ߲ ߘߊ߲ߘߊߟߌ߲ ߠߊ߫ ، ߊ߬ߟߎ߫ ߘߏ߲߬ ߞߊߣߊ߬ ߡߊ߬ߟߏ߬ߦߊ߫ ߥߟߊ߫ ߞߊ߬ ߕߎ߲߬ߞߎ߬ߙߎ߲߫ ߡߐ߰ ߛߌ߫ ߡߊ߬ ߜߊ߬ߛߌ߬ߟߌ ߘߐ߫ ߸ ߤߊߟߴߊ߬ ߞߍ߫ ߘߴߊ߬ߟߎ߬ ߓߌߘߊ߲ ߘߌ߫ ، ߊ߬ߟߎ߫ ߘߏ߲߬ ߞߎ߲ ߠߋ߬ ߝߎ߭ ߘߐ߫ ߏ߬ ߘߌ߫ ߸ ߛߊ߫ ߡߐ߰ ߞߊߣߵ ߊ߬ߟߎ߬ ߟߐ߲ ، ߊ߬ ߣߌ߫ ߞߵߊ߬ߟߎ߬ ߟߐ߬ ߢߐ߲߮ ߞߟߌ߫ ߟߊ߫ ߞߏ߫ ߒ ߕߐ߯ߡߊ߲ ، ߊ߬ ߣߌ߫ ߞߵߊ߬ߟߎ߬ ߟߐ߬ ߣߎ߲ߘߐߞߐ߲ߞߐ߲ ߞߎߡߊ ߟߊ߫ ߤߊߞߍߕߏ߫ ߡߐ߰ ߞߊߣߵߊ߬ߟߎ߬ ߟߐ߲، ߒ߬ߓߊ߬ ߡߍ߲ ߓߊ߯ ߞߣߐ߬ߜߍ߲ ߥߟߐ ߘߏ߫ ߟߐ߲ ߝߎ߭ ߘߐ߫ ߞߵߊ߬ ߞߟߌ߫ ߊ߬ ߡߐ߰ ߕߐ߫ ߟߊ߫ ߸ ߏ߬ ߓߘߊ߫ ߛߏ ߟߊ߫ ߕߐ߲ ߕߌߢߍ߫ ، ߝߏ߫ ߊ߬ ߦߋ߫ ߓߊ߭ ߟߋ߬ ߓߐ߫ ߏ߬ ߘߐ߫ ߘߌߦߊߜߏ߬ߦߊ ߟߊ߫ ߸ ߞߵߏ߬ ߞߍ߫ ߞߊ߬ ߛߏ ߟߊߘߊ߲ .
ߛߊ߬ߙߌ߬ߦߊ߬ߓߏߟߏ߲ ߆߀߲:
ߞߏ߫ ߣߌ߫ ߞߏ߫ ߟߊߕߐ߲ߕߊ ߥߟߊ߫ ߞߏ߫ ߟߊߘߊ߲ߕߊ ߡߍ߲ ߥߙߊ߬ ߘߊ߫ ߓߙߊߕߌ߮ ߟߎ߬ ߣߌ߫ ߓߙߊߡߊߞߐߣߐ߲ ߠߎ߬ ߡߊ߬ ߸ ߞߏ߫ ߊ߬ߟߎ߬ ߦߴߏ߬ ߟߊ߫ ߞߊ߲ߜߍ ߟߎ߬ ߞߘߐ߫، ߏ߬ ߟߎ߬ ߕߍ߫ ߞߢߊ߬ ߏ߬ ߢߊߓߐߟߊ ߝߋߎ߫، ߓߊ ߞߊ߲ߜߍ ߟߎ߬ ߦߋ߫ ߘߋ߲ߡߌߛߍ߲ߦߊ ߣߌ߫ ߡߐ߰ߓߊ߬ߦߊ ߘߊ߲ߕߍ߬ ߟߋ߬ ߟߊ߫.
((ߖߊ߲ߕߏ߬ߒߘߐ߫)) ߡߊ߲߬ߘߋ߲߫ ߝߎߣߎ߲ߞߋߦߊ ߖߡߊ߬ߣߊ߬ߞߍ ߕߟߊߣߍ߲ ߕߘߍ߬ ߦߌߟߡߊ߫ ߇ ߟߋ߬ ߘߌ߫ ߥߟߊ߫ ߛߌ߰ ߞߛߊ߬ߓߌ߬ ߇. ߏ߬ ߟߎ߬ ߝߟߍ߫:
߁߭- ߞߏ߲߬ߘߋ߲߬ ߞߊߙߊ߲ߘߋ߲ ߠߎ߬: ߞߵߊ߬ ߕߊ߬ ߛߊ߲߬ ߁߀ ߡߊ߬ ߞߵߊ߬ ߛߌ߰ ߁߅ ߟߊ߫، ߏ߬ ߟߎ߫ ߟߋ߬ ߞߣߐ߬ߜߍ߲ߘߋ߲ ߠߎ߬ ߣߌ߫ ߣߛߌ߬ߜߍ߲߬ߘߋ߲ ߠߎ߬ ߘߌ߫.
߂߲- ߞߏ߲߬ߘߋ߲߬ߓߊ ߟߎ߬: ߞߵߊ߬ ߕߊ߬ ߛߊ߲߬ ߁߅ ߡߊ߬ ߞߵߊ߬ ߛߌ߰ ߂߀ ߠߊ߫، ߏ߬ ߟߎ߫ ߟߋ߬ ߗߍ߬ߓߦߊ߬ ߓߌߟߊߞߙߏ ߣߌ߫ ߓߙߊߕߌ߮ ߡߊ߬ߡߊ߬ߙߋ߲ ߟߎ߬ ߘߌ߫.
߃߲- ߓߙߊߡߊߞߐߣߐ߲ ߠߎ߬: ߞߵߊ߬ ߕߊ߬ ߛߊ߲߬ ߂߀ ߡߊ߬ ߞߵߊ߬ ߛߌ߰ ߂߅ ߟߊ߫، ߏ߬ ߟߎ߫ ߟߋ߬ ߗߍ߬ߓߊ߬ߟߋ߲ ߠߎ߬ ߘߌ߫.
߄߲- ߓߙߊߕߌ߮ ߟߎ߬: ߞߵߊ߬ ߕߊ߬ ߛߊ߲߬ ߂߅ ߡߊ߬ ߞߵߊ߬ ߛߌ߰ ߃߀ ߟߊ߫، ߏ߬ ߟߎ߫ ߟߋ߬ ߞߊߡߋߙߋ߲ ߠߎ߬ ߘߌ߫، ߏ߬ ߟߎ߫ ߟߋ߬ ߝߘߎ ߘߊߞߎ߲ ߘߐ߫.
߅߲- ߓߙߊߕߌ߮ ߞߐ߬ߘߐ ߟߎ߬ ߣߌ߫ ߓߙߊߡߊߞߐߣߐ߲ ߠߎ߬ ߓߋ߲ߓߊ ߟߎ߬: ߞߵߊ߬ ߕߊ߬ ߛߊ߲߬ ߃߀ ߡߊ߬ ߞߵߊ߬ ߛߌ߰ ߃߅ ߟߊ߫، ߏ߬ ߟߎ߫ ߟߋ߬ ߞߊߡߋߙߋ߲ ߞߘߐ߫ ߟߎ߬ ߘߌ߫
߆߲- ߓߙߊߕߌ߮ ߓߋ߲ߓߊ ߟߎ߬: ߞߵߊ߬ ߕߊ߬ ߛߊ߲߬ ߅߃ ߡߊ߬ ߞߵߊ߬ ߛߌ߰ ߄߀ ߠߊ߫، ߏ߬ ߟߎ߫ ߟߋ߬ ߜߌߛߌ߲ ߠߎ߬ ߘߌ߫ ߥߟߊ߫ ߛߌ߲ߓߊ߲ ߠߎ߬، ߏ߬ ߟߎ߬ ߦߴߊ߬ߟߎ߫ ߡߊ߬ߡߊ߬ߙߋ߲ ߟߎ߫ ߝߍ߬ ߟߋ߬ ߓߙߊ߫ ߘߐ߫ ߞߊߡߋߙߋ߲ߦߊ ߟߊ߫ ߞߊߕߌ߫.
߇߲- ߞߊ߲ߜߍ ߟߎ߬: ߞߵߊ߬ ߕߊ߬ ߛߊ߲߬ ߄߀ ߡߊ߬ ߞߵߊ߬ ߛߌ߰ ߄߅ ߟߊ߫، ߏ߬ ߟߎ߫ ߟߋ߬ ߟߊߡߎ߯ߛߊ ߟߎ߬ ߘߌ߫، ߏ߬ ߟߎ߫ ߟߋ߫ ߝߎߣߎ߲ߞߋߦߊ ߣߌ߫ ߡߐ߰ߓߊ߬ߦߊ ߘߊ߲ߕߍ ߟߊ߫، ߏ߬ ߟߎ߫ ߟߋ߫ ߖߡߊ߬ߣߊ߬ߞߍ ߞߐߘߊ߲ ߠߊ߫. ߏ߬ ߥߊ߯ߕߌ ߊ߬ ߕߘߍ߬ ߟߊ߫ ߟߋ߬ ߊ߬ ߤߊ߬ߙߌ߬ߖߍ߰ߡߊ ߟߎ߬ ߘߋ߲ ߓߘߊ ߛߋ߫ ߝߘߎ ߡߊ߬ ، ߏ߬ ߘߐ߫ ߸ ߊ߬ߟߎ߬ ߘߌ߫ ߛߴߊ߬ߟߎ߬ ߘߊ ߛߎ߫ ߟߊ߫ ߡߐ߰ߓߊ߬ ߞߎߡߊ ߓߍ߯ ߘߐ߫ ߛߍߣߍ߲ ، ߊ߬ߟߎ߬ ߕߍ߫ ߡߊ߬ߟߏ߬ߦߊ ߡߐ߰ߓߦߊ߬ ߞߎߡߊ ߛߌ߫ ߝߐ߫ ߟߊ߫ ߡߎ߬ߕߎ߲߬ ، ߏ߬ ߟߋ ߞߏߛߐ߲߬ ߓߙߊߕߌ߮ ߟߎ߬ ߓߊ߯ ߞߢߊ߬ ߡߐ߰ߓߊ߬ ߞߏ߫ ߡߍ߲ ߢߊߓߐ߫ ߟߊ߫ ߸ ߊ߬ߟߎ߬ ߦߴߏ߬ ߟߊ߫ ߟߊ߫ ߞߊ߲ߜߍ ߟߎ߬ ߞߘߐ߫ ߸ ߏ߬ ߟߎ߬ ߡߍ߲ ߠߎ߫ ߘߋ߲ߣߍ߲ߠߡߊ ߞߊ߬ ߡߐ߰ߓߊ߬ ߞߘߐ߫ ߛߌߦߊߡߊ߲ ߓߌ߬ߟߊ߬ߞߙߏ߬ߓߊ ߦߋ ߟߋ߬ ، ߡߐ߰ߓߊ ߡߍ߲ ߓߊ߯ ߞߊ߲ߜߍ ߟߎ߬ ߘߌߣߍ߲ߦߊ ߡߌߘߊ߫ ߞߍ߫ ߞߏߖߎ߯ߦߊ߫ ߸ ߊ߬ߟߎ߬ ߦߴߊ߬ ߝߐ߫ ߟߴߏ߬ ߡߊ߬ ߟߋ߬ ߞߏ߫ ߋ߯ ߸ ߡߐ߰ ߦߴ ߌ ߓߍ߯ ߝߐ߫ ߟߴ ߌ ߘߋ߲ߣߍ߲ ߞߎ߲߬ ߜߘߋ߬ߓߊ ߟߋ߬ ߢߍ ، ߒ߬ߞߊ߬ ߌ ߘߐ߯ߣߍ߲ ߞߎ߲߬ ߜߘߋ߬ߓߊ ߸ ߌ ߟߊ߫ ߞߏ߫ ߛߌߦߊߡߊ߲߫ ߞߍߣߍ߲߫ ߣߵߏ߬ ߢߣߊ߫ ߘߋ߬ .
ߛߊ߬ߙߌ߬ߦߊ߬ߓߏߟߏ߲ ߆߁:
ߞߏ߫ ߖߊߝߏߦߊ ߟߊߕߐ߲ ߣߌ߫ ߢߐ߲߯ ߟߊߞߌߛߍߦߊ ߛߌߟߊ ߝߍ߬ ߸ ߣߌ߫ ߓߙߊߕߌ߮ ߟߎ߬ ߣߌ߫ ߞߊ߲ߜߍ ߟߎ߬ ߖߐ߬ߘߊ߫ ߡߐ߰ߓߊ ߡߍ߲ ߠߊ߫ ߝߏ߬ߘߏ ߡߊ߬ ߥߟߴߊ߬ ߛߣߍ߬ߞߍ߬ ߢߊ ߡߊ߬ ߸ ߛߍ߬ߣߍ ߘߐߓߍ߲߬ ߓߊߟߌߦߊ ߘߐ߫ ߸ ߊ߬ߟߎ߬ ߦߋ߫ ߟߊߡߊ߬ߟߏ߬ߦߊ߫ ߛߏߕߌ߮ ߓߘߊ ߖߊ߬ߡߊ ߓߍ߯ ߢߣߊ߫ ߢߐ߯ߛߐ߫، ߝߏ߫ ߊ߬ ߦߴߊ߬ ߛߓߍ߬ߘߏ߲߫ ߠߋ ߕߘߋ߫.
ߛߊ߬ߙߌ߬ߦߊ߬ߓߏߟߏ߲ ߆߂:
ߞߏ߫ ߛߣߍ߬ ߘߎ߰ ߞߏ ߓߏ߲ ߟߐ߫ ߘߎ߯ ߞߏ ߛߌߟߊ ߝߍ߬ ߸ ߛߏ߫ ߞߋߟߋ߲ ߛߣߍ߬ߞߍ߬ ߘߎ߮ ߡߎ߰ߡߍ ߦߴߊ߬ ߟߏ߲ߟߊ߲ ߣߴߊ߬ ߘߎ߰ߙߋ߲ ߓߍ߯ ߕߊ ߟߋ߬ ߘߌ߫ ߖߐ߲، ߡߊ߲߬ߘߋ߲߬ ߡߊ߲ߛߊ ߟߋ߬ ߕߊ߫ ߦߋ߫ ߘߎ߰ߞߟߏ ߓߍ߯ ߘߌ߫، ߊ߬ ߣߵߊ߬ ߞߊ߬ߙߌ߬ߝߊ߬ ߟߊ߫ ߘߎ߱ ߟߊ߲ߔߊ߯ߛߌ ߟߎ߫ ߟߋ߬ ߟߊ߫ ߸ ߡߍ߲ ߠߎ߬ ߓߋ߲ߓߊ ߣߊ߬ ߛߏ ߜߍ߲߭ ߕߍ߰ ߟߊ߫ ، ߓߊ߬ߙߌ߬ ߓߊߏ߬ ߞߊ߬ߙߌ߬ߝߊ ߘߐߙߐ߲ ߠߋ߬ ߸ ߊ߬ ߕߍ߫ ߞߎ߲ ߏ߬ ߟߎ߬ ߘߐ߫ ߞߊ߬ ߡߐ߰ ߛߌ߫ ߖߊ߲߬ ߊ߬ ߟߊ߫ ߛߣߍ߬ߞߍ߬ ߦߌ߬ߟߊ߬ ߞߏ ߘߐ߫ ߥߟߊ߫ ߓߏ߲߫ ߟߐ ߦߙߐ߫ ߞߏ ߘߐ߫، ߊ߬ ߘߏ߲߬ ߛߐ߲߬ߞߐ߫ ߕߍ߫ ߓߐ߫، ߡߍ߲ ߓߊ߯ ߘߎ߰ߞߟߏ߬ ߛߐ߲ߞߐ ߘߊߥߎ߲ ߞߎ߲߬-ߎ-ߞߎ߲߬ ߠߊ߫ ߸ ߊ߲ ߘߴߏ߬ ߟߊߓߴߏ߬ ߞߣߐ߫ ߡߎ߬ߙߎ ߟߊ߫ ، ߊ߬ߟߎ߬ ߞߊ߫ ߞߊ߲ ߞߊ߬ ߡߐ߰ ߞߋߟߋ߲߫ ߔߋ߫ ߟߋ߬ ߖߊ߲߬ ߘߎ߱ ߟߊ߫ ߸ ߡߍ߲ ߦߴߊ߬ ߢߎ߲߫ ߞߏ ߘߐ߫ ߞߊ߬ ߥߴߊ߬ ߘߌ߫ ߖߡߊ߬ߣߊ߬ ߜߘߍ߫ ߘߐ߫، ߞߏ߫ ߘߊߡߊ߲ߕߊ߫ ߣߊ߲ߜߊ߲ ߕߐ߬ ߦߋ߫ ߛߏ ߞߣߐ߫ ߸ ߓߏ߲ ߟߐߟߊ߫ ߞߊߣߊ߬ ߟߊߓߐ߫ ߞߐ߫ ߞߊ߲ ߡߐ߰ ߛߌ߫ ߟߊ߫ ߢߊ߲ߜߏߦߊ ߡߊ߬ ߛߏߕߌ߮ ߢߣߊ߫ ، ߡߊ߲߬ߘߋ߲߫ ߘߎ߱ ߞߊߣߊ߬ ߞߍ߫ ߥߊ߬ߣߌ߲߬ߞߋ߲߬ ߖߎ߯ ߝߊ߬ ߟߊ߫ ߛߊ߲ߜߊ߲ ߘߌ߫ ߝߋߎ߫ ߸ ߊ߬ߟߋ߬ ߕߴߊ߬ ߛߍ߬ߣߍ߫ ߡߐ߰ ߜߘߍ߫ ߕߴߊ߬ ߛߣߍ߬ ، ߊ߬ߟߋ߬ ߕߴߊ߬ ߟߐ߬ ߡߐ߰ ߜߘߍ߫ ߕߴߊ߬ ߟߐ߬ ، ߡߐ߰ߦߊ ߛߊ߬ߙߌ߬ߦߊ ߕߍ߫ ߛߐ߲߬ ߏ߬ ߡߊ߬ ߝߋߎ߫ .
ߣߌ ߟߎ߬ ߣߌ߫ ߝߊ߬ߘߌ ߟߎ߬ ߟߊߞߊ߲ߘߊ
ߛߊ߬ߙߌ߬ߦߊ߬ߓߏߟߏ߲ ߆߃߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߞߎߡߊ ߓߘߊ߫ ߛߋ߫ ߦߌߟߊ ߡߍ߲ ߣߌ߲߬ ߸ ߊ߲ ߕߴߛߋ߫ ߒ߬ ߘߊ ߛߎ߫ ߟߴߏ߬ ߘߐ߫ ߸ ߝߏ߫ ߣߴߊ߲ ߛߐ߰ ߘߊ߫ ߡߊ߲߬ߘߋ߲ ߡߌ߬ߙߌ߲߬ߘߌ ߕߊ߲߬ߘߏ߫ ߡߊ߬ ߸ ߞߵߊ߬ ߝߏ߬ ߕߐ߲ ߕߌߢߍߓߊߟߌߦߊ ߣߌ߫ ߞߎ߬ߙߎ߲߬ߘߎ߬ ߟߊߕߏ ߟߊ߫ ߝߎߚߎ߫ ߸ ߝߏ߫ ߞߵߊ߬ ߞߎߟߎ߲ߖߋ߫ ، ߓߊߏ߬ ߊ߬ߟߎ߫ ߢߐ߲߰ ߛߌ߫ ߕߍ߫ ߛߊ߬ߙߌ߬ߦߊ߬ ߡߌߘߊ ߘߐ߫ ، ߞߊ߬ߕߎ߲߯ ߸ ߞߵߊ߬ ߕߊ߬ ߊ߲ ߓߋ߲ߓߊ ߟߎ߫ ߞߊ߬ ߕߐ߲ ߛߌ߰ ߡߐ߱ ߞߍ߫ ߟߊ߫ ߛߘߊߞߊ ߣߌ߫ ߖߏ߬ ߛߐ ߣߌ߫ ߝߎ߬ߙߋ߬ ߖߊ߲ߛߊ ߘߌ߫ ߞߊ߬ߦߌ߯ ߤߌ߲ߤߊ߲ߤߌ߲ ߘߐ߫ ߸ ߡߊ߲߬ߘߋ߲ ߡߐ߰ ߛߌ߫ ߡߴߏ߬ ߕߐ߲ ߕߌߢߍ߫ ߸ ߡߐ߰ ߡߴߊ߬ ߞߎ߬ߙߎ߲߬ߘߎ ߞߐߛߊ߬ߥߏ߲߬ ، ߊ߬ߟߎ߬ ߓߊߙߌߞߊ ߞߘߐ߬ߡߊ߲ ߏ߬ ߟߊ߫ ߟߋ߬ ߓߎߦߌ߯. ߞߏ߬ߣߌ߲߬ ߓߊߏ߬ ߡߊ߲߬ߘߋ߲ ߛߌ߰ߢߐ߲߰ߡߊ߬ߖߊ߲ ߘߏ߫ ߟߎ߫ ߦߋ߫ ߡߐ߱ ߘߏ߲߬ ߠߴ ߊ߬ߟߎ߫ ߡߊ߬ߞߏ ߟߊ߫ ߸ ߡߐ߱ ߘߏ߲߬ ߞߊߟߌߡߊ߲ ߢߐ߲߮ ߛߐ߲߭ ߕߊ߬ ߟߊ߫ ߢߡߊߟߊ ߢߐ߲߰ ߡߊ ߘߐ߫ ߸ ߊ߲ ߧߋ߫ ߣߌ߫ ߟߊߞߊ߲ߘߊ߫ ߕߐ߲ ߢߌ߲߬ ߟߊߞߎߘߊߦߊ߫ ߟߊ߫ ߏ߬ ߟߋ ߘߐ߫ ߓߌ߬ ߕߎ߲ߣߌ߲ ، ߓߊߏ߬ ߟߊ߬ߘߍ ߢߌ߲߬ ߘߐ߫ ߸ ߊ߲ ߡߊ߫ ߞߊ߲ ߞߊ߬ ߢߌ߬ߣߊ߬ ߝߏߦߌ ߞߐ߫، ߊ߲ ߢߴߊ߲ ߘߊ ߡߊ߰ ߞߏ߫ ߓߍ߯ ߟߋ߬ ߟߊ߫: ߞߊ߬ ߞߎ߬ߙߎ߲߬ߘߎ߬ ߞߘߐ߫ ߟߎ߬ ߡߊߝߟߍ߫ ߸ ߞߵߏ߬ ߟߎ߬ ߖߎ߯ߡߊ߲ ߠߎ߬ ߟߊߕߐ߲ ߸ ߞߊ߬ ߢߌ߬ߡߊ ߟߎ߬ ߟߊߞߎߘߦߊ߫ ߸ ߞߎߘߊ߫ ߟߎ߫ ߟߊߘߊ߲ ߝߟߐ߫ ߡߐ߱ ߟߎ߬ ߡߙߌ ߡߊ߫ ߛߋ߫ ߡߍ߲ ߠߎ߫ ߡߊ߬ .
ߛߊ߬ߙߌ߬ߦߊ߬ߓߏߟߏ߲ ߆߄߲:
ߞߏ߫ ߣߌ߫ ߟߊߞߊ߲ߘߊ ߛߊ߬ߙߌ߬ߦߊ߬ ߟߊߞߎߘߦߊ ߛߌߟߊ ߝߍ߬ ߸ ߊ߲ ߦߋ߫ ߕߐ߲ ߛߌ߰ ߟߊ߫ ߞߎߘߊ߫ ߞߍ߫ ߡߐ߱ ߣߌ ߘߐߕߌߢߍ ߟߊ߫ ߸ ߊ߬ ߣߴߊ߬ ߝߊ߬ߘߌ ߖߐߞߎ ߟߊ߫ ߡߙߊ߬ߒߡߊ߬ߝߋ߲ ߠߊ߫ ، ߕߐ߲ ߏ߬ ߛߌ߰ߣߍ߲ ߡߊ߲߬ߘߋ߲ ߝߊ߰ߒ߬ߕߊ߲ ߣߴߊ߬ ߝߊ߲ߒ߬ߡߊ ߓߍ߯ ߟߋ߬ ߡߊ߬ ، ߓߊ߬ߙߌ߬ ߊ߲ ߦߴߊ߬ ߡߊߜߟߍ߬ߦߊ߬ߓߊ߫ ߞߍ߫ ߟߊ߫ ߡߐ߰ ߛߌ߰ ߛߊ߬ߓߊ ߢߌ߲߬ ߠߎ߫ ߟߋ߬ ߢߍ߫ :
߁߭- ߞߵߏ߬ ߟߊߛߋ߫ ߓߟߏߟߊߝߍߣߍ߲ߠߊ ߟߎ߬ ߣߌ߫ ߞߏߦߋߟߊ ߟߎ߫ ߡߊ߬، ߣߴߊ߬ߟߎ߫ ߞߊ߬ ߞߍ߫ ߛߘߊߞߊ ߝߐ߫ ߟߊ߫ ߸ ߊ߬ߟߎ߬ ߦߋ߫ ߛߘߊߞߊ ߛߎ߮ ߓߍ߯ ߦߌ߬ߘߊ߬ ߝߏ߫ ߡߐ߰ ߛߘߊߞߊ، ߊ߬ߟߎ߬ ߞߴߏ߬ ߦߋ߫ ߸ ߊ߬ߟߎ߬ ߘߊ ߞߴߏ߬ ߝߐ߫ ߸ ߕߟߏ߫ ߞߴߊ߬ ߡߍ߲ ߊ߬ߟߎ߬ ߟߊ߫ ߸ ߢߊ ߞߊ߫ ߛߏ߬ߓߌ ߊ߬ߟߎ߫ ߝߍ߬ ߢߊ-ߊ-ߢߊ߫ ߡߊ߬، ߏ߬ ߓߊ߯ ߡߍ߲ ߡߍ߲ ߠߊ߫ ߸ ߊ߬ ߘߌ߫ ߟߊ߫ ߏ߬ ߖߍ߬ߘߍ ߣߴߊ߬ ߣߌ ߞߊ߲߬.
߂߲- ߞߵߏ߬ ߟߊߛߋ߫ ߝߎ߬ߙߋ߬ߓߊ߬ ߕߌ߮ ߟߎ߫ ߡߊ߬: ߛߎ߭ ߓߊ߯ ߓߏ߲߬ߧߊ߬ ߢߊ-ߊ-ߢߊ߫ ߸ ߊ߬ ߛߐߝߋ߲ ߣߴߊ߬ ߖߊ߲ߛߊ ߦߋ߫ ߞߍ߫ ߘߍ߱ ߣߌ߫ ߥߏ߬ߙߏ ߣߌ߫ ߛߌ߬ߛߍ ߣߌ߫ ߓߌߦߊ߲ ߠߎ߫ ߟߋ߬ ߘߌ߫ ، ߊ߲ ߓߴߊ߬ ߡߍ߲߫ ߞߏ߫ ߡߍ߲-ߍ-ߡߍ߲ ߞߊ߬ ߛߎ߭ ߛߐ߫ ߤߊߟߌ ߡߐ߱ ߖߊ߲ߞߊ߬ߙߏ߬ߕߐ ߥߟߴߊ߬ ߝߍ߰ߕߐ ߟߋ߬ ߟߊ߫ ߞߎߡߊ߫ ߕߴߊ߬ ߞߍ߲ߘߍ ߡߊ߬ ߸ ߊ߲ ߘߴߏ߬ ߕߌ߱ ߝߊ߰ ߸ ߞߊ߬ ߓߊ߲ ߞߵߊ߬ߟߋ߬ ߛߎ߭ ߏ߬ ߓߘߊߡߐ߮ ߣߴߊ߬ ߓߐ߲ߛߐ߲ ߓߍ߯ ߛߌߟߊߛߊ߬ ߝߊ߬ߟߌ߬ ߜߘߋ ߟߊ߫ ߜߋߙߊ߫ ، ߣߌ߫ ߡߍ߲ ߘߏ߲߬ ߛߌ߬ߓߏ߬ ߘߊ߫ ߞߏ߫ ߛߎ߭ ߘߏ߫ ߞߊ߲ ߞߏ߫ ߞߵߊ߬ߟߋ߬ ߛߐ߫ ߡߐ߱ ߟߊ߫ ߸ ߊ߲ ߘߌ߫ ߛߌ߬ߓߏ߬ߟߊ ߏ߬ ߘߊ ߝߙߊ߫ ߡߎ߬ߙߎ ߟߊ߫ ߝߊߥߎ߲߫ ، ߛߊ߲ߘߊ ߘߏ߲߬ ߞߊ߲߫ ߠߋ߬ ߞߏ߫ ߌ ߓߊ߯ ߡߐ߱ ߜߊ߬ߛߌ߬ߕߐ ߦߴ ߌ ߛߌ߬ߓߏ߬ߞߊ߲ ߝߍ߬ ߸ ߌߟߋ ߟߋ߬ ߣߵߊ߬ ߘߐߛߊߙߌ߫ ߟߊ߫ .
߃߲- ߞߵߏ߬ ߟߊߛߋ߫ ߖߏ߬ ߛߐ߬ߟߊ߫ ߟߎ߫ ߡߊ߬، ߞߏ߫ ߓߏߟߌ߫ ߛߐߕߊ ߝߋ߲ -ߋ-ߝߋ߲ ߦߋ߫ ߖߡߊ߬ߣߊ ߣߌ߲ ߞߣߐ߫ ߸ ߏ߬ ߟߎ߬ ߛߐߝߋ߲ ߘߐ߫ ߓߏ߲߬ߓߊ ߟߋ߬ ߥߎ߬ߟߎ ߘߌ߫ ߞߊ߬ߞߘߐ߫، ߊ߬ ߘߏ߲߬ ߦߋ߫ ߘߊ߲߬ ߏ߬ ߟߋ ߡߊ߬ ߘߋ߬، ߓߊ߬ߙߌ߬ ߡߍ߲ -ߍ- ߡߍ߲ ߕߊ߬ߡߌ߲߬ ߘߴߏ߬ ߞߊ߲߬ ߞߊ߬ ߛߋ߫ ߡߐ߱ ߛߎ߭ ߡߊ߬ ߥߟߴߊ߬ ߢߣߊߡߊ߫، ߊ߬ ߞߍ߫ ߘߊ߫ ߦߋߝߎߋ߫ ߡߐ߰ߣߎ߲߬ߜߍ߫ ߘߌ߫ ߓߊ߬ ߸ ߊ߬ ߞߍ߫ ߘߊ߫ ߜߐ߲߬ߓߟߍ ߣߌ߫ ߣߌߡߙߌ ߣߌ߫ ߖߓߊ߬ߙߊ߲ ߘߏ߫ ߘߌ߫ ߓߊ߬ ߸ ߊ߬ ߞߍ߫ ߘߊ߫ ߝߎߦߋ߲ ߣߌ߫ ߘߊ߲ߕߐ߫ ߣߌ߫ ߣߡߊ߬ߘߊ ߣߌ߫ ߝߍ߬ߕߐ ߛߎ߯- ߎ-ߛߎ߯ ߘߌ߫ ߸ ߊ߲ ߘߌ߫ ߖߏ߭ ߏ߬ ߖߋ߬ߣߌ߲߬ ߡߍߚߍ߫ ߞߵߊ߬ ߕߌ߱ ߝߊ߰ ߛߊ߲ߞߌߘߊ߲ ߡߍ߲ ߞߵߊ߬ߟߋ߬ ߖߏ߭ ߟߊߘߊ߲ ߞߵߏ߬ ߝߣߊ߫ ߝߊ߰ ߔߌߘߏ߫. ߤߊߟߌ߬ ߡߍ߲ ߡߊ߬ߞߏ ߓߊ߯ ߛߋ߫ ߡߐ߰ ߞߟߏ ߟߋ߬ ߡߊ߬ ߛߊ߬ߙߌ ߞߣߐ߫ ߸ ߊ߲ ߧߴߏ߬ ߟߊߕߐ߲ ߠߊ߫ ߡߎ߬ߙߎ ߣߌ߫ ߝߊ߲߭ ߠߋ߬ ߟߊ߫، ߏ߬ ߦߋ߫ ߡߊ߲߬ߘߋ߲߫ ߓ ߞߣߐ߫ ߞߘߐ߬ߡߊ߲߫ ߸ ߏ߬ ߘߏ߲߬ ߦߋ߫ ߕߏ߫ ߓߍ߯ ߞߣߐ߫ ߟߋ߬ ߞߘߊߎ߫.
ߕߎ߲ߞߊߙߊ߲ߞߋ ߟߎ߬ ߣߌ ߣߴߊ߬ߟߎ߬ ߟߊ߫ ߣߊ߲ߝߟߏ ߟߊߞߊ߲ߘߊ
ߛߊ߬ߙߌ߬ߦߊ߬ߓߏߟߏ߲ ߆߅߲:
ߞߏ߫ ߘߎ߰ߙߋ߲ ߠߎ߬ ߣߌ ߞߊ߫ ߞߊ߲ ߞߊ߬ ߟߊߞߊ߲ߘߊ߫ ߢߊ ߡߍ߲ ߸ ߕߎ߲ߞߊߙߊ߲ߞߋ ߟߎ߬ ߣߌ ߣߴߊ߬ߟߎ߬ ߟߊ߫ ߣߊ߲߬ߝߟߏ ߞߊ߫ ߞߊ߲ ߞߊ߬ ߕߊ߬ߡߴߏ߬ ߞߊ߲߬ ߡߊ߲߬ߘߋ߲߫ ߞߣߐ߫ ، ߏ߬ ߘߐ߫ ߸ ߣߴߊ߬ ߡߍ߲߫ ߘߊ߫ ߞߏ߫ ߟߏ߲ߟߊ߲ ߠߊ߫ ߣߊ߲߬ߝߟߏ ߢߡߊߞߍ߫ ߘߊ߫ ߥߟߊ߫ ߞߏ߫ ߞߵߊ߬ ߖߍ߬ߘߍ ߛߐ߬ߘߐ߲߬ ߡߊ߲߬ߘߋ߲ ߝߊ߲-ߊ-ߝߊ߲߬ ߸ ߏ߬ ߘߌ߫ ߖߊ߲ߧߊ߫ ߦߙߐ ߏ߬ ߡߐ߱ ߟߎ߫ ߞߎ߲߭ ߘߌ߫، ߟߏ߲ߟߊ߲ ߏ߬ ߟߎ߬ ߦߴߊ߬ߟߎ߬ ߕߊ߯ߡߊ߫ ߟߊ߫ ߝߏ߲߬ߘߏ ߡߍ߲ ߠߎ߫ ߞߊ߲߬ ߡߊ߲߬ߘߋ߲߫ ߞߣߐ߫ ߸ ߤߊߟߌ߬ ߥߘߊ ߞߊ߫ ߟߏ߲ߟߊ߲ ߘߏ߫ ߟߊ߫ ߝߊ߬ߟߌ ߡߌ߬ߘߊ߬ ߝߏ߲߬ߘߏ ߏ߬ ߘߏ߫ ߞߊ߲߬ ߞߎߡߊ߫ ߕߴߊ߬ ߖߍ߬ߘߍ ߡߊ߬ ߸ ߡߊ߲߬ߘߋ߲߫ ߘߏ߲߬ߛߏ ߓߍ߯ ߘߴߏ߬ ߞߎ߲߬ߞߏ ߛߏ߬ߘߐ߲߬ ߞߎߡߊ ߕߴߊ߬ ߦߙߐ ߘߏ߲߬ߛߏ ߟߎ߫ ߡߊ߬ ، ߓߍ߯ ߞߵߊ߬ ߟߐ߲߫ ߞߏ߫ ߕߊ߯ߡߟߊ ߟߎ߬ ߟߊ߫ ߕߊ߯ ߣߌ ߛߋߦߌ ߟߋ߬ ߛߏ ߣߌ߫ ߖߡߊ߬ߣߊ ߘߌߦߊ߫ ߟߊ߫ ، ߣߌ߫ ߖߘߏ߬ߣߊ߲߬ ߞߏ ߟߎ߬ ߕߏ߫ ߘߊ߫ ߏ߬ ߟߎ߫ ߛߐ߬ߘߐ߲߬ ߠߊ߫ ߸ ߞߵߊ߬ߟߎ߬ ߣߌ ߟߎ߬ ߣߴߊ߬ߟߎ߬ ߟߊ ߣߊ߲߬ߝߟߏ ߟߎ߫ ߞߎ߬ߘߎ ߛߌ߰ ߊ߬ߟߎ߬ ߞߊ߲ߠߊ߫ ߸ ߊ߬ߟߎ߬ ߘߌ߫ ߛߌߟߊ ߟߎ߬ ߕߊ߯ߡߊ ߓߟߏߞߊ߬ ، ߏ߬ ߓߊ߯ ߞߍ߫ ߖߡߊ߬ߣߊ ߜߏߦߊߣߍ߲ ߓߍ߯ ߟߴߏ߬ ߘߌ߫ ߔߛߐߞߐ߬، ߓߊ ߛߊ߲ߘߊ ߞߊ߲ ߠߋ߬ ߞߏ߫ ( ߛߏ߫ ߟߊߞߏߟߏ߲߫ ߦߋ߫ ߛߊ߫ ߸ ߒ߬ߞߊ߬ ߛߌߟߊ ߟߊߞߏߟߏ߲ ߕߍ߫ ) ߏ߬ ߘߐ߫ ߸ ߝߏ߫ ߊ߲ ߦߋ߫ ߕߎ߲ߞߊߙߊ߲ߞߋ ߟߎ߫ ߓߏ߲߬ߧߊ ߟߋ߬ ߞߵߊ߬ߟߎ߬ ߣߌ ߣߴߊ߬ߟߎ߬ ߟߊ߫ ߣߊ߲߬ߝߟߏ ߟߊߞߊ߲ߘߊ߫ ، ߏ߬ ߓߊ߯ ߞߍ߫ ߸ ߊ߬ߟߎ߬ ߘߌ߫ ߕߏ߫ ߣߊ߬ ߟߊ߫ ߊ߲ ߓߘߊ ߛߐ߲߬، ߊ߬ߟߎ߬ ߘߌ߫ ߥߴߊ߲ ߕߐ߯ ߘߌߡߊ߲ ߘߌ߫ ، ߥߟߴߊ߬ߟߎ߬ ߘߏ߫ ߟߎ߫ ߦߋ߫ ߞߴߊ߲ ߛߌ߰ߢߐ߲߰ ߢߌߡߊ ߘߌ߫ ، ߊ߬ߟߎ߬ ߜߎ ߘߌ߫ ߞߍ߫ ߛߓߊߓߎ߫ ߘߌ߫ ߞߊ߬ ߕߎ߲ߞߊ߲ ߣߐ߰ߦߊ߫ ߊ߲ ߓߊߘߋ߲ ߕߊ߯ߡߟߊ ߟߎ߬ ߡߊ߬. ߓߊ ߊ߰ ߡߐ߰ ߢߣߊ ߞߏ߫ ߌ ߕߍߣߊ߬ ߛߋ߫ ߟߊ߫ ߦߌߟߊ ߡߍ߲ ߸ ߌ ߕߊ߬ߡߌ߲߬ߕߐ ߦߋ߲߬ ߠߋ߬ ߞߊ߲߬ ߡߍߣߍ߲ߎ߲߫، ߡߊ߲߬ߘߋ߲ ߛߊ߲ߘߊ ߟߋ߬ ߞߊ߲߫ ߕߋ߲߬.
ߛߊ߬ߙߌ߬ߦߊ߬ߓߏߟߏ߲ ߆߆߲:
ߛߏ߲߬ߖߘߊ߫ ߞߵߊ߬ ߟߊߛߋ߫ ߞߏ߫ ߟߏ߲ߟߊ߲ ߠߎ߬ ߣߴߊ߬ߟߎ߬ ߓߟߏߝߋ߲ ߠߎ߬ ߟߊߞߊ߲ߘߊ ߛߌߟߊ ߝߍ߬ ߸ ߣߌ߫ ߟߏߟߊ߲ ߘߏ߲߬ߘߊ ߡߍ߲ ߞߊ߲߬ ߸ ߏ߬ ߦߋ߫ ߛߐ߰ ߊ߬ ߓߐ߫ ߦߙߐ ߡߊߢߌ߬ߣߌ߲߬ߞߊ ߡߊ߬ ، ߣߴߊ߬ ߓߘߊߡߐ߯ ߦߋ߫ ߦߋ߲߬ ߞߘߐ߬ߡߊ߲߬ ߸ ߊ߬ ߦߴߊ߬ ߣߴߏ߬ ߦߌ߬ߘߊ߬ ߢߐ߲߮ ߠߊ߫ ߸ ߞߊ߬ ߓߊ߲ ߞߊ߬ ߥߊ߫ ߟߏ߲ߟߊ߲ ߘߊ߲ߕߍ߰ ߛߏߕߌ߮ ߢߍ߫ ߊ߬ ߣߊ߬ ߟߏ߲ ߡߎ߰ߡߍ ߘߐ߫ ، ߊ߬ ߣߴߊ߬ ߦߴߊ߬ ߦߌ߬ߘߊ߬ ߘߎ߰ ߡߐ߮ ߟߎ߬ ߟߊ߫ ߸ ߞߵߊ߬ߟߎ߬ ߝߣߊ߫ ߦߌ߬ߘߵߊ߬ߟߋ߬ ߟߊ߫ ، ߖߐ߲߬ߛߊ ߟߏ߲ߟߊ߲ ߟߐ߲ߓߊ߮ ߘߌ߫ ߛߌߦߊߦߊ߫ ߸ ߞߵߊ߬ ߘߎ߰ߙߋ߲߬ߧߊ ߖߏߣߊ߫ ، ߟߏ߲ߟߊ߲ ߘߊ߲ߕߍ߰ ߖߏߣߊ ߜߎ ߟߋ߬ ߞߊߣߊ߬ ߕߏ߫ ߊ߬ ߖߋߕߌ߮ ߟߊ߫ ߝߛߍߞߘߎ߫ ߞߊ߬ߕߎ߲߯ ߸ ߛߊ߲ߘߊ ߞߊ߲ ߠߋ߬ ߞߏ߫ (( ߟߏ߲ߟߊ߲ ߘߊ߲ߕߍ߰ߓߊߟߌ ߦߋ߫ ߛߎߘߋ ߟߋ߬ ߘߌ߫ )) .
ߛߊ߬ߙߌ߬ߦߊ߬ߓߏߟߏ߲ ߆߇߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߣߌ߫ ߕߎ߲ߞߊߙߊ߲ߞߋ ߡߍ߲ ߛߊ߬ ߘߊ߫ ߡߊ߲߬ߘߋ߲ ߞߣߐ߫ ߸ ߏ߬ ߟߊ߫ ߣߊ߲߬ߝߟߏ ߦߋ߫ ߟߊߡߙߊ߬ ߝߎߚߎ߫ ߝߏ߫ ߊ߬ ߓߘߊߡߐ߯ ߟߎ߬ ߦߋ߫ ߣߊ߬ ߸ ߊ߬ ߘߌ߫ ߘߌ߫ ߡߍ߲ ߡߊ߬، ߤߊߟߴߏ߬ ߞߍ߫ ߘߊ߫ ߛߊ߬ߓߊ߰ߕߐ ߖߡߊ߬ߣߊ߬ߢߐ߲߮ ߠߋ߬ ߘߌ߫ ߸ ߞߏ߫ ߊ߬ߟߎ߬ ߡߊ ߢߐ߲߮ ߟߐ߲߫ ߞߘߐ߬ߡߊ߲߬، ߊ߬ ߗߍ ߘߊߥߎ߲ ߓߍ߲߬ߣߍ߲ ߊ߬ ߓߘߊߡߐ߯ ߓߛߌߞߌ ߏ߬ ߟߋ ߡߊ߬ ߒ߬ ߠߎ߬ ߘߎ߰ߙߋ߲ ߟߎ߬ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߆߈߲:
ߞߏ߫ ߞߏ߬ߣߌ߲߬ ߸ ߣߌ߫ ߕߎ߲ߞߊߙߊ߲ߞߋ ߡߍ߲ ߞߊ߬ ߊ߲ ߠߊ߫ ߝߋ߲ߡߛߏ ߝߘߎ߫ ߸ ߏ߬ ߗߍ߫ ߕߍ߫ ߛߌ߰ ߡߎ߬ߕߎ߲߬ ߞߵߊ߬ ߓߘߊߡߐ߯ ߡߊߞߐ߬ߣߐ߲߬، ߏ߬ ߗߍ߫ ߘߌߕߐ߫ ߊ߬ ߡߏ߬ߛߏ ߟߋ߬ ߡߊ߬ ، ߣߴߏ߬ ߘߏ߲߬ ߛߊ߬ߣߍ߲߬ ߞߍ߫ ߘߊ߫ ߸ ߊ߬ ߓߘߊߡߐ߮ ߟߎ߬ ߘߴߊ߬ ߗߍ ߕߊ߬ ، ߓߊ ߓߊߘߋ߲ߧߊ ߛߌ ߓߙߎ߬ߞߎ߬ߕߊ ߖߍ߬ߘߍ ߟߋ߬ ߝߘߎߢߐ߲߯ߦߊ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߆߉߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߣߌ߫ ߕߎ߲ߞߊߙߊ߲ߞߋ ߡߍ߲ ߕߏ߫ ߘߊ߫ ߕߐ߲ ߕߌߢߍ߫ ߞߏߓߊ ߟߎ߬ ߞߍ߫ ߟߊ߫ ߛߐ߲߬ ߸ ߡߐ߰ ߘߌ߫ ߝߊ߰ ߡߍ߲ ߠߎ߬ ߛߎ߮ ߘߐ߫ ߥߟߊ߫ ߞߵߊ߬ ߞߘߐߕߍ߬ ߤߊߡߊ߲ߕߍ߫ ߞߵߊ߬ ߟߊߘߐ߰ ߸ ߏ߬ ߦߋ ߜߍ߲ ߡߊ߲߬ߘߋ߲߫ ߞߣߐ߫ ߞߘߎߞߘߎ߫، ߓߊ߬ߙߌ߬ ߊ߬ ߕߍ߫ ߝߊ߰ ߸ ߊ߬ ߘߏ߲߬ ߓߟߏߝߋ߲ ߕߍ߫ ߡߌ߬ߘߵߊ߬ ߟߊ߫ ߞߵߊ߬ ߟߊߘߐ߰.
ߟߐ߬ߦߌ߬ߟߊ߬ ߞߏ߫ ߡߍ߲ ߦߋ߫ ߝߐߢߐ߲߯ߞߐ ߞߎ߲߭ ߘߏ߫ ߘߌ߫
ߛߊ߬ߙߌ߬ߦߊ߬ߓߏߟߏ߲ ߇߀߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߟߐ߬ߦߌ߬ߟߊ߬ ߡߊ߬ߞߊߘߊ߲ ߡߍ߲ ߦߋ߫ ߜߐ߬ߛߐ߲ߞߐ ߛߓߊߓߎ ߘߏ߫ ߘߌ߫ ߸ ߝߏ߫ ߊ߲ ߦߋ߫ ߓߊߛߌ ߖߐ߲ߖߐ߲ ߠߋ߬ ߢߌߣߴߏ߬ ߟߊ߫ ، ߟߐ߬ߦߌ߬ߟߊ߬ ߝߍ߬ ߞߟߍ ߣߴߊ߬ ߓߍ߲߬ߓߊ߬ߟߌ߬ߦߊ߬ ߛߌߦߊߡߊ߲ ߢߊߛߌߟߊ߲ߢߍ ߡߊ߬ ، ߊ߲ ߓߋ߲ߓߊ ߟߎ߫ ߞߊ߬ ߡߊ߲ߛߊ߬ߦߊ ߕߏ߫ ߓߏ߲ ߞߋߟߋ߲ ߠߊ߫ ߸ ߓߏ߲ ߏ߬ ߡߐ߱ ߟߎ߬ ߦߋ߫ ߕߏ߫ ߊ߬ ߕߊ߬ ߟߊ߫ ߗߍ ߘߐ߫ ߛߐ߲߬ ߞߘߊߎ߫ ، ߤߊߞߍߕߏ߫ ߡߐ߱ ߟߎ߬ ߞߊߣߊ߬ ߕߏ߫ ߞߟߍ߬ ߟߴߊ߬ ߝߍ߬ ߡߊ߲߬ߛߊ߬ ߛߦߊ ߓߍ߯ ߘߐ߫ ߛߐ߲߬ ߞߘߊߎ߫ ، ߡߐ߰ߓߊ ߟߎ߬ ߓߊ߲߫ ߘߊ߫ ߞߊ߬ ߡߌ߬ߙߌ߲߬ߘߌ ߘߐߕߟߊ߫ ߦߌߟߡߊ߫ ߂ ߘߌ߫ : ( ߕߏ߲ߕߌ߮ ߣߌ߫ ߕߏ߲ߒߕߊ߲ ) ߞߊ߬ ߓߊ߲ ߞߵߏ߬ ߞߋ߬ߟߋ߲߬ߞߋ߬ߟߋ߲߬ߣߊ ߓߍ߯ ߕߟߊ߫ ߦߌߟߡߊ߫ ߡߌߛߍ߲ ߜߘߍ߫ ߟߎ߫ ߘߌ߫ ، ߞߊ߬ ߟߐ߬ߦߌߟߊ ߟߎ߬ ߘߐߝߘߊ߫ ߦߌߟߡߊ߫ ߡߌߛߍ߲ ߣߌ߫ ߦߌߟߡߊ߫ ߞߎ߲ߓߊ ߏ߬ ߓߍ߯ ߕߍ߫ ߞߐߘߍ߫ ، ߕߟߊߟߌ ߏ߬ ߛߘߊ߫ ߘߐ߫ ߸ ߟߐ߬ߦߌ߬ߟߊ߬ ߝߍ߬ ߞߟߍ ߟߎ߬ ߡߊߘߐ߯ߦߊ߫ ߘߊ߫ ߡߊ߲߬ߘߋ߲ ߞߣߐ߫ ߞߏߛߓߍߛߓߍ߫ ، ߏ߬ ߘߐ߫ ߓߌ߬ ߸ ߊ߲ ߕߍ߫ ߘߊ߲߬ ߠߊ߫ ߝߟߐ߫ ߡߐ߱ ߟߎ߬ ߟߊ߫ ߟߐ߬ߦߌ߬ߟߊ߬ ߟߊߘߊ߲ߣߍ߲ ߠߎ߫ ߡߊ߬ ߘߋ߬ ߸ ߊ߲ ߧߴߊ߬ߟߎ߬ ߓߊ߲ߓߊ߲߫ ߠߊ߫ ߟߋ߬ ߓߘߍߞߍ߭ ߞߊ߬ ߓߊ߲߫ ߞߵߊ߬ߟߎ߬ ߡߊߞߊ߬ߝߏ߬ ߞߎߘߊ߫ ߟߎ߫ ߟߊ߫ ، ߛߊ߫ ߓߍ߲߬ߓߊ߬ߟߌ߬ߦߊ ߣߌ߫ ߝߐߢߐ߲߯ߞߐ ߣߌ߫ ߜߐ߬ߛߐ߲߬ߞߐ ߟߎ߬ ߘߌ߫ ߓߊ߲ ߡߊ߲߬ߘߋ߲ ߞߣߐ߫ ߝߋߎ߫ ߸ ߞߵߊ߬ ߕߏ߫ ߓߍ߲߭ ߣߌ߫ ߖߐ ߣߌ߫ ߢߐ߲ ߠߊߘߌߦߊߢߍ ߡߊ߬ ߕߋ߲߬ ߞߘߊߎ߫ . ߊ߲ ߓߘߊ߫ ߓߍ߯ ߞߘߊߡߊ ߢߐ߲߯ ߟߐߦߌߟߊ߫ ߟߊߕߏ ߕߐ߲ ߠߎ߬ ߘߐߖߊ߭ ߟߊ߫ ߜߘߋߜߘߋ߫.
ߛߊ߬ߙߌ߬ߦߊ߬ߓߏߟߏ߲ ߇߁߲:
ߞߏ߫ ߟߐ߬ߦߌ߬ߟߊ߬ ߘߐ߬ߕߟߊ߫ ߛߌߟߊ ߝߍ߬ ߸ ߗߍ߭ ߡߍ߲ ߓߊ߯ ߞߘߐ߬ߦߊ ߛߏ ߡߐ߱ ߓߍ߯ ߘߌ߫ ߸ ߏ߬ ߟߋ ߦߋ߫ ߞߍ߫ ߛߏߕߌ߮ ߘߌ߫ ، ߓߊ߬ߙߌ߬ ߛߏߕߌ߮ ߦߋ߫ ߓߐ߫ ߟߊ߲ߔߊ߯ߛߌ ߟߎ߫ ߟߋ߬ ߘߐ߫ ߸ ߡߍ߲ ߠߎ߬ ߓߋ߲ߓߊ ߣߊ߬ ߛߏ ߜߍ߲߭ ߕߍ߰ ߝߟߐ ߞߍ߫ ߟߊ߫ ، ߏ߬ ߟߎ߫ ߝߟߊ߬ߞߊ ߟߎ߬ ߘߐ߫ ߞߌ߬ߣߊ ߟߋ߬ ߦߋ߫ ߞߍ߫ ߛߏߕߌ߮ ߘߌ߫ ، ߞߏ߬ߣߌ߲߬ ߝߋߎ߫ ߸ ߘߋ߲ߠߊߞߊ߫ ߕߍ߫ ߞߴߊ߬ ߘߌ߫ ߸ ߤߊߟߴߏ ߞߘߐ߬ߦߊ߬ ߘߊ߫ ߝߟߊ߬ߞߊ ߘߌ߫ ، ߛߌ߰ߒߝߍ߭ ߝߣߊ߫ ߕߍ߫ ߞߴߊ߬ ߘߌ߫ .
ߛߊ߬ߙߌ߬ߦߊ߬ߓߏߟߏ߲ ߇߂߲:
ߣߌ߫ ߘߏ߫ ߞߊ߬ ߦߙߐ߫ ߘߏ߫ ߜߍ߲ ߡߊߕߍ߰ ߘߊߡߌ߬ߣߊ߬ ߛߐ߱ ߡߊ߬ ߸ ߘߏ߫ ߜߘߍ߫ ߣߊ߬ ߘߊ߫ ߥߎ߬ߙߊ ߟߊ߫ ߞߊ߬ ߕߘߍ߬ ߜߍ߲߬ ߡߊ߬ߕߍ߮ ߘߐ߫، ߘߎߢߊ߫ ߘߌ߫ ߓߊ߲߫ ߥߎ߬ߙߊ߬ ߟߊ߬ ߟߏ߲ߟߊ߲ ߏ߬ ߖߋ߬ߕߌ߮ ߟߋ߬ ߛߐ߰ߡߊ߬ ߕߊ ߏ߬ ߘߌ߫ ߛߍߣߍ߲ ߞߘߊߎ߫.
ߛߊ߬ߙߌ߬ߦߊ߬ߓߏߟߏ߲ ߇߃߲:
ߣߌ߫ ߛߏߕߌ߮ ߡߍ߲ ߞߵߊ߬ ߟߐ߲ ߞߏ߫ ߊ߬ߟߋ ߞߘߐ߬ߣߍ߲ ߞߎ߲ߕߌ߰ߦߊ ߓߊ߯ߙߊ ߟߎ߫ ߡߊ߬ ߸ ߊ߬ ߘߴߊ߬ ߟߊ߫ ߛߊ߲߬ߡߊ߬ߘߊ ߘߏ߲߬ ߝߎߣߎ߲ߞߋ߫ ߞߟߊߓߎߡߊ ߘߏ߫ ߛߋ߲ ߘߐ߫، ߏ߰ ߞߍ ߡߐ߱ ߟߋ߬ ߘߌ߫ ߸ ߞߎ߲߬ߕߌ߰ߦߊ ߤߊ߲ߞߟߌ ߣߴߊ߬ ߞߟߊߓߎ ߣߴߊ߬ ߖߛߎ߬ߟߊ߬ߕߍ߮ ߓߍ߯ ߘߝߊߣߍ߲ ߡߍ߲ ߠߊ߬، ߣߴߏ߬ ߡߊߣߊ߬ ߛߋ߫ ߖߌ߰ߦߊ ߡߝߊ߫ ߟߴߊ߬ ߢߊ ߡߊ߬ ߸ ߊ߬ ߘߴߏ߬ ߓߐ߫ ߦߋ߲߬ ߞߊ߬ ߤߊ߲ߞߟߌߡߊ ߜߘߍ߫ ߟߊߟߐ߬، ߤߟߴߊ߬ ߞߵߏ߬ ߞߍ߫ ߛߋ߲߬ߢߊ߬ ߕߊ߲ ߸ ߏ߬ ߓߍ߯ ߘߌ߫ ߓߍ߲߬، ߓߊ ߊ߬ ߕߊ ߟߴߊ߬ ߟߊ߫ ߞߏ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߇߄߲:
ߗߍ߬ߡߐ߮ ߟߊ߫ ߛߏߕߌ߯ߦߊ ߏ߬ ߘߐ߫ ߸ ߞߌ߲߬ߘߊ ߓߍ߯ ߦߋ߫ ߡߐ߰ ߞߋߟߋ߲ߞߋߟߋ߲ ߓߐ߫ ߊ߬ ߣߌ߫ ߡߍ߲ ߠߎ߬ ߘߌ߫ ߞߏ ߟߎ߬ ߟߊߕߍ߰ ߢߐ߲߮ ߝߍ߬ ߞߘߊߎ߫، ߏ߬ ߟߎ߫ ߟߋ߬ ߘߊߕߌ߮ ߟߎ߬ ߘߌ߫ ߛߊ߫، ߖߛߎ߬ ߛߌ߫ ߞߊߣߵߊ߬ ߟߐ߬ ߝߏߦߌ߬ ߟߊߕߍ߰ ߟߊ߫ ߏ߬ ߟߎ߫ ߢߌ߬ߣߊߡߊ߬، ߓߊߏ߬ ߛߊ߲ߘߊ ߞߊ߲ ߠߋ߬ ߞߏ߫ ߖߡߊ߬ ߕߍ߫ ߘߍ߬ ߞߊ߬ ߝߋ߲ ߞߡߊ ߘߊߥߎ߲، ߡߐ߰ ߘߏ߲߬ ߓߊ߯ ߞߘߐ߬ ߢߊ߯-ߊ- ߢߊ߫ ߸ ߡߊ߲߬ߘߋ߲ ߛߌ߰ߞߊ߲ ߠߎ߬ ߦߴߊ ߞߘߐ߬ ߌ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߇߅߲:
ߞߏ߫ ߗߍ߬ߡߐ߰ߦߊ ߓߊ߯ ߕߍ߰ ߞߊ߬ ߓߐ߫ ߊ߬ ߟߊ߫ ߸ ߣߌ߫ ߡߊ߲߬ߛߊ߬ߦߊ ߦߋ߫ ߓߏ߲ ߡߍ߲ ߞߣߐ߫ ߞߊ߬ ߓߊ߲ ߸ ߓߍ߯ ߦߋ߫ ߘߌ߬ߢߍ ߞߵߊ߬ ߕߴߏ߬ ߞߣߐ߫ ߛߍߣߍ߲߬ ߞߘߊߎ߫، ߣߴߏ߬ ߕߍ߫ ߊ߬ ߛߊ߬ߡߊ߲߬ ߢߐ߲߰ ߕߍ߬ ߛߌߦߊߡߊ߲ ߘߌ߫ ߕߏ߫ ߝߕߌߣߊ ߕߍ߰ ߟߊ߫ ߖߡߊ߬ߣߊ ߞߣߐ߫ ߡߊ߲߬ߛߊ߬ ߛߦߊ ߓߍ߯ ߘߐ߫، ߓߊ ߡߊ߲߬ߛߊ ߘߏ߫ ߓߊ߯ ߛߊ߬ ߞߏߕߊ߲߫ ߸ ߞߏߕߌ߯ߦߊ ߢߌߣߌ߲ߠߊ ߟߎ߬ ߘߌ߫ ߡߎ߬ߙߎ ߕߊ߬ ߢߐ߲߮ ߞߊߡߊ߬ ߥߏߎ߫، ߓߍ߯ ߘߌߦߊߣߊ߲ ߡߐ߯ ߘߴߊ߬ ߘߍ߬ߡߍ߲ ߏ߬ ߞߍ߬ߟߍ ߟߊ߫ ߝߎߚߎ߫ ߸ ߝߏ߫ ߓߍ߲߬ߓߊ߬ߟߌ߬ߦߊ ߘߌ߫ ߖߡߊ߬ߣߊ ߖߊ߲ߡߎߙߊ߲، ߛߊ߲ߘߊ ߘߏ߲߬ ߞߊ߲ ߠߋ߬ ߞߏ߫ ((ߓߍ߲߬ߓߊ߬ߟߌ߬ߦߊ߬ ߛߏ߫ ߓߏ߲߬ߧߊ߫-ߊ- ߓߏ߲߬ߧߊ߬ ߟߏ߲߫ ߞߋߟߋ߲߫ ߕߏ߲ߓߏ߲߫))
ߛߊ߬ߙߌ߬ߦߊ߬ߓߏߟߏ߲ ߇߆߲:
ߞߏ߫ ߘߊߕߌ߮ ߟߎ߬ ߦߋ߫ ߛߏߕߌ߮ ߘߍ߬ߡߍ߲߬ ߠߊ߫ ߞߏ ߟߎ߬ ߟߊߕߍ߱ ߘߐ߫ ߢߊ ߡߍ߲ ߸ ߛߏ ߓߍ߯ ߗߋߘߋ߲ ߞߋߟߋ߲ߞߋߟߋ߲ ߦߋ߫ ߞߝߏ߬ߓߏ߬ߟߏ߲߬ ߕߌ߮ ߘߍ߬ߡߍ߲߬ ߠߊ ߕߋ߲߬ ߠߋ߬ ، ߞߊ߬ߝߏ߬ߓߏߟߏ߲ ߓߍ߯ ߗߋߘߋ߲ ߞߋߟߋ߲ߞߋߟߋ߲ ߦߋ߫ ߞߊ߬ߝߏ߬ ߕߌ߮ ߘߍ߬ߡߍ߲߬ ߠߊ߫ ߕߋ߲߬ ߠߋ߬ ، ߞߊ߬ߝߏ ߓߍ߯ ߗߋߘߋ߲ ߞߋߟߋ߲ߞߋߟߋ߲ ߦߋ߫ ߡߊ߲߬ߘߋ߲߬ ߡߊ߲ߛߊ ߘߍ߬ߡߍ߲߬ ߠߊ ߕߋ߲߬ ߠߋ߬. ߡߊ߲߬ߛߟߊ߬ ߘߎ߯ߟߊ ߟߎ߫ ߡߊ߲߬ߛߊ ߟߎ߬ ߦߋ߫ ߡߊ߲߬ߘߋ߲߬ ߡߊ߲ߛߊ ߘߍ߬ߡߍ߲߬ ߠߊ߫ ߕߋ߲߬ ߠߋ߬ ߸ ߏ߬ ߡߍ߲ ߊ߬ߟߎ߬ ߟߊ߫ ߝߊ߲߬ߡߊ ߘߌ߫.
(( ߖߊ߲ߕߏ߬ߒߘߐ)) ߟߐ߬ߦߌߟߊ ߟߎ߬ ߘߐߕߟߊ߫ ߘߊ߫ ߢߊ ߡߍ߲ ߸ ߞߊ߬ߙߌ߬ߦߊ ߣߌ߫ ߛߊ߬ߣߊ߲߬ߞߎ߲߬ߧߊ ߣߌ߫ ߕߏߟߏ߲ߢߐ߯ߦߊ ߕߐ߭ ߟߎ߬ ߟߊߘߊ߲ ߘߊ߫ ߢߊ ߡߍ߲ ߸ ߏ߬ ߟߎ߬ ߘߌߣߊ߬ ߕߐ߬ߝߍ߬ߦߊ߬ ߞߐߟߊ߫ ߸ ߣߴߊߟߊߓߊ߫ ߘߌ߬ߢߍ߬ ߘߊ߫ .
ߢߐ߲߯ ߕߊߦߋߓߊߟߌߦߊ ߞߎ߲߬ߓߍ߲߬ ߢߊ
ߛߊ߬ߙߌ߬ߦߊ߬ߓߏߟߏ߲ ߇߇߲:
ߞߏ߫ ߢߐ߲߯ ߕߊߦߋߓߊߟߌߦߊ ߡߍ߲ ߦߋ߫ ߓߍ߲߬ߓߊ߬ߟߌ߬ߦߊ ߣߌ߫ ߝߐߢߐ߲߯ߞߐ ߞߎ߲߬ ߖߐ߲ߖߐ߲ ߘߏ߫ ߘߌ߫ ߸ ߏ߬ ߦߋ ߢߍߓߍ߲߬ ߠߊ ߢߊ ߡߍ߲ ߸ ߏ߬ ߢߣߊߡߊ ߟߎ߬ ߝߟߍ߫ ߣߌ߲߬:
߁߭ ߸ ߢߍߡߐ߮ ߟߎ߬ ߣߌ߫ ߞߏߟߊߕߍ߮ ߟߎ߬ ߦߋ߫ ߞߍ߫ ߡߐ߰ ߕߋߟߋ߲ߣߍ߲ ߕߎ߬ߢߊ߬ߕߌ߮ ߜߊ߲ߛߊ߲ ߘߌ߫ ߸ ߞߊ߬ ߕߏ߫ ߞߏ ߟߎ߬ ߢߊߓߐ߫ ߟߊ߫ ߖߊ߬ߡߊ ߕߍ߫ ߕߎ߬ߢߊ ߞߊ߲߬.
߂߲ ߸ ߡߐ߰ ߛߌ߫ ߞߊߣߊ߬ ߓߘߊߡߐ߯ ߟߊߝߛߊ߫ ߣߌ߫ ߕߙߌߦߊ߫ ߟߊߝߛߊ߫ ߞߍ߫ ߞߕߌ ߝߊ߲߬-ߊ- ߝߊ߲߬ ߘߐ߫ ، ߢߐ߲߯ ߠߊߝߛߊ ߛߎ߮ ߏ߬ ߓߍ߲߬ߣߍ߲ ߢߐ߲߯ ߛߐ ߣߌ߫ ߢߐ߲߯ ߘߍߡߍ߲ ߣߌ߫ ߖߟߎ߬ߘߏ߲ ߣߌ߫ ߘߐ߲ߘߐߟߌ ߣߌ߫ ߛߌ߲ߞߊߟߌ ߣߌ߫ ߓߊ߯ߙߊߢߐ߲߯ߦߊ ߟߎ߫ ߟߋ߬ ߘߐ߫ .
ߛߊ߬ߙߌ߬ߦߊ߬ߓߏߟߏ߲ ߇߈߲:
ߞߏ߫ ߣߌ߫ ߜߐ߬ߛߐ߲߬ߞߐ ߘߏ߲߬ ߘߊ߫ ߡߍ߲ ߠߎ߬ ߕߍ߫ ߸ ߏ߬ ߞߊߣߊ߬ ߓߊ߲߫ ߡߎߛߟߊߤߊ ߞߊ߲߬ ߘߋ߬ ߸ ߊ߬ ߦߋ߫ ߘߐߞߕߌ ߟߋ߬ ߡߎߣߎ߲߬ ߕߘߋ߫ ߞߊ߬ ߕߎ߬ߢߊ߬ ߕߌ߮ ߣߌ߫ ߥߎߦߊ߫ ߕߌ߮ ߓߍ߯ ߓߌ߬ߟߊ߬ ߜߍ ߘߐ߫ ߸ ߞߣߊ߬ߕߏ ߞߍ߬ߟߍ ߓߊ߲ߣߴߊ߬ߟߎ߬ ߕߍ߫ ߛߊ߫.
ߛߊ߬ߙߌ߬ߦߊ߬ߓߏߟߏ߲ ߇߉߲:
ߞߏ߫ ߣߌ߫ ߟߎ ߂ ߞߟߍ߬ ߘߊ߫ ߥߟߊ߫ ߞߊ߬ ߞߌ߲߬ߘߊ ߂ ߤߊߡߊ߲ߕߍ߫ ߛߏ߫ ߂ ߸ ߏ߬ ߞߎߡߊ ߦߋ߫ ߟߊ߫ ߡߐ߰ߓߊ ߟߎ߬ ߞߘߐ߫، ߏ߬ ߓߊ߯ ߘߐߞߕߌ߫ ߞߊ߬ ߡߍ߲ ߖߙߊ߬ߞߌ ߦߴߊ߬ ߘߐ߫ ߸ ߏ߬ ߣߌ߫ ߓߌ߲߬ߓߊߏ ߣߌ߫ ߢߍ߬ߢߌ߲ ߡߍ߲ ߠߎ߬ ߞߊ߫ ߞߊ߲߫ ߸ ߏ߬ ߦߋ߫ ߟߴߏ߬ ߞߊ߲߬ ߞߣߊ߬ߕߏ߫ ߞߍ߬ߟߍ ߓߊ߲ ߠߴߊ߬ߟߎ߬ ߕߍ߫.
ߛߊ߬ߙߌ߬ߦߊ߬ߓߏߟߏ߲ ߈߀߲:
ߞߏ߫ ߞߕߌ ߣߌ߫ ߕߍߝߐ ߓߍ߯ ߘߐ߫ ߸ ߢߌ߬ߣߊ߬ ߞߊߣߊ߬ ߞߍ߫ ߛߙߋ߫ ߞߏ ߘߐ߫ ߸ ߢߌ߬ߣߊ߬ ߞߊߣߊ߬ ߞߍ߫ ߖߏߕߌ߮ ߡߊߕߐ߮ ߣߌ߫ ߖߙߊ߬ߞߌ߬ߕߌ߮ ߡߊߝߍߦߊ ߛߌ߫ ߘߐ߫، ߛߊ߫ ߓߍ߯ ߘߴߊ߬ ߛߍ߬ߓߍߘߏ߲߬ ߛߙߋߦߊ ߢߌߣߌ߲ ߣߌ߫ ߖߏ߫ ߢߌߣߌ߲ ߠߊ߫، ߏ߬ ߝߋ߲ ߂ ߢߌߣߌ߲ ߘߏ߲߬ ߦߋ߫ ߞߍ߬ߟߍ ߣߌ߫ ߞߕߌ ߟߎ߬ ߟߊߘߐ߯ߦߊ߫ ߟߊ߫ ߟߋ߬ ߝߐߍ߲.
ߛߊ߬ߙߌ߬ߦߊ߬ߓߏߟߏ߲ ߈߁߲:
ߞߏ߫ ߡߍ߲ ߓߊ߯ ߛߙߋߦߊ߫ ߖߎ߮ ߟߊߡߌ߬ߘߊ߬ ߸ ߏ߬ ߞߏ ߢߊߘߐߜߍ ߓߊ߯ ߣߊ߬ ߟߐ߲ ߞߐ ߟߊ߫ ߞߵߊ߬ߟߋ߬ ߟߊ߫ ߛߙߋߦߊ ߞߍ߫ ߥߎߦߊ ߘߌ߫ ߸ ߞߏ߫ ߦߋ߫ ߟߊߕߐ߲ ߛߙߋߦߊ ߖߎ߮ ߏ߬ ߟߊ߫ ، ߣߴߊ߬ ߣߐ߬ ߞߍ߫ ߘߊ߫ ߣߊ߲߬ߝߟߏ ߕߌߢߍ ߟߴߊ߬ ߘߐ߫ ߸ ߤߟߴߊ߬ ߥߊ߯ߕߌ ߖߊ߲߬ߧߊ߬ߣߍ߲߬ ߞߍ߫ ߘߊ߫ ߊ߰ ߏ߬ ߢߐ߲߮ ߛߙߊ߬ ߘߌߦߊߜߏ߬ߦߊ ߟߊ߫ .
ߛߊ߬ߙߌ߬ߦߊ߬ߓߏߟߏ߲ ߈߂߲:
ߞߏ߫ ߣߌ߫ ߞߕߌ ߝߛߍ߬ߝߛߍ߬ ߘߊ߫ ߞߊ߬ ߡߍ߲߬ߘߍ ߣߌ߫ ߣߊ߯ߝߌ߮ ߡߍ߲ ߠߎ߫ ߣߐ߭ ߦߴߊ߬ ߘߐ߫ ߸ ߊ߬ߟߎ߬ ߦߋ߫ ߟߊߛߌ߰ ߖߐ߲ ߘߐ߫ ߞߵߊ߬ߟߎ߬ ߞߎ߲߬ߘߐߦߌ߬ߘߊ߬ ߓߍ߯ ߢߣߊ߫ ߊ߬ ߣߌ߫ ߞߵߊ߬ߟߎ߫ ߟߐ ߢߍߢߌ߲ ߛߙߊ߬ ߟߊ߫ ߡߐ߰ߓߊ ߟߎ߬ ߦߴߏ߬ ߘߊߥߎ߲߫، ߏ߬ ߟߋ ߕߐ߯ ߞߏ߫ ߊ߬ߟߎ߬ ߓߘߊ߫ ߛߏ ߕߌߢߍ߫ ߸ ߊ߬ߟߎ߬ ߦߋ߫ ߛߏ ߟߊߘߊ߲.
ߛߊ߬ߙߌ߬ߦߊ߬ߓߏߟߏ߲ ߈߃߲:
ߞߏ߫ ߡߐ߰ ߛߌ߫ ߞߊߣߵߊ߬ ߡߐ߰ߢߐ߲߮ ߞߟߍ߬ ߞߟߍ߬ ߞߐ߬ ߞߎߡߊ ߟߊ߫ ߸ ߝߏ߫ ߊ߬ ߓߊ߯ ߛߐ߰ ߊ߬ ߢߌ߬ߣߌ߲߬ߞߊ ߡߊ߬ ߛߙߋ߫ ߕߋߟߋ߲ߣߍ߲ ߘߊ߲ߘߐ߫ ߢߣߊ߫ ، ߣߴߊ߬ ߞߴߊ߬ ߛߐ߬ߛߐ߬ ߊ߬ ߟߊ߫ ߸ ߏ߬ ߞߎߡߊ ߦߋ߫ ߓߊ߲ ߝߋߎ߫ ߓߊ ߥߎߦߊ ߟߋ߬ ߟߊߣߴߊ߬ ߟߊ߫ ، ߊ߬ ߘߏ߲߬ ߞߊ߫ ߘߐߛߏ߯ߙߋ ߞߏߖߎ߯ߦߊ߫ ߡߎ߬ߕߎ߲߬ ، ߓߊ ߡߐ߱ ߓߊ߯ ߊ߬ ߛߐ߬ߛߐ߬ ߊ߬ ߝߐ߫ ߞߊ߲߫ ߠߊ߫ ߸ ߣߴߊ߬ ߛߌߟߊ߲ߣߍ߲ ߡߊߞߍ߫ ߝߋߎ߫ ߸ ߊ߬ ߡߊ߬ߟߏ߬ߦߊ߬ߣߍ߲ ߠߋ߬. ߣߴߊ߬ ߘߏ߲߬ ߞߵߊ߬ ߟߐ߬ ߊ߬ ߟߊ߫ ߸ ߓߊߘߋ߲ ߠߎ߬ ߦߴߏ߬ ߞߕߌ ߟߊ߫ ߞߊ߬ ߖߏߕߌ߮ ߟߊ߫ ߖߏ ߘߴߊ߬ ߡߊ߬ ߸ ߞߊ߬ ߖߙߊ߬ߞߌ߬ ߕߌ߮ ߖߙߊ߬ߞߌ߫ ߞߵߊ߬ ߟߊߡߊ߬ߟߏ߬ߦߊ߬ ߢߐ߯ߛߐ߲߫
ߛߊ߬ߙߌ߬ߦߊ߬ߓߏߟߏ߲ ߈߄߲:
ߞߏ߫ ߣߌ߫ ߡߍ߲ ߞߊ߬ ߞߍ߬ߟߍ ߞߍ߫ ߞߐ߫ ߞߎߡߊ ߟߊ߫ ߞߵߊ߬ ߕߘߍ߬ ߊ߬ ߡߴߊ߬ ߕߌ߱ ߢߌ߬ߣߌ߲߬ߞߊ߫ ߡߐ߰ ߜߘߍ߫ ߢߣߊ߫߸ ߞߟߍ߬ ߞߍ߬ ߟߊ߫ ߏ߬ ߦߋ߫ ߖߙߊ߬ߞߌ߫ ߖߙߊ߬ߞߌ߬ ߜߍߟߍ߲ ߠߊ߫، ߓߊ ߞߎߡߊ ߟߋ߬ ߞߘߐ߬ ߞߍ߬ߟߍ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߈߅߲:
ߞߏ߫ ߞߕߌ߫ ߞߊ߲ߘߊ ߟߎ߬ ߣߌ߫ ߞߕߌ߫ ߞߎ߲ߠߊߛߌ߮ ߟߎ߬ ߦߋ߫ ߞߕߌ ߟߎ߬ ߣߌ߫ ߝߐߢߐ߲߯ߞߐ ߟߎ߬ ߟߊߣߐ߰ߦߊ߫ ߟߋ߬ ߞߘߊߎ߫ ߸ ߊ߬ ߣߌ߫ ߞߊ߬ ߞߟߍ߬ ߞߎߘߊ߫ ߣߊ߬ߕߐ ߟߎ߬ ߢߍߕߍ߰ ߤߊ߲ߞߟߌ ߟߊ߫ ߊ߬ ߣߌ߫ ߕߎ߬ߢߊ߬ ߜߍ߬ߟߍ߲߬ ߝߐ ߟߊ߫، ߓߊߏ߬ ߕߎ߬ߢߊ ߟߋ߬ ߖߏߕߌ߮ ߖߎ߬ߛߎ ߛߎߡߊ߫ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߈߆߲:
ߞߏ߫ ߞߟߍ߬ ߞߘߐ߫ ߓߊ߲ߣߍ߲ ߞߎߡߊ ߞߊߣߊ߬ ߓߌ߬ߟߊ߬ ߞߎߘߊ ߖߌ߫ ߟߊ߫ ߝߋߎ߫، ߏ߬ ߦߋ߫ ߞߍ߬ߟߍ ߟߎ߬ ߓߊ߲ߓߊߟߌ ߕߏ߫ ߟߊ߫ ߟߋ߬ ߞߊ߬ ߕߏ߫ ߊ߬ߟߎ߬ ߟߊߛߊ߬ߦߌ߲߬ ߠߊ߫ ߞߎߘߊ߫ ߘߌ߫ ߞߘߊߎ߫.
ߛߊ߬ߙߌ߬ߦߊ߬ߓߏߟߏ߲ ߈߇߲:
ߞߏ߫ ߣߌ߫ ߡߍ߲ ߖߎ߬ߛߎ ߓߏ߲߬ߧߊ߬ ߘߊ߫ ߞߵߊ߬ ߞߟߍ߬ߢߐ߲߮ ߡߊߘߌߡߌ߲ ߡߙߊ߬ߒ߬ߡߊ߬ߝߋ߲ ߠߊ߫ ߸ ߤߊߟߴߏ߬ ߖߏ߫ ߕߎ߲߬ ߓߍ߫ ߸ ߊ߬ ߓߘߴߊ߬ ߖߏ ߓߐ߫ ߊ߬ ߘߐ߫ ߝߋߎ߫ ، ߏ߬ ߘߐ߫ ߊ߬ ߦߋ߫ ߖߋ߬ߟߌ ߛߙߊ߬ ߞߊ߬ ߓߊ߲ ߞߊ߬ ߛߏ ߟߊߘߊ߲ ، ߣߌ߫ ߡߊ߬ߘߌ߬ߡߌ߲߬ߣߌ߲ ߏ߬ ߞߵߊ߬ ߞߟߍ߬ߢߐ߲߮ ߞߢߊ߬ ߓߊ߯ߦߊ ߟߊ߫ ߸ ߊ߬ ߦߋ߫ ߖߋ߬ߟߌ߬ ߛߙߊ ߣߌ߫ ߛߏ ߟߊߘߊ߲ ߞߍ߫ ߞߊ߬ ߓߊ߲ ߞߵߊ߬ ߟߊ߫ ߡߐ߰ ߖߐߞߌߣߍ߲ ߠߊ߫ ߓߊ߯ߙߊ ߟߎ߬ ߞߍ߫ ߝߎߚߎ߫ ߝߴߏ߬ ߦߋ߫ ߞߍ߲ߘߍߦߊ߫ ߸ ߓߊ߯ߙߊ ߏ߬ ߘߐ߫ ߸ ߊ߬ ߕߟߋ߬ߘߐ ߦߋ߫ ߓߊ߯ߙߊ߫ ߕߌ߮ ߞߎ߲߬ ߸ ߊ߬ ߥߎ߬ߙߊ߬ߟߊ ߦߴ ߊ߬ ߖߍ߬ߘߍ ߞߎ߲߬ ، ߝߏ߫ ߣߴߊ߬ ߓߘߊ ߞߍ߫ ߘߊ߫ ߛߏ߫ ߜߘߍ߫ ߟߊ߫ ، ߏ߬ ߕߎ߬ߡߊ ߸ ߊ߬ ߕߟߋ߬ߘߐ ߣߴߊ߬ ߥߎ߬ߙߊ߬ߟߊ ߓߍ߯ ߘߌ߫ ߞߍ߫ ߓߊ߯ߙߊ߫ ߕߌ߮ ߞߎ߲߬ ߸ ߓߊ ߊ߬ ߕߍ߫ ߕߊ߯ ߣߌ߫ ߛߋߦߌ߲ ߘߊߓߊ߲ ߛߏ߫ ߝߌ߬ߟߊ ߕߍ߫ .
ߛߊ߬ߙߌ߬ߦߊ߬ߓߏߟߏ߲ ߈߈߲:
ߞߏ߫ ߣߌ߫ ߡߍ߲ ߞߊ߬ ߡߎ߬ߙߎ ߕߊ߬ ߞߍ߬ߟߍ ߘߐ߫ ߥߟߊ߫ ߡߙߊ߬ߒߡߊ߬ߝߋ߲߬ ߜߘߍ߫ ߸ ߏ߬ ߓߘߊ߫ ߞߏ߫ ߖߎ߯ ߞߍ߫، ߣߴߊ߬ ߡߴߊ߬ ߛߋ߫ ߡߐ߰ ߡߊ߬ ߝߋߎ߫ ߸ ߊ߬ ߦߋ߫ ߛߏ߫ ߟߊߘߊ߲ ߕߋ߲߬ ߞߊ߬ ߘߊ߲߬ ߏ߬ ߡߊ߬، ߣߴߊ߬ ߘߏ߲߬ ߞߵߊ߬ ߛߋ߫ ߡߐ߰ ߡߊ߬ ߸ ߡߊ߬ߘߌ߬ߡߌ߲߬ߣߌ߲ ߓߌ߲߬ߓߊߏ ߓߘߊ߫ ߝߐ߫ ߊ߲ ߓߟߏ߫ ߝߙߍߕߍ߫ ߈߇߲ ߘߐ߫.
ߣߌ߫ ߡߍ߲ ߞߊ߬ ߡߐ߰ ߝߊ߰ ߏ߬ ߛߎ߮ ߘߐ ߸ ߏ߬ ߦߋ߫ ߝߊ߰ ߊ߬ ߢߐ߲߮ ߘߌ߫، ߊ߬ ߓߊߘߋ߲ ߡߍ߲ ߓߊ߯ ߊ߬ ߟߊ߫ ߝߛߊ߬ ߕߐ߲߫ ߕߌߢߍ ߏ߬ ߘߐ߫ ߸ ߏ߬ ߦߋ߫ ߛߏ ߟߊߘߊ߲ ߠߊ߫ ߟߋ߬ ߛߋ߲ߛߋߘߋ߲.
ߛߊ߬ߙߌ߬ߦߊ߬ߓߏߟߏ߲ ߈߉߲:
ߞߏ߫ ߣߌ߫ ߡߍ߲ ߞߊ߬ ߡߐ߰ ߝߊ߰ ߝߎ߬ߕߎ߲߬ߕߌ ߘߐ߫ ߸ ߣߴߊ߬ ߡߴߊ߬ ߟߊߥߟߌ߬ ߊ߬ ߡߊ߬ ߞߊ߬ߣߌ߲߬ ߸ ߏ߬ ߕߴߛߋ߫ ߝߊ߰ ߟߴߏ߬ ߢߐ߲߮ ߘߌ߫، ߓߊ߬ߙߌ ߊ߬ ߦߋ߫ ߢߊ߬ߢߌ߲߬ ߜߍߟߍ߲ ߛߙߊ߬ ߞߊ߬ ߛߏ ߝߣߊ߫ ߟߊߘߊ߲ ߞߏߛߓߍ߫ ߛߊ߫ ߣߌ߫ ߢߊߡߊ߲ ߘߌ߫ ߓߐ߫ ߊ߬ ߝߍ߬، ߣߌ߫ ߡߍ߲ ߞߊ߬ ߡߐ߰ ߝߊ߰ ߕߊߥߎ߫ ߓߛߌߞߌ ߘߐ߫ ߸ ߞߏ߫ ߦߋ߫ ߟߊߕߐ߲ ߏ߬ ߟߊ߫ ߢߊ߫ ߡߊ߬ ߸ ߡߍ߲ ߘߌ߫ ߡߐ߰ ߜߘߍ߫ ߞߢߊ߬ ߊ߬ ߢߐ߲߰ ߞߍ߫ ߟߊ߫. ߕߊߥߎ߫ ߓߛߌߞߌ ߞߘߐ ߟߋ߬ ߞߊ߬ ߡߐ߱ ߝߊ߰ ߜߊ߬ߛߌ߬ߟߌ߫ ߘߐ߫ ߸ ߡߍ߲ ߡߊ ߟߊߥߟߌ߬ ߝߊ߰ߟߌ߫ ߡߊ߬، ߦߏ߫ ߕߋ߬-ߒ-ߕߟߏ߬- ߟߊ߬ ߞߋߟߋ߲ ߦߋ߫ ߡߐ߱ ߛߕߊ ߘߌ߫، ߓߊ߬ߙߌ߬ ߡߐ߰ ߕߍ߫ ߛߴߊ߬ ߝߐ߫ ߟߊ߫ ߞߏ߬ߟߏ߲߬ߞߊ߬ߟߊ߲߬ ߠߊ߬ ߜߊߛߟߌ ߣߌ߫ ߕߊ߲ߓߊ߬ ߟߊ߬ ߛߐ߯ߟߌ ߣߌ߫ ߡߙߎ߬ ߟߊ߬ ߕߍ߯ߟߌ ߛߌ߫ ߡߊ߬ ߸ ߞߴߏ߬ ߡߊ ߟߊߥߟߌ߬ ߝߊ߰ߟߌ ߡߊ߬، ߓߊ ߊ߬ ߟߊߥߟߌ߬ߣߍ߲߫ ߏ߬ ߟߋ ߡߊ߬ ߛߎߋ߯.
ߛߊ߬ߙߌ߬ߦߊ߬ߓߏߟߏ߲ ߉߀߲:
ߛߏ߲߬ߖߘߊ߫ ߞߊ߲ ߞߏ߫ ߡߊ߲߬ߘߋ߲ ߛߏ߫ ߝߌ߬ߟߊ ߥߟߴߊ߬ ߖߡߊ߬ߣߊ ߝߌ߬ߟߊ ߸ ߏ߬ ߟߎ߬ ߦߋ߫ ߥߦߐ߬ ߟߊ߫ ߟߋ߬ ، ߞߏ߬ߣߌ߲߬ ߝߋߎ߫ ߊ߬ߟߎ߬ ߕߍ߫ ߞߟߍ߬ ߟߊ߫ ، ߒ߬ߓߊ߬ ߣߌ߫ ߡߊ߲߬ߘߋ߲߫ ߛߏ ߡߍ߲ ߥߟߴߊ߬ ߞߊ߬ߝߏ ߡߍ߲ ߥߟߌ߬ ߘߊ߫ ߞߍ߬ߟߍ ߘߌ߫ ߞߊ߬ ߥߊ߫ ߘߐ߫ ߞߊ߲ߡߊ߬ ߊ߬ ߓߘߊ ߸ ߏ߬ ߓߘߴߊ߬ ߖߏ߫ ߓߐ߫ ߊ߬ ߘߐ߫ ߝߋߎ߫ ߸ ߤߟߴߊ߬ ߖߏ߫ ߕߎ߲߬ ߓߴߊ߬ ߘߐ߫ . ߛߊ߬ߙߌ߬ߦߊ߬ߓߏߟߏ߲ ߉߁߲:
ߞߏ߫ ߛߏ ߡߍ߲ ߥߟߊ߫ ߞߊ߬ߝߏ ߡߍ߲ ߛߌ߰ߢߐ߲߮ ߓߊ߯ ߞߟߍ߬ ߘߐ߬ ߞߏ߫ ߞߴߊ߬ ߟߊ߫ ߸ ߏ߬ ߡߊ߬ߡߊߣߊ߬ ߥߟߌ߬ ߛߌ߰ߢߐ߲߮ ߏ߬ ߞߟߍ߬ ߞߊ߲ ߡߊ ߸ ߊ߬ ߦߋ߫ ߥߴߊ߬ ߢߊߝߐ߫ ߡߊ߲߬ߘߋ߲߫ ߡߊ߲ߛߊ ߟߋ߬ ߢߍ߫ ߸ ߏ߬ ߦߴߊ߬ ߟߊߕߐ߲ ߕߎ߬ߢߊ ߟߊ߫ .
ߛߊ߬ߙߌ߬ߦߊ߬ߓߏߟߏ߲ ߉߂߲:
ߣߌ߫ ߓߌ߬ߟߊ߬ߢߐ߲߰ߠߊ ߛߎ߮ ߏ߬ ߟߊߖߎ߯ߦߊ߫ ߘߊ߫ ߝߎߚߎ߫ ߝߏ߫ ߞߊ߬ ߥߴߊ߬ ߟߊߓߊ߲߫ ߞߍ߬ߟߍ ߡߊ߬ ߸ ߡߐ߰ ߛߌ߫ ߡߊߛߐ߬ߘߐ߲߬ ߞߊ߬ ߥߴߊ߬ ߢߊߝߐ߫ ߡߊ߲߬ߘߋ߲߫ ߡߊ߲ߛߊ ߢߍ߫ ߖߏߣߊ߫ ߸ ߒ߬ߓߊ߬ ߞߏ߫ ߟߊߘߊ߲ߠߊ߫ ߡߍ߲ ߠߎ߬ ߦߋ߫ ߦߌߟߊ߫ ߝߌ߬ߟߊ ߏ߬ ߓߍ߯ ߘߐ߫ ߛߊ߫ ߸ ߞߏ߫ ߦߋ߫ ߏ߬ ߟߎ߫ ߟߋ߬ ߣߌ߫ ߡߊ߲߬ߘߋ߲ ߡߊ߲ߛߊ ߕߍ߫ ، ߓߊ ߏ߬ ߟߎ߫ ߟߋ߬ ߣߐ߬ ߦߋ߫ ، ߞߊ߬ߕߎ߲߯ ߊ߬ߟߎ߬ ߡߴߊ߬ߟߎ߬ ߕߊ ߞߍߕߊ ߟߋ߬ ߞߍ߫ ߞߍ߬ߟߍ ߢߍߓߍ߲ ߘߐ߫، ߛߊ߲ߘߊ ߘߏ߲߬ ߓߘߴߊ߬ ߝߐ߫ ߞߏ߫ (( ߓߊߘߋ߲߫ ߞߟߍ ߦߋ߫ ߛߌ߬ߛߌ߬ ߟߊ߫ ߟߋ߬ ߜߊ߲ߛߊ߲ ، ߣߴߊ߬ ߡߍߣߍ߲ ߘߊ߫ ߸ ߊ߬ ߟߐ߲߫ ߤߊ߲ߞߟߌߡߊ߫ ߕߍ߫ ߸ ߛߌ߰ߢߐ߬ ߢߌߡߊ ߕߍ߫ .))
ߛߊ߬ߙߌ߬ߦߊ߬ߓߏߟߏ߲ ߉߃߲:
ߞߏ߫ ߕߏ߲ߒߕߊ߲ ߡߍ߲ ߠߎ߬ ߓߐߣߍ߲ ߞߍ߬ߟߍ ߣߌ߫ ߓߊ߯ߙߊ ߜߍߟߍ߲ ߓߍ߯ ߘߐ߫ ߞߵߊ߬ߟߎ߬ ߕߏ߫ ߛߏ߫ ߞߣߐ߫ ߡߐ߱ ߟߎ߬ ߕߍ߫ ߘߐߓߍ߲߭ ߠߎ߬ ߟߊ߫ ߸ ߏ߬ ߟߎ߬ ߦߴߊ߬ߟߎ߬ ߞߊߘߊ߲߫ ߠߋ߬ ߞߊ߬ ߞߍ߫ ߝߊ߬ߘߋ߲߬ߡߊ ߟߎ߬ ߕߍ߫ ߞߏ߫ ߟߎ߫ ߞߊ߬ߟߊߡߊ߬ ߞߘߊߎ߫ ߸ ߣߌ߫ ߡߍ߲ ߘߌߣߊ߬ ߟߊߓߊ߲߫ ߞߍ߬ߟߍ ߡߊ߬ ߊ߬ߟߎ߬ ߦߴߏ ߓߍ߯ ߢߍߓߍ߲߬ ߖߏߣߊ߫ ߸ ߞߵߊ߬ ߟߊߛߊ߬ ߡߐ߫، ߒ߬ߞߊ߬ ߕߏ߲ߕߌ߮ ߏ߬ ߟߎ߫ ߖߍ߬ߘߍ ߞߊߣߊ߬ ߞߍ߫ ߛߊߓߎߖߎ߮ ߟߎ߬ ߘߌ߫ ߘߋ߬ ߞߊ߬ ߖߋ߬ߕߌ߮ ߟߎ߫ ߓߌ߬ߟߊ߬ ߢߐ߲߮ ߠߊ߫ ، ߣߴߏ߬ ߡߍ߲ ߟߊߞߏߟߐ߲߫ ߘߊ߫ ߝߊ߬ߘߋ߲߬ߡߊ ߟߎ߬ ߕߍ߫ ߛߋ߲߬ߢߊ ߛߓߊ߬ ߸ ߏ߬ ߦߋ߫ ߜߍ߲ ߞߵߊ߬ ߟߊߓߐ߫ ߦߙߐ ߘߐ߫ ߝߋߎ߫ .
ߡߏߦߌߓߊ߯ ߣߊߣߌ߲ ߣߌ߫ ߢߊ߬ߡߐ߰ߘߋ߲߬ߡߊ߬ ߣߊߣߌ߲ ߣߌ߫ ߖߐ߲߬ߡߊ߬ ߣߊߣߌ߲
ߛߊ߬ߙߌ߬ߦߊ߬ߓߏߟߏ߲ ߉߄߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߡߊ߲߬ߘߋ߲߬ߞߊ ߟߎ߫ ߘߋ߬ߙߌ߬ߣߍ߲ ߢߐ߲߮ ߝߊ߰ ߟߊ߫ ߣߊ߬ߣߌ߲߬ߣߌ߲߬ ߖߎ߯ ߃ ߛߊ߬ߓߊ ߟߋ߬ ߘߐ߫، ߏ߬ ߟߎ߫ ߟߵߊ߬ ߝߐ߫ ߘߌ߫ ߡߐ߰ ߡߊ߬ ߞߏ߫ ߌ ߖߐ߲߭، ߊ߬ ߣߴߌ ߢߊ߬ߡߐ߰ߘߋ߲، ߊ߬ ߣߌ߫ ߡߏߦߌߓߊ߯ ߣߊߣߌ߲، ߞߏ߫ ߒ߬ߓߊ߬ ߓߌ߬ ߸ ߊ߲ ߓߘߊ߫ ߕߐ߲ ߓߐ߫ ߣߊ߬ߣߌ߲߬ߠߌ߫ ߖߎ߯ ߛߊ߬ߓߊ ߏ߬ ߓߍ߯ ߟߊ߫ ߸ ߞߵߊ߬ߟߎ߫ ߝߊ߲߬ߞߊ ߣߴߊ߬ߟߎ߫ ߓߊ߱ ߓߍ߯ ߓߐ߫ ߊ߬ߟߎ߬ ߟߊ߫ ߝߋߎ߫، ߊ߬ ߝߟߐ߫ ߦߋ߫ ߡߏߦߌߓߊ߯ ߣߊߣߌ߲ ߡߍ߲ ߘߌ߫ ߸ ߝߊ߬ ߣߊߣߌ߲ ߕߐ߲ ߕߍ߫ ߡߎߕߎ߲߬ ߸ ߣߊ߫ ߣߊߣߌ߲ ߕߐ߲ ߕߍ߫. ߤߊߟߌ߬ ߡߍ߲ ߓߊ߯ ߊ߬ ߟߊ߫ ߖߐ߲߭ ߡߏߦߌߓߊ߮ ߣߊ߬ߣߌ߲߬ ߛߍߣߍ߲߬ ߸ ߏ߬ ߦߴߊ߬ ߛߙߊ߬ ߊ߬ ߝߣߊ߫ ߡߏߦߌߓߊ߮ ߟߊ߫، ߓߊ ߣߌ߫ ߡߍ߲ ߡߏߦߌߓߊ߮ ߡߊ߫ ߜߌߟߴߊ߬ ߡߊ߬ ߸ ߏ߬ ߟߋ ߕߐ߭ ߟߎ߬ ߕߊ ߣߊ߬ߣߌ߲߬ ߠߊ߫.
ߛߊ߬ߙߌ߬ߦߊ߬ߓߏߟߏ߲ ߉߅߲:
ߛߏ߲߬ߖߘߊ߫ ߞߊ߲߫ ߞߏ߫ ߊ߬ ߝߌߟߊߣߊ߲ ߦߋ߫ ߢߊ߬ߢߐ߰ߘߋ߲ߡߊ߬ ߣߊߣߌ߲ ߡߍ߲ ߘߌ߫ ߸ ߞߴߏ߬ ߕߍ߫ ߞߟߍ߬ ߘߐ߫ ߞߏ߫ ߘߌ߫ ߡߎ߬ߕߎ߲߬، ߓߊ ߏ߬ ߦߋ߫ ߜߊ߬ ߟߊ߫ ߡߐ߰ ߟߋ߬ ߟߊ߫ ߡߊ߲߬ߘߋ߲ ߞߣߐ߫ ߛߍߣߍ߲߬ ߸ ߢߊ߬ߡߐ߰ߘߋ߲߬ߦߊ ߛߎߡߊ ߦߋ߫ ߡߍ߲ ߝߍ߬، ߏ߬ ߟߋ ߞߵߊ߬ ߞߍ߫ ߞߐ߫ ߟߊ߫ ߸ ߤߊߟߌ߬ ߡߍ߲ ߓߴߊ߬ ߝߐ߫ ߘߏ߫ ߡߊ߬ ߡߊ߲߬ߘߋ߲߫ ߞߣߐ߫ ߞߏ߫ ߌ ߝߊߕߎ߫ ߥߟߊ߫ ߌ ߝߊߕߎߝߊ߬ߟߊߕߎ (ߢߊ߬ߡߐ߰ߘߋ߲ ߕߊ߫ ߢߊ߬ߡߐ߰ߘߋ߲ ߞߊ߬ߣߌ߲߬) ߏ߬ ߕߴߏ߬ ߕߙߐ߫، ߝߏ߫ ߓߌ߬ ߸ ߡߐ߰ ߘߴߊ߬ ߝߐ߫ ߊ߬ ߖߘߍ߬ ߞߊ߬ߣߌ߲߬ ߘߋ߲ ߡߊ߬ ߞߏ߫ ߌ ߝߊߕߎ، ߌ ߢߊ߬ߡߐ߰ߘߋ߲ ߝߊ߬ߟߌ. ߏ߬ ߓߊ߱ ߓߐߣߴߊ߬ ߟߊ߫ ߟߋ߬ ߝߋߎ߫، ߓߊ ߊ߬ ߝߐߣߍ߲ ߠߋ߬ ߞߏ߫ ߊ߬ ߓߊ߯ ߜߊ߬ ߡߍ߲ ߠߊ߫ ߸ ߌ ߘߴߊ߬ ߕߘߍ߬ ߛߋߙߙߋ߫ ߊ߬ ߛߎߡߊ ߟߴߏ߬ ߝߍ߬.
ߛߊ߬ߙߌ߬ߦߊ߬ߓߏߟߏ߲ ߉߆߲:
ߛߏ߲߬ߖߘߊ߫ ߞߊ߲ ߞߏ߫ ߊ߬ ߛߓߊߣߊ߲ ߦߋ߫ ߖߐ߲߬ߡߊ߬ ߣߊߣߌ߲ ߡߍ߲ ߘߌ߫ ߸ ߏ߬ ߟߋ ߣߐ߰ߡߊ߲߫ ߊ߬ ߓߍ߯ ߘߌ߫ ، ߓߊ ߡߐ߰ ߛߌ߫ ߕߍ߫ ߖߐ߲߬ߧߊ ߘߌ߫ ߸ ߡߐ߰ ߖߊ߬ߡߎ߲߬ ߕߍ߫ ߸ ߡߐ߰ ߛߐ߲߬ ߝߣߊ߫ ߕߴߊ߬ ߘߌ߫ ، ߛߋ ߓߊ߯ ߞߍ߫ ߡߍ߲ ߠߊ߫ ߟߏ߲ ߡߍ߲ ߏ߬ ߟߋ ߞߍ߫ ߟߊ߫ ߖߐ߲߭ ߘߌ߫ ، ߦߏ߫ ߛߎߡߊߏߙߏ߫ ߞߵߊ߲ ߞߍ߫ ߖߐ߲߭ ߘߌ߫ ߢߊߡߍ߲ ߞߵߊ߬ ߕߘߍ߬ ߊ߲ ߛߐ߲߬ ߕߍ߫ ߖߐ߲߬ߧߊ ߘߌ߫ ، ߏ߬ ߟߋ ߞߏߛߐ߲߬ ߣߌ߫ ߡߐ߱ ߓߐ߫ ߘߊ߫ ߖߐ߲߬ߧߊ ߟߊ߫ ߸ ߊ߬ ߡߊ߲߫ ߞߊ߲߫ ߞߊ߬ ߝߐ߫ ߊ߬ ߡߊ߬ ߡߎ߬ߕߎ߲߬ ߞߏ߫ ߤߙߐ߫ ߞߎߘߊ ، ߓߊ ߊ߬ ߕߍ߫ ߝߐ߫ ߟߊ߫ ߖߐ߲߭ ߡߊ߬ ߞߏ߫ ߤߙߐ߫ ߞߘߐ، ߏ߬ ߟߋ ߘߏ߲߬ ߦߴߊ߬ ߘߌ߫ ߸ ߡߍ߲ ߓߊ߯ ߊ߬ ߝߐ߫ ߡߍ߲ ߡߊ߫ ߡߎ߬ߕߎ߲߬ ߞߏ߫ ߌ ߖߐ߲߭ ߥߟߊ߫ ߌ ߥߟߏߛߏ ߸ ߏ߬ ߝߣߊ߫ ߦߴߏ߬ ߢߐ߲߰ ߝߴ ߏ߬ ߡߊ߬ ߸ ߤߊߟߴߊ߬ ߓߊ߯ ߞߴߊ߬ ߟߊ߫ ߡߐ߰ߓߊ ߘߌ߫ ، ߓߊ ߡߐ߰ߓߊ ߡߍ߲ ߦߋ߫ ߡߐ߰ߣߍ߲ ߞߊ߲ ߝߐ߫ ߟߊ߫ ߸ ߏ߬ ߦߋ߫ ߡߐ߰ߣߍ߲ ߠߋ߬ ߘߌ߫ ، ߏ߬ ߦߋ߫ ߖߐ߲߭ ߖߍ߬ߘߍ ߟߋ߬ ߘߌ߫ ، ߞߊ߬ߕߎ߲߯ ߸ ߖߐ߲߬ ߡߐ߮ ߛߌߦߊߡߊ߲ߓߊ ߟߋ߬ ߤߙߐ ߘߐ߫، ߡߐ߰-ߐ-ߡߐ߬ ߡߴߊ߬ ߕߊ߫ ߝߐߕߊ߫ ߣߴߊ߬ ߕߊ߫ ߞߍߕߊ߫ ߟߐ߲߫ ߸ ߏ߬ ߓߍ߯ ߖߐ߲߬ ، ߤߙߐ ߞߵߊ߬ ߕߊ߫ ߝߐߕߊ ߣߌ߫ ߞߍߕߊ ߟߐ߲ ߠߋ߬ ، ߏ߬ ߞߏߛߐ߲߬ ߡߊ߲߬ߘߋ߲߬ ߛߊ߲ߘߊ ߞߊ߲ ߞߏ߫ ߖߐ߲߭ ߠߎ߬ ߓߋ߲ߓߊ ߕߐ߯ ߟߋ߬ ߕߘߍ߬ ߞߏ߫ ( ߝߐߒߢߍ߫ ) ߤߙߐ ߟߎ߬ ߓߋ߲ߓߊ ߕߐ߯ ߕߘߍ߬ ߞߏ߫ ( ߒ ߣߌ߫ ߢߌ߲߬ ߠߋ߬ ߞߊ߫ ߞߊ߲߫ ) ߤߊߟߌ߬ ߝߘߎ ߘߐ߫ ߸ ߌ ߓߊ߯ ߊ߬ ߡߍ߲ ߞߏ߫ ߤߙߐ ߡߛߏ ߸ ߡߍ߲ ߞߵߊ߬ ߕߊ ߞߍߕߊ ߟߐ߲ ߏ߬ ߟߋ߫ ߞߏ߫ ߦߋ߫ ، ߣߴߏ߬ ߕߍ߫ ߸ ߖߐ߲߬ ߓߊߣߊ߲ ߠߋ߬ ، ߏ߬ ߡߊ߫ ߛߊ߲߬ ߟߐ߯ ߘߐ߫ ߸ ߊ߬ ߡߊ߫ ߡߌ߬ߘߊ߬ ߞߟߍ߬ ߘߐ ، ߊ߬ ߡߴߊ߬ ߕߊ߫ ߞߍ߫ ߕߊ߫ ߟߐ߲ ߡߍ߲ߞߍ߭ ߏ߬ ߟߋ ߣߵߊ߬ ߞߍ߫ ߟߊ߫ ߖߐ߲߬ ߓߊߣߊ߲ ߘߌ߫ .
ߞߕߌ ߘߐ߫ ߛߍ߲ߠߌ߲
ߛߊ߬ߙߌ߬ߦߊ߬ߓߏߟߏ߲ ߉߇߲:
ߣߌ߫ ߞߕߌ ߘߐ߫ ߸ ߞߟߍ߬ߟߊ߫ ߝߌ߬ߟߊ ߟߊ߫ ߘߊߘߐߜߟߍߦߊ ߞߵߊ߬ ߞߍ߫ ߢߊ߫ ߡߊ߫ ߦߋ߫ ߞߕߌ ߡߊ߬ ߞߊ߬ ߖߏߕߌ߮ ߣߌ߫ ߖߙߊ߬ߞߌ߬ ߕߌ߮ ߟߐ߲ ߸ ߊ߬ߟߎ߬ ߦߋ߫ ߟߊߛߍ߲ ߘߍ߭ ߣߌ߫ ߥߏ߬ߙߏ ߟߊ߫، ߣߴߊ߬ߟߎ߬ ߓߍ߯ ߛߐ߲߬ߘߊ߫ ߛߍ߲ߠߌ߲ ߡߊ߬ ߞߎߡߊ ߦߋ߫ ߓߟߏߞߊ߬ ߝߋߎ߫، ߞߵߏ߬ ߕߏ߫ ߛߊ߫ ߛߍ߲ߠߌ߫ ߞߐߝߟߌ ߦߋ߫ ߖߏ߫ ߕߌ߮ ߣߌ߫ ߖߙߊ߬ߞߌ߬ ߕߌ߮ ߓߍ߯ ߟߊߓߐ ߜߍ ߘߐ߫ ߥߊ߯ߕߌ ߣߊ߬ߕߐ ߘߏ߫ ߟߊ߫، ߞߊ߬ߕߎ߲߯ ߸ ߣߌ߫ ߘߍ߱ ߣߌ߫ ߥߏ߬ߙߏ ߡߊ߫ ߕߎ߬ߢߊ ߟߊߓߐ߫ ߸ ߖߊ߬ߡߊ ߢߍߡߌߙߌ߲ ߣߌ߫ ߤߊߞߍ ߘߴߊ߬ ߟߊߓߐ߫ ߟߋ߬ ߘߍ߯، ߤߊߟߴߊ߬ ߞߎ߲߬ߘߐߖߊ߲ߧߊ߬ ߘߊ߫ ߢߊ-ߊ-ߢߊ ߡߊ߬.
((ߖߊ߲ߕߏ߬ߒߘߐ)) ߒߠߋ ߟߊ߫ ߛߊ߲߬ ߄߀ ߟߊ߬ߞߙߐ߬ߛߌ߬ߟߌ ߘߐ߫ ߸ ߛߍ߲ߠߌ߲ ߦߋ߫ ߕߎ߬ߢߊ ߟߋ߬ ߘߌ߫ ߸ ߡߍ߲ ߘߌ߫ ߕߎ߬ߢߊ ߓߌ߬ߟߊ߬ ߜߍ ߘߐ߫ ߝߛߊߦߌ߫، ߒߠߋ ߞߵߊ߬ ߟߐ߲߫ ߞߏ߫ ߛߍ߲ߠߌ߲ ߥߎߦߡߊ ߕߍ߫ ߕߏ߫ ߓߌ߲߬ߓߊߏ߬ߓߊߟߌߦߊ ߘߐ߫ ߝߋߎ߫، ߊ߬ ߞߐߝߟߌ ߘߌ߫ ߓߌ߬ߟߊ߬ ߜߍ ߘߐ߫ ߟߋ߬ ߘߍ߯ ߸ ߛߌߞߊ ߛߌ߫ ߕߴߏ߬ ߘߐ߫، ߛߍ߲ߠߌ߲ ߕߍ߫ ߕߏ߫ ߜߊ߲ߛߊ߲ ߝߋߎ߫، ߓߊ ߡߐ߰ ߛߘߍߡߊ߲ ߞߣߐ ߓߘߊ߫ ߦߟߍ߬ ߊ߬ ߟߊ߫ ߒߠߋ ߢߣߊ، ߏ߬ ߟߎ߫ ߢߌ߬ߣߌ߲߬ߞߊ߬ߣߍ߲ ߞߊ߲ ߞߏ߫ ߊ߬ߟߎ߫ ߞߵߊ߬ߟߎ߬ ߛߍ߲߫ ߥߎߦߊ ߟߋ߬ ߞߊ߲߬. ߕߎ߬ߓߊ߬ߓߎ߬ ߖߐ߲߬ߧߊ ߟߋ߬ ߞߊ߬ ߓߊ߫ ߓߐ߫ ߛߍ߲ߠߌ߲ ߞߏߢߊ ߘߐ߫ ߒ߬ ߠߎ߬ ߟߊ߫ ߖߡߊ߬ߣߊ ߣߌ߲߬ ߞߊ߲߬، ߏ߬ ߘߏ߲߬ ߞߎ߲߭ ߞߍ߫ ߘߊ߫ ߞߏ߫ ߂ ߟߋ߬ ߘߌ߫، ߏ߬ ߟߎ߬ ߝߟߍ߫ ߣߌ߲߬:
߁߭- ߕߎ߬ߓߊ߬ߓߎ ߟߎ߬ ߡߊ߫ ߛߍ߲ߠߌ߲ ߕߎ߬ߢߊ߬ߦߊ ߟߐ߲߫ ߸ ߓߊ ߊ߬ߟߎ߬ ߓߘߊ߫ ߞߏ߫ ߕߍ߫ ߸ ߊ߬ߟߎ߫ ߘߏ߲߬ ߡߊ߫ ߟߊ߫ ߒ߬ ߠߎ߬ ߓߘߊ߫ ߞߏ߫ ߛߌ߫ ߟߊ߫.
߂߲- ߕߎ߬ߓߊ߬ߓߎ ߟߎ߫ ߡߊ߬ߞߏ ߡߊ߫ ߞߍ߫ ߕߎ߬ߢߊ ߢߊߢߌߣߌ߲ ߠߊ߫ ߊ߲ߠߎ߫ ߝߘߊ߬ߝߌ߲ ߠߎ߬ ߕߍ߫ ߞߕߌ ߟߎ߬ ߘߐ߫ ، ߓߊ ߊ߬ߟߎ߬ ߦߴߊ߬ ߝߍ߬ ߟߋ߬ ߞߊ߬ ߕߏ߫ ߊ߲ ߠߊ߫ ߞߕߌ ߟߎ߫ ߕߍ߰ ߟߊ߫ ߊ߬ߟߎ߫ ߖߍ߬ߘߍ ߡߎߣߊ߲ߝߊ߲ ߛߌߟߊ ߟߎ߫ ߟߋ߬ ߞߊ߲߬ ߞߘߊߎ߫ ، ߊ߬ߟߎ߫ ߛߐ߲߬ߕߐ ߕߎ߬ߢߊ ߝߛߍ߬ߝߛߍ ߡߊ߬ ߏ߬ ߘߐ߫ ߘߌ߫؟؟ ߣߌ߫ ߕߎ߬ߓߊ߬ߓߎ ߟߎ߬ ߟߊ߫ ߛߌߟߊ ߡߌ߬ߘߊ߬ߣߍ߲ ߕߴߊ߲ ߓߟߏ߫ ߛߍ߲ߠߌ߲ ߘߐߖߐ߲߰ߛߐ ߘߐ߫ ߸ ߊ߬ ߘߌ߫ ߞߏ߫ ߛߌߦߊߡߊ߲ ߢߊ߬ ߊ߲ ߠߊ߫ ߞߕߌߘߊ ߟߎ߬ ߘߐ߫ ߤߊߟߌ ߓߌ߬ ، ߓߊߏ߬ ߛߍ߲ߠߌ߲ ߁߁ ߓߘߊ߫ ߞߍ߫ ߒߠߋ ߛߎ߬ߟߋ߬ߡߊ߯ߣߊ ߢߣߊ߫ ߁߉߃߆ ߣߌ߫ ߁߉߇߂ ߕߍߟߊ ߘߐ߫ ߏ߬ ߉ ߞߊ߬ ߕߎ߬ߢߊ ߟߊߓߐ ߜߍ ߘߐ߫ ߟߋ߬ ߔߊߞߌߛߊ߫ ، ߊ߬ ߕߊ߲ߠߊ߲ ߛߊ߫ ߸ ߏ߬ ߛߍ߲ߠߌߣߊ ߝߌ߬ߟߊ ߛߌ߫ ߡߊ߫ ߞߍ߫ ߛߌ߬ ߕߌ߯ ߘߌ߫ ߡߍ߲ߞߍ߭ ߸ ߊ߲ ߡߴߏ߬ ߟߎ߬ ߕߊ߫ ߛߍ߲ߠߌ߲ ߞߐߝߟߌ߫ ߖߐ߲ߖߐ߲߫ ߟߐ߲߫ ߏ߬ ߟߋ ߘߐ߫ . ߊ߬ ߕߊ߲߫ ߣߌ߫ ߞߋߟߋ߲ߣߊ߲ ߸ ߒߠߋ ߣߴߏ߬ ߕߌ߱ ߟߎ߬ ߓߐ߫ ߘߊ߫ ߢߐ߲߮ ߞߊ߲߬ ߠߋ߬ ߝߋߎ߫، ߏ߬ ߟߋ ߞߵߊ߬ ߞߍ߫ ߒ ߡߴߏ߬ ߟߎ߬ ߕߊ ߢߊߘߐߜߍ߫ ߟߐ߲߫.
ߛߍ߲ߠߌ߲ ߁߂ ߘߐߓߍ߲߬ ߘߊ߫ ߒ ߢߣߊ߫ ߛߋ߲߬ߞߐ߫ ߁߉߇߂ ߟߊ߫ ، ߏ߬ ߛߍ߲ߠߌ߲ ߞߍߓߊߟߌ ߕߏ߫ ߘߊ߫ ߸ ߕߎ߬ߢߊ ߓߌ߬ߟߊ߬ߘߊ ߜߍ ߘߐ߫ ߥߛߊߞߙߊ߫ ، ߓߊߏ߬ ߒ ߞߘߐ߬ߞߍ ߟߊ߬ߛߌ߬ߣߍ߬ ߞߊ߲ߕߍ߫ ߣߊ߬ ߛߍ߲ߣߌ߲ߠߊ ߡߐ߰ ߣߊ߯ߣߌ߲ ߟߊߘߍ߬ ߟߊ߫ ߦߌߟߊ߫ ߞߋߟߋ߲߫ ߸ ߊ߬ ߞߊ߲߫ ߞߏ߫ ߊߟߊ߫ ߸ ߒߠߋ ߟߊ߫ ߓߋߟߊ߫ ߕߊ߮ ߕߍߣߊ߬ ߓߐ߫ ߟߊ߫ ߛߌߣߌ߲߫ ، ߒߠߋ ߞߊ߲߫ ߒ ߞߏ߫ ߡߎ߲߬ ߦߴߊ߬ ߘߐߛߊ߬ ߟߊ߫؟ ߊ߬ ߞߊ߲ ߞߏ߫ ߓߊߘߍ ߞߍ߬ ، ߒߠߋ ߞߊ߲߫ ߒ ߞߏ߫ ߖߍ߬ߣߍ߲߬ ߓߊߘߍ ߏ߬ ߘߌ߫ ، ߒ ߞߘߐ߬ ߞߊ߲߫ ߞߏ߫ ߡߐ߰ ߄ ߡߍ߲ ߠߎ߬ ߞߍߕߐ߫ ߊ߬ߟߎ߬ ߛߍ߲ ߠߊ߫ ߣߌ߲߬ ߸ ߏ߬ ߞߋߟߋ߲߫ ߘߌ߫ ߛߊ߬ ߛߎ ߢߌ߲߬ ߘߐ߫ ߛߍ߲ ، ߝߏ߫ ߊ߲ ߘߏ߲߬ ߦߴߏ߬ ߓߊߘߍ ߞߍ߫ ߛߐ߱ߡߊ߬ ߟߋ߬ ، ߛߊ߬ߣߴߏ߬ ߓߊ߲߫ ߕߍ߫ ߸ ߏ߬ ߘߴߊ߬ ߕߘߍ߬ ߓߋߟߊ߫ ߕߊ߯ ߡߐߓߟߌ ߟߎ߬ ߓߘߊ߫ ߓߊ߲߫ ߥߊ߫ ߟߊ߫ ، ߒߠߋ ߘߏ߲߬ ߕߍ߫ ߛߌߟߊ ߛߐ߬ߘߐ߲߬ ߏ߬ ߘߐ߫ ߡߎ߬ߕߎ߲߬ ، ߛߍ߲ߠߌߣߊ ߟߎ߫ ߞߵߊ߬ߟߎ߬ ߢߊ ߛߌ߰ ߦߌߟߊ ߛߌߦߊߦߊ߫ ߞߎߡߊ ߏ߬ ߘߐ߫ ߞߏߛߓߍ߫ ، ߘߊ߬ߡߊ߲ߛߊ߫ ߒ ߞߘߐ߬ ߟߊ߫ ߞߊ߬ߙߊ߲߬ߘߋ߲ ߣߊ߬ ߘߊ߫ ߞߊߛߊ߲ߞߋ ߞߎߘߊ ߞߙߊߣߍ߲ ߘߌ߫ ، ߒ ߞߘߐ߬ ߞߊ߲߫ ߛߍ߲ߠߌߣߊ ߟߎ߫ ߡߊ߬ ߞߏ߫ ߊߟߎ߫ ߥߴߊߟߎ߫ ߖߏ߲߫ ߢߍ߲߮ ߠߊ߫߸ ߒ ߢߴߊߟߎ߫ ߞߊߛߊ߲ߞߋ߫ ߞߵߊ߬ߟߎ߫ ߟߊߛߍ߲ ߞߎ߬ߙߊ߬ߣߊ ߟߊ߫ ، ߊ߬ ߛߋ߫ ߖߏ߲ߠߌ߲ ߣߌ߫ ߞߊߛߊ߲ߞߋߟߌ ߣߌ߫ ߛߍ߲ߠߌ߲ ߡߊ߬ ߕߋ߲߬ ߸ ߛߐ߲߬ߡߊ ߞߵߊ߬ ߝߐ߫ ߞߏ߫ ߥߏߘߌ ߦߴߊ߬ߟߋ ߟߋ߬ ߓߟߏ߫ ، ߊ߬ ߥߟߌ߬ߕߐ ߞߊ߲߫ ߞߏ߫ ߟߐ߬-ߒ߬- ߛߐ߲߬ߠߊ ߏ߬ ߡߊ߬ߟߏ߬ߦߊ ߝߌ߬ߛߊ߬ ߒ ߝߎߣߎ߲ߞߋߟߡߊ ߣߌ߲߬ ߞߊߓߊ߲ ߞߊߘߌߣߍ߲ ߘߌ߫ ߝߎ߯ߝߊߕߌ߫. ߒ߬ߞߊ߬ ߏ߬ ߟߋ ߛߎ߮ ߦߴߊ߬ ߦߌ߬ߘߊ߬ ߟߊ߫ ߸ ߞߏ߫ ߣߌ߫ ߓߍ߯ ߘߍ߬ ߘߊ߫ ߞߊ߬ ߓߊ߫ ߘߏ߲߬ ߛߍ߲ߠߌ߲ ߞߏ ߘߐ߫ ߊ߲ ߠߊ߫ ߞߕߌߘߊ ߟߎ߬ ߟߊ߫ ߸ ߞߏ߫ ߕߎ߬ߢߊ߬ ߛߌߦߊߡߊ߲ ߘߌ߫ ߟߊߟߐ߬ ߞߕߌ ߟߎ߬ ߘߐ߫ ߸ ߡߍ߲ ߠߎ߬ ߘߌ߫ ߞߕߌ ߟߎ߫ ߞߎ߲߬ߕߊ߮ ߛߎ߬ߘߎ߲߬ߧߊ߫، ߓߊߏ߬ ߥߎߦߊ ߕߌ߮ ߝߊ߲߬ߓߊ ߕߍ߫ ߛߐ߲߬ ߛߍ߲ߠߌ߲ ߡߊ߬ ߝߋߎ߫ ، ߞߎߡߊ ߛߋ߫ ߘߊ߫ ߛߍ߲ߠߌ߲ ߡߊ߬ ߕߋ߲߬ ߸ ߊ߬ߟߎ߬ ߘߴߊ߬ߟߎ߫ ߟߐ߬ ߊ߬ߟߎ߫ ߛߐ߲߭ ߠߊ߫ ߘߏߦߌ߲߫ .
ߗߍ߫ ߕߊ ߣߌ߫ ߗߍ߫ ߘߐߝߘߊ
ߛߊ߬ߙߌ߬ߦߊ߬ߓߏߟߏ߲ ߉߈߲:
ߞߏ߫ ߗߍ߫ ߕߊ ߛߌߟߊ ߝߍ߬ ߸ ߡߍ߲ ߓߍ߬ߣߍ߲ ߡߐ߬ߦߊ ߓߎ߲ߓߎ߲ ߢߐ߲߮ ߡߊ ߘߐ߫ ߸ ߟߎ߫ ߕߌ߮ ߓߊ߯ ߛߊ߬ ߸ ߊ߬ ߘߐ߮ ߡߍ߲ ߕߎ߲߰ߣߍ߲߫ ߓߊ߯ ߞߵߊ߬ ߟߊ߫ ߥߟߴߊ߬ ߘߋ߲ߞߍ ߸ ߏ߬ ߦߋ ߛߌ߰ ߊ߬ ߣߐ߭ ߘߐ߫ ߟߎ ߞߎ߲߬ߠߊ߬ ، ߗߍ߫ ߘߐߝߘߊ߫ ߜߘߍ߫ ߕߴߏ߬ ߘߐ߫ ، ߣߴߏ߬ ߞߊ߬ ߞߍ߫ ߘߐ߮ ߡߍ߲ ߓߟߏߓߐ߫ ߟߊ߫ ߊ߬ ߦߋ߫ ߘߏ߫ ߞߴߊ߬ ߖߘߍ߬ ߢߍ߫ ߸ ߝߏ߫ ߞߊ߬ ߝߘߎ߫ ߟߋ߬ ߞߴߏ߬ ߢߍ߫ ߡߎߣߎ߲߬ ߘߌߦߊߜߏ߬ߦߊ ߟߊ߫ ، ߞߵߊ߬ ߣߌ߭ ߘߴߊ߬ ߡߊ߬ ߝߊ߬ ߗߍ ߘߐ߫ ߥߟߊ߫ ߓߋ߲ߓߊ߫ ߗߍ ߘߐ߫، ߊ߬ ߣߌ ߞߊ߬ ߛߊ߲߬ ߁ ߛߌ ߣߴߊ߬ ߓߊߟߏ ߘߴߊ߬ ߡߊ߬ ، ߣߌ ߘߊ߬ߓߊ ߘߌߦߊߣߍ߲ ߞߍ߫ ߘߊ߫ ߞߊ߬ ߓߌߦߊ߲ ߛߌߦߊߡߊ߲ ߛߐ߬ߘߐ߲߬ ߸ ߞߵߊ߬ ߕߊ ߘߴߊ߬ ߡߊ߬ ߏ߬ ߝߣߊ߫ ߘߐ߫ ، ߘߐ߮ ߞߏ߬ߣߌ߲ ߜߍ߬ߗߊߣߊ߲ ߕߍ߫ ߓߟߏߓߐ߫ ߟߊ߫ ߝߋߎ߫ ، ߝߏ߫ ߝߘߎ߫ ߓߊ߯ ߞߴߊ߬ ߢߍ߫ ، ߊ߬ ߡߛߏ߬ߕߌ߮ ߏ߬ ߝߣߊ߫ ߕߍ߫ ߓߌ߬ߟߊ߬ ߟߊ߫ ߘߋ߬ ߜߛߊߞߙߊ߫ ߸ ߊ߰ ߓߟߏߓߐ߫ ߟߊ߫ ߟߋ߬ ، ߏ߬ ߘߏ߲߬ ߝߣߊ߫ ߕߍ߫ ߟߊߓߙߊ߬ ߟߊ߫ ، ߊ߰ ߟߐ߯ߟߊ߫ ߟߊ߫ ߟߋ߬ ، ߓߊ ߝߏ߫ ߞߊ߬ ߘߊ߲ߘߐ߫ ߟߋ߬ ߕߏ߫ ߊ߬ ߟߊ߫ ߞߵߊ߬ ߝߐ߫ ، ߖߐ߲߬ߛߊ߫ ߊ߬ ߘߴߊ߬ ߘߐߓߍ߲߬ ߞߊ߬ ߛߣߍ߬ ߘߎ߮ ߡߊߞߟߏ߫ ߸ ߞߊ߬ ߡߐ߬ߣߐ ߟߐ߬ ߊ߬ ߣߌ߫ ߓߏ߲߬ߣߏ߲ ߣߌ߫ ߖߌ߰ߣߍ ߣߌ߫ ߛߊ߮ ߣߌ߫ ߛߎ߬ߟߎ ߟߎ߬ .
ߛߊ߬ߙߌ߬ߦߊ߬ߓߏߟߏ߲ ߉߉߲:
ߞߏ߫ ߣߌ߫ ߗߍ߭ ߛߊ߬ ߘߊ߫ ߞߵߊ߬ ߛߐ߬ߘߐ߲߬ ߊ߬ ߘߐ߯ ߞߎ߲ߓߊ ߥߟߴߊ߬ ߘߋ߲߫ ߞߎ߲ߓߊ ߞߊ߫ ߛߌߦߊ، ߣߴߊ߬ߟߎ߫ ߘߏ߲߬ ߕߴߛߋ߫ ߟߊߘߍ߬ ߟߊ߫ ߟߎ߫ ߁ ߡߎ߬ߕߎ߲߬ ߸ ߊ߬ߟߎ߬ ߘߌ߫ ߘߐߝߘߊ߫ ߟߎߕߌ߯ ߦߙߌߞߊ ߘߌ߫ ߸ ߞߊ߬ ߗߍ ߘߐߝߘߊ߫ ߊ߬ߟߎ߬ ߕߍ߫، ߞߊ߬ ߘߐ߯ߡߌߛߍ߲ ߠߎ߫ ߘߐߝߘߊ߫ ߞߎ߲߬ߓߊ߬ߓߊ ߟߎ߬ ߕߍ߫.
ߛߊ߬ߙߌ߬ߦߊ߬ߓߏߟߏ߲ ߁߀߀߲:
ߕߊߦߊ ߣߌ߫ ߘߎ߲߬ߘߎ߬ߡߊ߬ ߕߌ߰ߦߊ ߟߊߘߊ߬ߤߊ ߛߌߟߊ ߝߍ߬ ߸ ߟߎߕߌ߮ ߘߐ߯ ߞߎ߲ߓߊ ߟߎ߬ ߣߴߊ߬ ߘߋ߲ ߡߛߏ߫ ߕߌ߮ ߦߋ߫ ߥߎߙߊ߲ߖߊ߲ ߣߌ߫ ߟߐ߯ߣߍ߲ ߕߟߋ߬ ߝߌ߬ߟߊ ߞߴߊ߬ߟߎ߬ ߖߘߍ߬ ߢߍ߫ ߸ ߞߊ߬ ߟߐ߯ߓߊ߫ ߕߟߋ߬ ߅ ߞߍ߫ ߟߎߕߌ߮ ߢߍ߫ ߝߘߏ߬ߓߊ߬ ߛߣߍ ߘߐ߫.
ߛߊ߬ߙߌ߬ߦߊ߬ߓߏߟߏ߲ ߁߀߁߲:
ߣߌ߫ ߗߍ߭ ߛߊ߬ ߘߊ߫ ߸ ߘߌߦߊߜߏ߬ߦߊ ߝߏ߫ ߊ߬ ߓߊߘߋ߲ ߠߎ߬ ߦߴߊ߬ ߡߏ߬ߛߏ ߟߎ߫ ߕߊ߬ ߟߋ߬ ߛߋ߲ߛߋߘߋ߲، ߤߟߴߊ߬ ߓߊ߯ ߕߍ߬ߘߍ ߟߋ߬ ߞߏ߫ ߡߛߏ߬ ߕߊ߬ ߟߐ߯ ߕߴߊ߬ߟߎ߬ ߟߊ߫، ߓߊ ߘߋ߲ߝߊ ߤߊ߲ߞߟߌߡߊ ߛߌߦߊߡߊ߲ ߦߋ߫ ߡߐ߰ ߞߎ߲߬ ߞߋߟߋ߲ ߠߎ߫ ߖߊ߲߬ ߠߴߊ߬ߟߎ߬ ߘߋ߲ߡߛߏ ߟߎ߬ ߟߊ߫ ߟߋ߬ ߞߵߊ߬ߟߎ߬ ߘߌ ߓߊߘߋ߲߫ ߕߌ߮ ߟߎ߫ ߡߊ߬ ߸ ߤߊߞߍߕߏ߫ ߗߍ߬ ߛߦߊ ߞߊߣߵߊ߬ߟߎ߬ ߘߋ߲ߡߛߏ ߟߎ߬ ߟߊߝߌߙߌ߲ߝߌߙߌ߲ ߝߘߎ߫ ߞߎߘߊ߫ ߢߌߣߌ߲ ߠߊ߫. ߏ߬ ߘߐ߫ ߸ ߡߐ߰ ߞߊߣߊ߬ ߘߋ߲߫ ߝߊ ߏ߬ ߟߎ߬ ߟߊ߫ ߖߋ߰ߦߊ ߏ߬ ߕߌߢߍ߫ ߘߋ߬، ߣߌ߫ ߡߏ߬ߛߏ ߡߍ߲ ߡߴߊ߬ ߢߣߊ߫ ߦߋ߫ ߗߍ߬ ߛߊ߬ߣߍ߲߫ ߓߊߘߋ߲ ߠߎ߬ ߘߐ߫ ߊ߬ ߘߌ߫ ߛߌ߰ ߡߍ߲ ߞߎ߲߬ - ߤߊߟߌ߫ ߛߘߌ߬ ߡߊ߫ ߞߴߏ߬ ߡߊ߬ ߝߘߌߝߘߌ߫.
ߡߊ߲߬ߘߋ߲߫ ߥߊ߯ߕߌ ߛߎߡߊ߲߫ ߢߊ ߡߊߦߟߍ߬ߡߊ߲
ߛߊ߬ߙߌ߬ߦߊ߬ߓߏߟߏ߲ ߁߀߂߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߟߐ߯ߕߍ ߕߟߋ߬ ߦߙߌߞߊ ߘߐߞߢߊߣߍ߲ ߕߍ߫ ߡߊ߲߬ߘߋ߲߫ ߞߊ߬ߝߏ߬ߓߏߟߏ߲ ߠߎ߬ ߟߊ߫، ߘߏ߫ ߟߎ߫ ߕߊ߫ ߟߐ߯ߕߍ ߦߋ߫ ߕߟߋ߬ ߄ ߘߌ߫ ߸ ߘߏ߫ ߟߎ߫ ߕߊ ߦߋ߫ ߕߟߋ߬ ߆ ߘߌ߫ ߸ ߘߏ߫ ߟߎ߫ ߕߊ ߦߋ߫ ߤߊ߲߯ ߕߟߋ߬ ߁߀ ߥߟߊ߫ ߁߂، ߓߊ ߟߐ߯ߕߍ ߟߏ߲ ߦߙߌߞߊ ߦߋ߫ ߓߍ߲߬ ߠߊ߫ ߞߊ߬ߝߏ߬ߓߏߟߏ߲ ߘߎ߰ ߞߎ߲ߓߊ ߦߙߌߞߊ ߟߋ߬ ߡߊ߬، ߞߊ߬ߝߏ߬ߓߏߟߏ߲ ߘߏ߫ ߟߎ߫ ߘߏ߲߬ ߘߎ߱ ߞߊ߫ ߛߌߦߊ߫ ߘߏ߫ ߟߎ߫ ߘߌ߫. ߟߐ߯ߕߍ ߟߏ߲ ߠߎ߬ ߝߣߊ߫ ߓߐߣߍ߲ ߢߐ߲߮ ߡߊ߬ ߞߊ߬ߝߏ߬ߓߏߟߏ߲ ߠߎ߬ ߞߣߐ߫ ߕߋ߲߬ ߠߋ߬، ߓߊߏ ߟߏ߲ ߠߎ߬ ߕߐ߯ߟߊߣߍ߲߫ ߟߐ߯ ߘߎ߮ ߟߎ߫ ߟߋ߬ ߟߊ߫ ߞߏ߫ ߞߊ߬ߘߌ߬ߛߟߊ߫ ߟߐ߯ ߟߏ߲، ߝߐߢߐ߲߯ߞߐ߫ ߛߌߦߊߡߊ߲ ߏ߬ ߟߋ ߞߏߛߐ߲߬ ߸ ߊ߲ ߧߴߊ߬ ߝߍ߬ ߓߌ߬ ߞߊ߬ ߡߊ߲߬ߘߋ߲߫ ߟߐ߯ߕߍ ߘߐߞߢߊ߫ ߞߵߊ߬ ߡߎ߰ߡߍ ߞߍ߫ ߕߟߋ߬ ߇ ߘߌ߫، ߞߊ߬ ߟߏ߲ ߠߎ߬ ߕߐ߮ ߓߐ߫ ߕߎ߱ ߟߎ߬ ߕߐ߮ ߟߊ߫ ߸ ߞߊ߬ ߕߐ߯ ߞߎߘߊ߫ ߟߴߊ߬ߟߎ߬ ߟߊ߫ ߸ ߓߍ߯ ߘߌ߫ ߘߍ߬ ߡߍ߲ ߠߎ߬ ߟߊ߫، ߏ߬ ߟߎ߬ ߦߋ߫ ߊߙߊߓߎ ߕߐ߮ ߕߊ߬ߣߍ߲ ߠߎ߫ ߟߋ߬ ߘߌ߫ ߡߙߊ߬ߞߊ ߟߎ߬ ߓߟߏ߫، ߊ߲ ߝߣߊ߫ ߦߴߏ߬ ߕߊ߬ ߛߍߣߍ߲߬، ߏ߬ ߟߎ߬ ߝߟߍ߫ ߣߌ߲߬: ((ߟߊ߬ߤߊߘߌ، ߕߍ߬ߣߍ߲، ߕߟߊ߬ߕߊ، ߊ߬ߙߊ߬ߓߊ، ߊ߬ߟߌ߬ߡߌߛߊ، ߖߎߡߊ، ߛߓߌߕߌ)).
ߞߙߐ߬ߛߌ߬ߕߊ߬ ߜߍߟߍ߲:
ߞߐ ߣߌ߲߬ ߠߊ߫ ߸ ߟߐ߯ߕߍ ߟߏ߲߫ ߕߐ߮ ߟߎ߬ ߣߴߊ߬ ߛߊ߲ߞߎ߲߬ ߞߏ ߖߊ߬ߕߋߛߌ߰ ߘߊ߫ ߛߊ߲߬ߥߟߊ߬ ߞߏ ߖߎ߬ߕߍ߰ ߕߎߡߊ ߟߊ߫ ߸ ߏ߬ ߟߎ߬ ߞߍ߫ ߘߊ߫ ߝߏߘߋ߫ ߛߟߏ߬ߡߊ߯ߣߊ߫ ߘߌߦߊߣߊ߲߫ ߞߏ߫ ߘߌ߫ ߸ ߊ߬ ߞߊ߬ ߖߊ߬ߡߊߙߌ ߘߌ߫ ߞߏ߫ ߞߵߊ߬ ߟߊߛߌߦߊߦߊ߫، ߏ߬ ߞߍ߫ ߘߊ߫ ߕߋ߲߬، ߛߊ߲ߞߎ߲ ߏ߬ ߟߋ ߘߊߡߌߘߊ ߦߋ߫ ߞߙߎߞߊ߲ߝߎߥߊ߫ ߜߊ߬ߙߊ ߛߊ߲ߖߌ߫ ߝߟߐ ߘߌ߫، ߞߵߊ߬ ߘߊߡߌ߬ߘߊ߬ ߁߂߃߆ ߡߊ߬ ߌߛߊ߫ ߡߏߦߌ ߞߐ߫ ߞߊ߬ߣߌ߲߫، ߟߏ߲߫ ߕߐ߮ ߏ߬ ߟߎ߫ ߟߋ߬ ߣߌ߲߬ ߞߵߊ߬ ߘߊߡߌ߬ߘߊ߬ ߊ߬ߟߌ߬ߡߌߛߊ ߡߊ߬، ߓߌߟߏ߲، ߛߌ߬ߣߌ߲߬ߟߏ߲، ߞߍ߲ߘߍߟߏ߲، ߞߊ߯ߙߌ، ߞߐ߬ߓߊ߬ߟߏ߲، ߞߐ߬ߟߏ߲، ߞߎߣߎ߲ߟߏ߲، ߓߊ߬ߓߊ߫ (ߡߊ߬ߡߊߘߌ߫) ߖߊ߰ߣߍ߬ ߟߋ߬ ߞߊ߲߫ ߣߌ߲߬.
ߛߊ߬ߙߌ߬ߦߊ߬ߓߏߟߏ߲ ߁߀߃߲:
ߞߏ߫ ߊ߲ ߠߊ߫ ߛߊ߲߭ ߝߣߊ߫ ߦߋ߫ ߛߊ߲ߓߏߟߏ߲߫ ߁߂ ߡߍ߲ ߘߌ߫ ߸ ߏ߬ ߕߐ߯ߟߊߣߍ߲߫ ߥߊ߯ߕߌ ߞߍߢߊ ߟߋ߬ ߟߊ߫ ߓߊ߲ߘߊ ߟߌ߬ߤߟߊ ߘߐ߫ ߕߊ߲߬: (( ߞߏ߲ߓߌߕߌ߮، ߣߍߣߍߓߊ، ߞߏ߬ߟߌ߲߬ߞߏߟߌ߲، ߓߌ߲ߠߊߥߎߟߋ߲، ߞߏ߲ߞߏߜߍ، ߕߙߊߓߊ، ߞߏ߲ߞߏߘߌ߬ߓߌ، ߘߓߊ߬ߕߊ، ߥߊ߬ߛߌ߬ߥߙߊ، ߞߊ߬ߙߌ߬ߝߐ، ߘߓߊ߬ߓߌߟߊ، ߕߎߟߊߝߌ߲ )) ߓߊ߬ߙߌ߬ ߸ ߛߊ߬ߡߊ ߥߊ߯ߕߌ ߦߋ߫ ߞߐ߲߬ ߠߊ߫ ߥߙߏ߬ߘߎ߮ ߟߋ߬ ߘߐ߫ ߸ ߞߊ߬ ߕߊ߬ߡߌ߲߬ ߘߐ߲߬ߘߐ߲߰ߣߍ߲߬ ߣߊ߬ ߟߊ߫ ߞߐ߬ߘߎ߮ ߘߐ߫ ، ߓߊߏ߬ ߡߊ߲߬ߘߋ߲߫ ߥߙߏ߬ߘߎ߮ ߓߴߊ߬ ߝߐ߫ ߞߏ߫ ߢߊ߲ߞߎߡߊ߲ ߞߊ߬ ߞߊߙߏ ߡߌ߬ߘߊ߬ ߘߓߊ߬ߕߊ ߟߋ߬ ߟߊ߫ ߸ ߊ߬ ߞߐ߰ߘߎ߮ ߘߴߊ߬ ߝߐ߫ ߞߏ߫ ߊ߬ ߞߍ߫ ߘߊ߫ ߞߏ߲ߞߏߜߍ ߟߋ߬ ߟߊ߫ ، ߞߵߊ߬ ߕߘߍ߬ ߊ߬ ߓߍ߯ ߞߍ߫ ߘߊ߫ ߟߏ߲߫ ߞߋߟߋ߲ ߠߋ߬ ߖߐ߫ ߸ ߓߊ߬ߙߌ߬ ߘߊ߬ߓߊ ߦߋ߫ ߕߊ߬ ߟߊ߫ ߥߙߏ߬ߘߎ߮ ߟߋ߬ ߘߐ߫ ߞߐ߬ߘߎ߮ ߢߍ߫ ، ߒ߬ߓߊ߬ ߏ߬ ߟߋ ߞߊ߬ ߛߊ߲ߓߏߟߏ߲ ߠߎ߫ ߝߘߏ߬ ߢߐ߲߮ ߡߊ߬ ߡߊ߲߬ߘߋ߲߫ ߞߣߐ߫. ߊ߲ ߢߴߊ߬ ߝߍ߬ ߏ߬ ߟߋ ߘߐ߫ ߓߌ߬ ߸ ߞߊ߬ ߛߊ߲ߓߏ߬ߟߏ߲߬ ߞߏ߫ ߓߟߏߞߊ߬ ߸ ߞߊ߬ ߞߊߙߏ߫ ߁߂ ߓߌ߬ߟߊ ߛߊ߲ߓߏߟߏ߲߫ ߁߂ ߣߐ߭ ߘߐ߫، ߓߊ ߝߐߢߐ߲߯ߞߐ ߛߌ߫ ߕߍ߫ ߞߊߙߏ߫ ߞߏ ߘߐ߫، ߏ߬ ߦߋ߫ ߓߐ ߟߊ߫ ߟߏ߲߫ ߁ ߠߋ߬ ߡߊ߬ ߝߊ߲߭ ߓߍ߯ ߘߐ߫.
ߞߊߙߏ߫ ߁߂ ߏ߬ ߟߎ߬ ߕߐ߯ ߝߟߍ߫ ߣߌ߲߬:
((ߖߐ߲߭ߓߍ߲߬ߘߍ، ߘߐ߲߬ߓߡߊ߬ߞߐߣߐ߲، ߘߐ߲߬ߓߊ، ߘߐ߲߬ߣߍ߲߬ߡߊ߬ߞߐߣߐ߲، ߘߐ߲߬ߣߍ߲، ߊ߬ߙߖߊ߬ߓߡߊ߬ߞߐߣߐ߲، ߊ߬ߙߊ߬ߖߊߓߊ، ߛߎ߲ߞߊߙߏߡߊߞߐߣߐ߲، ߛߎ߲ߞߊߙߏ، ߡߌ߲߬ߞߊߙߏ، ߘߐ߲߬ߞߌ߲߬ߡߊ߬ߞߐߣߐ߲، ߘߐ߲߬ߞߌ߲.))
((ߖߊ߲ߕߏ߬ߒߘߐ ߟߎ߬))
ߊ߬ ߝߟߐ: ߟߐ߮ ߦߋ߫ ߖߊ߬ߡߊ ߟߊߘߍ߬ ߦߌߟߊ߫ ߟߋ߬ ߘߌ߫ ߝߋ߬ߙߋ ߣߌ߫ ߛߊ߲ߠߌ߲ ߠߎ߬ ߟߊ߫، ߟߐ߮ ߦߋ߫ ߞߍ߫ ߟߊ߫ ߘߎ߱ ߡߍ߲ ߠߎ߬ ߟߊ߫ ߏ߬ ߟߋ ߟߐ߯ߘߎ߮ ߘߌ߫، ߊ߬ ߞߍ߫ ߟߊ߫ ߟߏ߲ ߡߍ߲ ߏ߬ ߦߋ߫ ߟߐ߯ ߟߏ߲ ߘߌ߫، ߟߏ߲ ߡߍ߲ ߞߐ߲߬ ߠߊ߫ ߟߐ߯ ߟߏ߲ ߢߍ߫ ߸ ߏ߬ ߦߋ߫ ߟߐ߮ ߘߎ߬ߛߊ߬ߝߌ߲ ߘߌ߫، ߟߏ߲ ߡߍ߲ ߕߎ߲߰ߣߍ߲ ߟߐ߯ ߟߏ߲ ߠߊ߫ ߏ߬ ߦߋ߫ ߟߐ߮ ߘߎ߬ߛߊ߬ߜߍ ߘߌ߫، ߟߐ߯ߟߐ ߘߋ߬ߙߋ߬ߣߍ߲ ߞߋ߬ߟߋ߲ߞߋ߬ߟߋ߲߬ߓߐ߫ ߟߊ߫ ߞߊ߬ߝߏ߬ߓߏߟߏ߲ ߞߋߟߋ߲ ߛߏ ߞߎ߲ߓߊ ߟߎ߫ ߟߋ߬ ߕߍ߫ ߸ ߞߊ߬ ߟߏ߲ ߓߍ߯ ߕߐ߯ߟߊ߫ ߊ߬ ߟߐ߯ߘߎ߮ ߕߐ߮ ߟߊ߫ ߸ ߞߏ߫ ߞߊ߬ߘߌ߬ߛߊ߬ߟߊ߫ ߟߐ߯ ߟߏ߲. ߟߐ߯ߟߐ ߓߊ߯ ߘߊߡߌ߬ߣߊ߬ ߞߊ߬ߝߏ߬ߓߏߟߏ߲ ߞߎߓߋߛߏ ߟߊ߫ ߸ ߏ߬ ߘߎ߬ߛߊ߬ߜߍ ߊ߬ ߘߌ߫ ߥߊ߫ ߞߍ߫ ߛߏ߫ ߜߘߍ߫ ߟߊ߫، ߊ߬ ߘߎ߬ߛߊ߬ߜߍ߬ ߝߌߟߊߣߊ߲ ߊ߬ ߘߌ߫ ߞߍ߫ ߛߏ߫ ߜߘߍ߫ ߟߊ߫، ߊ߬ ߘߎ߬ߛߊ߬ߜߍ߬ ߛߓߊߣߊ߲ ߸ ߊ߬ ߘߌ߫ ߞߍ߫ ߛߏ߫ ߜߘߍ߫ ߟߊ߫، ߞߊ߬ߝߏ߬ߞߏߟߏ߲ ߘߎ߰ ߞߎ߲ߓߊ ߟߎ߬ ߓߊ߯ ߟߊߞߎߙߊ߲ ߸ ߛߊ߬ߦߌ߲߬ ߘߌ߫ ߞߍ߫ ߞߎߓߋߛߏ ߡߊ߬ ߕߎ߲߯. ߕߟߋ߬ ߦߙߌߞߊ ߡߍ߲ ߦߋ߫ ߕߊ߬ߡߌ߲߬ ߠߊ߫ ߛߏ߫ ߞߋߟߋ߲ ߟߐ߯ ߟߏ߲ ߝߌ߬ߟߊ ߕߍ߫ ߸ ߏ߬ ߟߋ ߟߐ߯ߕߍ ߁ ߘߌ߫ ߥߟߊ߫ ߟߐ߯ߞߎ߲ ߁ ߤߊߡߊ߲ߕߍ߫ ߞߎ߲߬ߢߐ߲߰ ߁.
ߟߐ߮ ߓߊ߯ ߞߍ߫ ߛߏ ߘߏ߫ ߟߊ߫ ߓߌ߬ ߸ ߓߌ߬ ߟߐ߮ ߏ߬ ߕߎ߲߬ߣߍ߲ ߊ߬ ߟߐ߯ ߟߏ߲ ߕߊ߬ߡߌ߲߬ߣߍ߲߬ ߞߎߘߊ ߡߍ߲ ߠߊ߫ ߸ ߏ߬ ߦߋ߫ ߓߌ߬ ߟߐ߮ ߛߋ߲߬ߢߐ߲߮ ߘߌ߫ ، ߊ߬ ߟߐ߮ ߣߊ߬ߕߐ ߡߍ߲ ߕߎ߲߬ߕߐ߫ ߓߌ߬ ߕߊ ߟߊ߫ ߸ ߏ߬ ߦߋ߫ ߟߐ߮ ߞߎ߲߬ߢߐ߲߮ ߘߌ߫ ، ߌ ߦߴߊ߬ ߟߐ߲߫ ߞߊ߬ߝߏ߬ߓߏߟߏ߲ ߛߏ ߟߎ߬ ߓߊ߯ ߟߊߞߎߙߊ߲ ߟߐ߯ߟߐ ߘߐ߫ ߞߏߕߊ߲ ߸ ߟߐ߮ ߘߌ߫ ߞߐߛߊߦߌ߲߬ ߊ߬ ߞߎ߲߭ ߡߊ߬ ߸ ߊ߬ ߘߊߡߌ߬ߣߊ߬ߣߍ߲ ߛߏ ߡߍ߲ ߡߊ߬ ߞߊ߬ߣߌ߲߫ ، ߏ߬ ߟߋ ߞߎ߲߬ߢߐ߲߮ ߘߝߊߣߍ߲ ߘߌ߫ ، ߞߏ߬ߣߌ߲߬ ߓߊߏ߬ ߞߊߙߏ ߣߌ߫ ߛߊ߲߭ ߓߍ߯ ߞߎ߲߬ߢߐ߲߮ ߦߴߊ߬ ߘߐ߫ ߸ ߊ߰ ߝߐ߫ ߟߊ߫ ߟߏ߲ ߕߊ ߡߊ߫ ߏ߬ ߟߋ ߘߐ߫ ߞߏ߫ ߟߐ߯ߞߎ߲ߢߐ߲߮، ߓߊ ߟߏ߲ ߓߍ߯ ߦߴߊ߬ ߕߊ ߟߐ߯ ߟߋ߬ ߘߌ߫ ߸ ߛߏ ߘߏ߫ ߟߐ߯ ߟߏ߲ ߞߊ߬ߣߌ߲߬ ، ߟߐ߯ߞߎ߲ߢߐ߲߮ ߣߊ߬ߣߍ߲߬ ߞߍ߫ ߟߊ߫ ߟߐ߯ߞߎ߲ ߘߌ߫ ߟߊ߬ߘߛߍ߬ߟߌ߬ ߓߟߏ ߡߊ߬ ߛߊ߫.
ߝߌߟߊߣߊ߲: ߞߘߐ߬ߡߊ߲߫ ߸ ߛߏ߫ ߛߌߦߊߡߊ߲ ߞߊ߬ߝߏ߬ߣߍ߲߫ ߢߐ߲߰ ߠߊ߫ ߡߙߊ߬ ߁ ߘߐ߫ ߸ ߏ߬ ߟߋ ߞߊ߬ߝߏ ߘߌ߫، ߞߊ߬ߝߏ ߛߌߦߊߡߊ߲ ߡߐ߲ߣߍ߲ ߢߐ߲߰ ߡߊ ߟߋ߬ ߕߘߍ߬ ߡߊ߲߬ߘߋ߲߫ ߘߌ߫، ߦߏ߫ ߖߏ߬ߡߊ߫، ߕߐ߬ߙߐ߲، ߞߎ߬ߙߐ߲߬ߞߐ، ߥߊߛߏߟߏ߲، ߛߊ߲ߞߊߙߊ߲.
ߞߊ߬ߝߏ߬ ߁ ߕߘߍ߬ ߘߐߕߟߊ߫ ߟߊ߫ ߞߊ߬ߝߏ߬ߓߏ߬ߟߏ߲߬ ߛߌߦߊߡߊ߲ ߘߌ߫، ߡߌ߬ߛߊ߬ߟߌ߬ ߘߐ߫ ߸ ߕߐ߬ߙߐ߲ ߞߊ߬ߝߏ ߘߐߕߟߊ߫ ߘߊ߫ ߞߊ߬ߝߏ߬ߓߏߟߏ߲ ߢߌ߲߬ߠߎ߫ ߟߋ߬ ߘߌ߫: ((ߞߎߣߊߘߎ߯، ߖߍ߬ߡߍߙߍ߲، ߜߐ߬ߣߐ، ߖߍ߬ߣߍ، ߥߟߋߕߋ، ߞߏ߬ߙߊ، ߛߓߊ߬ߘߎ߯، ߦߊߡߐ߰ߛߌ،)) ߡߊ߲߬ߘߋ߲߫ ߞߊ߬ߝߏ ߣߴߊ߬ ߞߊ߬ߝߏ߬ߓߏߟߏ߲ ߓߍ߯ ߟߊߘߍ߬ߣߍ߲ ߠߋ߬ ߡߊ߲߬ߘߋ߲߫ ߞߙߎߝߊ ߘߌ߫، ߏ߬ ߟߋ ߝߊ߬ߙߊ߲ߛߌ߬ ߞߊ߲ ߘߐ߫ (ߝߘߋߙߊߛߌߦߐ߲) ߘߌ߫ ߞߊ߬ߝߏ ߡߍ߲ ߦߴߊ߬ ߕߊ ߡߊ߲ߛߊ߬ߟߊ ߘߌ߫ ߡߊ߲߬ߘߋ߲ ߞߙߎߝߊ ߞߣߐ߫ ߸ ߏ߬ ߟߎ߫ ߟߋ ߡߊ߲߬ߛߟߊ߬ ߘߎ߯ߟߊ ߟߎ߬ ߘߌ߫ (ߝߊ߬ߙߊ߲ߛߌ߬ ߞߊ߲ ߘߐ߫ ߸ ߙߏߥߊߦߐߡ ߝ߭ߊߗ߭ߏ) ߡߊ߲߬ߘߋ߲߫ ߖߘߍ߬ߞߎ߲ ߦߴߊ߬ ߟߊ߫ ߡߊ߲߬ߛߟߊ߬ ߛߊ߲ߘߐ ߘߌ߫ (ߙߏߥߊߦߐߡ ߛߎ߳ߗ߭ߋߙߍ߲)
ߊ߬ ߛߓߊߣߊ߲: ߡߊ߲߬ߘߋ߲߫ ߛߊ߲߭ ߕߘߍ߬ ߘߊߡߌ߬ߣߊ߬ ߟߊ߫ ߞߏ߲ߓߌߕߌ߮ ߟߋ߬ ߡߊ߬، ߏ߬ ߟߋ ߝߊ߬ߙߊ߲߬ߛߌ߬ ߞߊ߲ ߘߐ߫ ߏߞߵߕߓߙߎ߬ ߘߌ߫. ߛߊ߲߭ ߕߟߋ߬ ߁߭ ߦߋ߫ ߛߊ߲߬ߞߎ߲ ߘߌ߫ ߸ ߛߊ߲߭ ߦߋ߫ ߘߊߡߌ߬ߣߊ߬ ߟߴߊ߬ ߞߎ߲߭ ߡߍ߲ ߡߊ߬ ߞߊ߬ߣߌ߲߬، ߞߏ߲ߓߌߕߌ߮ ߞߍ߫ ߘߊ߫ ߛߊ߲߭ ߘߊߡߌߣߊ ߘߌ߫ ߟߋ߬ ߸ ߓߊ ߏ߬ ߟߋ ߓߍ߲߬ ߠߊ߫ ߛߎ߲߬ߡߊ߲߬ ߞߎߘߊ ߟߎ߬ ߛߋ ߡߊ߬ ߝߏߓߐߒߘߊ ߟߊ߫، ߏ߬ ߟߋ ߛߊ߲߭ ߥߊ߯ߕߌ ߓߍ߯ ߘߐ߫ ߘߌߡߊ߲ ߘߌ߫، ߓߊ ߝߊ ߣߌ߫ ߘߊ߲ߓߎߘߍ ߣߌ߫ ߝߡߊߢߊ߯ߙߌ ߕߎ߬ߡߊ ߟߋ߬. ߏ߬ ߟߋ ߞߏߛߐ߲߬ ߛߎ߬ߡߊ߲ ߕߍ߫ ߓߊ߲߫ ߠߊ߫ ߛߣߍ߬ߞߍ߬ߟߊ߬ ߓߊ ߡߍ߲ ߓߘߊ ߛߊ߲߭ ߥߊ߯ߕߌ ߛߌ߫ ߟߊ߫ ߸ ߏ߬ ߦߋ ߞߟߌ߫ ߟߊ߫ ߛߐ߲߬ ߞߏ߫ (ߛߊ߲߬ߞߎ߲) ߓߊ ߛߎ߬ߡߊ߲ ߛߎ߮ ߓߍ߯ ߥߙߊ߬ߣߍ߲߫ ߥߊ߯ߕߌ ߏ߬ ߟߋ ߟߊ߫، ߓߊ߬ߙߌ߬ ߛߌߛߍ߲߬ ߸ ߡߐ߰ ߛߌߦߊߡߊ߲߫ ߦߋ߫ ߛߊ߲ߞߎ߲ ߕߐ߮ ߞߟߌ߫ ߟߊ߫ ߟߋ߬ ߞߏ߫ ߛߋ߲߬ߞߎ߲.
ߊ߬ ߣߊߣߌ߲ߣߊ߲: ߡߊ߲߬ߘߋ߲߫ ߛߊ߲߭ ߘߐߕߟߊ߫ ߘߊ߫ ߓߊ߲ߘߊ߫ ߟߌ߬ߤߟߊ ߟߎ߬ ߕߍ߫ ߘߐ߬ߝߊ߬ߟߋ߲߬ ߣߊ߯ߣߌ߲ ߢߌ߲߬ ߠߎ߫ ߟߋ߬ ߘߌ߫: ((ߛߋߕߐ، ߝߏߓߐ، ߣߍߣߍ، ߕߙߊ)) ߘߐ߬ߝߊߟߋ߲ ߞߋ߬ߟߋ߲߬ߞߋ߬ߟߋ߲߬ߣߊ ߦߋ߫ ߛߊ߲ߓߏߟߏ߲ ߃-߃ ߘߌ߫ ߕߊ߲߬ ߘߐ߫:
ߊ) ߘߓߊ߬ߕߊ ߣߌ߫ ߥߊ߬ߛߌ߬ߥߙߊ ߣߌ߫ ߞߊ߬ߙߌ߬ߝߐ ߦߋ߫ ߛߋߕߐ ߘߌ߫.
ߋ) ߘߓߊ߬ߓߌߟߊ ߣߌ߫ ߕߎߟߊߝߌ߲ ߣߌ߫ ߞߏ߲ߓߌߕߌ߱ ߦߋ߫ ߝߏߓߐ ߘߌ߫.
ߌ) ߣߍߣߍߓߊ ߣߌ߫ ߞߏ߬ߟߌ߲߬ߞߏߟߌ߲ ߣߌ߫ ߓߌ߲ߠߊߥߎߟߋ߲ ߦߋ߫ ߣߍߣߍ ߘߌ߫.
ߍ) ߞߏ߲ߞߏߜߍ ߣߌ߫ ߕߙߊߓߊ ߣߌ߫ ߞߏ߲ߞߏߘߌ߬ߓߌ ߦߋ߫ ߕߙߊ ߘߌ߫.
ߏ߬ ߞߐ߫ ߸ ߛߋߕߐ ߣߌ߫ ߝߏߓߐ ߦߋ߫ ߛߊ߬ߡߊ ߘߌ߫ ߸ ߣߍߣߍ ߣߌ߫ ߕߙߊ ߦߋ߫ ߕߟߋ߬ߡߊ ߘߌ߫. ߛߊ߬ߡߊ ߣߌ߫ ߕߟߋ߬ߡߊ ߦߋ߫ ߘߐ߬ߝߊ߬ߟߋ߲߬ߓߊ ߝߌ߬ߟߊ ߘߌ߫ ߸ ߛߋߕߐ ߣߌ߫ ߝߏߓߐ ߣߌ߫ ߣߍߣߍ ߣߌ߫ ߕߙߊ ߦߋ߫ ߘߐ߬ߝߊ߬ߟߋ߲߬ ߡߌ߬ߛߍ߲߬ ߄ ߘߌ߫. ߊ߬ ߦߋ߫ ߝߐ߫ ߟߊ߫ ߘߐ߬ߝߊ߬ߟߋ߲ ߡߊ߬ ߝߣߊ߫ ߞߏ߫ ߛߊ߲ߞߎ߲ ߥߟߊ߫ ߛߊ߲߮.
ߊ߬ ߟߏߟߎߣߊ߲: ߡߊ߲߬ߘߋ߲߫ ߛߊ߲߬ߓߏߟߏ߲ ߓߍ߯ ߕߐ߯ߟߊ ߘߴߊ߬ ߥߊ߯ߕߌ ߖߍ߬ߘߍ ߖߍ߬ߘߍ ߟߋ߬ ߟߊ߫ ߓߊ߲ߘߊ ߟߌ߬ߤߟߊ ߘߐ߫:
߁- ߞߏ߲ߓߌߕߌ߱ ߦߋ߫ ߛߊ߲ߖߌ ߘߐ߯ߦߊ ߕߎߡߊ ߘߌ߫ ߞߵߊ߬ ߕߏ߫ ߞߏ߲ߓߌ ߡߊ߬،
߂- ߣߍߣߍߓߊ ߦߋ߫ ߝߏ߫ ߣߍߣߍ ߕߎ߬ߡߊ ߘߌ߫،
߃- ߞߏߟߌ߲ߞߏߟߌ߲ ߦߋ߫ ߣߍߣߍ ߣߌ߫ ߕߙߊ ߓߊ߬ߛߊ߲߬ ߕߎߡߊ ߘߌ߫، ߞߊ߬ ߖߌ ߘߐߞߏߟߌ߲ ߸ ߏ߬ ߞߘߐ ߟߋ߬ ߛߎߡߊߣߍ߲ ߓߊ߬ߛߊ߲ ߘߌ߫ ߞߟߊߡߊ߲ ߠߊ߫.
߄- ߓߌ߲ߠߊߥߎߟߋ߲ ߠߋ߬ ߝߊ߬ߙߊ߲߬ߛߌ ߘߐ߫ ߗ߲߭ߝ߭ߌߦߋ ߘߌ߫، ߏ߬ ߦߋ߫ ߓߌ߲ ߠߎ߬ ߖߊ߬ ߕߎߡߊ ߟߋ߬ ߘߌ߫ ߞߵߊ߬ߟߎ߬ ߟߊߥߎ߬ߟߋ߲߬ ߛߟߏߟߏ߫،
߅- ߞߏ߲ߞߏߜߍ ߦߋ߫ ߥߊ߭ ߖߋ߬ߣߌ߲߬ ߕߎߡߊ ߘߌ߫ ߞߊ߬ ߞߏ߲ߞߏ ߜߍ߫ ߛߋߙߙߋ߫،
߆- ߕߙߊߓߊ ߦߋ߫ ߝߎ߲߬ߕߊ߬ߣߌ߲ ߥߎ߲߬ߝߊ߲߬ ߕߎߡߊ ߘߌ߫،
߇- ߞߏ߲ߞߏߘߌ߬ߓߌ ߦߋ߫ ߞߏ߲ߞߏ ߝߌߘߊߞߎ߲ ߠߎ߫ ߜߝߐ߬ ߕߎߡߊ ߘߌ߫ ߞߵߊ߬ߟߎ߫ ߘߓߌ߬ ߘߍ߲߫،
߈- ߘߓߊ߬ߕߊ ߦߋ߫ ߛߌ߫ ߟߊߘߏ߲߫ ߘߓߊ߫ ߕߊ߬ ߕߎߡߊ ߘߌ߫ ߞߊ߬ ߛߍ߬ߣߍ ߘߊߡߌ߬ߣߊ߬،
߉- ߥߊ߬ߛߌ߬ߥߙߊ ߦߋ߫ ߘߊ߬ߓߊ ߜߊ߬ ߕߎߡߊ ߘߌ߫ ߞߊ߬ ߛߣߍ߬ ߞߍ߬ߟߊ ߟߎ߫ ߥߊ߬ߛߌ ߥߙߊ߬،
߁߀-ߞߊ߬ߙߌߝߐ߭ ߦߋ߫ ߘߐ߯ߡߊߡߐ߮ ߟߐ߬ ߕߎߡߊ ߘߌ߫ ߘߐ߯ߡߊߡߐ߯ߦߊ ߟߊ߫ ߞߵߊ߬ ߞߊ߬ߙߌ ߖߍ߬ߘߍ ߝߐ߫، ߞߵߊ߬ ߕߘߍ߬ ߊ߬ ߓߘߴߊ߬ ߝߐ߫ ߛߍ߬ߣߍ ߘߊߡߌߣߊ߫ ߕߎߡߊ ߞߏ߫ ߊ߬ ߣߴߊ߬ ߞߐ߬ߘߐ ߟߎ߬ ߦߋ߫ ߝߌߟߊ߲ ߠߋ߬ ߘߌ߫ ߜߊ߲،
߁߁- ߘߓߊ߬ߓߌߟߊ ߦߋ߫ ߛߌ߫ ߟߊߘߏ߲߫ ߘߓߊ߫ ߖߏ ߓߌ߬ߟߊ߬ ߕߎߡߊ ߘߌ߫ ߸ ߞߊ߬ ߞߊ߬ߡߌ߬ߦߊ ߕߊ߬ ߞߘߐߛߊߟߌ ߞߊ߲ߡߊ߬،
߁߂- ߕߎߟߊߝߌ߲ ߦߋ߫ ߦߙߌߘߋ߲ ߓߍ߯ ߥߏ߫ ߕߎߡߊ ߘߌ߫ ߞߊ߬ ߕߎ ߓߍ߯ ߟߊߝߌ߲߬ ߝߌߘߊߓߟߎ ߘߊ߬ߡߊ ߟߊ߫ ߛߌ߲߯ ، ߏ߬ ߟߋ ߞߐ߲ߞߐ ߕߎ߬ߡߊ ߘߌ߫ ߛߎ߬ߟߊ ߟߎ߫ ߞߊ߲ ߓߊߏ߬ ߦߙߌ ߟߎ߬ ߓߘߊ߫ ߥߏ߫ ߊ߬ ߦߋ߫ ߞߐ߲ߞߐ ߘߌ߫ ߡߐ߱ ߟߎ߬ ߝߣߊ߫ ߞߊ߲߬ ، ߓߊ ߊ߬ ߦߴߊ߬ ߕߘߍ߬ ߟߊ߫ ߟߋ߬ ߛߎ߬ߡߊ߲߬ ߞߘߐ ߟߎ߬ ߓߘߊ߫ ߓߊ߲߫ ߸ ߞߎߘߊ ߟߎ߬ ߛߋߣߍ߲ ߕߍ߫ ߡߎߣߎ߲߬ ، ߊ߰ ߝߐ߫ ߟߴߊ߬ ߡߊ߬ ߝߣߊ߫ ߞߏ߫ ߓߊ߬ߓߊ߬ ߛߊ߲߬ ߞߊߙߏ ، ߓߊ ߏ߬ ߕߎ߬ߡߊ ߟߊ߫ ߸ ߣߴߌ ߡߴߌ ߟߊ߫ ߓߊ߬ߓߊ ߝߙߋ߬ ߸ ߞߐ߲ߞߐ ߘߴߌ ߝߎ߬ߙߎ߲߬ ، ߣߴߌ ߘߏ߲߬ ߞߵߊ߬ ߝߙߋ߬ ߸ ߛߎ߬ߡߊ߲߬ ߞߎߘߊ ߘߌ߫ ߛߋ߫ ߞߵߊ߬ ߕߐ߬ߓߊ ߕߏ߫ ߌ ߓߟߏ߫ .
ߏ߬ ߕߊ߬ߡߌ߲߬ߣߍ߲ ߞߐ߫ ߸ ߕߐ߯ ߂ ߕߘߍ߬ ߡߊ߲߬ߘߋ߲߫ ߛߊ߲ߓߏߟߏ߲ ߘߏ߫ ߟߎ߫ ߟߊ߫ ، ߦߏ߫ ߕߎߟߊߝߌ߲ ߕߐ߯ ߂߲ ߦߋ߫ ߓߊ߬ߓߊ߬ ߝߙߋ߬ ߕߎߡߊ ߘߌ߫ ߢߊ ߡߍ߲ ߸ ߞߏ߲ߞߏߜߍ ߕߐ߯ ߂߲ ߕߘߍ߬ ߥߎ߬ߣߍ߬ߝߌ߲ ߘߌ߫ ߕߋ߲߬ ߠߋ߬، ߞߏ߲ߞߏߘߌ߬ߓߌ ߕߐ߯ ߂߲ ߕߘߍ߬ ߝߌ߬ߟߊ߲ߝߌ߬ߟߊ߲ ߘߌ߫ ߕߋ߲߬ ߠߋ߬ ، ߓߊ ߏ߬ ߦߋ߫ ߛߣߍ߬ߞߍ߬ߟߊ ߕߘߍ߬ ߟߊ߫ ߞߣߐ߬ߘߐ߬ߝߟߌ ߝߌ߬ߟߊ߲ߝߌ߬ߟߊ߲ ߠߋ߬ ߘߐ߫ ، ߊ߬ ߡߴߊ߬ ߟߐ߲ ߣߴߊ߬ ߘߌ߫ ߛߍ߬ߣߍ ߘߊߡߌ߬ߣߊ ߓߊ߬ ߸ ߥߟߴߊ߬ ߦߴߊ߬ ߕߏ߫ ߣߍ߲ߞߍ߫ ، ߊ߬ ߕߘߍ߬ ߝߐ߫ ߟߊ߫ ߥߊ߬ߛߌ߬ߥߙߊ ߡߊ߬ ߞߏ߫ ߞߊ߬ߙߌ߬ߝߐ߬ߣߍ߲ ߸ ߞߵߊ߬ ߝߐ߫ ߞߊ߬ߙߌߝߐ߭ ߡߊ߬ ߞߏ߫ ߞߊ߬ߙߌ߬ߝߐ߬ߓߊ ، ߘߓߊ߬ߓߌߟߊ ߝߣߊ߫ ߕߐ߯ ߂߲ ߠߋ߬ ߖߌߥߐ߱ ߘߌ߫ ، ߓߊߏ߬ ߘߎ߰ߞߟߏ ߦߋ߫ ߖߌ ߥߐ߬ߞߎ߬ ߟߊ߫ ߕߎ߬ߡߊ ߏ߬ ߟߋ ߟߊ߫ ، ߞߏߟߌ߲ߞߏߟߌ߲ ߝߣߊ߫ ߕߐ߯ ߂߲ ߕߘߍ߬ ߥߟߊߞߊ߬ߘߊ ߘߌ߫ ، ߏ߬ ߞߘߐ ߟߋ߬ ߞߏ߫ ߥߊ߯ߕߌ ߡߍ߲ ߛߎߡߊߣߍ߲߫ ߕߍ߫ ߸ ߊ߬ ߞߟߊߡߊ߲ ߕߍ߫ ، ߤߊߟߌ߬ ߖߌ߫ ߥߟߊߞߘߊ ߸ ߏ߬ ߦߋ߫ ߖߌ߫ ߟߋ߬ ߘߌ߫ ߡߍ߲ ߛߎߡߊߣߍ߲ߓߊ ߕߍ߫ ߸ ߊ߬ ߞߟߊߡߊ߲ߓߊ߫ ߕߍ߫ .
ߊ߬ ߥߐߙߐߣߊ߲: ߛߌ߬ߟߊ߬ߡߊ߬ ߞߊߙߏ ߟߊߘߏ߲߭ ߣߴߊ߬ ߕߊ ߡߊ߲߬ߘߋ߲߫ ߞߣߐ߫ ߸ ߤߊߟߌ߫ ߓߌ߬ ߊ߬ߟߎ߬ ߦߋ߫ ߛߊ߲߭ ߖߊ߬ߕߋ ߡߌ߬ߣߊ߬ ߟߊ߫ ߛߊ߬ߡߊ ߣߌ߫ ߕߟߋ߬ߡߊ ߟߋ ߡߊ߬ ߡߎߣߎ߲߬ ߓߊߞߍ ، ߞߵߊ߬ ߝߐ߫ ߞߏ߫ ߛߊ߲ߖߌ ߕߊ߲߫ ، ߏ߬ ߞߘߐ ߟߋ߬ ߛߊ߬ߡߊ ߘߏ߲߬ ߞߏ߬ ߕߊ߲߫ ߘߌ߫ ، ߏ߬ ߘߏ߲߬ ߦߴߊ߲ ߠߊ߫ ߛߊ߲߬ ߘߐ߬ߝߊ߬ߟߋ߲߬ߡߊ߬ ߞߘߐ ߖߊ߬ߕߋ ߟߋ߬ ߘߌ߫ ، ߓߊ ߛߌ߬ߟߡߊ߬ ߞߊߙߏ ߟߎ߬ ߕߍ߫ ߓߍ߲߬ ߣߴߊ߬ߟߎ߬ ߥߊ߯ߕߌ߫ ߞߋߟߋ߲ ߡߊ߬ ߛߊ߬ߡߊ ߣߌ߫ ߕߟߋ߬ߡߊ ߘߐ߫، ߓߊ߬ߙߌ߬ ߏ߬ ߕߊ߬ ߘߊ߫ ߛߏ߲߬ߖߘߊ߫ ߓߟߏ߫ ߞߵߊ߬ ߟߊߘߏ߲߬ ߡߊ߲߬ߘߋ߲߫ ߞߣߐ߫ ߟߋ߬ ߸ ߓߊߏ߬ ߦߙߐ߫ ߓߍ߯ ߕߊ ߞߊߙߏ ߞߏ߫ ߦߋ߫ ߓߍ߲߬ ߠߊ߫ ߢߐ߲߮ ߡߊ߬ ߊ߬ߟߋ ߟߋ߬ ߘߐ߫ ، ߊ߬ ߣߌ߫ ߛߌ߬ߟߡߊ߬ߦߊ ߟߊ߫ ߞߏ ߟߎ߫ ߓߍ߲߬ߣߍ߲߫ ߊ߬ߟߋ ߟߋ߬ ߡߊ߬.
ߟߐ߬ߦߌ߬ߟߊ߬ ߟߊ߬ߘߊ߲ ߛߌ߲߬ߝߏ߲߬ߧߊ߬ߟߌ
ߛߊ߬ߙߌ߬ߦߊ߬ߓߏߟߏ߲ ߁߀߄߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߫ ߞߏ߫ ߡߊ߲߬ߘߋ߲߫ ߞߘߐ߬ߡߊ߲߬ ߸ ߡߐ߱ ߓߍ߯ ߣߴߊ߬ ߟߊ߲߬ߓߋ ߟߋ߬ ، ߟߊ߲߬ߓߋ ߓߍ߯ ߣߴߊ߬ ߟߐ߬ߦߌߟߊ߫ ߟߋ߬ ߕߘߍ߬ ߡߊ߲߬ߘߋ߲߫ ߞߣߐ߫ ، ߓߌ߬ ߝߣߊ߫ ߸ ߊ߲ ߧߋ߫ ߟߐ߬ߦߌ߬ߟߊ߬ ߞߘߐ ߏ߬ ߟߎ߫ ߟߋ߬ ߓߊ߲ߓߊ߲ ߠߊ߫ ߞߎߘߊ߫ ߞߍ߫ ߸ ߞߵߊ߬ߟߎ߬ ߟߊߞߎߘߊߞߎߘߊߦߊ߫ ߛߌߟߊ߫ ߢߌߡߊ߫ ߣߌ߫ ߝߏ߲߬ߘߏ߬ ߕߋߟߋ߲ߣߍ߫ ߞߊ߲߬ ߓߐߙߙߐ߫ ، ߓߊ ߣߌ߫ ߓߍ߯ ߡߴߊ߬ ߟߐ߬ߦߌߟߊ߫ ߟߐ߲߫ ߞߊ߬ ߞߎ߲߫ ߏ߬ ߞߕߐ߫ ߸ ߛߌ߱ ߕߍ߫ ߓߍ߲߬ ߊ߬ ߕߍ߫ ߘߌߦߊ ߊ߬ ߕߍ߫ ߛߎߡߊ߫. ߟߐ߬ߦߌߟߊ߫ ߟߎ߬ ߟߊߘߊ߲ ߝߣߊ߫ ߕߴߊ߬ ߟߊ߫ ߘߋ߬ ، ߣߌ߫ ߖߡߊ߬ߣߊ ߣߌ߫ ߞߏߕߌ߮ ߟߎ߬ ߡߴߊ߬ߟߎ߬ ߞߊߘߊ߫ ߞߙߊߕߊߕߊ߫ ߞߊ߬ ߓߍ߯ ߟߐ߬ߦߌߟߊ߫ ߕߏ߫ ߊ߬ ߓߟߏ߫ ߊ߬ ߢߊ߫ ߡߊ߬ ߸ ߟߐ߬ߦߌ߬ߟߊ߬ ߟߊ߬ߘߊ߲ ߕߍ߫ ߞߏ߫ ߢߊ߬ ߏ߬ ߘߐ߫ ߸ ߖߡߊ߬ߣߊ߫ ߕߍ߫ ߘߌߦߊ߫ ߞߊ߬ ߛߓߊ߬ߕߌ߫ ߏ߬ ߞߊ߲߬ ، ߏ߬ ߘߐ߫ ߸ ߝߏ߫ ߞߊ߬ ߓߍ߯ ߟߐ߬ߦߌ߬ߟߊ߬ ߘߴߊ߬ ߡߊ߬ ߟߋ߬ ߕߘߋ߫ ، ߞߊ߬ߕߎ߲߯ ߸ ߓߍ߯ ߢߊ߫ ߊ߬ ߟߊ߫ ߞߏ߫ ߟߊߦߌߟߊ߫ ߣߌ߫ ߛߌ߰ ߦߌߟߊ߫ ߓߍ߯ ߓߏ߲߬ߓߊ ߟߐ߬ߦߌߟߊ ߘߌ߫ ، ߒ߬ߞߊ߬ ߓߍ߯ ߦߋ߫ ߞߊ߬ߛߌ߬ ߟߊ߫ ߟߐ߬ߦߌߟߊ ߟߋ߬ ߞߐ߫ ߘߍ߭ ߞߣߐ߫ ߘߋ߬ ، ߏ߬ ߘߐ߫ ߸ ߡߊ߲߬ߘߋ߲߫ ߡߌ߬ߙߌ߲߬ߘߌ ߡߎ߰ߡߍ ߕߟߊߣߍ߲߫ ߕߘߍ߬ ߟߐ߬ߦߌߟߊ߫ ߂ ߟߋ߬ ߘߌ߫: ߕߏ߲ߕߌ߮ ߣߌ߫ ߕߏ߲ߒߕߊ߲ ، ߡߊ߲߬ߘߋ߲߫ ߓߊ߯ߙߊ ߓߍ߯ ߘߐߕߟߊߣߍ߲߫ ߟߐ߬ߦߌߟߊ ߝߌ߬ߟߊ ߏ߬ ߟߎ߫ ߟߋ߬ ߕߍ߫ ، ߓߊ߬ߙߌ߬ ߓߌ߬ ߸ ߊ߲ ߓߘߴߊ߬ ߞߍ߫ ߟߐ߬ߦߌߟߊ ߃ ߘߌ߫: ( ߕߏ߲ߕߌ߮ ߣߌ߫ ߕߏ߲ߒߕߊ߲ ߣߌ߫ ߖߐ߲߬ ߕߊ߲ ߣߌ߬ ߥߐ߯ߙߐ) ߞߊߘߐ߫ ߞߊߡߋߙߋ߲ ߁߆ ߡߍ߲ ߠߎ߫ ߟߐ߬ߣߍ߲߫ ߣߌ߲߬ ߸ ߊ߲ ߠߊ߫ ߘߏ߬ߣߌ߲ ߠߎ߫ ߣߊ߬ߣߍ߲߫ ߢߌ߲߬ ߠߎ߫ ߟߋ߬ ߞߎ߲߬ ߞߊ߬ ߓߐ߫ ߡߍ߭ߡߊ߬ ، ߊ߬ߟߎ߬ ߣߊ߬ߟߌ ߣߐ߬ߙߐ ߘߏ߲߬ ߘߌߦߊ߫ ߘߴߊ߲ ߠߊ߫ ߞߏߛߓߍ߫ ، ߓߊ ߊ߲ ߛߋ߫ ߘߊ߫ ߞߊ߬ ߛߏ߬ߛߏ߫ ߡߊ߲߬ߛߊ߬ ߛߎߓߊ߮ ߘߊ߬ߘߌ߬ ߟߋߎ߫ ߸ ߞߵߊ߲ ߝߊ߬ߛߏ ߤߙߐߦߊ߫ ، ߊ߲ ߝߣߊ߫ ߛߍߥߊߣߍ߲ ߞߵߊ߬ߟߎ߬ ߤߙߐߦߊ߫ ߏ߬ ߟߋ ߘߐ߫ ߸ ߒ ߞߏ߫ ߊ߬ߟߎ߬ ߦߴߊ߬ߟߎ߬ ߞߐߛߊ߬ߦߌ߬ ߊ߬ߟߎ߫ ߝߊ߬ ߓߘߊ ߞߊߘߐߘߎ߯ ߝߊ߲ߛߊ߲ ، ߊ߬ߟߎ߬ ߞߊ߲ ߏ߬ ߟߋ ߘߐ߫ ߞߏ߫ ߊ߬ߟߎ߬ ߘߌ߫ ߕߏ߫ ߊ߲ ߝߍ߬ ߡߊ߲߬ߘߋ߲߫ ߦߊ߲߬ ߛߍߣߍ߲߬ ߞߘߊߎ߫ ، ߏ߬ ߟߋ ߞߏߛߐ߲߬ ߊ߲ ߧߴߊ߬ߟߎ߬ ߛߐ߫ ߟߊ߫ ߟߐ߬ߦߌߟߊ ߟߊ߫ ߸ ߞߵߊ߬ߟߎ߬ ߞߍ߫ ߡߊ߬ߘߋ߲߫ ߖߊ߬ߡߊ ߝߌ߬ߟߊ ߛߓߊߣߊ߲ ߘߌ߫ ، ߊ߬ ߝߐ߫ ߊ߬ߟߎ߫ ߡߊ߬ ߞߏ߫ ( ߖߐ߲߬ ߕߊ߲ ߣߌ߫ ߥߐ߯ߙߐ) ߸ ߏ߬ ߕߍ߫ ߖߐ߲߬ߧߊ߬ ߕߐ߯ ߘߌ߫ ߘߋ߬ ، ߏ߬ ߦߋ߫ ߞߎ߲߬ߠߊ߬ߦߋ߬ߙߋ߲߬ ߕߐ߮ ߖߊ߯ߕߋ ߟߋ߬ ߘߌ߫ ، ߓߊߏ߬ ߊ߬ߟߎ߬ ߤߙߐߦߊߣߍ߲ ߠߋ߬ ߡߊ߲߬ߘߋ߲߫ ߓߊ߯ߙߊ߫ ߞߏ߫ ߝߊ߲߭ ߓߍ߯ ߘߐ߫ ، ߓߊ߯ߙߊ ߛߎ߯-ߎ-ߛߎ߯ ߓߊ߯ ߊ߬ߟߎ߬ ߘߌߦߊ߫ ߸ ߊ߬ߟߎ߫ ߏ߬ ߟߋ ߞߍ߫ ߟߊ߫ ߊ߬ߟߎ߫ ߛߊ߬ߥߏ ߟߊ߫ ߔߌߢߊ߲߫ ، ߕߏ߲ߕߌ߮ ߣߌ߫ ߕߏ߲ߒߕߊ߲ ߠߎ߫ ߘߏ߲߬ ߕߴߏ߬ ߤߙߐߦߊ߫ ߛߎ߮ ߘߐ߫ ، ߓߊ ߘߌߦߊߜߏ߬ߦߊ ߸ ߏ߬ ߓߍ߯ ߦߴߊ߬ ߓߋ߲ߓߊ ߗߍ߫ ߟߋ߬ ߞߍ߫ ߟߊ߫ ، ߊ߬ ߝߋ߲ ߕߴߛߋ߫ ߘߏ߫ ߜߘߍ߫ ߛߌ߫ ߞߍ߫ ߟߊ߫ ߓߋ߲ߓߊ߫ ߓߊ߯ߙߊ ߞߐ߫. ߓߊ߬ߙߌ߬ ߛߏ߲߬ߖߘߊ߫ ߟߊ߫ ߡߊ߲߬ߛߊ߬ߦߊ ߞߎ߲߬ߘߏ߲߬ ߕߎߡߊ ߸ ߊ߬ ߞߵߊ߬ ߝߐ߬ ߞߏ߫ ߖߐ߲߬ ߕߐ߮ ߡߍ߲ ߦߋ߫ ߗߍ߬ ߁߆ ߢߌ߲߬ ߠߎ߬ ߟߊ߫ ߣߌ߲߬ ߸ ߊ߬ ߛߌߣߌ߲ߠߡߊ ߕߍߣߊ߬ ߘߌߦߊ߫ ߟߴߊ߬ߟߎ߬ ߟߊ߫ ، ߓߊ ߖߡߊ߬ߣߊ߬ ߟߊ߬ߓߊ߲ ߡߐ߱ ߟߊ߫ ߘߊߝߙߊߦߊ ߕߊ߬ߡߌ߲߬ ߠߊ߫ ߥߙߊ߬ ߟߊ߫ ߟߋ߬ ، ߊ߬ߟߎ߬ ߘߏ߲߬ ߕߍߣߊ߬ ߕߏ߫ ߟߊ߫ ߝߟߐ߫ ߡߐ߮ ߟߎ߬ ߟߊ߫ ߟߊ߬ߤߘߌ ߓߍ߯ ߞߊ߲߬ ، ߊ߬ߟߎ߬ ߘߌߣߊ߬ ߢߌ߲߬ ߠߎ߬ ߞߍ߫ ߖߐ߲߭ ߖߍ߬ߘߍ ߖߍ߬ߘߍ ߘߌ߫ ߟߏ߲ ߖߊ߲ ߘߏ߫ ߘߐ߫ ، ߏ߬ ߘߐ߫ ߓߌ߬ ߸ ߒ ߓߘߴߊ߬ߟߎ߬ ߘߐߝߘߊ߫ ߛߌ߰ ߂ ߘߌ߫ ، ߞߊ߬ ߛߌ߰ ߁ ߟߊ߫ ߒ߬ߠߎ߬ ߡߊ߲߬ߛߊ߬ߙߋ߲ ߠߎ߫ ߞߊ߲߬ ، ߞߵߊ߬ ߕߐ߬ ߛߌ߰ ߁ ߡߐ߰ ߈ ߘߐߕߟߊ߫ ߡߊ߲߬ߘߋ߲߬ ߛߌ߫ ߘߎ߯ߙߋ߲ ߈ ߕߍ߫ ، ߏ߬ ߓߍ߯ ߕߏ߲ߕߌ߯ ߸ ߕߏ߲ߒߕߊ߲ ߕߴߏ߬ ߟߎ߬ ߘߐ߫. ߏ߬ ߞߍ߫ ߸ ߡߊ߲߬ߘߋ߲߫ ߡߌ߬ߙߌ߲߬ߘߌ ߕߏ߫ ߘߊ߫ ߦߌߟߡߊ߫ ߂ ߡߊ߬: ߕߏ߲ߕߌ߮ ߣߌ߫ ߕߏ߲ߒߕߊ߲ ߸ ߦߏ߫ ߊ߬ ߕߘߍ߬ ߢߊ ߡߍ߲ ߞߘߐ߬ߡߊ߲߫. ߒ߬ߞߊ߬ ߡߐ߰ ߈ ߘߐߕߟߊ߫ ߘߊ߫ ߛߌ߫ ߈ ߡߍ߲ ߠߎ߬ ߕߍ߫ ߸ ߏ߬ ߟߎ߬ ߕߐ߮ ߡߊߘߊ߲ ߟߊߕߐ߲߫ ߘߊ߫ ߟߋ߬ ߜߘߋߜߘߋ߫ ߞߊ߬ ߘߎ߲ߘߎ ߛߌ߰ ߊ߬ ߟߊ߫ ߞߘߎ߫.
ߕߏ߲ߕߌ߮ ߣߌ߫ ߕߏ߲ߒߕߊ߲
ߖߐ߲߬ ߁߆ ߟߊߘߏ߲߬ߣߍ߲ ߞߐ߫ ߖߊ߬ߡߊ ߘߐ߫ ߸ ߡߊ߲߬ߘߋ߲߫ ߡߌ߬ߙߌ߲߬ߘߌ ߕߏ߫ ߘߊ߫ ߦߌߟߡߊ߫ ߓߟߋߓߟߋ߫ ߝߌ߬ߟߊ ߢߌ߲߬ ߠߎ߫ ߟߋ߬ ߡߊ߬: ߕߏ߲ߕߌ߮ ߣߌ߫ ߕߏ߲ߒߕߊ߲ .
ߕߏ߲ߕߌ߮
ߛߊ߬ߙߌ߬ߦߊ߬ߓߏߟߏ߲ ߁߀߅߲:
ߕߏ߲ߕߌ߮ ߟߋ߬ ߡߊ߲߬ߘߋ߲߫ ߝߘߏ߬ߓߊ߬ ߖߡߊ ߘߌ߫ ߸ ߊ߬ߟߎ߫ ߟߋ߬ ߡߌ߬ߙߌ߲߬ߘߌ ߞߐ߮ ߘߌ߫ ، ߓߊ ߊ߬ߟߎ߬ ߘߌ߫ ߡߊ߲߬ߘߋ߲߫ ߡߐ߱ ߡߎ߰ߡߍ %߉߀ ߓߐ߫ ، ߊ߬ ߝߐ߫ ߣߴߊ߬ߟߎ߫ ߡߊ߬ ߟߋ߬ ߞߏ߫ ߕߏ߲ߕߌ߮ ߸ ߓߊ ߓߌ߬ߢߍ ߓߌ߬ߟߊ߬ ߟߊ߫ ߕߏ߲ ߡߍ߲ ߞߣߐ߫ ߸ ߏ߬ ߦߴߊ߬ߟߎ߫ ߟߋ߬ ߘߐߙߐ߲߫ ߓߟߏ߫ ߸ ߞߊ߬ ߞߊ߬ߝߏ ߡߊߞߊ߲ߞߊ߲ ߖߎ߮ ߟߎ߬ ߢߍ߫ ، ߊ߬ ߣߌ߫ ߞߊ߬ ߞߍ߬ߟߍ ߟߎ߫ ߓߋ߬ ߸ ߞߊ߬ ߞߐߛߐߙߐ߲ߦߊߟߌ ߟߎ߬ ߞߍ߫ ߞߊ߬ ߝߊ߬ ߖߡߊߣߊ ߟߊߥߙߊ߬ ߓߘߍߞߍ߭ ، ߊ߬ ߣߌ߫ ߞߊ߬ ߘߏ߲߬ߛߏ߬ߦߊ ߣߌ߫ ߛߍ߬ߣߍ ߟߎ߬ ߞߍ߫ ߞߵߊ߬ߟߎ߫ ߖߍ߬ߘߍ ߣߌ߫ ߡߌ߬ߙߌ߲߬ߘߌ ߡߎ߰ߡߍ ߟߓߊߟߏ߫ ، ߝߟߐ߫ ߸ ߕߏ߲ߕߌ߮ ߕߐ߯ ߟߋ߬ ߕߘߍ߬ ߞߏ߫ ( ߢߊ߬ߡߊ ) ߏ߬ ߦߋ߫ ߡߐ߰ ߟߋ߬ ߘߌ߫ ߸ ߡߍ߲ ߡߊ߲ߞߎ߬ߛߊ߲ ߞߌ߬ߦߊ߬ ߘߐ߬ ߓߊ߯ߙߊ ߛߎ߯-ߎ-ߛߎ߯ ߟߊ߫ ، ߦߏ߫ ߣߍ߰ ߓߊ߯ߙߊ ߣߌ߫ ߝߍߙߍ߲ ߛߊ ߣߌ߫ ߜߟߏ߬ ߟߏߞߌ ߣߌ߫ ߖߊ߬ߥߏ ߣߌ߫ ߞߎߟߎ߲ߕߍ߮ ߣߌ߫ ߡߐ߲ߠߌ߲ ߣߌ߫ ߝߐߟߌߝߋ߲ ߟߊߕߏߟߏ߲ ߣߌ߫ ߘߐ߲߬ߞߟߌ߬ߟߊ ߣߌ߫ ߘߊ߰ ߟߐ ߣߌ߫ ߞߙߊ߬ߘߏ߲ ߠߎ߬ ߛߌ߫ ߟߊ߫ ، ߒ߬ߓߊ߬ ߡߐ߱ ߡߍ߲ ߠߎ߬ ߛߋߣߍ߲ ߞߎ߬ߛߊ߲ߧߊ߬ ߓߊ߯ߙߊ ߡߊߘߊ߲ߣߍ߲ ߢߌ߲߬ ߠߎ߬ ߟߊ߫ ߸ ߏ߬ ߟߎ߫ ߟߋ߬ ߢߡߊ߬ߞߟߊ ߟߎ߬ ߘߌ߫ ( ߝߊ߬ߙߊ߲߬ߛߌ ߘߐ߫ ߸ ߎߝ߭ߙߌߦߋ ) ߓߊߏ߬ ߕߋ߰ߙߊ߲ ߣߌ߫ ߘߊ߬ߓߊ ߣߌ߫ ߡߎ߬ߙߎ ߟߎ߬ ߘߐߡߌ߬ߣߊ߬ߣߍ߲ ߊ߬ߟߎ߫ ߞߊ߬ߟߊ ߟߎ߫ ߡߊ߬ ߢߊ ߡߍ߲ ߸ ߢߡߊ߬ ߕߏ߲ߕߌ߮ ߟߎ߬ ߝߣߊ߫ ߓߟߏߘߐߡߌ߬ߘߊ߬ߣߍ߲ ߞߎ߬ߛߊ߲ߧߊ߬ ߓߊ߰ߙߊ߬ߟߊ ߟߎ߬ ߟߊ߫ ߕߋ߲߬ ߠߋ߬ ، ߊ߰ ߝߐ߫ ߟߊ߫ ߢߡߊ߬ߞߟߊ ߡߊ߬ ߝߣߊ߫ ߞߏ߫ ߢߊ߬ߙߊ ߸ ( ߝߊ߬ߙߊ߲߬ߛߌ ߘߐ߫ ߸ ߊߙߕߌߛߕ ) ߞߊ߬ߕߎ߲߯ ߸ ߕߌ߬ߦߊ ߣߌ߫ ߖߊ߮ ߟߎ߫ ߢߊ߬ߙߊ ߟߋ߬ ߛߘߊ߫ ߘߐ߫ ߸ ߊ߬ߟߎ߬ ߞߎ ߟߎ߬ ߦߋ߫ ߛߐ߬ߘߐ߲߬ ߠߊ߫ ، ߒ߬ߓߊ߬ ߢߡߊ߬ߞߟߊ ߟߎ߬ ߝߣߊ߫ ߟߊ߫ ߓߊ߯ߙߊߟߊ߲ ߠߊߘߊ߲ߣߍ߲ ߠߎ߬ ߝߣߊ߫ ߛߘߊ߫ ߘߐ߫ ߸ ߕߏ߲ߕߌ߮ ߟߎ߬ ߦߋ߫ ߛߋ߫ ߟߴߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫ ߟߊ߫. ߒ߬ߞߊ߬ ߕߏ߲ߕߌ߮ ߟߎ߫ ߛߌ߰ ߝߌ߬ߟߊ ߟߋ߬ ߘߌ߫ ߸ ߟߊ߲ߔߊ߯ߛߌ ߣߌ߫ ߛߌ߰ߒߝߍ، ߏ߬ ߟߎ߬ ߝߊߙߊ߲ߝߊ߯ߛߌ ߝߟߍ߫ ߣߌ߲߬:
ߟߊ߲ߔߊ߯ߛߌ
ߛߊ߬ߙߌ߬ߦߊ߬ߓߏߟߏ߲ ߁߀߆߲:
ߟߊ߲ߔߊ߯ߛߌ ߟߎ߫ ߟߋ߬ ߘߎ߰ߙߋ߲߬ ߝߟߐ߫ ߟߎ߬ ߘߌ߫ ߸ ߡߍ߲ ߠߎ߬ ߓߋ߲ߓߊ ߣߊ߬ ߘߎ߱ ߛߌ߲ߘߌ߫ ߟߊ߫ ߡߐ߱ ߕߐ߭ ߓߍ߯ ߢߍ߫، ߏ߬ ߟߎ߫ ߟߋ߬ ߓߐ߲ߛߐ߲ ߠߎ߬ ߦߋ߫ ߘߎ߱ ߕߌ߰ߦߊ ߟߊ߫ ߞߘߊߎ߫، ߊ߬ߟߎ߫ ߟߋ߬ ߞߍ߫ ߟߊ߫ ߡߊ߲߬ߛߊ ߟߎ߬ ߣߌ߫ ߞߊ߲ߞߘߐߛߌ߮ ߟߎ߬ ߣߌ߫ ߞߊ߬ߙߌ߬ ߞߎ߲ߕߌ߮ ߟߎ߬ ߣߌ߫ ߛߏߕߌ߮ ߟߎ߬ ߘߌ߫ ߸ ߊ߬ ߣߌ߫ ߘߎ߱ ߞߏߕߌ߮ ߣߴߊ߬ ߞߏߟߊߕߍ߮ ߣߴߊ߬ ߛߏ߬ߝߊ߬ߞߎ߲ߕߌ߮ ߣߴߊ߬ ߞߊ߲ߜߍ߫ ߞߎ߲ߕߌ߮ ߟߎ߬ ߘߌ߫ ߡߊ߲߬ߘߋ߲߫ ߝߊ߲߭ ߓߍ߯ ߘߐ߫.
ߛߌ߰ߒߝߍ ߥߟߊ߫ ߝߘߎߢߐ߲߮
ߛߊ߬ߙߌ߬ߦߊ߬ߓߏߟߏ߲ ߁߀߇߲:
ߛߌ߰ߒߝߍ ߟߎ߬ ߦߋ߫ ߟߏ߲ߟߊ߲ ߠߎ߫ ߟߋ߬ ߘߌ߫ ߸ ߡߍ߲ ߠߎ߬ ߓߋ߲ߓߊ ߣߊ߬ߣߍ߲ ߞߐ߫ ߟߊ߫ ߸ ߞߊ߬ ߣߵߊ߬ߟߎ߫ ߛߌ߰ ߘߎ߱ ߛߌ߲ߘߌߓߊ߮ ߟߎ߫ ߝߍ߬ ، ߞߏ߬ߣߌ߲߬ ߓߊߏ߬ ߛߌ߲ߞߋߟߋ߲ ߜߊ߲ߛߊ߲ ߕߍ߫ ߢߐ߲߯ ߝߘߎ߫ ߟߊ߫ ߡߊ߲߬ߘߋ߲߫ ߛߊ߬ߙߌ߬ߦߊ߬ ߞߘߐ ߘߐ߫ ߸ ߊ߬ߟߎ߫ ߛߐ߲߬ ߘߊ߫ ߡߐ߰ ߜߘߍ߫ ߟߊߛߌ߱ ߡߊ ߊ߬ߟߎ߫ ߝߍ߬ ߏ߬ ߟߋ߫ ߘߐ߫ ߸ ߛߴߊ߬ߟߎ߬ ߣߌ߫ ߏ߬ ߟߎ߬ ߘߌ߫ ߝߘߎ߫ ߢߐ߲߮ ߡߊ߬ ، ߊ߰ ߝߐ߫ ߟߊ߫ ߛߌ߰ߒߝߍ ߡߊ߬ ߏ߬ ߟߋ ߘߐ߫ ߞߏ߫ ߝߘߎߢߐ߲߮ ، ߡߊ߲߬ߘߋ߲߫ ߓߊ߲߫ ߘߊ߫ ߛߌߢߐ߲߯ߡߊ ߜߊ߲ߛߊ߲ ߟߊ߫ ߢߐ߲߯ ߝߘߎ߫ ߡߊ߬ ߟߋ߬ ߞߊ߬ ߛߌ߫ ߜߘߍ߫ ߟߎ߬ ߞߵߊ߬ߟߎ߬ ߝߘߎߢߐ߲߮ ߠߎ߬ ߘߌ߫ ߸ ߛߊ߫ ߡߐ߰ ߜߘߍ߬ߦߊ ߘߌ߫ ߓߟߏߞߊ߬ ߊ߬ߟߎ߬ ߣߌ߫ ߏ߬ ߟߎ߬ ߕߍ߫ ߞߵߊ߬ߟߎ߬ ߣߌ߫ ߏ߬ ߟߎ߬ ߞߍ߫ ߢߐ߲߮ ߓߊߙߌ߲ ߣߌ߫ ߢߐ߲߮ ߓߋ߲ߓߊ߫ ߣߌ߫ ߢߐ߲߮ ߡߐ߬ߞߍ ߣߌ߫ ߢߐ߲߮ ߡߊ߬ߡߊ߬ ߣߌ߫ ߢߐ߲߯ ߡߐ߬ߡߛߏ ߣߌ߫ ߢߐ߲߮ ߞߟߊ߬ߡߍ ߣߌ߫ ߢߐ߲߮ ߞߊ߬ߣߌ߲߬ߡߊ ߟߎ߬ ߣߌ߫ ߢߐ߲߮ ߓߊߙߌ߲ߣߍ߲ ߣߌ߫ ߢߐ߲߮ ߓߊߙߌ߲ߢߐ߲߮ ߣߌ߫ ߢߐ߲߮ ߓߊߙߌ߲ߡߛߏ ߟߎ߬ ߘߌ߫ ، ߞߊ߬ߕߎ߲߯ ߸ ߟߊ߬ߡߐ߰ߦߊ ߣߌ߫ ߓߊߘߋ߲ߧߊ߫ ߓߍ߯ ߛߌ߫ ߓߙߎ߬ߞߎ߬ߕߊ ߖߊ߯ߕߋ ߟߋ߬ ߝߘߎߢߐ߲߯ߦߊ ߘߌ߫ ، ߒ߬ߞߊ߬ ߓߊߘߋ߲ߧߊ ߟߊߘߊ߲ ߏ߬ ߣߴߊ߬ ߕߊ ߟߊ߲ߔߊ߯ߛߌ ߣߌ߫ ߛߌ߰ߒߝߍ ߕߍ߫ ߸ ߛߌ߰ߒߝߍ ߟߎ߬ ߕߏ߫ ߘߊ߫ ߡߐ߰ߝߍ߬ߡߐ߰ߦߊ ߟߊ߫ ߏ߬ ߓߍ߯ ߞߐ߫ ، ߟߊ߲ߔߊ߯ߛߌ ߟߎ߬ ߡߊ߫ ߛߐ߲߬ ߝߋߎ߫ ߞߵߊ߬ߟߎ߬ ߟߊߕߘߍ߬ ߘߎ߰ߙߋ߲߬ߧߊ ߘߐ߫، ߏ߬ ߟߋ ߞߏߛߐ߲߬ ߤߊߟߌ ߓߌ߬ ߸ ߛߌ߰ߒߝߍ ߕߍ߫ ߞߍ߫ ߡߊ߲߬ߛߊ ߘߌ߫ ߸ ߊ߬ ߕߍ߫ ߞߍ߫ ߞߊ߲ߞߘߐߛߌ߯ ߘߌ߫ ، ߊ߬ ߕߍ߫ ߞߍ߫ ߛߏߕߌ߯ ߘߌ߫ ߸ ߊ߬ ߕߍ߫ ߞߍ߫ ߞߊ߬ߙߌ߬ ߞߎ߲ߕߌ߯ ߘߌ߫ ، ߤߊߟߴߊ߬ ߞߊ߬ ߛߊ߲߬ ߁߀߀߀ ߞߍ߫ ߦߌߟߊ ߡߍ߲ ߸ ߊ߬ ߕߴߏ߬ ߘߎ߰ߙߋ߲߬ߦߊ ߛߐ߬ߘߐ߲߬ ߝߋߎ߫ ، ߛߌ߰ߒߝߍ ߦߋ߫ ߟߏ߲ߟߊ߲ߧߊ ߟߋ߬ ߟߊ߫ ߞߘߊߎ߫ ، ߣߴߏ߬ ߡߊ߫ ߞߎ߲߫ ߛߌ߰ߒߝߍ ߡߍ߲ ߘߐ߫ ߸ ߊ߬ߤߊ߲߫ ߝߏ߫ ߣߴߏ߬ ߥߟߌ߬ ߘߊ߫ ߞߊ߬ ߥߴߊ߬ ߕߊ ߛߏ߫ ߞߎߘߊ߫ ߕߍ߫ ߝߊ߲߬ ߜߘߍ߫ ߘߐ߫ ߘߋ߬ .
ߕߏ߲ߒߕߊ߲ ߛߌ߰ ߝߌ߬ߟߊ: ߡߏߙߌ ߣߌ߫ ߢߡߊ߬ߞߟߊ
ߛߊ߬ߙߌ߬ߦߊ߬ߓߏߟߏ߲ ߁߀߈߲:
ߒߞߏ ߘߐ߫ ߸ ߕߏ߲ߒߕߊ߲ ߦߋ߫ ߡߐ߰ ߟߋ߬ ߘߌ߫ ߸ ߓߌ߬ߢߍ߬ ߣߌ߫ ߕߏ߲߫ ߣߌ߫ ߡߙߊ߬ߒߡߊ߬ ߝߋ߲ ߛߎ߯-ߎ-ߛߎ߯ ߕߍ߫ ߡߍ߲ ߓߟߏ߫ ߞߊ߬ ߞߟߍ߬ ߣߌ߫ ߘߏ߲߬ߛߏ߬ߦߊ ߞߍ߫، ߘߊ߬ߓߊ ߣߌ߫ ߕߋ߰ߙߊ߲ ߣߌ߫ ߘߓߊ߬ ߝߣߊ߫ ߕߴߊ߬ ߓߟߏ߫ ߞߊ߬ ߛߣߍ߬ ߞߍ߬ ߣߌ߫ ߘߊ߬ߡߊ߲߬ ߛߋ߲߫ ߞߍ߫، ߡߊ߲߬ߘߋ߲߫ ߞߵߏ߬ ߟߎ߫ ߟߐ߬ ߓߊ߯ߙߊ ߟߎ߬ ߣߌ߫ ߤߊ߲ߞߟߌ߫ ߟߊ߫ ߗߋ ߟߎ߫ ߣߌ߫ ߞߎ߬ߛߊ߲߬ߧߊ߬ ߞߏ ߟߎ߫ ߟߋ߬ ߟߊ߫، ߞߊ߬ ߡߐ߰ ߕߍ߬ ߘߐ߬ߓߍ߲ ߠߎ߬ ߣߌ߫ ߖߡߊ߬ ߘߐ߬ ߞߎߡߊ ߟߎ߫ ߞߊ߬ߙߌ߬ߝߊ߫ ߊ߬ߟߎ߬ ߟߊ߫، ߞߏ ߊ߬ߟߎ߬ ߦߋ߫ ߟߐߣߌ߲ ߛߎ߮ ߓߍ߯ ߢߊߢߌߣߌ߲ ߸ ߞߊ߬ ߕߏ߫ ߡߌ߬ߙߌ߲߬ߘߌ ߕߟߏ߫ ߘߐߓߐ߫ ߟߊ߫ ߞߵߊ߬ߟߎ߬ ߟߊߞߎߣߎ߲ ߞߏߟߐ߲ ߞߊ߲ ߠߎ߬ ߟߊ߫ ߟߊ߬ߘߍ ߟߎ߬ ߣߌ߫ ߓߊ߬ߘߏ ߟߎ߬ ߘߐ߫ ߞߍ߬ߣߍ߲. ߕߏ߲ߒߕߊ߲ ߠߎ߬ ߦߋ߫ ߦߌߟߡߊ߫ ߓߟߋߓߟߋ߫ ߂ ߟߋ߬ ߘߌ߫: ߡߏߙߌ ߟߎ߬ ߣߌ߫ ߢߡߊ߬ߞߟߊ ߟߎ߬، ߊ߬ ߝߐ߫ ߢߊ߫ ߜߘߍ߫ ߘߐ߫ ߸ ߛߓߍߟߌߟߊ ߟߎ߬ ߣߌ߫ ߢߊ߬ߙߊ ߟߎ߬، ߛߌ߰ ߝߌ߬ߟߊ ߏ߬ ߟߎ ߞߋ߬ߟߋ߲߬ߞߋ߬ߟߋ߲߬ߣߊ ߕߐ߬ߝߍ߬ߦߊ߬ߕߐ ߝߟߍ߫ ߊߟߎ߫ ߢߍ߫ ߣߌ߲߬:
ߕߏ߲ߒߕߊ߲ ߦߌߟߡߊ߫ ߝߟߐ: ߡߏߙߌ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߀߉߲:
ߡߏߙߌ ߟߎ߫ ߟߋ߬ ߛߌ߬ߟߡߊ߬ߦߊ߬ ߘߌ߯ߣߊ ߞߊ߬ߙߊ߲߬ߡߐ߮ ߟߎ߬ ߘߌ߫ ، ߏ߬ ߟߎ߬ ߗߋ ߟߋ߬ ߡߐ߱ ߟߎ߫ ߞߊ߬ߙߊ߲ ߘߌ߫ ߘߌ߯ߣߊ ߓߊ߬ߕߏ ߣߴߊ߬ ߞߏ߫ ߢߌߡߊ ߟߎ߬ ߟߊ߫ ، ߊ߬ ߣߌ߫ ߞߊ߬ ߖߊ߬ߡߊ ߟߛߊߟߌ߫ ߡߌ߬ߛߙߌ߫ ߟߎ߬ ߟߊ߫ ߖߡߍߙߍ߲ ߠߎ߬ ߣߌ߫ ߥߊ߬ߛߌ ߟߎ߬ ߟߊ߫ ، ( ߥߊ߬ߛߌ ߦߋ߫ ߛߊߟߌ߫ ߦߙߐ߫ ߞߏ߰ߙߌ߬ߣߍ߲ ߠߋ߬ ߘߌ߫ ߞߏߓߌ ߞߎߘߎߣߍ߲ ߠߊ߫ ߥߟߊ߫ ߞߓߊߞߎߘߎ߲ ߠߎ߬ ߟߊ߫ ) ߡߏߙߌ ߟߎ߬ ߗߋ ߘߏ߫ ߟߋ߬ ߘߎ߬ߥߊ߬ߎ ߟߎ߬ ߣߴߊߟߊ߫ ߕߙߊ ߟߎ߬ ߘߌ߫ ߝߊ߬ߛߏ ߢߍ߫،ߊ߬ ߣߌ߫ ߛߘߊߞߊ ߟߊߛߋ ߣߌ߫ ߞߊ߲ߣߊߕߍ߯ߟߌ ߣߌ߫ ߛߊ߲ߖߌ ߡߊߞߟߌ ߟߎ߬ ، ߊ߬ ߣߌ߫ ߞߊ߬ߕߏ ߡߌ߬ߙߌ߲߬ߘߌ ߕߟߏ ߘߓߐ߫ ߟߊ߫ ߞߵߊ߬ߟߎ߬ ߞߊߥߊ߲ߘߌ߫ ߘߌ߯ߣߊ ߖߏ߯ ߢߌߡߊ ߟߎ߬ ߞߍ ߟߊ߫ ߸ ߊ߬ ߣߌ߫ ߛߐ߲߬ ߖߎ߮ ߟߎ߬ ߡߊߕߊ߲߬ߞߊ ߟߊ߫ ، ߊ߬ ߝߐ߫ ߢߊ߫ ߜߘߍ߫ ߘߐ߫ ߸ ߞߵߊ߬ߟߎ߫ ߖߡߊ߬ߙߌ ߢߌ߬ߡߊ ߟߎ߬ ߟߊ߫ ߸ ߞߵߊ߬ߟߎ߬ ߝߊߕߊ߲ߕߌ ߖߎ߯ߡߊ߲ ߠߎ߫ ߡߊ߬ ، ߥߟߊ߫ ߞߊ߬ ߢߌ߬ߡߊ ߞߍ߫ ߸ ߞߊ߬ ߢߌ߬ߡߊ ߝߐ߫ ߸ ߞߊ߬ ߖߎ߯ߡߊ߲ ߕߏ߫. ߞߵߊ߬ ߝߐ߫ (ߡߏߙߌ) ߏ߬ ߓߐߣߍ߲ ߊߙߊߓߎ߫ ߞߊ߲ (ߡߎ߬ߘߌߓߎ) ߟߋ߬ ߘߐ߫، ߏ߬ ߟߋ ߝߐ߫ ߢߊ߫ ߞߍ߫ ߘߊ߫ ߝߘߊ߬ߝߌ߲ ߣߍ߲߭ ߞߊ߲߬ ߡߐߘߌߓߐ߬ ߘߌ߫، ߞߏ߬ߣߵߏ߬ ߟߊߛߎ߬ߘߎ߲߬ߧߊ߬ߣߍ߲ ߞߍ߫ ߡߏߘߌ߬ ߘߌ߫، ߞߏ߬ߣߵߏ߬ ߟߊߓߊ߲ ߞߍ߫ (ߡߏߙߌ) ߘߌ߫ ߘߏߦߌ߲߫. ߊߙߊߓߎ߫ ߞߊ߲ ߘߐ߫ ߸ ߡߎߊߘߌߓߎ ߞߘߐ߫ ߟߋ߬ ߘߋ߲ߣߍ߲ ߠߎ߫ ߞߊ߬ߙߊ߲߬ߓߊ߮ ߣߴߊ߬ߟߎ߬ ߖߏ߯ߘߏ߲ߓߊ߮ ߘߌ߫.
ߛߊ߬ߙߌ߬ߦߊ߬ߓߏߟߏ߲ ߁߁߀߲:
ߞߙߎߞߊ߲ߝߎߥߊ߫ ߜߊ߬ߙߊ ߢߍ߫ ߸ ߡߊ߲߬ߘߋ߲߫ ߡߏߙߌ ߛߌ߫ ߡߎ߰ߡߍ ߕߘߍ߬ ߅ ߢߌ߲߬ ߠߎ߫ ߟߋ߬ ߘߌ߫: ((ߛߙߋ߬ߝߎ، ߛߌ߬ߛߋ، ߓߙߋߕߋ، ߕߎ߬ߙߋ، ߛߌ߬ߟߊ)) (ߛߋ߬ߛߌ߬ߓߋߕߎߛߌ߬) ߊ߰ ߝߐ߫ ߟߊ߫ ߢߌ߲߬ ߠߎ߫ ߟߋ߬ ߡߊ߬ ߸ ߞߏ߫ ߡߊ߲߬ߘߋ߲߫ ߡߏߙߌ ߟߎ߬ ߸ ߊ߬ ߣߌ߫ ߡߏߙߌ ߞߊ߲ߘߊ ߟߏ߯ߟߎ. ߒ߬ߞߊ߬ ߞߙߎߞߊ߲ߝߎߥߊ߫ ߜߊ߬ߙߊ ߕߎ߬ߡߊ ߸ ߏ߬ ߞߊ߬ ߡߏߙߌ߫ ߟߏߟߊ߲ ߞߊ߬ߙߊ߲߬ߣߍ߲߬ߓߊ ߘߏ߫ ߣߊ߬ߣߍ߲߬ ߞߎߘߊ ߕߘߍ߬ ߞߊ߬ ߓߐ߫ ߥߊ߬ߟߊߕߊ߬ ، ߞߏ߬ߣߵߊ߬ ߞߵߊ߬ ߝߐ߫ ߡߍ߲ ߞߍ߫ ߞߏ߫ ߊ߬ ߓߋ߲ߓߊ ߟߎ߫ ߓߐߣߍ߲ ߛߊߡߌ߲ ߠߋ߬ ߸ ߊ߬ ߖߊ߬ߡߎ߲ ߞߍ߫ ߘߊ߫ ߛߊߡߌ߲ߞߊ ߘߌ߫ ߏ߬ ߟߋ ߘߐ߫ ، ߞߏ߬ߣߵߏ߬ ߟߊߓߊ߲ ߞߍ߫ ߛߊߡߍߞߊ ߘߌ߫ ، ߡߏߙߌ߫ ߟߏ߲ߟߊ߲ ߏ߬ ߟߋ ߕߐ߯ ߕߘߍ߬ ߞߏ߫ ( ߊߓߎ߫ ߓߞߊߙߌ ߖߊ߰ߣߍ߫ ) ߏ߬ ߟߊ߫ ߘߊ߫ ߡߊ߲߬ߘߋ߲߫ ߡߏߙߌ߫ ߛߌ ߟߎ߫ ߞߊ߲߬ ، ߓߊ߬ߙߌ߬ ߡߏߙߌ ߞߊ߲ߘߊ߫ ߟߏ߯ߟߎ ߡߊ߫ ߘߝߊ߫ ߥߐ߯ߙߐ߫ ߟߊ߫ ߏ߬ ߘߐ߫ ߘߋ߬ ، ߓߊߏ߬ ߊ߬ ߣߴߊ߬ ߖߋ߬ߕߌ߰ߞߍ߫ ߟߋ߬ ߟߊ߫ ߘߊ߫ ߢߐ߲߮ ߞߊ߲߬ ߸ ߞߵߊ߬ߟߎ߬ ߞߍ߫ ߓߊߓߏ߲ ߞߋߟߋ߲ ߘߌ߫ ، ߓߊ ߊ߬ ߝߐ߫ ߛߏ߲߬ߖߘߊ߫ ߓߟߏ߫ ߟߐ߬ߦߌ߬ߟߊ߬ ߟߊ߬ߘߊ߲ ߘߐ߫ ߞߏ߫ ߡߏߙߌ ߞߊ߲ߘߊ ߟߏ߯ߟߎ ߦߴߊ߬ߟߎ߫ ߣߐ߭ ߘߐ߫ ، ߘߏ߫ ߞߊ߲ ߞߏ߫ ߋ߫ ߛߏ߲߬ߖߘߊ߫ ߸ ߡߏߙߌ߫ ߟߏ߲ߟߊ߲ ߡߍ߲ ߖߌ߰ߦߊ߬ߣߍ߲ ߛߌ߬ߟߊ߬ ߗߍߡߐ߮ ߓߘߊ ߘߏ߲߬ ߸ ߌ ߕߴߏ߬ ߕߊ ߝߐ߫ ߓߊ߫ ، ߓߊ ߏ߬ ߞߊ߲ ߠߋ߬ ߞߏ߫ ߊ߬ ߕߏߕߐ߫ ߟߴ ߊ߲ ߝߍ߬ ߛߌ߱ ߘߐ߫ ߡߊ߲߬ߘߋ߲߫ ߦߊ߲߬ ߛߍߣߍ߲߬ ߘߋ߬ ، ߏ߬ ߞߍ ߛߏ߲߬ߖߘߊ߫ ߞߏ߫ ߒ߬ߓߊ߬ ߏ߬ ߦߋ߫ ߟߴߊ߬ ߖߋ߬ߕߌ߰ߟߊ߬ߞߊ߫ ߛߌߟߊ ߟߎ߫ ߞߊ߲߬ ، ߊ߬ ߣߴߏ߬ ߣߌ߭ ߦߋ߫ ߝߌߘߊ߫ ߁ ߞߊ߲߬ ߸ ߊ߬ߟߎ߬ ߦߋ߫ ߝߍ߫ ߁ ߞߣߐ߫ ߞߌߛߍ ߟߎ߬ ߘߌ߫ ߛߍߣߍ߲߬ ߞߘߊߎ߫ ، ߛߊ߬ߣߊ߲ߞߎ߲߬ ߟߊ߬ߘߊ߲ ߛߋߣߍ߲ ߸ ߊ߬ ߞߵߊ߬ߟߎ߬ ߕߣߊ߬ߡߊ߬ߢߐ߲߰ߡߊ ߟߎ߬ ߝߣߊ߫ ߘߌ߫. ߊ߬ߓߎ ߓߞߊߙߌ ߏ߬ ߣߴߊ߬ ߘߋ߲ߞߍ ߁ ߡߍ߲ ߣߊ߬ ߘߊ߫ ߸ ߏ߬ ߟߋ ߎߡߊߙߎ ߖߊ߰ߣߍ ߘߌ߫، ߡߊ߲߬ߘߋ߲߫ ߡߏߙߌ ߟߎ߫ ߞߊ߬ ߎߡߊߙߎ߫ ߞߎ߲߬ߡߊ߬ߞߘߎ߬ߣߍ߲ ߛߐ߫ ߡߛߏ߬ ߟߊ߫ ߸ ߏ߬ ߕߐ߯ ߞߏ߫ ߛߙߋ߫ ߓߎߞߊߙߌ߫، ߒ߬ߓߊ߬ ߘߋ߲ߞߍ ߁ ߏ߬ ߟߋ ߓߎ߯ ߘߊ߫ ߥߊߢߊ߲ߡߊ߲ߕߊ߲ ߞߊ߬ ߞߍ߫ ߡߊ߲߬ߘߋ߲߫ ߖߊ߰ߣߍ ߟߎ߬ ߓߋ߲ߓߊ߫ ߘߌ߫، ߤߊߟߌ ߓߌ߬ ߸ ߖߊ߰ߣߍ ߣߌ߫ ߛߌ߬ߟߊ ߡߊ߫ ߝߘߊ߫ ߡߎ߬ߕߎ߲߫.
ߛߊ߬ߙߌ߬ߦߊ߬ߓߏߟߏ߲ ߁߁߁߲:
ߡߊ߲߯ ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߞߏ߫ ߓߍ߯ ߣߴߊ߬ ߟߐ߬ߦߌߟߊ߫ ߟߋ߬ ߡߊ߲߬ߘߋ߲߫ ߞߣߐ߫، ߏ߬ ߘߐ߫ ߸ ߡߊ߲߬ߘߋ߲߫ ߡߏߙߌ߫ ߛߌ ߣߌ߲߬ ߡߍ߲ ߞߊ߬ߙߊ߲߬ ߘߊ߫ ߸ ߡߏߙߌ߫، ߡߍ߲ ߡߊ߫ ߞߊ߬ߙߊ߲߬ ߡߏߙߌ߫، ߤߊߟߌ߬ ߕߏ߲ߕߌ߮ ߣߌ߫ ߢߡߊ߬ߞߟߊ ߡߍ߲ ߟߐߣߌ߲߫ ߘߊ߫ ߝߎߚߎ߫ ߝߏ߫ ߞߊ߬ ߥߴߊ߬ ߕߍ߮ ߟߴߊߟߊ߫ ߖߍ߬ߘߍ ߕߍ߯ ߜߍ ߘߐ߫ ߓߍ߯ ߢߣߊ߫ ߸ ߏ߬ ߕߍ߫ ߡߏߙߌ߫ ߣߌ ߛߐ߬ߘߐ߲߬ ߡߏߙߌ ߛߌ߫ ߣߌ߲߬ ߝߋ߲ ߢߣߊ߫ ߡߊ߲߬ߘߋ߲߫ ߝߊ߲߬ ߛߌ߫.
ߛߊ߬ߙߌ߬ߦߊ߬ߓߏߟߏ߲ ߁߁߂߲:
ߛߏ߬ߟߏ߲߬ ߡߊߙߌ߫ ߞߵߊ߬ ߦߌ߬ߘߊ߫ ߸ ߞߏ߫ ߜߐ߬ߛߐ߲߬ߞߐ ߣߌ߫ ߛߊ߲ߞߐߢߐ߲߯ߦߊ ߢߍߛߌߟߊ߲ߢߍ ߡߊ߬ ߡߏߙߌ߫ ߛߌ ߟߎ߬ ߕߍ߫ ߸ ߝߏ߫ ߊ߲ ߧߋ߫ ߡߏߙߌߦߊ ߟߐ߬ߦߌߟߊ ߟߎ߬ ߘߐߝߘߊ߫ ߟߋ߬ ߡߏߙߌ ߞߊ߲ߘߊ ߟߏ߯ߟߎ ߕߍ߫، ߤߊߞߍߕߏ߫ ߊ߬ߟߎ߬ ߞߊߣߊ߬ ߓߌ߬ߟߊ߬ ߢߐ߲߮ ߠߊ߫ ߡߏߙߌߦߊ ߟߐ߬ߦߌߟߊ ߘߏ߫ ߝߍ߬ ߟߏ߲ ߘߏ߫ ߸ ߞߊ߬ ߜߐ߬ߛߐ߲߬ߞߐ ߘߏ߲߬ ߡߏߙߌ߫ ߛߌ ߏ߬ ߟߎ߬ ߕߍ߫ ߸ ߞߊ߬ ߝߊ߬ߛߏ ߜߏߦߊ߫ ߓߍ߲߬ߓߊߟߌߦߊ ߟߊ߫، ߓߊ ߓߍ߯ ߘߌߦߊߣߊ߲ ߡߐ߮ ߓߴߊ߬ ߘߍ߬ߡߍ߲߬ ߏ߬ ߛߎ߮ ߘߐ߫ ߸ ߛߌ߫ ߝߌ߬ߟߊ ߟߊ߫ ߞߍ߬ߟߍ ߞߍߣߍ߲ ߠߋ߬ ߛߌ ߓߍ߯ ߟߊ߫ ߞߍ߬ߟߍ ߘߌ߫ ߏ߬ ߘߌ߫ ߥߏߎ߫. ߛߏ߲߬ߖߘߊ߫ ߞߊ߲߫ ߞߴߏ߬ ߟߐ߬ߦߌ߬ߟߊ߬ ߘߐ߬ߕߟߊ ߛߌߟߊ ߝߍ߬ ߸ ߣߌ߫ ߡߏߙߌ ߞߊ߲ߘߊ ߟߏ߯ߟߎ ߓߍ߯ ߢߊ ߞߍ߫ ߘߊ߫ ߜߍ ߘߐ߫ ߦߌߟߊ ߡߍ߲ ߸ ߛߙߋ߬ߝߎ ߦߋ߫ ߕߌ߲ߞߌ߫ ߡߐ߱ ߟߎ߬ ߘߌ߫، ߏ߬ ߞߘߐ߫ ߟߋ߬ ߞߏ߫ ߊ߬ ߦߋ߫ ߡߐ߱ ߟߎ߬ ߟߛߊߟߌ߫، ߓߊ ߏ߬ ߟߋ ߞߋߟߊ ߡߐ߬ߘߋ߲ ߘߌ߫، ߛߌ߬ߛߋ ߦߋ߫ ߛߊߟߌ߫ ߞߐ߫ ߘߎߓߊ ߞߍ߫ ߸ ߓߙߋߕߋ ߦߴߊ߬ߟߌ߬ߡߊ߬ߡߌ߲߬ ߝߊ߬ߟߊ߲ߞߏ߬ߦߊ ߞߍ߫ ߸ ߕߎ߬ߙߋ ߦߋ߫ ߥߊ߬ߙߊ߲߬ߘߌ ߣߌ߫ ߛߊߟߌߞߘߐߕߊ ߞߍ߫ ߸ ߛߌ߬ߟߊ ߦߋ߫ ߞߊ߲ߣߊߕߍ߯ߟߌ ߣߌ߫ ߛߘߊߞߊ߫ ߟߊߛߋ ߞߍ߫، ߖߊ߰ߣߍ ߣߌ߫ ߛߌ߬ߟߊ ߣߌ߭ ߦߋ߫ ߝߌߘߊ ߁ ߠߋ߬ ߞߊ߲߬ ߟߐ߬ߦߌ߬ߟߊ߬ ߁ ߘߐ߫ ߖߐ߲، ߊ߬ߟߎ߫ ߟߐ߬ߦߌߟߊ ߦߴߊ߬ߟߎ߬ ߘߐ߫ ߞߌ߬ߣߊ ߟߋ߬ ߓߟߏ߫ ߞߘߊߎ߫. ߟߐ߬ߦߌ߬ߟߊ߬ ߘߐ߬ߕߟߊ ߡߍ߲ ߞߍߣߍ߲߫ ߡߏߙߌ߫ ߛߌ ߟߎ߬ ߕߍ߫ ߣߌ߲߬ ߸ ߊ߰ ߝߐ߫ ߟߊ߫ ߏ߬ ߟߋ ߘߐ߫ ߞߏ߫ ߡߏߙߌ ߓߍ߯ ߣߴߊ߬ ߟߐ߬ߦߌߟߊ ߟߋ߬ ߡߌ߬ߛߙߌ߬ ߞߙߊ ߟߊ߫.
ߛߊ߬ߙߌ߬ߦߊ߬ߓߏߟߏ߲ ߁߁߃߲:
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߡߏߙߌ ߞߊ߲ߘߊ߫ ߟߏ߯ߟߎ ߢߌ߲߬ ߠߎ߬ ߟߊߛߌ߰ߣߍ߲ ߞߐ߫ ߸ ߣߌ߫ ߡߏߙߌ߫ ߛߌ߫ ߜߘߍ߫ ߡߍ߲ ߠߎ߫ ߣߊ߬ ߘߊ߫ ߡߊ߲߬ߘߋ߲߫ ߕߎ߬ߡߊ߬ ߜߘߍ߫ ߟߊ߫ ߸ ߊ߲ ߓߘߊ߫ ߘߌ߬ߢߍ߬ ߞߵߏ߬ ߟߎ߬ ߓߍ߯ ߟߊ߫ ߡߏߙߌ ߞߊ߲ߘߊ ߟߏ߯ߟߎ ߞߊ߲߬ ߞߵߊ߬ߟߎ߬ ߘߝߊ߫ ߁߀ ߠߊ߫ ߸ ߥߟߊ߫ ߗߡߍ߬ ߟߊ߫ ߸ ߸ ߤߊߡߊ߲ߕߍ߫ ߥߊ߯ ߞߋߟߋ߲ ߠߊ߫، ߣߴߊ߬ ߞߊ߬ ߡߏߙߌ߫ ߛߌ ߏ߬ ߡߍ߲ ߘߌߦߊ߫ ߸ ߊ߬ ߘߌ߫ ߟߊ߫ ߡߏߙߌ߫ ߛߌ߫ ߜߘߍ߫ ߞߊ߲߬ ߞߊ߬ ߞߍ߫ ߓߊߓߏ߲߫ ߁ ߘߌ߫، ߦߏ߫ ߖߊ߰ߣߍ ߣߌ߫ ߛߌ߬ߟߊ ߞߍߣߍ߲ ߢߊ ߡߍ߲، ߣߴߊ߬ ߘߏ߲߬ ߞߊ߬ ߡߍ߲ ߘߌߦߊ߫ ߸ ߏ߬ ߘߌ߫ ߞߴߊ߬ ߕߊ ߡߏߙߌ߫ ߓߏ߲߫ ߓߟߏߡߊߞߊ߬ߣߍ߲ ߘߌ߫.
((ߖߊ߲ߕߏ߬ߒߘߐ)): ߞߙߎߞߊ߲ߝߎߥߊ߫ ߜߊ߬ߙߊ ߕߊ߬ߡߌ߲߬ߣߍ߲ ߞߐ߫ ߸ ߡߏߙߌ߫ ߛߌ߫ ߜߘߍ߫ ߟߎ߫ ߣߊ߬ ߘߊ߫ ߡߊ߲߬ߘߋ߲߫ ߞߣߐ߫ ߸ ߞߣߊ߬ ߝߙߊ߬ ߞߊ߲ߘߊ ߅ ߟߊ߫، ߏ߬ ߟߎ߬ ߦߙߌߞߊ ߘߌ߫ ߓߌ ߓߐ߫ ߛߍߣߍ߲߬، ߤߊߟߌ߬ ߒߠߋ ߘߌ߫ ߛߋ߫ ߞߊ߬ ߕߊ߲ ߣߌ߫ ߞߐ߫ ߡߊߘߊ߲߫ ߏ߬ ߟߎ߬ ߘߐ߫ ߦߊ߲߬ ߛߌߛߍ߲߬، ߏ߬ ߟߎ߬ ߝߟߍ߫ ߣߌ߲߬: ((ߖߊ߰ߓߌ، ߘߊߓߏ، ߘߙߊ߬ߡߍ، ߘߊ߬ߝߋ، ߘߎߞߎ߬ߙߋ، ߛߊ߰ߞߐ، ߛߥߊ߬ߣߍ، ߛߊ߰ߣߐ، ߛߎ߬ߥߊ߬ߙߋ، ߝߊ߬ߘߌ߬ߞߊ، ߝߊ߬ߙߏ، ߝߏߝߣߊ، ߞߊ߬ߓߊ، ߞߊ߬ߟߐ، ߞߋ߬ߓߋ، ߞߏ߬ߡߊ، ߡߊ߰ߕߌ، ߣߊ߰ߓߋ، ߡߊ߰ߛߎߓߊ.
ߕߏ߲ߒߕߊ߲ ߦߌߟߡߊ߫ ߝߌ߬ߟߊ߂߲: ߢߡߊ߬ߞߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߄߲:
ߊ߲ ߓߘߴߊ߬ ߝߐ߫ ߝߙߍߕߍ߫ ߁߀߅߲ ߘߐ߫ ߞߘߐ߬ߡߊ߲߬ ߸ ߞߏ߫ ߢߡߊ߬ߞߟߊ ߦߋ߫ ߡߐ߰ ߟߋ߬ ߘߌ߫ ߸ ߡߍ߲ ߞߎ߬ߛߊ߲߬ ߢߟߊߞߌߦߊ߫ ߓߊ߯ߙߊ ߟߎ߬ ߣߌ߫ ߦߟߌߟߊߡߌߛߍ߲ߧߊ߫ ߞߏ߫ ߟߎ߬ ߟߊ߫، ߣߊߟߌ߬ߡߎ߲߫ ߓߟߏߟߊߓߊ߯ߙߊ ߟߎ߬ ߘߌ߫، ߢߡߊ߬ߞߟߊ ߘߏ߲߬ ߣߌ߫ ߢߊ߬ߙߊ ߓߍ߯ ߞߘߐ߫ ߁ ߘߌ߫ ߛߊ߫ ߸ ߒ߬ߞߊ߬ ߕߎ߬ߡߊ ߘߏ߫ ߟߎ߫ ߟߊ߫ ߸ ߢߊ߬ߙߊ ߘߌ߫ ߞߙߍߞߙߍ߫ ߡߐ߰ ߘߊߘߐߥߛߊ߬ߣߍ߲߫ ߘߊߘߐߘߌ ߟߎ߬ ߘߐߙߐ߲߫ ߠߊ߫ ߸ ߡߍ߲ ߠߎ߫ ߞߎ߬ߛߊ߲ߓߊ ߦߋ߫ ߘߐ߲߬ߞߟߌ߬ߟߊ ߣߌ߫ ߖߡߊ߬ ߘߐ߫ ߞߎߡߊ ߟߎ߬ ߟߊ߫. ߡߊ߲߬ߘߋ߲߫ ߢߡߊ߬ߞߟߊ ߟߎ߬ ߘߐߕߟߊ߫ ߘߊ߫ ߓߟߏߟߊߓߊ߯ߙߊ ߛߎ߯ߦߊ ߟߎ߬ ߕߍ߫ ߛߌ߰ ߆ ߢߌ߲߬ ߠߎ߫ ߟߋ߬ ߘߌ߫: ((ߣߍ߰ ߓߊ߯ߙߊ، ߦߙߌ߫ ߓߊ߯ߙߊ، ߖߌ߫ ߞߊ߲ ߓߊ߯ߙߊ، ߝߐߟߌߝߋ߲ ߠߊߕߏߟߏ߲، ߞߙߊ߬ߖߊ߬ߥߏ߬ ߓߊ߯ߙߊ، ߜߟߏ߬ ߓߊ߯ߙߊ)) ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ ߠߊ߫ ߕߐ߬ߝߍ߬ߦߊ߬ߕߐ ߝߟߍ߫ ߊߟߎ߫ ߢߍ߫ ߣߌ߲:
ߢߊ߬ߙߊ ߦߌߡߟߊ߫ ߁߭ ߸ ߣߍ߰ ߓߊ߯ߙߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߅߲:
ߣߍ߰ ߓߊ߰ߙߊ߬ߟߊ ߟߎ߫ ߟߋ߬ ߣߎ߬ߡߎ߲ ߠߎ߬ ߘߌ߫ ߸ ߊ߬ ߣߌ߫ ߛߌ߬ߦߊ߬ߞߌ ߟߎ߬، ߣߎ߲߱ ߠߎ߫ ߟߋ߬ ߛߏ߲߫ ߞߓߊ ߟߎ߫ ߕߍ߰ ߟߊ߫ ߸ ߞߵߊ߬ߟߎ߬ ߞߍ߫ ߞߋ߬ߡߎ߲ ߕߍߡߊ߬ ߜߊ߲ߛߟߎ ߟߎ߬ ߟߊ߫ ، ߊ߬ߟߎ߬ ߘߌ߫ ߝߊ߲ ߝߍ߫ ߝߎߚߎ߫ ߸ ߝߏ߫ ߕߊ ߦߋ߫ ߢߊ߯ ߞߋ߬ߡߎ߲ ߠߊ߫ ، ߝߊ߲ ߝߍ ߕߎ߬ߡߊ ߸ ߊ߬ߟߎ߬ ߘߌ߫ ߛߏ߲߫ ߞߓߊ ߡߊߘߌߦߊ߫ ߘߐ߲ߞߟߌ ߟߎ߬ ߟߊ߫ ߸ ߞߴߏ߬ ߦߋ߫ ߦߋ߬ߟߋ߲߬ ߖߊ߰ߣߌ߬ ߞߊ߬ ߞߍ߫ ߣߍ߱ ߘߌ߫ ߸ ߥߟߊ߫ ߞߵߊ߬ߟߋ߬ ߛߐ߫ ߣߍ߱ ߟߊ߫ ، ߕߊ ߓߊ߯ ߢߊ߮ ߘߊߡߌ߬ߣߊ߬ ߞߋ߬ߡߎ߲ ߘߐ߫ ߸ ߊ߬ߟߎ߬ ߘߌ߫ ߝߊ߲ ߝߍ߫ ߓߟߏߞߊ߬ ߸ ߞߵߊ߬ ߕߏ߫ ߘߐ߲߬ߞߟߌ߬ߟߊ ߘߐߙߐ߲߫ ߡߊ߬. ߛߏ߲߫ ߞߓߊ ߡߊߘߌߦߊ߫ ߘߐ߲ߞߟߌ ߏ߬ ߘߏ߫ ߝߟߍ߫ ߣߌ߲߬:
ߘߎ߱ ߘߋ߲߫ ߝߟߐ، ߝߘߊ߫ ߜߍߟߺߍ߲߫ ߒ߬ ߧߴߌ߬ ߞߟߌ߫ ߟߊ߫، ߝߘߊ߫ ߞߎߘߺߺߺߺߺߎ߲߫،
ߒ ߧߴߌ ߡߊߘߌߦߊ߫ ߟߺߺߊ߫، ߝߘߺߺߺߊ߫ ߌ ߦߋ߫ ߞߍ߫ ߣߍ߱ ߘߌ߫، ߝߘߊ߫ ߞߎߘߺߺߺߎ߲߫،
ߞߺߺߍ߫ ߣߍ߰ߝߌ߲ ߘߺߺߌ߫، ߛߏ߲߫ ߞߓߺߺߊ߫ ߌ ߦߋ߫ ߦߟߍ߬ߡߊ߲߫ ߒ ߢߍ߫، ߝߘߊ߫ ߞߎߘߎ߲߫،
ߌ ߦߟߍ߬ߡߊ߲߫ ߖߊ߰ߣߌ߬، ߝߘߺߊ߫ ߜߍߟߺߺߍ߲߫ ߌ ߦߋ߫ ߞߍ߫ ߣߍ߱ ߘߌ߫، ߝߘߊ߫ ߞߎߘߺߺߺߎ߲߫،
ߌ ߞߍ߫ ߒ ߢߍ߫ ߣߍ߱ ߘߺߺߌ߫، ߝߘߺߺߊ߫ ߒ ߧߴߌ ߞߍ߫ ߘߊ߬ߓߊ ߘߌ߫، ߝߘߊ߫ ߞߎߘߎ߲߫
ߒ ߧߴߌ ߞߍ߫ ߡߎ߬ߙߎ ߘߺߌ߫، ߞߺߺߓߺߊ߫ ߞߵߌ߬ ߞߍ߫ ߓߌ߬ߢߍ ߘߌ߫، ߝߘߊ߫ ߞߎߘߺߺߎ߲߫،
ߘߍ߬ߡߍ߲߬ ߒ ߞߺߊ߲߬ ߖߊ߰ߣߌ߬، ߛߏ߲߫ ߞߺߓߺߊ߫ ߌ ߦߋ߫ ߒ ߛߐ߫ ߣߍ߱ ߟߊ߫، ߝߘߊ߫ ߞߎߘߺߎ߲߫،
ߘߎ߱ ߘߋ߲ߞߍ ߸ ߝߘߺߺߺߺߺߊ߫ ߛߺߎ߫ ߘߎ߱ ߘߋ߲߫ ߝߟߐ߫، ߞߓߊ߫ ߞߎߘߺߺߺߺߺߺߎ߲߫،
ߌ ߦߟߍ߬ߡߊ߲߫ ߣߍ߱ ߘߺߺߺߌ߫، ߝߺߺߘߺߊ߫ ߒ ߧߴߌ ߡߊߕߙߊ߫ ߟߊ߫، ߝߘߊ߫ ߞߎߘߺߺߺߺߺߎ߲߫،
ߒ ߓߴߌ ߖߊ߲ߛߊ ߟߋ߬، ߝߘߊ߫ ߜߍߟߺߍ߲ ߞߵߌ߬ ߛߐ߫ ߖߋ߬ߟߌ ߟߊ߫، ߝߘߊ߫ ߞߎߘߺߺߺߎ߲߫،
ߒ ߓߴߌ ߟߊߘߌߦߊ߫ ߟߋ߬ ߸ ߞߓߊ߫ ߛߺߎ߫ ߞߊ߬ ߒ ߘߋ߲ ߕߐ߯ߟߴߌ ߟߊ߫ ߸ ߝߘߊ߫ ߞߎߘߎ߲߫،
ߝߌߝߊ߬ ߝߌߝߺߺߺߊ߬، ߝߺߺߘߺߺߺߺߊ߫ ߝߌߝߊ߰ ߝߌߝߊ߯ ߸ ߝߘߊ߫ ߞߎߺߺߺߺߘߺߺߺߎ߲߫
ߓߊߙߌߞߊ߫ ߣߍ߱ ߟߊ߫، ߝߘߊ߫ ߛߺߺߺߺߺߎ߫ ߤߍ߲߫ ߌ ߖߊ߲ߛߊ ߟߺߺߺߺߊ߫، ߞߓߊ߫ ߞߎߺߺߺߘߺߺߎ߲߫.
ߞߙߏߞߏ ߟߎ߬
ߥߊ߯ߕߌ ߘߏ߫ ߟߊ߫ ߸ ߡߊ߲߬ߘߋ߲߫ ߣߎ߬ߡߎ߲ ߘߏ߫ ߟߎ߫ ߞߊ߬ ߣߍ߰ ߓߊ߯ߙߊ ߣߌ߫ ߦߙߌ߫ ߓߊ߯ߙߊ ߓߟߏߞߊ߬ ߝߋߎ߫ ߸ ߞߊ߬ ߦߟߍ߬ߡߊ߲ ߞߊ߬ ߞߍ߫ ߖߊ߬ߥߏ߬ ߞߍ߬ߟߊ ߟߎ߬ ߘߌ߫ ߸ ߏ߬ ߟߎ߫ ߟߋ߬ ߞߙߏߞߏ ߟߎ߬ ߘߌ߫.
ߣߎ߲߱ ߠߎ߬ ߘߌ߫ ߕߏ߫ ߝߊ߲ ߝߍ߫ ߟߊ߫ ߞߋ߬ߡߎ߫ ߠߊ߫ ߝߎߚߎ߫ ߸ ߝߏ߫ ߕߊ ߘߌ߫ ߢߊ߯ ߜߊ߲ߛߟߎ ߞߣߐ߫ ߞߊ߬ ߣߍ߱ ߦߋ߬ߟߋ߲߬ ߞߊ߬ ߓߐ߫ ߛߏ߫ ߞߓߊ߫ ߘߐ߫، ߏ߬ ߕߎ߬ߡߊ ߊ߬ߟߎ߬ ߓߘߊ߫ ߝߊ߲ ߝߍ߫ ߓߟߏߞߊ߬ ߞߊ߬ߙߌ߯ ߕߊ ߢߊ߯ ߕߎߡߊ ߟߊ߫ ߸
ߞߵߊ߬ ߕߏ߫ ߓߐ߰ߝߍ߬ ߝߢߐ߫ ߘߐߙߐ߲ ߡߊ߬، ߏ߬ ߘߌ߫ ߕߏ߫ ߞߎߟߎ߲ߞߎߟߎ߲ ߠߊ߫ ߝߐ߬ߟߍ ߟߎ߫ ߝߍ߬ ߛߊ߫ ߝߏ߫ ߞߊ߬ ߣߍ߱ ߦߋ߬ߟߋ߲߬ ߓߟߐߟߐߟߐ߫ ߣߎ߲߱ ߠߎ߬ ߦߋ߫ ߣߍ߱ ߏ߬ ߟߋ ߞߍ߫ ߟߊ߫ ߡߎ߬ߙߊ߲ ߠߎ߬ ߣߌ߫ ߓߊ߯ߙߊߟߊ߲ ߠߎ߬ ߣߌ߫ ߞߟߍ߬ߟߊ߲ ߠߎ߬ ߣߌ߫ ߡߐ߱ ߡߎߣߊ߲ߝߊ߲ ߝߋ߲ ߛߎ߮ ߓߍ߯ ߘߏ߫ ߘߌ߫، ߏ߬ ߝߋ߲ ߘߏ߫ ߟߎ߫ ߕߐ߮ ߝߟߍ߫ ߣߌ߲߬:
ߊ) ߝߐߟߌߝߋ߲ ߠߎ߬ ߦߏ߫: (ߘߊ߬ߙߏ، ߞߊ߬ߙߌ߬ߢߊ߲، ߛߍ߯ߛߍ߮، ߖߐߙߐ، ߞߍ߲ߞߍ߲، ߕߊߟߊ߲، ߥߎߙߋ߲)
ߋ) ߞߟߍ߬ߟߊ߲ ߠߎ߬ ߦߏ߫: (ߞߌ߲ߝߊ߲، ߛߐߜߍ، ߞߐ߬ߘߙߍ، ߛߌ߲ߜߌ߲، ߕߐ߰ߜߊߛߌ، ߕߊ߲ߓߊ، ߓߌ߬ߢߍ، ߡߏ߬ߙߌ߬ߝߊ، ߜߏ߬ߞߌ، (ߣߍ߰ ߝߎ߯ߟߊ) ߓߌߙߌ߲ߕߊ߲ (ߣߍ߰ ߘߙߌߞߌ)
ߌ) ߖߐ߯ߙߊ߲ ߠߎ߬ ߦߏ߫: (ߞߙߊ߬ߝߋ، ߣߍ߰ߛߋ߲، ߛߍ߬ߓߙߍ، ߞߏ߲ߓߘߊ، ߓߙߊߓߙߊ، ߞߏ߲ߓߘߊ، ߜߏ߯ߙߏ، ߞߏߢߌ߲، ߞߏ߲ߛߋ߲، ߓߋ߬ߜߊߟߌ، ߟߐ߬ߜߊߟߌ، ߡߌ߬ߘߊ߬ߜߊߟߌ.
ߍ) ߓߊ߯ߙߊߟߊ߲ ߠߎ߬ ߦߏ߫: (ߡߎ߬ߙߎ، ߘߊ߬ߓߊ، ߞߊ߬ߡߌ߬ߦߊ، ߕߋ߰ߙߊ߲ ߖߋ߲ߘߋ، ߕߏߘߌ، ߓߊ߬ߙߊ߲، ߕߐ߲߬ߘߐ، ߖߐߣߊ߲، ߛߐ߲߬ߓߍ، ߛߐ߲߬ߘߐ، ߟߏߦߌ، ߛߋ߲߬ߠߊ߲، ߛߏߟߌ، ߥߟߎ߬ߣߍ߲، ߓߟߊ߬ߣߍ߲، ߞߊ߬ߞߊ، ߛߊ߲ߘߌ، ߞߊߕߟߍ، ߟߛߍߟߊ߲، ߣߎ߰ߟߊ߲، ߓߟߐ߬ߙߋ߲، ߞߐ߲߬ߕߌ߲، ߞߊߙߌߢߊ߲، ߞߍ߲߬ߞߍ، ߞߡߋߛߎ، ߕߌ߬ߛߌߙߊ߲، ߘߏߟߋ߲، ߜߊߟߏ߲، ߡߛߊ߬ߞߊ، ߛߐ߰ߙߊ߲، ߛߘߌߓߊ، ߢߐߙߐ߲ߣߍ߲، ߖߟߐ߬ߞߐ، ߥߙߐ߬ߕߐ، (ߞߊ߬ߟߌ߬ߟߊ߲) ߛߊ߬ߦߌ߬ߟߊ߲، (ߡߌߛߋߟߌ، ߞߙߊߟߌߟߊ߲).
ߎ) ߛߌ߬ߦߊ߬ߞߌ ߟߎ߬ ߘߌ߫ ߣߍ߰ ߡߐ߬ߟߐ߲߬ߡߊ߫ ߞߏ߬ߙߌ߬ߞߏ߬ߙߌ߬ߓߊߟߌ ߟߎ߬ ߞߍ߫ ߡߊ߬ߛߘߌ ߟߎ߬ ߣߌ߫ ߡߊ߬ߖߐ߯ߙߊ߲ ߠߎ߬ ߘߌ߫، ߣߍ߰ ߡߐ߬ߟߐ߲߬ߡߊ ߏ߬ ߟߎ߫ ߟߋ߬ ߛߊߣߌ߲ ߣߌ߫ ߥߊߘߌ ߟߎ߬ ߘߌ߫ ߸ߊ߬ ߣߌ߫ ߞߏߟߏ߲ߛߏ߲߫ ߗߋ߲߰ߓߊ ߟߎ߬، ߣߊߟߌ߬ߡߎ߲߫ ߖߌ߬ߖߌ߬ߛߊߣߌ߲ ߣߌ߫ ߖߌ߬ߖߌ߬ߥߊߘߌ ߟߎ߬ ߘߌ߫، ߡߊ߬ߖߐ߯ߙߊ߲ ߏ߬ ߘߏ߫ ߟߎ߫ ߕߐ߮ ߝߟߍ߫: ((ߜߊߙߊ߲ߜߊߙߊ߲، ߞߐ߬ߦߌ߬ߣߍ߲، ߜߊ߲ߘߋ߲، ߞߊ߲ ߠߊ߫ ߞߟߏߣߍ߲، ߛߋ߲߬ ߠߊ߬ ߖߟߐߞߐ، ߊ߬ ߣߌ߫ ߕߟߏߘߐ ߟߎ߬، ߦߏ߫: ߛߎ߬ߡߊ߲ߕߌ، ߝߏ߰ߙߌ، ߖߌߛߎߘߎ߲، ߥߙߏߟߏ߲ߓߊ، ߥߢߍߡߍ، ߊ߬ ߣߌ߫ ߕߙߎ߬ߞߊ߲ ߣߌ߫ ߖߊ߲ߓߋ، ߣߌ߫ ߛߌߛߌߘߐ ߟߎ߬.
ߏ) ߊ߬ߟߋ߬ ߣߎ߲߱ ߠߎ߫ ߡߏ߬ߛߏ ߟߎ߬ ߘߌ߫ ߣߊ߰ߘߌ߬ ߓߐ߮ ߘߐߓߍ߲߬ ߡߎ߬ߙߊ߲ ߠߎ߬ ߘߌ߫، ߦߏ߫: ߘߊ߱، ߝߊߢߊ߲، ߝߊ߮، ߝߊ߯ߟߋ߲، ߓߟߍ، ߘߎߓߊߘߊ߮، ߘߎ߲، ߘߎ߲ߣߍ߲، ߘߎ߲ߞߊ߲ߖߊ߲، ߥߛߎߟߊ߲ߘߊ߮، ߛߌ߲ߞߏ، ߛߐ߬ߙߐ߲، ߢߌ߲߬ߘߌ߲، ߞߏ߬ߙߊ߬ߓߊ، ߞߋ߲߬ߘߊ߬ ߞߘߎ.
((ߖߊ߲ߕߏ߬ߒߘߐ)) ߛߏ߲߫ ߞߓߊ߫ ߥߊߟߢߌߡߊߟߐ߲ ߡߊ߬ ߸ ߣߎ߲߱ ߠߎ߫ ߘߋ߬ߙߌ߬ߣߍ߲ ߕߘߍ߬ ߛߏ߲߫ ߞߓߊ ߛߐ߫ ߟߊ߫ ߖߊ߲߬ߛߊ߬ߟߌ߬ ߝߋ߲ ߠߎ߬ ߟߊ߫ ߸ ߛߌ߬ߛߍ ߣߌ߫ ߥߏ߬ߙߏ ߣߌ߫ ߘߍ߱ ߟߎ߬، ߊ߬ ߣߌ߫ ߞߵߊ߬ߟߎ߬ ߘߋ߲߫ ߠߎ߬ ߕߐ߯ߟߊ߫ ߞߏ߫ (ߝߘߊ߫ ߞߎߘߎ߲ ߥߟߊ߫ ߝߙߊ߫ ߞߎߘߎ߲)
ߏ߬ ߞߐ߫ ߸ ߊ߲ ߓߋ߲ߓߊ ߟߎ߫ ߕߋ߬ߟߋ ߘߐ߫ ߸ ߣߎ߲߱ ߠߎ߬ ߟߊ߫ ߣߍ߰ߓߐ߬ ߓߊ߯ߙߊ ߟߊߡߌߣߌ߲ߣߍ߲߫ ߕߘߍ߬ ߘߏ߫ ߞߏ߫ ߟߎ߬ ߣߌ߫ ߖߌߣߊ߫ ߞߏ ߟߎ߬ ߣߌ߫ ߛߎߓߊ߯ߦߊ ߟߎ߫ ߟߋ߬ ߟߊ߫ ߸ ߊ߬ ߣߌ߫ ߘߓߌ߬ߘߐ߬ߦߊ߬ ߞߏ߬ ߛߌߦߊߡߊ߲، ߒ߬ߞߊ߬ ߛߌ߬ߟߡߊ߬ߦߊ ߟߐ߬ߞߎ ߛߊ߫ ߸ ߊ߬ ߣߌ߫ ߕߎ߬ߓߊ߬ߓߎ ߣߊ߭ ߡߍ߲ ߞߍߣߍ߲߫ ߣߍ߰ ߘߊߣߐ߲߮ ߘߌ߫ ߞߊ߬ ߜߊ߲߬ߛߟߎ߬ ߞߏ ߓߟߏߞߊ߬ ߸ ߏ߬ ߟߎ߫ ߟߋ߬ ߞߊ߬ ߣߎ߲߰ߦߊ ߘߏ߫ ߞߏ ߟߎ߫ ߝߊ߲ߞߊ ߘߐ߯ߦߊ߫ ߞߊ߬ߞߎ߬ߘߊ߬ ߥߊ߯ߕߌ ߢߌ߲߬ ߠߊ߫.
ߢߡߊ߬ߞߟߊ ߦߌߟߡߊ߫ ߂߲: ߦߙߌ߫ ߓߊ߯ߙߊߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߆߲:
ߦߙߌ߫ ߓߊ߯ߙߊ ߕߘߍ߬ ߞߎ߬ߟߋ ߟߎ߫ ߟߋ߬ ߓߟߏ߫، ߒ߬ߓߊ߬ ߏ߬ ߣߊ߬ ߘߊ߫ ߦߟߍ߬ߡߊ߲߫ ߝߊ߲ߓߟߊߣߎ߲߮ ߠߎ߬ ߟߊ߫ ߞߎ߲߬ߠߊ߬ ߢߊ ߡߍ߲ ߸ ߊ߲ ߓߍߣߵߏ߬ ߢߊߛߌߝߴߊߟߎ߫ ߢߍ߫ ߞߐߟߊ߫ ߸ ߣߌ߫ ߛߊ߲ ߓߟߌ߫ ߡߊ߯ߙߌ ߛߐ߲߬ ߘߊ߫.
ߝߊ߲ߓߟߊߣߎ߲߮ ߠߎ߬ ߦߋ߫ ߝߋ߲ ߡߍ߲ ߠߎ߬ ߟߊߘߊ߲ ߠߊ߫ ߦߙߌ߫ ߘߐ߫ ߸ ߏ߬ ߘߏ߫ ߟߎ߫ ߕߐ߮ ߝߟߍ߫:
ߊ) ߊ߬ߟߎ߬ ߘߌ߫ ߓߊ߯ߙߊߟߊ߲ ߠߎ߫ ߞߊ߬ߟߊ ߘߏ߲߬ ߦߏ߫: ߕߋ߰ߙߊ߲ ߣߌ߫ ߘߊ߬ߓߊ ߣߌ߫ ߞߊ߬ߡߌ߬ߦߊ ߣߌ߫ ߡߎ߬ߙߎ ߟߎ ߡߍߣߍ߲ ߠߎ߬ ߣߴߊ߬ߟߎ߬ ߜߍ߲ߛߍ߲ ߠߎ߬.)
ߋ) ߊ߬ߟߎ߬ ߘߌ߫ ߞߎߟߎ߲ ߠߎ߬ ߟߊߘߊ߲ ߦߙߌ߫ ߥߎ߬ߣߊ߲ߞߏߙߏ߲ ߜߊ߲ߞߊ߫ ߓߟߋߓߟߋ߫ ߟߎ߬ ߘߐ߫، ߦߏ߫: (ߞߎߟߎ߲ߙߋ߲، ߞߎߟߎ߲ߓߊ، ߜߋ߲߬ߜߋ، ߞߊ߲ߞߋ، ߒߝߊ߬ߝߋ߬ߙߋ.)
ߌ) ߊ߬ߟߎ߬ ߘߌ߫ ߛߌ߰ߟߊ߲ ߠߎ߬ ߣߌ߫ ߟߊߟߊ߲ ߠߎ߬ ߟߊߘߊ߲ ߝߍߙߍ߲ ߠߎ߬ ߘߐ߫، ߦߏ߫: ߥߊ߰ߣߍ߲، ߜߍ߬ߡߍ، ߛߍ߲߬ߡߍ، ߜߋ߲ߜߘߋ، ߞߎߘߎ߲، ߟߊߞߏ߲، ߞߏ߲ߕߏ، ߟߊߞߊ߬ߖߊ߲.
ߍ) ߊ߬ߟߎ߬ ߘߌ߫ ߡߛߏ߬ߦߊ߬ ߡߎߙߊ߲ ߠߎ߬ ߟߊߘߊ߲، ߦߏ߫: (ߝߙߊ، ߛߏ߲߬ߜߟߊ، ߥߟߋ߬ߞߋ، ߞߎߣߊ߲، ߓߌ߲ߞߊ، ߞߏ߬ߟߏ߲، ߞߏ߬ߟߏ߲߬ߞߊߟߊ߲).
ߎ) ߊ߬ߟߎ߬ ߘߌ߫ ߖߛߋ߬ ߘߊ߲ߠߊ ߟߊ߫ ߞߐ߬ߙߍ ߡߎߙߊ߲ ߠߎ߬ ߟߊߘߊ߲، ߦߏ߫: (ߞߎߟߎ߲ߘߋ߲، ߛߏ߬ߟߏ، ߞߝߊ، ߘߐ߲߬ߛߋ߲߬ߞߟߏߡߊ߲، ߥߟߊ߫ ߖߌ߲߯ߘߊߟߊ).
ߏ) ߊ߬ߟߎ߬ ߘߌ߫ ߓߊ߯ߙߊߟߊ߲ ߠߎ߬ ߟߊߘߊ߲، ߦߏ߫: ߥߊ߬ߟߊ، ߞߎߘߎ߲ߘߋ߲، ߥߎߘߋ߲، ߓߏ߲߬ߓߊߟߌ، ߦߙߌߛߏ، ߓߌ߬ߟߊ߬ߞߙߏ߬ߣߍ߲߫ ߞߣߐߘߐߘߌ، ߖߎ߬ߝߊ ߥߟߊ߫ ߖߎߓߊ).
ߐ) ߊ߬ߟߎ߬ ߘߌ߫ ߝߐߟߌߝߋ߲ ߠߎ߬ ߞߟߐ ߟߎ߬ ߟߊߘߊ߲، ߦߏ߫: (ߘߎ߬ߣߎ߲، ߖߋ߲߬ߓߋ، ߕߊ߬ߡߊ߲، ߕߊߓߟߊ، ߕߊߓߎߟߋ، ߛߊ߲ߜߊߣߍ߲، ߞߙߏߞߕߏ، ߞߏ߬ߣߌ߲߬ ߓߘߊ، ߓߟߊ، ߛߊ߲ߜߙߊ، ߖߊ߬ߥߎ߬ ߓߘߎ).
ߒ) ߊ߬ߟߎ߬ ߘߌ߫ ߖߏ߭ ߟߎ߬ ߣߌ߫ ߢߊߘߐ ߟߎ߬ ߣߌ߫ ߞߏ߬ߡߊ߬ߞߎ߲ ߣߌ߫ ߞߏ߲߬ߘߋ߲߬ ߞߎ߲ ߣߌ߫ ߖߌ߬ߦߊ߬ߘߐ ߟߎ߬ ߡߊߟߛߍ߫.
ߓ) ߊ߬ߟߎ߬ ߘߌ߫ ߓߏ߲ ߖߐ߯ߙߊ߲ ߠߎ߬ ߟߊߘߊ߲، ߦߏ߫: (ߞߏ߲، ߞߊ߲ߞߌߙߊ، ߞߏ߲ߞߏ߬ߟߏ߲).
ߢߡߊ߬ߞߟߊ ߦߌߟߡߊ߫ ߃߲: ߖߌߞߊ߲ ߓߊ߯ߙߊߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߇߲:
ߡߊ߲߬ߘߋ߲߫ ߞߊ߬ ߓߊߓߊ ߟߎ߬ ߣߌ߫ ߓߊߟߋ߲ ߠߎ߬ ߣߌ߫ ߞߎߟߎ߲ ߠߎ߬ ߓߍ߯ ߟߊߕߊ߬ߡߌ߲߬ ߢߡߊ߬ߞߟߊ ߡߍ߲ ߠߎ߫ ߡߊ߬ ߸ ߏ߬ ߟߎ߫ ߟߋ߬ ߛߡߐ߬ߣߐ ߟߎ߬ ߣߌ߫ ߜߏ߬ߛߏ ߟߎ߬ ߘߌ߫، ߊ߬ߟߎ߫ ߞߊ߬ ߘߊ߲ߞߊ߲ ߠߎ߬ ߣߌ߫ ߓߊ߫ ߡߐ߲ ߣߌ߫ ߖߌߞߊ߲ ߡߊߘߏߣߌ߲ߠߌ߲ ߣߌ߫ ߓߊ߫ ߟߊߕߍ߯ߟߌ ߟߎ߬ ߓߍ߯ ߘߏ߲߬ ߊ߬ߟߎ߫ ߟߋ߬ ߓߟߏ߫، ߏ߬ ߟߋ ߞߐߛߐ߲߬ ߸ ߣߌ߫ ߓߊ߫ ߕߍ߫ ߦߌߟߊ ߡߍ߲ ߸ ߊ߬ߟߎ߬ ߕߴߊ߬ߟߎ߬ ߡߊߞߍ߫ ߟߊ߫ ߦߋ߲߬ ߠߎ߬ ߘߐ߫ ߝߋߎ߫. ߊ߬ ߝߐ߫ ߣߴߊ߬ߟߎ߬ ߡߊ߬ ߏ߬ ߟߋ ߘߐ߫ ߞߏ߫ ߓߊߡߐ߮ ߟߎ߬.
ߤߊߟߌ߫ ߓߌ߬ ߸ ߌ ߓߊ߯ ߞߢߐ߫ ߡߊߟߐ߫ ߞߎ߲ߕߋ߮ ߞߊ߲߫ ߡߍ߲ ߝߏ߬ߟߌ߬ ߟߊ߬ߛߋ ߘߐ߫ ߡߊ߲߬ߘߋ߲߫ ߝߊ߲߬-ߊ-ߝߊ߲߬ ߞߏ߫ ((ߡߏߙߌ ߞߊ߲ߘߊ ߟߏ߯ߟߎ ߘߴߊߟߎ߫ ߝߏ߬ ߸ ߢߊ߬ߙߊ ߣߊ߯ߣߌ߲ ߘߴߊߟߎ߫ ߞߐ߲߬ߘߐ߲߬)) ߌ ߦߴߊ߬ ߟߐ߲߫ ߞߏ߫ ߓߊߓߊ߫ ߕߍ߫ ߏ߬ ߟߎ߬ ߓߘߊ ߸ ߓߊߟߋ߲ ߕߴߦߋ߲߬، ߏ߬ ߟߋ ߞߏߛߐ߲߬ ߸ ߊ߬ ߞߊ߬ ߢߊ߬ߙߊ ߦߙߌߞߊ ߘߊ߲߬ ߣߊ߯ߣߌ߲ ߡߊ߬، ߣߌ߫ ߡߍ߲ ߠߎ߬ ߦߋ߫ ߓߊ ߝߍ߬ ߛߊ߫ ߸ ߏ߬ ߟߎ߬ ߦߴߊ߬ ߝߐ߫ ߟߊ߫ ߝߏ߬ߟߌ߬ ߟߊ߬ߛߋ ߘߐ߫ ߟߋ߬ ߞߏ߫: [ߡߏߙߌ ߞߊ߲ߘߊ ߟߏ߯ߟߎ ߘߴߊߟߎ߫ ߝߏ߬ ߸ ߢߊ߬ߙߊ ߟߎ߬ ߘߴߊߟߎ߫ ߝߏ߬]
ߓߐߡߐ߮ ߟߎ߫ ߟߋ߬ ߖߍ߮ ߣߌ߫ ߞߊ߲ߖߏ ߣߌ߫ ߓߊ߲ߓߊ ߣߌ߫ ߡߊ߭ ߟߎ߫ ߡߌ߬ߘߊ߬ ߟߊ߫ ߓߊ ߟߎ߬ ߣߌ߫ ߞߐ߭ ߟߎ߬ ߣߌ߫ ߓߊߟߋ߲ ߠߎ߬ ߞߣߐ߫ ߸ ߞߊ߬ ߡߌ߬ߙߌ߲߬ߘߌ ߡߍ߬ߦߊ߬ߓߐ ߏ߬ ߟߎ߫ ߛߏ߬ߓߏ ߟߊ߫، ߦߙߐ ߡߍ߲ ߠߎ߬ ߡߐ߲ߠߌ߲ ߟߊߕߐ߲ߣߴߊ߬ߟߎ߫ ߡߊ߬ ߸ ߏ߬ ߟߎ߫ ߟߋ߬ ߘߊ߬ߟߊ ߟߎ߬ ߣߌ߫ ߘߏߘߊ ߟߎ߬ ߣߌ߫ ߜߍ߬ߘߍ߲߬ߜߍߘߍ߲ ߠߎ߬ ߘߌ߫.
ߓߊߡߐ߮ ߟߎ߬ ߡߊߟߐ߲ߣߍ߲ߓߊ ߟߋ߬ ߛߎߦߊ ߘߐ߫ ߸ ߞߏ߫ ߊ߬ߟߎ߬ ߦߴߊ߬ߟߎ߫ ߦߟߍ߬ߡߊ߲߬ ߠߊ߫ ߓߊ߲ߓߊ ߟߎ߬ ߘߌ߫ ߞߊ߬ ߥߊ߫ ߖߍ߯ ߘߏ߲߬ߣߍ߲ ߠߎ߫ ߡߌ߬ߘߊ߬ ߖߌ ߞߘߐ߫ ߝߘߊ߫ ߥߏ ߟߎ߬ ߟߊ߫، ߊ߬ ߣߴߊ߬ߟߎ߬ ߦߋ߫ ߛߎߓߊ߯ߦߊ ߞߍ߫ ߟߊ߫ ߞߊ߬ ߥߊ߫ ߓߊ߲ߓߊ߬ ߓߟߋߓߟߋ ߟߎ߫ ߛߘߌ߬ ߖߌ߫ ߞߘߐ߫ ߝߊߟߊ߲ ߠߎ߬ ߟߊ߫ ߞߊ߬ ߓߐ߫ ߏ߬ ߟߎ߬ ߢߣߊߡߊ ߘߌ߫.
ߓߊߡߐ߮ ߟߎ߬ ߡߊߟߐ߲ߣߍ߲ ߖߍ߯ ߞߟߏ߫ ߟߞߊߘߌ ߝߣߊ߫ ߘߐ߫ ߞߏߛߓߍ߫، ߓߊ ߊ߬ߟߎ߬ ߓߴߛߋ߫ ߖߍ߯ ߞߟߏߡߊ ߟߎ߫ ߡߐ߬ߣߍ߲ ߣߌ߫ ߞߌߣߌ߲ ߘߏ߲߰ ߠߊ߫ ߢߐ߲߮ ߠߊ߫ ߸ ߝߏߦߌ ߘߏ߲߬ ߕߍ߫ ߖߵߊ߬ߟߎ߬ ߞߊ߲ ߘߐ߫، ߊ߬ ߣߌ߫ ߝߣߊ߫ ߸ ߖߍ߯ ߞߟߏ ߓߊ߯ ߖߊ߬ ߡߐ߱ ߡߍ߲ ߞߊ߲ ߘߐ߫ ߸ ߊ߬ߟߎ߬ ߘߴߏ߬ ߓߙߐ߫ ߞߊ߬ ߞߟߏ ߟߊߖߌ߰ ߌ ߞߘߐ߫ ߕߋ߲߬، ߕߎ߬ߢߊ ߞߏ߬ߣߌ߲ ߦߋ߫ ߞߟߏ߫ ߓߙߐ߫ ߞߙߌߛߌ ߏ߬ ߘߐ߫ ߝߊ߯ߛߌ، ߓߊ ߏ߬ ߞߙߌߛߌ ߘߌߡߊ߲ ߡߍ߲ ߦߋ߫ ߒߠߋ ߖߍ߬ߘߍ ߞߣߐ߫ ߸ ߒ ߓߘߊ߫ ߞߟߏ߫ ߛߌߦߊߡߊ߲ ߓߙߐ߫ ߏ߬ ߟߊ߫ ߞߵߊ߬ߟߎ߬ ߟߊߖߌ߰ ߏ߬ ߦߌߟߊ ߞߋߟߋ߲ ߡߎ߰ߡߍ ߘߐ߫.
ߢߡߊ߬ߞߟߊ ߦߌߟߡߊ߫ ߄߲: ߝߐߟߌߝߋ߲ ߟߊߥߍ߲ߖߍߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߈߲:
ߡߊ߲߬ߘߋ߲߫ ߞߊ߬ ߖߋ߬ߟߌ ߟߎ߫ ߟߐ߬ ߝߐߟߌߝߋ߲ ߠߊߕߏߟߏ߲ ߣߌ߫ ߘߐ߲߬ߞߟߌ߬ߟߊ ߣߌ߫ ߘߐ߲߭ ߠߎ߬ ߖߍ߲ߓߍ߲ߛߌ߮ ߟߊ߫ ، ߛߌ߫ ߛߌߦߊߡߊ߲ ߦߋ߫ ߖߌ߬ߟߌ߬ߦߊ ߘߐ߫ ، ߒ߬ߞߊ߬ ߖߌ߬ߟߌ ߔߌߦߐߔߌߦߐ ߦߋ߫ ߞߎߦߊߕߍ ߟߋ߬ ߘߌ߫ ، ߊ߰ ߝߐ߫ ߟߊ߫ ߏ߬ ߟߋ ߘߐ߫ ߸ ߞߏ߫ ߖߋ߬ߟߌ߬ ߡߊ߫ ߞߎߦߊߕߍ߫ ߓߐ߫ ، ߞߊ߬ߕߎ߲߯ ߸ ߛߌ߫ ߛߘߍߡߊ߲ ߦߋ߫ ߡߊ߲߬ߘߋ߲߫ ߸ ߏ߬ ߓߍ߯ ߖߋ߬ߟߌ ߣߴߊ߬ ߣߎ߬ߡߎ߲ ߣߴߊ߬ ߕߏ߲ߕߌ߮ ߦߴߊ߬ ߘߐ߫ ߟߋ߬ ، ߡߌ߬ߛߊ߬ߟߌ߬ ߘߐ߫ ߸ ߦߏ߫ ߞߙߏ߬ߡߊ ، ߏ߬ ߖߋ߬ߟߌ ߦߴߊ߬ ߘߐ߫ ߸ ߊ߬ ߣߎ߬ߡߎ߲ ߦߴߊ߬ ߘߐ߫ ߸ ߊ߬ ߕߏ߲ߕߌ߮ ߦߴߊ߬ ߘߐ߫ ، ߏ߬ ߘߏ߲߬ ߞߋߟߋ߲ ߕߍ߫ ، ߡߊ߲߬ߘߋ߲߫ ߛߌ߫ ߛߌߦߊߡߊ߲ ߦߋ߫ ߕߋ߲߬ ߛߌߛߍ߲߬ . ߞߎߦߊߕߍ ߟߋ߬ ߞߋߟߋ߲ ߝߋ߲ ߜߘߍ߫ ߕߴߊ߬ ߘߐ߫ ߝߏ߫ ߊ߬ ߖߋ߬ߟߌ، ߝߏ߫ ߊ߬ ߢߊ߬ߙߊ ߘߐߙߐ߲߫، ߏ߬ ߘߐ߫ ߸ ߢߡߊ߬ߞߟߊ߫ ߓߍ߯ ߦߋ߫ ߢߊ߬ߙߊ ߟߋ߬ ߘߌ߫ ߛߊ߫ ߸ ߒ߬ߞߵߊ߬ ߝߐߣߍ߲ ߛߌ߫ ߟߊ ߘߐ߫ ߸ ߖߋ߬ߟߌ ߟߋ߬ ߢߊ߬ߙߊ ߖߍ߬ߘߍ ߖߍ߬ߘߍ ߘߌ߫، ߖߋ߬ߟߌ ߓߍ߯ ߝߣߊ߫ ߦߋ߫ ߢߊ߬ߙߊ ߟߋ߬ ߘߌ߫ ߖߐ߫ ߸ ߓߊ߬ߙߌ߬ ߢߊ߬ߙߊ ߔߌߦߐߔߌߦߐ߫ ߦߋ߫ ߞߎߦߊߕߍ ߟߋ߬ ߘߌ߫. ߖߋ߬ߟߌ ߞߍߣߍ߲ ߢߊ߬ߙߊ ߖߍ߬ߘߍ ߖߍ߬ߘߍ ߘߌ߫ ߢߊ߬ߙߊ ߕߐ߭ ߟߎ߬ ߕߍߡߊ ߟߋ߬ ߸ ߓߊߏ߬ ߘߊߘߐߥߛߊ߫ ߞߏ߫ ߓߍ߯ ߟߊߣߍ߲ ߘߐ߲߬ߞߟߌ߬ߟߊ ߣߌ߫ ߖߡߊ߬ ߘߐ߬ ߞߎߡߊ ߘߊߘߐߘߌߦߊ߫ ߡߟߋ߬ߞߎ߬ߡߟߋߞߎ ߡߍ߲ ߠߎ߫ ߞߊ߲߬ ߸ ߏ߬ ߟߎ߬ ߦߋ߫ ߖߋ߬ߟߌ ߟߎ߫ ߟߋ߬ ߘߎ߲߬ߘߎ߬ߡߊ ߘߌ߫.
ߢߡߊ߬ߞߟߊ ߕߐ߭ ߟߎ߫ ߟߋ߬ ߟߐ߬ߣߍ߲ ߢߟߊߞߌߦߊ߫ ߓߊ߯ߙߊ ߟߎ߬ ߣߌ߫ ߞߎ߬ߛߊ߲ߧߊ߬ ߗߋ ߟߎ߬ ߟߊ߫ ߸ ߞߊ߬ ߖߋ߬ߟߌ ߟߎ߬ ߘߐߙߐ߲߫ ߟߐ߬ ߦߟߌߟߊߡߌߛߍ߲ߧߊ߫ ߞߏ߫ ߟߎ߬ ߟߊ߫ ߸ ߣߊߟߌ߬ߡߎ߲߫ ߘߐ߲߬ߞߟߌ߬ ߘߐ߬ߓߍ߲ ߠߎ߬ ߣߌ߫ ߝߐߟߌߝߋ߲ ߟߊߥߍ߲ߖߍ ߟߎ߬ ߣߌ߫ ߞߟߍ߬ ߓߊ߲ ߠߎ߬ ߣߌ߫ ߝߊ߬ߘߋ߲߬ߡߊ ߟߎ߬ ߕߍ߫ ߘߐߓߍ߲ ߠߎ߬ ߣߌ߫ ߝߘߎ߫ ߛߐ߲ߞߐߟߐ߲ߧߊ ߟߎ߬ ߣߌ߫ ߞߊ߬ߣߌ߲߬ ߛߐ߲߬ߞߐ߬ߟߐ߲߬ߧߊ ߟߎ߬. ߊ߬ߟߋ߬ ߖߋ߬ߟߌ ߟߎ߫ ߟߋ߬ ߘߐ߲߭ ߠߎ߬ ߣߌ߫ ߢߣߊߕߍ߮ ߟߎ߬ ߘߐߘߌߦߊ߫ ߟߊ߫، ߦߏ߫ (ߛߏ߬ߟߌ ߣߌ߫ ߝߌ߬ߘߊ ߣߌ߫ ߞߊ߬ߛߊ ߣߌ߫ ߝߊߘߌߝߊߘߌ ߣߌ߫ ߞߢߐ߫ ߞߏ߫ ߣߌ߫ ߘߋ߲ߠߊߓߐ ߣߌ߫ ߓߙߊߘߐߛߊ ߣߌ߫ ߡߊ߲߬ߛߊ߬ ߟߊ߬ߛߌ߮ ߣߌ߫ ߡߊ߲߬ߛߊ߬ ߟߊ߬ߓߍ߲ ߣߌ߫ ߥߎ߬ߘߎ ߛߎ߮ ߓߍ߯، ߊ߬ߟߎ ߟߋ߬ ߝߎߣߎ߲ߞߋ ߗߍ߬ߡߊ߲ ߣߴߊ߬ ߡߛߏ߬ߡߊ߲ ߠߊ߫ ߖߡߊ߬ߣߊ߬ߞߍ ߢߊ߯ߢߊ߮ ߣߴߊ߬ ߢߣߊߕߍ߮ ߣߴߊ߬ ߕߏߟߏ߲ ߣߴߊ߬ ߢߣߊߜߍ ߡߎ߰ߡߍ ߘߐߘߌߦߊ߫ ߟߊ߫ ߘߐ߲߬ߞߟߌ߬ ߘߌߡߊ߲ ߠߎ߬ ߣߌ߫ ߝߐߟߌߝߋ߲߫ ߞߊ߲ ߘߌߡߊ߲ ߛߎ߮ ߓߍ߯ ߟߊ߫.
ߘߎ߬ߣߎ߲ ߣߌ߫ ߖߋ߲߬ߓߋ ߣߌ߫ ߛߊ߲ߜߊߣߍ߲ ߠߎ߬ ߓߐ߲߯ߕߍ߫ ߸ ߊ߬ߟߎ ߟߋ߬ ߝߐߟߌߝߋ߲ ߕߐ߭ ߓߍ߯ ߟߊߥߍ߲ߖߍ߫ ߟߊ߫، ߦߏ߫:((ߓߟߊ، ߞߏ߬ߣߌ߲، ߘߊ߲߭، ߛߐߙߐ߲، ߞߏߙߊ، ߓߐ߬ߟߐ߲، ߕߊߣߊ߲، ߕߊ߬ߡߊ߲، ߘߊ߬ߙߏ، ߞߊ߬ߙߌ߬ߢߊ߲، ߝߎ߬ߟߋ، ߞߎߡߊ߲ߓߘߎ، ߛߏ߬ߞߏ )) ߊ߬ߟߎ߬ ߘߌ߫ ߘߐ߲߬ߞߟߌ߬ ߘߌߡߊ߲ ߠߎ߬ ߟߊ߫ ߸ ߞߊ߬ ߞߍ߬ߟߍ ߘߐ߫ ߗߍ߬ߝߊߘߌ߲ ߣߴߊ߬ ߣߌ߲߬ߞߌ߲ ߣߴߊ߬ ߥߊ߬ߣߊ ߟߎ߬ ߘߐߓߏ߲ ، ߞߊ߬ ߓߊ߯ߙߟߊ߫ ߞߌߛߍ ߟߎ߬ ߣߴߊ߬ ߞߎ߬ߛߊ߲߬ߓߊ ߟߎ߬ ߣߌ߫ ߓߊ߬ߣߊ߫ ߣߊ߲߬ߝߟߏ߬ߓߊ߬ ߕߌ߮ ߟߎ߬ ߡߊߕߐ߯ ߓߊߘߌߓߊߘߌ߫ ، ߞߊ߬ ߡߊ߲߬ߛߊ ߟߎ߬ ߣߌ߫ ߝߊ߲߬ߡߊ ߟߎ߬ ߣߌ߫ ߞߎ߲߬ߕߌ߮ ߣߌ߫ ߛߏ߬ߝߊ߬ߞߎ߲ ߠߎ߬ ߣߌ߫ ߛߘߊߡߊ ߟߎ߬ ߣߌ߫ ߟߐ߲ߣߌ߲ߠߊ߫ ߞߏ߲ߓߏ ߟߎ߬ ߡߓߊߟߌߡߊ߫ ، ߊ߬ ߣߌ߫ ߞߊ߬ ߡߐ߰ ߘߐ߬ߜߍ ߟߎ߫ ߝߊ߭ ߟߎ߬ ߣߴߊ߬ߟߎ߬ ߓߋ߲ߓߊ ߟߎ߫ ߝߊ߬ߛߊ ߟߎ߬ ߣߴߊ߬ߟߎ߬ ߡߊ߲߬ߞߕߎ߬ ߢߌߡߊ ߟߎ߬ ߟߊߞߊ߬ߟߌ߬ ، ߊ߬ߟߎ߬ ߘߌ߫ ߝߊ߬ߛߏ ߖߊ߲ߖߏ߬ߓߊ ߟߎ߫ ߓߊ߬ߘߏ ߟߎ߬ ߞߍ߫ ߡߌ߬ߙߌ߲߬ߘߌ ߢߍ߫ ߛߐ߲߬ ، ߊ߬ߟߎ߬ ߘߌ߫ ߛߊ߬ߟߊ ߟߎ߬ ߣߌ߫ ߖߊߝߏߣߍ߲ ߠߎ߬ ߣߌ߫ ߖߊߓߊ߯ߕߐ ߟߎ߬ ߣߌ߫ ߖߌߕߐ ߟߎ߬ ߣߊ߬ߣߌ߲߫ ߸ ߞߵߊ߬ߟߎ߬ ߖߓߍ߫ ߸ ߞߵߊ߬ߟߎ߬ ߕߌߢߍ߫ ߸ ߞߵߊ߬ߟߎ߫ ߡߊ߲߬ߞߕߎ ߖߎ߯ߦߊ ، ߞߊ߬ ߕߍ߯ߜߍߟߍ߲ ߠߎ߬ ߣߌ߫ ߛߎߛߋߒߜߏ ߟߎ߬ ߣߌ߫ ߖߎ߯ߡߊ߲ߒߕߋ ߟߎ߬ ߘߓߐ߫ ߸ ߞߵߊ߬ߟߎ߫ ߓߐ߬ߘߍ߬ߓߐ߫ ߸ ߞߵߊ߬ߟߎ߬ ߟߊߝߍߦߊ߫ ، ߞߊ߬ ߓߟߏߞߏߟߏ߲ ߠߎ߬ ߣߌ߫ ߕߍ߯ߜߍ߲ ߠߎ߬ ߣߌ߫ ߘߐ߰ߕߐ ߟߎ߬ ߣߌ߫ ߝߊ߲ߒߕߊ߲ ߠߎ߬ ߡߊߓߙߎ߬ߕߌ߫ ߸ ߞߵߊ߬ߟߎ߬ ߟߊߡߐߣߍߓߐ߫، ߞߊ߬ ߖߋ߬ߟߌ߬ ߛߐ߬ߓߊߟߌ ߟߎ߬ ߟߊߡߊ߬ߟߏ߬ߦߊ߬ ߞߊ߲ ߠߎ߬ ߣߴߊ߬ߟߎ߫ ߞߎ߲߬ߘߐ߬ߘߌ߬ߦߊ߬ ߞߊ߲ ߠߎ߬ ߣߴߊ߬ߟߎ߬ ߘߐߜߊ߬ߛߌ߬ ߞߊ߲ ߠߎ߬ ߝߐ߫ ، ߞߊ߬ ߝߎߣߎ߲ߛߙߋ ߟߎ߬ ߣߌ߫ ߖߋ߬ߟߌ߬ ߛߐ߬ߟߊ ߟߎ߬ ߣߌ߫ ߞߡߊ߬ߙߊ߬ߒߞߋ ߟߎ߬ ߞߏߢߌߡߊߟߐ߲߫ ߞߊ߲ ߠߎ߫ ߣߴߊ߬ߟߎ߬ ߞߎ߲߬ߣߊ߬ߦߋ߬ߙߋ߲߬ ߞߊ߲ ߠߎ߬ ߝߐ ߟߞߊ߬ߟߌ߬ߟߌ߫ ߘߊ߲ߣߊߕߊ߬ߡߌ߲߬ߣߍ߲ ߘߐ߫ . ߊ߬ߟߎ߬ ߘߌ߫ ߤߊ߬ߙߌ߬ߖߍ߰ ߢߌߣߌ߲ ߖߘߍ߬ ߣߌ߬ ߡߊ߬ߞߊ߬ߘߊ߲߬ ߞߊ߲ ߠߎ߬ ߝߐ߫ ߞߵߏ߬ ߟߎ߬ ߘߐߘߌߦߊ߫ ߢߊ ߓߍ߯ ߡߊ߬، ߊ߬ߟߎ߬ ߘߌ߫ ߥߊߟߌߢߌߡߊ߫ ߞߘߐ ߟߎ߬ ߞߎ߲߬ߘߐߖߊ߲ߧߊ߬ ߝߎߚߎ߫ ߞߵߊ߬ ߓߌ߬ߟߊ߬ ߞߎߘߊ߫ ߢߌߣߌ߲ ߘߐ߫.
ߖߋ߬ߟߌ ߟߎ߫ ߟߋ߬ ߡߊ߲߬ߘߋ߲߫ ߘߐ߬ߛߙߋ߬ ߝߙߏߞߏ ߟߎ߬ ߣߴߊ߬ ߞߎߡߊ ߓߏ߲ߘߏ߲ ߠߎ߬ ߘߌ߫ ، ߊ߬ ߣߴߊ߬ ߛߊ߬ߙߌ߬ߦߊ߬ ߞߘߐ߬ ߟߊߡߙߊ߬ ߟߊ߫ ߟߎ߬ ߣߴߊ߬ ߞߏ߫ ߞߘߐ߫ ߟߘߊߙߏߟߊ ߟߎ߬ ߘߌ߫ ، ߣߴߊ߬ߟߎ߬ ߕߍ߫ ߸ ߡߊ߲߬ߘߋ߲߫ ߘߐ߬ߝߐ ߣߴߊ߬ ߟߊ߲ߘߊ ߝߊ߲ߓߊ ߕߎ߲߬ ߘߌ߫ ߕߎߣߎ߲ ،ߏ߬ ߞߐ߫ ߸ ߡߊ߲߬ߘߋ߲߫ ߝߊ߬ߘߋ߲߬ߧߊ߫ ߜߍ߬ߟߍ߲߬ߡߊ߲߫ ߢߊ ߡߍ߲ ߸ ߣߌ߫ ߖߋ߬ߟߌ ߟߎ߬ ߟߊ߫ ߕߍߘߏ߲ߠߌ߲ ߕߍ߫ ߸ ߣߴߊ߬ߟߎ߬ ߟߊ߫ ߕߍߘߐߓߍ߲ ߞߏߢߌߡߊ ߕߍ߫ ߸ ߛߊ߫ ߓߌ߬ߡߊ߫ ߡߊ߲߬ߘߋ߲ ߠߎ߬ ߓߊ߲߫ ߢߐ߲߮ ߝߊ߰ ߟߊ߫ ߝߊ߬ߘߋ߲߬ߧߊ ߕߍߜߟߍߦߊ߫ ߞߟߍ߫ ߟߎ߬ ߟߊ߫. ߖߋ߬ߟߌ ߟߎ߫ ߟߋ߬ ߡߊ߲߬ߛߊ ߟߎ߬ ߣߌ߫ ߝߊ߲߬ߡߊ ߟߎ߬ ߓߐ߫ ߟߊ߫ ߞߏ߫ ߞߏߙߏ߲ ߠߎ߬ ߣߌ߫ ߛߐ߲߬ ߖߎ߮ ߟߎ߬ ߣߌ߫ ߞߘߊ߬ߜߟߍ߬ߦߊ ߘߊ߬ߣߊߕߊ߬ߡߌ߲߬ߣߍ߲ ߠߎ߫ ߞߊ߲߬ ، ߊ߬ ߣߌ߫ ߞߵߊ߬ߟߎ߬ ߟߊߕߋߟߋ߲ ߛߊ߬ߙߌ߬ߦߊ߬ ߕߋߟߋ߲ߣߍ߲ ߠߎ߬ ߣߌ߫ ߛߌߟߊ߫ ߓߘߍ ߟߎ߫ ߞߊ߲߬ ، ߓߊ ߊ߬ߟߎ߬ ߟߋ߬ ߞߍ߫ ߟߊ߫ ߡߊ߲߬ߛߊ ߟߎ߬ ߘߟߊߡߌߘߟߊ ߟߎ߬ ߣߴߊ߬ߟߎ߬ ߞߐߓߌߟߊߘߋ߲ ߣߴߊ߬ߟߎ߬ ߞߏߟߊߕߍ߯ߢߐ߲߮ ߠߎ߬ ߘߌ߫ ، ߏ߬ ߟߋ ߞߏߛߐ߲߬ ߊ߬ߟߎ߬ ߦߋ߫ ߕߏ߫ ߟߊ߫ ߖߡߊ߬ߣߊ ߞߊ߬ߞߘߐ ߟߎ߬ ߣߴߊ߬ߟߎ߬ ߛߌ߰ߞߊ߲ ߠߎ߬ ߣߴߊ߬ߟߎ߬ ߣߊߡߎ߲ ߠߎ߬ ߣߴߊ߬ߟߎ߬ ߘߐ߬ߝߐ ߟߎ߫ ߘߙߎ߬ߛߌ߬ ߟߊ߫ ߞߵߊ߬ߟߎ߫ ߕߊ߲߬ߞߊ߬ ߊ߬ߟߎ߫ ߞߎ߲߬ߘߐ߫ ߛߐ߲߬ ߜߘߋߜߘߋ߫ ߸ ߞߊ߬ ߕߴߏ߬ ߟߎ߬ ߘߐߛߊߙߌ߫ ߟߊ߫ ߜߊ߬ߙߊ ߟߎ߬ ߣߌ߫ ߟߊ߬ߘߍ ߟߎ߬ ߣߌ߫ ߓߊ߬ߘߏ߬ߘߊ ߟߎ߬ ߘߐ߫ ߛߍߣߍ߲߬ߛߊ߫. ߖߋ߬ߟߌ ߟߎ߫ ߛߋ߲߬ߓߐ߬ߣߍ߲ ߖߋ߲ߓߋ ߟߎ߬ ߣߌ߫ ߘߎ߬ߣߎ߲ ߠߎ߬ ߣߌ߫ ߛߊ߲ߜߊߣߍ߲ ߠߎ߬ ߝߐ ߘߐ߫ ߟߋ߬ ߸ ߓߊ ߏ߬ ߟߎ߬ ߦߋ ߝߐ߫ ߟߊ߫ ߖߏ߬ ߛߐ߬ߘߊ ߟߎ߬ ߣߌ߫ ߘߏ߫ ߝߋ߲ ߠߎ߬ ߟߊߓߐ߫ ߦߌߟߊ ߟߎ߫ ߟߋ߬ ߘߐ߫، ߣߊߟߌ߬ߡߎ߲߫ ߞߏ߬ߡߊ ߟߎ߬ ߣߌ߫ ߖߊ߬ߘߊ ߟߎ߬ ߣߌ߫ ߣߡߊ߬ߛߟߎߞߎ ߟߎ߬ ߣߌ߫ ߛߏߟߌ߫ ߥߎߟߋ߲ ߠߎ߬ ߘߌ߫، ߖߋ߬ߟߌ ߟߎ߫ ߘߏ߲߬ ߕߴߊ߬ ߝߍ߫ ߞߵߏ߬ ߟߎ߬ ߦߋ߫ ߸ ߏ߬ ߟߎ߫ ߕߌ߱ ߟߎ߬ ߝߣߊ߫ ߕߴߊ߬ ߝߍ߬ ߝߋߎ߫ ߖߋ߬ߟߌ ߟߎ߬ ߢߊ ߦߋ߫ ߟߴߊ߬ߟߎ߬ ߟߊ߫ ߘߏ߫ ߝߋ߲ ߏ߬ ߟߎ߬ ߞߊ߲߬، ߞߏ߫ ߓߊߏ߬ ߖߋ߬ߟߌ ߟߎ߬ ߘߊ ߛߌߦߊߡߊ߲ ߞߏߖߎ߯ߦߊ.
ߖߋ߬ߟߌ ߟߎ߫ ߟߋ߬ ߝߊ߲߬ߞߊ ߣߊ߬ ߘߊ߫ ߥߙߊ߬ ߞߐ ߟߊ߫ ߝߎߚߎ߫ ߝߏ߫ ߞߊ߬ ߢߡߊ߬ߞߟߊ ߕߐ߭ ߟߎ߬ ߟߊߥߏߟߏ߫ ߞߵߊ߬ߟߎ߫ ߣߌ߭ ߣߴߊ߬ߟߎ߫ ߟߐ߬ߦߌߟߊ ߓߍ߯ ߓߏ߬ߛߴߊ߬ߟߎ߬ ߟߊ߫. ߥߊߛߏߟߏ߲ ߖߊ߰ߕߙߊ ߟߎ߫ ߟߋ߬ ߡߊ߫ ߞߍ߫ ߖߋ߬ߟߌ ߟߎ߬ ߟߊ߫ ߞߏ ߘߐ߫ ߝߛߍߞߘߎ߫، ߞߏ߫ ߊ߬ߟߎ߬ ߞߏߢߌߡߊߟߐ߲ߓߊߟߌ߫ ߸ ߊ߬ߟߎ߬ ߕߍ߫ ߥߛߊ߫ ߟߊ، ߓߊ ߊ߬ߟߎ߬ ߕߍ߫ ߓߊ߯ߙߊ ߜߘߍ߫ ߞߍ߫ ߟߊ߫ ߕߙߊߟߌ ߞߐ߫، ߡߍ߲ ߓߊ߯ ߊ߬ߟߎ߬ ߛߐ߫ ߓߌ߬ ߸ ߣߴߏ߬ ߡߴߊ߬ߟߎ߬ ߛߐ߫ ߛߌߣߌ߲߫ ߏ߬ ߕߍ߫ ߓߍ߲߬، ߓߊ ߊ߬ߟߎ߫ ߡߎ߬ߛߊ߬ߞߊ ߓߍ߬ ߦߋ߫ ߛߐ߬ߘߐ߲߬ ߠߊ߫ ߕߙߊߟߌ ߟߋ߬ ߘߐ߫. ߏ߬ ߟߋ ߞߐߛߐ߲߬ ߥߊߛߏߟߏ߲ߞߊ ߟߎ߬ ߟߊ߫ ߢߡߊ߬ߞߟߊ ߛߊ߬ߥߏߘߏ߲߬ߣߍ߲ ߦߴߊ߬ߟߎ߫ ߛߊ߬ߣߊ߲ߞߎ߲߫ ߣߎ߬ߡߎ߲ ߠߎ߫ ߟߋ߬ ߘߐ߫ ߸ ߏ߬ ߟߎ߬ ߡߍ߲ ߠߎ߬ ߦߋ߫ ߓߊߟߏ߫ ߟߴߊ߬ߟߎ߫ ߥߊ߬ߛߌ ߘߐ߫.
ߡߐ߱ ߟߎ߬ ߦߋ߫ ߖߌ߰ ߟߊ߫ ߖߋ߬ߟߌ ߟߎ߬ ߟߊ߫ ߞߏ ߡߍ߲ ߠߎ߬ ߘߐ߫
ߤߊ߲ߞߟߌߡߊ ߟߎ߬ ߦߋ߫ ߖߌ߰ ߟߊ߫ ߖߋ߬ߟߌ ߟߎ߬ ߟߊ߫ ߞߵߊ߬ߟߎ߫ ߖߙߊ߬ߞߌ ߞߏ߫ ߘߊ߲ߘߐ ߢߌ߲߬ ߠߎ߫ ߟߋ߬ ߘߐ߫:
ߊ) ߊ߬ ߝߟߐ ߟߴߊ߬ߟߎ߫ ߓߊ߲߭ ߘߌ߫ ߓߊ߯ߙߊ ߓߍ߯ ߡߊ߬ ߞߊ߬ ߕߏ߫ ߕߙߊߟߌ ߘߐߙߐ߲ ߠߊ߫ ߥߊ߯ߕߌ ߓߍ߯ ߟߊ߫.
ߋ) ߖߋ߬ߟߌ ߟߎ߬ ߟߊ߫ ߢߡߊ߬ߞߟߊ ߦߋ߫ ߝߌ߬ߣߊ ߣߌ߫ ߞߊߙߊ߲ߞߋ ߡߍ߲ ߠߎ߬ ߘߌ߫ ߸ ߊ߬ߟߎ߬ ߕߍ߫ ߛߐ߲߬ ߠߊ߫ ߏ߬ ߟߎ߬ ߛߐ߫ ߟߊ߫ ߸ ߊ߬ߟߎ߬ ߕߴߏ߬ ߟߎ߫ ߟߐ߬ߦߌߟߊ ߘߌ߫ ߟߴߊ߬ߟߎ߫ ߡߊ߬، ߏ߬ ߟߎ߫ ߟߐ߬ߦߌߟߊ ߦߋ߫ ߞߏ߫ ߞߋߟߋ߲ ߔߋ ߡߍ߲ ߘߌ߫ ߸ ߊ߬ߟߎ߬ ߓߊ߯ ߥߊ߫ ߖߋ߬ߟߌ ߕߘߍ߬ ߢߡߊ߬ߞߟߊ߬ߦߊ ߟߊ߫ ߟߊ߬ߡߊ߮ ߝߋ߲-ߋ-ߝߋ߲߬ ߘߊߞߎ߲ ߘߐ߫ ߸ ߏ߬ ߦߴߏ߬ ߟߊߕߊ߬ߡߌ߲ ߊ߬ߟߎ߫ ߡߊ߬ ߕߋ߲߬ ߘߏߦߌ߲߫.
ߌ) ߊ߬ ߤߙߐ߫ ߞߏߙߏ߲ ߘߏ߫ ߟߎ߫ ߗߋ ߟߋ߬ ߡߍ߲߬ߘߍ߬ߦߊ ߘߌ߫ ߸ ߞߊ߬ ߕߏ߫ ߡߐ߱ ߟߎ߫ ߛߋ߲߭ ߘߏ߲߬ ߠߊ߫ ߕߊ ߟߊ߫ ߡߊ߲߬ߛߊ ߟߎ߬ ߓߘߊ ߞߍ߬ߣߍ߲، ߊ߬ߟߎ߬ ߘߌߦߊߣߍ߲ ߡߊ߲߬ߛߊ߬ ߢߊ߲ߜߏ ߟߎ߬ ߢߍ߫ ߏ߬ ߟߋ ߘߐ߫ ߸ ߓߊ ߏ߬ ߟߎ߬ ߦߋ߫ ߡߐ߱ ߟߎ߬ ߡߊߛߐ߬ߘߐ߲߬ ߠߴߊ߬ߟߎ߫ ߝߍ߬ ߞߵߊ߬ߟߎ߬ ߖߊ߲߬ߞߕߊ߬ ߞߏ߬ ߖߎ߮ ߞߍ߫.
ߍ) ߊ߬ ߤߙߐ߫ ߞߏߙߏ߲ ߘߏ߫ ߟߎ߫ ߝߣߊ߫ ߦߋ߫ ߡߊߞߙߐߦߊ ߞߍ߫ ߟߊ߫ ߛߐ߲߬ ߸ ߞߊ߬ ߕߏ߫ ߥߊߟߌߗߍ ߟߎ߬ ߟߊߛߋ ߟߊ߫ ߥߊߟߌߡߛߏ߫ ߟߎ߫ ߡߊ߬ ߸ ߞߊ߬ ߥߊߟߌߡߛߏ ߟߎ߬ ߝߣߊ߫ ߟߊߛߋ ߥߊߟߌߗߍ ߟߎ߫ ߡߊ߬، ߖߊ߬ߟߏ߲ ߛߌ߰ ߝߌ߬ߟߊ ߏ߬ ߓߍ߯ ߘߴߊ߬ߟߎ߬ ߛߐ߫ ߦߏ߫ ߣߊߛߎߓߊ߫ ߟߊ߫ ߝߊ߬ߙߊ. ߏ߬ ߟߋ ߞߐߛߐ߲߬ ߸ ߌ ߓߊ߯ ߖߋ߬ߟߌ߬ߡߛߏ ߦߴߌ ߡߛߏ߬ ߗߋ߲߰ߓߊ ߞߐ߫ ߡߊ߬ߕߐ߰ߟߌ ߟߊ߫ ߸ ߌ ߦߴߊ߬ ߟߐ߲߫ ߞߏ߫ ߌ ߡߏ߬ߛߏ ߖߋ߬ߕߌ߰ߞߍ߬ ߟߊ߫ ߞߋߟߊߘߋ߲ ߠߋ߬.
ߞߏ߬ߣߌ߲߬ ߖߋ߬ߟߌ ߤߙߐ߫ ߓߘߍ߫ ߡߊ߬ߞߏ߬ ߕߍ߫ ߞߏߙߏ߲ߧߊ߫ ߞߏ߫ ߛߎ߮ ߏ߬ ߟߎ߬ ߟߊ߫. ߓߊ߯ߙߊߓߊߟߌߦߊ ߡߊ߬ߟߏ߬ߦߊ ߞߊ߬ ߖߋ߬ߟߌ ߓߘߍ߬ߓߘߍ ߏ߬ ߟߎ߫ ߟߋ ߟߐ߬ ߞߊߙߊ߲ߞߋ ߟߎ߬ ߟߊ߫ ߓߊ߯ߙߊ ߞߍ߫ ߟߊ߫ ߸ ߣߊߟߌ߬ߡߎ߲߫ ߜߟߏ߬ ߞߙߊ ߘߌ߫، ߤߊߟߌ ߓߌ߬ ߸ ߘߏ߫ ߟߎ߫ ߦߴߊ߬ ߝߐ߫ ߟߊ߫ ߓߊ߰ߣߊ ߡߊ߬ ߏ߬ ߟߋ ߘߐ߫ ߡߎߣߎ߲߬ ߞߏ߫ ߖߋ߬ߟߌ߬ ߜߋߟߋ߲ ߸ ߦߙߌ ߡߍ߲ ߝߊ߬ߘߊ ߦߋ߫ ߞߍ߫ ߟߊ߫ ߟߏ߬ߞߌ߬ߟߊ߲ ߘߌ߫ ߞߊ߬ߣߌ߲߫.
ߖߍߣߍ߲ ߦߋ߫ ߛߎ߬ߙߊ߬ߞߕߊ߬ ߘߌ߫؟
ߒ߬ߓߊ߬ ߖߋ߬ߟߌ ߟߎ߬ ߦߴߊ߬ߟߎ߬ ߓߋ߲ߓߊ߫ ߞߍ ߡߍ߲ ߞߍ߫ ߟߊ߫ ߛߎ߬ߙߊ߬ߞߕߊ߫ ߘߌ߫ ߛߊ߫، ߞߵߊ߬ ߝߴߏ߬ ߘߐ߫ ߞߏ߫ ߞߋߟߊ ߣߌ߫ ߛߎ߬ߙߊ߬ߞߕߊ߫ ߕߍ߫ ߸ ߏ߬ ߟߋ ߕߍ߫ ߛߥߊ߬ߓߊ߫ ߘߌ߫، ߓߊ ߛߎ߬ߙߊ߬ߞߕߊ߫ ߊ߬ߟߌ߬ߓߊ߬ߙߞߌ߫ ߡߍ߲ ߕߘߍ߬ ߘߐ߲߬ߞߟߌ߬ߟߊ߬ߟߊ ߘߌ߫ ߸ ߏ߬ ߡߊ ߞߋߟߊ ߦߋ߫، ߏ߬ ߛߐ߬ߘߐ߲߬ ߘߊ߫ ߞߋߟߊ ߝߊߕߏ ߛߊ߲߬ ߈ ߠߋ߬ ߡߊ߬، ߛߎ߬ߙߊ߬ߞߕߊ߫ ߓߎߣߎ߬ ߡߊߟߞߌ߫ ߡߍ߲ ߕߘߍ߬ ߞߋߟߊ ߟߊ߫ ߛߊ߰ߓߊ߬ ߝߊߘߌ߲ ߘߏ߫ ߘߌ߫ ߸ ߏ߬ ߡߊ߫ ߘߐ߲߬ߞߟߌ߬ߟߊ߫ ߊ߬ ߛߌ߭ ߡߎ߰ߡߍ ߘߐ߫، ߘߐ߲߬ߞߟߌ߬ߟߊ߬ߟߊ ߃ ߡߍ߲ ߕߘߍ߬ ߞߋߟߊ ߓߟߏ߫ ߸ ߏ߬ ߟߎ߫ ߟߋ߬ (ߤߛߊߣ ߓߣߎ߬ ߛߊ߯ߓߕߌ߫) ߣߌ߫ (ߊ߬ߓߘߎ߬ߟߊߤ ߓߣߎ߬ߙߊ߬ߥߊ߯ߤߊ߫) ߣߌ߫ (ߞߊ߯ߕߎ߫ ߓߣߎ߬ ߡߊ߯ߟߞߌ) ߘߌ߫. ߒ ߠߋ ߞߏ߬ߣߌ߲ ߡߙߌ ߘߐ߫ ߸ ߒ ߞߏ߫ ߡߊ߲߬ߘߋ߲߫ ߡߍ߲ ߠߊ߫ ߞߏ߫ ߟߊߘߊ߲ߣߍ߲ ߦߋ߫ ߢߡߊ߬ߞߟߊ߬ ߞߏ߫ ߘߌ߫ ߸ ߊ߲ ߓߊ߯ ߊ߬ ߡߊ߲߬ߘߋ߲߬ ߝߐ߫ ߞߍ߫ ߞߊ߬ ߞߋߟߊ ߣߍ߰ߓߐ ߊ߬ ߘߐ߫ ߸ ߏ߬ ߕߎ߲߬ ߘߌ߫ ߓߍ߲߬، ߓߊ ߥߎߦߊ߫ ߁ ߡߍ߲ ߘߌ ߡߐ߰ ߟߊ߫ ߕߎ߬ߢߊ߬ ߁߀߀ ߟߊߜߏ߬ߛߌ߬ ߸ ߏ߬ ߡߊߕߊ߲ߞߊ ߟߋ߬ ߘߌߡߊ߲߫ ߡߐ߰ ߟߊ߫ ߊ߬ ߟߊߣߎ߲߬ߞߎ߬ ߢߊ ߛߎ߮ ߓߍ߯ ߘߌ߫.
ߢߡߊ߬ߞߟߊ ߦߌߟߡߊ߫ ߅߲ ߸ ߖߊ߬ߥߏ߬ ߞߍ߬ߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߁߉߲:
ߡߊ߲߬ߘߋ߲߫ ߞߊ߬ ߖߎ߬ߟߊ߬ߦߊ ߓߟߏߡߊߦߟߍߡߊ߲߫ ߓߊ߯ߙߊ ߓߍ߯ ߞߊ߬ߙߌ߬ߝߊ߫ ߝߌ߬ߣߊ ߟߎ߫ ߟߋ߬ ߟߊ߫، ߏ߬ ߟߎ߫ ߟߋ߬ ߘߏ߲߬ ߦߋ߫ ߛߌ߬ߟߡߊ߬ߦߊ ߢߡߊ߬ߞߟߊ ߟߎ߬ ߘߌ߫ ߸ ߊ߬ ߣߌ߫ ߖߐ߲߬ ߢߌߡߊ ߟߎ߬ ߟߊ߫ ߢߊ߬ߙߊ ߟߎ߬، ߊ߬ߟߎ߬ ߦߋ߫ ߕߏ߫ ߟߊ߫ ߣߊ߬ߓߌ߬ߢߌߡߊ ߟߎ߬ ߣߌ߫ ߥߊߟߌߖߌ ߟߎ߫ ߡߊ߲߬ߞߕߎ߬ ߢߌߡߊ ߟߎ߫ ߟߋ߬ ߘߙߎ߬ߛߌ߬ ߟߊ߫ ߸ ߞߵߊ߬ ߞߴߏ߬ ߘߐߛߊߙߌ ߘߌ߫ ߡߌ߬ߙߌ߲߬ߘߌ ߢߍ߫ ߞߍ߬ߣߍ߲ ߸ ߏ߬ ߟߎ߬ ߝߣߊ߫ ߘߌ߫ ߡߐ߰ ߢߌߡߊ ߟߎ߬ ߖߊ߲ߛߊ ߟߎ߬ ߘߴߊ߬ߟߎ߬ ߡߊ߬ ߛߐ߲߬، ߊ߬ߟߎ߬ ߘߌ߫ ߕߏ߫ ߡߊ߲߬ߞߕߎ߬ߟߌ ߏ߬ ߟߎ߫ ߞߎ߲߬ߘߏ߲ ߞߍ߫ ߟߊ߫ ߖߐ߲߬ ߢߌߡߊ ߏ߬ ߟߎ߫ ߟߌ߬ߤߙߐߡߊ ߕߙߊ ߘߌ߫ ߖߊ߬ߡߊ ߢߣߊߓߊ߮ ߟߎ߬ ߢߍ߫ ߘߎ߬ߥߊ߬ߎ߬ ߢߌߡߊ ߛߎ߮ ߓߍ߯ ߘߌ߫.
ߦߟߌߟߊߘߌߦߊ߫ ߛߌߟߊ ߝߍ߬ ߸ ߡߊ߲߬ߘߋ߲߫ ߞߊ߬ ߝߌ߬ߣߊ ߢߌ߲߬ ߠߎ߫ ߟߐ߬ ߖߊ߬ߥߏ ߟߊ߫، ߞߏ߫ ߊ߬ߟߎ߬ ߦߋ߫ ߕߏ߫ ߝߊ߬ߛߏ ߥߟߏߒߘߐ ߟߎ߫ ߝߙߋ߬ ߟߊ߫ ߞߐߞߊ߲߫ ߖߡߊߣߊ ߟߎ߬ ߘߐ߫ ߸ ߞߊ߬ ߝߊ߬ߛߏ ߝߣߊ߫ ߡߊߛߐ߫ ߕߎ߲ߞߊ߲ߠߊ ߥߟߏߒߘߐ߫ ߢߊ߬ߕߣߐ߬ߡߊ ߟߎ߬ ߟߊ߫ ߸ ߦߏ߫ ߞߐ߱ ߣߌ߫ ߥߏ߬ߙߏ ߣߌ߫ ߝߊ߰ߣߌ߲߬ ߡߎ߮ ߣߌ߫ ߓߌߦߊ߲ ߠߎ߬، ߓߌߦߊ߲ ߏ߬ ߓߍ߯ ߘߐ߫ ߢߍߕߊ ߟߋ߬ ߞߟߍ߬ ߞߍ߬ ߛߏ ߟߎ߬ ߘߌ߫ ߸ ߏ߬ ߟߎ߬ ߡߍ߲ ߠߎ߬ ߦߋ߫ ߓߎ߯ ߟߊ߫ ߡߊ߲߬ߘߋ߲߫ ߓߊ߲ߘߊ ߞߊ߲߬.
ߞߏ߬ߣߌ߲߬ ߓߊߏ߬ ߡߊ߲߬ߘߋ߲߫ ߓߣߊ߬ߦߊ߬ߣߍ߲ ߕߘߍ߬ ߛߊߣߌ߲ ߘߐ߫ ߊ߬ ߟߊߡߌߣߌ߲ ߖߡߊߣߊ ߓߍ߯ ߘߌ߫ ߸ ߛߊߣߌ߲ ߠߋ߫ ߘߏ߲߬ ߦߋ߫ ߖߊ߬ߥߏ߬ ߝߊ߬ߟߋ߲߬ߠߌ߲߬ ߝߋ߲ ߓߍ߯ ߘߐ߫ ߢߍߕߊ ߘߌ߫ ߸ ߏ߬ ߟߋ ߞߊ߬ ߝߌ߬ߣߊ ߝߊ߲ߓߊ ߡߊߞߍ߫ ߦߌߟߊ ߞߍ߫ ߛߊߣߌ߲ߡߊ߫ ߦߙߐ ߟߎ߬ ߘߌ߫، ߣߊߟߌ߬ߡߎ߲߫ ߛߍ߬ߞߍ߬ ߣߌ߫ ߓߎ߬ߙߋ߬ ߘߌ߫، ߏ߬ ߘߏ߲߬ ߕߋ߲߬ ߤߊߟߌ ߓߌ߬. ߥߊߘߌ ߕߎ߲߬ߕߍ ߡߊ߲߬ߘߋ߲߫ ߞߣߐ߫، ߏ߬ ߞߏߛߐ߲߬ ߊ߬ ߕߐ߯ ߡߊ߫ ߞߍ߫ ߒ߬ ߠߊ߫ ߞߊ߲ ߘߐ߫، ߊߙߊߓߎ ߟߎ߫ ߞߵߊ߬ ߕߐ߮ ߝߛߊ߬ߙߌ߫ ߒ߬ ߢߍ߫ ߥߊߘߌ ߟߋ߬ ߟߊ߫، ߊߙߊߓߎ߫ ߞߊ߲ ߘߐ߫ ߸ ߥߊߘߌߎ߫ ߦߋ߫ ߞߏ߬ߙߏ߲ ߠߋ߬ ߘߌ߫ ߸ ߏ߬ ߡߍ߲ ߕߘߍ߬ ߣߊ߲߬ߝߟߏ߬ߦߊ ߟߊ߫ ߥߊ߯ߕߌ ߏ߬ ߟߊ߫، ߥߊߘߌߎ߫ ߏ߬ ߟߋ ߝߐ߫ ߢߊ ߞߍߣߍ߲߫ ߡߊ߬ߣߋ߲߬ߞߊ ߣߍ߲߭ ߞߊ߲߬ (ߥߊߘߌ) ߘߌ߫.
ߢߡߊ߬ߞߟߊ ߦߌߟߡߊ߫ ߆߲: ߜߟߏ߬ߓߊ߰ߙߊ߬ߟߊ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߂߀߲:
ߏ߬ ߟߎ߫ ߟߋ߬ ߞߊߙߊ߲ߞߋ ߟߎ߬ ߘߌ߫ ، ߏ߬ ߟߎ߫ ߟߋ ߜߏ߬ߟߏ ߟߏߞߌ߫ ߟߊ߫ ߞߵߊ߬ ߞߍ߫ ߖߐ߯ߙߊ߲ ߠߎ߬ ߣߌ߫ ߡߊ߬ߛߘߌ ߟߎ߬ ߘߌ߫ ، ߦߏ߫ ( ߛߊ߲ߡߘߊ، ߝߙߊߓߊ߲، ߓߊߛߊ߬ߓߊ، ߞߙߌߞߍ، ߞߙߊ߬ߝߋ߬ ߖߟߎ، ߣߎ߰ߙߋ߲߬ߖߟߎ، ߝߟߊߡߎ߲، ߞߙߌߞߍ߫ ߞߘߐߟߊߝߋ߲، ߜߌߢߍ ) ߊ߬ ߣߌ߫ ߞߊ߬ ߝߋ߲߫ ߡߊߛߎ߬ߕߙߊ߬ߕߊ ߟߎ߫ ߕߎ߬ ߊ߬ ߘߐ߫، ߦߏ߫ ( ߟߊ߬ߡߌ߲، ߟߛߌߡߎ߲، ߞߌ߬ߘߌ߲، ߓߊ߲߱، ߟߊ߭، ߡߊ߲ߞߊ߬ߣߊ، ߞߎ߬ߙߣߊ߬ ߞߝߊ، ߖߎߝߊ߫ ߟߊ ߓߌߟߊ ) ߊ߬ߟߋ߬ ߞߊߙߊ߲ߞߋ ߟߎ߫ ߡߏ߬ߛߏ ߟߎ߫ ߟߋ߬ ߞߙߊ߬ߘߏ߲ ߠߎ߬ ߞߍ߫ ߟߊ߫ ߸ ߞߊ߬ ߝߊ߲߬ߣߌ߲ ߠߎ߬ ߟߊߗߋ߲߰ߢߊ ߞߟߐ߬ ߢߌߡߊ ߛߎ߮ ߓߍ߯ ߟߊ߫، ߦߏ߫: ( ߛߐ߬ߙߐ߲، ߓߟߐ߬ߕߌ، ߛߙߎߛߙߎ، ߖߎ߬ߝߌ߲، ߘߎ߬ߓߏ߲߬ ߞߙߊ، ߓߊ߯ߜߍ، ߓߊ߯ ߞߊߟߋ، ߓߊ߯ ߝߌ߲، ߟߏ߲ߡߊ߲ߛߊ، ߛߎ߭ߕߊ߬ߣߊ، ߞߙߊ߬ߥߊߙߊ߲، ߊ߬ ߣߌ߫ ߛߊߦߌߡߊ ߟߎ߬.)
ߕߏ߲ߕߌ߮ ߣߌ߫ ߕߏ߲ߒߕߊ߲ ߠߎ߫ ߝߊ߬ߟߋ߲ ߢߐ߲߰ ߘߐ
ߛߊ߬ߙߌ߬ߦߊ߬ߓߏߟߏ߲ ߁߂߁߲:
ߡߌ߬ߙߌ߲߬ߘߌ ߘߐߝߘߊ ߞߐ ߕߏ߲ߕߌ߮ ߣߌ߫ ߕߏ߲ߒߕߊ߲ ߘߌ߫ ߸ ߊ߬ ߡߊ߫ ߡߍ߲ ߕߏ߲ߒߕߊ߲ ߦߙߌߞߊ ߘߛߍ߫ ߘߊ߫ ߕߏ߲ߕߌ߮ ߘߐ߫ ߔߍߙߍ߲ߎ߲߫، ߓߊ ߊ߬ߟߎ ߟߋ߬ ߓߟߏߟߊߓߊ߯ߙߟߊ ߟߎ߬ ߘߌ߫ ߸ ߛߏ ߓߍ߯ ߟߋ߬ ߡߊ߬ߞߏ ߦߴߊ߬ߟߎ߬ ߟߊ߫، ߡߌ߬ߙߌ߲߬ߘߌ ߡߐ߰ ߛߌ߫ ߕߴߛߋ߫ ߢߊ߬ ߟߴߊ߬ߟߎ߬ ߞߐ߫، ߊ߬ߟߎ߬ ߘߛߍ ߏ߬ ߟߋ ߞߵߊ߬ ߞߍ߫ ߸ ߕߏ߲ߕߊ߲ ߠߎ߫ ߜߊ߲ߛߊ߲ ߠߊ߫ ߘߎ߰ ߓߟߏߡߊߞߊ߬ߣߍ߲ ߡߊ߫ ߞߍ߫ ߡߊ߲߬ߘߋ߲߫ ߝߊ߲߬ ߛߌ߫ ߘߐ߫، ߝߏ߫ ߡߊ߲߬ߘߋ߲߫ ߡߊ߲߬ߛߊ ߞߏ ߓߟߏߞߊ߭ ߡߍ߲ ߞߍ߫ ߘߊ߫ ߁߄߈߀ ߝߊ߲߭ ߝߍ߬ ߸ ߣߌ߫ ߡߏߙߌ߫ ߛߏ߫ ߓߟߏߡߊߞߊ߬ߣߍ߲ ߠߎ߬ ߣߌ߫ ߢߡߊ߬ߞߟߊ ߛߏ߫ ߓߟߏߡߊߞߊ߬ߣߍ߲ ߠߎ߫ ߛߐ߬ߘߐ߲߬ ߘߊ߫ ߞߊ߬ ߛߌ߰ ߡߊ߲߬ߘߋ߲߫ ߝߊ߲߭ ߘߏ߫ ߟߎ߫ ߘߐ߫.
ߕߏ߲ߒߕߊ߲ ߠߎ߬ ߘߛߍ߫ ߘߊ߫ ߟߋ߬ ߸ ߓߊ ߊ߬ߟߎ ߟߋ߬ ߡߌ߬ߙߌ߲߬ߘߌ % ߁߀ ߘߐߙߐ߲߫ ߘߌ߫ ، ߕߏ߲ߕߌ߮ ߟߎ߬ ߦߋ߫ % ߉߀ ߘߌ߫ ، ߏ߬ ߟߎ߬ ߡߍ߲ ߠߎ߬ ߛߌߦߊߡߊ߲ ߸ ߏ߬ ߓߍ߯ ߡߊ߬ߞߏ ߦߋ߫ ߕߏ߲ߒߕߊ߲ ߠߎ߬ ߟߊ߫ ، ߓߊ ߊ߬ߟߎ߫ ߟߋ߬ ߡߎ߬ߙߊ߲ ߠߎ߬ ߣߌ߫ ߓߊ߯ߙߊߟߊ߲ ߠߎ߬ ߟߊߘߊ߲ ߠߊ߫ ߖߊ߬ߡߊ ߏ߬ ߓߍ߯ ߢߍ߫ ، ߒ߬ߓߊ߬ ߕߏ߲ߒߕߊ߲ ߠߎ߬ ߘߛߍ߫ ߏ߬ ߟߋ ߞߊ߬ ߕߏ߲ߒߕߊ߲ߧߊ ߘߐ߫ ߸ ߢߡߊ߬ߞߟߊ߬ߦߊ ߣߌ߫ ߡߏߙߌߦߊ ߞߊ߬ߣߌ߲߬ ، ߏ߬ ߞߊ߬ ߕߏ߲ߒߕߊ߲ ߘߏ߫ ߟߎ߫ ߝߣߊ߫ ߘߏ߲߬ ߕߏ߲ߒߕߌ߯ߦߊ ߘߐ߫ ߸ ߡߍ߲ ߠߎ߫ ߕߘߍ߬ ߡߊ߬ߟߏ߬ߦߊ߬ ߟߊ߫ ߢߡߊ߬ߞߟߊ߬ߦߊ ߣߌ߫ ߡߏߙߌߦߊ ߟߊ߫ ، ߕߏ߲ߒߕߊ߲ ߜߊ߲ߛߊ߲ ߝߣߊ߫ ߞߊ߬ ߓߊ߯ߙߊ ߡߝߊߟߋ߲ ߞߍ߫ ߦߏ߫ ߕߊ߲߬ :
ߊ) ߖߋ߬ߟߌ ߡߍ߲ ߠߎ߫ ߡߊ߬ߟߏ߬ߦߊ߬ ߘߊ߫ ߖߋ߬ߟߋ߬ߦߊ ߓߊ߯ߙߊߓߊߟߌߦߊ ߟߊ߫ ߸ ߏ߬ ߟߎ߫ ߕߘߍ߬ ߘߊ߫ ߞߊߙߊ߲ߞߋ ߟߎ߬ ߟߊ߫ ߜߟߏ߬ ߓߊ߯ߙߊ ߘߐ߫ ߸ ߞߊ߬ ߞߍ߫ ߞߙߊߟߌ߫ ߖߋ߬ߟߌ ߟߎ߬ ߘߌ߫.
ߡߊ߲߬ߘߋ߲߫ ߡߊ߲ߛߊ߬ߛߌ߬ ߡߊ߲߬ߛߊ߬ߙߋ߲ ߘߏ߫ ߟߎ߫ ߘߏ߲߬ ߘߊ߫ ߡߏߙߌߦߊ ߘߐ߫ ߸ ߝߏ߫ ߞߵߊ߬ߟߌ߬ߡߊ߬ߡߌ߲߬ߧߊ ߛߐ߬ߘߐ߲߬، ߊ߬ ߘߏ߫ ߟߎ߫ ߘߏ߲߬ ߘߊ߫ ߖߋ߬ߟߌ߬ߦߊ ߘߐ߫ ߸ ߝߏ߫ ߞߊ߬ ߞߍ߫ ߢߙߊ߬ ߓߟߋߓߟߋ ߘߌ߫. ߛߏ߬ߛߏ߫ ߡߊ߲߫ߛߊ߬ ߓߐ߲ߛߐ߲ ߞߊ߲ߕߍ߫ ߛߏߡߊߓߊ ߘߏ߫ ߟߎ߫ ߞߍ߫ ߘߊ߫ ߡߏߙߌ ߛߌ ߘߌ߫ ߜߊ߰ߟߏ ߣߌ߫ ߢߊߡߌߣߊ߫ ߣߌ߫ ߕߍ߬ߣߍ߲߬ߞߎ߲ ߠߎ߫ ߣߌ߫ ߞߐ߬ߦߊ߬ߘߎ߯ ߟߎ߫ ߘߐ߫، ߞߊ߬ ߘߏ߫ ߟߎ߫ ߘߏ߲߬ ߖߋ߬ߟߌ߬ߦߊ ߘߐ߫ ߝߏ߫ ߞߊ߬ ߓߟߊ ߣߌ߫ ߞߏ߬ߣߌ߲ ߠߎ߬ ߝߐ߫، ߊ߬ ߣߌ߫ ߞߊ߬ ߞߍ߫ ߢߙߊ߬ ߓߟߋߓߟߋ߫ ߘߊߘߐߥߛߊ߬ߣߍ߲ ߠߎ߬ ߘߌ߫، ߘߏ߫ ߟߎ߫ ߝߣߊ߫ ߞߍ߫ ߘߊ߫ ߣߎ߬ߡߎ߲ ߠߎ߬ ߘߌ߫ ߝߏ߫ ߞߊ߬ ߜߊ߲߬ߛߟߎ߬ ߕߎ߲߮ ߞߍ߫ ߸ ߊ߬ ߣߌ߫ ߞߊ߬ ߞߏ߬ߡߊ߬ ߞߎ߲߬ ߟߊ߬ߘߊ߲ ߣߌ߫ ߖߏ߬ ߡߊ߬ߟߛߍ ߟߎ߬ ߞߍ߫.
ߋ) ߥߊߟߖߌ߫ ߓߐ߲ߛߐ߲ ߓߊ߰ߦߐ߬ ߟߎ߬ ߘߏ߲߬ ߘߊ߫ ߣߎ߲߰ߦߊ ߘߐ߫ ߞߙߏ߬ߡߊ ߟߎ߬ ߝߍ߬، ߡߏߙߌ߫ ߛߌ߫ ߛߌ߬ߟߊ ߘߏ߫ ߟߎ߫ ߕߘߍ߬ ߘߊ߫ ߜߟߏ߬ ߓߊ߯ߙߊ ߘߐ߫ ߞߊߙߊ߲ߞߋ ߟߎ߫ ߝߍ߬، ߝߘߎߢߐ߯ߦߊ ߞߍ߫ ߘߊ߫ ߛߓߊߓߎ߫ ߘߌ߫ ߞߊ߬ ߡߏߙߌ߫ ߛߌ߫ ߞߏ߬ߦߌ߬ߕߊ ߟߎ߫ ߘߏ߲߬ ߊ߬ߟߎ߬ ߓߌߘߊ߲ ߠߎ߫ ߝߍ߬ ߖߋ߬ߟߌ߬ߦߊ ߘߐ߫ ߸ ߓߊߏ߬ ߊ߬ߟߎ߬ ߕߴߊ߬ ߝߍ߫ ߞߵߊ߬ߟߎ߬ ߘߋ߲ߡߛߏ ߟߎ߬ ߝߘߎ߫ ߕߏ߲ߕߌ߯ ߛߏߡߊ ߟߎ߬ ߡߊ߬ ߝߋߎ߫ .
ߌ) ߕߏ߲ߕߌ߯ ߛߏߡߊ߫ ߞߐ߯ߣߍ߲߫ ߖߏ߬ߓߊ߬ߕߏ߬ߟߊ ߘߏ߫ ߟߎ߫ ߞߍ߫ ߘߊ߫ ߡߏߙߌ߫ ߞߏ߲ߓߏ ߟߎ߬ ߣߌ߫ ߥߊߟߖߌ߫ ߟߊߡߌ߬ߘߊ߬ߣߍ߲ ߠߎ߬ ߘߌ߫ ߸ ߞߊ߬ ߛߙߋ߬ߝߎ߫ ߤߊߘߌߦߊ߫ ߡߌߘߟߊ ߘߋ߲ ߞߍ߫ ߛߣߍ߬ ߛߊ߬ߡߐ߮ ߣߌ߫ ߖߎ߬ߟߊ߬ ߓߟߋߓߟߋ ߟߎ߬ ߘߌ߫ ، ߝߏ߫ ߞߊ߬ߣߵߊ߬ ߞߍ߫ ߛߊ߫ ߸ ߌ ߓߊ߯ ߡߍ߲ ߦߋ߫ ߢߡߊ߬ߞߟߊ߬ߦߊ ߟߊ߫ ߡߊ߲߬ߘߋ߲߫ ߛߌߛߍ߲߬ ߸ ߏ߬ ߟߋ ߢߡߊ߬ߞߟߊ ߖߘߍ߬ߥߟߏ ߘߌ߫ ߤߊߟߴߊ߬ ߞߍ߫ ߘߊ߫ ߛߙߋ߬ߝߎ ߡߏߙߌ ߡߊ߲߬ߘߋ߲ ߘߌ߫ ߥߟߊ߫ ߕߏ߲ߕߌ߯ ߡߊ߲߬ߛߊ߬ ߓߐ߲ߛߐ߲ ߘߌ߫ ، ߌ ߓߊ߯ ߡߍ߲ ߝߣߊ߫ ߦߋ߫ ߕߏ߲ߕߌ߯ߦߊ ߓߊ߯ߙߊ߫ ߜߍߟߍ߲ ߠߎ߬ ߟߊ߫ ߣߊߟߌ߬ߡߎ߲߫ ߛߍ߬ߣߍ ߣߌ߫ ߘߏ߲߬ߛߏ߬ߦߊ ߟߎ߬ ߘߌ߫ ߸ ߏ߬ ߟߋ ߕߏ߲ߕߌ߯ ߟߊ߲ߔߊ߯ߛߌ ߔߌߦߐߔߌߦߐ ߘߌ߫ ߸ ߤߊߟߴߊ߬ ߞߍ߫ ߘߊ߫ ߝߌ߬ߛߊ߯ߣߊ ߓߐ߲ߛߐ߲ ߘߌ߫ ߸ ߥߟߊ߫ ߓߟߊ ߝߊ߬ߛߞߍ߫ ߖߋ߬ߟߌ߬ ߤߙߐ ߡߊ߬ߡߊ߬ߙߋ߲ ߘߌ߫. ߓߊ ߓߊ߯ߙߊ ߡߍ߲ ߓߊ ߡߍ߲ ߘߌߦߊ ߛߍߣߍ߲߬ ߏ߬ ߦߋ߫ ߏ߬ ߟߋ ߞߍ߫ ߟߊ߫.
ߣߎ߲߰ ߞߎ߲߬ߕߌ߰ߦߊ ߓߐ ߢߊ ߝߊߣߍ ߟߎ߬ ߓߟߏ߫
ߛߊ߬ߙߌ߬ߦߊ߬ߓߏߟߏ߲ ߁߂߂߲:
ߡߊ߲߬ߘߋ߲߫ ߞߘߐ߬ߡߊ߲߬ ߸ ߣߎ߲߰ߞߎ߲߬ߕߌ߰ߦߊ ߕߘߍ߬ ߝߊߣߍ ߟߎ߫ ߟߋ߬ ߓߟߏ߫، ߓߊ ߝߊߣߍ ߝߋ߲߫ ߜߘߍ߫ ߕߴߊ߬ ߘߐ߫ ߝߏ߫ ߊ߬ ߣߎ߬ߡߎ߲، ߦߏ߫ ߞߎߦߊߕߍ ߝߋ߲߫ ߜߘߍ߫ ߕߴߊ߬ ߘߐ߫ ߢߊ ߡߍ߲ ߝߏ߫ ߊ߬ ߖߋ߬ߟߌ، ߛߌ ߕߐ߭ ߓߍ߯ ߘߏ߲߬ߣߍ߲ ߣߎ߲߰ߦߊ ߘߐ߫ ߝߊߣߍ ߟߋ߬ ߝߍ߬، ߊ߬ ߝߐ ߊ߬ߟߎ߫ ߡߊ߬ ߞߏ߫ ߝߊߣߍ ߸ ߏ߬ ߓߐߣߍ߲ ߝߊ߲߭ ߣߌ߫ ߣߍ߭ ߟߋ߬ ߘߐ߫ ߞߏ߫ (ߝߊ߲ ߣߍ߮) ߏ߬ ߟߋ ߣߊ߬ߣߍ߲߬ ߞߍ߫ ߟߊ߫ ߝߊߣߍ ߘߌ߫. ߒ߬ߓߊ߬ ߞߙߏ߬ߡߊ ߟߎ߫ ߞߵߊ߬ߟߎ߬ ߘߐߖߊ߬ߓߊ ߡߍ߲ ߞߍ߫ ߛߏ߲߬ߖߘߊ߫ ߢߍ߫ ߛߎߡߊߏߙߏ߫ ߞߟߍ ߘߐ߫ ߸ ߓߌ߬ߢߍ߬ ߟߊߘߊ߲ ߡߊ߫ ߥߊ߫ ߞߵߊ߬ߟߎ߫ ߘߊ߲߬ ߸ ߞߍ߬ߟߍ ߝߏ߬ߦߌ߬ߟߌ ߡߊ߫ ߥߊ߫ ߞߵߊ߬ߟߎ߬ ߕߏ߫ ، ߛߏ߲߬ߖߘߊ߫ ߞߊ߬ ߝߊ߬ߞߏ߬ߟߌ߬ ߣߴߊ߬ ߟߊ߫ ߡߐ߱ ߟߎ߬ ߞߐ߲ߘߐ߲ ߞߍ߫ ߣߎ߲߰ ߞߎ߲߬ߕߌ߰ߦߊ ߏ߬ ߟߋ߬ ߘߌ߫ ߞߙߎߞߊ߲ߝߎߥߊ߫ ߜߊ߬ߙߊ ߢߊߞߘߐ߫ ߏ߬ ߟߋ ߘߐ߫ ، ߞߊ߬ ߝߊߣߍ ߟߎ߬ ߓߐ߫ ߊ߬ ߟߊ߫ ߝߋߎ߫ ، ߓߊ ߏ߬ ߟߎ߬ ߡߊ߫ ߘߐ߬ߖߊ ߛߎ߯-ߎ-ߛߎ߯ ߞߍ߫ ߛߎߡߊߏߙߏ߫ ߞߟߍ ߘߐ߫ ، ߞߊ߬ߦߌ߬ ߝߊߣߍ ߟߎ߬ ߡߐߣߍ߫ ߘߊ߫ ߊ߬ߟߎ߬ ߟߊߥߌ߬ߟߌ ߘߐ߫ ߣߎ߲߰ ߞߎ߲߬ߕߌ߰ߦߊ ߟߊ߫ ߝߎߚߎ߫ ߝߏ߫ ߊ߬ߟߎ߬ ߡߊ߫ ߛߋ߫ ߕߏ߫ ߟߊ߫ ߡߊ߲߬ߘߋ߲߫ ߡߎ߬ߕߎ߲߬ ، ߝߊߣߍ ߟߎ߬ ߓߐ߫ ߘߊ߫ ߡߊ߲߬ߘߋ߲߫ ߏ߬ ߟߋ ߘߐ߫ ߸ ߞߊ߬ ߦߟߍ߬ߡߊ߲߬ ߓߊ߲ߡߊߙߊ߲ߠߊ߫ ߞߐߘߍ߫ ، ߤߊߟߌ ߓߌ߬ ߸ ߊ߬ߟߎ߬ ߡߊ ߛߊ߬ߦߌ߲߬ ߡߊ߲߬ߘߋ߲߫ ߢߊ-ߊ- ߢߊ߫ ߡߊ߬ .
ߦߙߌ߫ ߓߊ߯ߙߊ ߓߐ ߢߊ ߞߎ߬ߟߋ ߟߎ߬ ߓߟߏ߫
ߛߊ߬ߙߌ߬ߦߊ߬ߓߏߟߏ߲ ߁߂߃߲:
ߛߏ߲߬ߖߘߊ߫ ߕߊ߬ߡߌ߲ ߞߐ߫ ߛߊ߲߬ ߈߀ ߢߐ߲߰ ߠߊ߫ ߸ ߞߟߍ߬ ߓߟߋߓߟߋ ߘߏ߫ ߣߊ߬ ߘߊ߫ ߓߋ߬ ߡߊ߲߬ߘߋ߲߫ ߞߊ߬ ߸ ߞߊ߬ ߓߐ߫ ߡߐ߰ ߥߎ߬ߟߋ߲߬ߣߍ߲ ߞߏ߬ߛߋߞߏ߬ߛߋ߫ ߟߎ߬ ߓߘߊ߫ ߞߐ߰ߘߎ ߘߐ߫ ، ߏ߬ ߟߎ߫ ߣߊ߬ ߡߊ߲߬ߘߋ߲߫ ߠߊ߫ ߛߊߣߌ߲ߓߊߕߌ߯ߦߊ ߡߊ߲ߞߊ߲ ߓߟߋߓߟߋ ߡߍ߲-ߍ-ߡߍ߲ ߞߍ߫ ߟߊ߫ ߞߊ߲߬ߞߎ߬ ߡߎߛߊ ߟߊ߫ ߤߖߌ ߝߍ߬ ߸ ߊ߬ߟߎ߫ ߞߵߊ߬ߟߎ߬ ߘߐߓߍ߲߭ ߘߊߡߌ߬ߣߊ߬ ߡߊ߲߬ߘߋ߫ ߞߟߍ߬ ߞߊ߲ ߡߊ߬ ߏ߬ ߟߋ ߘߐ߫ ߸ ߛߴߊ߬ߟߎ߬ ߘߴߊ߬ߟߎ߬ ߟߊ߫ ߢߐ߯ߡߍ ߟߎ߫ ߘߏ߬ߣߌ߲߬ ߛߊߣߌ߲ ߠߊ߫ ، ߏ߬ ߟߎ߫ ߣߊ߬ ߘߊ߫ ߥߎ߬ߦߊ߬ ߡߊ߲߬ߘߋ߲߫ ߞߎ߲ߠߊ߫ ߏ߬ ߟߋ ߘߐ߫ ߁߃߃߄ ߝߊ߲߭ ߝߍ߬ ߸ ߡߊ߲߬ߛߊ ߡߊ߲߰ ߞߋߕߊ߬ ߕߋ߬ߟߋ ߘߐ߫ ، ߞߍ߬ߟߍ ߏ߬ ߟߋ ߟߊ߬ߡߊ߮ ߣߴߊ߬ ߡߊ߲ߞߊ߲ ߥߙߊ߬ ߘߊ߫ ߝߎߚߎ߫ ߝߏ߫ ߞߊ߬ ߛߌߟߊ ߘߏ߲߬ ߡߊ߲߬ߘߋ߲߫ ߗߍ߬ ߝߊߘߌ߲ ߓߍ߯ ߛߣߐ߬ߡߍ ߘߐ߫ ߸ ߞߵߊ߬ ߓߍ߯ ߟߊ߫ ߓߐ߬ ߕߏ߲ ߝߊ ߖߌ ߟߊ߫ ߟߋߎ߫ ، ߓߊ ߊ߬ߟߎ߬ ߣߌ߫ ߡߐ߱ ߟߋ ߓߌ߬ߟߊ߬ߣߍ߲߫ ߢߐ߮ ߠߊ߫ ߣߌ߬ ߸ ߊ߬ߟߎ߬ ߡߊ߫ ߡߍ߲ ߠߎ߫ ߞߟߍ߬ ߞߍ߬ ߢߊ߫ ߟߐ߲ ، ߡߐ߰ ߘߏ߲߬ ߞߊߟߌߡߊ߲ ߡߊߣߐ߯ ߟߊ߫ ߟߵߏ߬ ߛߎ߮ ߘߐ߫، ߕߏ߲ߕߌ߮ ߡߍ߲ ߠߎ߬ ߦߋ߫ ߞߟߍ߬ ߞߍ߬ߟߊ߫ ߟߎ߬ ߘߌ߫ ߞߘߐ߬ߡߊ߲ ߸ ߛߌߟߊ߲ ߞߵߏ߬ ߟߎ߬ ߓߊ ߓߐ߫ ߊ߬ߟߎ߫ ߡߊ߬ ߸ ߞߵߊ߬ߟߎ߬ ߡߊ߲߬ߞߎ߬ߟߊ߲ ߓߍ߯ ߕߵߊ߬ߟߎ߫ ߞߊ߲߬ ߣߐ߯ߘߌ߫ ، ߝߏ߫ ߊ߬ߟߎ߫ ߕߎ߲߬ ߕߍ߫ ߡߊ߬ߟߏ߬ߦߊ߬ ߟߊ߫ ߖߘߍ߬ ߡߊ߬ߣߐ߰ ߞߊ߲߬ ߝߐ߫ ߟߊ߫ ߡߏ߬ߛߏ ߟߎ߬ ߣߌ߫ ߘߋ߲ߣߍ߲ ߠߎ߬ ߣߌ߫ ߕߏ߲ߒߕߊ߲ ߠߎ߬ ߛߌ߫ ߢߣߊ߫ ߡߎ߬ߕߎ߲߬ ، ߡߏߙߌ ߟߎ߬ ߣߌ߫ ߢߊ߬ߙߊ ߟߎ߫ ߞߵߊ߬ ߝߐ߫ ߢߐ߲ ߢߍ߫ ߏ߬ ߟߋ ߘߐ߫ ߸ ߊ߲ ߖߋ߬ߕߌ߮ ߟߎ߬ ߛߌߟߊ߲ ߢߊ ߡߍ߲ ߣߌ߲߬ ߞߵߊ߬ߟߎ߬ ߓߊ ߓߐ߫ ߊ߬ߟߎ߫ ߡߊ߬ ߸ ߊ߬ߟߎ߬ ߕߍߣߊ߬ ߛߋ߫ ߟߊ߫ ߞߟߍ߬ ߛߌ߫ ߞߍ߫ ߟߊ߫ ߣߌ߲߬ ߘߐ߫ ، ߓߊ ߛߌߟߊ߲ ߥߙߊ߬ߣߍ߲߬ߓߊ ߦߋ߫ ߡߐ߱ ߞߟߊߓߎ߮ ߝߊ߰ ߟߊ߫ ߟߋ߬ ، ߣߴߊ߲ߠߎ߫ ߞߟߍ߬ߞߍ߬ߓߊ߬ߟߌ߬ ߞߘߐ ߟߎ߬ ߡߴߊ߲ ߟߐ߬ ߖߋ߲߬ߓߋ߬ߝߐ߬ߟߊ ߟߐ߬ߦߌߟߊ߫ ߢߌ߲߬ ߘߐ߫ ߞߊ߬ ߞߍ߬ߟߍ ߣߌ߲ ߞߴߊ߲ ߣߌ ߣߴߊ߲ ߖߛߎ߬ߞߟߏ ߟߊ߫ ߛߓߍ߬ ߓߟߏ ߖߍ߬ߘߍ ߖߍ߬ߘߍ ߡߊ߬ ߸ ߞߍ߬ߟߍ ߢߌ߲߬ ߘߌ߫ ߣߐ߯ ߡߊ߲߬ߘߋ߲߫ ߠߊ߫ ߞߵߊ߲ ߓߍ߯ ߞߎ߲߭ ߕߏ߫ ߊ߬ ߘߐ߫ ߕߋߜߊ߫ ، ߞߍ߬ߟߍ ߏ߬ ߞߟߊߓߍ߲ ߁߭ ߘߎ߬ߛߊ߬ߝߌ߲ ߸ ߊ߬ߟߎ߫ ߞߊ߬ ߓߙߊߓߐ߫ ߓߟߋߓߟߋ߫ ߞߍ߫ ߸ ߞߊ߬ ߞߟߍ߬ߘߋ߲ ߠߎ߫ ߟߐ߬ ߗߍ߬ߞߊ߲ߕߍ߮ ߟߊ߫ ߸ ߞߊ߬ ߢߐ߲߮ ߖߎ߬ߛߎ ߟߊߟߐ߬ ߛߊ߬ߦߊ ߢߍ߫ ߝߊ߬ߛߏ ߡߊ߬ߞߊ߲߬ߞߊ߲ ߘߐ߫ ، ߕߏ߲ߒߕߊ߲ ߠߎ߫ ߣߵߊ߬ ߟߊߛߋ߫ ߟߊ߫ ߏ߬ ߟߋ ߘߐ߫ ߞߏ߫ ߤߍ߲߬ ߊߟߎ߫ ߒ߬ ߖߋ߬ߕߌ߰ ߢߌߡߊ ߟߎ߬ ! ߏ߬ ߟߋ ߊߟߊ߫ ߛߊ߬ߥߏ߬ ߊߟߎ߫ ߛߊ߬ߥߏ߬ ، ߞߊ߬ߦߌ߯ ߡߊ߲߬ߘߋ߲߫ ߓߌ߬ߟߊ߬ ߘߊ߫ ߸ ߊߟߎ߬ ߕߏ߲ߕߌ߮ ߟߎ ߟߋ߬ ߗߍ߬ߞߊ߲߬ߕߍ߮ ߞߍ߫ ߟߊ߫ ߞߘߐ߬ߡߊ߲ ߞߘߊߎ߫ ، ߓߊ ߊߟߎ߫ ߟߋ߬ ߘߐߙߐ߲ ߦߋ߫ ߞߍ߬ߟߍ ߞߍ߫ ߟߊ߫ ߡߊ߲߬ߘߋ߫ ߞߣߐ߫ ، ߓߊ߬ߙߌ߬ ߞߍ߬ߟߍ ߢߌ߲߬ ߡߊߛߌߟߊߣߍ߲ ߢߊ ߡߍ߲ ߸ ߘߊ߲߬ ߕߴߏ߬ ߟߊ߫ ߸ ߟߊߒߡߊ߫ ߕߴߊ߬ ߟߊ߫ ، ߏ߬ ߘߐ߫ ߸ ߒ߬ߠߎ߬ ߕߏ߲ߒߕߊ߲ ߡߍ߲ ߠߎ߫ ߡߊ߫ ߘߋ߬ߙߌ߬ ߞߟߍ߬ ߞߍ߫ ߟߊ߫ ߞߘߐ߬ߡߊ߲߫ ߸ ߊߟߴߊ߬ ߕߏ߫ ߒ߬ߠߎ߬ ߦߋ߫ ߕߘߍ߬ ߞߍ߬ߟߍ ߢߌ߲߬ ߘߐ߫ ߣߌ߲߬ ߛߋ߲߭ ، ߊߟߎ߫ ߦߋ߫ ߗߍ߬ߞߊ߲߬ߕߍ߮ ߝߣߊ߫ ߕߏ߫ ߒ߬ߠߎ߫ ߡߊ߬ ، ߞߊ߬ߕߎ߲߯ ߸ ߒ߬ߠߎ߬ ߟߊ߫ ߗߍ߬ߞߊ߲߬ߕߍ߮ ߘߌ߫ ߒ߬ߠߎ߬ ߣߴߊߟߎ߫ ߓߍ߯ ߖߛߎ߬ߟߊ߬ߕߍ߰ ߸ ߞߵߊ߲ ߟߐ߬ ߒ߬ ߣߌ ߞߎ߬ߣߎ߲߬ ߠߊ߫ ߝߊ߬ߛߏ ߡߞߊߘߊ߲ ߘߐ߫ ، ߊ߬ ߣߌ߫ ߞߵߊ߲ ߟߐ߬ ߒ߬ ߖߘߍ߬ ߣߌ ߘߏ߲߬ ߠߊ߫ ߝߊ߬ߛߏ ߟߊ߫ ߘߊ ߟߊ߫ ، ߕߏ߲ߕߌ߮ ߟߎ߫ ߞߵߊ߬ߟߎ߬ ߟߊ߫ ߡߊ߲߬ߕߎ߬ߙߋ߬ߦߊ ߡߞߊߘߊ߲ ߞߵߊ߬ߟߎ߫ ߖߘߍ߬ ߡߊߝߐߦߌ߲ߝߐߦߌ߲ ߢߊ ߓߍ߯ ߡߊ߬ ߞߏ߫ ߝߏ߫ ߞߍ߬ߟߍ ߓߊ߯ ߕߏ߫ ߊ߬ߟߎ߬ ߕߏ߲ߕߌ߮ ߟߎ߬ ߡߊ߬ ߸ ߦߏ߫ ߊ߬ ߘߋ߬ߙߌ߬ߣߍ߲߫ ߞߍ߫ ߟߊ߫ ߢߊ ߡߍ߲ ، ߓߊ߬ߙߌ߬ ߊ߬ ߣߊ߬ ߘߊ߫ ߟߊߓߊ߲ ߕߏ߲ߒߕߊ߲ ߠߎ߬ ߟߊߕߍ߬ߘߍ ߟߋ߬ ߡߊ߬ ߞߍ߬ߟߍ ߘߐ߫ ߸ ߊ߬ ߣߌ߫ ߞߊ߬ ߗߍ߬ߞߊ߲߬ߕߍ߮ ߕߏ߫ ߕߏ߲ߒߕߊ߲ ߠߎ߬ ߘߐߙߐ߲ ߡߊ߬ ، ߗߍ߬ߞߊ߲߬ߕߍ߮ ߛߋ ߏ߬ ߘߐ߫ ߸ ߡߏߙߌ ߟߎ߬ ߣߌ߫ ߢߡߊ߬ߞߟߊ ߟߎ߫ ߞߵߊ߬ߟߎ߫ ߞߋ߬ߟߋ߲߬ߞߋ߬ߟߋ߲߬ߓߐ ߘߊߡߌ߬ߣߊ߬ ߞߎߡߊ ߘߐ߫ ߓߋߟߋ߲ ߠߊ߫ ، ߒ߬ߓߊ߬ ߏ߬ ߟߎ߬ ߓߍ߯ ߞߎߡߊ ߘߊ߫ ߞߵߊ߬ߟߎ߫ ߖߘߍ߬ ߘߏ߲߬ ߞߊ߲ߡߊ ߗߍ߬ߞߊ߲߬ߕߍ߮ ߘߐ߫ ߢߊ ߡߍ߲ ߸ ߏ߬ ߞߐߣߐ߲ ߞߎ߲ߓߊ߫ ߘߏ߲ ߞߍߕߐ߫ ߊߟߎ߫ ߢߍ߫ ߣߌ߲߬ ߸ ߊߟߴߊߟߎ߫ ߕߟߏߡߊߟߵߏ߬ ߟߊ߫:
ߊ) ߡߏߙߌ ߟߎ߬ ߟߊ߫ ߥߛߊ߬ߘߋ߲ ߝߟߐ߫ ߞߵߊ߬ ߟߐ߬ ߓߋߟߋ߲ ߠߊ߫ ߸ ߞߵߊ߬ ߟߊߛߋ ߘߊߡߌ߬ߣߊ߬ ߕߊ߲߬، ߞߏ߫: (( ߊ߲ߠߎ߬ ߡߏߙߌ ߟߎ߫ ߟߋ߬ ߞߵߊߟߊ߫ ߞߊ߲ ߟߐ߲ ߞߊ߬ ߞߋߟߊ ߞߊ߲ ߟߐ߲߫ ߊߟߎ߫ ߓߍ߯ ߘߌ߫ ، ߊ߲ߠߎ߬ ߡߏߙߌ ߟߎ߫ ߟߋ߬ ߞߊ߫ ߞߊ߲߫ ߞߊ߬ ߊߟߊ߫ ߟߊ߫ ߖߡߊ߬ߙߌ ߟߊߕߋߟߋ߲ ߊߟߎ߫ ߓߍ߯ ߘߌ߫ ، ߓߊߏ߬ ߒ߬ߠߎ߫ ߟߋ߬ ߊߟߊ߫ ߣߌ߫ ߞߋߟߊ ߘߟߊߡߌߘߟߊ ߘߌ߫ ߸ ߞߵߊ߬ߟߎ߬ ߞߎߡߊ߫ ߞߊ߲ ߠߎ߬ ߟߊߛߋ߫ ߊߟߎ߫ ߕߐ߭ ߟߎ߫ ߡߊ߬ ، ߊߟߊ߫ ߘߏ߲߬ ߞߵߊ߬ ߝߐ߫ ߞߎ߬ߙߊ߬ߣߊ ߘߐ߫ ߟߋ߬ ߸ ߞߏ߫ (( ߡߍ߲ ߓߊ߯ ߊߟߎ߫ ߞߟߍ߬ ߸ ߊߟߎ߫ ߝߣߊ߫ ߦߴߏ߬ ߞߟߍ߬ )) ߞߋߟߊ ߝߣߊ߫ ߞߵߊ߬ ߦߌ߬ߘߊ߬ ߞߏ߫: ( ߡߍ߲ ߓߊ߯ ߝߊ߰ ߊ߬ ߟߊ߫ ߣߊ߲߬ߝߟߏ ߣߴߊ߬ ߟߊ߫ ߘߋ߲ߓߦߊ ߣߴߊ߬ ߝߊ߬ߛߏ ߝߋ߲-ߋ- ߝߋ߲ ߡߞߊߘߊ߲ ߘߐ߫ ߸ ߏ߬ ߦߋ߫ ߛߋ߰ߘߎ߬ߝߙߋ ߟߋ߬ ߘߌ߬، ߏ߬ ߘߐ߫ ߸ ߏ߬ ߦߋ߫ ߞߛߌ߫ ߟߊ߫ ߟߋ߬ ).
ߏ߬ ߟߋ ߞߏߛߐ߲߬ ߒ߬ߠߎ߬ ߡߏߙߌ ߟߎ߬ ߞߍߕߐ߫ ߛߎ ߓߍ߯ ߟߊߘߍ߬ߣߍ߲ ߞߍ߫ ߟߊ߫ ߊߟߊ߫ ߕߙߊ ߟߊ߫ ߖߎ߮ ߟߎ߬ ߞߊ߲ߡߊ߬ ߓߌ߬ ߸ ߞߊ߬ ߛߌߣߌ߲ ߕߋ߬ߟߋ ߝߣߊ߫ ߞߍ߫ ߓߌ߬ߢߍ߬ ߝߏߦߌ ߟߊ߫ ߖߎ߮ ߟߎ߬ ߞߐ߫ ߖߛߎ߬ߟߊ߬ߜߟߍߦߊ ߣߌ߫ ߦߟߌߟߊߕߍ߮ ߘߝߊߣߍ߲ ߘߐ߫، ߝߏ߫ ߊߟߎ߫ ߕߏ߲ߕߌ߮ ߟߎ߬ ߦߴߊ߬ ߟߐ߲߫ ߞߏ߫ ߒ߬ߠߎ߬ ߡߏߙߌ ߟߎ߫ ߟߋ߬ ߟߐ߬ߣߍ߲ ߛߊ߬ߦߊ ߣߌ߫ ߝߊ߰ߟߌ ߣߌ߫ ߖߐߞߎߟߌ ߢߍ߫ ߝߊ߬ߛߏ ߡߊߞߊ߲ߞߊ߲ ߣߴߊ߬ ߡߞߊߘߊ߲ ߘߐ߫ ߸ ߞߊ߬ ߕߊ߬ߡߌ߲߬ ߊߟߎ߫ ߕߏ߲ߕߌ߮ ߟߎ߬ ߟߊ߫ ߔߊߣߊ߲ߎ߲߫، ߊߠߎ߬ ߡߏߙߌ ߟߎ߬ ߘߌ߫ ߞߍ߬ߟߍ ߞߍ߫ ߣߌ߲߬ ߛߋ߲߭ ߝߎߚߎ߫ ߸ ߝߏ߫ ߊ߲ ߧߋ߫ ߛߋ߫ ߖߎ߮ ߟߎ߬ ߟߊ߫ ߟߋ߬ ߕߘߋ߫، ߥߟߴߊ߲ ߓߍ߯ ߦߋ߫ ߝߊ߰ ߞߟߊߘߊ ߘߐ߫ ߸ ߞߊ߬ ߞߍ߫ ߛߋ߰ߘߎ߬ߝߙߋ ߟߎ߬ ߘߌ߫. ߏ߬ ߞߍ߫ ߸ ߓߍ߯ ߞߊ߲ ߞߏ߫ ߊߟߊ߫ ߟߊ߫ ߸ ߡߏߙߌ ߟߎ߬ ߓߘߊ ߡߊ߲߬ߘߋ߲߫ ߓߏ߰ߛߌ߬ ߞߊ߲ ߖߘߍ߬ ߖߍ߬ߘߍ߫ ߝߐ߫، ߊ߬ߟߎ߬ ߞߊ ߢߊ ߡߍ߲ ߣߌ߲߬ ߸ ߣߴߊ߬ߟߎ߫ ߞߵߊ߬ ߞߍ߫ ߕߋ߲߬ ߸ ߊ߲ ߕߍ߫ ߘߏ߲߬ ߡߐ߰ ߜߘߍ߬ ߖߐ߲߰ߧߊ ߘߐ߫ ߏ߬ ߘߐ߫ ߡߎ߬ߕߎ߬ ߝߋߎ߫.
((ߖߊ߲ߕߏ߬ߒߘߐ߬ ߜߍߟߍ߲)) ߡߊ߲߬ߘߋ߲߫ ߡߏߙߌ ߞߊ߬ ߊߟߊ߫ ߞߊ߲ ߣߌ߫ ߞߋߟߊ ߞߎߡߊ߫ ߞߊ߲ ߡߍ߲ ߠߎ߬ ߝߐ߫ ߛߍ߲߬ ߖߎ߮ ߟߎ߫ ߞߍ߬ߟߍ ߘߐ߫ ߸ ߏ߬ ߦߋ߫ ߕߎ߬ߢߊ߬ ߞߌߛߍ ߖߍ߬ߘߍ ߟߋ߬ ߘߌ߫، ߒߠߋ ߛߎ߬ߟߋ߬ߡߊ߰ߣߊ߬ ߞߊ߲ߕߍ߫ ߘߴߊ߬ߟߎ߬ ߟߊߛߙߋߦߊ ߏ߬ ߘߐ߫ ߝߊ߯ߛߌ، ߓߊߏ߬ ߞߎ߬ߙߊ߬ߣߊ ߞߵߊ߲ ߘߐߛߎ߫ ߖߎ߮ ߟߎ߬ ߢߍߞߐߣߐ߲ ߣߴߊ߲ ߕߊ ߛߙߊ߬ ߟߴߊ߬ߟߎ߬ ߟߊ߫ ߟߋ߬ ߞߎ߬ߙߊ߬ߣߊ ߟߝߊ߬ߙߌ߫ ߛߌߦߊߡߊ߲ ߘߐ߫، ߏ߬ ߘߏ߫ ߟߎ߫ ߝߟߍ߫ ߣߌ߲߬:
߁߭- ߸ ߊߟߎ߫ ߡߐ߰ ߟߎ߫ ߟߋ߬ ߞߟߍ߬ ߊߟߊ߫ ߞߏ߫ ߘߐ߫ ߸ ߡߍ߲ ߠߎ߬ ߓߊ߯ ߊߟߎ߫ ߞߟߍ߬ ߸ (߂߲ – ߁߉߀߲)
߂߲- ߸ ߊߟߎ߫ ߓߊ߯ ߖߎ߮ ߟߎ߫ ߛߐ߬ߘߐ߬ ߝߊ߲߬-ߊ- ߝߊ߲߬ ߸ ߊߟߴߊ߬ߟߎ߫ ߞߍ߬ߟߍ ߦߋ߲߬، ߊ߬ߟߎ߬ ߓߊ߯ ߊߟߎ߫ ߜߍ߲ ߦߙߐ ߡߍ߲ ߸ ߊߟߎ߫ ߝߣߊ߫ ߊ߬ߟߎ߬ ߜߍ߲ ߦߋ߲߬ ߸ (߂߲-߁߉߁߲)
߃߲- ߸ ߣߌ߫ ߖߎ߮ ߟߎ߫ ߞߵߊ߬ߟߎ߫ ߞߟߍ߬ ߸ ߊߟߎ߫ ߝߣߊ߫ ߊ߬ߟߎ߫ ߞߟߍ߬ ߸ (߂߲-߁߉߁߲)
߄߲- ߸ ߊߟߎ߫ ߖߎ߮ ߟߎ߫ ߞߍ߬ߟߍ ߟߋ߬ ߝߎߚߎ߫ ߸ ߝߏ߫ ߞߊ߬ ߞߎ߲߬ߣߊ߬ߝߎ߬ߟߋ߲ -ߓߊߟߌߦߊ ߓߍ߯ ߓߊ߲ ߜߋߙߊ߫߸ (߂߲-߁߉߃߲)
߅߲- ߸ ߡߍ߲ ߓߊ߯ ߢߊߘߏߒߠߊ ߟߐ߬ ߊߟߎ߫ ߡߊ߬ ߸ ߊߟߎ߫ ߝߣߊ߫ ߢߊߘߏ߲ߠߊ ߟߐ߬ ߏ߬ ߟߎ߫ ߡߊ߬ ߸ ߦߏ߫ ߊ߬ߟߎ߫ ߞߵߊ߬ ߟߐ߬ ߊߟߎ߫ ߡߊ߬ ߢߊ ߡߍ߲ ߸ (߂߲- ߁߉߄߲)
߆߲- ߸ ߊߟߎ߫ ߘߌ߫ ߝߊ߲߬ߞߡߊ߬ߦߊ߬ ߝߋ߲ ߛߎ߯-ߎ-ߛߎ߯ ߟߊߣߐ߬ ߗߍ߬ߦߊ߬ ߝߋ߲߫ ߘߐ߫، ߊ߬ ߣߌ߫ ߛߏ߬ ߛߘߌ߬ߣߍ߲ ߠߎ߬ ߘߐ߫ ߸ ߊߟߴߏ߬ ߓߍ߯ ߞߍ߫ ߞߵߊߟߊ߫ ߖߎ߮ ߟߎ߬ ߣߴߊߟߎ߫ ߖߍ߬ߘߍ ߖߎ߮ ߟߎ߬ ߟߊߕߎ߲߬ߞߎ߬ߙߎ߲߬، ߊߟߎ߫ ߝߊ߲߭ ߘߌ߫ ߖߎ߯ ߜߘߍ߫ ߟߎ߫ ߟߊ߫ ߕߎ߲߬ߞߎ߲߬ߙߎ߲߫ ߏ߬ ߘߐ߫ ߸ ߊߟߎ߫ ߡߊ߫ ߡߍ߲ ߠߎ߬ ߟߐ߲ ߡߎߣߎ߲߬، ߞߏ߬ߣߌ߲ ߊߟߊ߫ ߞߵߊ߬ߟߎ߬ ߟߐ߲߫ ߸، (ߛߎ߯ߙߊ ߈߲ ߟߝߊߙߌ߫ ߆߀߲)
߇߲- ߸ ߡߍ߲ ߠߎ߬ ߝߟߐ߫ ߞߵߊ߬ߟߎ߫ ߟߊߢߌߣߌ߲ ߞߍ߬ߟߍ ߟߊ߫ ߸ ߡߎ߲߬ ߠߊ߫ ߊߟߎ߫ ߕߴߏ߬ ߟߎ߫ ߞߟߍ߬ ߟߊ߫؟ ߌ߬ߦߏ߯ ߊߟߎ߫ ߘߌ߫ ߛߌߟߊ߲ ߏ߬ ߟߎ߬ ߢߍ߫؟ ߊߟߎ߫ ߘߏ߲߬ ߜߎ ߞߊ߫ ߞߊ߲߫ ߞߊ߬ ߛߌߟߊ߲߫ ߊߟߊ߫ ߟߋ߬ ߢߍ߫ ߸ ߣߴߊߟߎ߫ ߛߓߍ߬ ߞߍ߫ ߘߊ߫ ߘߍ߲߬ߞߣߍ߬ߦߊ ߡߊ߬߸ (ߛߎ߯ߙߊ ߉߲ ߟߝߊߙߌ߫ ߁߃)
߈߲- ߸ ߓߏ߬ߙߌ ߕߍ߫ ߝߏߦߌ߫ ߢߊ߬ ߊߟߎ߫ ߡߊ߬ ߞߟߍ߬ߘߊ ߘߐ߫ ߸ ߓߊ ߣߴߊߟߎ߫ ߞߵߊ߬ߟߎ߫ ߓߏ߬ߙߌ߬ ߛߊ߬ߦߊ ߢߍ߫ ߥߟߊ߫ ߝߊ߰ߟߌ ߢߍ߫ ߸ ߊߟߎ߫ ߓߊ߯ ߛߌ߭ ߡߍ߲ ߛߐ߬ߘߐ߲߬ ߏ߬ ߞߐ߫ ߸ ߏ߬ ߘߊ߰ߡߎ߲ ߕߍ߫ ߞߎ߲߬ߘߐߖߊ߲ߧߊ߫ ߝߋߎ߫ ߸ (ߛߎ߯ߙߊ ߃߃߲ ߟߝߊߙߌ߫ ߁߆߲).
ߋ) ߡߏߙߌ ߟߎ߬ ߕߊ߫ ߗߍ߬ߞߊ߲ߕߍ߮ ߓߊ߲ߣߍ߲ ߸ ߞߊߙߊ߲ߞߋ ߟߎ߫ ߞߵߊ߬ ߟߊߛߋ߫ ߸ ߞߏ߫ ߒ߬ߠߎ߫ ߜߟߏ߬ ߟߏ߬ߞߌ߬ߟߊ ߟߎ߫ ߘߋ߬ߙߌ߬ߣߍ߲ ߞߙߌߞߍ ߣߌ߫ ߞߙߊ߬ߝߋ߬ ߖߟߎ ߣߌ߫ ߣߎ߰ߙߋ߲߬ ߖߟߎ ߣߌ߫ ߝߟߊߡߎ߲ ߣߌ߫ ߗߌߙߏ߲ ߣߌ߫ ߡߎߥߋ ߟߎ߫ ߟߋ߬ ߟߊߘߊ߲ ߠߊ߫ ߒ߬ ߖߋ߬ߕߌ߯ ߞߡߊ߬ߙߊ߲ߞߋ ߟߎ߬ ߢߍ߫، ߏ߬ ߟߎ߫ ߟߋ߬ ߦߋ߫ ߞߍ߬ߟߍ ߞߍ߫ ߟߊ߫ ߞߊ߬ ߒ߬ߠߎ߬ ߡߊߞߊ߲ߞߊ߲ ߸ ߞߊ߬ ߛߍ߬ߣߍ ߞߍ߫ ߞߊ߬ ߒ߬ߠߎ߬ ߓߊߟߏ߫، ߒ߬ߞߊ߬ ߣߌ߫ ߖߎ߮ ߟߎ߫ ߞߊ߬ ߒ߬ ߖߋ߬ߕߌ߮ ߏ߬ ߟߎ߫ ߝߊ߰ ߥߟߊ߫ ߞߵߊ߬ߟߎ߫ ߖߐ߲߬ߧߊ߬ ߒ߬ߠߎ߫ ߛߌ߰ߣߍ߲߬ ߜߊ߲ߛߊ߲ ߢߣߊ߫ ߒ߬ ߡߊ߫ ߒ߬ ߕߊ߫ ߝߊ߲߬ ߛߌ߫ ߞߍ߫ ߸ ߒ߬ߠߎ߫ ߜߟߏ߬ ߓߊ߰ߙߊ߬ߟߊ ߟߎ ߕߊ߫ ߞߍߕߐ߫ ߡߎ߲߬ ߘߌ߫ ߏ߬ ߘߐ߫ ߡߊ߬ߞߏ߬ߛߊ ߞߐ߫؟
ߏ߬ ߟߋ ߡߊ߬ ߸ ߒ߬ߠߎ߬ ߞߊߙߊ߲ߞߋ ߟߎ߬ ߘߌ߫ ߞߍ߬ߟߍ ߞߍ߫ ߝߊߘߌ߲ߧߊ ߟߊ߫ ߛߌߣߌ߲߫ ߝߎߚߎ߫ ߝߏ߫ ߒ߬ ߧߋ߫ ߛߋ߫ ߖߎ߮ ߟߎ߬ ߟߊ߫ ߥߟߊ߫ ߒ߬ ߓߍ߯ ߦߋ߫ ߓߊ߲ ߝߊ߰ ߟߊ߫ ߜߋߙߊ߫، ߏ߬ ߞߍ߫ ߸ ߓߍ߯ ߞߊ߲ ߞߏ߫ ߤߋ߱ ߸ ߞߊߙߊ߲ߞߋ ߟߎ߬ ߓߘߊ߫ ߝߊߘߌ߲ߧߊ߫ ߞߊ߲߫ ߘߐߜߍ ߝߐ߫ ߣߌ߲߬ ߞߟߋ߫.
ߌ) ߸ ߏ߬ ߟߎ߬ ߡߊߞߎ߲߬ߣߍ߲ ߸ ߝߌ߬ߣߊ ߟߎ߫ ߥߟߌ߬ ߘߊ߫ ߗߍ߬ߞߊ߲ߕߍ߮ ߟߊ߫ ߦߟߌߟߊߕߍ߯ ߞߊ߲ ߜߍߟߍ߲ ߘߐ߫، ߏ߬ ߟߎ߫ ߞߵߊ߬ ߟߊߛߋ߫ ߞߏ߫: (ߒ߬ߠߎ߫ ߝߌ߬ߛߊ߯ߣߊ߫ ߓߐ߲ߛߐ߲ ߠߎ߬ ߦߋ߫ ߖߊ߬ߥߏ ߞߍ߫ ߟߊ߫ ߒ߬ ߖߋ߬ߕߌ߰ ߢߌߡߊ ߟߎ߫ ߟߋ߬ ߛߘߊ߫ ߘߐ߫، ߓߊ ߏ߬ ߟߎ߫ ߟߋ߬ ߒ߬ߠߎ߬ ߓߊߟߏ߫ ߟߊ߫، ߊ߬ ߣߌ߫ ߞߊ߬ ߕߏ߫ ߡߊߣߊ߲ߞߎ߲ߓߊ ߟߎ߬ ߘߌ߫ ߟߴߊ߲ ߡߊ߬ ߞߍ߬ߣߍ߲، ߣߌ߫ ߖߎ߮ ߟߎ߫ ߞߵߏ߬ ߟߎ߫ ߝߊ߰ ߥߟߊ߫ ߞߵߊ߬ߟߎ߬ ߖߐ߲߬ߧߊ߬ ߒ߬ߠߎ߫ ߛߌ߰ߣߍ߲ ߘߊ ߟߊߞߊ߬ߣߍ߲ ߢߣߊ߫ ߸ ߊ߲ߠߎ߬ ߕߊ߫ ߕߌߢߍߣߍ߲ ߕߴߏ߬ ߘߌ߫ ߞߵߊ߲ ߞߍ߫ ߖߐ߲߬ߡߊߦߐ߬ߙߐ ߘߌ߫؟ ߛߊ߬ߦߊ ߘߏ߲߬ ߝߌ߬ߛߊ߬ ߖߐ߲߬ߧߊ ߘߌ߫، ߒ߬ߓߊ߬ ߛߊߣߌ߲߫ ߏ߬ ߦߋ߫ ߞߍ߫ ߸ ߒ߬ߠߎ߬ ߦߋ߫ ߛߊ߬ߦߊ ߟߋ߬ ߕߊ߬ ߟߊ߫ ߞߵߊ߲ ߞߎ߲߭ ߘߏ߲߬ ߝߊ߬ߛߏ ߟߊ߫ ߘߊ ߟߊ߫ ߝߏ߫ ߊ߲ ߧߋ߫ ߖߎ߮ ߟߎ߬ ߟߊߢߐ߬ߣߌ߫ ߥߟߴߊ߲ ߓߍ߯ ߦߋ߫ ߕߏ߫ ߊ߬ ߘߐ߫ ߕߋߜߊ߫، ߓߊ ߤߊ߲ߞߟߌߡߊ ߓߍ߯ ߞߵߊ߬ ߟߐ߲߫ ߞߏ߫ ߡߐ߰ ߓߊ߯ ߛߊ߬ ߤߙߐߦߊ ߘߐ߫ ߸ ߌ ߣߌ߫ ߞߎ߲߬ߣߊ߬ߦߋߙߋ߲ ߠߋ߬ ߘߎߢߊ߫ ߣߌ߫ ߟߊ߯ߞߌߙߊ߫. ߌ ߘߏ߲߬ ߓߊ߯ ߕߏ߫ ߖߐ߲߬ߧߊ ߘߐ߫ ߌ ߡߴߌ ߞߛߌߞߛߌ߫ ߸ ߊ߰ ߟߋ߬ ߦߏ߫ ߌ ߡߏߦߌ߫ ߞߎ߲ ߡߊ߫ ߞߍ߫ ߸ ߌ ߓߊߟߏ߫ ߞߎ߲߫ ߡߊ߫ ߞߍ߫، ߏ߬ ߟߋ ߡߊ߬ ߸ ߒ߬ߠߎ߫ ߝߌ߬ߣߊ ߟߎ߬ ߘߌ߫ ߒ߬ ߣߌ ߞߎ߬ߣߎ߲߬ ߛߌߣߌ߲ ߝߎߚߎ߫ ߸ ߝߏ߫ ߊߟߎ߫ ߓߍ߯ ߦߋ߫ ߟߴߊ߬ ߟߊ߫ ߞߏ߫ ߒ߬ߠߎ߫ ߡߊ߲߬ߘߋ߲߬ ߖߎߟߊ ߟߎ߫ ߞߏ߲ߙߌ߬ߡߍ߬ߣߍ߲߬ߕߐ ߣߊ߬ ߞߍ߬ߟߍ ߛߋ ߣߴߊ߬ ߟߐ߮ ߟߋ߬ ߕߏ߫ ߟߴߊ߲ ߠߊ߫ ߞߊ߬ ߖߊ߬ߥߏ ߞߍ߫ ߸ ߤߊߞߍߕߏ߫ ߊ߲ ߞߊߣߊ߬ ߡߐ߰ߓߊ ߟߎ߬ ߟߊ߫ ߖߡߊ߬ߙߌ߬ߒߞߊ߬ߣߊ ߡߊߛߐ߬ߛߐ߬، ߏ߬ ߞߍ߫ ߸ ߓߍ߯ ߜߙߊ߬ ߘߊ߫ ߞߵߊ߬ ߝߐ߫ ߞߋߟߋ߲ߘߌ߫ ߞߏ߫ ߖߐ߲߬ ߞߏ߫ ߊߟߊ߫ ߸ ߝߌ߬ߣߊ ߟߎ߫ ߣߊ߬ ߞߊ߲߫ ߞߍ߲ߘߍ߫ ߟߋ߬ ߝߐ߫ ߟߊ߫ ߣߌ߲߬ ߸ ߡߍ߲ ߘߌ߫ ߡߊ߲߬ߘߋ߲߫ ߓߍ߯ ߖߌ߰ߛߌ߰ ߞߋߟߋ߲ߘߌ߫ ߖߙߌ߫.
ߍ) ߏ߬ ߟߋ ߞߐ߫ ߸ ߖߋ߬ߟߌ ߟߎ߫ ߥߟߌ߬ ߘߴߊ߬ߟߎ߬ ߕߊ߫ ߗߍ߬ߞߊ߲߬ߕߍ߮ ߟߊ߫ ߘߊߘߐߥߛߊ ߘߝߊߣߍ߲ ߘߐ߫ ، ߏ߬ ߟߎ߫ ߞߵߊ߬ ߟߊߛߋ߫ ߞߏ߫ (( ߒ߬ߠߎ߬ ߝߐߟߌߟߊ ߟߎ߫ ߟߋ߬ ߘߋ߬ߙߌ߬ߣߍ߲߫ ߝߊ߬ߛߏ ߣߊ߲ߞߌ߲ ߠߎ߬ ߣߴߊ߬ ߥߊ߬ߣߊ ߟߎ߬ ߣߴߊ߬ ߞߟߏߞߏ߬ߕߏ ߟߎ߫ ߟߋ߬ ߡߊߕߐ߯ ߟߊ߫ ߘߐ߲߬ߞߟߌ߬ ߘߌߡߊ߲ ߛߎ߮ ߓߍ߯ ߘߏ߫ ߟߊ߫ ، ߖߐ߲߬ߛߊ߫ ߊ߬ߟߎ߬ ߘߴߊ߬ ߟߐ߲߫ ߞߏ߫ ߛߋ߰ߘߎ߬ߝߙߋ߬ߦߊ ߟߋ߬ ߝߌ߬ߛߊ߬ ߟߊߝߋ߲ ߘߐ߫ ߛߦߊ ߘߌ߫ ߖߘߍ߬ߥߟߏ߫ ߟߊ߲ߓߋ߬ߡߊ ߣߌ߫ ߛߌ߬ߟߡߊ߬ ߓߘߍߓߘߍ ߓߍ߯ ߓߟߏ߫ ، ߏ߬ ߓߊ߯ ߞߍ߫ ߸ ߊ߬ߟߎ߬ ߘߴߊ߬ߟߎ߬ ߘߐߖߊ߬ ߞߍ߬ߟߍ ߘߐ߫ ߸ ߞߊ߬ ߞߎ߲߬ߣߊ߬ߦߋߙߋ߲ ߣߌ߫ ߟߊ߬ߥߛߊ ߘߌ߫ ߝߊ߬ߛߏ ߡߊ߬ ، ߒ߬ߓߊ߬ ߗߍ߬ ߝߊߘߌ߲ ߏ߬ ߟߎ߬ ߦߴߊ߬ߟߎ߬ ߖߍ߬ߘߍ ߘߏ߲߬ ߠߊ߫ ߞߊ߲ߡߊ߬ ߝߊ߬ߛߏ ߡߞߊߘߊ߲ ߘߐ߫ ߒ߬ߠߎ߫ ߖߋ߬ߟߌ ߡߍ߲ ߠߎ߬ ߘߊߘߐߞߊ߲ ߡߊ߬ ߖߐ߫ ߸ ߒ߬ߠߎ߫ ߖߍ߬ߘߍ ߟߋ ߓߌ߬ߟߊ߬ߕߐ߫ ߞߍ߬ߟߍ ߢߍ߫ ߛߌߣߌ߲߫ ߞߟߊߓߍ߲ ߘߐ߫ ، ߊ߲ ߘߏ߲߬ ߓߊ߯ ߒ߬ ߢߊߡߟߊ߫ ߞߊ߬ ߡߍ߲ ߠߎ߬ ߦߴߊ߲ ߝߊ߲߬ ߂ ߝߍ߬ ߏ߬ ߟߎ߬ ߓߐ߲߯ߕߍ߫ ߸ ߊ߲ ߞߊ߬ ߒ߬ ߞߐߝߍߣߍ߲ ߞߊ߬ ߝߋ߲-ߋ-ߝߋ߲ ߦߋ߫ ߒ߬ ߞߐ߫ ߸ ߒ߬ ߠߎ߫ ߖߋ߬ߟߌ ߟߎ߬ ߕߴߏ߬ ߓߐ߲ߛߐ߲ ߡߊߕߐ߯ ߡߊ߲߬ߘߋ߲߫ ߞߣߍ ߣߌ߲߬ ߞߊ߲߬ ߡߎ߬ߕߎ߲߫ )) ߏ߬ ߞߍ߫ ߸ ߓߍ߯ ߞߊ߲ ߞߏ߫ ߤߋ߯ ߖߋ߬ߟߌ ߟߎ߫ ߓߘߴߊ߬ߟߎ߫ ߖߘߍ߬ ߘߏ߲߬ ߞߊ߲ߡߊ߬ ߞߊ߬ ߡߊ߲߬ߘߋ߲߫ ߓߍ߯ ߘߏ߲߬ ߞߊ߲ߡߊ߬ ߊ߬ߟߎ߫ ߝߍ߬ ، ߊ߬ߟߎ߬ ߓߊ߯ ߢߍ ߕߊ߬ ߛߌߣߌ߲߫ ߸ ߖߘߍ߬ߥߟߏ ߖߍ߬ߣߍ߲߬ ߛߋߕߐ߫ ߕߏ߫ ߟߊ߫ ߞߐ߫ ߘߐ߫ ߡߎ߬ߕߎ߲߬ ؟ ߒ߬ߓߊ߬ ߊ߬ߟߎ߬ ߟߊ߫ ߗߍ߬ ߞߊ߲ ߣߌ߲߬ ߘߐߙߐ߲ ߘߌ߫ ߓߌߟߊ ߘߏ߲߬ ߖߎ߮ ߟߎ߫ ߝߊ߲߬ߞߋߟߋ߲ ߠߊ߫ ߛߌߣߌ߲߫ ߞߟߊߘߊ ߘߐ߫ ߞߵߏ߬ ߟߎ߬ ߞߍ߫ ߛߎ߭ ߟߎ߬ ߣߌ߫ ߖߐ߲߭ ߠߎ߬ ߘߌ߫، ߞߵߊ߬ߟߎ߬ ߕߐ߬ ߝߊ߲߬ߞߋߟߋ߲ ߠߊߓߏ߬ߙߌ߬ ߥߊߘߌߥߊߘߌ߫ ߞߊ߬ ߜߍ ߓߊ߲߫.
ߎ) ߏ߬ ߟߎ߬ ߡߊߞߎ߲߭ ߸ ߓߊߡߐ߮ ߟߎ߫ ߥߟߌ߬ ߘߊ߫ ߞߵߊ߬ ߟߊߛߋ߫ ߞߏ߫: (( ߓߍ߯ ߘߋ߬ߙߌ߬ߣߍ߲ ߒ߬ߠߎ߫ ߛߡߐ߬ߣߐ ߟߎ߬ ߟߊ߫ ߜߊߟߏ߲ ߣߌ߫ ߡߛߊ߬ߞߊ ߣߌ߫ ߛߐ߰ߙߊ߲ ߠߎ߬ ߦߋ߫ ߟߊ߫ ߓߊ߲ߓߊ ߣߌ߫ ߞߊ߲ߖߏ ߣߌ߫ ߖߍ߮ ߟߎ߫ ߟߋ߬ ߟߊ߫ ߞߘߐ߬ߡߊ߲߫ ، ߓߊ߬ߙߌ߬ ߛߌߣߌ߲߫ ߞߟߊߘߊ ߘߐ߫ ߸ ߒ߬ߠߎ߬ ߟߊ߫ ߡߛߊ߬ߞߊ ߟߎ߬ ߜߊ߲ߞߊ߲ߕߐ߫ ߖߎ߮ ߟߎ߬ ߟߊ߫ ߞߎ߲߬ߕߌ߮ ߟߎ߬ ߟߋ߬ ߘߐߙߐ߲ ߠߊ߫ ، ߓߊߏ߬ ߝߏ߫ ߖߎ߮ ߟߎ߬ ߦߋ߫ ߛߌߟߊߛߊ߬ ߛߌߣߌ߲߫ ߸ ߥߟߊ߫ ߒ߬ߠߎ߬ ߓߊߡߐ߮ ߓߍ߯ ߦߋ߫ ߓߊ߲߫ ߝߊ߰ ߟߊ߫ ߛߌߣߌ߲߫ )) ߏ߬ ߞߍ߫ ߸ ߖߊ߬ߡߊ ߓߍ߯ ߞߊ߲߫ ߞߏ߫ ߤߌ߱ ߸ ߛߡߐ߬ߣߐ ߟߎ߬ ߓߘߊ߫ ߓߊ߲ ߊ߬ߟߎ߫ ߟߐ߬ ߟߊ߫ ߞߍ߬ߟߍ ߜߍ߬ߟߍ߲ߡߊ߲߬ ߝߊ߲ ߠߊ߫ ߸ ߊ߬ ߕߐ߬ߣߍ߲ ߕߴߊ߲ ߓߊ߬ߟߌ߬ ߡߎ߬ߕߎ߲߬ ߢߊ-ߊ- ߢߊ߫ ߡߊ߬ .
ߏ) ߏ߬ ߟߎ߬ ߡߊߞߎ߲߭ ߸ ߞߎ߬ߟߋ ߟߎ߫ ߞߊ߬ ߞߎߡߊ ߕߊ߬، ߞߵߊ߬ ߟߊߛߋ߫ ߞߏ߫: ((ߒ߬ߠߎ߬ ߦߙߌ߫ ߓߊ߯ߙߊߟߊ߫ ߟߎ߬ ߘߌ߫ ߒ߬ ߛߎ߮ ߦߌߘߊߞߊ߬ ߛߌߣߌ߲߫ ߖߊ߲߬ߖߏ߲ ߘߐ߫ ߸ ߝߏ߫ ߊߟߎ߫ ߓߍ߯ ߘߴߊ߬ ߝߐ߫ ߞߏ߫ ߖߊ߰ ߞߎ߬ߟߋ ߟߎ߫ ߕߋ߲߬ ߠߋ߬، ߓߊߏ߬ ߊ߲ ߧߋ߫ ߒ߬ߠߊ߫ ߞߙߊ߬ߦߊ߬ߘߍ ߟߎ߬ ߞߍ߫ ߟߊ߫ ߢߊ ߡߍ߲ ߛߌߣߌ߲߫ ߸ ߏ߬ ߘߴߊߟߎ߫ ߓߍ߯ ߓߊ߬ߟߌ߬.)) ߏ߬ ߞߍ߫ ߸ ߡߐ߱ ߟߎ߬ ߞߊ߲ ߞߏ߫ ߊߟߊ߫ ߟߊ߫ ߸ ߞߎ߬ߟߋ ߟߎ߬ ߓߘߊ߫ ߞߎߡߊ߫ ߞߟߏߡߊ߫ ߝߐ߫.
ߐ) ߕߏ߲ߒߕߊ߲ ߓߍ߯ ߓߊ߲ߣߍ߲ ߗߍ߬ߞߊ߲߬ߕߍ߮ ߟߊ߫ ߞߵߊ߬ ߕߏ߫ ߣߎ߬ߡߎ߲ ߠߎ߫ ߡߊ߬ ߸ ߏ߬ ߟߎ߬ ߘߐ߫ ߞߌ߬ߣߊ ߞߵߊ߬ ߥߟߌ߬ ߞߵߊ߬ ߟߐ߬ ߓߋߟߋ߲ ߠߊ߫ ߖߊ߬ߡߊ ߕߍߡߊ߬ ߔߏ߲ߞߌ߲߫ ، ߏ߬ ߞߍ߫ ߸ ߡߏߙߌ߫ ߞߎ߲ߕߌ߮ ߞߊ߲߫ ߞߏ߫ ( ߊ߬ߟߊ߯ߤߎ߬ ߊߞߌ߬ߓߊߙߎ ߸ ߣߊ߬ߓߌ߬ߟߌ߬ ߘߊߎߘߊ߫ ߗߍߕߊߓߊ߮ ߟߋ߬ ߞߎߡߊߕߐ ߣߌ߲߬ ، ߓߊ ߊߟߊ߫ ߞߊ߬ ߣߍ߱ ߞߟߏ߫ ߘߊߎߘߊ߫ ߢߍ߫ ߝߍ߬ߙߍ ߡߍ߲ ߠߊ߫ ߸ ߊ߬ ߞߊ߬ ߝߍ߬ߙߍ ߏ߬ ߕߏ߫ ߣߎ߲߱ ߢߌ߲߬ ߠߎ߫ ߟߋ߬ ߓߟߏ߫ ، ߣߌ߫ ߢߌ߲߬ ߠߎ߫ ߛߐ߲߬ߘߊ߬ ߸ ߡߊ߲߬ߘߋ߲߫ ߘߌ߫ ߖߎ߮ ߟߎ߬ ߓߟߏ ߞߴߊ߬ߟߎ߬ ߞߏ ߘߌ߫ ߛߌߣߌ߲߫ ߞߟߊߓߍ߲ ߘߐ߫ ، ߊ߬ߟߎ߫ ߘߏ߲߬ ߘߴߊ߬ߟߎ߬ ߛߐ߲߬ ، ߓߊ ߝߊ߬ߛߏ ߞߎ߬ߘߎ ߦߴߊ߬ߟߎ߬ ߞߊ߲ߠߊ߫ ߸ ߊ߬ ߘߍ߬ߡߍ߲ ߣߴߊ߬ ߡߊߞߊ߲ߞߊ߲ ߛߋ ߦߴߊ߬ߟߎ߬ ߢߍ߫ ، ߊ߲ ߓߘߊ߫ ߓߋߟߋ߲ ߘߏ߲߬ ߌ ߓߟߏ߫ ߣߎ߲߰ ߡߊ߲ߛߊ߸ ߞߎߡߊ߫ ߌ ߦߋ߫ ߡߊ߲߬ߘߋ߲߫ ߖߛߎ߬ ߛߎ߬ߡߊ߬ ߞߊ߲߫ ߝߐ߫.) ߏ߬ ߓߊ߲ ߸ ߣߎ߲߰ ߡߊ߲ߛߊ ߞߊ߲߫ ߞߏ߫ : (( ߗߍ߬ߞߊ߲߬ߕߍ߰ߟߊ ߣߌ߲߬ ߓߍ߯ ߞߎߡߊߣߍ߲ ߒ߬ߠߎ߫ ߣߎ߲߬ߡߎ߲ ߠߎ߫ ߟߋ߬ ߛߘߊ߫ ߘߐ߫ ، ߓߊ ߣߌ߫ ߒ߬ߠߎ߬ ߡߊ߫ ߖߊ߬ߡߊ ߣߌ߲߬ ߝߋ߲-ߋ- ߝߋ߲ ߓߟߏߟߊߘߏ߲ ߗߍ߬ߦߊ߬ߝߋ߲ ߢߌ߬ߡߊ ߣߴߊ߬ ߛߌߦߊߡߊ߲ ߠߊ߫ ߸ ߏ߬ ߛߌ߫ ߕߴߛߋ߫ ߝߏߦߌ߬ ߞߍ߫ ߟߊ߫ ߞߟߊߘߊ ߘߐ߫ ߸ ߊ߬ ߝߊߘߌ߲ߧߊ߫ ߘߊ߫ ߢߊ-ߊ- ߢߊ߫ ، ߊ߲ߠߎ߬ ߓߋ߲ߓߊ ߟߎ߬ ߘߏ߲߬ ߞߍ߫ ߞߊ߬ ߞߍ߬ߟߍ ߣߌ߲߬ ߣߊ߬ ߞߏ ߟߐ߲߫ ߞߵߊ߬ ߢߍߛߌ߮ ߘߐߓߍ߲߭ ߘߊߡߌ߬ߣߊ߬ ߞߟߍ߬ߝߋ߲ ߠߊ߬ߘߊ߲ ߘߐ߫، ߞߊ߬ ߕߏ߫ ߞߟߍ߬ߟߊ߲ ߏ߬ ߟߎ߬ ߟߊߡߙߊ߬ ߟߊ߫ ߗߍ߬ߓߏ߲߬ ߓߟߋߓߟߋ ߟߎ߬ ߞߣߐ߫ ߣߎ߲߰ ߟߎ ߓߍ߯ ߡߊ߬ ߸ ߏ߬ ߛߊ߲߬ ߄߀ ߟߋ߬ ߣߌ߲߬ ، ߒ߬ߓߊ߬ ߓߌ߬ ߛߊ߫ ߸ ߊ߲ ߓߘߊ߫ ߒ߬ ߠߊ߫ ߗߍ߬ߓߏ߲ ߏ߬ ߟߎ߬ ߟߞߊ߬ ߣߎ߲߰ ߟߎ ߓߍ߯ ߡߊ߬ ، ߞߟߍ߬ߘߋ߲ ߓߍ߯ ߥߴߊ߬ ߛߊ߬ߥߏ߬ߣߊ߲߬ ߞߟߍ߬ߝߋ߲ ߛߎ߮ ߓߍ߯ ߘߏ߫ ߕߊ߬ ߛߌߛߍ߲߬ ، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫ ߸ ߊ߲ߠߎ߫ ߣߎ߬ߡߎ߲ ߠߎ߬ ߘߴߊ߬ ߦߌ߬ߘߵߊߟߎ߫ ߟߊ߫ ߛߌߣߌ߲߫ ߞߟߊߘߊ ߘߐ߫ ߸ ߞߏ߫ ߓߌ߬ߢߍ ߓߘߊ߫ ߛߴߊ߬ ߟߊߘߊ߲ߓߊ߮ ߟߎ߬ ߖߍ߬ߘߍ ߓߟߏ߫ ، ߊߟߎ߫ ߘߌ߫ ߞߏ߫ ߦߴߊ߬ ߘߐ߫ ߏ߬ ߘߐ߫ ߛߌߣߌ߲߫ ߸ ߊߟߎ߫ ߕߌ߲߬ ߡߴߊ߬ ߟߐ߲߫ ߞߏ߫ ߓߌ߬ߢߍ ߘߌ߫ ߛߋ߫ ߞߏ ߡߍ߲ ߠߎ߬ ߟߊ߫ )) ߏ߬ ߞߍ ߸ ߓߍ߯ ߞߊ߬ ߛߍߥߊ ߥߊ߬ߛߊߥߊ߬ߛߊ ߕߋ߬ ߞߵߊ߬ ߟߊߛߐ߲ߞߐ߲ ߓߐ߲ߕߐ߲ߞߐߟߐ߲ ، ߓߍ߯ ߞߊ߲߫ ߞߏ߫ ߣߎ߬ߡߎ߲ ߠߎ߬ ߓߘߊ߫ ߓߊ߲߫ ߞߍ߬ߟߍ ߟߊ߫ ߝߋߎ߫ ، ߊ߬ߟߎ߬ ߓߘߴߊ߬ߟߎ߬ ߕߊ ߝߊ߲߭ ߞߍ߫ ߞߍ߬ߟߍ ߘߐ߫ ߸ ߞߊ߬ ߓߍ߯ ߝߣߊ߫ ߘߍ߬ߡߍ߲߬ ߊ߬ ߕߊ߫ ߝߊ߲߬ ߞߍ߫ ߟߊ߫ ، ߏ߬ ߘߐ߫ ߸ ߡߊ߲߬ߘߋ߲߫ ߓߘߊ߫ ߛߎߘߊ߲߫ ߞߊ߬ ߕߟߊ߫ ߸ ߞߊ߬ ߔߘߏ߬ߞߟߏ߬ߡߊ߫ ߖߐ߲߬ߧߊ ߟߊ߫ ߔߘߏߞߌ߬ .
ߞߣߍ ߓߐ ߏ߬ ߘߐ߫ ߞߊ߬ ߞߍ߬ߟߍ ߛߏ߲ߛߙߏߡߴߊ߬ ߘߐ߫ ߸ ߊ߬ ߝߟߐߣߍ߲ ߜߊ߬ ߟߊ߫ ߣߍ߲ߞߍ߫ ߕߋ߲߬ ߸ ߞߵߊ߬ ߕߘߍ߬ ߤߊߟߌ߬ ߛߎ߲߬ߕߟߋ ߡߊ߫ ߞߟߊ߫ ߞߏߛߓߍ߫ ߡߎߣߎ߲߬ ، ߞߎ߬ߟߋ ߟߎ߬ ߟߊ߫ ߞߙߊ߬ߦߊ߬ߘߍ ߟߎ߫ ߟߐ߬ߣߍ߲ ߢߊ ߓߍ߲߬ߣߍ߲ ߊ߬ߟߎ߬ ߟߊ߫ ߞߎ߲߬ߕߌ߮ ߡߊ߬ ، ߘߊ߬ߡߊ߲ߛߊ߫ ߞߎ߬ߟߋ߬ ߗߍ߬ߡߐ߰ߓߊ ߞߵߊ߬ ߟߊ߫ ߣߐߣߊ ߟߊߦߟߍ߬ ߛߊ߲ ߡߊ߬ ߞߵߊ߬ ߟߋ߯ߟߋ߯ ߝߎߚߎ߫ ߞߊ߬ ߓߊ߲߫ ߞߵߊ߬ ߞߎ߲߭ ߕߊ߬ߙߏ߲߬ ߔߌߎ߫ ߞߵߊ߬ ߟߐ߬ ߞߐߘߐ߲ ߜߍ ߟߊ߫ ߔߊ߫ ، ߛߊߣߌߛߊߕߍ߫ ߸ ߊ߬ ߣߴߊ߬ ߟߊ߫ ߞߎ߬ߟߋ߬ ߖߡߊ ߓߍ߯ ߞߵߊ߬ ߥߎߛߊߦߌ߫ ߞߊ߬ ߓߏ߬ߙߌ ߛߎ߫ ߊ߬ ߘߐ߫ ߡߢߊߡߢߊ߫ ߸ ߞߊ߬ ߕߊ߯ ߕߟߋ߬ߓߐ ߞߎ߲߬ߕߋ߬ߟߋ߲߬ ߞߋߟߋ߲ ߘߐ߫ ߞߛߐߞߛߐ߫ ، ߏ߬ ߞߍ ߸ ߡߊ߲߬ߘߋ߲߫ ߓߍ߯ ߞߊ߲ ߞߏ߫ ߋ߯ ! ߖߊ߰ ߞߎ߬ߟߋ ߟߎ߫ ߕߋ߲߬ ߠߋ߬ ߸ ߖߊ߰ ߞߎ߬ߟߋ ߟߎ߫ ߕߋ߲߬ ߠߋ߬ ! ߞߎ߬ߟߋ ߟߎ߫ ߘߏ߲߬ ߞߵߊ߬ߟߎ߬ ߕߊ ߣߌ߲߬ ߝߐ߫ ߖߐ߫، ߡߐ߱ ߟߋ߬ ߡߴߊ߬ߟߎ߬ ߟߊ߫ ߞߎߡߊ߫ ߞߣߐߡߊ ߝߊ߰ߡߎ߲ ߊ߬ ߥߊ߯ߕߌ ߟߊ߫. ߞߎ߬ߟߋ ߟߎ߬ ߟߊ߫ ߓߏ߬ߙߌ ߏ߬ ߘߐ߫ ߸ ߊ߬ߟߎ߫ ߞߊ߬ ߡߊ߲߬ߘߋ߲߫ ߞߣߍ ߓߍ߯ ߘߐߛߊ߲߬ ߓߏ߬ߙߌ߬ ߜߍ ߘߌ߫ ߥߊߘߌߥߊߘߌ߫ ߸ ߞߊ߬ ߛߐ߫ ߦߙߌ ߖߡߊ߬ߣߊ ߓߍ߯ ߓߌ߬ߟߊ߬ ߔߋߎ߫ ( ߡߊ߲߬ߘߋ߲߫ ߖߡߊ߬ߣߊ ߞߊ߬ߣߌ߲߬ ) ߞߊ߬ ߕߊ߯ ߝߏ߫ ߓߡߊߙߊ߲ߠߊ߫ ߞߐߓߊ ߞߘߐ߫ ߔߏ߲߫ ، ߡߊ߲߬ߘߋ߫ ߡߐ߰ߓߊ ߟߎ߫ ߞߵߊ߬ߟߎ߬ ߡߊߛߍ߲߫ ߊ߬ߟߎ߬ ߞߊ߲ߡߊ߬ ߞߵߊ߬ߟߎ߬ ߘߊ߲ߞߊ ߓߊߘߌߓߊߘߌ߫ ، ߏ߬ ߟߋ ߞߏߛߐ߲߬ ߞߎ߬ߟߋ ߟߎ߬ ߡߊ߫ ߥߊ߫ ߞߍ߫ ߝߏߦߌ߬ ߘߌ߫ ߦߋ߲߬ ߝߏ߫ ߝߍ߫ ߞߙߊߟߊ߫ ߡߐ߰ ߘߐ߬ߞߏߟߏ߲ ߠߎ߬ ، ߤߊߟߌ߬ ߓߌ߬ ߘߏ߲߬ ߸ ߞߎ߬ߟߋ ߟߎ߬ ߦߋ߫ ߡߐ߰ ߜߊ߲ߛߊ߲ߧߊ ߣߌ߫ ߝߎߝߊ߯ߝߎߦߊ ߏ߬ ߟߋ ߟߊ߫ ߡߎߣߎ߲߬ ، ߊ߫ ߸ ߊ߬ߟߎ߬ ߘߌ߫ ߞߍ߫ ߖߊߝߏߓߊ߯ߕߐ ߟߎ߬ ߘߌ߫ ߞߍ߬ ، ߓߊ ߝߍ߫ ߞߎߘߊ߫ ߛߐ߲߬ߞߐ ߡߊ߫ ߡߍ߲ ߓߐ߫ ߸ ߊ߬ ߞߏߙߏ߲ ߞߙߊ ߛߙߊ ߞߍߕߴ ߏ߬ ߓߐ߫ ߟߊ߫ ߘߌ߫ ؟
ߞߎ߬ߟߋ ߟߎ߫ ߓߏ߬ߙߌ ߡߍ߲ ߞߍ߫ ߘߊ߫ ߞߟߊߘߊ ߘߐ߫ ߏ߬ ߘߌ߫ ߸ ߊߟߊ߫ ߞߵߊ߬ ߞߍ߫ ߏ߬ ߡߊ߫ ߝߛߏ߬ߝߛߊ߫ ߛߌ߫ ߟߊߘߏ߲߬ ߡߊ߲߬ߘߋ߲߫ ߠߊ߫ ߞߟߍ߬ ߛߝߊ ߘߐ߫ ، ߓߊ ߛߌ ߕߐ߭ ߟߎ߫ ߞߊ߬ ߛߙߊߕߌ ߡߍ߲ ߠߎ߫ ߕߊ߬ ߗߍ߬ߞߊ߲߬ߕߍ߮ ߘߐ߫ ߸ ߏ߬ ߓߍ߯ ߞߵߊ߬ ߕߊ߫ ߏ߬ ߘߝߊ߫ ߊ߬ ߢߊ ߡߊ߬ ߖߐ߫، ߊ߬ߟߎ߬ ߛߋ߫ ߘߊ߫ ߏ߬ ߘߐ߫ ߞߊ߬ ߖߎ߮ ߟߎ߬ ߟߊ߫ ߞߍ߬ߟߍ ߝߊ߲߬ ߞߋߟߋ߲ ߝߊ߰ ߞߟߊߘߊ ߘߐ߫ ߸ ߞߊ߬ ߝߊ߲߬ ߞߋߟߋ߲ ߡߌ߬ߘߊ߬ ߞߵߏ߬ ߟߎ߬ ߞߍ߫ ߖߐ߲߭ ߠߎ߬ ߘߌ߫ ، ߞߏ߬ߣߌ߲߬ ߓߊߏ߬ ߡߛߏ߬ ߕߎ߲߬ ߕߴߊ߬ߟߎ߬ ߘߐ߫ ߝߏ߫ ߞߟߍ߬ ߞߍ߬ ߗߍ ߜߊ߲ߛߊ߲ ߠߋ ߕߘߍ߬ ߸ ߏ߬ ߟߋ ߞߵߊ߬ ߞߍ߫ ߊ߬ߟߎ߬ ߓߍ߯ ߓߊ߲߫ ߘߊ߫ ߞߘߐ߬ ߟߊ߫ ߖߐ߲߬ߧߊ ߘߐ߫ ߞߵߊ߬ߟߎ߬ ߞߋ߬ߟߋ߲߬ߞߋ߬ߟߋ߲߬ ߛߊ߫ ߞߵߊ߬ߟߎ߬ ߓߊ߲߫ ߜߋߙߊ߫ ، ߊ߬ߟߎ߬ ߡߊ߫ ߓߐ߲ߛߐ߲ ߛߌ߫ ߕߏ߫ ، ߓߊ ߊ߬ߟߎ߬ ߡߊ߫ ߛߋ߫ ߡߏ߬ߛߏ ߛߐ߬ߘߐ߲߬ ߠߊ߫ ߡߊ߬ߘߋ߲߫ ߞߣߐ߫ ߸ ߞߊ߬ ߖߘߌ߫ ߏ߬ ߟߎ߬ ߟߊ߫ ، ߛߊ߬ߦߊ ߓߊ߲߫ ߘߴߊ߬ߟߎ߬ ߟߊ߫ ߢߊ ߡߍ߲ ߸ ߏ߬ ߞߍ߫ ߘߴߊ߬ߟߎ߬ ߟߊߞߏ ߓߊ߲ߣߍ߲ ߘߌ߫ ߝߋߎ߫ . ߡߊ߲߬ߘߋ߲߫ ߕߏ߲ߕߌ߮ ߟߎ߫ ߞߊ߬ ߡߊ߬ߣߐ߮ ߡߍ߲ ߠߎ߫ ߓߛߏ߫ ߞߍ߬ߟߍ ߏ߬ ߞߎ߲߬ߝߟߐ ߘߐ߫ ߸ ߏ߬ ߟߋ ߡߊ߬ߟߏ߬ߦߊ ߞߵߊ߬ߟߎ߬ ߟߐ߬ ߘߎ߲ߘߎ ߛߌ߰ ߟߊ߫ ߞߍ߬ߟߍ ߣߌ߲߬ ߓߊ߬ߘߏ ߣߴߊ߬ ߢߊߝߐ ߡߎ߰ߡߍ ߟߊ߫ ߞߘߎ߫، ߣߌ߫ ߞߎ߬ߟߋ ߟߎ߬ ߟߊ߫ ߞߏߢߊ ߝߛߍ߬ߝߛߍ ߕߍ߫ ߸ ߒߠߋ ߖߍ߬ߘߍ ߕߎ߲߬ ߕߍߣߊ߬ ߞߟߍ߬ ߞߏ ߣߌ߲߬ ߢߊߟߐ߲߫ ߠߊ߫ ߝߛߍߝߛߍ߫.
ߞߍ߬ߟߍ ߏ߬ ߓߊ߲ߣߍ߲ ߞߵߊ߬ ߣߐ߭ ߘߐߛߎߡߊ߫ ߸ ߡߊ߲߬ߘߋ߲߫ ߡߐ߰ߓߊ ߟߎ߫ ߞߵߊ߬ߟߎ߬ ߟߊߘߍ߬ ߜߊ߬ߙߊ ߘߏ߫ ߘߐ߫ ߢߊ߬ߣߌ߬ߓߊ߫ ߸ ߞߊ߬ ߞߎ߬ߟߋ ߟߎ߬ ߟߊ߫ ߞߏ ߞߕߌ ߟߊ߫ ߸ ߊ߬ ߣߌ߫ ߞߵߊ߬ߟߎ߫ ߣߐ߬ߘߐߓߌ߬ߟߊ߬، ߞߎ߬ߟߋ ߟߎ߬ ߟߊ߫ ߘߊ߫ ߞߵߊ߬ߟߎ߫ ߖߊ߲ߞߌ߫ ߓߌ߲߬ߓߊߏ ߡߍ߲ ߠߎ߬ ߟߊ߫ ߸ ߏ߬ ߟߎ߬ ߝߟߍ߫:
߁߭- ߝߊ߬ߣߌ߲ ߘߎߢߊ߫ ߓߍ߫ ߟߐ߬ ߘߐ߫ ߸ ߞߎ߬ߟߋ ߟߎ߬ ߞߊߣߊ߬ ߘߏ߲߬ ߡߊ߲߬ߘߋ߲߫ ߡߎ߬ߕߎ߲߬ ߞߵߊ߬ߟߎ߬ ߡߊߞߍ߫ ߦߋ߲߬ ߢߊ ߛߎ߯-ߎ-ߛߎ߯ ߡߊ߬.
߂߲- ߣߌ߫ ߟߏ߲ߟߊ߲ ߡߍ߲ ߠߊ߫ ߞߏ߫ ߝߛߍ߬ߝߛߍ߬ ߘߊ߫ ߞߵߊ߬ ߟߐ߲߫ ߞߎ߬ߟߋ ߘߌ߫ ߸ ߊ߬ ߕߍ߫ ߝߊ߰ ߟߊ߫ ߘߋ߬ ߓߊ ߞߏߕߍ߫ ߟߏ߲ߟߊ߲ ߣߴߊ߬ ߓߟߏߝߋ߲ ߛߌ߫ ߟߊ߫ ߡߊ߲߬ߘߋ߲߫ ߞߣߐ߫، ߓߊ߬ߙߌ߬ ߊ߬ ߦߋ߫ ߕߊ߬ߡߌ߲߬ ߞߍ߫ ߟߊ߫ ߓߌ߬ߟߊ߲ߒ߬ߞߊ߲ ߘߌ߫ ߝߎߚߎ߫ ߞߊ߬ ߥߴߊ߬ ߟߊߓߐ߫ ߡߊ߲߬ߘߋ߲߫ ߘߎ߰ߞߟߏ ߞߊ߲߬ ߝߋߎ߫.
߃߲- ߣߌ߫ ߞߎ߬ߟߋ ߘߏ߫ ߞߊ߬ ߡߊ߲߬ߘߋ߲߫ ߠߊߛߐ߬ߘߐ߲߬ ߢߊ߫ ߡߊ߬ ߡߊ߲߬ߘߋ߲߫ ߛߌ߰ߓߊ߮ ߟߎ߬ ߛߋ߫ ߕߍ߫ ߡߍ߲ ߘߐ߫، ߦߏ߫ ߡߊ߲߬ߛߊ߬ ߖߎ߮ ߘߏ߫ ߦߴߊ߬ ߟߊߛߌ߰ ߝߊ߲߬ߞߊ ߟߊ߫ ߸ ߏ߬ ߓߊ߯ ߞߍ߫ ߸ ߛߐ߲߬ ߞߊߣߊ߬ ߞߍ߫ ߝߋߎ߫ ߞߊ߬ ߞߎ߬ߟߋ ߏ߬ ߟߊߕߘߍ߬ ߡߊ߲߬ߘߋ߲߫ ߘߍ߭ ߞߏߢߊ ߛߌ߫ ߘߐ߫، ߝߏ߫ ߡߊ߲ߜߏߦߊ ߦߋ߫ ߖߡߊ߬ߣߊ ߟߐ߯ߓߐ߫ ߊ߬ ߟߊ߫ ߞߵߊ߬ ߟߊߓߐ߫.
߄߲- ߣߌ߫ ߡߊ߬ߣߋ߲߬ߞߊ߫ ߕߊ߯ߡߟߊ ߡߍ߲ ߣߌ߫ ߞߎ߬ߟߋ ߟߎ߬ ߞߍ߫ ߘߊ߫ ߛߌ߬ߢߐ߲߰ߡߊ ߘߌ߫ ߖߡߊ߬ߣߊ߬ ߖߊ߲ ߘߏ߫ ߞߊ߲߬ ߸ ߏ߬ ߞߊߣߊ߬ ߓߊ߯ߙߊߢߐ߲߯ߦߊ ߣߌ߫ ߘߍ߬ߢߐ߲߰ߦߊ ߣߌ߫ ߡߐ߰ߦߊ ߓߌ߬ߟߊ߬ߢߐ߲߰ߘߐ߬ ߞߏ ߛߎ߯-ߎ- ߛߎ߯ ߟߐ߬ ߞߎ߬ߟߋ ߟߎ߬ ߡߊ߬ ߦߋ߲߬، ߣߴߊ߬ ߘߏ߲߬ ߕߍߣߊ߫ ߢߊ߬ ߞߎ߬ߟߋ ߟߎ߫ ߘߍ߬ߢߐ߲߰ߦߊ ߞߐ߫ ߦߙߐ ߡߍ߲ ߸ ߊ߰ ߓߐ߫ ߦߋ߲߬.
߅߲- ߞߎ߬ߟߋ ߕߐ߮ ߓߘߊ߫ ߞߍ߫ ߣߊ߬ߣߌ߲߬ߠߌ߲ ߣߌ߫ ߖߓߍߟߌ ߘߌ߫ ߡߊ߲߬ߘߋ߲߫ ߞߣߐ߫، ߏ߬ ߘߐ߫ ߸ ߡߐ߰ ߛߌ߫ ߞߊߣߵߊ߬ ߝߐ߫ ߌ ߖߎ߮ ߡߊ߬ ߡߎ߬ߕߎ߲߬ ߞߏ߫ ߌ ߞߎ߬ߟߋ ߸ ߞߎߡߊ߫ ߕߴߊ߬ ߢߌ߲߭ ߡߊ߬، ߓߊߏ߬ ߞߎ߬ߟߋ ߞߘߐ ߟߋ߬ ߛߍߣߍ߲߬ ߸ ߞߏ߫ (ߖߘߍ߬ߡߊ߬ߖߎ߮ ߝߊ߬ߛߏ߬ ߖߊ߲߬ߝߊ߬ߟߊ) ߖߊ߲߬ߝߊ ߝߐ߫ ߢߊ߫ ߟߋ߬ ߡߊ߲߬ߘߋ߲߫ ߞߘߐ߬ߡߊ߲߬ ߞߏ߫ (ߡߊߙߊ߲ߛߊ) ߓߊ߬ߙߌ߬ ߡߊߙߊ߲ߛߊ߫ ߞߍߟߊ߫ ߝߊ߰ߕߐ߬ߟߊ ߣߡߌߛߊߣߍ߲ ߦߴߊ߬ ߝߐ߫ ߡߍ߲ ߞߍ߫ ߟߊ߫ ߞߏ߫ (ߖߊ߰ ߒ ߝߊ߰ ߞߏ ߟߋ߬ ߞߍߣߍ߲ ߒ ߓߟߏ߫ ߣߌ߲߬) ߖߊ߰ ߒ ߝߊ߱ ߏ߬ ߟߋ ߞߍ߫ ߘߊ߫ ߡߊߙߊ߲ߛߊ ߕߐ߮ ߘߌ߫ ߛߊ߫ ߞߏ߫ (ߖߊ߲߬ߝߊ)
߆߲- ߞߎ߬ߟߋ ߟߎ߬ ߟߊ߫ ߓߊ߯ߙߊ ߕߘߍ߬ ߦߙߌ߫ ߡߊߟߛߍ ߣߌ߫ ߝߍߙߍ߲ ߛߊ߫ ߡߍ߲ ߠߎ߬ ߘߌ߫ ߸ ߊ߬ߟߎ߫ ߞߵߏ߬ ߘߌ߫ ߣߎ߬ߡߎ߲ ߠߎ߫ ߡߊ߬ ، ߓߊ ߏ߬ ߟߎ߫ ߟߋ߬ ߞߵߊ߬ߟߎ߬ ߘߐߖߊ߬ ߞߍ߬ߟߍ ߏ߬ ߘߐ߫ ߡߊ߲߬ߘߋ߲߫ ߘߍ߭ ߛߌ߲߬ߝߏ߲ ߓߍ߯ ߘߌ߫ ߥߟߵߊ߬ ߘߍ߭ ߝߣߍ߬ߝߣߍ ߓߍ߯ ߘߌ߫ ( ߝߊ߬ߙߊ߲ߛߌ ߘߐ߫ ߸ ߞߎߛ߭ ߛߏߛߌߦߊߟ ) ߏ߬ ߟߋ ߞߊ߬ ߣߎ߲߱ ߠߎ߬ ߞߍ߫ ߦߌߟߡߊ߫ ߛߓߊ߬ ߘߌ߫ ، ߝߟߐ ߟߎ߬ ߦߋ߫ ߜߊ߲߬ߛߟߎ߬ ߟߐ߬ߟߊ ߣߍ߰ ߓߐ߬ߟߊ ߟߎ߬ ߘߌ߫ ، ߝߌߟߊߣߊ߲ ߦߋ߫ ߛߌ߬ߦߊ߬ߞߌ߫ ߛߊߣߌ߲ ߘߊ߲ߠߊ ߟߎ߬ ߘߌ߫ ، ߛߓߊߣߊ߲ ߦߋ߫ ߝߊ߲ߓߟߊߣߎߡߎ߲ ߦߙߌߓߐߟߊ ߟߎ߬ ߘߌ߫ ، ߒ߬ߓߊ߬ ߞߍ߬ߟߍ ߏ߬ ߟߋ ߞߊ߬ ߕߏ߲ߒߕߊ߲ ߠߎ߫ ߡߐ߬ߟߐ߲ ߡߊߦߟߍ߬ ߡߊ߲߬ߘߋ߲߫ ߘߍ߭ ߞߣߐ߫ ߞߏߛߓߍ߫ ، ߓߊ ߏ߬ ߟߎ߫ ߟߋ߬ ߞߍ߫ ߘߊ߫ ߟߊ߬ߥߛߊ ߛߓߊߓߎ ߘߌ߫ ߞߊ߬ ߡߊ߲߬ߘߋ߲߫ ߞߛߌ߫ ߡߐ߰ ߖߐ߲߬ߧߊ ߡߊ߬ .
ߞߟߍ߬ߢߐ߲߰ߦߊ ߟߊߕߐ߲ ߣߌ߫ ߕߏߟߏ߲ߢߐ߲߯ߦߊ ߘߐߘߌߦߊ
ߛߊ߬ߙߌ߬ߦߊ߬ߓߏߟߏ߲ ߁߂߄߲:
ߛߏ߰ߟߏ߲߬ ߡߊ߲߯ ߞߵߊ߬ ߦߌ߬ߘߊ߬ ߸ ߞߏ߫ ߞߏ ߓߊ߯ ߢߌ߬ߡߦߊ߬ ߢߊ-ߊ- ߢߊ߫ ߸ ߊ߬ ߦߋ߫ ߡߊߓߍ߲߬ ߠߋ߬ ߞߊ߬ ߞߍ߫ ߕߍߡߊߞߊ߲ߞߋ ߘߌ߫ ، ߓߊ߬ߙߌ߬ ߣߴߊ߬ ߘߊ߲ߣߊߕߊ߬ߡߌ߲߬ ߘߊ߫ ߘߐߙߐ߲ ߸ ߊ߬ ߓߐߣߍ߲ ߓߍ߯ ߟߋ߬ ߢߌ߬ߡߦߊ߬ ߟߊ߫ ߏ߬ ߘߌ߫ ߞߊ߬ ߞߍ߫ ߖߏ߯ߡߊ߲ ߘߌ߫ ، ߏ߬ ߞߏ߫ ߢߌߡߊ߫ ߘߊ߲ߣߊߕߊ߬ߡߌ߲߬ߣߍ߲߬ ߛߎ߮ ߘߏ߫ ߟߋ߬ ߡߊ߬ߣߋ߲߬ߞߊ ߟߊ߫ ߛߓߍ߬ߣߊ߲߬ߡߐ߰ߦߊ ߘߌ߫ ، ߓߊ ߊ߲ ߞߊ߬ ߛߍ߬ߓߍ ߘߊ߲ߣߊߕߊ߬ߡߌ߲ ߠߋ߬ ߝߎߚߎ߫ ߸ ߝߏ߫ ߊ߲ ߕߘߍ߬ ߕߴߛߋ߫ ߟߊߕߘߍ߬ ߟߊ߫ ߕߏߟߏ߲ߢߐ߲߯ߦߊ ߛߎ߯-ߎ-ߛߎ߯ ߘߐ߫ ، ߤߊߟߴߊ߲ ߓߋ߲ߓߊ ߞߘߐ ߟߎ߮ ߞߵߊ߲ ߢߍߛߌ߰ ߛߊ߬ߣߊ߲߬ߞߎ߲߬ߧߊ ߣߌ߫ ߞߟߊ߬ߡߍ߬ߦߊ ߣߌ߫ ߞߊ߬ߣߌ߲߬ߡߊ߬ߦߊ ߣߌ߫ ߣߌ߬ߡߐ߰ߦߊ ߣߌ߫ ߣߎ߬ߡߐ߰ߦߊ ߡߍ߲ ߠߎ߬ ߟߊ߫ ߸ ߛߋߕߌ߮ ߛߌߦߊߡߊ߲ ߓߊ߲ߣߍ߲ ߏ߬ ߟߎ߫ ߡߊ߬ ߗߏ߫ ߸ ߞߏ߫ ߊ߬ߟߎ߬ ߦߋ߫ ߡߐ߰ߣߍ߲ ߠߎ߬ ߦߟߌߟߊߕߍ߰ ߟߊ߫ ߡߐ߰ߓߊ ߟߎ߫ ߡߊ߬ ߞߏߖߎ߯ߦߊ߫ ، ߞߵߊ߬ ߕߘߍ߬ ߒ߬ ߓߋ߲߬ߓߊ ߟߎ߫ ߞߵߏ߬ ߟߎ߬ ߟߊߘߊ߲ ߠߊߥߟߌ߬ ߡߐ߱ ߟߎ߬ ߦߟߌߟߊߕߍ߯ ߢߐ߲߰ ߡߊ ߏ߬ ߟߋ ߡߊ߬ ، ߛߏ߲߬ߖߘߊ߫ ߞߊ߲ ߞߏ߫ ߒ߬ߓߊ߬ ߊ߲ ߞߍߕߐ߫ ߕߏߟߏ߲ߢߐ߲߯ߦߊ ߏ߬ ߟߎ߫ ߟߋ߬ ߓߊ߲ߓߊ߲ ߠߊ߫ ߞߎߘߊ߫ ߞߍ߫ ߣߌ߲߬ ߸ ߞߵߊ߬ߟߎ߬ ߘߐߜߟߍ߬ߦߊ߬ ߜߘߋߜߘߋ߫ ، ߊ߲ ߝߊ߲߭ ߘߌ߫ ߘߏ߫ ߝߙߊ߬ ߡߐ߱ ߓߍ߯ ߕߏߟߏ߲ߢߐ߯ ߦߙߌߞߊ ߟߊ߫ ߣߌ߲߭ ߛߋ߲߭ ߝߏ߫ ߓߍ߯ ߕߊ ߦߋ߫ ߓߌ ߓߐ߫ ، ߞߊ߬ߕߎ߲߯ ߸ ߌ ߓߊ߯ ߡߐ߱ ߡߍ߲ ߠߊ߫ ߞߏ ߓߍ߯ ߦߋ߫ ߛߍ߬ߓߍ ߘߌ߫ ߸ ߊ߬ ߕߍ߫ ߕߏߟߏ߲ ߡߎ߰ߡߍ ߘߐ߫ ߸ ߌ ߦߴߊ߬ ߟߐ߲߫ ߞߴߏ߬ ߦߋ߫ ߡߐ߰ ߞߏߙߏ߲ ߣߌ߫ ߡߐ߰ ߘߐ߬ߞߏߟߏ߲ ߘߝߊߣߍ߲ ߠߋ߬ ߘߌ߫ ، ߊ߬ ߦߴߊ߬ ߞߌ߬ߙߌ߲߬ ߠߊ߫ ߡߐ߱ ߟߎ߬ ߡߊ߬ ߟߋ߬ ߸ ߛߊ߫ ߖߊ߬ߡߊ ߞߊߣߊ߬ ߡߍ߬ߙߍ߲߬ ߊ߬ ߟߊ߫ ߸ ߞߵߊ߬ ߟߊ߫ ߞߏߙߏ߲ߧߊ ߟߐ߲߫ ، ߞߏ߬ߣߌ߲߬ ߓߌ߬ ߸ ߊ߲ ߞߍߕߐ߫ ߡߊ߲߬ߘߋ߲߫ ߕߏߟߏ߲ߢߐ߲߯ߦߊ߫ ߞߘߐ߫ ߟߎ߬ ߡߊߞߊ߬ߝߏ߬ ߟߊ߫ ߢߊ ߡߍ߲ ߸ ߏ߬ ߟߋ ߢߊߝߐߕߐ߫ ߣߌ߲߬ : ߝߟߐ߫ ߡߐ߰ߓߊ ߟߎ߫ ߞߊ߬ ߕߏߟߏ߲ߢߐ߲߯ߦߊ ߟߊߘߊ߲ ߓߍ߯ ߣߌ߫ ߡߐ߰ ߉ ߢߌ߲߬ ߠߎ߫ ߟߋ߬ ߕߍ߫ :
߁߭) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߓߋ߲ߓߊ ߕߍ߫، ߏ߬ ߦߴߊ߬ ߝߊ߬ ߕߊ ߝߊ߭ ߟߋ߬ ߘߌ߫. ߟߊ߲߬ߘߊ ߘߏ߲߬ ߘߐ߫ ߸ ߗߍ߭ ߓߋ߲ߓߊ ߦߴߊ߬ ߝߌߟߊ߲ ߠߋ߬ ߘߌ߫ ߸ ߡߏ߬ߛߏ ߓߋ߲ߓߊ ߦߴߊ߬ ߗߍ߬ ߘߌ߫.
߂߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߡߊ߬ߡߊ߬ߙߋ߲ ߕߍ߫، ߏ߬ ߦߴߊ߬ ߘߋ߲ߞߍ ߕߊ߫ ߘߋ߲ ߠߋ߬ ߘߌ߫.
߃߲) - ߞߵߊ߬ ߟߊߘߊ߲ ߡߐ߱ ߣߴߊ߬ ߡߐ߰ߞߍ ߕߍ߫، ߏ߬ ߦߴߊ߬ ߣߊ߫ ߕߊ߫ ߝߊ߭ ߟߋ߬ ߘߌ߫، ߗߍ߭ ߡߐ߬ߞߍ ߦߴߊ߬ ߞߢߊߢߐ߲߮ ߠߋ߬ ߘߌ߫ ߸ ߡߏ߬ߛߏ ߡߐ߬ߞߍ ߦߴߊ߬ ߗߍ߬ ߘߌ߫.
߄߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߡߐ߬ߘߋ߲ ߕߍ߫، ߏ߬ ߦߴߊ߬ ߘߋ߲ߡߛߏ߫ ߘߋ߲ ߠߋ߬ ߘߌ߫، ߗߍ߭ ߡߐ߬ߘߋ߲߬ߞߍ ߦߴߊ߬ ߝߌߟߊ߲ ߠߋ߬ ߘߌ߫ ߸ ߊ߬ ߡߐ߬ߘߋ߲߬ߡߛߏ ߦߴߊ߬ ߡߏ߬ߛߏ ߘߌ߫.
߅߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߡߊ߬ߡߊ߬ ߕߍ߫، ߏ߬ ߦߴߊ߬ ߝߊ߬ ߕߊ߫ ߣߊ ߟߋ߬ ߘߌ߫، ߗߍ߭ ߡߊ߬ߡߊ߬ ߦߴߊ߬ ߡߏ߬ߛߏ ߘߌ߫ ߸ ߡߏ߬ߛߏ ߡߊ߬ߡߊ߬ ߦߴߊ߬ ߛߌ߬ߣߊ߬ ߡߛߏ ߘߌ߫، ߤߊߟߌ ߓߌ߬ ߸ ߟߊ߲ߘߊ ߘߐ߫ ߸ ߡߏ߬ߛߏ ߗߍ߬ ߓߊ߯ ߛߊ߬ ߸ ߊ߬ ߘߌ߫ ߛߌ߰ ߊ߬ ߡߊ߬ߡߊ߬ߙߋ߲ ߞߎ߲߬، ߏ߬ ߘߏ߲߬ ߜߎ ߤߙߊ߬ߡߎ߲߬ߣߍ߲ ߠߋ߬ ߛߌ߬ߟߡߊ߬ߦߊ ߛߊ߬ߙߌ߬ߦߊ ߘߐ߫.
߆߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߡߐ߬ߡߛߏ ߕߍ߫، ߏ߬ ߦߴߊ߬ ߣߊ߫ ߕߊ߫ ߣߊ ߟߋ߬ ߘߌ߫، ߗߍ߭ ߡߐ߬ߡߘߏ ߦߴߊ߬ ߡߏ߬ߛߏ ߘߌ߫ ߸ ߡߏ߬ߛߏ ߡߐ߬ߡߛߏ ߦߴߊ߬ ߛߌ߬ߣߊ߬ ߡߛߏ ߘߌ߫.
߇߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߞߟߊ߬ߡߍ ߕߍ߫، ߏ߬ ߦߴߊ߬ ߕߍߣߍ߲ ߘߋ߲ ߠߋ߬ ߘߌ߫.
߈߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߞߊ߬ߣߌ߲߬ߡߊ ߕߍ߫، ߏ߬ ߦߴߊ߬ ߓߊߙߌ߲ ߘߋ߲ ߠߋ߬ ߘߌ߫، ߡߐ߰ ߘߏ߲߬ ߞߊ߬ߣߌ߲߬ߡߊ ߓߊ߯ ߞߍ߫ ߡߍ߲ ߘߌ߫ ߸ ߏ߬ ߞߟߊ߬ߡߍ ߟߵ ߌ߬ ߘߌ߫.
߉߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߛߊ߬ߣߊ߲ߞߎ߲ ߕߍ߫، ߛߌ߬ߢߐ߲߰ߦߊ ߣߊ߬ ߓߊߘߋ߲ߧߊ ߟߊߘߊ߲ ߠߊ߫ ߡߐ߱ ߣߌ߫ ߡߐ߰ ߜߘߍ ߡߍ߲ ߕߍ߫ ߞߊ߬ߣߌ߲߬، ߏ߬ ߟߊߘߊ߲ ߢߊ ߘߌߣߊ߬ ߢߊߝߐ߫ ߞߐߟߊ߫.
ߒ߬ߓߊ߬ ߞߙߎߞߊ߲ߝߎߥߊ߫ ߜߊ߬ߙߊ ߝߍ߬ ߸ ߛߏ߲߬ߖߘߊ߫ ߞߊ߬ ߕߏߟߏ߲ߢߐ߲߯ߦߊ ߟߊߘߊ߲߫ ߡߐ߱ ߓߍ߯ ߣߌ߫ ߡߐ߰ ߂߂ ߡߍ߲ ߠߎ߬ ߕߍ߫ ߸ ߏ߬ ߟߎ߫ ߟߋ߬ ߡߊߘߊ߲ߕߐ߫ ߊߟߎ߫ ߢߍ߫ ߣߌ߲߬:
߁߀߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߓߊߙߌ߲ߢߐ߮ ߕߍ߫، ߏ߬ ߦߴߊ߬ ߓߊߙߌ߲ ߡߛߏ ߘߋ߲ ߠߋ߬ ߘߌ߫، ߞߊ߬ߕߎ߲߯ ߊ߬ ߣߌ߫ ߏ߬ ߦߋ߫ ߓߊߙߌ߲ ߞߋߟߋ߲ ߠߋ߬ ߟߊ߫.
߁߁߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߝߌߟߊ߲ ߕߍ߫، ߊ߬ ߞߊ߬ߙߌ ߞߊ߬ߣߌ߲߬، ߏ߬ ߦߴߊ߬ ߛߌ߰ ߞߛߊ߬ߓߌ߬ߢߐ߲߮ ߠߋ߬ ߘߌ߫، ߞߊ߬ߙߌ߬ߦߊ ߟߊߘߊ߲ ߢߊ ߓߍߣߊ߬ ߝߊߙߊ߲ߝߊ߯ߛߌ߫ ߞߐߟߊ߫ ߸ ߣߴߊߟߊ߫ ߘߌ߬ߢߍ߬ ߘߊ߫.
߁߂߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߞߊ߬ߙߌ߬ߓߊ ߕߍ߫، ߏ߬ ߦߴߊ߬ ߞߊ߬ߙߌ߬ ߓߋ߲ߓߊ ߟߋ߬ ߘߌ߫
߁߃߲) -ߞߵߊ߬ ߟߊߘߊ߲߫ ߡߐ߱ ߣߴߊ߬ ߞߊ߬ߙߌ߬ߙߋ߲ ߕߍ߫، ߏ߬ ߦߴߊ߬ ߞߊ߬ߙߌ߬ ߡߊߡߊߙߋ߲ ߠߋ߬ ߘߌ߫.
߁߄߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߓߎ߬ߙߋ߬ߢߐ߲߮ ߕߍ߫، ߊ߬ ߣߌ߫ ߡߐ߱ ߓߌ߬ߟߊ߬ ߘߊ߫ ߞߐ߬ ߘߐ߫ ߞߋߟߋ߲ߘߌ߫.
߁߅߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߛߍߡߊ ߕߍ߫، ߡߍ߲ ߞߵߊ߬ ߞߣߍߘߋ߲ߡߊ ߘߊ߲ߘߊ߫ ߓߎ߬ߙߋ ߟߊ߫.
߁߆߲) - ߞߵߊ߬ ߟߊߘߊ߲߫ ߞߣߍߞߍߟߊ ߣߴߊ߬ ߟߊ߫ ߡߐ߰ ߟߊߗߍ߬ߓߦߊ߬ߣߍ߲ ߕߍ߫.
߁߇߲) - ߞߵߊ߬ ߟߊߘߊ߲߫ ߞߣߍߞߍߟߊ ߣߴߊ߬ ߟߊ߫ ߞߣߍߖߋߟߌ ߕߍ߫ ߸ ߡߍ߲ ߝߎ߬ߟߋ ߝߍ߫ ߟߴߊ߬ ߞߐ߫.
߁߈߲) - ߞߵߊ߬ ߟߘߊ߲߫ ߡߐ߱ ߣߴߊ߬ ߛߊ߲ߜߊ߲ ߕߍ߫ ߸ ߛߎ߲ߞߎߘߎ߲ ߡߍ߲ ߣߌ߫ ߞߊ߲ߡߋߙߋ߲ ߕߘߍ߬ ߢߐ߲߮ ߠߊ߫ ߞߊ߬ߣߌ߲ ߘߐ߫ ߖߡߊ߬ߣߊ߬ߞߍ ߕߎ߬ߡߊ، ߓߊ߬ߙߌ߬ ߢߊ߬ߡߐ߰ߦߊ ߡߊ߫ ߘߏ߲߬ ߊ߬ߟߎ߬ ߕߍ߫. ߣߴߏ߬ ߘߏ߲߬ ߘߊ߫ ߡߍ߲ ߠߎ߬ ߕߍ߫ ߸ ߡߏ߬ߛߏ ߗߍ߬ ߘߌ߫ ߛߊ߲ߜߊ߲ߦߊ ߏ߬ ߕߌߢߍ߫.
߁߉߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߛߊ߲ߜߊ߲߫ ߖߌߡߊ ߕߍ߫ ߸ ߝߘߎ ߣߌ߫ ߗߍ߬ߣߌ߫ߡߛߏ߬ߦߊ ߘߏ߲߬ ߘߊ߫ ߡߐ߰ ߣߌ߫ ߡߍ߲ ߕߍ߫ ߞߊ߬ ߣߊ߬ ߝߘߎ ߛߊ߬ ߸ ߘߋ߲ ߡߊ߫ ߘߏ߲߬ ߊߟߎ߫ ߕߍ߫.
߂߀߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߛߊ߲ߜߊ߲߫ ߝߎߙߋߡߊ ߕߍ߫ ߸ ߝߘߎ ߣߌ߫ ߗߍ߬ߣߌ߫ߡߛߏ߬ߦߊ ߘߏ߲߬ ߘߊ߫ ߡߐ߰ ߣߌ߫ ߡߍ߲ ߕߍ߫ ߸ ߞߣߊ߬ ߝߘߎ ߛߊ߬ ߞߐ ߟߊ߫.
߂߁߲) - ߡߐ߰ߓߊ ߟߎ߬ ߡߊߛߐ߲߬ ߊ߬ ߟߊߘߊ߲߫ ߠߊ߫ ߡߐ߰ ߝߌ߬ߟߊ ߣߴߊ߬ ߛߊ߲ߜߊ߲߬ ߞߏߙߏ߲ ߕߍ߫ ߸ ߗߍ߬ߣߌ߬ߡߛߏ߬ߦߊ ߘߏ߲߬ߘߊ߫ ߡߍ߲ ߠߎ߬ ߕߍ߫ ߢߊ߬ߡߐ߰ߦߊ ߘߐ߫ ߞߊ߬ߣߌ߲߬، ߏ߬ ߟߎ߬ ߕߊ ߟߊߘߊ߲ ߓߊߟߌ ߕߏ߫ ߘߊ߫ ߡߐ߰ߓߊ ߟߎ߬ ߓߟߏ߫ ߟߋ߬ ߸ ߤߊߞߍߕߏ߫ ߊ߬ߟߎ߬ ߞߊߣߊ߬ ߖߊߕߐߦߊ ߘߐߘߌߦߊ߫، ߓߊ߬ߙߌ߬ ߡߐ߰ ߞߏߙߏ߲ ߝߌ߬ߟߊ ߏ߬ ߟߎ߫ ߞߵߊ߬ ߟߊߘߊ߲ ߢߐ߲߮ ߕߍ߫ ߓߍ߯ ߢߌ߬ߣߊߡߊ߬.
߂߂߲) - ߞߵߊ߬ ߟߊߘߊ߲ ߡߐ߱ ߣߴߊ߬ ߞߢߊ߬ߒߡߊ ߕߍ߫ ߸ ߝߘߎ ߖߎ߬ߕߍ߰ ߘߊ߫ ߸ ߞߏ߬ߣߵߊ߬ ߡߊߣߊ߬ ߓߐ߫.
߂߃߲) - ߞߵߊ߬ ߟߘߊ߲߫߫ ߞߊ߬ߙߊ߲߬ߘߋ߲ ߣߴߊ߬ ߛߘߌ߬ߢߐ߲߮ ߕߍ߫ ߸ ߊ߬ ߣߌ߫ ߡߍ߲ ߕߘߍ߬ ߥߟߊ߬ ߁ ߘߐ߫.
߂߄߲) - ߞߵߊ߬ ߟߊߘߊ߲߫ ߟߏ߲ߟߊ߲ ߣߴߊ߬ ߖߋ߬ߕߌ߮ ߕߍ߫، ߦߏ߫ ߖߊ߬ߣߍ ߣߌ߫ ߛߌ߬ߟߊ ߕߊ ߟߊߘߊ߲ ߘߊ߫ ߞߙߎߞߊ߲ߝߎߥߊ߫ ߜߊ߬ߙߊ ߘߐ߫ ߢߊ ߡߍ߲ ߡߊ߬.
߂߅߲) - ߞߵߊ߬ ߟߊߘߊ߲߫ ߟߏ߲ߟߊ߲ ߣߴߊ߬ ߖߋ߬ߕߌ߮ ߛߊ߬ߣߊ߲߬ߞߎ߲ ߕߍ߫، ߓߊ߰ߦߐ ߟߎ߫ ߕߘߍ߬ ߘߊ߫ ߞߙߏ߬ߡߊ ߟߎ߫ ߝߍ߬ ߞߏ߬ߣߊ߬ߕߍ߬ ߛߊ߬ߣߊ߲ߞߎ߲߬ߧߊ ߘߐ߫ ߢߊ ߡߍ߲.
߂߆߲) - ߞߵߊ߬ ߟߊߘߊ߲߫ ߡߏ߬ߛߏ ߣߴߊ߬ ߞߊߣߖߌ߫ ߛߌߣߊ ߕߍ߫.
߂߇߲) - ߞߵߊ߬ ߟߊߘߊ߲߫ ߡߏ߬ߛߏ ߣߴߊ߬ ߕߋߛߙߌߣߊ ߕߍ߫ ߸ ߊ߬ ߗߍ߬ ߕߋߙߌߞߍ߫ ߡߏ߬ߛߏ ߞߍ߫.
߂߈߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߕߋߙߌߝߘߎߡߊ ߕߍ߫ ߸ ߊ߬ ߕߋߙߌߞߍ߫ ߡߏ߬ߛߏ ߣߴߊ߬ ߗߍ߬ ߕߋߙߌߞߍ ߞߊ߬ߣߌ߲߫.
߂߉߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߘߋ߲ߢߐ߲߮ ߕߍ߫ ߸ ߊ߬ ߓߍߣߐ߯ ߞߎ߲ߓߊ ߘߋ߲ ߣߴߊ߬ ߓߍߣߐ߯ ߡߌߛߍ߲ ߘߋ߲ ߠߎ߬ ߞߊ߬ߣߌ߲߫، ߓߊ߬ߙߌ߬ ߖߎ߬ߟߊ߬ߓߊ ߟߎ߫ ߟߋ߬ ߕߏ߫ ߘߴߏ߬ ߞߊ߲߬، ߝߊ߬ߘߋ߲߬ߧߊ ߞߊ߬ ߡߊ߬ߣߋ߲߬ߞߊ ߟߎ߫ ߟߐ߬ ߊ߬ ߕߏ߫ ߟߊ߫ ߘߐ߯ ߣߌ߫ ߞߘߐߦߊ ߟߋ߬ ߡߊ߬، ߕߏߟߏ߲ߢߐ߲߯ߦߊ ߘߏ߲߬ ߕߍ߫ ߓߍ߲߬ ߘߐ߯ ߣߌ߫ ߞߘߐ߬ ߕߍ߫ ߢߊ߯-ߊ- ߢߊ߫ ߡߊ߬.
߃߀)- ߞߵߊ߬ ߟߊߘߊ߲߫ ߡߐ߱ ߣߴߊ߬ ߣߎ߬ߡߐ߯ ߛߌ߰ ߛߊ߬ߓߊ ߢߌ߲߬ ߠߎ߬ ߕߍ߫:
ߝߟߐ: ߊ߬ ߞߘߐ߬ ߡߛߏ߫ ߗߍ߬، ߝߌߟߊߣߊ߲: ߊ߬ ߞߘߐ߬ ߡߛߏ߫ ߗߍ߬ ߘߐ߮ ߟߎ߬، ߛߓߊߣߊ߲: ߊ߬ ߗߍ߬ ߘߐ߮ ߟߎ߬.
߃߁߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߣߎ߬ߡߐ߯ ߛߌ߰ ߛߊ߬ߓߊ ߢߌ߲߬ ߠߎ߬ ߕߍ߫:
ߝߟߐ: ߊ߬ ߞߘߐ߬ߞߍ ߡߏ߬ߛߏ، ߝߌߟߊߣߊ߲: ߊ߬ ߞߘߐ߬ߞߍ ߡߏ߬ߛߏ ߘߐ߮ ߟߎ߬، ߛߓߊߣߊ߲: ߊ߬ ߡߏ߬ߛߏ ߘߐ߮ ߟߎ߬.
߃߂߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߣߎ߬ߡߐ߰ߓߊ ߕߍ߫ ߸ ߊ߬ ߕߍߣߍ߲ ߗߍ߬ ߞߊ߬ߣߌ߲߫.
߃߃߲) - ߞߵߊ߬ ߟߊߘߊ߲߫ ߡߐ߱ ߣߴߊ߬ ߣߎ߬ߡߐ߰ߟߋ߲ ߕߍ߫، ߏ߬ ߦߋ߫ ߡߐ߰ ߟߋ߬ ߘߌ߫ ߸ ߡߍ߲ ߕߍߣߍ߲ ߛߌ߰ ߣߴߊ߬ ߞߎ߲߬
((ߖߊ߲ߕߏ߬ߒߘߐ))
ߊ) ߝߊ߬ߘߋ߲߬ߧߊ ߡߊ߬ ߸ ߡߊ߬ߣߋ߲߬ߞߊ ߟߎ߬ ߡߊ߫ ߛߐ߲߬ ߘߋ߲ߢߐ߲߮ ߟߊ߫ ߕߏߟߏ߲ߢߐ߲߯ߦߊ ߡߊ߬.
ߋ) ߊ߬ߟߎ߬ ߡߊ߫ ߛߐ߲߬ ߞߊߣߌ߲ߖߌ߫ ߛߌߣߊ ߟߎ߬ ߝߣߊ߫ ߟߊ߫ ߕߏߟߏ߲ߢߐ߲߯ߦߊ ߡߊ߬ ߸ ߓߊ ߊ߬ߟߋ߬ ߝߊ߬ߘߋ߲߬ߧߊ߬ ߞߋߟߋ߲ ߠߋ߬ ߏ߬ ߟߎ߫ ߗߍ߬ ߟߎ߬ ߕߍ߫.
ߌ) ߣߌߜߟߍߦߊ ߡߊ߬ ߸ ߊ߬ߟߎ߬ ߡߊ߫ ߛߐ߲߬ ߞߢߊ߬ߒߡߊ ߣߌ߫ ߝߘߎߛߊߢߐ߲߮ ߟߊ߫ ߕߏߟߏ߲ߢߐ߲߯ߦߊ ߡߊ߬.
ߍ) ߊ߬ߟߎ߬ ߡߊ߫ ߛߐ߲߬ ߓߊߙߌ߲ߢߐ߲߮ ߝߣߊ߫ ߕߊ ߡߊ߬.
ߛߊ߬ߣߊ߲ߞߎ߲߬ߧߊ ߟߊߘߊ߲ ߢߊ
ߛߊ߬ߙߌ߬ߦߊ߬ߓߏߟߏ߲ ߁߂߅߲:
ߛߊ߬ߣߊ߲߬ߞߎ߲ ߞߘߐ ߟߋ߬ ߛߐ߬ߣߐ߰ߦߊ߬ ߞߎ߲ ߘߌ߫ ، ߓߊ ߡߐ߱ ߛߊ߬ߣߊ߲߬ߞߎ߲ ߓߊ߯ ߓߍ߲߬ ߌ ߟߊ߫ ߞߍ߬ߟߍ ߣߴߌ ߟߊ߫ ߞߏ߫ ߘߐߖߊ߬ߕߊ ߝߋ߲-ߋ-ߝߋ߲ ߡߊ߬ ߸ ߏ߬ ߛߐ߬ߣߐ߰ߦߊ߬ߣߍ߲ ߓߍ߯ ߟߴߏ߬ ߘߌ߫ ، ߡߐ߰ߓߊ ߟߎ߫ ߞߊ߬ ߛߊ߬ߣߊ߲߬ߞߎ߲߬ߧߊ ߟߊߘߊ߲߫ ߡߐ߱ ߟߎ߬ ߕߍ߫ ߟߋ߬ ߸ ߛߊ߫ ߞߏ߫ ߡߍ߲ ߠߎ߬ ߦߋ߫ ߜߊ߬ ߟߊ߫ ߡߐ߱ ߟߎ߬ ߟߊ߫ ߝߏ߫ ߞߵߊ߬ߟߎ߬ ߞߍ߫ ߢߐ߲߯ ߝߊ߯ ߞߎ߲ ߠߎ߬ ߘߌ߫ ߸ ߛߊ߫ ߏ߬ ߟߎ߬ ߘߌ߫ ߟߊߣߐ߰ߦߊ߫ ߞߵߊ߬ߟߎ߬ ߞߍ߫ ߕߏߟߏ߲ ߣߌ߫ ߦߟߍ ߘߌ߫ ߸ ߞߊ߬ ߝߊ߰ߟߌ ߣߌ߫ ߡߊ߬ߘߌ߬ߡߌ߲߬ߠߌ ߠߎ߬ ߓߐ߫ ߊ߬ ߘߐ߫ ߝߋߎ߫ ، ߊ߰ ߝߐ߫ ߟߊ߫ ߛߊ߬ߣߊ߲߬ߞߎ߲߬ߧߊ ߡߊ߬ ߏ߬ ߟߋ ߘߐ߫ ߝߣߊ߫ ߸ ߞߏ߫ ߕߣߊ߬ߡߊ߬ߢߐ߲߰ߦߊ ، ߓߊ ߛߊ߬ߣߊ߲߬ߞߎ߲߬ߡߊ ߟߎ߫ ߕߊ߬ߣߊ ߟߋ߬ ߢߐ߲߮ ߖߋ߬ߟߌ߬ ߟߊ߬ߓߐ߲߫ ߣߌ߫ ߢߐ߲߮ ߢߊߖߌ ߟߊߓߐ ߣߌ߫ ߢߐ߲߮ ߛߐ߲߬ߞߐ߬ ߘߊߥߎ߲ ߘߌ߫ ، ߊ߬ ߣߌ߫ ߢߐ߲߯ ߕߙߐ ߣߌ߫ ߢߐ߲߮ ߖߛߎ߫ ߞߊߛߌ ߣߌ߫ ߢߐ߲߮ ߕߣߊ߬ ߟߊ߬ߕߍ߬ ߞߏ ߓߍ߯ ߘߌ߫ .
ߢߐ߲߯ ߝߊ߮ ߣߌ߫ ߢߐ߲߯ ߜߊߛߌ ߕߘߍ߬ ߞߍ߫ ߟߊ߫ ߞߏ ߡߍ߲ ߠߎ߬ ߘߐ߫ ߞߘߐ߬ߡߊ߲߫ ߸ ߛߊ߬ߣߊ߲߬ߞߎ߲߬ߧߊ ߞߵߏ߬ ߓߍ߯ ߞߍ߫ ߕߏߟߏ߲߫ ߞߎߡߊ ߣߌ߫ ߦߟߍߡߊߞߏ ߜߊ߲ߛߊ߲ ߘߌ߫، ߦߏ߫ ߢߐ߲߯ ߝߊ ߣߊߣߌ߲ ߣߌ߫ ߢߊ߬ߡߐ߬ߘߋ߲߬ߡߊ߬ ߣߊߣߌ߲ ߣߌ߫ ߖߐ߲߬ ߞߏ߬ߝߐ߬ ߣߊߣߌ߲ ߠߎ߬، ߛߊ߬ߣߊ߲߬ߞߎ߲߬ߧߊ ߞߊ߬ ߣߊ߬ߣߌ߲߬ߠߌ߲߬ ߖߎ߮ ߏ߬ ߟߎ߫ ߟߋ߬ ߟߊߣߐ߰ߦߊ ߕߋ߲߬ ߕߐߟߍ߫، ߝߏ߫ ߡߐ߱ ߟߎ߬ ߘߌ߫ ߢߐ߲߮ ߝߊ߬ ߘߟߊߞߏߖߎ߯ߦߊ߫ ߣߊߣߌ߲ ߞߍ߫ ߕߏߟߏ߲ ߘߐ߫، ߊ߬ ߣߌ߫ ߞߵߊ߬ ߝߐ߫ ߢߐ߲߮ ߡߊ߬ ߛߐ߲߬ ߞߏ߫ ߒ߬ߠߎ߬ ߟߊ߫ ߖߐ߲߭ ߠߋ߬ ߊߟߎ ߓߋ߲ߓߊ ߘߌ߫.
ߛߏ߲߰ߟߏ߲ ߡߊ߱ ߞߵߊ߬ ߦߌ߬ߛߊ߬ ߞߏ߫ ߡߐ߰ ߛߌ߫ ߞߊߣߊ߬ ߓߌ߬ߟߴߊ߬ ߕߣߊ߬ߡߊ߬ߢߐ߲߮ ߟߊ߫ ߸ ߌ ߞߊߣߊ߬ ߘߏ߲߬ ߊ߬ ߞߊ߬ߛߌ ߘߐ߫ ߸ ߌ ߞߊߣߵߊ߬ ߕߊ߬ߣߊ ߕߌߢߍ߫، ߞߏ߫ ߣߌ߫ ߖߛߎ߬ ߥߟߌ ߞߊ߬ ߡߍ߲ ߓߌ߬ߟߵߊ߬ ߛߊ߬ߣߊ߲߬ߞߎ߲ ߕߊ߬ߣߊ ߘߐ߫ ߸ ߏ߬ ߦߋ߫ ߢߍ߬ߢߌ߲߬ߘߐ߬ߓߍ߲߬ ߘߐ߬ߜߍ߫ ߛߙߊ߬ ߊ߬ ߕߣߊ߬ߡߊ߬ߢߐ߲߮ ߢߍ ߞߡߊ߬ߙߊ߬ߒߞߋ߬ߦߊ ߟߊ߫ ߢߊ߫ ߡߊ߬ ߸ ߡߍ߲ ߘߴߊ߬ ߟߊߛߍߥߊ߫ ߞߊ߬ ߞߍ߬ߟߍ ߟߊߓߊ߲߫ ߕߏߟߏ߲ ߡߊ߬، ߏ߬ ߟߋ ߕߐ߯ ߞߏ߫ ߞߊ߬ ߢߊߖߌ ߟߊߕߍ߬ߙߍ߲߬ߘߍ߫.
ߛߏ߲߬ߖߘߊ߫ ߞߵߊ߬ ߦߌ߬ߘߊ߬ ߸ ߞߏ߫ ߣߌ߫ ߡߍ߲ ߛߊ߬ߣߊ߲߬ߞߎ߲߫ ߤߊ߲ߞߟߌ߫ ߘߐ߯ ߞߊ߬ ߖߎ߯ߡߊ߲ ߞߴߊ߬ ߟߊ߫ ߸ ߏ߬ ߞߊߣߵߏ߬ ߛߙߊ߬ ߘߋ߬، ߊ߬ ߦߴߊ߬ ߝߐ߫ ߕߋ߲߬ ߞߏ߫ ߒ߬ ߓߋ߲ߓߊ ߝߌ߬ߟߊ ߕߍ ߦߴߊ߬ ߟߊ߫، ߣߴߏ߬ ߡߴߊ߬ ߖߘߍ߬ ߟߊߛߊ߬ߦߌ߬ ߏ߬ ߘߐ߫ ߝߋߎ߫ ߸ ߊ߬ ߘߴߏ߬ ߞߐߝߟߌ߫ ߖߎ߮ ߦߋ߫ ߔߊߞߌߛߊ߫ ߦߏ߫ ߕߋ߬ߟߋ.
ߞߊ߬ߦߌ߯ ߞߘߐ߬ߞߘߐ߬ߡߊ߲߫ ߘߏ߲߬ ߸ ߛߊ߬ߣߊ߲߬ߞߎ߲߬ߧߊ ߦߋ߫ ߡߊ߲߬ߘߋ߲߫ ߞߣߐ߫ ، ߓߊ߬ߙߌ߬ ߊ߬ ߟߐ߬ߞߎ߬ߣߍ߲߬ߓߊ߫ ߕߎ߲߬ ߕߍ߫ ، ߓߊ ߡߐ߰ ߘߐ߬ߜߍ߫ ߖߘߍ߬ߘߐ߬ߓߊ ߛߘߍߡߊ߲ ߕߘߍ߬ ߊ߬ߟߎ߫ ߓߊ߲߬ ߠߴߊ߬ ߡߊ߬ ߸ ߞߏ߫ ߊ߬ ߦߋ߫ ߡߐ߰ߣߍ߲ ߠߎ߫ ߖߛߎ߬ߟߊߕߍ߰ ߟߊ߫ ߡߐ߰ߓߊ ߟߎ߫ ߡߊ߬ ، ߞߵߊ߬ ߕߘߍ߬ ߖߐ߫ ߡߐ߰ߓߊ ߟߎ߫ ߞߵߊ߬ ߟߊߥߟߌ߬ ߡߐ߱ ߟߎ߫ ߦߟߌߟߊߕߍ߯ ߢߐ߲߰ ߡߊ ߏ߬ ߟߋ ߡߊ߬ ، ߏ߬ ߟߋ ߝߣߊ߫ ߞߵߊ߬ ߞߍ߫ ߸ ߛߏ߲߬ߖߘߊ߫ ߞߵߊ߬ ߟߐ߬ ߕߣߊ߬ߡߊ߬ߢߐ߲߰ߦߊ ߟߊߞߎߘߦߊ ߞߊ߲߬ ߞߙߎߞߊ߲ߝߎߥߊ߫ ߜߊ߬ߙߊ ߘߐ߫ ߸ ߞߵߊ߬ ߝߊ߲߬ߞߊ ߟߊߥߙߊ߬ ߓߊߞߍ ، ߊ߬ ߣߌ߫ ߞߊ߬ ߡߊ߲߬ߘߋ߲߫ ߡߌ߬ߙߌ߲߬ߘߌ ߓߍ߯ ߞߘߊߡߴߊ߬ ߟߊ߫ ߛߋ߲ߛߋߘߋ߲߫ .
ߛߊ߬ߣߊ߲߬ߞߎ߲߬ߧߊ ߟߊߞߎߘߦߊߕߐ ߛߏ߲߬ߖߘߊ߫ ߓߟߏ߫ ߏ߬ ߘߐ߫ ߸ ߊ߬ ߞߵߊ߬ ߖߍ߬ߘߍ ߓߟߏߞߊ߲ ߕߋ߬ ߟߌߟߊ߲ ߠߊ߫ ߔߊ߫ ، ߞߊ߬ ߛߌ ߓߍ߯ ߝߣߊ߫ ߢߍߡߐ߯ ߓߟߏߞߊ߲ ߕߋ߬ ، ߞߵߊ߬ߟߋ߬ ߟߊ߫ ߘߊ ߖߋ߬ߟߌ ߟߊ߫ ߏ߬ ߟߎ߬ ߟߊ߫ ߘߊ ߘߐ߫ ߸ ߞߵߏ߬ ߟߎ߬ ߝߣߊ߫ ߕߊ ߖߋ߬ߟߌ ߟߊ߫ ߊ߬ߟߋ߬ ߕߊ ߘߐ߫ ، ߏ߬ ߦߋ߫ ߛߊ߬ߣߊ߲߬ߞߎ߲߬ߧߊ ߟߊߘߊ߲ߣߍ߲ ߠߋ߬ ߘߌ߫ ߡߊ߲߬ߛߊ߬ߙߋ߲ ߣߌ߫ ߛߌ ߓߍ߯ ߕߍ߫ ، ߝߏ߫ ߞߐ߲ߘߍ ߣߌ߫ ߕߙߊߥߟߋ ، ߓߊ ߏ߬ ߟߎ߬ ߦߴߊ߬ߟߋ߬ ߓߊߙߌ߲ ߠߎ߫ ߟߋ߬ ߘߌ߫ ، ߛߊ߬ߣߊ߲߬ߞߎ߲߬ߧߊ ߘߏ߲߬ ߦߋ߫ ߟߊߘߊ߲߬ ߠߊ߫ ߡߐ߰ ߣߌ߫ ߡߐ߰ ߜߘߍ߫ ߟߎ߫ ߟߋ߬ ߕߍ߫ ، ߊ߬ ߕߍ߫ ߟߊߘߊ߲߫ ߠߊ߫ ߡߐ߰ ߣߴ ߌ ߓߘߊߡߐ߯ ߞߎߣߊ߲ ߕߍ߫ ، ߏ߬ ߟߋ ߞߐ߫ ߸ ߛߏ߲߬ߖߘߊ߫ ߞߊ߬ ߛߊ߬ߣߊ߲߬ߞߎ߲߬ߧߊ ߟߊߘߊ߲߫ ߛߌ ߓߍ߯ ߣߴߊ߬ ߛߌ߰ߢߐ߲߮ ߕߍ߫ ߞߐߘߍ߫ ، ߞߵߊ߬ ߝߐ߫ ߏ߬ ߘߐ߫ ߛߊ߫ ߸ ߞߏ߫ ߡߐ߱ ߟߎ߬ ߓߊ߯ ߓߍ߲߬ ߊ߬ߟߎ߬ ߕߍ ߘߐߓߍ߲߬ ߞߏ ߡߍ߲ ߡߊ߬ ߸ ߊߟߊ߫ ߝߣߊ߫ ߘߌ߫ ߓߍ߲߬ ߏ߬ ߡߊ߬ ، ߊ߲ ߘߏ߲߬ ߓߘߊ߫ ߓߍ߲߬ ߓߊߘߋ߲ߧߊ ߓߟߏߕߍ߰ߓߊߟߌ ߟߊߘߊ߲ ߡߊ߬ ߊ߲ ߣߌ߫ ߢߐ߲߮ ߕߍ߫ ߦߊ߲߬ ߓߌ߬ ߸ ߏ߬ ߘߏ߲߬ ߓߘߊ߫ ߞߴߊߟߊ߫ ߖߍ߬ߘߍ ߟߊ߫ ߛߌ߲ߖߌ߫ ߟߊߘߊ߲ߣߍ߲ ߖߊ߯ߕߋ ߟߋ߬ ߘߌ߫ ߛߍߣߍ߲߬ ߞߎߘߊߦߌ߫ ، ߛߊ߬ߣߊ߲߬ߞߎ߲߬ߧߊ ߣߌ߲߬ ߓߊ߯ ߘߐߖߐ߲߬ߛߐ ߡߍ߲ ߓߟߏ߫ ߸ ߊߟߊ߫ ߞߊߣߊ߬ ߛߊ߲߰ ߓߴߏ߬ ߞߐ߫ ߘߐ߫ .
((ߒߞߏ ߘߐ߫ ߸)) ߛߊ߲߱ ߦߋ߫ ߡߐ߰ ߘߐ߬ߜߍ߫ ߞߊߟߊ߲ߒߞߋ߫ ߟߋ߬ ߘߌ߫ ߸ ߡߍ߲ ߘߌ߫ ߓߊߓߏ߲ ߣߌ߫ ߝߊ߬ߓߏ߲ ߣߌ߫ ߝߊ߬ߛߏ ߟߊߥߙߎߞߌ߫ ߸ ߞߵߊ߬ߟߎ߬ ߕߐ߮ ߟߥߊ߫ ߔߏ߲߫، ߊ߰ ߝߐ߫ ߟߊ߫ ߕߌ߬ߦߊ ߞߟߐ߬ ߖߊ߲ ߞߌ߬ߛߍ߬ ߃ ߕߌ߮ ߣߌ߫ ߞߌ߬ߛߍ߬ ߄ ߕߌ߮ ߟߎ߫ ߡߊ߬ ߏ߬ ߟߋ ߘߐ߫ ߸ ߞߏ߫ ( ߛߊ߲߰ ߕߌߦߊ ) ߊ߬ ߓߊ߯ ߝߐ߫ ߞߏ߫ ߊߟߊ߫ ߞߊߣߊ߬ ߛߊ߲߰ ߓߐ߫ ߡߍ߲ ߞߐ ߘߐ߫ ߸ ߏ߬ ߞߘߐ ߟߋ߬ ߞߏ߫ ߊߟߊ߫ ߞߊߣߊ߬ ߡߐ߰ ߘߐ߬ߜߍ߫ ߓߴߏ߬ ߞߐ ߘߐ߫، ߒ߬ߓߊ߬ ߛߏ߲߬ߖߘߊ߫ ߞߊ߬ ߘߎ߲ߘߎ ߣߌ߫ ߘߊ߲ߞߊ ߏ߬ ߟߋ ߘߏ߲߬ ߛߊ߬ߣߊ߲߬ߞߎ߲߬ߧߊ ߟߊ߫ ߜߡߊ߫ .
ߛߏ߲߬ߖߘߊ߫ ߞߵߊ߬ ߝߐ߫ ߞߏ߫ ߕߐ߲ ߠߊߘߊ߲ߠߊ ߦߋ߫ ߛߐ߬ ߊ߬ ߖߍ߬ߘߍ ߟߋ߬ ߡߊ߬ ߕߐ߲ ߘߐߖߊ߭ ߣߴߊ߬ ߟߊߣߍ߰ߣߍ߮ ߘߐ߫ ، ߏ߬ ߛߌߟߊ ߝߍ߬ ߸ ߒ߬ߠߎ߬ ߡߊ߲߬ߛߊ߬ߙߋ߲ ߠߎ߬ ߓߘߊ߫ ߞߍ߫ ߓߍ߯ ߝߘߏ߬ߓߊ߬ ߛߊߣߊ߲ߞߎ߲ ߣߌ߫ ߓߍ߯ ߝߘߏ߬ߓߊ߬ ߖߐ߲ ߘߌ߫ ߛߍߣߍ߲ ߝߛߊߦߌ߫ ، ߓߍ߯ ߦߴߊ߲ ߣߊ߬ߣߌ߲߬ ߞߵߊ߲ ߖߓߍ߫ ߞߵߊ߲ ߞߍ߫ ߛߏ߲߭ ߣߌ߫ ߣߏ߰ߡߊ ߣߌ߫ ߛߐ߲߬ ߖߎ߮ ߛߎ߮ ߓߍ߯ ߘߌ߫ ߛߍߣߍ߲߬ ߞߘߊߎ߫ ، ߏ߬ ߘߏ߲߬ ߓߍ߯ ߘߌ߫ ߞߎ߲ ߒ߬ߠߎ߬ ߘߐ߫، ߊ߲ ߓߘߊ߫ ߛߊ߬ߣߊ߲߬ߞߎ߲߬ߧߊ ߏ߬ ߟߊߘߊ߲߫ ߛߌ ߓߍ߯ ߣߴߊ߬ ߛߌ߰ߢߐ߲ ߕߍ߫ ، ߒ߬ߞߊ߬ ߓߍ߯ ߝߣߊ߫ ߕߊ ߦߋ߫ ߞߎ߲߫ ߊ߬ ߘߐ߫ ߘߋ߬ ، ߤߊߟߌ߬ ߛߌ ߡߍ߲ ߠߎ߬ ߕߍ߫ ߜߊ߬ߙߊ ߢߌ߲߬ ߘߊ ߘߐ߫ ߓߌ߬ ߸ ߏ߬ ߓߍ߯ ߓߘߊ߫ ߟߊߕߘߍ߬ ߡߊ߲߬ߛߊ߬ߙߋ߲߬ ߛߊ߬ߣߊ߲߬ߞߎ߲߬ߧߊ ߘߐ߫ ߸ ߝߏ߫ ߒߠߋ ߓߊߙߌ߲ߠߊߞߊ߫ ߞߐ߲ߘߍ ߣߌ߫ ߕߙߊߥߟߋ ߟߎ߬ ߘߐߙߐ߲ ، ߛߊ߬ߣߊ߲߬ߞߎ߲߬ߧߊ ߓߘߊ߫ ߟߊߘߏ߲߬ ߏ߬ ߓߍ߯ ߝߣߊ߫ ߣߴߊ߬ ߛߌ߰ߢߐ߲߯ ߕߍ߫ ، ߞߊ߬ߕߎ߲߯ ߸ ߛߌ߰ߢߐ߲߰ߡߊ ߟߎ ߟߋ߬ ߞߊߟߌߡߊ߲ ߞߟߍ߬ ߟߊ߫ ߛߌ߱ ߞߛߊ ߓߟߏ߫ ، ߒ߬ߞߊ߬ ߣߌ߫ ߛߊ߬ߣߊ߲߬ߞߎ߲߬ߧߊ ߓߊ߲߫ ߘߊ߫ ߏ߬ ߟߎ߬ ߕߍ߫ ߞߟߍ ߟߊߣߐ߰ߦߊ߬ ߟߊ߫ ߸ ߜߐ߬ߛߐ߲߬ߞߐ ߡߎ߰ߡߍ ߓߊߣߍ߲ ߠߴߏ߬ ߘߌ߫ ߸ ߞߊ߬ ߛߌ߱ ߘߌߦߊ ߊ߬ ߣߌ߫ ߞߊ߬ ߡߐ߱ ߟߎ߫ ߕߌ߲߭ ߕߏ߫ ߢߐ߲߮ ߘߐ߫ ߞߘߊߎ߫. ߒ߬ߓߊ߬ ߛߌ߰ߢߐ߲߰ߡߊ ߟߎ߬ ߟߊ߫ ߛߊ߬ߣߊ߲߬ߞߎ߲߬ߧߊ ߏ߬ ߟߋ ߞߏߛߐ߲߬ ߸ ߕߊ߯ߡߟߊ ߦߋ߫ ߥߊ߫ ߟߊ߫ ߛߌ ߘߏ߫ ߦߋ߫ ߟߴߊ߬ ߛߊ߬ߣߊ߲߬ߞߎ߲ ߘߌ߫ ߸ ߊ߬ ߕߘߍ߬ ߡߊ߫ ߡߍ߲ ߟߐ߲ ߊ߬ ߛߊ߬ߣߊ߲߬ߞߎ߲߬ ߘߌ߫ ، ߒ߬ߓߊ߬ ߛߌ ߏ߬ ߣߴߊ߬ߟߋ߬ ߛߌߢߐ߲߮ ߘߏ߫ ߟߊ߫ ߛߌ߬ߢߐ߲߰ߦߊ ߛߊ߬ߣߊ߲߬ߞߎ߲߬ߧߊ ߟߴߏ߬ ߛߎ߮ ߞߍ߫ ߟߊ߫ ، ߏ߬ ߟߋ ߞߏߛߐ߲߬ ߝߣߊ߫ ߸ ߛߌ߫ ߞߋߟߋ߲ ߜߊ߲ߛߊ ߦߋ߫ ߞߍ߫ ߟߊ߫ ߢߐ߲߮ ߛߊ߬ߣߊ߲߬ߞߎ߲ ߘߌ߫ ߦߙߐ߫ ߘߐ߫ ߸ ߊ߬ߟߎ߫ ߜߊ߲ߛߊ ߛߐ߰ ߘߊ߫ ߛߌ߱ ߡߊ߬ ߦߌߟߊ ߡߍ߲ ߠߎ߬ ߘߐ߫ ، ߏ߬ ߟߋ ߖߐ߫ ߦߏ߫ ߓߊߞߏ߲ߞߏ߫ ߛߌ߬ߛߋ߬ߟߊ߫ ߞߣߐ߫ ߞߊ߲ߞߊ߲߫ ߡߊ߬ߙߊ ߘߐ߫ ߸ ߒߝߊ߯ߟߌߝߌ߲ ߠߊ߫ ߞߊ߬ߓߌ߬ߟߊ ߣߌ߫ ߊ߬ߟߌ߬ߞߊ߬ߟߌ߬ߟߊ߫ ߞߊ߬ߓߌ߬ߟߊ ߦߋ߫ ߛߊ߬ߣߊ߲߬ߞߎ߲߬ߢߐ߲߰ߡߊ ߘߌ߫ ߢߊ ߡߍ߲ ߸ ߞߵߊ߬ ߕߘߍ߬ ߊ߬ߟߎ߬ ߦߋ߫ ߛߌߞߋߟߋ߲ߢߐ߲߯ߡߊ ߟߋ߬ ߘߌ߫ ، ߓߊ ߊ߬ߟߎ߬ ߓߍ߯ ߦߋ߫ ߛߌ߬ߛߋ ߔߌߦߐߔߌߦߐ ߟߋ߬ ߘߌ߫ ، ߊ߬ ߣߌ߫ ߞߊ߬ߙߌ߬ߝߊ߬ߡߘߎ߬ߦߊ߫ ߝߣߊ߫ ߞߣߐ߫ ߸ ߡߏߙߌߓߟߊ߫ ߞߊߓߌߟߊ ߣߌ߫ ߛߏ߬ߙߌ߬ߓߟߊ ߞߊߓߌߟߊ ߦߋ߫ ߡߊ߬ߢߊ߰ߟߌ߬ߢߐ߲߰ߡߊ ߘߌ߫ ߢߊ ߡߍ߲ ߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߓߍ߯ ߞߊ߬ߓߊ ߞߊߣߊ߬ߙߊ ߖߘߍ߬ߥߟߏ ߟߋ߬ ߘߌ߫ .
ߛߊ߬ߣߊ߲߬ߞߎ߲߬ߢߐ߲߰ߡߊ ߟߎ߬ ߟߊ߫ ߢߐ߲߯ ߝߘߎߓߊߟߌߦߊ
ߡߊ߲߬ߘߋ߲߫ ߟߊ߲߬ߘߊ߬ ߞߘߐ ߘߐ߫ ߸ ߗߍ߭ ߕߴߊ߬ ߡߛߏ߬ߣߍ߲ ߝߘߎ߫ ߟߊ߫ ߝߋߎ߫ ߸ ߊ߬ ߝߊ߬ߞߋ߬ߟߋ߲߬ߡߊ ߸ ߥߟߴߊ߬ ߣߊߞߋߟߋ߲ߡߊ ߸ ߤߊߡߊ߲ߕߍ߫ ߊ߬ ߛߌߞߋߟߋ߲ߢߐ߲߮ ، ߞߊ߬ߕߎ߲߯ ߸ ߡߊ߬ߣߋ߲߬ߞߊ ߡߙߌ ߘߐ߫ ߸ ߝߘߎߢߐ߲߯ߦߊ ߦߋ߫ ߓߊߘߋ߲߫ ߞߎߘߊ߫ ߢߌߣߌ߲ ߠߋ߬ ߘߌ߫ ، ߖߐ߲߬ߛߊ ߟߊ߬ߡߐ߰ߦߊ ߞߣߐ ߘߌ߫ ߕߊ߬ߡߌ߲ ߘߐߥߙߊ߬ ߟߊ߫ ߝߎߚߎ߫ ߝߏ߫ ߞߊ߬ ߡߐ߰ ߜߘߍ߫ ߛߌߦߊߡߊ߲߫ ߠߊߘߏ߲߬ ߓߊߘߋ߲ߧߊ ߞߣߐ߫ ߸ ߡߍ߲ ߠߎ߫ ߕߎ߲߬ ߕߴߊ߬ ߞߣߐ߫ ߞߘߐ߬ߡߊ߲߫ ، ߏ߬ ߘߐ߫ ߸ ߡߐ߰ ߓߊߘߋ߲ ߖߍ߬ߘߍ ߖߍ߬ߘߍ ߦߴ ߌ ߛߌߞߋߟߋ߲ߢߐ߲߮ ߡߍ߲ ߘߌ߫ ߸ ߌ ߡߊ߲ ߞߊ߲߫ ߞߵߏ߬ ߝߘߎ߫ ߡߎ߬ߕߎ߲߬ ߸ ߞߊ߬ ߓߊߘߋ߲ߧߊ߫ ߜߘߍ߫ ߟߊߘߊ߲ ߓߊߘߋ߲ߧߊ߫ ߞߘߐ ߞߣߐ߫ ، ߌ ߦߋ߫ ߝߘߎߢߐ߲߯ߦߊ ߞߍ߫ ߞߊ߬ ߡߐ߰ ߜߘߍ߫ ߟߋ߬ ߡߊߛߊ߬ߡߊ߲߬ ߡߍ߲ ߕߎ߲߬ ߕߴ ߌ ߓߟߏ߫ ߞߘߐ߬ߡߊ߲. ߏ߬ ߞߐ߫ ߸ ߓߊߘߋ߲ߡߊ ߜߊ߲ߛߊ߲ ߓߊ߯ ߝߘߎ߫ ߢߐ߲߯ ߡߊ߬ ߸ ߣߌ߫ ߝߘߎ߫ ߞߍ߫ ߘߊ߫ ߛߊ߬ ߝߋ߲ ߘߌ߫ ߸ ߓߊߘߋ߲ߧߊ ߘߌ߫ ߜߏߦߊ߫ ߘߏ߫ ߟߎ߫ ߝߊ߲߭ ߘߌ߫ ߕߌߢߍ߫ ߔߛߐߞߐ߫، ߓߊ ߡߛߏ߬ ߞߏ ߖߌ߰ߣߊ ߓߊ߲ߣߍ߲ ߣߐ߬ ߘߐ߬ߞߏߟߏ߲ ߕߐ߬ߣߍ߲ ߣߌ߫ ߞߐ߲߬ߞߍ ߟߋ߬ ߞߢߊߡߊ߲. ߒ߬ߓߊ߬ ߓߊߘߋ߲ߡߊ ߟߎ߬ ߟߊ߫ ߢߐ߲߯ ߝߘߎߓߊߟߌߦߊ ߟߋ ߞߊ߬ ߝߘߎ ߟߊߕߐ߲߫ ߛߊ߬ߣߊ߲߬ߞߎ߲߬ߢߐ߲߰ߡߊ ߟߎ߬ ߝߣߊ߫ ߕߍ߫، ߓߊ ߡߊ߬ߣߋ߲߬ߞߊ ߓߊߘߋ߲ ߖߍ߬ߘߍ ߟߴߊ߬ ߛߊ߬ߣߊ߲ߞߎ߲ ߘߌ߫ ߛߋߙߙߋ߫، ߡߊ߲߬ߘߋ߲߫ ߓߍ߯ ߓߍ߲߬ߣߍ߲ ߏ߬ ߡߊ߬ ߞߐߘߍ߫.
ߣߌ߬ߡߐ߰ߦߊ ߣߌ߫ ߣߎ߬ߡߐ߰ߦߊ ߟߊߘߊ߲ ߢߊ
ߛߊ߬ߙߌ߬ߦߊ߬ߓߏߟߏ߲ ߁߂߆߲:
ߡߊ߲߬ߘߋ߲߫ ߞߘߐ߬ߡߊ߲ ߸ ߓߌߘߊ߲ ߦߋ ߕߘߍ߬ ߜߊ߬ߟߏ߬ ߦߋ ߟߋ߬ ߘߌ߫ ، ߡߊ߬ߟߏ߬ߦߊ ߕߘߍ߬ ߛߊ߲ߛߊ߲ ߟߊߕߊ߬ߡߌ߲߬ ߜߏ ߟߋ߬ ߘߌ߫ ߸ ߞߊ߬ ߘߏ߲߬ ߡߐ߱ ߣߴߊ߬ ߓߌߘߊ߲ ߕߍ߫ ، ߡߊ߬ߣߋ߲߬ߞߊ ߕߌ߲߬ ߓߊ߯ ߊ߬ ߝߐ߫ ߞߏ߫ ߒ ߓߘߊ߫ ߞߊ߬ߘߌ߬ߛߊ߬ߟߊ߫ ߞߍ߫ ߒ ߓߌߘߊ߲ߠߊ ߘߌ߫ ߸ ߏ߬ ߞߘߐ ߟߋ߬ ߞߏ߫ ߒ ߕߴߛߋ߫ ߦߋ߲߬ ߡߎ߬ߕߎ߲߬ ، ߓߊ ߥߊ߯ߕߌ ߏ߬ ߟߊ߫ ߸ ߡߐ߱ ߛߋ߫ ߢߊ߫ ߛߌ߫ ߕߴ ߌ ߓߌߘߊ߲ ߡߊ߬ ، ߌ ߕߍ߫ ߞߎߡߴߊ߬ ߢߣߊ߫ ߸ ߌ ߕߍ߫ ߘߊߥߎ߲ߣߌ߲ ߞߴߊ߬ ߢߣߊ߫ ߸ ߌ ߕߴߌ ߢߊ ߟߐ߬ ߊ߬ ߢߊ ߘߐ߫ ، ߣߌ߫ ߡߍ߲ ߝߊ߲߭ ߞߊ߬ ߓߏ߭ ߕߋ߬ ߊ߬ ߓߌߘߊ߲ ߢߣߊ߫ ߥߟߴߊ߬ ߓߌߘߊ߲ ߦߴߊ߬ ߛߌ߰ߣߍ߲ ߦߴߊ߬ ߓߏ߭ ߞߎ߲߬ߘߐ߫ ߸ ߛߌߞߊ߫ ߛߌ߫ ߕߍ߫ ߏ߬ ߘߴߊ߬ ߖߍ߬ߘߍ ߝߊ߰ ߏ߬ ߞߎ߲߬ߘߐߕߋ ߡߊ߬ ߥߟߴߊ߬ ߦߋ߫ ߓߐ߫ ߞߊ߬ ߥߴߊ߬ ߞߎ߲߬ߝߍ߬ ߘߎߢߊ߫ ߟߊ߫ ߔߏ߲ ، ߛߏ߲߬ߖߘߊ߫ ߞߵߊ߬ ߦߋ߫ ߡߐ߱ ߦߋ߫ ߘߋ߬ߥߎ߬ ߘߐ߬ߞߏߟߏ߲ ߠߋ߬ ߘߐ߫ ߏ߬ ߘߌ߫ ߸ ߞߎ߲߬ ߕߍ߫ ߡߍ߲ ߠߊ߫ ߸ ߣߝߊ߬ ߕߴߊ߬ ߟߊ߫. ߛߏ߲߰ߟߏ߲ ߘߋ߲ ߞߊ߲߫ ߏ߬ ߘߐ߫ ߞߏ߫ ߡߊ߰ߓߊ߫ ߢߐ߲߰ߠߊ ߣߌ߫ ߞߎ߲߬ߡߊ߬ߦߟߍߡߊ߲ ߡߊ߬ߟߏ߬ߦߊ ߡߍ߲ ߦߋ߫ ߓߌߘߊ߲ߢߐ߲߯ߡߊ ߟߎ߬ ߕߍ߫ ߣߌ߲߬ ߸ ߊ߲ ߓߘߴߏ߬ ߟߊߕߐ߲ ߓߌ߬ ߝߋߎ߫ ، ߓߊ ߡߐ߰ ߡߊ߬ߡߊߣߊ߬ ߡߊ߬ߟߏ߬ߦߊ ߘߊߥߎ߲ߣߌ߲ ߜߊ߲ߛߊ߲ ߠߴ ߌ ߓߌߘߊ߲ ߢߣߊ߫ ߸ ߏ߬ ߘߏ߲߬ ߞߵߊ߬ ߟߐ߲߫ ߞߏ߫ ߌ ߦߋ߫ ߓߏ߭ ߞߍ߫ ߟߊ߫ ߸ ߌ ߕߴߏ߬ ߓߟߏߞߊ߬ ، ߓߊ ߏ߬ ߗߋ߬ߖߎ߯ ߊ߬ ߛߎߡߊ ߖߎ߯ߡߊ߲߫ ، ߊ߬ ߘߏ߲߬ ߞߍ߫ ߟߊ߫ ߞߵ ߌ߬ ߖߊ߲߬ ߖߎ߮ ߟߎ߬ ߡߊߞߊ߬ߣߍ߲ ߠߋ߬ ߕߏ߫ ، ߏ߬ ߞߐ߫ ߡߍ߲ ߓߊ߯ ߡߐ߰ ߖߊ߲߬ ߊ߬ ߘߋ߲ߡߛߏ ߟߊ߫ ߸ ߏ߬ ߟߵ ߌ߬ ߓߌߘߊ߲ ߘߌ߫ ߸ ߌ ߞߊ߫ ߞߊ߲߫ ߞߵߌ߬ ߡߊߓߐ߫ ߡߍ߲ ߠߊ߫ ߔߏ߲߫ ، ߒ߬ߞߊ߬ ߡߍ߲ ߓߴߊ߬ ߕߊ ߘߴ ߌ ߡߊ߬ ߸ ߌ ߓߊߘߋ߲ ߠߴߏ߬ ߘߌ߫ ߸ ߌ ߞߊ߫ ߞߊ߲߫ ߞߵ ߌ߬ ߡߊߘߏ߲߬ ߡߍ߲ ߠߊ߫ ߞߊ߬ ߕߏ߫ ߊ߬ ߘߊߝߍ߬ ߞߘߊߎ߫ ، ߒ߬ߓߊ߬ ߡߊ߬ߟߏ߬ߦߊ ߡߍ߲ ߦߋ߫ ߒ߬ ߟߐ߬ ߟߊ߫ ߒ߬ ߡߊߓߐ߫ ߟߊ߫ ߒ߬ ߓߊߘߋ߲ ߓߘߍ ߟߎ߬ ߟߊ߫ ߸ ߒߠߋ ߛߏ߲߬ߖߘߊ߫ ߣߌ߫ ߡߊ߲߬ߘߋ߲߫ ߡߐ߰ߓߊ ߟߎ߬ ߓߘߊ߫ ߡߊ߬ߟߏ߬ߦߊ ߏ߬ ߟߊߕߐ߲߫ ߓߌ߬ ߞߵߊ߬ ߟߊߓߐ߫ ߒ߬ ߠߊ߫ ߘߍ߭ ߞߣߐ߫ ߝߋߎ߫ ، ߓߊ ߊ߲ ߓߘߴߊ߬ ߟߐ߲߫ ߞߏ߫ ߡߊ߬ߟߏ߬ߦߊ ߦߋ߫ ߞߎ߲߬ߡߊ߬ߦߟߍߡߊ߲߫ ߠߋ߬ ߘߌ߫ ߸ ߡߍ߲ ߦߋ߫ ߤߙߐ ߟߊߕߎ߲߬ߞߎ߬ߙߎ߲߬ ߠߴߊ߬ ߟߊ߫ ߞߏ߫ ߞߍߕߊ߫ ߓߘߍ ߟߎ߬ ߞߍ ߟߊ߫ ߡߐ߱ ߟߎ߬ ߘߊ ߢߍߛߌߟߊ߲ߢߍ ߡߊ߬ ، ߥߟߊ߫ ߞߵߊ߬ ߟߐ߬ ߊ߬ ߡߊ߬ߞߏ߬ߛߊ߬ ߞߏ ߟߎ߬ ߟߊߡߌ߬ߘߊ߬ ߟߊ߫ ߡߐ߱ ߟߎ߬ ߢߊ߫ ߡߌߙߌ߲ ߡߊ߬ ߕߋ߲߬ ߝߎ߯ ، ߥߟߊ߫ ߞߊ߬ ߤߙߐ ߟߐ߬ ߊ߬ ߕߙߐ߫ ߖߊ߲ߞߊߙߏ ߘߏ߲߰ ߠߴߊ߬ ߓߊߛߌߓߊ߮ ߟߎ߫ ߡߊ߬ ߸ ߞߏ߫ ߊ߬ ߦߴߊ߬ ߡߊ߬ߟߏ߬ߦߊ߬ ߘߌ߲ߞߌߙߊ ߘߐ߫ ، ߊ߲ ߣߊ߬ ߡߊ߬ߟߏ߬ߦߊ ߟߊߕߐ߲߫ ߠߊ߫ ߏ߬ ߟߋ ߘߐ߫ ߸ ߞߊ߬ ߝߋ߲ ߜߘߍ߫ ߓߌ߬ߟߵߊ߬ ߣߐ߭ ߘߐ߫ ߡߍ߲ ߝߌ߬ߛߵߊ߬ ߘߌ߫ ߔߊߣߊ߲ߎ߲߫ ، ߏ߬ ߟߋ ߛߊ߯ߡߍߦߊ ߘߌ߫ ، ߓߊ ߛߊ߯ߡߍߦߊ ߦߋ߫ ߤߙߐߓߘߍߦߊ߫ ߟߋ߬ ߘߌ߫ ߸ ߡߍ߲ ߦߋ߫ ߡߐ߰ ߟߊߕߎ߲߬ߞߎ߬ߙߎ߲߬ ߠߊ߫ ߞߏ߫ ߖߎ߯ ߞߍ ߘߐ߫ ߸ ߤߊߞߍߕߏ߫ ߡߐ߰ ߛߓߍ ߟߎ߬ ߞߊߣߵߏ߬ ߡߍ߲ ߌ ߣߐ߬ ߘߐ߫ ߞߊ߬ ߖߌ߰ ߌ ߟߊ߫ ، ߊ߬ ߣߌ߫ ߞߊ߬ ߡߐ߰ ߟߊߓߊ߲߬ ߞߏߙߏ߲ߧߊ߫ ߞߏ߫ ߘߌߡߊ߲ ߠߎ߬ ߣߌ߫ ߢߊߘߐߖߊ߫ ߞߏ ߟߎ߫ ߡߊ߬ ߸ ߡߐ߰ ߘߐ߬ߜߍ ߟߎ߬ ߞߊߣߵߏ߬ ߡߍ߲ ߞߊ߬ ߕߍ߰ ߌ ߘߐ߫ ، ߛߊ߯ߡߍߦߊ ߜߎ ߘߌ߫ ߡߐ߰ ߟߐ߬ ߕߘߍ߬ ߟߊ߫ ߞߌ߬ߛߍ߬ߦߊ߬ ߞߏ߫ ߜߍߟߍ߲߫ ߕߣߐ߬ߡߊ ߟߎ߬ ߞߍ ߘߐ߫ ߸ ߛߴ ߌ ߘߎߢߊߘߐߕߍ߯ߢߐ߲߮ ߠߎ߬ ߘߌ߫ ߟߊ߫ ߌ߫ ߟߊ߫ ߞߵߊ߬ߟߎ߬ ߟߊ߫ ߖߌ߰ߦߊ ߕߏ߫ ߌ ߘߐ߫ ߞߘߊߎ߫ ، ߏ߬ ߘߐ߫ ߸ ߛߊ߯ߡߍߦߊ ߟߋ߬ ߞߊ߫ ߞߊ߲߫ ߞߊ߬ ߕߏ߫ ߤߙߐ ߣߴߊ߬ ߓߌߘߊ߲ ߕߍ߫ ߸ ߛߊ߬ߝߙߎ߬ߟߊߦߌ߫ ߸ ߞߊ߬ ߕߏ߫ ߤߙߐ ߣߴߊ߬ ߝߘߎߢߐ߲߮ ߕߍ߫ ߸ ߞߊ߬ ߕߏ߫ ߊ߬ ߣߴߊ߬ ߓߊߘߋ߲ ߣߴߊ߬ ߕߋߙߌ ߣߴߊ߬ ߟߊ߫ ߡߐ߰ ߡߊߓߏ߲ߢߊ߬ߕߊ ߓߍ߯ ߕߍ߫ ߞߐߘߍ߫ .
ߛߏ߲߬ߖߘߊ߫ ߓߊ߲߫ ߘߊ߫ ߞߵߊ߬ ߟߊߛߋ߫ ߞߏ߫ ߛߊ߯ߡߍߦߊ ߏ߬ ߣߴߊ߬ ߟߊ߫ ߢߌ߬ߡߊ߬ߦߊ ߸ ߊ߲ ߓߘߊ߫ ߝߘߎ ߘߋ߲ߡߌߛߍ߲ ߠߎ߫ ߢߌ߬ߣߊ߬ߓߴߏ߬ ߘߐ߫ ߝߋߎ߫ ߞߵߏ߬ ߟߎ߬ ߞߍ߫ ߝߘߎ ߛߊ߬ߣߊ߲߬ߞߎ߲߬ߣߍ߲ ߠߎ߬ ߘߌ߫، ߡߏ߬ߛߏ ߣߴߊ߬ ߘߐ߮ ߟߎ߬ ߦߋ߫ ߣߌ߬ߡߐ߮ ߟߎ߬ ߘߌ߫ ߸ ߗߍ߭ ߣߴߊ߬ ߘߐ߮ ߟߎ߬ ߦߋ߫ ߣߎ߬ߡߐ߮ ߟߎ߬ ߘߌ߫، ߣߌ߬ߡߐ߮ ߞߘߐ ߦߋ߫ ߞߏ߫ ߊ߲ ߣߌ߭ ߦߋ߫ ߡߐ߱ ߡߍ߲ ߘߌ߫ ߸ ߣߎ߬ߡߐ߮ ߞߘߐ ߦߋ߫ ߞߏ߫ ߒ߬ߣߎ߬ ߟߊ߫ ߡߐ߱. ߡߊ߲߬ߘߋ߲߫ ߞߘߐ߬ߡߊ߬ߡߐ߰ߦߊ ߟߋ߬ ߞߟߏ߫ ߕߘߍ߬ ߊ߬ ߘߐ߫ ߝߎߚߎ߫ ߸ ߝߏ߫ ߞߵߊ߬ ߞߍ߫ ߦߏ߫ ߊ߬ ߦߋ߫ ߜߟߍ߬ߦߊ ߡߏߦߌߓߊ߯ߦߊ ߘߌ߫ ، ߓߊ ߤߊߟߌ ߡߐ߱ ߘߏ߫ ߓߴߊ߬ ߢߊ ߥߛߎ ߡߐ߱ ߘߏ߫ ߘߐ߫ ߣߍ߲ߞߍ ߕߋ߲߬ ߡߍ߲ ߦߋ߫ ߞߘߐ߬ ߊ߬ ߘߌ߫ ߛߎ߫ ߁ ߔߋ߫ ߟߊ߫ ߥߟߊ߫ ߞߎ߲߬ ߓߐ߬ ߝߢߐ߬ߟߊ ߘߐߙߐ߲ ߠߊ߫ ߸ ߞߘߐ߬ߡߊ߲߬ߡߐ߮ ߏ߬ ߘߴߏ߬ ߞߍ߫ ߞߟߍ߬ߓߊ ߘߌ߫ ߥߏߎ߫ ߞߏ߫ ߊ߬ ߘߐ߯ߡߊߡߐ߮ ߓߘߴߊ߬ ߢߊߥߎߟߎ߲ ߕߍ߰ ߊ߬ߟߋ߬ ߟߊ߫ ، ߡߐ߬ ߓߊ ߟߎ߬ ߝߣߊ߫ ߘߌ߫ ߞߍ߬ߟߍ ߏ߬ ߘߐߖߎ߯ߦߊ߫ ߞߊ߬ ߞߘߐ߬ߡߊ߲߬ߢߐ߲߮ ߘߐߖߏ߯ߙߏ߫ ߞߊ߲ ߠߎ߬ ߝߐ߫ ، ߞߏ߫ ߡߐ߰ ߡߊ߲߫ ߞߊ߲߫ ߞߊ߬ ߖߐ߬ߒ߬ߡߊ߬ߦߊ ߟߐ߬ ߌ ߛߊ߲ߘߐ߫ ߡߐ߮ ߡߊ߬ ߝߋߎ߫ ، ߤߊߟߌ߬ ߝߍ ߓߊ߯ ߞߍ߫ ߟߊߓߌߘߌ߲ ߠߴߊ߬ ߞߎ߲߬ߠߊ߫ ߘߐ߯ߦߊ ߡߊ߬ ، ߞߏ ߓߊ ߡߐ߰ ߘߌ߫ ߛߋ߫ ߞߘߐ߬ߦߊ߬ ߟߴ ߌ ߣߊ ߘߌ߫ ߞߊ߬ ߞߘߐ߬ߦߊ߫ ߌ ߝߊ߬ ߘߌ߫ ، ߓߊ߬ߙߌ߬ ߝߋߎ߫ ߡߐ߰ ߕߴߛߋ߫ ߞߘߐ߬ߦߊ߬ ߟߴ ߌ ߞߘߐ߬ ߘߌ߫ ߢߊ-ߊ- ߢߊ ߡߊ߬ ، ߛߊ߲߬ߘߊ߬ ߛߎ߮ ߏ߬ ߣߴߊ߬ ߢߐ߲߰ߘߐ ߟߎ߫ ߞߊ߬ ߞߘߐ߬ߡߊ߲߬ߡߐ߮ ߟߎ߬ ߟߊߝߢߊ߫ ߝߎߚߎ߫ ߝߏ߫ ߊ߬ߟߎ߫ ߕߌ߲߬ ߕߍ߫ ߛߐ߲߬ ߠߊ߫ ߦߟߍ߫ ߟߴߊ߬ߟߎ߫ ߘߎ߰ߟߊ߬ ߡߐ߮ ߟߎ߫ ߝߍ߬ ߡߎ߬ߕߎ߲߬ ߛߓߍ߬ ߘߐ߫ ߥߟߊ߫ ߕߏߟߏ߲߫ ߘߐ߫ ، ߞߏ߫ ߓߊߏ߬ ߦߟߍ ߟߋ߬ ߡߐ߰ ߘߐ߯ߣߍ߲ ߦߟߌߟߊߕߍ߰ ߟߴߌ ߡߊ߬ ، ߊ߬ߟߎ߬ ߞߊ߬ ߦߟߍߓߊߟߌߦߊ ߏ߬ ߘߐߘߌߦߊ ߛߊ߲ߘߊ ߟߊ߫ ߞߏ߫ (( ߡߐ߰ ߓߴ ߌ ߢߌ߲ ߞߍ߫ ߜߋߛߊ߫ ߞߌߛߍ ߘߌ߫ ߸ ߌ ߘߐ߯ߡߊ߲ߡߐ߮ ߓߍ߯ ߘߌ߫ ߘߏ߫ ߢߌߡߴߊ߬ ߘߐ߫ ))ߞߐ߬ߘߐ ߟߎ߬ ߟߊ߫ ߢߊߘߏ߲ߒߠߊ ߥߙߊ߬ ߘߊ߫ ߘߐ߮ ߟߎ߬ ߞߊ߲߬ ߝߎߚߎ߫ ߝߴߏ߬ ߟߎ߬ ߝߣߊ߫ ߡߐߣߍߣߍ߲ ߞߊ߬ ߛߊ߲߬ߘߊ߬ ߖߎ߮ ߘߏ߫ ߟߊ߫ ߞߵߊ߬ ߓߍ߲߬ ߞߐ߬ߘߐ ߟߎ߬ ߟߊ߫ ߘߊ߲߬ߣߊ߬ߕߊߡߌ߲ ߡߊ߬ ، ߞߏ߫ (( ߞߘߐ߬ߡߊ߲߬ߡߐ߰ ߝߍߦߊߣߍ߲ ߓߏ߬ߘߊ ߦߋ߫ ߛߊ߲ߜߙߊ ߟߋ߬ ߘߌ߫ ، ߓߍ߯ ߟߴߏ߬ ߝߍ߫ ߟߊ߫ )) ߒ߬ߓߊ߬ ߛߏ߲߬ߖߘߊ߫ ߞߊ߬ ߢߊ ߡߍ߲ ߛߐ߬ߘߐ߲߬ ߏ߬ ߕߍߜߟߍߦߊ ߓߊߛߌ ߟߊ߫ ߸ ߏ߬ ߟߋ ߞߍ߫ ߘߊ߫ ߞߊ߬ߙߌ߬ߦߊ ߟߊߘߊ߲ ߘߌ߫ ߛߌ߰ ߞߛߊ߬ߓߌ߬ߢߐ߲߰ߡߊ ߟߎ߬ ߕߍ߫ ، ߛߊ߲߬ ߛߊ߬ߓߊ ߘߋ߲ ߠߎ߫ ߞߊ߬ߣߌ߲. ߊ߬ ߞߵߊ߬ ߦߌ߬ߘߊ߬ ߞߏ߫ ߕߍߜߟߍߦߊ߫ ߛߌ߫ ߕߍ߫ ߡߐ߱ ߣߴߊ߬ ߘߐ߯ߣߍ߲ ߖߎ߯ߖߎ߯ ߕߍ߫ ߞߘߐ߬ߡߊ߲߫ ، ߓߊ ߓߍ߯ ߞߵߊ߬ ߞߘߐ߬ߡߊ߲߬ߡߐ߰ߓߊ ߟߐ߲߫ ߊ߬ ߛߊ߲ߘߐ߫ ߡߐ߮ ߘߌ߫ ، ߓߍ߯ ߝߣߊ߫ ߞߵߊ߬ ߓߏ߬ߘߐ߬ߕߎ߲߬ߓߎ߬ߣߍ߲ ߟߐ߲߫ ߊ߬ ߘߎ߰ߟߊ߬ ߡߐ߮ ߘߌ߫ ، ߢߊߘߏ߲ߢߐ߲߯ߠߊ߫ ߛߌ߫ ߕߍ߫ ߏ߬ ߟߎ߬ ߕߍ߫ ، ߒ߬ߓߊ߬ ߓߘߍ߬ ߕߍ߫ ߡߍ߲ ߠߎ߬ ߕߍ߫ ߛߌ߬ ߞߛߊߓߌ ߘߐ߫ ߛߊ߫ ߸ ߏ߬ ߟߎ߫ ߟߋ߬ ߢߊߘߏ߲߬ߣߍ߲ߓߊ ߦߋ߫ ߢߐ߲߮ ߠߊ߫، ߓߊ ߊ߰ ߞߘߐ߬ߙߋ߲ ߠߎ߬ ߢߣߊ߫ ߟߋ߬ ߸ ߞߏ߫ ߞߵߊ߬ߟߎ߬ ߞߍ߫ ߞߘߐ߬ߡߊ߲ߡߐ߰ߓߊ ߟߎ߬ ߢߊ ߟߋ߬ ߡߊ߬ߓߏ߲߬ߧߊ߬ߟߌ ߣߌ߫ ߖߡߊ߬ߙߌ߬ ߡߌߘߊ ߓߍ߯ ߘߐ߫ ، ߞߵߊ߬ ߕߘߍ߬ ߊ߬ ߦߋ߫ ߘߐ߯ߓߊ ߟߎ߬ ߢߣߊ߫ ߟߋ߬ ߸ ߞߏ߫ ߓߊߏ߬ ߓߘߍ߬ ߕߴߊ߬ߟߎ߬ ߣߌ߫ ߞߘߐ߬ߙߋ߲ ߠߎ߬ ߕߍ߫ ߝߏ߫ ߞߎ߲߬ߓߐ߬ߝߢߐ߬ߟߊ ߘߐߙߐ߲߫ ߸ ߞߴߏ߬ ߡߊ߬ߓߏ߲߬ߢߊ߬ߟߌ ߡߊ߲ ߞߊ߲߫ ߞߊ߬ ߘߊ߲ߣߊߕߊ߬ߡߌ߲߬ ߞߊ߬ ߛߋ߫ ߡߐ߰ߓߊ߬ߞߘߐ ߟߎ߬ ߕߊ ߘߐ߫ ، ߓߊ ߘߐ߯ߓߊ ߟߎ߬ ߣߌ߫ ߞߘߐ߬ߙߋ߲ ߠߎ߬ ߦߋ߫ ߟߐ߮ ߣߴߊ߬ ߞߎ߲߬ ߠߊ߬ߕߍ߮ ߟߎ߫ ߟߋ߬ ߘߌ߫. ߛߏ߲߬ߖߘߊ߫ ߞߊ߲߫ ߞߏ߫ ߓߊ߲ ߢߊ ߡߍ߲ ߦߋ߫ ߘߐ߮ ߟߎ߬ ߣߌ߫ ߞߐ߬ߘߐ ߟߎ߬ ߟߊ߫ ߝߐߢߐ߲߯ߞߐ ߟߊ ߢߌ߲߬ ߘߐ߫ ߸ ߏ߬ ߟߋ ߛߊ߲߬ ߛߓߊ߬ ߘߋ߲ ߠߎ߬ ߟߊߘߍ߭ ߘߌ߫ ߞߵߊ߬ߟߎ߬ ߞߍ߫ ߞߊ߬ߙߌ߬ ߁ ߘߌ߫ ߸ ߥߟߊ߫ ߛߘߍ߫ ߁ ߸ ߤߊߡߊ߲ߕߍ߫ ߝߌߟߊ߲߫ ߁ ߘߌ߫ ، ߊ߬ ߞߵߊ߬ ߟߊߛߋ߫ ߏ߬ ߘߐ߫ ߞߏ߫ ߓߌ߬ ߸ ߞߊ߬ߙߌ߬ ߁ ߞߣߐ߫ ߡߐ߮ ߓߍ߯ ߓߘߊ߫ ߞߍ߫ ߞߢߊߢߐ߲߯ߡߊ߫ ߘߌ߫ ، ߞߵߊ߬ߟߎ߬ ߞߢߊ߫ ߛߌ߬ ߞߛߊߓߌ ߘߐ߫ ߸ ߟߊ߲߬ߓߋ ߘߐ߫ ߊ߬ ߣߌ߫ ߞߏ߫ ߕߐ߭ ߓߍ߯ ߘߐ߫ ߖߐ߲ ߸ ߘߏ߫ ߘߐ߯ ߕߍ߫ ߘߏ߫ ߘߌ߫ ߸ ߘߏ߫ ߞߘߐ߬ ߕߍ߫ ߘߏ߫ ߘߌ߫ ، ߞߏ߫ ߞߢߊߢߐ߲߯ߡߊ߫ ߟߎ߬ ߦߋ߫ ߞߍ߫ ߛߋ߲߬ߘߏ߲߬ߢߐ߲߰ߡߊ ߟߎ߬ ߘߌ߫ ߛߍߣߍ߲߬ ߞߘߊߎ߫ ، ߊ߬ ߣߴߊ߬ߟߎ߬ ߦߋ߫ ߘߍ߬ ߞߊ߬ ߡߐ߰ߦߊ ߕߎ߬ߜߍ߬ߕߎߜߍ ߞߏ ߓߍ߯ ߞߍ߫ ߢߐ߲߮ ߝߍ߬ ߓߍ߲߭ ߣߌ߫ ߘߌߦߊߢߍ ߣߌ߫ ߘߝߊ߬ߢߐ߰ߦߊ ߘߝߊߣߍ߲ ߘߐ߫: ߞߵߊ߬ ߕߊ߬ ߘߋ߲ߡߌߛߍ߲ߧߊ ߓߎ߰ߘߌ߬ ߘߐ߬ߕߏߟߏ߲ ߡߊ߬ ߸ ߞߵߊ߬ ߛߌ߰ ߓߌ߬ߟߊ߬ߞߙߏ߬ߦߊ ߓߛߊ߫ ߝߟߍ ߣߴߊ߬ ߞߏ߲߬ߘߋ߲߬ ߞߏ ߟߊ߫ ߸ ߞߵߊ߬ ߛߌ߰ ߞߘߐ߬ߓߌߟߊ ߞߣߍ߫ ߦߙߌ߫ ߕߍ߮ ߣߴߊ߬ ߗߍ߬ߓߦߊ߬ ߞߋ߬ߟߊ߬ ߝߐ߫ ߣߴߊ߬ ߛߏ߬ߟߌ߬ ߡߊ߬ߖߊ߲ߓߊ߲ ߣߴߊ߬ ߞߣߍߘߋ߲ߦߊ ߣߴߊ߬ ߓߎ߬ߙߋ߬ߡߊ߬ߛߏ߲ߧߊ ߣߴߊ߬ ߕߐ߲߫ ߓߌߟߊ ߣߴߊ߬ ߓߎ߬ߙߋ߬ߟߊ߬ߞߊߘߌ ߣߴߊ߬ ߗߍ߬ߓߊ߬ߟߋ߲ ߞߎ߬ߘߊ߬ ߡߊ߬ߕߊ߯ߡߊ ߟߊ߫ ߸ ߞߵߊ߬ ߛߌ߰ ߝߎߣߎ߲ߞߋߦߊ ߖߡߊ߬ߣߊ߬ߞߍ ߣߴߊ߬ ߓߙߊߡߊߞߐߣߐ߲ߦߊ ߣߴߊ߬ ߓߙߊߕߌ߯ߦߊ ߟߊ߫ ، ߞߵߊ߬ ߛߌ߰ ߜߌߛߌ߲ߧߊ ߣߴߊ߬ ߞߊ߲ߜߍߦߊ ߣߴߊ߬ ߦߟߌߡߊߟߐ ߟߊ߫ ، ߝߏ߫ ߞߊ߬ߣߵߊ߬ ߛߌ߰ ߗߍ߬ߡߐ߰ߦߊ ߤߊ߲ߞߟߌߡߦߊ ߣߴߊ߬ ߞߏ߫ ߘߐߓߍ߲߫ ߞߏߢߌߡߊ ߟߎ߬ ߟߊ߫. ))
ߞߎߡߊ߫ ߟߊߛߎߘߎ߲ߧߊ ߘߐ߫ ߸ ߛߋ߲߬ߘߏ߲߬ߢߐ߰ߡߊ ߣߌ߫ ߢߐ߲߯ ߡߊߢߊ߮ ߣߌ߫ ߦߟߌߟߊߕߍ߯ ߢߐ߲߰ߡߊ ߛߎ߮ ߓߍ߯ ߟߋ߬ ߞߢߊߢߐ߲߯ߡߊ ߟߎ߬ ߕߍ߫ ߛߌ߭ ߞߎ߲߬ߕߊ߮ ߡߎ߰ߡߍ ߘߐ߫. ߘߊ߲߬ ߡߊ߫ ߞߍ߫ ߞߊ߬ߙߌ߬ߦߊ ߕߏߟߏ߲ߢߐ߲߯ߦߊ ߏ߬ ߡߊ߫ ߘߋ߬، ߊ߬ ߟߊߘߏ߲߬ ߘߊ߫ ߞߊ߬ߙߌ ߣߴߊ߬ ߞߊ߬ߙߌ߬ߙߋ߲ ߕߍ߫، ߞߵߊ߬ ߟߊߘߏ߲߬ ߊ߬ ߣߴߊ߬ ߞߊ߬ߙߌ߬ߓߊ ߕߍ߫، ߢߐ߲߯ ߣߌߣߌ߲ ߣߌ߫ ߢߐ߲߯ ߡߊߢߊ߮ ߛߎ߮ ߓߍ߯ ߟߊߘߤߊ߬ ߘߊ߫ ߞߊ߬ߙߌ߬ ߓߋ߲߬ߓߊ߬ߦߊ ߣߴߊ߬ ߡߊ߬ߡߊ߬ߙߋ߲߬ߧߊ ߏ߬ ߝߣߊ߫ ߘߐ߫، ߏ߬ ߟߋ ߓߍ߯ ߞߊ߬ ߘߐ߮ ߟߎ߬ ߣߌ߫ ߞߐ߬ߘߐ ߟߎ߬ ߟߊ߫ ߕߍߜߟߍߦߊ ߡߊߛߍ߬ߟߍ߲߬ߓߍ߬ ߝߎߚߎ߫ ߝߏ߫ ߞߊ߬ߣߵߊ߬ ߓߊ߲߫ ߜߋߙߊ߫ ߥߟߊ߫ ߞߊ߬ߣߵߊ߬ ߟߊߣߐ߰ߦߊ߬ ߕߐߟߍ߫.
ߒ߬ߓߊ߬ ߛߏ߰ߟߏ߲߬ ߡߊ߲߯ ߕߊ߬ߡߌ߲ ߞߐ߫ ߸ ߞߊ߬ߙߌ߬ ߞߏ ߕߊ߬ߡߌ߲߬ ߘߊ߫ ߘߐߘߌߦߊ߫ ߟߊ߫ ߞߊ߬ ߛߌ߲߬ߝߏ߲߬ߧߊ߬ ߝߎߚߎ߫ ߝߏ߫ ߞߣߊ߬ ߞߊ߬ߙߌ ߟߎ߬ ߕߐ߯ߟߊ ߘߊߡߌ߬ߣߊ߬ ߞߐ ߟߊ߫، ߕߐ߯ߟߊߟߌ ߏ߬ ߘߐ߫ ߸ ߣߌ߫ ߞߊ߬ߙߌ ߡߍ߲ ߓߌ߬ߟߊ߬ ߘߊ߫ ߞߐ߬ ߘߐ߫ ߞߊ߬ ߓߍ߲߬ ߖߊ߲߬ߖߏ߲߬ߓߊ ߡߍ߲ ߡߊ߬ ߸ ߞߊ߬ߙߌ ߏ߬ ߘߌ߫ ߕߐ߯ߟߊ ߖߊ߲߬ߖߏ߲ ߏ߬ ߟߊ߫، ߏ߬ ߡߌ߬ߛߊ߬ߟߌ ߘߏ߫ ߟߝߍ߫ ߣߌ߲߬:
߁߭- (ߞߏ߲ߘߏ߲ߖߌ߮): ߞߊ߬ߙߌ ߡߍ߲ ߓߌ߬ߟߊ߬ ߘߊ߫ ߞߐ߬ ߘߐ߫ ߞߏ߲ߘߏ߲ ߠߎ߫ ߣߊ߬ ߛߊ߲ ߠߊ߫، ߞߏ߲ߘߏ߲ ߠߋ߬ ߕߐ߲߭ ߠߎ߬ ߘߌ߫.
߂߲- (ߟߏ߬ߟߏ߬ߖߌ߮): ߡߍ߲ ߠߎ߫ ߖߌ߰ ߘߊ߫ ߞߐ߭ ߘߐ߫ ߟߏ߬ߟߏ߬ ߞߏߡߊ ߓߐ߫ ߛߊ߲ ߠߊ߫.
߃߲- (ߝߐ߬ߝߐ߬ߖߌ߮): ߡߍ߲ ߠߎ߫ ߗߓߍ߬ߦߊ߬ ߘߊ߫ ߖߌߓߐߓߊ ߣߌ߫ ߝߐ߬ߝߐ߬ߓߐ ߛߊ߲߭ ߠߊ߫.
߄߲- (ߥߎ߬ߣߍ߬ߖߌ߮): ߡߍ߲ ߠߎ߫ ߖߌ߰ ߘߊ߫ ߕߊߓߐ ߣߌ߫ ߥߎ߬ߣߍ߬ߓߊ ߛߊ߲߭ ߠߊ߫.
߅߲- (ߡߊ߲߬ߛߊ߬ߖߌ߮): ߡߍ߲ ߠߎ߫ ߓߌ߬ߟߊ߬ ߘߊ߫ ߞߐ߬ ߘߐ߫ ߡߊ߲߬ߛߊ߬ ߟߊ߬ߛߌ߮ ߛߊ߲߭ ߠߊ߫.
߆߲- (ߓߊ߲߬ߓߊ߬ߖߌ߮): ߡߍ߲ ߠߎ߬ ߟߊߛߎߣߊ߫ ߘߊ߫ ߓߊ߲߬ߓߊ߬ ߓߟߋߓߟߋ ߝߊ߰ ߛߊ߲ ߠߊ߫.
߇߲- (ߛߏ߬ߝߊ߬ߖߌ߮): ߡߍ߲ ߠߎ߫ ߟߊߛߎߣߊ߫ ߘߊ߫ ߊ߬ߟߌ߬ߡߊߡߌ߲ ߕߎ߬ߙߋ ߣߴߊ߬ ߟߊ߫ ߛߏ߬ߝߊ ߟߎ߫ ߦߟߍ߬ߡߊ߲߬ ߛߊ߲ ߠߊ߫ ߓߌ߬ߛߊ߲߬ߘߎ߯ ߕߐ߬ߙߐ߲߫ ߖߡߊ߬ߣߊ ߘߐ߫ ߁߈߇߀ ߝߊ߭ ߝߍ߬.
߈߲- (ߢߊ߲߬ߞߎ߬ߡߊ߲߬ߖߌ߮): ߡߍ߲ ߠߎ߫ ߖߌ߰ ߘߊ߫ ߕߋ߬ߟߋ ߡߌ߬ߘߊ߬ ߛߊ߲ ߠߊ߫ ߢߊ߲߬ߞߎ߬ߡߊ߲ ߓߟߏ߫.
߉߲- (ߡߐ߬ߘߌ߬ߦߊ߬ߖߌ߮): ߡߍ߲ ߠߎ߫ ߡߐ߬ߘߌ߬ߦߊ߬ߘߊ ߞߵߊ߬ߟߎ߬ ߓߟߏ߫ ߞߏ߬ ߖߏߣߊ߫ ߞߵߊ߬ ߕߘߍ߬ ߊ߬ߟߎ߫ ߛߌ߭ ߡߊ߫ ߛߊ߲߬ ߡߎ߬ߥߊ߲߬ ߓߐ߫.
߁߀߲- (ߛߋߓߊ߯ߖߌ߮): ߡߍ߲ ߠߎ߬ ߓߟߏߞߏ߬ ߘߴߊ߬ߟߎ߫ ߝߊ߬ ߖߡߊߣߊ ߟߊ߫ ߛߋߓߊ߯ߦߊ ߛߊ߲߭ ߠߴߊ߬ߟߎ߬ ߖߎ߮ ߟߎ߫ ߡߊ߬ ߸ ߡߍ߲ ߠߎ߫ ߕߘߍ߬ ߛߋ߫ ߟߴߊ߬ߟߎ߬ ߟߊ߫ ߞߘߐ߬ߡߊ߲߫.
߁߁߲- (ߤߙߐߦߊߖߌ߮): ߡߍ߲ ߠߎ߬ ߟߊߛߎߣߊ߫ ߘߊ߫ ߖߐ߲߬ ߤߙߐߦߊ ߛߊ߲߭ ߠߊ߫ (߁߉߈߀).
߁߂߲- (ߜߊ߬ߦߌ߬ߖߌ߮): ߡߍ߲ ߠߎ߫ ߗߍ߬ߓߦߊ߬ ߘߊ߫ ߜߊ߬ߦߌ ߘߌߦߊ ߛߊ߲ ߠߊ߫.
߁߃߲- (ߖߝߐ߬ߖߌ߮): ߡߍ߲ ߠߎ߫ ߓߌ߬ߟߊ߬ ߘߊ߫ ߞߐ߬ ߘߐ߫ ߖߝߐ߬ߓߊ ߛߊ߲߭ ߠߊ߫ (߁߉߈߁).
߁߄߲- (ߘߋߜ߭ߏߟ ߖߌ߮): ߡߍ߲ ߠߎ߫ ߖߌ߰ ߘߊ߫ ߞߐ߬ ߘߐ߫ ߞߟߍ߬ߕߌ߯ ߛ߭ߊߙߟߌ߬ ߘߋߜ߭ߏߟ ߟߊ߫ ߢߍߞߐߣߐ߲ߠߌ߲ ߣߌ߫ ߞߐߞߐߣߐ߲ߠߌ߲ ߥߟߌ߬ ߛߊ߲ ߠߊ߫.
(ߖߊ߲ߕߏ߬ߒߘߐ) ߣߌ߫ ߞߊ߬ߙߌ ߡߍ߲ ߠߊ߫ ߓߟߏߞߏ߫ ߛߊ߲ ߡߊ߫ ߓߍ߲߬ ߖߊ߲߬ߖߏ߫߬ ߠߊߞߊ߬ߟߌ߬ߕߊ ߡߊ߬ ߸ ߏ߬ ߘߌ߫ ߞߊ߬ߙߌ߬ ߕߐ߰ ߞߘߐ߫ ߘߏ߫ ߕߊ߬ ߸ ߞߵߏ߬ ߞߴߊ߬ߟߎ߬ ߟߊ߫ ߛߘߍ ߕߐ߮ ߘߌ߫.
(ߖߊ߲ߕߏ߬ߒߘߐ߬ ߜߘߍ߫) ߞߊ߲ߞߊ߲߫ ߡߊ߬ߣߋ߲߬ߞߊ߬ߡߏߙߌ ߡߍ߲ ߠߎ߫ ߞߊ߬ ߛߓߍߟߌ ߣߌ߫ ߛߌ߬ߟߡߊ߬ߦߊ߬ ߘߌߣߊ ߝߊ߰ߡߎ߲߬ ߓߊߞߍ ߸ ߏ߬ ߟߎ߫ ߞߵߊ߬ߟߎ߬ ߟߊ߫ ߞߊ߬ߙߌ ߕߐ߮ ߡߎ߰ߡߍ ߞߍ߫ ߟߏ߯ߟߎ ߟߋ߬ ߘߌ߫ ߸ ߞߵߊ߬ ߓߍ߲߬ ߛߊߟߌ ߝߊ߬ߙߌ߬ߟߊ߬ ߟߏ߯ߟߎ ߦߙߌߞߊ ߡߊ߬، ߏ߬ ߟߎ߬ ߟߊ߫ ߞߊ߬ߙߌ߬ ߕߐ߮ ߏ߬ ߟߎ߬ ߣߴߊ߬ߟߎ߬ ߞߘߐ ߟߎ߬ ߡߊߘߊ߲ߕߐ ߝߟߍ߫ ߊߟߎ߫ ߢߍ߫ ߣߌ߲߬:
߁߭- (ߛߊ߲ߘߌߦߊ): ߞߊ߬ߙߌ ߏ߬ ߕߐ߯ ߟߊߣߍ߲ ߛߍ߬ߣߍ ߣߙߐ߬ ߢߌߡߊ ߟߋ߬ ߟߊ߫ ߸ ߞߏ߫ ߊߟߊ߫ ߛߊ߲ߖߌ ߢߌߡߊ߫ ߣߊ߬ ߸ ߞߊ߬ ߛߊ߲߭ ߘߌߦߊ ߛߣߍ߬ߞߍ߬ߟߊ ߟߎ߬ ߟߊ߫، ߏ߬ ߟߋ ߛߊ߲߭ ߘߌߦߊߣߍ߲ ߘߌ߫ ߓߊ߯ߙߟߊ ߕߐ߲߭ ߓߍ߯ ߟߊ߫.
߂߲-(ߤߙߊߡߊߞߐߣߐ߲): ߛߘߍ ߏ߬ ߕߐ߯ߟߊߣߍ߲ ߤߙߊ ߕߋ߬ߕߋ߬ ߢߌߡߊ ߟߋ߬ ߟߊ߫.
߃߲- (ߘߎ߰ߘߌߦߊ): ߞߊ߬ߙߌ ߏ߬ ߕߐ߯ߟߊߣߌ߲߫ ߘߎ߱ ߛߌ߱ ߣߕߊ߬ ߢߌߡߊ ߕߋ߬ߟߋ ߟߋ߬ ߟߊ߫.
߄߲-(ߖߡߊ߬ߣߊ߬ߘߌߦߊ): ߛߘߍ ߏ߬ ߕߐ߯ߟߊ߫ ߘߊ߫ ߝߊ߬ ߖߡߊߣߊ ߣߌ߫ ߖߡߊ߬ߣߊ߬ߞߍ ߣߙߐ߬ ߢߌߡߊ ߟߋ߬ ߟߊ߫.
߅߲- (ߘߊ߲ߘߌߦߊ): ߞߊ߬ߙߌ ߏ߬ ߕߐ߯ߟߊߣߍ߲ ߖߊ߬ߥߏ ߕߊ߯ߡߊ ߕߙߋ߬ ߢߌߡߊ ߟߋ߬ ߟߊ߫ ߸ ߞߊ߲ߞߊ߲߫ ߣߴߊ߬ ߟߊߡߌߣߌ߲ ߓߍ߯ ߟߊ߫ ߛߐ߬ߘߐ߲ ߝߊ߲߬ߓߊ ߘߍ߲ߣߍ߲ ߏ߬ ߡߍ߲ ߠߊ߫، ߊ߬ ߕߘߍ߬ ߝߐ߫ ߟߊ߫ ߛߙߊ߬ߟߏ߲ ߕߊ߰ ߖߎߟߊ ߟߎ߫ ߡߊ߬ ߟߋ߬ ߞߏ߫ ߘߊ߲ ߠߊ߫ ߕߊ߯ߟߊ ߟߎ߬، ߓߊ ߘߊ߲ߞߊ߲߫ ߓߟߋߓߟߋ ߟߋ߬ ߦߋ߲߬ ߸ ߋߙߐߔߎ߬ ߛߏ߲߯ߓߊߟߌߟߊ ߟߎ߬ ߟߊ߫ ߕߊߞߎߟߎ߲ߓߊ ߟߎ߬ ߦߋ߫ ߞߙߊ߬ߖߊߥߏ ߛߎ߮ ߓߍ߯ ߛߌߦߊߡߊ߲ ߟߊߖߌ߰ ߟߊ߫ ߦߌߟߊ ߡߍ߲ ߛߐ߲߬ ߞߘߊߎ߫، ߊ߬ ߣߌ߫ ߞߵߊ߲ ߕߊ߫ ߥߏߟߏߒߘߐ ߟߎ߫ ߛߊ߲߬ ߦߋ߲߬ ߞߍ߬ߣߍ߲، ߣߊ߬ߟߌ߬ߡߎ߲߫ ߞߊ߬ߢߊ ߣߌ߫ ߜߋ߲ ߣߌ߫ ߜߊ߬ߦߌ ߣߌ߫ ߛߊߣߌ߲ ߠߎ߬ ߘߌ߫.
ߒ߬ߓߊ߬ ߤߊߟߌ ߓߌ߬ ߸ ߡߊ߬ߣߋ߲߬ߞߊ߬ߡߏߙߌ ߟߎ߬ ߦߋ߫ ߕߏ߫ ߟߊ߫ ߞߊ߬ߙߌ߬ ߟߏ߯ߟߎ ߢߌ߲߬ ߠߎ߫ ߟߋ߬ ߡߌߣߌߡߌߣߌ߲ ߠߊ߫ ߢߐ߲߮ ߞߐ߫ ߛߐ߲߬ ߞߘߊߎ߫، ߊ߬ ߓߊ߯ ߟߊߞߎߙߊ߲߫ ߞߏߕߊ߲߫ ߸ ߊ߬ ߘߌ߫ ߘߊߡߌ߬ߣߊ߬ ߝߟߐߡߊ ߡߊ߬ ߕߎ߲߯. ߊ߬ߟߎ߫ ߝߊ߲ ߓߘߊ߫ ߞߎߘߊ߫ ߓߌ߬ߟߵߊ߬ ߘߐ߫ ߞߐ ߢߌ߲߬ ߠߊ߫: ߞߊ߬ ߡߛߏ߬ߘߐߜߍ ߘߏ߫ ߛߎߥߊ߲ߘߌ߫ ߛߐ߲߬ ߸ ߞߵߏ߬ ߞߍ ߞߊ߬ߙߌ ߣߊ ߘߌ߫، ߏ߬ ߦߴߊ߬ߟߎ߫ ߘߍ߬ߡߍ߲ ߊ߬ߟߎ߬ ߟߊ߫ ߢߊ߱ ߟߎ߬ ߘߐߘߌߦߊ߫ ߟߊ߫ ߝߘߎ߫ ߞߏ߫ ߟߎ߬ ߣߌ߫ ߘߋ߲ ߞߏ߫ ߟߎ߬ ߘߐ߫ ߞߍ߬ߣߍ߲.
ߊ߲ߠߎ߬ ߝߣߊ߫ ߦߴߊ߬ ߝߍ߬ ߛߌߛߍ߲߬ ߸ ߞߊ߬ ߞߎߘߊ߫ ߜߘߍ߫ ߓߌ߬ߟߵߊ߬ ߘߐ߫: ߞߊ߬ ߞߊ߬ߙߌ߬ ߡߐ߮ ߘߝߊ߫ ߁߀ ߠߊ߫ ، ߞߊ߬ ߛߊ߲߬ ߁ ߘߋ߲ ߠߎ߬ ߞߍ߫ ߞߊ߬ߙߌ߬ ߁ ߘߌ߫ ، ߞߊ߬ ߕߏ߫ ߞߊ߬ߙߌ ߕߐ߰ ߕߊ߲ ߏ߬ ߟߊߞߎߙߊ߲߫ ߠߊ߫ ߦߟߍ߬ߘߐ߬ߞߍ߬ ߁ ߡߊ߬ ߛߍߣߍ߲߬ ߞߘߊߎ߫ ، ߏ߬ ߓߊ߯ ߞߍ߫ ߸ ߛߊ߲߬ ߃ ߘߋ߲ ߠߎ߬ ߟߊߘߍ߭ ߡߍ߲ ߞߍ߫ ߟߊ߫ ߞߊ߬ߙߌ߬ ߁ ߘߌ߫ ߸ ߏ߬ ߘߌ߫ ߓߟߏߞߊ߬ ، ߓߊ ߛߊ߲߬ ߃ ߘߋ߲ ߠߎ߬ ߟߊߘߍ߭ ߕߘߍ߬ ߞߍ߫ ߟߊ߫ ߞߎ߲߫ ߝߌ߬ߟߊ ߟߋ߬ ߟߊ߫ ߓߊߞߍ ،
ߊ߬ ߝߟߐ߫ ߸ ߓߘߍ߬ ߕߍ߫ ߞߘߐ߬ߙߋ߲ ߣߌ߫ ߘߐ߯ߓߊ ߡߍ߲ ߠߎ߬ ߕߍ߫ ߛߌ߬ ߞߛߊߓߌ ߘߐ߫ ߸ ߛߊ߫ ߘߏ߫ ߘߌ߫ ߓߐ߫ ߏ߬ ߟߎ߬ ߟߊ߫ ߕߍߜߟߍߦߊߓߊ ߟߊ߫.
ߊ߬ ߝߌߟߊߣߊ߲: ߊ߬ߟߎ߫ ߞߊ߬ ߞߊ߬ߙߌ ߝߌ߬ߟߊ߬ ߞߍ߫ ߢߐ߲߮ ߞߊ߲߬ ߦߌߟߊ ߘߏ ߟߎ߫ ߣߌ߫ ߕߎ߬ߡߊ ߘߏ߫ ߟߎ߫ ߟߊ߫ ߟߋ߬ ߸ ߛߊ߫ ߛߏߣߍ߲ ߠߎ߬ ߞߊ߬ߙߌ ߖߊ߬ߡߊ ߘߌ߫ ߛߌߦߊߦߊ߫، ߏ߬ ߟߋ ߘߴߊ߬ ߞߍ߫ ߊ߬ߟߎ߬ ߘߌ߫ ߝߊ߲߬ߞߊ ߛߐ߬ߘߐ߲߬ ߊ߬ߟߎ߬ ߟߊ߫ ߞߏ߫ ߞߍߕߊ ߟߎ߫ ߘߐ߫، ߦߏ߫ ߛߊ߲ߛߣߍ ߣߌ߫ ߛߣߍ߬ߛߏ߲߬ߧߊ ߣߌ߫ ߞߢߐߞߏ ߣߌ߫ ߘߋ߲ߣߊߓߐ ߣߌ߫ ߛߏ߬ߟߌ ߟߎ߬ ߘߐ߫.
((ߖߊ߲ߕߏ߬ߒߘߐ)): ߦߟߍ߬ߘߐ߬ߞߍ߬ ߁ ߠߋ߬ ߛߊ߲߬ ߁߀ ߘߌ߫ (ߝߊ߬ߙߊ߲߬ߛߌ ߘߐ߫ ߸ ߘߋߛߊ߲ߣߌ ) ߝߊ߯ߘߐߞߍ߫ ߁ ߦߋ߫ ߛߊ߲߬ ߁߀߀ ߘߌ߫ ( ߝߊ߬ߙߊ߲߬ߛߌ ߘߐ߫ ߸ ߛߌߦߍߞߟߌ߬ ) ߛߋ߰ߘߐ߬ߞߍ߬ ߁ ߦߋ߫ ߛߊ߲߬ ߁߀߀߀ ߘߌ߫ ( ߝߊ߬ߙߊ߲߬ߛߌ ߘߐ߫ ߡߌߟߋߣߍ߯ߙߌ߬.)
ߡߐ߰ߦߊ ߕߎ߬ߜߍ߬ߕߎ߬ߜߍ߬ ߢߊ ߘߋ߲ߣߍ߲ߦߊ ߣߴߊ߬ ߡߐ߰ߓߊ߬ߦߊ ߕߍ߫
ߛߊ߬ߙߌ߬ߦߊ߬ߓߏߟߏ߲ ߁߂߈߲:
ߝߟߐߝߟߐ߫ ߸ ߡߊ߬ߣߋ߲߬ߞߊ߬ ߘߋ߲ ߕߎ߲߬ ߦߋ߫ ߕߘߍ߬ ߟߊ߫ ߡߐ߰ߦߊ ߞߏ ߟߎ߬ ߘߐ߫ ߊ߬ ߛߊ߲߬ ߕߊ߲ ߠߋ߬ ߡߊ߬، ߊ߬ ߘߌ߫ ߛߊ߲߬ ߄߀ ߖߊ߬ߣߍ߲ ߞߍ߫ ߝߎߣߎ߲ߞߋߦߊ ߖߡߊ߬ߣߊ߬ߞߍ ߟߊ߫ ߸ ߊ߬ ߛߊ߲߬ ߕߊ߲ ߣߌ߫ ߛߊ߲߬ ߅߀ ߕߍߟߊ ߘߐ߫ ߸ ߞߣߊ߬ߕߏ߫ ߘߏ߲߬ ߠߊ߫ ߗߍ߬ߡߐ߰ ߜߙߊ ߘߐ߫، ߏ߬ ߞߍߢߊ ߝߟߍ߫:
ߊ) ߊ߬ ߛߊ߲߬ ߕߊ߲ ߞߵߊ߬ ߛߌ߰ ߁߅ ߟߊ߫ ߸ ߊ߬ ߦߋ߫ ߓߌ߬ߟߊ߬ߞߙߏ߬ ߡߌߛߍ߲ ߘߌ߫، ߡߐ߬ߟߐ߲ ߡߍ߲ ߦߴߊ߬ ߟߊ߫ ߏ߬ ߕߎ߬ߡߊ ߸ ߏ߬ ߟߋ ߞߏ߲߬ߘߋ߲߬ ߞߊߙߊ߲ߘߋ߲ ߘߌ߫.
ߋ) ߊ߬ ߛߊ߲߬ ߁߅ ߞߵߊ߬ ߛߌ߰ ߂߀ ߠߊ߫ ߸ ߊ߬ ߦߋ߫ ߗߍ߬ߓߦߊ߬ ߓߌߟߊߞߙߏ ߘߌ߫، ߊ߬ ߡߐ߬ߟߐ߲ ߦߋ߫ ߞߏ߲߬ߘߋ߲߬ߓߊ ߘߌ߫، ߊ߬ ߓߙߊߕߌ߯ ߡߊ߬ߡߊ߬ߙߋ߲ ߘߌ߫.
ߌ) ߊ߬ ߛߊ߲߬ ߂߀ ߞߵߊ߬ ߛߌ߰ ߂߅ ߟߊ߫ ߸ ߊ߬ ߦߋ߫ ߗߍ߬ߓߊ߬ߟߋ߲ ߘߌ߫، ߊ߬ ߡߐ߬ߟߐ߲ ߦߋ߫ ߓߙߊߡߊߞߐߣߐ߲ ߘߌ߫، ߕߍߜߟߍߦߊ߫ ߓߟߋߓߟߋ ߦߴߊ߬ ߣߌ߫ ߓߙߊߕߌ߮ ߟߎ߬ ߕߍ߫ ߛߊ߫.
ߍ) ߊ߬ ߛߊ߲߬ ߂߅ ߞߵߊ߬ ߛߌ߰ ߃߀ ߟߊ߫ ߸ ߊ߬ ߦߋ߫ ߞߊߡߋߙߋ߲ ߘߌ߫، ߊ߬ ߡߐ߬ߟߐ߲ ߦߋ߫ ߓߙߊߕߌ߮ ߘߌ߫ ߸ ߊ߬ ߦߋ߫ ߖߡߊ߬ߣߊ߬ߞߍ ߕߊ߫ ߥߛߎ ߘߐ߫، ߛߏ ߝߎߣߎ߲ߞߋ߫ ߞߏ ߓߍ߯ ߊ߬ߟߎ ߟߋ߬ ߓߟߏ߫.
ߎ) ߊ߬ ߛߊ߲߬ ߃߀ ߞߵߊ߬ ߛߌ߰ ߃߅ ߟߊ߫ ߸ ߊ߬ ߦߋ߫ ߞߊߡߋߙߋ߲ ߞߘߐ ߘߌ߫، ߊ߬ ߡߐ߬ߟߐ߲ ߦߋ߫ ߓߙߊߕߌ߯ ߞߐ߬ߘߐ ߣߌ߫ ߞߊ߲ߜߍ ߡߊ߬ߡߊ߬ߙߋ߲ ߘߌ߫.
ߏ) ߊ߬ ߛߊ߲߬ ߃߅ ߞߵߊ߬ ߛߊ߰ ߄߀ ߠߊ߫ ߸ ߊ߬ ߦߋ߫ ߜߌߛߌ߲ ߘߌ߫، ߊ߬ ߡߐ߬ߟߐ߲ ߦߋ߫ ߓߙߊߕߌ߮ ߓߋ߲ߓߊ ߘߌ߫.
ߐ) ߊ߬ ߛߊ߲߬ ߄߀ ߞߵߊ߬ ߛߌ߰ ߄߅ ߟߊ߫ ߸ ߊ߬ ߦߋ߫ ߛߌ߲ߓߊ߲ ߘߌ߫، ߊ߬ ߡߐ߬ߟߐ߲ ߦߋ߫ ߞߊ߲ߜߍߡߊߞߐߣߐ߲ ߘߌ߫.
ߒ) ߊ߬ ߛߊ߲߬ ߄߅ ߞߵߊ߬ ߛߌ߰ ߅߀ ߟߊ߫ ߸ ߊ߬ ߦߋ߫ ߟߊ߬ߡߎ߯ߛߊ ߘߌ߫، ߊ߬ ߡߐ߬ߟߐ߲ ߦߋ߫ ߞߊ߲ߜߍ ߘߌ߫، ߏ߬ ߟߋ ߝߎߣߎ߲ߞߋߦߊ ߖߡߊ߬ߣߊ߬ߞߍ ߞߐߘߊ߲ ߘߌ߫ ߞߐ߯ߛߌ߬.
(ߗߍ߬ߡߐ߰ߦߊ ߞߎ߲߬ߕߊ߮ ߟߎ߬)
ߓ) ߡߊ߬ߣߋ߲߬ߞߊ߬ ߘߋ߲ ߛߊ߲߬ ߅߀ ߞߴߊ߬ ߛߌ߰ ߆߀ ߟߊ߫ ߸ ߊ߬ ߦߋ߫ ߗߍ߬ߡߐ߰ ߜߌߛߌ߲ ߘߌ߫.
ߔ) ߊ߬ ߛߊ߲߬ ߆߀ ߞߵߊ߬ ߛߌ߰ ߇߀ ߟߊ߫ ߸ ߊ߬ ߦߋ߫ ߗߍ߬ߡߐ߰ ߛߌ߲ߓߊ߲ ߘߌ߫.
ߕ) ߊ߬ ߛߊ߲߬ ߇߀ ߞߵߊ߬ ߛߌ߰ ߈߀ ߠߊ߫ ߸ ߊ߬ ߦߋ߫ ߗߍ߬ߡߐ߰ߓߊ ߘߌ߫.
ߖ) ߊ߬ ߛߊ߲߬ ߈߀ ߞߵߊ߬ ߛߌ߰ ߁߀߀ ߟߊ߫ ߸ ߊ߬ ߦߋ߫ ߞߓߐߞߓߐ ߘߌ߫.
ߗ) ߊ߬ ߛߊ߲߬ ߁߀߀ ߣߌ߫ ߞߐ߫ ߸ ߊ߬ ߦߋ߫ ߘߎ߰ߘߊ ߟߋ߬ ߘߌ߫ ߏ߬ ߘߐ߫ ߸ ߞߊ߬ ߓߐ߬ߟߐ ߜߊ߲ߜߊ߲ ߊ߬ ߣߌ߫ ߕߊ ߕߍ߫، ߤߊߞߍߕߏ߫ ߊ߬ ߞߊߣߊ߬ ߓߋ߬ ߕߊ ߘߐ߫ ߡߐ߱ ߟߎ߫ ߢߌ߬ߣߊߡߊ߬. ߒ߬ߞߊ߬ ߞߓߐߞߓߐߦߊ ߛߐ߬ߘߐ߲߬ ߡߊ߲ ߘߌ߫ ߘߋ߬، ߏ߬ ߟߋ ߞߏߛߐ߲߬ ߸ ߞߓߐߞߓߐ ߛߌߦߊߡߊ߲ ߕߍ߫ ߞߐߟߊ߫ ߥߊ߯ߕߌ ߢߌ߲߬ ߠߊ߫.
ߡߊ߲߬ߘߋ߲߫ ߞߏߟߊߒߞߘߐߢߐ߲߯ߦߊ߫ ߄
ߛߊ߬ߙߌ߬ߦߊ߬ߓߏߟߏ߲ ߁߂߉߲:
ߞߋߕߊ߬ ߛߏ߲߰ߟߏ߲߬ ߡߊ߯ ߣߊ߬ ߘߴߊ߬ ߝߐ߫ ߸ ߞߏ߫ ߟߊߛߋ߫ ߢߐ߲߰ߡߊ߬ ߣߌ߫ ߞߏߟߊߢߐ߲߯ߞߘߐ ߣߌ߫ ߞߌ߬ߓߊ߬ߙߏ߬ߦߊ߬ߟߌ ߟߎ߫ ߣߊ߬ߝߊ ߥߊ߬ߙߊ ߡߊ߬ ߘߍ߭ ߞߣߐ߫ ߸ ߡߊ߲߬ߘߋ߲߫ ߞߊ߫ ߞߊ߲߫ ߠߋ߬ ߞߊ߬ ߞߍ߫ ߞߏ߫ ߞߍߕߊ߫ ߢߣߊߡߊ ߓߍ߯ ߞߊ߬ߟߊ ߡߊ߬ ߥߊ߯ߕߌ ߓߍ߯ ߟߊ߫ ، ߏ߬ ߘߐ߫ ߸ ߞߊ߬ߝߏ߬ߓߏߟߏ߲ ߠߎ߫ ߜߊ߲ߛߊ߲ ߦߋ߫ ߞߍ߫ ߢߐ߲߮ ߞߊ߬ߟߊߡߊ߬ ߟߋ߬ ߞߘߊߎ߫ ، ߊ߬ߟߎ߫ ߞߋ߬ߟߋ߲߬ߞߋ߬ߟߋ߲߬ߣߊ ߝߣߊ߫ ߣߌ߫ ߞߎߓߋߘߊ ߦߋ߫ ߞߍ߫ ߢߐ߲߮ ߞߊ߬ߟߊߡߊ߬ ߞߍ߬ߣߍ߲ ، ߛߏ߫ ߡߌߛߍ߲ ߠߎ߬ ߦߋ߫ ߞߍ߫ ߘߎ߰ߓߊ ߞߊ߬ߟߊߡߊ߬ ߊ߬ߟߎ߬ ߘߍ߲ߣߍ߲ ߡߍ߲ ߠߊ߫ ، ߘߎ߰ߓߊ ߟߎ߬ ߦߋ߫ ߞߴߊ߬ߟߎ߬ ߟߊ߫ ߞߎߓߋߛߏ ߟߎ߫ ߞߊ߬ߟߊߡߊ߬ ( ߛߋߝߎ߬ ߟߌߦߋ) ߞߎߓߋߛߏ ߝߣߊ߫ ߦߋ߫ ߞߍ߫ ߞߎߓߋߘߊ ߞߊ߬ߟߊߡߊ߬ ( ߞߊߔߌߕߊߟ ) ߏ߬ ߟߋ ߘߴߊ߬ ߞߍ߫ ߸ ߞߏ߫ ߓߊ߯ ߕߍ߰ ߖߡߊ߬ߣߊ ߝߊ߲߬-ߊ- ߝߊ߲߬ ߸ ߏ߬ ߕߍ߫ ߘߊ߲ߘߊ ߜߏߦߊ߫ ، ߞߌ߬ߓߊ߬ߙߏ߬ߦߊ߬ߟߌ ߏ߬ ߛߌߟߊ ߝߍ߬ ߸ ߝߏ߫ ߡߌ߬ߙߌ߲߬ߘߌ ߦߋ߫ ߕߏ߫ ߞߏߟߊ߲ߞߘߐߢߐ߲߯ߦߊ ߓߏ߲߬ߓߊ ߣߴߊ߬ ߘߐ߰ߡߊ߬ߣߍ߲ ߠߎ߫ ߟߋ߬ ߞߍ߫ ߟߊ߫ ߛߐ߲߬ ߞߘߊߎ߫ ، ߒ߬ߞߊ߬ ߗߋ߫ ߛߊ ߣߌ߫ ߓߊ߯ߙߊ߫ ߡߊߓߌߟߊ ߢߍߛߌߟߊ߲ߢߍ ߡߊ߬ ߸ ߞߏߟߊߢߐ߲߯ߞߘߐ ߟߎ߬ ߕߏ߫ ߞߍ߫ ߟߊ߫ ߕߟߋ߬ ߡߊ߬ ߟߎ߫ ߟߋ߬ ߘߐ߫ ߛߐ߲߬ ߞߘߊߎ߫ ، ߊ߬ ߝߏߦߌ߬ ߞߊ߬ߣߊ߬ ߞߍ߫ ߛߣߍ߬ߞߍ߬ ߕߎߡߊ ߟߎ߬ ߣߌ߫ ߛߎ߬ߡߊ߲߬ ߠߊ߬ߘߊ߲߬ ߥߊ߯ߕߌ ߟߎ߬ ߟߊ߫ ߸ ߝߏ߫ ߖߘߐ߬ߣߊ߲߬ ߞߏ ߡߍ߲ ߠߎ߬ ߓߊ߯ ߗߎ߲߫ ߖߡߊ߬ߣߊ ߖߘߍ߬ߞߎ߲ ߞߊ߲߬. ߛߏ߲߬ߖߘߊ߫ ߞߊ߲߫ ߞߏ߫ ߞߏߟߊߢߐ߲߯ߞߘߐ ߘߐ߰ߡߊ߲ߣߍ߲ ߣߴߊ߬ ߡߊ߲ߞߊ߲ ߣߴߊ߬ ߓߏ߲߬ߓߊ ߣߴߊ߬ ߓߟߋ߬ߓߟߋ ߦߋ߫ ߛߎ߯ߦߊ߫ ߣߊ߯ߣߌ߲ ߢߌ߲߬ ߠߎ߫ ߟߋ߬ ߘߌ߫:
߁߭- ߞߏߟߊ߲ߞߘߐߢߐ߲߯ߦߊ ߘߐ߰ߡߊ߲ߣߍ߲
߂߲- ߞߏߟߊ߲ߞߘߐߢߐ߲߯ߦߊ ߡߊ߲ߞߊ߲، ߏ߬ ߟߋ (ߟߊ߬ߘߍ ߘߌ߫): ߛߏ߫ ߁ ߥߟߊ߫ ߘߎ߰ ߁ ߞߣߐ߫ ߸ ߞߊ߬ߓߌ߬ߟߊ߬ߕߌ߮ ߟߎ߬ ߣߌ߫ ߟߎߕߌ߮ ߟߎ߬ ߘߌ߫ ߞߍ߫ ߛߏߕߌ߮ ߓߘߊ ߥߟߊ߫ ߘߎ߰ߕߌ߮ ߓߘߊ، ߞߊ߬ߙߌ ߘߌ߫ ߟߊ߬ߘߍ ߞߍ߫ ߊ߬ߟߎ߬ ߟߊ߫ ߞߎ߲߬ߕߌ߮ ߓߘߊ، ߞߊ߲ߜߍ ߟߎ߬ ߝߣߊ߫ ߘߌ߫ ߟߊ߬ߘߍ ߞߍ߫ ߊ߬ߟߎ߬ ߟߊ߫ ߞߌ߬ߣߊ ߓߘߊ، ߡߏߙߌ ߟߎ߬ ߘߌ߫ ߟߊ߬ߘߍ ߞߴߊ߬ߟߌ߬ߡߊߡߌ߲ ߓߘߊ.
߃߲- ߞߏߟߊ߲ߞߘߐߢߐ߲߯ߦߊ ߓߏ߲߬ߓߊ، ߏ߬ ߟߋ (ߢߐ߲߯ߓߍ߲ ߘߌ߫): ߞߊ߬ߝߏ߬ ߁ ߞߣߐ߫ ߥߟߊ߫ ߞߊ߬ߝߏ߬ߓߏ߬ߟߏ߲߬ ߁ ߞߣߐ߫ ߸ ߛߏ߫ ߟߎ߬ ߣߌ߫ ߘߎ߱ ߟߎ߬ ߘߌ߫ ߢߐ߲߯ߓߍ߲ ߞߴߊ߬ߟߎ߬ ߟߊ߫ ߡߐ߰ߓߊ ߝߍ߬ ߞߎߓߋߛߏ ߟߊ߫، ߘߏ߲߬ߛߏ ߟߎ߬ ߝߣߊ߫ ߘߌ߫ ߢߐ߲߯ߓߍ߲ ߞߍ߫ ߘߏ߲߬ߛߏ߬ ߗߍߡߐ߮ ߟߊ߫ ߛߏ ߟߊ߫ ߸ ߥߟߊ߫ ߛߌ߰ ߓߏ߲߬ߠߊ ߤߊߡߊ߲ߕߍ߫ ߥߘߊ߫ ߝߊ߯ߟߊ ߝߍ߬ ߊ߬ ߟߊ߫ ߛߏ ߟߊ߫.
߄߲- ߞߏߟߊߢߐ߲߯ߞߘߐ ߓߟߋ߬ߓߟߋ، ߏ߬ ߟߋ (ߜߊ߬ߙߊ) ߘߌ߫. ߒ߬ߓߊ߬ ߡߊ߲߬ߘߋ߲߫ ߞߙߎߝߊ ߖߍ߬ߘߍ ߞߣߐ߫ ߸ ߞߊ߬ߝߏ ߟߎ߬ ߣߌ߫ ߞߊ߬ߝߏ߬ߓߏߟߏ߲ ߓߍ߯ ߢߍߡߐ߮ ߟߎ߫ ߕߘߍ߬ ߟߊ߬ߘߍ߬ߓߊ ߡߍ߲ ߞߍ߫ ߟߊ߫ ߡߊ߲߬ߘߋ߲߬ ߡߊ߲ߛߊ ߖߍ߬ߘߍ ߝߍ߬ ߢߊ߬ߣߌ߲߬ߓߊ߫ ߛߊ߲߬-ߊ- ߛߊ߲߬ ߸ ߏ߬ ߟߋ ߜߊ߬ߙߊ ߘߌ߫، ߞߏ߬ߣߌ߲߬ ߡߛߏ߬ ߕߎ߲߬ ߕߍ߫ ߕߘߍ߬ ߟߴߏ߬ ߘߐ߫ ߡߍ߲ߞߍ߭ ߸ ߊ߬ ߕߎ߲߬ ߦߋ߫ ߝߐ߫ ߟߴߊ߬ ߡߊ߬ ߏ߬ ߟߋ ߘߐ߫ ߞߏ߫ ߗߍ߬ ߜߙߊ. ߒ߬ߓߊ߬ ߊ߬ߟߌ߬ߡߊߡߌ߲ ߕߎ߬ߙߋ ߕߋ߬ߟߋ ߘߐ߫ ߸ ߊ߬ ߕߘߍ߬ ߝߐ߫ ߟߊ߫ ߟߊ߬ߘߍ ߓߍ߯ ߘߐ߫ ߓߏ߲߬ߓߊ ߡߊ߬ ߟߋ߬ ߞߏ߫ (ߓߙߊߓߐ)
ߛߋ߲߬- ߘߐ߬- ߟߊ߬ߛߋ߬ߒߡߊ߬ߟߌ ߟߎ߬
ߡߊ߲߬ߘߋ߲߫ ߟߊ߲߬ߘߊ ߘߐ߫ ߸ ߣߌ߫ ߞߏ߫ ߡߍ߲ ߕߍ߫ ߟߊ߬ߘߍ߬ ߘߐ߬ ߞߏ߫ ߘߌ߫ ߸ ߏ߬ ߕߘߍ߬ ߟߊߛߋ߫ ߟߊ߫ ߢߊ ߘߊ߲ߘߐ߫ ߢߌ߲߬ ߠߎ߫ ߟߋ߬ ߡߊ߬:
ߊ) ߞߊ߬ ߞߋߟߊߘߋ߲ ߘߏ߫ ߟߐ߬ ߝߋ߲ ߝߋ߬ߟߋ߲߬ߝߋ߬ߟߋ߲߬ߣߍ߲ ߘߣߊߟߊ߫ ߟߊ߫ ߘߊ߲ߘߎ߮ ߟߎ߬ ߣߌ߫ ߛߣߍ߬ߓߏ߲߬ߘߊ ߟߎ߬ ߟߊ߫ ߟߊ߬ߡߌߣߌ߲ ߓߍ߯ ߘߐ߫.
ߋ) ߞߊ߬ ߗߋߘߋ߲ ߘߏ߫ ߟߐ߬ ߛߎߘߋ ߘߏ߫ ߥߟߊ߫ ߝߋ߲ ߕߎߣߎ߲ߣߍ߲߫ ߦߋߣߍ߲ ߕߌ߰ ߟߐ߲߬ߓߊߟߌ ߘߏ߫ ߞߣߐ߬ߝߐ߫ ߟߊ߫ ߟߊ߬ߡߌߣߌ߲ ߛߏ߫ ߡߌߛߍ߲ ߠߎ߬ ߣߴߊ߬ ߘߎ߰ ߞߎ߲ߓߊ ߟߎ߬ ߟߊ߫ ߸ ߛߴߊ߬ ߕߌ߰ ߘߌ߫ ߦߋ߫ ߞߵߊ߬ ߘߴߏ߬ ߡߊ߬.
ߌ) ߞߊ߬ ߢߡߊ߬ߞߟߊ ߘߏ߫ ߟߐ߬ ߞߟߋߞߟߋߡߊߦߟߍ ߞߍ߫ ߟߊ߫ ߞߌ߬ߓߊ߬ߙߏ߬ ߟߊߛߋߕߊ ߟߊ߫ ߘߎ߱ ߝߊ߲߭ ߓߍ߯ ߢߊߝߍ߬ ߸ ߛߊ߫ ߓߍ߯ ߘߴߊ߬ ߡߍ߲ ߞߐߘߍ߫.
ߍ) ߞߊ߬ ߢߊ߬ߙߊ ߟߎ߫ ߟߐ߬ ߟߐ߮ ߟߊߛߌ߮ ߞߍ߫ ߟߊ߫ ߸ ߞߊ߬ ߞߌ߬ߓߊ߬ߙߏ ߟߊߛߋ߫ ߟߐ߯ߟߐ ߟߊ߫ ߓߍ߯ ߡߊ߬ ، ߊ߬ ߣߌ߫ ߞߊ߬ ߓߍ߯ ߟߐ߬ ߊ߬ ߟߊߛߋ߫ ߟߴߊ߬ ߞߐ߫ ߡߐ߮ ߡߊ߬ ߝߊ߲߭ ߓߍ߯ ߘߐ߫ .
ߡߊ߬ߛߙߊ߬ߟߌ ߟߎ߬
ߛߊ߬ߙߌ߬ߦߊ߬ߓߏߟߏ߲ ߁߃߀߲:
ߞߙߎߞߊ߲ߝߎߥߊ߫ ߜߊ߬ߙߊ ߞߎ߲߬ߘߏ߲ߕߐ ߸ ߛߏ߲߰ߟߏ߲ ߡߊ߲߯ ߞߵߊ߬ ߝߐ߫ ߞߏ߫ ߊ߲ ߧߋ߫ ߛߌ߰ߞߊ߲߬ ߠߊߘߊ߲ ߢߌ߲߬ ߠߊߓߊ߲ ߠߊ߫ ߡߍ߲ ߡߊ߬ ߸ ߏ߬ ߟߋ ߡߊ߬ߛߙߊ߬ߟߌ ߟߎ߬ ߘߌ߫ ߞߏߓߊ߫ ߛߓߊ߬ ߟߊ߫ ߸ ߞߵߏ߬ ߟߎ߬ ߘߐߖߊ߬ ߞߏ ߞߐߡߊߓߌ߲ߓߌ߲ ߞߵߊ߬ߟߎ߬ ߡߊߜߟߍ߬ߦߊ߬ ߞߊߕߌ߫، ߓߊ ߞߏ߫ ߃ ߏ߬ ߟߎ߬ ߡߊߖߐ߲߰ߛߐ ߣߴߊ߬ߟߎ߬ ߡߊߓߌ߬ߟߊ ߟߋ߬ ߖߡߊ߬ߣߊ߬ ߥߙߌߞߌߣߍ߲ ߠߎ߬ ߕߋ߬ ߟߊ߫ ߸ ߞߊ߬ ߝߊ߲߰ߡߊ ߟߊ߫ ߝߊ߲߬ߞߊ߬ߡߊ ߟߎ߬ ߟߊߓߋ߬ ߸ ߞߊ߬ ߡߊ߲߬ߛߊ ߟߊ߫ ߛߓߊ߬ߕߌ߬ߣߍ߲ ߠߎ߬ ߝߛߏ߬ߝߛߊ߫، ߊ߬ ߣߌ߫ ߞߊ߬ ߡߌ߬ߙߌ߲߬ߘߌ߫ ߞߎߣߎ߲ߣߍ߲ ߠߎ߬ ߣߌ߫ ߞߊ߬ߝߏ ߛߌ߲߬ߝߏ߲߬ߧߊ߬ߣߍ߲ ߠߎ߫ ߥߙߍߥߙߍ߫ ߞߵߊ߬ߟߎ߬ ߖߍ߲ߛߍ߲ ߛߎߋ߫، ߊ߬ ߣߌ߫ ߞߵߊ߬ߟߎ߬ ߕߎߣߎ߲߫ ߕߋ߲߬ ߖߋߥߎ߲߫.
ߛߏ߲߬ߖߘߊ߫ ߞߊ߲ ߞߏ߫ ߞߏ߫ ߃ ߏ߬ ߟߎ߫ ߟߋ߬ ߕߋߟߋ߲ߓߊ߯ߦߊ ߣߌ߫ ߕߐ߲ ߘߐߖߊ ߞߎ߬ߙߎ߲߬ߘߎ߬ ߟߊ߬ߕߏ ߣߌ߫ ߞߌ߬ߛߍ߬ߦߊ߬ ߓߊ߯ߙߊ ߛߓߍ߬ߡߊ ߘߌ߫، ߏ߬ ߟߎ߫ ߞߋ߬ߟߋ߲߬ߞߋ߬ߟߋ߲߬ߣߊ ߡߊ߬ߛߙߊ߬ߟߌ ߝߟߍ߫:
ߝߟߐ: ߕߋߟߋ߲ߓߊ߯ߦߊ ߡߊ߬ߛߙߊ߬ߟߌ
ߛߏ߲߬ߖߘߊ߫ ߞߊ߲߫ ߞߏ߫ ߊ߲ ߧߋ߫ ߕߋߟߋ߲ߓߊ߯ߦߊ ߡߊ߬ߛߙߊ߬ߟߌ ߞߍ߫ ߟߊ߫ ߡߊ߲߬ߘߋ߲߫ ߡߌ߬ߙߌ߲߬ߘߌ ߓߍ߯ ߟߋ߬ ߟߊ߫ ߛߊ߫ ߸ ߒ߬ߞߊ߬ ߊ߲ ߧߴߊ߲ ߕߌ߲ߕߌ߲ ߠߊ߫ ߡߍ߲ ߞߊ߲߬ ߓߊߞߍ ߸ ߏ߬ ߟߎ߫ ߟߋ߬ ߡߊ߲߬ߛߊ ߟߎ߬ ߣߌ߫ ߞߏߟߊߕߍ߯ ߟߎ߬ ߣߌ߫ ߞߎ߲߬ߕߌ߮ ߟߎ߬ ߘߌ߫ ، ߊ߬ ߣߴߊ߬ߟߎ߬ ߟߊߡߎ߬ߒߣߊ ߟߎ߬ ߸ ߣߊߟߌ߬ߡߎ߲߫ ߊ߬ߟߎ߬ ߞߏߟߊߕߍ߯ߢߐ߲߮ ߠߎ߬ ߣߌ߫ ߘߟߊߡߌߘߊߟߊ ߟߎ߬ ߣߌ߫ ߕߐ߲ߓߟߏߡߊ ߟߎ߬ ߘߌ߫ ، ߏ߬ ߟߎ߬ ߝߟߐ߫ ߦߴߊ߬ߟߎ߬ ߕߋߟߋ߲ ߠߋ߬ ߡߎߣߎ߲߬ ߸ ߝߏ߫ ߓߍ߯ ߦߴߊ߬ ߟߐ߲߫ ߞߏ߫ ߊ߬ߟߎ߬ ߕߋߟߋ߲ߣߍ߲ ߠߋ߬ ߖߐ߲ ، ߓߊ ߣߌ߫ ߞߎ߲߬ߕߌ߮ ߟߎ߬ ߓߊ߲߫ ߘߴߊ߬ߟߎ߬ ߕߋߟߋ߲ ߠߊ߫ ߸ ߞߵߊ߬ߟߎ߬ ߘߌߦߊߣߊ߲ ߡߐ߮ ߟߎ߬ ߞߘߊߡߊ߫ ߕߋߟߋ߲ ߠߊ߫ ߸ ߊ߬ߟߎ߬ ߕߍ߫ ߞߢߊ߬ ߡߐ߰ ߛߌ߫ ߟߊߕߋߟߋ߲ ߠߊ߫ ߡߎ߬ߕߎ߲߬ ، ߏ߬ ߓߊ߯ ߞߍ߫ ߡߌ߬ߙߌ߲߬ߘߌ ߓߍ߯ ߘߌ߫ ߕߋߟߋ߲ߓߊ߯ߦߊ ߞߊ߬ߣߌ߲߬ ߞߵߊ߬ ߟߊ߫ ߝߛߊ߬ ߞߵߊ߬ ߛߌߟߊ ߡߌ߬ߘߊ߬ ߛߍ߬ߓߍ ߟߊ߫ ߥߊߡߌ߲߫ ، ߓߊ߬ߙߌ߬ ߡߌ߬ߙߌ߲߬ߘߌ ߞߊ߬ ߞߎ߲߬ߕߌ߮ ߟߎ߬ ߣߴߊ߬ߟߎ߬ ߟߊߡߎ߬ߒߣߊ ߟߎ߬ ߘߐߘߎ߬ߣߍ߲ ߦߋ߫ ߕߋ߲߬ ߸ ߊ߬ߟߎ߬ ߓߍ߯ ߘߐߞߙߎ߬ߣߍ߲ ߠߴߏ߬ ߘߌ߫ ߕߋ߲߬ ߞߐ߲ߕߌ߫ ، ߖߊ߬ߡߊ ߕߴߛߋ߫ ߟߊߕߋߟߋ߲ ߠߴߏ߬ ߞߐ߫. ߏ߬ ߘߐ߫ ߸ ߞߎ߲߬ߕߌ߮ ߓߊ߯ ߕߐ߲ ߛߌ߰ ߞߏ ߡߍ߲ ߠߊ߫ ߸ ߊ߬ ߖߍ߬ߘߍ ߞߊߣߊ߬ ߛߎߛߋ߫ ߏ߬ ߞߍ ߟߊ߫ ߡߎ߬ߕߎ߲߬ ߝߋߎ߫، ߊ߬ ߘߏ߲߬ ߞߴߏ߬ ߞߍ ߘߐߣߐ߰ߦߊ ߊ߬ ߘߌߦߊߣߊ߲ ߡߐ߮ ߛߎ߯-ߎ-ߛߎ߯ ߓߟߏ߫، ߤߊߞߍߕߏ߫ ߞߎ߲߬ߕߌ߰ ߡߌߛߍ߲ ߡߊ߬ߟߏ߬ߓߊߟߌ ߟߎ߬ ߣߌ߫ ߞߎ߲߬ߕߌ߰ߓߊ ߓߘߊߡߐ߮ ߟߎ߬ ߞߊߣߊ߬ ߦߟߌߟߊߕߍ߰ ߏ߬ ߛߎ߮ ߞߍ ߡߊ߬ ߡߐ߱ ߕߐ߭ ߟߎ߬ ߢߊߞߘߐ߫ ߸ ߞߊ߬ ߖߊ߬ߡߊ ߢߊߘߐߞߌ߲ ߛߊ߬ߙߌ߬ߦߊ ߡߊ߬ ߸ ߊ߬ ߣߌ߫ ߞߵߊ߬ߟߎ߬ ߟߊߡߐߣߍ߫ ߞߎ߲߬ߕߌ߰ߓߊ ߣߌ߫ ߞߎ߲߬ߣߊ߬ߛߌ߮ ߡߊ߬.
ߣߌ߫ ߡߐ߱ ߛߎ߯-ߎ-ߛߎ߯ ߞߊ߬ ߕߐ߲ ߕߌߢߍ ߞߏ ߘߏ߫ ߞߍ߫ ߸ ߡߊ߲ߛߊ ߞߊߣߊ߬ ߏ߬ ߓߌ߲߬ߓߊߏ ߓߐߓߊߟߌ ߕߏ߫ ߘߋ߬ ، ߊ߬ ߦߴߏ߬ ߟߊߕߐ߲ ߠߋ߬ ߕߘߋ߫ ، ߤߊߞߍߕߏ߫ ߡߐ߱ ߕߐ߭ ߟߎ߬ ߞߊߣߊ߬ ߖߛߎ߬ߟߊߕߍ߰ ߕߐ߲߫ ߕߌߢߍ ߡߊ߬ ، ߒ߬ߞߊ߬ ߡߊ߲߬ߛߊ ߘߌ߫ ߛߋ߫ ߞߏ߫ ߟߊߕߐ߲ ߓߌ߲߬ߓߊߏ ߘߐߣߐ߰ߦߊ߬ ߟߊ߫ ߝߊ߲ߒߕߊ߲ ߢߍ߫ ߢߊ ߡߍ߲ ߸ ߊ߬ ߞߊߣߵߏ߬ ߘߐߣߐ߰ߦߊ ߞߎ߲߬ߕߌ߰ߟߊ߬ߡߐ߮ ߢߍ߫ ߕߋ߲߬ ߘߋ߬ ، ߊ߬ ߞߊߣߊ߬ ߝߐ߫ ߞߏ߫ ߡߊ߲߬ߛߊ ߖߍ߬ߘߍ ߟߋ߬ ߞߏ ߖߎ߮ ߞߍ ߘߌߦߊߘߏ߲߬ ߠߴߊ߬ ߞߎ߲߬ߕߌ߰ ߡߌߛߍ߲ ߠߎ߬ ߣߴߊ߬ ߓߘߊߡߐ߮ ߟߎ߬ ߘߐ߫ ، ߓߊ ߞߏ߫ ߛߎ߮ ߏ߬ ߓߊ߯ ߕߏ߫ ߟߊߞߙߐ߬ߛߌ߬ ߟߊ߫ ߡߌ߬ߙߌ߲߬ߘߌ ߓߟߏ߫ ߸ ߏ߬ ߟߋ ߞߊߟߌߡߊ߲߫ ߝߛߏ߬ߝߛߊ ߘߏ߲߬ ߠߊ߫ ߕߐ߲ ߘߐ߫ ߸ ߞߊ߬ ߖߡߊ߬ߙߌ ߟߎ߬ ߘߐߖߊ߬ߓߊߟߌ ߕߏ߫ ߞߍ߬ߣߍ߲ .
ߛߏ߲߬ߖߘߊ߫ ߞߊ߲߫ ߞߏ߫ ߞߎ߲߬ߕߌ߰ ߕߋߟߋ߲ߓߊߟߌ ߕߴߛߋ߫ ߕߐ߲ ߘߐߖߊ߬ ߟߊ߫ ߢߊ-ߊ- ߢߊ ߡߊ߬، ߓߊ ߡߍ߲ ߠߎ߬ ߦߴߊ߬ ߦߋ߫ ߟߊ߫ ߕߐ߲߫ ߕߌߢߍ߫ ߞߏ߫ ߟߎ߬ ߟߊ߫ ߛߐ߲߬ ߸ ߣߌ߫ ߡߊ߬ߟߏ߬ߓߊ߬ߟߌ߬ߦߊ ߕߍ߫ ߊ߬ߟߋ߬ ߛߋߕߐ߫ ߞߎߡߊ߫ ߘߐߖߊ߬ߣߍ߲ ߘߐߝߛߊ߬ ߟߊ߫ ߏ߬ ߟߎ߫ ߝߍ߬ ߘߌ߫ ؟ ߊ߬ ߕߴߛߋ߫ ߞߟߋ߫ ، ߓߊ ߛߊ߲ߘߊ ߞߊ߲ ߠߋ߬ ߞߏ߫ (( ߛߐ߲߬ ߓߘߐ ߣߌ߫ ߝߊߘߌ߲ߧߊ߫ ߓߘߐ ߓߍ߯ ߕߴߛߋ߫ ߥߊ߫ ߟߊ߫ ߡߐ߰ ߁ ߞߊ߬ߡߊ߲߬ ߠߊ߬ ߞߋߟߋ߲ ߘߌ߫ ߝߋߎ߫ )) ߏ߬ ߘߐ߫ ߸ ߌ ߓߊ߯ ߛߐ߲߬ߡߊ ߘߊ ߜߊ߬ߟߌ߬ߜߊߟߌ ߦߋ߫ ߞߏ߫ ߟߊߕߐ߲ ߞߎߡߊ ߘߐ߫ ߸ ߊ߬ ߟߐ߲߫ ߞߏ߫ ߡߐ߰ ߡߊ߬ߟߏ߬ߓߊߟߌ ߟߋ߬ ߸ ߊ߬ ߣߌ߫ ߝߣߊ߫ ߖߋ߬ߓߌ߬ߓߊ߯ ߕߴߊ߬ ߟߊ߫ ، ߛߏ߲߬ߖߘߊ߫ ߞߊ߲߫ ߞߏ߫ ߕߋߟߋ߲ߓߊ߯ߒߕߋ ߟߋ߬ ߓߍ߲߬ߣߍ߲߫ ߖߊ߬ߡߊ ߢߍ߫ ، ߓߊ ߏ߬ ߟߋ ߕߍ߫ ߛߌߟߊ߲ ߠߊ߫ ߡߐ߰ ߢߍ߫ ߸ ߊ߬ ߕߍ߫ ߛߌߟߊ߲ ߠߊ߫ ߞߏ߫ ߡߊߛߌߟߊ߲ߣߍ߲ ߢߍ߫ ، ߓߊ ߊ߬ ߞߵߊ߬ ߟߐ߲ ߞߏ߫ ߝߊ߬ߣߴߊ߬ ߕߋߟߋ߲ߣߍ߲ ߸ ߞߏ-ߏ- ߞߏ߫ ߕߍ߫ ߛߴߊ߬ ߟߊ߫ ، ߡߐ߰ ߝߣߊ߫ ߕߍ߫ ߛߴߊ߬ ߘߊ ߓߐ߫ ߟߴߊ߬ ߞߎ߲߬ ߖߊ߬ߡߊ ߘߐ߫ ، ߌ ߦߴߏ߬ ߡߐ߰ ߛߎ߮ ߟߋ߬ ߞߊ߲ ߡߍ߲ ߠߊ߫ ߟߊ߬ߘߍ߬ߘߊ ߘߐ߫ ߞߏ߫ ߒ ߓߟߏ߫ ߟߊߦߟߍ߬ߣߍ߲ ߣߌ߲߬ ߘߏ߫ ߣߵߊ߬ ߟߊߖߌ߰ ߓߊ߫ ، ߡߐ߰ ߛߌ߫ ߘߏ߲߬ ߕߍ߫ ߛߴߊ߬ ߟߊߖߌ߰ ߟߊ߫ ߓߊ ߊ߬ ߛߐ߲߬ ߕߍ߫ ߡߐ߰ ߞߣߐ߫ ، ߡߐ߰ ߟߊߜߍߣߍ߲ ߛߎ߮ ߏ߬ ߟߋ ߘߌ߫ ߛߋ߫ ߖߊ߬ߡߊ ߡߙߊ߬ ߓߘߍߓߘߍ ߞߍ߫ ߟߊ߫ ߞߊ߬ ߓߍ߯ ߞߘߊߡߊ߫ ߕߋߟߋ߲ ߠߊ߫ ، ߒ߬ ߓߊ߬ ߌ ߓߊ߯ ߞߎ߲߬ߕߌ߮ ߡߍ߲ ߞߊ߲ ߡߍ߲ ߞߏ߫ ߒ ߓߘߊ߫ ߞߢߊ߬ ߡߐ߱ ߟߎ߫ ߡߊ߬ ߸ ߊ߬ ߟߐ߲ ߞߴߏ߬ ߛߐ߲߭ ߠߋ߬ ߓߘߊ߫ ߓߍ߯ ߟߊߕߍ߰ ߊ߬ ߘߐ߫ ߸ ߞߵߊ߬ ߞߎߡߊ߫ ߞߊ߲ ߞߍ߫ ߝߎ߮ ߘߌ߫ ߸ ߊ߬ ߣߌ߫ ߞߵߊ߬ ߡߌ߬ߙߌ߲ ߓߍ߯ ߓߐ߫ ߊ߬ ߞߊ߲߬ ߝߋߎ߫ .
ߛߏ߲߬ߖߘߊ߫ ߞߊ߲߫ ߞߏ߫: ߝߏߦߌ߬ ߕߍ߫ ߡߌ߬ߙߌ߲߬ߘߌ ߘߐߘߎ߰ ߟߊ߫ ߞߵ ߊ߬ ߕߟߏߜߟߍ߬ߦߊ ߖߡߊ߬ߙߌ߬ ߡߌߘߊ ߘߐ߫ ߸ ߝߏ߫ ߕߋߟߋ߲ߓߊ߯ ߟߎ߬ ߓߊ߯ ߕߏ߫ ߊ߬ ߦߋ߫ ߟߊ߫ ߛߐ߲߬ ߸ ߞߏ߫ ߖߎ߯ ߕߍ߫ ߟߊߕߐ߲߫ ߠߊ߫ ߡߐ߰ ߞߏߙߏ߲ ߠߎ߬ ߟߊ߫، ߌ ߘߏ߲߬ ߓߊ߯ ߞߏ߫ ߟߊߕߐ߲߫ ߘߐ߯ߦߊߣߍ߲ ߦߋ߫ ߸ ߊ߬ ߟߐ߲߫ ߞߏ߫ ߛߏߕߌ߮ ߟߎ߫ ߖߍ߬ߘߍ ߟߋ߬ ߞߏߙߏ߲ߧߊ߫ ߖߎ߭ ߘߌ߫ ߛߎߋ߯.
ߛߏ߲߬ߖߘߊ߫ ߕߏ߫ ߘߊ߫ ߕߋߟߋ߲ ߞߎߡߊ ߟߊ߫ ߸ ߞߵߊ߬ ߢߏߘߏ߲ ߞߵߊ߬ ߛߌ߯ߛߌ߯ ߞߊ߬ ߞߊ߬ߛߌ߬ ߞߘߎ ߖߊ߬ ߊ߬ ߞߊ߲ ߘߐ߫ ߞߵߊ߬ ߢߊߖߌ ߞߍ߫ ߞߵߊ߬ ߞߐ߯ߘߊ ߢߌ߲߯ ߞߵߊ߬ ߘߊ߬ߙߏ߬ ߘߏߜߊ߫، ߝߏ߫ ߡߐ߱ ߟߎ߬ ߞߊ߲߫ ߞߏ߫ ߋ߯ ߛߏ߲߬ߖߘߊ߫ ߸ ߛߋ߫ ߞߍߣߍ߲ ߞߐ߫ ߛߎߡߊߏߙߏ߫ ߟߊ߫ ߞߵ ߌ ߝߊ߬ߛߏ ߤߙߐߦߊ߫ ߸ ߞߵߊ߬ ߖߘߍ߬ߕߌ߰ߦߊ ߣߴߊ߬ ߞߏߟߊߕߍ߮ ߓߍ߯ ߟߊߕߊ߬ߡߴ ߌ ߡߊ߬ ߸ ߌ ߞߊ߬ߛߌ߬ߕߐ ߡߋ߬ߘߋ ߝߋ߲߬ ߜߘߍ߫ ߝߍ߬ ߡߎ߬ߕߎ߲߫؟ ߛߏ߲߬ߖߘߊ߫ ߞߊ߲߫ ߞߏ߫ ߕߋߟߋ߲ ߞߎߡߊ ߢߌ߲߬ ߠߋ߬ ߓߘߊ߫ ߒ ߠߊߞߊ߬ߛߌ߬ ߕߋ߲߬، ߓߊߏ߫ ߡߊ߲߬ߛߊ߬ߦߊ ߟߎ߬ ߣߌ߫ ߞߏߓߊ߫ ߟߊߞߊ߬ߟߌ߬ߣߍ߲ ߝߋ߲-ߋ- ߝߋ߲ ߓߘߊ߫ ߕߌߢߍ߫ ߞߘߐ߬ߡߊ߲߫ ߸ ߕߋߟߋ߲ߓߊߟߌߦߊ ߟߋ߬ ߞߵߏ߬ ߓߍ߯ ߕߌߢߍ߫، ߒ ߘߏ߲߬ ߟߊߣߴߊ߬ ߟߊ߫ ߛߎߋ߫ ߒ ߞߏ߫ ߕߋߟߋ߲ߓߊߟߌߦߊ߫ ߞߋߟߋ߲ ߢߌ߲߬ ߠߋ߬ ߣߊ߬ߕߐ߫ ߡߊ߲߬ߘߋ߲߫ ߛߋߓߊ߯ߦߊ ߕߌߢߍ߫ ߟߊ߫ ߒߠߋ ߛߊ߬ߣߍ߲ ߞߐ߫ ߟߏ߲߫ ߖߊ߲߫ ߣߊ߬ߕߐ߫ ߘߏ߫ ߘߐ߫، ߒ ߘߏ߲߬ ߘߌ߫ ߞߊ߬ߛߌ߬ ߏ߬ ߘߐ߫ ߟߋ߬ ߘߍ߯، ߓߊ ߛߊ߬ ߕߍ߫ ߞߏ߫ ߖߎ߯ ߣߊ߬ߕߐ ߏ߬ ߟߊ߫ ߸ ߣߊߟߌ߬ߡߎ߲ ߡߊ߲߬ߘߋ߲߫ ߛߋߓߊ߯ߦߊ ߥߎ߬ߙߎ߲߬ߓߊ ߘߌ߫ ߕߋߟߋ߲ߓߊߟߌߦߊ ߓߟߏ߫.
ߛߏ߲߬ߖߘߊ߫ ߞߏ߫ ߒ ߞߐ ߞߏ߫ ߟߋ߬ ߞߊ߬ߛߌ ߦߴߌߘߐ߫ ߒ ߓߟߏ߫ ߣߌ߲߬، ߓߊ ߒ ߛߋ߫ ߕߴߏ߬ ߘߐ߫، ߞߏ߲߬ߣߌ߲߬ ߒ ߛߋ߫ ߦߋ߫ ߒ ߢߣߊߕߊ ߡߍ߲ ߘߐ߫ ߸ ߒ ߧߴߏ߬ ߕߋߟߋ߲ߓߊߟߌߦߊ ߟߊߕߐ߲߫ ߠߊ߫ ߟߋ߬، ߞߵߊ߬ ߟߊߕߐ߲߫ ߒ ߛߍ߬ߓߍ ߖߍ߬ߘߍ ߖߍ߬ߘߍ ߟߊ߫، ߒ ߘߏ߲߬ ߞߍ߫ ߕߐ߫ ߕߋߟߋ߲ߓߊ߯ߦߊ ߘߐߖߊ߭ ߛߐ߰ ߟߊ߫ ߒ ߖߍ߬ߘߍ ߣߌ߫ ߒ ߓߘߊߡߐ߮ ߟߎ߬ ߣߌ߫ ߒ ߕߋߙߌ ߟߎ߫ ߟߋ߬ ߡߊ߬ ߸ ߞߣߊ߬ ߕߏ߫ ߛߋ߫ ߟߊ߫ ߡߐ߱ ߕߐ߭ ߟߎ߫ ߡߊ߬. ߓߊ ߒ ߞߵߊ߬ ߟߐ߲߫ ߞߏ߫ ߢߣߊߡߐ߯ ߟߊߝߛߊ ߟߋ߬ ߕߋߟߋ߲ߓߊ߯ߦߊ ߓߍ߯ ߕߌߢߍ߫ ߟߊ߫ ߞߵߊ߬ ߞߍ߫ ߔߛߐߞߐ߫. ߒ ߞߵߊ߬ ߟߐ߲߫ ߝߣߊ߫ ߞߏ߫ ߕߋߟߋ߲ ߓߊ߯ ߟߐ߬ߞߎ߫ ߘߍ߭ ߡߍ߲ ߞߣߐ߫ ߸ ߏ߬ ߡߐ߱ ߟߎ߬ ߘߌ߫ ߓߍ߲߬ ߞߏ߫ ߓߍ߯ ߘߐ߫، ߓߊ ߘߏ߫ ߛߐ߲߬ ߕߍ߫ ߘߏ߫ ߞߣߐ߫، ߒ߬ߞߊ߬ ߡߐ߱ ߟߎ߫ ߛߐ߲߭ ߓߊ߯ ߞߍ߫ ߢߐ߲߮ ߞߣߐ߫ ߸ ߞߵߊ߬ߟߎ߬ ߟߊ߫ ߡߐߣߍߦߊ ߞߍ߫ ߢߐ߲߮ ߘߐ߫ ߸ ߖߍߣߍ߲ ߛߋߕߐ߫ ߏ߬ ߟߎ߬ ߟߊߓߍ߲߬ ߠߊ߫ ߞߵߏ߬ ߟߎ߬ ߟߊߘߏ߲߬ ߘߊ߫ ߁ ߠߊ߫؟ ߒ߬ߓߊ߬ ߡߍ߲ ߓߍ߲߬ߣߍ߲ ߸ ߊ߲ ߧߴߊ߲ ߕߋߟߋ߲ ߞߵߊ߲ ߜߍ߫ ߒ߬ ߢߐ߲߮ ߢߍ߫ ߸ ߛߴߊ߲ ߘߌ߫ ߒ߬ ߢߐ߲߮ ߞߊ߬ߣߌ߲߬ ߸ ߞߊ߬ ߒ߬ ߢߐ߲߮ ߓߏ߲߬ߧߊ߬ ߸ ߞߊ߬ ߒ߬ ߢߐ߲߮ ߞߊ߬ߛߌ ߣߌ߫ ߒ߬ ߢߐ߲߮ ߖߌߖߎ߮ ߓߍ߯ ߡߊߕߊ߲߬ߞߊ߬ ߞߐߘߍ߫، ߊ߬ ߣߌ߫ ߞߊ߬ ߦߊ߬ߝߊ߫ ߒ߬ ߢߐ߲߮ ߡߊ߬ ߝߎ߬ߕߎ߲߬ߕߌ߬ ߡߌߛߍ߲ ߠߎ߬ ߘߐ߫، ߓߊ ߏ߬ ߟߋ ߘߴߊ߬ ߞߍ߫ ߝߊ߬ߛߏ ߛߌ߱ ߘߌ߫ ߣߐ߰ߦߊ ߞߵߊ߬ ߘߌߦߊ߫، ߊ߬ ߣߌ߫ ߞߵߊ߬ ߛߓߊ߬ߕߌ߫ ߞߵߊ߬ ߥߙߎߞߌ߫ ߞߵߊ߬ ߛߌ߲߬ߝߏ߲߬ߧߊ߫ ߞߊ߬ ߕߊ߯ ߢߍ߫، ߊ߬ ߣߌ߫ ߞߊ߬ ߝߊ߬ߛߏ ߤߙߊ ߛߌߦߊߦߊ߫ ߞߵߊ߬ ߕߐ߮ ߓߐ߫ ߞߵߊ߬ ߕߐ߮ ߦߟߍ߬ ߛߊ߲ ߖߊ߲ ߡߊ߬ ߔߏ߲߫.
ߝߌߟߊߣߊ߲: ߓߊ߯ߙߊ ߘߐߖߊ߭ ߡߊ߬ߛߙߊ߬ߟߌ
ߛߏ߲߰ߟߏ߲߬ ߡߊ߲߯ ߣߊ߬ ߘߴߊ߬ ߟߊߛߋ߫ ߞߏ߫ ߝߍ߬ߙߍ ߡߍ߲ ߡߐ߱ ߛߋ߫ ߟߴߊ߬ ߕߋߟߋ߲ ߠߊ߫ ߞߵߊ߬ ߕߏ߫ ߊ߬ ߡߊ߬ ߞߘߊߎ߫ ߸ ߏ߬ ߟߋ ߓߊ߯ߙߊ ߘߌ߫، ߏ߬ ߟߋ ߞߏߛߐ߲߬ ߡߐ߰ ߡߊ߲߫ ߞߊ߲߫ ߞߊ߬ ߕߋߟߋ߲ߓߊ߯ߦߊ ߛߙߊ߬ߒ߬ߞߊ߬ߣߊ ߞߍ߫ ߸ ߣߴ ߌ ߡߊ߫ ߓߊ߯ߙߊ ߞߏ߫ ߟߴߊ߬ ߞߊ߲߬، ߓߊ߯ߙߊ ߛߓߍ߬ߡߊ ߖߍ߬ߘߍ ߘߋ߬، ߓߊ ߣߌ߫ ߡߍ߲ ߡߊ߫ ߓߊ߯ߙߊ߫ ߸ ߏ߬ ߕߍ߫ ߞߊ߯ߙߌ߫، ߣߌ߫ ߡߍ߲ ߘߏ߲߬ ߡߊ߫ ߞߊ߯ߙߌ߫ ߸ ߏ߬ ߦߋ߫ ߥߊߟߌߝߋ߲ ߟߐ߮ ߕߏ߫ ߟߴߊ߬ ߟߊ߫ ߘߌ߫ ߞߵߊ߬ ߕߋߟߋ߲؟ ߤߋ߯ߦߌ߬ ߸ ߊ߬ ߕߍ߫ ߛߴߊ߬ ߕߋߟߋ߲ ߠߊ߫ ߞߟߋ߫، ߏ߬ ߟߋ ߞߏߛߐ߲߬ ߊ߲ ߧߋ߫ ߓߊ߯ߙߊ ߞߏ߫ ߡߊߜߟߍ߬ߦߊ߬ ߟߊ߫ ߡߊ߬ߛߙߊ߬ߟߌ ߢߌ߲߬ ߘߐ߫ ߡߊ߲߬ߘߋ߲߫ ߘߍ߭ ߝߣߍߝߣߍ ߓߍ߯ ߢߍ߫، ߓߊߏ߫ ߡߊ߲߬ߘߋ߲߫ ߛߌ߰ߞߊ߲ ߛߊ߬ߓߊ ߡߍ߲ ߞߟߌ߫ ߟߊ߫ ߞߏ߫ ߡߐ߰ߦߊ ߢߍߕߊ߯ ߞߏ߫ ߛߊ߬ߓߊ߬ ߸ ߏ߬ ߟߋ ߣߌ߲߬: ((ߞߊ߬ ߞߏߟߐ߲ ߸ ߞߊ߬ ߓߊ߯ߙߊ ߞߊ߬ ߕߋߟߋ߲)) ߏ߬ ߞߘߐ ߟߋ߬ ߞߏ߫ ߸ ߞߏ߫ ߕߋߟߋ߲ ߕߍ߫ ߢߊ߬ ߓߊ߯ߙߊ ߞߐ߫ ߸ ߓߊ߯ߙߊ ߕߍ߫ ߢߊ߬ ߞߏߟߐ߲ ߞߐ߫ ، ߓߊ ߣߌ߫ ߡߍ߲ ߡߊ߫ ߞߏߟߐ߲߫ ߸ ߞߊ߬ ߓߊ߯ߙߊ ߡߊߞߊ߬ߙߊ߲߬ ߞߵߊ߬ ߢߊߟߐ߲߫ ߞߵߊ߬ ߞߍ߫ ߞߎ߬ߛߊ߲߬ߧߊ ߟߊ߫ ߸ ߏ߬ ߟߊ߫ ߓߊ߯ߙߊ ߢߊ߬ߕߐ߫ ߘߌ߫ ؟ ߣߌ߫ ߡߍ߲ ߘߏ߲߬ ߠߊ߫ ߓߊ߯ߙߊ ߡߊ߫ ߢߊ߬ ߸ ߊ߬ ߦߋ߫ ߣߝߊ߫ ߛߐ߬ߘߐ߲߬ ߣߴߊ߬ ߟߊ߫ ߘߌ߫؟
ߏ߬ ߘߐ߫ ߸ ߡߐ߰ߦߊ ߕߍ߫ ߢߊ߬ ߓߊ߯ߙߊ ߞߐ߫ ߸ ߓߊ߯ߙߊ ߕߍ߫ ߢߊ߬ ߞߎ߬ߛߊ߲߬ߧߊ ߞߐ߫ ߸ ߞߎ߲߬ߛߊ߲߬ߧߊ ߕߍ߫ ߢߊ߬ ߛߓߍ߬ߘߏ߲ ߞߐ߫ ߓߊ߯ߙߊ ߟߊ߫ ، ߞߎ߬ߛߊ߲߬ߧߊ ߣߌ߫ ߓߊ߯ߙߊ ߣߌ߫ ߛߓߍ߬ߘߏ߲ ߠߊߘߍ߬ߣߍ߲ ߠߋ߬ ߡߐ߱ ߟߊ߫ ߛߐ߬ߘߐ߲ ߖߘߌ߫ ߟߊ߫ ߸ ߞߵߊ߬ ߟߊߞߊ߯ߙߌ߫ ، ߏ߬ ߓߊ߯ ߞߍ߫ ߸ ߊ߬ ߘߌ߫ ߛߴߊ߬ ߕߋߟߋ߲ ߠߊ߫ ߛߊ߫ .
ߛߏ߲߰ߟߏ߲߬ ߡߊ߲߯ ߞߊ߲߫ ߞߏ߫ ߊ߲ ߕߴߛߋ߫ ߓߊ߯ߙߊ ߘߐߖߊ߬ ߟߊ߫ ߛߓߍ߬ߘߏ߲߫ ߣߌ߫ ߞߎ߬ߛߊ߲߬ߧߊ ߟߊ߫ ߸ ߝߏ߫ ߣߴߊ߲ ߞߊ߬ ߖߊߝߏߦߊ ߞߟߍ߬ ߞߵߊ߬ ߟߊߓߐ߫ ߒ߬ ߠߊ߫ ߘߍ߭ ߞߣߐ߫ ، ߞߊ߬ ߖߊߝߏߓߊ߯ߕߐ ߓߍ߯ ߞߘߊߡߊ߫ ߓߊ߯ߙߊ ߟߊ߫ ، ߣߴߏ߬ ߕߍ߫ ߓߊ߯ߙߊߟߊ ߕߴߊ߬ ߟߊ߫ ߓߊ߯ߙߊ ߕߐ߬ߣߐ ߘߌߦߊߓߐ߫ ߓߊ߯ߙߊߓߊߟߌ ߢߣߊ߫ ߝߋߎ߫ ، ߓߊ ߗߋߞߍߟߊ ߞߊ߬ ߛߓߏ߬ ߛߊ߲߬ ߓߊ߬ ߸ ߊ߬ ߞߊ߬ ߝߊ߰ߣߌ߲߬ ߢߌߡߊ߫ ߞߙߊ߫ ߓߊ߬ ߸ ߊ߬ ߞߊ߬ ߓߏ߬ߙߌ߬ߝߋ߲ ߛߊ߲߬ ߓߊ߬ ߸ ߊ߬ ߞߊ߬ ߝߎߣߎ߲ߛߙߋߦߊ ߛߐߟߌ߫ ߞߍ߫ ߓߊ߬ ߸ ߛߊ߬ߟߊ ߘߐ߰ߣߍ߲ ߘߴߊ߬ ߝߐ߫ ߞߴߏ߬ ߓߍ߯ ߦߴߊ߬ߟߎ߬ ߓߟߏߞߏߟߏ߲ ߠߎ߬ ߢߊߞߘߐߡߊߢߊ߯ߙߌ ߟߋ߬ ߘߌ߫ ، ߣߴ ߌ ߘߏ߲߬ ߞߵߊ߬ ߛߐ߫ ߸ ߊ߬ ߕߍ߫ ߥߛߊ߬ ، ߝߏ߫ ߣߴ ߌ ߕߏ߫ ߘߴߊ߬ ߡߊ߬ߞߏ߬ ߞߎߘߊ߫ ߣߊ߬ߕߐ ߓߍ߯ ߢߊ߬ ߟߊ߫ ، ߣߴ ߌ ߡߴߏ߬ ߡߍ߲ ߣߐ߬ ߟߏ߲ ߡߍ߲ ߸ ߊ߬ ߘߌ߫ ߞߘߐ߬ߡߊ߲߬ ߞߍߣߍ߲ ߓߍ߯ ߝߌߛߙߌߥߊߟߋߦߊ߫ ߞߊ߲ ߝߐ߫ ߌ ߡߊ߬ ، ߏ߬ ߘߐ߫ ߸ ߡߐ߰ ߞߛߌ߫ ߢߊ߫ ߕߍ߫ ߛߟߊ߬ ߓߊ߯ߙߊߓߊߟߌ ߡߊ߬ ، ߓߊ ߛߟߊ߬ ߖߊߝߏߓߊ߯ߕߐ ߛߌ߰ߢߐ߲߰ߦߊ ߖߎ߯ ߖߊ߲ߞߊߙߏ߫ ߞߟߊߞߟߊߡߊ ߕߌ߬ߟߊ߬ߡߊ ߕߙߐ߬ߝߍ߬ ߛߌ߮ ߘߌ߫ ( ߏ߬ ߦߋ߫ ߖߊ߲ߞߊߙߏ߫ ߟߋ߬ ߘߌ߫ ߸ ߌ ߓߴ ߌ ߡߊߘߏ߲߬ ߡߍ߲ ߕߌ߰ߟߊ߬ߡߐ߮ ߟߊ߫ ߸ ߊ߬ ߘߴ ߌ ߝߣߊ߫ ߡߌ߬ߘߊ߬ ، ߦߏ߫ ߛߏ߭ ߣߌ߫ ߢߊ߬ߟߋ߲ߛߊ߭ ߣߌ߫ ߞߘߋ߬ߞߘߋ߬ߟߋ߲ ߣߌ߫ ߛߐ߰ߛߐ߰ߣߍ߲߬ߜߍ.) ߏ߬ ߟߋ ߞߏߛߐ߲߬ ߣߴߊ߲ ߡߊ߫ ߢߊ߬ ߓߊ߯ߙߊ ߘߐߖߊ߭ ߞߐ߫ ߸ ߝߏ߫ ߊ߲ ߧߋ߫ ߞߏ߫ ߝߌ߬ߟߊ ߟߋ߬ ߘߐߖߊ߬ ߞߊߕߌ߫، ߏ߬ ߝߟߐ߫ ߟߋ߬ ߓߊ߯ߙߊ ߘߌߦߊߘߏ߲߭ ߘߴ ߊ߲ ߢߐ߲߮ ߘߐ߫ ߸ ߞߊ߬ ߕߏ߫ ߊ߬ ߘߐߘߌߦߊ߫ ߟߊ߫ ߝߎߣߎ߲ߞߋ ߟߎ߫ ߝߍ߬ ߸ ߊ߬ ߝߊ߲߬ߞߊ ߦߴߏ߬ ߟߎ߬ ߡߍ߲ ߠߎ߬ ߟߊ߫، ߡߐ߰ߓߊ ߟߎ߬ ߦߋ߫ ߕߏ߫ ߓߊ߯ߙߊ ߘߊߞߎ߲ ߘߐ߫ ߛߐ߲߬ ߸ ߤߊߟߴߊ߬ߟߎ߬ ߡߊ߫ ߛߋ߫ ߓߘߍ߬ ߞߍ ߟߊ߫، ߛߊ߲߬ߘߊ ߞߊ߲ ߠߋ߬ ߞߏ߫ ((ߛߣߍ߬ ߕߌ߮ ߢߊ ߣߌ߫ ߜߎ߲߬ߜߎ߬ߘߎ߲ ߢߊ ߕߴߛߋ߫ ߞߢߊ߫ ߟߊ߫))
ߊ߬ ߝߌߟߊߣߊ߲ ߠߋ߬ ߛߟߊ߬ߦߊ ߣߌ߫ ߖߊߝߏ ߞߍ߬ߟߍ ߘߌ߫ ߢߊ ߓߍ߯ ߘߏ߫ ߡߊ߬، ߞߊ߬ ߕߏ߫ ߛߊ߬ߟߊ ߟߎ߬ ߟߊ߫ ߖߊߝߏ ߝߐ߫ ߟߴߊ߬ߟߎ߬ ߢߍ ߜߍ ߘߐ߫ ߞߍ߬ߣߍ߲ ߔߊߞߌߛߊ߫، ߊ߬ ߣߌ߫ ߞߵߊ߬ߟߎ߬ ߟߊߛߌ߰ ߖߐ߲ ߘߐ߫ ߡߐ߰ߓߊ ߓߘߊ ߛߐ߲߬ ߸ ߞߊ߬ ߕߎ߬ߢߊ߬ ߞߎߣߊߡߊ߲ ߠߊߛߴߊ߬ߟߎ߬ ߡߊ߬، ߣߴߏ߬ ߕߍ߬ ߡߐ߰ ߖߊߝߏߣߍ߲ ߞߊߟߌߡߊ߲߫ ߡߐ߰ ߞߌߛߍ ߟߎ߬ ߟߊߣߐ߯ ߟߊ߫ ߟߋ߬ ߸ ߞߊ߬ ߛߏ ߟߊߣߐ߯ ߞߊ߬ ߖߡߊ߬ߣߊ ߟߊߣߐ߯.
ߛߏ߲߰ߟߏ߲߫ ߡߊߙߌ߫ ߖߘߊ߬ ߞߵߊ߬ ߟߊߛߋ߫ ߸ ߞߏ߫ ߣߴߊ߲ ߦߋ߫ ߤߙߊ ߣߌ߫ ߓߍ߲߭ ߣߌ߫ ߖߛߎ߬ ߛߎߡߊ ߝߍ߬ ߡߊ߲߬ߘߋ߲߫ ߞߣߐ߫ ߸ ߝߏ߫ ߊ߲ ߦߋ߫ ߓߊ߯ߙߊ ߞߊ߬ߣߌ߲ ߠߋ߬ ߸ ߞߊ߬ ߘߐ߬ߖߊ ߞߍ߫ ߞߊ߬ ߝߊߥߏ ߜߍ߲ ، ߞߊ߬ ߞߌ߬ߛߍ߬ߦߊ ߞߍ߫ ߞߊ߬ ߖߊߝߏ ߜߍ߲߫ ، ߞߊ߬ ߛߟߊ߬ߦߊ ߘߐߜߏߦߊ ߓߍ߯ ߓߟߏ߫ ، ߊ߬ ߣߌ߫ ߞߊ߬ ߓߍ߯ ߞߘߊߡߊ߫ ߓߊ߯ߙߊ ߟߊ߫، ߊ߬ ߣߌ߫ ߞߊ߬ ߓߊ߯ߙߊ ߛߎ߮ ߓߍ߯ ߞߍ߫ ߤߙߊ ߟߊߛߌߦߊߦߊ߫ ߞߊ߲ ߡߊ߬: ߜߏ߲߬ߞߊ߲ ߟߊ߫ ߓߊ߬ ߸ ߞߟߊ߬ ߟߐ ߣߌ߫ ߕߍߛߍ߲ ߓߟߌ ߓߊ߬ ߸ ߖߛߋ߬ ߘߊ߲ ߣߌ߫ ߞߙߊߟߌ ߣߌ߫ ߛߐ߰ߟߌ ߓߊ߬ ߸ ߊ߲ ߧߴߊ߬ ߓߍ߯ ߞߍ߫ ߞߌ߬ߛߍ߬ߦߊ ߣߌ߫ ߘߐ߬ߖߊ ߟߊ߫ ، ߓߊ߬ߙߌ߬ ߊ߬ ߓߍ߯ ߦߋ߫ ߞߍ߫ ߛߍ߬ߣߍ ߟߋ߬ ߝߍ߬ ߘߋ߬ ߸ ߊ߬ ߝߋ߲ ߞߊߣߊ߬ ߛߍ߬ߣߍ ߛߊ߬ ߢߊ-ߊ- ߢߊ߫ ߡߊ߬ ، ߊ߲ ߘߏ߲߬ ߦߋ߫ ߛߣߍ߬ߝߋ߲ ߛߎ߮ ߓߍ߯ ߘߏ߫ ߟߋ߬ ߛߣߍ߬ ، ߊ߲ ߧߋ߫ ߛߣߍ߬ߝߋ߲ ߛߎ߮ ߓߍ߯ ߝߣߊ߫ ߓߊ߬ߛߊ߲߬ ߘߊߥߎ߲ߣߌ߲ ߘߐ߫: (( ߞߋ߲߬ߘߋ ߓߊ߬ ߸ ߓߌ߲߬ߓߌߙߌ߲ ߓߊ߬ ߸ ߛߊ߬ߢߐ߫ ߓߊ߬ ߸ ߝߊߣߌ߲ ߓߊ߬ ߸ ߞߎ߫ ߓߊ߬ ߸ ߜߊ߰ߙߊ ߓߊ߬ ߸ ߥߎߛߋ߫ ߓߊ߬ ߸ ߘߊ߲ߘߊ߬ ߓߊ߬ ߸ ߖߋ߬ ߓߊ߬ ߸ ߞߘߎߞߘߎ߫ ߓߊ߬ ߸ ߛߐ߬ߛߐ߫ ߓߊ߬ ߸ ߓߍ߬ߣߍ ߓߊ߬ ߸ ߖߌߖߋ߬ ߓߊ߬ ߸ ߛߙߊߖߋ߬ ߓߊ߬ ߸ ߛߙߊ߫ ߞߌ߬ߛߍ߬ߡߊ߫ ߓߊ߬ ߸ ߝߊ߬ߓߙߋߡߊ߬ ߓߊ߬ ߊ߬ ߣߌ߫ ...))
(ߖߊ߲ߕߏ߬ߒߘߐ) ߒߠߋ ߛߎ߬ߟߋ߬ߡߊ߰ߣߊ߬ ߡߊ߫ ߛߣߍ߬ߝߋ߲ ߓߍ߯ ߡߊߘߊ߲ ߢߊߝߐߟߌ ߣߌ߲߬ ߘߐ߫، ߓߊ ߛߏ߲߬ߖߘߊ߫ ߟߊ߫ ߡߊ߬ߛߙߊ߬ߟߌ ߞߵߊ߬ ߕߘߍ߬ ߟߋ߬ ߸ ߛߎ߬ߡߊ߲߬ ߛߎ߮ ߏ߬ ߘߏ߫ ߟߎ߫ ߡߊ߫ ߛߋ߫ ߒ߬ߠߎ߬ ߟߊ߫ ߖߡߊ߬ߣߊ ߘߐ߫ ߡߎߣߎ߲߬، ߦߏ߫ ߞߊ߬ߓߊ ߣߌ߫ ߕߌ߬ߦߊ ߣߌ߫ ߡߊ߬ߟߏ ߣߌ߫ ߡߊ߬ߣߊ߲߬ߞߎ ߟߎ߬ ߦߋ߫ ߢߊ ߡߍ߲، ߓߊ ߏ߬ ߟߎ߫ ߣߊ߬ߣߍ߲ ߕߎ߬ߓߊ߬ߓߎ ߟߋ߬ ߓߟߏ߫ ߝߊ߯ߘߐߞߍ ߁߅߲ ߕߍߡߟߊ ߘߐ߫.
ߛߏ߲߬ߖߘߊ߫ ߞߊ߲߫ ߸ ߞߏ߫ ߓߊ߯ߙߊ ߣߌ߫ ߘߐ߬ߖߊ ߢߌ߲߬ ߠߎ߫ ߟߋ߬ ߘߴߊ߬ ߞߍ߫ ߸ ߊ߲ ߘߌ߫ ߞߐ߲ߞߐ ߣߌ߫ ߘߐ߱ ߣߌ߫ ߢߜߊ ߣߌ߫ ߢߊߣߌ߲ ߣߌ߫ ߝߊߘߌߦߊ ߣߌ߫ ߡߍ߲ߜߏߦߊ ߛߎ߮ ߓߍ߯ ߜߍ߲ ߞߵߊ߬ߟߎ߬ ߟߊߓߐ߫ ߡߊ߲߬ߘߋ߲߫ ߞߣߐ߫ ߸ ߞߊ߬ ߝߊ ߣߌ߫ ߝߡߊߢߊ߯ߙߌ ߣߌ߫ ߓߎ߲ߘߍ ߣߌ߫ ߢߋߙߌߡߦߊ ߣߌ߫ ߓߣߊ߬ߦߊ ߣߌ߫ ߡߍ߲ߘߌߦߊ ߣߌ߫ ߢߊߛߎߡߊ ߣߌ߫ ߤߙߊ ߛߎ߮ ߓߍ߯ ߟߊߘߏ߲ ߝߊ߬ߛߏ ߞߣߐ߫ ، ߝߊ ߣߌ߫ ߢߊߛߎߡߊ ߏ߬ ߟߎ߫ ߟߋ ߘߏ߲߬ ߦߋ߫ ߖߌ߬ߢߐ߲߰ߠߊ ߣߌ߫ ߜߐ߬ߛߐ߲߬ߞߐ ߣߌ߫ ߞߕߌ߫ ߝߊߛߊ߲ ߣߌ߫ ߞߟߍ߬ߢߐ߲߰ߦߊ ߣߴߊ߬ ߘߐ߬ߞߏ ߓߍ߯ ߜߍ߲ ߠߊ߫ ߛߌ߰ߢߐ߲߰ߡߊ ߟߎ߬ ߕߍ߫ ߸ ߞߊ߬ ߓߍ߲߭ ߣߌ߫ ߢߐ߲߮ ߞߊߣߌ߲ ߣߌ߫ ߢߐ߲߮ ߠߊߘߌߦߊߢߍ ߟߊߘߏ߲߬ ߊ߬ߟߎ߬ ߕߍ߫ ، ߏ߬ ߓߊ߯ ߞߍ߫ ߛߌ߱ ߘߌ߫ ߘߌߦߊ ߞߊ߬ ߛߌ߲ߖߌ ߕߎ߲߰ ߞߊ߬ ߡߐ߰ߦߊ ߛߓߊ߬ߕߌ߫ ߞߊ߬ ߖߡߊ߬ߣߊ ߝߊ߫ ߤߙߊ ߟߊ߫. ߢߜߊ ߝߣߊ߫ ߦߋ߫ ߕߍ߲߰ߛߏ߬ߦߊ ߣߌ߫ ߖߌ߰ߢߐ߲߰ߠߊ ߥߙߊ߬ ߟߊ߫ ߟߋ߬ ߸ ߞߊ߬ ߞߟߍ߬ ߡߌߛߍ߲ ߣߌ߫ ߜߐ߬ߛߐ߲߬ߞߐ ߕߏ߫ ߡߐ߱ ߟߎ߬ ߕߍ߫ ߞߘߊߎ߫ ، ߟߊ߬ߘߍ ߓߊ߯ ߞߍ߫ ߞߏߕߊ߲߫ ߞߏ߫ ߞߊ߬ ߞߍ߬ߟߍ ߟߎ߬ ߓߊ߲߫ ߸ ߊ߬ ߕߍ߫ ߓߊ߲߫ ، ߓߊ ߊ߬ ߞߎ߲߬ ߖߐ߲ߖߐ߲ ߕߴߛߋ߫ ߟߊ߫ ߝߐ߫ ߟߊ߫ ، ߊ߬ ߞߎ߲߭ ߡߎ߰ߡߍ ߟߋ߬ ߘߏ߲߬ ߦߋ߫ ߘߐ߱ ߣߴߊ߬ ߘߐ߬ߞߏ ߘߌ߫ ، ߓߊ ߘߐ߫ ߞߐ߲ߞߐߕߐ ߣߵ ߌ ߝߊߣߍ߲ ߦߋ߫ ߟߊ߫ ߌ ߡߴߊ߬ ߛߐ߫ ߡߐ߲߬ߘߐ߲߬ ߞߋߟߋ߲ ߠߊ߫ ߸ ߊ߬ ߡߍ߬ߦߊ߬ߣߍ߲߬ߓߊ ߦߴ ߌ ߛߓߏ߬ ߕߌ߮ ߦߋ߫ ߸ ߌ ߡߴߊ߬ ߛߐ߫ ߞߎ߲߬ߞߎߘߎ߲ ߠߊ߫ ߸ ߊ߬ ߝߊߘߌߦߊߣߍ߲ ߦߋ߫ ߌߟߋ ߝߊ߰ߣߌ߲߬ ߛߌ߬ߦߊ߬ߡߊ߲߬ ߕߌ߮ ߦߋ߫ ߸ ߌ ߡߴߊ߬ ߛߐ߫ ߞߊ߲ߓߍ߲߬ ߁ ߠߊ߫ ߸ ( ߞߐ߲߬ߔߌ߬ߟߋ߬ ߁ ߞߊ߬ߣߌ߲߬ ) ߜߐ߬ߛߐ߲߬ߞߐ ߣߌ߫ ߟߊ߬ߜߏ߬ߦߊ߬ߢߍ ߡߍ߲ ߕߊ߬ߣߍ߲ ߛߐߟߌߓߊߟߌߦߊ ߏ߬ ߡߐߣߍ ߣߴߊ߬ ߖߛߎ߬ߟߊ߬ߝߌ߲ ߡߊ߬ ߸ ߏ߬ ߛߋߕߐ߫ ߢߊߝߐ߫ ߟߊ߫ ߘߌ߫ ؟ ߣߴߊ߬ ߘߏ߲߬ ߡߊ߫ ߢߊߝߐ߫ ߞߵߊ߬ ߓߊߛߌ߫ ߸ ߏ߬ ߜߐ߬ߛߐ߲߬ߞߐ ߛߋߕߐ߫ ߓߊ߲߫ ߠߊ߫ ߘߌ߫؟
ߞߏ߬ߣߌ߲߬ ߣߌ߫ ߘߍ߭ ߡߍ߲ ߞߣߐ߫ ߸ ߓߍ߯ ߝߊߣߍ߲ ߸ ߓߍ߯ ߡߍ߬ߦߊ߬ߓߐ߬ߣߍ߲ ߸ ߓߍ߯ ߝߊߘߌߦߊߓߐߣߍ߲ ߸ ߖߌ߰ߒߠߊ ߣߌ߫ ߜߐ߬ߛߐ߲߬ߞߐ ߣߌ߫ ߞߟߍ߬ ߡߌߛߍ߲ ߓߕߐ߫ ߡߌ߲߫ ߏ߬ ߘߐ߫؟ ߤߊߟߌ߬ ߓߍ߬ߛߍ߲߬ߞߐ߬ߣߌ߲߬ߧߊ ߸ ߞߎ߲߬ ߜߘߍ߫ ߛߌ߫ ߕߴߏ߬ ߟߊ߫ ߝߏ߫ ߘߏ߫ ߦߋ߫ ߛߐ߬ߘߐ߲ ߞߍ߫ ߞߊ߬ ߘߏ߫ ߕߏ߫ ߝߐߦߊ ߘߐ߫. ߒ߬ߓߊ߬ ߏ߬ ߓߍ߯ ߓߊߛߌ ߦߋ߫ ߡߍ߲ ߘߌ߫ ߸ ߏ߬ ߟߋ ߓߍ߯ ߞߘߊߡߊ ߘߌ߫ ߓߊ߯ߙߊ ߟߊ߫ ߸ ߓߍ߯ ߛߐ߬ߘߐ߲ ߞߍ߫ ߸ ߤߊߟߌ߬ ߓߍ߯ ߟߊ߫ ߛߐ߬ߘߐ߲ ߡߊ߫ ߞߢߊ߫ ߸ ߓߊ߯ߙߊ ߛߘߊ߫ ߘߐ߫ ߡߐ߰ ߛߌ߫ ߞߏ߬ߣߌ߲߬ ߕߍ߫ ߘߛߍ߫ ߊ߬ ߖߘߍ߬ ߘߌ߫، ߒ߬ߞߊ߬ ߝߏ߫ ߞߊ߬ ߓߊ߯ߙߊ ߟߋ߬ ߘߐߖߊ߬ ߘߋ߬.
ߛߓߊߣߊ߲: ߕߐ߲߫ ߘߐߖߊ ߡߊ߬ߛߙߊ߬ߟߌ
ߛߏ߲߰ߟߏ߲߬ ߡߊߙߌ߫ ߣߊ߬ ߘߴߊ߬ ߦߌ߬ߘߊ߬ ߸ ߞߏ߫ ߒ ߧߋ߫ ߛߊ߬ߙߊ߬ߒߞߣߊ ߡߍ߲ ߝߣߊ߫ ߡߊߜߟߍ߬ߦߊ߬ ߟߊ߫ ߞߵߊ߬ ߟߊ߫ ߕߋߟߋ߲ߓߊ߯ߦߊ ߣߌ߫ ߓߊ߯ߙߊ ߞߊ߲߬ ߸ ߏ߬ ߟߋ ߕߐ߲߫ ߘߐߖߊ߬ ߘߌ߫ ߞߎ߲߬ߕߌ߮ ߟߎ߬ ߓߟߏ߫ ߸ ߊ߬ ߣߌ߫ ߖߡߊ߬ߙߌ߬ ߡߊߘߊ ߘߌ߫ ߡߌ߬ߙߌ߲߬ߘߌ ߓߟߏ߫.
ߛߏ߲߰ߟߏ߲߬ ߡߊߙߌ߫ ߞߊ߲ ߞߏ߫ ߞߎ߲߬ߕߌ߮ ߟߎ߬ ߦߴߊ߬ ߟߐ߲߫ ߸ ߞߏ߫ ߊ߬ߟߎ߬ ߟߊߛߌ߰ߣߍ߲ ߕߍ߫ ߡߐ߱ ߟߎ߫ ߞߎ߲߬ߠߊ߫ ߘߋ߬ ߸ ߊ߬ߟߎ߬ ߟߊߛߌ߰ߣߍ߲ ߕߐ߲߫ ߠߋ߬ ߞߎ߲߬ߠߊ߬ ߸ ߡߐ߱ ߟߎ߬ ߕߍ߫ ߞߏ ߟߎ߬ ߣߴߊ߬ߟߎ߬ ߡߊ߬ߞߏ ߟߎ߬ ߢߊߓߐ߫ ߞߊ߲ ߡߊ߬ ، ߏ߬ ߘߐ߫ ߸ ߊ߬ߟߎ߬ ߖߍ߬ߘߍ ߞߊߣߊ߬ ߞߍ߫ ߕߐ߲߫ ߏ߬ ߕߌߢߍߓߊ߮ ߘߌ߫ ߘߋ߬ ، ߊ߬ߟߎ߬ ߖߍ߬ߘߍ ߞߎߡߊ߫ ߞߊ߲ ߦߋ߫ ߞߴߊ߬ߟߎ߬ ߢߣߊ߫ ߝߋ߲ ߘߌ߫ ߘߋ߬ ߸ ߛߊ߫ ߡߌ߬ߙߌ߲߬ߘߌ ߓߟߏ߫ ߞߍߣߍ߲ ߘߌ߫ ߕߏ߫ ߊ߬ߟߎ߬ ߣߴߊ߬ߟߎ߬ ߘߊߘߐߞߊ߲ ߠߎ߬ ߟߊ߫ ߞߘߊߎ߫ ، ߞߎ߲߬ߕߌ߮ ߟߎ߬ ߦߴߊ߬ߟߎ߬ ߝߊ߲ߕߊ߲ߞߊ ߞߎߡߊ ߖߎ߮ ߝߐ߫ ߡߊ߬ ߤߊߟߌ߬ ߖߐ߲߭ ߣߌ߫ ߥߛߎ߫ ߟߊ߫ ߡߐ߮ ߟߎ߫ ߡߊ߬ ߸ ߞߎߡߊ߫ ߕߍ߫ ߡߌ߬ߙߌ߲߬ߘߌ ߡߐ߰ ߜߘߍ߫ ߡߊ߬ ، ߓߊ ߡߊ߲߬ߛߊ ߟߊ߫ ߞߏ߫ ߖߎ߮ ߞߍ ߝߌ߬ߛߵߊ߬ ߟߊ߫ ߞߎߡߊ ߖߎ߯ ߝߐ߫ ߘߌ߫ ، ߓߊ ߊ߬ ߟߊ߫ ߞߏ߫ ߖߎ߯ ߞߍߣߍ߲ ߘߌߣߊ߬ ߞߍ߫ ߥߊ߯ߕߌ߫ ߖߊ߲ ߣߊ߬ߕߐ ߡߐ߱ ߟߎ߬ ߢߣߊ߫ ߞߏ߫ ߟߊߞߊߟߌ ߣߌ߫ ߞߏ߫ ߘߐߖߌߓߊߙߏ߫ ߘߊ߲ߣߊߕߊ߬ߡߌ߬ߣߍ߲ ߘߌ߫ ، ߞߏ߬ߣߵߊ߬ ߟߊ߫ ߞߎߡߊ߫ ߖߎ߯ ߝߐߣߍ߲ ߕߏߕߐ߫ ߟߵߊ߬ ߣߐ߬ ߘߐ߫ ߞߘߊߎ߫ .
ߡߊ߬ߙߌ߫ ߖߘߊ߫ ߞߵߊ߬ ߝߐ߫ ߕߎ߲߯ ߸ ߞߏ߫ ߡߌ߬ߙߌ߲߬ߘߌ ߦߋ߫ ߞߎ߲߬ߕߌ߮ ߟߎ߬ ߞߊ߲ ߡߌ߬ߘߊ߬ ߸ ߞߵ ߊ߬ߟߎ߬ ߟߊ߫ ߖߡߊ߬ߙߌ߬ߒߞߊ߬ߣߊ ߟߎ߬ ߟߊߕߋߟߋ߲ ߊ߬ ߢߊ ߡߊ߬ ߛߍ߬ߓߍ ߟߊ߫ ، ߞߎ߲߬ߕߌ߮ ߟߎ߬ ߦߋ߫ ߛߍ߱ ߣߌ߫ ߤߊߡߌ߲ ߣߌ߫ ߛߌ߰ߢߣߊ ߡߍ߲ ߠߊ߫ ߝߊ߬ ߖߡߊߣߊ ߢߍ߫ ߸ ߊ߬ ߣߌ߫ ߡߌ߬ߙߌ߲߬ߘߌ ߞߣߐ߬ߜߍ߲ ߣߴߊ߬ ߟߊ߫ ߘߤߊ ߢߌߣߌ߲ ߘߐ߫ ߸ ߊߟߎ߫ ߦߴߏ߬ ߟߎ߬ ߟߐ߲߫ ߞߎ߲߬ߕߌ߮ ߟߎ߬ ߢߍ߫ ، ߊ߬ ߣߴߊ߬ߟߎ߫ ߦߋ߫ ߞߎ߲߬ߕߌ߮ ߟߎ߬ ߘߍ߬ߡߍ߲ ߊ߬ߟߎ߬ ߟߊ߫ ߡߙߌߘߐ ߢߌߡߊ߫ ߖߎ߬ߕߍ߰ߣߍ߲ ߠߎ߬ ߓߊ߯ߙߊ ߟߎ߬ ߟߊ߫ ، ߞߎ߲߬ߕߌ߮ ߟߎ߬ ߓߊ߯ ߞߏ߫ ߘߐߜߍ ߡߍ߲ ߞߍ߫ ߝߊ߬ߛߏ ߞߣߐ߫ ߸ ߊߟߎ߫ ߦߴߏ߬ ߟߎ߬ ߘߌߦߊߘߏ߲߬ ߊ߬ߟߎ߬ ߘߐ߫ ߞߏߢߌߡߊߟߐ߲߫ ߣߌ߫ ߕߊ߲߬ߘߏ߬ߟߌ ߣߌ߫ ߡߊ߬ߕߐ߰ߟߌ߬ ߘߐ߲ߞߟߌ߫ ߘߌߡߊ߲ ߠߎ߬ ߟߊ߫ ، ߛߴߊ߬ߟߎ߬ ߘߴߏ߬ ߢߐ߲߰ ߛߓߍ߬ߣߍ߲߬ߞߏ߬ ߛߌߦߊߡߊ߲߫ ߞߍ߫ ߸ ߊ߬ ߣߌ߫ ߛߊ߫ ߞߎ߲߬ߕߌ߯ ߟߎ߬ ߣߊ߬ߕߐ߬ ߜߘߍ߫ ߟߎ߫ ߘߴߊ߬ߟߎ߬ ߢߡߊߟߴߏ߬ ߟߎ߫ ߡߊ߬ ߞߏ߫ ߢߌߡߊ߫ ߞߍ߫ ߘߐ߫. ߏ߬ ߘߐ߫ ߸ ߡߌ߬ߙߌ߲߬ߘߌ ߦߋ߫ ߢߍߡߐ߮ ߟߎ߬ ߦߋ߫ ߟߊ߫ ߡߊ߬ߞߍ߬ ߦߙߐ߬ ߢߌߡߊ ߟߎ߬ ߣߌ߫ ߘߊߥߎ߲ߠߌ߲ ߘߌߡߊ߲ ߟߎ߬ ߣߌ߫ ߦߋߞߏ߫ ߢߌߡߊ ߡߍ߲ ߠߎ߬ ߘߐ߫ ߸ ߏ߬ ߟߎ߫ ߓߍ߬ߛߍ߲߬ߞߐ߬ߣߌ߲߬ߧߊ ߣߴߊ߬ ߢߊ߲ߜߏߦߊ߫ ߞߊߣߊ߬ ߞߴߊ߬ߟߎ߬ ߟߊ߫ ߘߋ߬ ، ߓߊ ߏ߬ ߟߎ߬ ߦߴߊ߬ߟߎ߬ ߟߊ߫ ߘߐ߬ߖߊ ߛߘߊ ߟߋ߬ ߘߐ߫ ، ߏ߬ ߟߎ߬ ߘߏ߲߬ ߞߊߣߊ߬ ߓߍ߯ ߟߐ߬ ߊ߬ ߛߊ߯ߛߊ߯ ߟߊ߫ ߞߎ߲߬ߕߌ߰ߦߊ ߞߐ߫ ߢߊ-ߊ- ߢߊ ߡߊ߬ ، ߓߊߏ߫ ߘߎߢߊ߫ ߕߍߣߊ߬ ߓߍ߲߬ ߠߊ߫ ߝߋߎ߫ ߸ ߝߏ߫ ߘߏ߫ ߓߊ߯ ߊ߬ ߖߘߍ߬ ߦߋ߫ ߘߎ߰ߟߊ߬ ߡߐ߮ ߘߌ߫ ߸ ߞߊ߬ ߡߐ߰ ߜߘߍ߫ ߦߴߊ߬ ߛߊ߲ߘߐ߫ ߡߐ߮ ߘߌ߫ ߸ ߞߊ߬ ߘߌ߬ߢߍ߬ ߏ߬ ߡߊ߬ ߝߛߊߦߌ߫ ، ߐ߲ ߸ ߊ߲ ߧߴߊ߬ ߡߊߝߟߍ߫ ߞߍ߬ ߸ ߣߴ ߌߟߋ ߡߊ߫ ߘߌ߬ߢߍ߬ ߌ ߛߊ߲ߘߐߡߐ߮ ߟߊ߫ ߢߍߡߐ߯ߦߊ ߡߊ߬ ߸ ߏ߬ ߝߣߊ߫ ߞߐߡߐ߮ ߡߊ߫ ߛߐ߲߬ ߊ߬ ߟߊ߫ ߢߍߦߊ ߡߊ߬ ߸ ߊ߬ ߝߐ߫ ߊ߲ ߘߌ߫ ߞߏ߫ ߢߊߛߐ߬ߘߐ߲߬ ߓߌ߬ߟߊ߬ ߢߐ߲߰ߞߐ ߢߐ߲߯ ߠߊߣߐ߮ ߓߟߏ߫ ߏ߬ ߘߐ߫ ؟
ߒ߬ߓߊ߬ ߡߍ߲ ߓߍ߲߬ߣߍ߲ ߡߐ߰ߦߊ ߘߐ߫ ߸ ߡߍ߲ ߓߊ߯ ߞߍ߫ ߛߊ߲ߘߐߡߐ߮ ߘߌ߫ ߟߏ߲ ߡߍ߲ ߸ ߊ߲ ߧߋ߫ ߘߌ߬ߢߍ ߏ߬ ߡߊ߬ ߞߵߏ߬ ߓߏ߲߬ߧߊ߬ ߞߵߊ߬ ߞߎߡߊߞߊ߲ ߣߴߊ߬ ߟߊ߫ ߖߡߊ߬ߙߌ ߟߎ߫ ߡߌ߬ߘߊ߬ ، ߓߊ ߏ߬ ߓߏ߲߬ߧߊ ߣߴߊ߬ ߞߊ߲ ߡߌߘߊ ߟߋ߬ ߡߌ߬ߙߌ߲߬ߘߌ ߓߟߏ߫ ߖߘߍ߬ ߓߏ߲ߧߊ ߣߌ߫ ߝߊ߬ߛߏ߬ ߟߊ߬ߝߛߊ ߘߝߊߣߍ߲ ߘߌ߫ ، ߞߎ߲߬ߕߌ߮ ߘߏ߲߬ ߞߊߣߊ߬ ߡߌ߬ߙߌ߲߬ߘߌ ߡߌ߬ߘߊ߬ ߣߊߟߏߡߊ ߘߌ߫ ߏ߬ ߘߐ߫ ߘߋ߬ ، ߒ߬ߓߊ߬ ߣߌ߫ ߡߌ߬ߙߌ߲߬ߘߌ ߞߊ߬ ߞߎ߲߬ߕߌ߮ ߓߏ߲߬ߧߊ߬ ߸ ߞߎ߲߬ߕߌ߮ ߝߣߊ߫ ߞߊ߬ ߝߋ߲ ߦߋ߫ ߡߌ߬ߙߌ߲߬ߘߌ ߘߐ߫ ߞߵߊ߬ ߟߊߣߍ߰ߣߍ߬ ߞߏߢߊ߬ ߕߋߟߋ߲ ߛߌߟߊ ߞߊ߲߬ ߸ ߖߡߊ߬ߣߊ ߘߌ߫ ߛߓߊ߬ߕߌ߫ ߓߍ߲߭ ߣߌ߫ ߣߍߡߊ ߣߌ߫ ߤߙߊ ߛߎ߮ ߓߍ߯ ߟߊ߫ ، ߒ߬ߞߊ߬ ߣߌ߫ ߓߍ߯ ߞߵߊ߬ ߢߌߣߌ߲ ߞߏ߫ ߝߏ߫ ߓߍ߯ ߓߊ߯ ߞߍ߫ ߞߎ߲߬ߕߌ߮ ߣߌ߫ ߛߋߕߌ߯ ߖߡߊ߬ߙߌ߬ߟߊ ߘߌ߫ ߸ ߊ߲ ߘߴߊ߬ ߞߍ߫ ߛߋߓߊ߯ߦߊ ߛߊ߬ߡߊ߲߬ ߢߐ߲߰ ߕߍ ߘߌ߫ ߝߎ߯ ߞߊ߬ ߢߐ߲߮ ߞߟߍ߬ ߞߊ߬ ߖߡߊ߬ߣߊ ߜߏߦߊ߫ ߞߊ߬ ߘߍ߭ ߥߦߊ߬ ߞߵߊ߬ ߖߍ߲ߛߍ߲ ߓߍ߲߬ߓߊ߬ߟߌ߬ߦߊ ߟߊ߫ ߛߎߋ߫ ، ߊ߲ ߘߏ߲ ߞߵߊ߬ ߞߍ߫ ߢߊ-ߊ- ߢߊ߫ ߸ ߓߍ߯ ߕߍߣߊ߬ ߞߢߊ ߟߊ߫ ߸ ߓߍ߯ ߕߍ߫ ߞߍ߫ ߞߎ߲߬ߕߌ߯ ߘߌ߫. ߝߌ߬ߛߊ߫-ߊ- ߝߌ߬ߛߊ ߏ߬ ߘߐ߫ ߸ ߊ߲ ߧߴߊ߬ ߡߌ߬ߘߊ߬ ߢߐ߲߮ ߕߊ ߟߊ߫ ߸ ߓߍ߯ ߦߋ߫ ߞߎ߲ ߊ߬ ߟߐ߬ߦߌ߬ߟߊ߬ߣߍ߲ ߘߐ߫ ߸ ߞߊ߬ ߕߐ߭ ߟߎ߬ ߝߣߊ߫ ߕߏ߫ ߊ߬ߟߎ߫ ߟߐ߬ߦߌ߬ߟߊ ߟߎ߬ ߘߐ߫.
ߡߊ߲߬ߘߋ߲߫ ߓߍ߯ ߘߏ߲߬ ߘߊ߫ ߞߙߎߞߊ߲ߝߎߥߊ߫ ߕߐ߲ ߣߴߊ߬ ߞߎ߬ߙߎ߲߬ߘߎ ߢߌ߲߬ ߠߎ߬ ߟߊ߫ ߸ ߞߵ ߊ߬ߟߎ߬ ߞߍ߫ ߞߊ߬ߝߏ߬ߓߏߟߏ߲ ߓߍ߯ ߣߊߡߎ߲ ߣߴߊ߬ ߟߊ߲߬ߘߊ ߟߎ߬ ߘߌ߫ ߞߘߊߎ߫ ߝߏ߫ ߞߊ߬ߣߵߊ߬ ߛߌ߰ ߓߌ߬ ߟߊ߫، ߓߍ߯ ߘߏ߲߬ ߞߊ߬ ߖߡߊ߬ߙߌ߬ ߡߌߘߊ ߏ߬ ߞߐߝߟߌ߫ ߢߌߡߊ ߤߙߊ ߟߎ߬ ߞߎ߲߬ߛߌ߬ߣߍ߲ ߦߋ߫ ߡߊ߲߬ߘߋ߲߫ ߠߊ߫، ߞߵߊ߬ ߛߓߊ߬ߕߌ߫ ߞߵߊ߬ ߥߙߎߞߌ߫ ߞߵߊ߬ ߡߊ߲߬ߞߕߎ߬ ߢߌߡߊ ߟߊߞߊ߬ߟߌ ߛߋ߫ ߟߍߙߊ ߟߎ߬ ߞߣߐ߫ ߘߎߢߊ ߛߟߋߞߋ ߄ ߓߍ߯ ߟߊߘߍ߬ߣߍ߲ ߘߐ߫.
ߞߙߎߞߊ߲ߝߎߥߊ߫ ߜߊ߬ߙߊ ߥߦߊ߬ߕߐ߫ ߸ ߛߏ߲߬ߖߘߊ߫ ߞߵߊ߬ ߟߊߛߋ߫ ߞߏ߫ ((ߓߊߏ߬ ߢߊ߫ ߕߍ߫ ߕߏ߫ ߢߊ߫ ߘߐ߫ ߸ ߝߏ߫ ߞߊ߲߫ ߠߋ߬ ߕߏ߫ ߞߊ߲ ߘߐ߫ ߸ ߞߏ߫ ߓߍ߯ ߦߋ߫ ߥߊ߫ ߞߎ߬ߙߎ߲߬ߘߎ ߣߌ߫ ߕߐ߲ ߣߌ߫ ߓߍ߲߬ߡߊ߬ߞߊ߲ ߢߌ߲߬ ߠߎ߬ ߞߍ߫ ߓߊ߯ߙߊ ߟߎ߫ ߞߙߊ߬ߞߏ ߣߴߊ߬ߟߎ߫ ߜߟߊ߬ߜߟߊ ߣߴߊ߬ߟߎ߫ ߖߊ߬ߞߓߊ ߘߌ߫ ߸ ߞߊ߬ ߕߏ߫ ߞߏ ߓߍ߯ ߛߎߡߊ߲߫ ߠߴߊ߬ߟߎ߫ ߡߊ߬ ߕߋߙߎ߫. ߞߏ߫ ߣߌ߫ ߛߌ߲߰ߞߊ ߣߌ߲߬ ߣߊ߬ ߘߊ߫ ߡߊߞߊ߬ߝߏ߬ ߊ߬ ߣߌ߫ ߞߊ߬ ߘߏ߫ ߟߎ߫ ߡߊߝߊ߬ߟߋ߲߬ ߞߎߘߊ ߡߍ߲ ߠߎ߬ ߟߊ߫ ߸ ߞߴߏ߬ ߟߎ߬ ߘߌ߫ ߥߊ߫ ߟߊߛߋ߫ ߓߍ߯ ߡߵ ߊ߬ ߓߘߊ ߸ ߣߌ߫ ߛߊ߲ ߓߟߌ ߡߊ߯ߙߌ ߘߌ߬ߢߍ߬ ߘߊ߫.
ߜߙߊ߬ ߛߌߦߊߡߊ߲߫ ߞߍ߫ ߘߊ߫ ߛߏ߲߬ߖߘߊ߫ ߖߍ߬ߘߍ ߕߍ߰ߟߊ ߘߐ߫ ߞߎߓߋߘߊ ߟߊ߫ ߢߊ߬ߣߌ߲߬ߓߊ߫ ߏ߬ ߞߐ߫ ߸ ߏ߬ ߟߎ߬ ߦߙߌߞߊ ߛߋ߫ ߘߊ߫ ߁߈ ߢߐ߲߰ ߘߐ߫، ߞߙߎߞߊ߲ߝߎߥߊ߫ ߛߌ߰ߞߊ߲ ߡߊߞߊ߬ߝߏ߬ ߘߊ߫ ߏ߬ ߟߎ߬ ߘߐ߫ ߸ ߞߊ߬ ߘߏ߫ ߟߎ߫ ߝߣߊ߫ ߡߊߝߊ߬ߟߋ߲߬ ߊ߬ ߘߐ߫. ߒ ߞߊ߬ߙߊ߲߬ߡߐ߮ ߘߏ߫ ߟߎ߫ ߕߊ ߝߐߟߌ ߘߐ߫ ߸ ߞߏ߫ ߞߎ߬ߙߎ߲߬ߘߎ߫ ߁߂߀ ߠߋ߬ ߟߊߘߊ߲߫ ߘߊ߫ ߛߏ߲߬ߖߘߊ߫ ߓߟߏ߫ ߊ߬ ߟߊ߫ ߝߊ߲߬ߡߊ߬ߦߊ ߛߊ߲߬ ߡߎ߬ߥߊ߲ ߞߎ߲߬ߕߊ߮ ߘߐ߫ ، ߞߊ߬ ߓߌߛߋ߲ ߟߊߘߊ߲߫ ߞߙߎߞߊ߲ߝߎߥߊ߫ ߜߊ߬ߙߊ ߘߐ߫ ߸ ߜߊ߬ߙߊ ߡߍ߲ ߠߎ߬ ߕߘߍ߬ ߞߍ߫ ߟߊ߫ ߛߊ߲߬-ߊ- ߛߊ߲߬ ߢߊ߬ߣߌ߲߫ ߸ ߞߊ߬ ߄߀ ߞߍ߫ ߏ߬ ߟߎ߬ ߘߐ߫ ، ߒ߬ߞߊ߬ ߒ ߞߙߊ߬ߡߐ߮ ߟߎ߫ ߞߵ ߊ߬ߟߎ߬ ߕߊ ߟߐ߲ߕߊ ߡߍ߲ ߠߎ߬ ߟߊߓߌ߬ߟߊ߬ ߒ ߠߊ߫ ߸ ߏ߬ ߟߎ߬ ߓߍ߲߬ ߘߊ߫ ߛߊ߬ߙߌ߬ߦߊ߬ߓߏ߬ߟߏ߲߬ ߅߃ ߟߋ߬ ߡߊ߬ ، ߓߊ߬ߙߌ߬ ߏ߬ ߟߎ߬ ߕߊ߫ ߢߊߝߐߟߌ ߘߐ߫ ߸ ߛߊ߬ߙߌ߬ߦߊ߬ߓߏߟߏ߲ ߠߎ߫ ߖߊ߲ߡߊ߲߫ ߠߋ߬ ߞߏߖߎ߯ߦߊ߫ ، ߒ ߞߍߕߐ߫ ߁߉߇߂ ߕߊ ߓߊߦߟߍ߬ߡߊ߲߬ ߠߊ߫ ߁߉߇߈ ߟߊ߫ ߸ ߒ ߞߵ ߊ߬ߟߎ߬ ߕߊ ߛߊ߬ߙߌ߬ߦߊ߬ߓߏ߬ߟߏ߲ ߞߋߟߋ߲ ߘߏ߫ ߟߎ߫ ߘߐߕߟߊ߫ ߛߌߦߊߡߊ߲ ߘߌ߫ ߟߋ߬ ، ߏ߬ ߟߋ ߞߊ߬ ߅߃ ߓߍ߲߬ ߁߃߀ ߡߊ߬. ߤߊߟߌ ߡߐ߰ ߘߏ߲߬ ߘߌ߫ ߛߋ߫ ߖߊ߲ߡߊ߲ ߘߏ߫ ߟߎ߫ ߘߐߝߘߊ߫ ߟߊ߫ ߝߌ߬ߟߊ߬ ߣߌ߫ ߛߓߊ߬ ߣߌ߫ ߣߊ߯ߣߌ߲߫ ߓߍ߯ ߘߌ߫ ߡߎߣߎ߲߬.
ߛߏ߲߬ߖߘߊ߫ ߝߊ߲߬ߡߊ߬ߟߊ߬ߡߊ ߓߌ߬ߟߊ߬ߛߌ߬ߟߊ
ߞߙߎߞߊ߲ߝߎߥߊ߫ ߜߊ߬ߙߊ ߓߊ߲ߣߍ߲ ߕߟߋ߬ ߄߀ ߖߊ߬ߣߍ߲߫ ߞߘߐ߫ ߸ ߖߊ߬ߡߊ ߖߍ߲ߛߍ߲ߕߐ ߓߍ߲߬ ߘߴߊ߬ ߡߊ߬ ߞߏ߫ ߞߊ߬ߝߏ߬ߓߏߟߏ߲ ߓߍ߯ ߦߋ߫ ߞߟߍ߬ ߓߏߟߏ߲ ߁-߁ ߓߐ߫ ߸ ߞߊ߬ ߥߊ߫ ߝߊ߲߰ߡߊ ߡߊߟߐ߬ ߖߌ߲ߘߊ߲ ߓߟߋߓߟߋ ߘߐ߫ ߞߙߎߝߊ ߞߎߓߋߘߊߓߊ ߟߊ߫ ߢߊ߬ߣߌ߲߬ߓߊ߫، ߏ߬ ߟߋ ߞߍ߫ ߘߊ߫ ߡߊ߲߬ߘߋ߲߬ ߞߘߐ߫ ߞߎߓߋߘߊ ߦߟߍ߬ߡߊ߲ߣߍ߲ ߘߌ߫ ߞߊ߬ ߞߍ߫ ߡߊ߲߬ߘߋ߲߬ ߞߎߘߊ߫ ߞߎߓߋߘߊ ߘߌ߫ ߝߊ߯ߘߐߞߍ ߄ ߖߊ߬ߣߍ߲ ߣߌ߫ ߦߟߍ߬ߘߐ߬ߞߍ߬ ߄ ߣߌ߫ ߝߊ߲ߘߊ߫ ߞߘߐ߫ ( ߛߊ߲߬߄߄߄ ߞߊ߬ߣߌ߲߬ ) ߞߵߊ߬ ߕߊ߬ ߞߙߎߞߊ߲ߝߎߥߊ߫ ߜߊ߬ߙߊ ߡߊ߬ ߁߂߃߆ ߟߊ߫ ߸ ߞߵߊ߬ ߛߌ߰ ߞߎߓߋߘߊ ߓߐ ߡߊ߬ ߢߊ߬ߣߌ߲߬ߓߊ߫ ߞߵߊ߬ ߦߟߍ߬ߡߊ߲߬ ߞߊ߯ߓߊ ߁߆߈߀ ߠߊ߫ ، ߝߏ߫ ߞߊ߬ ߥߴߊ߬ ߛߌ߰ ߡߊ߲߬ߘߋ߲߬ ߡߊ߲߬ߛߊ߬ߦߊ ߡߎ߰ߡߍ ߓߟߏߞߊ߭ ߟߊ߫ ߸ ߁߆߈߀ ߠߊ߫
ߡߊ߬ߞߕߌ߬ߟߌ
ߊߙߊߓߎ ߟߎ߬ ߦߴ ߝߐ߫ ߟߊ߫ ߢߊߝߐߟߌ߫ ߛߎ߮ ߡߍ߲ ߡߊ߬ ߞߏ߫ ((ߣߊߞߑߘߎ)) ߸ ߝߊ߬ߙߊ߲߬ߛߌ ߟߎ߬ ߦߴߊ߬ ߝߐ߫ ߟߊ߫ ߏ߬ ߟߋ ߡߊ߬ ߞߏ߫ ((ߞߙߌߕߌߞ)) ߒ߬ߓߊ߬ ߒߞߏ ߘߐ߫ ߛߊ߫ ߸ ߏ߬ ߟߋ ߝߐ߫ ߢߊ ߦߋ߫ ߞߏ߫ ((ߡߊ߬ߞߕߌ߬ߟߌ)) ߏ߬ ߞߘߐ ߟߋ߬ ߞߎߡߊ ߘߏ߫ ߟߊߛߋ߫ ߘߌ߫ ߞߏ ߘߏ߫ ߞߊ߲߬ ߸ ߞߎߡߊ ߡߍ߲ ߘߴߊ߬ ߦߌ߬ߘߊ߬ ߞߏ߫ ߝߍ߬ ߕߍ߫ ߞߏ ߏ߬ ߟߊ߫ ߸ ߥߟߊ߫ ߝߍ߭ ߦߴߊ߬ ߟߊ߫، ߊ߬ ߣߌ߫ ߞߵߊ߬ ߞߍ߫ ߝߍ߭ ߏ߬ ߟߎ߬ ߡߊߘߊ߲߫ ߘߌ߫. ߒߠߋ ߘߏ߲߬ ߦߴߊ߬ ߝߍ߬ ߟߋ߬ ߣߌ߲߬ ߸ ߞߊ߬ ߒ ߕߊ ߡߊ߬ߞߕߌ߬ߟߌ߬ߣߍ߲ ߞߍ߫ ߞߙߎߞߊ߲ߝߎߥߊ߫ ߛߊ߬ߙߌ߬ߦߊ߬ ߡߊߘߊ߲ߣߍ߲ ߢߌ߲߬ ߠߎ߬ ߞߊ߲߬ ߸ ߒ ߤߊ߲ߞߟߌ ߕߊ߫ ߝߊ߰ߡߎ߲߬ߠߌ߲ ߓߍ߬ߙߍ ߟߊ߫، ߊ߲ ߛߋߣߍ߲ ߡߊ߬ߞߕߌ߬ߟߌ ߏ߬ ߟߋ ߡߊ߬ ߣߌ߲߬، ߡߊ߲ߘߋ߲߫ ߛߌ߰ߞߊ߲ ߣߌ߲ ߓߍ߲߬ߣߍ߲ ߠߋ߬ ߊ߬ ߢߊ ߖߍ߬ߘߍ߫ ߖߍ߬ߘߍ ߡߊ߬ ، ߌ ߕߍ߫ ߛߏ߲߬ߖߘߊ߫ ߟߊ߫ ߛߌ߰ߞߊ߲ ߣߌ߲߬ ߓߍ߲߭ ߣߴߊ߬ ߕߋߟߋ߲ ߟߐ߲߫ ߞߵߊ߬ ߝߊ߰ߡߎ߲߫ ߊ߬ ߢߊ߫ ߓߘߍ ߡߊ߬ ߸ ߝߏ߫ ߣߴ ߌ ߞߵߊ߬ ߣߴߊ߬ ߥߊ߯ߕߌߢߐ߲߮ ߠߎ߬ ߟߊ߫ ߛߊ߬ߙߌ߬ߦߊ߬ ߟߊߘߊ߲ߣߍ߲ ߠߎ߬ ߛߎߡߊ߲߫ ߢߐ߲߮ ߡߊ߬ ߋߙߐߔߎ߬ ߡߊ߲ߛߊ ߟߎ߬ ߘߐ߫ ، ߦߏ߫ ߊ߬ ߣߌ߫ ߝߊ߬ߙߊ߲߬ߛߌ ߡߊ߲ߛߊ ߟߎ߬ߥߌ ߞߐ߬ߣߐ߲߬ߘߐ߬ߣߊ߲ ߡߍ߲ ߕߋ߬ߟߋ ߓߍ߲߬ ߘߊ߫ ߢߐ߲߮ ߡߊ߬ ، ߓߊ ߏ߬ ߟߊ߫ ߡߊ߲ߛߊ߬ߦߊ ߞߎ߲߬ߘߐߖߊ߲ߧߊ ߣߴߊ߬ ߕߊ ߸ ( ߛߊ߲߬ ߄߄ ) ߊ߬ ߟߊ߫ ߛߊ߬ߙߌ߬ߦߊ߫ ߟߊߘߊ߲ߣߍ߲ ߛߌ߫ ߕߍ߫ ߟߥߊߟߌ߫ ߟߊ߫ ߝߊ߬ߙߊ߲߬ߛߌ߫ ߡߎ߬ߕߎ߲߬ ، ߛߏ߲߬ߖߘߊ߫ ߘߏ߲߬ ߞߊ߬ ߡߌ߬ߙߌ߲߬ߘߌ ߞߊ߲ߣߊߓߌߟߊ߫ ߕߐ߲ ߡߍ߲ ߠߎ߬ ߛߌ߰ ߞߊ߬ߦߌ߯ ߁߂߃߆ ߟߊ߫ ߸ ߊ߲߬ߜ߭ߌ߬ߟߋ ߕߊ ߏ߬ ߟߋ ߕߐ߯ ߞߏ߫ ( ߓߌߟ ߐߝ߭ ߙߊߌߛߕ ) ߒ߬ߞߊ߬ ߊ߲߬ߜ߭ߌ߬ߟߋ ߕߊ ߏ߬ ߟߊߘߊ߲ ߘߊ߫ ߁߆߈߉ ߟߊ߫ ߡߊ߲߬ߘߋ߲߫ ߕߊ ߞߐ߫ ߛߊ߲߬ ߄߅߃ ߟߋ߬ ߟߊ߫ ( ߁߂߃߆-߁߆߈߉ ) ߝߊ߬ߙߊ߲߬ߛߌ߬ ߝߣߊ߫ ߕߊ ߡߍ߲ ߕߐ߯ ߞߏ߫ ( ߡߐ߱ ߣߌ߫ ߘߎ߰ߘߋ߲ ߤߊߞߍ߫ ߟߊߛߋߣߍ߲ = ߘߋߞߵߟߙߊߛߌߦߐ߲ ߘߍ߬ ߘߙߏߥߊ ߘߋ߬ ߟߴߐߡ ߋߘߍ ߛߌߕߏߥߊߦߍ߲ ) ߏ߬ ߟߊߘߊ߲ ߘߊ߫ ߁߇߈߉ ߟߋ߬ ߟߊ߫ ߸ ߊ߬ߜ߭ߌ߬ߟߋ ߕߊ ߞߐ߫ ߛߊ߲߬ ߗߡߍ߬ ߟߊ߫ ߸ ߊ߬ ߣߌ߫ ߡߊ߲߬ߘߋ߲߫ ߕߊ ߞߐ߫ ߛߊ߲߬ ߅߅߃ ߟߊ߫ ߸ ( ߁߂߃߆-߁߇߈߉ ) .
ߛߏ߲߬ߖߘߊ߫ ߝߊ߲߭ ߞߊ߬ ߕߟߋ߬ ߂ ߡߍ߲ ߠߊߘߤߊ߬ ߓߊ߯ߙߊߘߋ߲ ߠߎ߬ ߢߍ߫ ߏ߬ ߥߊ߯ߕߌ ߞߋߟߋ߲ ߠߊ߫ ߸ ߋߙߐߔߎ߬ ߣߌ߫ ߊߡߙߌߞߌ߬ ߛߌ߫ ߡߊ߫ ߛߋ߫ ߕߟߋ߬ ߂ ߢߐߢߐ߲ߠߌ߲ ߏ߬ ߟߊߟߐ߬ ߟߊ߫ ߞߎ߲߬ߢߐ߲߮ ߞߘߐ߫ ߝߏ߫ ߁߉߆߀ ߕߊ߬ߡߌ߲߬ߣߍ߲ ߞߐ߫. ߒ߬ߓߊ߬ ߤߊ߲ߞߟߌߡߊ ߡߍ߲ ߓߊ߯ ߟߊߢߐ߲߯ߡߊ߫ ߛߎ߮ ߏ߬ ߟߎ߬ ߞߍ߫ ߸ ߏ߬ ߘߴߊ߬ ߟߐ߲߫ ߞߏ߫ ߊߝߙߌߞߌ߬ ߞߐ߲߬ ߘߊ߫ ߋߙߐߔߎ߬ ߢߍ߫ ߛߏߡߐ߯ߦߊ ߣߌ߫ ߓߍ߯ߦߊ ߣߌ߫ ߡߐ߱ ߁-߁ ߣߊ ߞߊ߲ߣߊߓߌߟߊ ߘߐ߫ ߥߊ߯ߕߌ߫ ߖߊ߲߫ ߠߊ߫. ߒ߬ߓߊ߬ ߊ߲ ߓߊߘߋ߲ ߝߘߊ߬ߝߌ߲߬ ߘߋ߲ ߞߊ߬ߙߊ߲߬ߣߍ߲ ߡߍ߲ ߠߎ߬ ߓߘߊ߫ ߕߎ߬ߓߊ߬ߓߎ߬ߦߊ߫ ߸ ߏ߬ ߟߎ߬ ߕߍ߫ ߛߐ߲߬ ߠߊ߫ ߟߊߢߐ߲߯ߡߊ߫ ߛߎ߮ ߣߌ߲߬ ߠߎ߬ ߢߊߢߌߣߌ߲ ߠߊ߫ ߘߐ߬ߝߐ ߞߣߐ߫ ߡߎ߰ߡߍ߫. ߏ߬ ߟߋ ߞߏߛߐ߲߬ ߸ ߊ߰ ߒ߬ ߓߊߘߋ߲ ߏ߬ ߟߎ߬ ߢߣߊ߫ ߞߏ߫ ߞߎߣߎ߲ ߣߌ߫ ߞߏߟߐ߲ ߣߌ߫ ߛߏߡߐ߯ߦߊ ߓߍ߯ ߖߎ߭ߕߍ߰ߣߍ߲ ߋߙߐߔߎ߬ ߟߋ߬ ߸ ߞߊ߬ ߓߐ߫ ߦߋ߲߬ ߛߊ߫ ߞߊ߬ ߝߊ߲߭ ߕߐ߲߭ ߟߎ߬ ߟߊߛߐ߬ߘߐ߲߬، ߞߵ ߊ߬ ߕߘߍ߬ ߜߎ ߸ ߊ߲ߠߎ߬ ߊߝߙߌߞߌߞߊ ߟߎ߫ ߟߋ߬ ߋߙߐߔߎߞߊ ߟߎ߫ ߞߊ߬ߙߊ߲ߡߐ߮ ߟߎ߬ ߘߌ߫ ߞߏߟߐ߲ ߘߐ߫ ߸ ߛߓߍߟߌ ߘߐ߫ ߸ ߘߌ߯ߣߊ ߘߐ߫ ߸ ߖߊ߬ߕߋ߬ߟߌ ߘߐ߫ ߊ߬ ߣߌ߫ ߘߎߢߊ߫ ߘߐߕߍ߮ ߞߏ߫ ߢߣߊߡߊ ߝߊ߲߬ߓߊ ߘߐ߫.
ߒ߬ߞߊ߬ ߓߊߏ߫ ߊߘߡߊߘߋ߲ ߡߐ߰ߣߍ߲ ߕߴߛߋ߫ ߟߊ߫ ߝߏߦߌ߬ ߞߍ߫ ߟߊ߫ ߝߍ߬ ߕߍ߫ ߡߍ߲ ߠߊ߫ ߸ ߏ߬ ߟߋ ߞߏߛߐ߲߬ ߊ߲ߠߎ߬ ߞߐߛߊ߲߫ ߠߊ߫ ߡߐ߱ ߟߎ߬ ߓߘߊ߫ ߝߍ߬ ߘߊ߲ߘߐ߬ߣߍ߲ ߦߋ߫ ߞߙߎߞߊ߲ߝߎߥߊ߫ ߛߌ߰ߞߊ߲߫ ߠߊߘߍ߬ߣߍ߲ ߘߏ߫ ߟߎ߫ ߟߊ߫ ߛߌߛߍ߲߬.
ߛߏ߲߬ߖߘߊ߫ ߘߏ߲߬ ߣߌ߫ ߋߙߐߔߎ߬ ߝߊ߲߬ߡߊ߬ ߓߟߋߓߟߋ ߡߍ߲ ߠߎ߫ ߕߋ߬ߟߋ ߓߍ߲߬ ߘߊ߫ ߸ ߏ߬ ߝߊ߲߬ߓߊ ߟߊ߫ ߛߊ߬ߙߌ߬ߦߊ߬ ߟߊߘߊ߲ߣߍ߲ ߡߎ߰ߡߍ ߕߌߢߍ߫ ߘߊ߫ ߟߋ߬ ߞߵ ߊ߬ߟߎ߬ ߓߐ߫ ߘߊ߫ ߟߊ߫ ߝߋߎ߫، ߣߴߊ߲ ߞߵߊ߬ ߦߋ߫ ߏ߬ ߘߐ߬ ߛߏ߲߬ߖߘߊ߫ ߕߊ ߝߍ߭ ߡߎ߰ߡߍ ߘߊ߲ߣߍ߲ ߘߊ߲ߘߐ߫ ߘߐߙߐ߲߫ ߡߊ߬ ߸ ߏ߬ ߞߎ߲߭ ߞߍ߫ ߘߴߊ߬ ߟߊ߫ ߞߏߟߐ߲ ߣߴߊ߬ ߟߊ߫ ߕߋߟߋ߲ߓߊ߯ߦߊ ߥߊ߬ߙߊ ߟߋ߬ ߘߌ߫،
ߒ߬ߓߊ߬ ߒ ߞߊ߲߫ ߝߍ߬ ߘߡߊ߲߬ߘߡߊ߬ߣߍ߲ ߡߍ߲ ߠߎ߫ ߡߊ߬ ߸ ߏ߬ ߟߎ߫ ߟߋ߬ ߡߊߘߊ߲ߕߐ ߒ߬ ߓߟߏ߫ ߣߌ߲߬:
߁߭- ߊ߬ ߝߍ߭ ߝߟߐ߫ ߞߍ߫ ߘߴߊ߬ߟߎ߬ ߢߌ߬ߣߊ ߟߋ߬ ߘߴߊ߲ ߠߊ߫ ߞߊ߲ ߛߓߍ߫ ߞߏ ߞߐ߫ ، ߊ߬ߟߎ߬ ߘߏ߲߬ ߜߎ ߞߊ߬ ߟߐߣߌ߲ ߠߎ߬ ߢߊߢߌߢߌ߲ ߞߏ ߘߐߖߊ߬ ߕߏ߲ߒߕߊ߲ ߠߎ߫ ߝߍ߬ ߟߋ߬ ߞߊߕߌ߫ ߸ ߊ߬ߟߎ߬ ߘߌ߫ ߕߏ߫ ߡߍ߲ ߠߎ߬ ߞߏߟߐ߲ ߞߊ߲ߓߊ ߟߎ߬ ߞߍ߫ ߟߊ߫ ߛߐ߲߬ ߞߊ߬ ߡߌ߬ߙߌ߲߬ߘߌ ߕߟߏ ߘߓߐ߫ ߊ߬ ߣߌ߫ ߞߵߊ߬ ߟߊߞߎߣߎ߲ ߞߵߊ߬ ߟߊߞߍ߫ ߘߎߢߊ߫ ߞߏ ߢߌߡߊ߫ ߓߍ߯ ߞߊ߬ߟߊߡߊ߬ ، ߓߊ߬ߙߌ߬ ߊ߬ߟߎ߬ ߡߊ߫ ߒ߬ ߠߊ߫ ߞߊ߲ ߛߓߍ߫ ߞߏ ߝߐ߫ ߝߋߎ߫ ، ߒ߬ ߞߵߊ߬ ߟߐ߲߫ ߊ߬ ߝߐ ߡߍ߲ ߞߍ߫ ߘߴߊ߬ߟߎ߬ ߢߍ߫ ߞߏ߫ ߊߟߊ߫ ߟߋ߬ ߞߊ߬ ߞߎ߬ߙߊ߬ߣߊ ߟߊߖߌ߰ ، ߊ߬ ߞߍ߫ ߘߴ ߊ߬ߟߎ߬ ߢߣߊ߫ ߏ߬ ߟߋ ߘߐ߫ ߸ ߞߏ߫ ߊߟߊ߫ ߟߋ ߞߊ߬ ߛߓߍߟߌ ߝߣߊ߫ ߟߊߖߌ߰ ، ߊ߬ߟߎ߬ ߡߊ߫ ߛߎߛߋ߫ ߛߓߍߟߌ߫ ߞߏ߫ ߢߊߢߌߣߌ߲ ߠߊ߫ ߏ߬ ߟߋ ߘߐ߫ ، ߓߊ ߊ߬ߟߎ߬ ߕߴߊߟߊ߫ ߘߌ߫ ، ߊ߲ ߠߊ߫ ߞߊ߲ ߛߓߍߓߊߟߌߦߊ ߏ߬ ߟߋ ߘߏ߲߬ ߞߵ ߊ߬ߟߋ߬ ߞߙߎߞߊ߲ߝߎߥߊ߫ ߕߐ߲ ߝߊ߲ߓߊ ߕߎߣߎ߲߫ ߒ߬ ߡߊ߬ ، ߓߊ ߒߠߋ ߣߊ߬ ߡߍ߲ ߠߎ߬ ߣߍ߲ ߛߓߍ߫ ߟߴߊ߬ ߘߐ߫ ߣߌ߲߬ ߸ ߏ߬ ߡߊ߫ ߛߴߊ߬ ߕߟߊߒߕߍ ߘߐ߫ .
߂߲- ߊ߬ ߝߍ߭ ߝߌߟߊߣߊ߲ ߠߋ߬ ߞߍ߫ ߘߊ߫ ߗߍ߬ߡߐ߮ ߟߎ߬ ߟߊ߫ ߛߏߕߌ߯ߦߊ ߘߌ߫، ߣߴߊ߬ߟߎ߬ ߕߎ߲߬ ߡߊ߫ ߢߊ߬ ߛߌߜߍ ߓߏ߲߬ߧߊ ߞߐ߫ ߛߏ ߞߏߕߌ߯ߦߊ ߟߊ߫ ߸ ߊ߬ߟߎ߫ ߕߘߍ߬ ߞߊ߫ ߞߊ߲߫ ߞߵߏ߬ ߞߍ߫ ߓߍ߯ ߘߐ߫ ߞߌ߬ߣߊ ߟߋ߬ ߘߌ߫ ߸ ߘߋ߲ߠߊߞߊ߫ ߞߏ߫ ߣߌ߫ ߝߟߊ߬ߞߊ߬ ߞߏ߫ ߕߎ߲߬ ߡߊ߲߫ ߞߊ߲ ߝߋߎ߫ ߞߊ߬ ߞߴߊ߬ ߘߐ߫.
߃߲- ߊ߬ ߝߍ߭ ߛߓߊߣߊ߲ ߠߋ߬ ߝߘߎ ߟߊߕߐ߲ ߘߌ߫ ߛߌߞߋߟߋ߲ߢߐ߲߯ߡߊ ߟߎ߬ ߕߍ߫ ߸ ߊ߬ ߣߌ߫ ߛߊ߬ߣߊ߲߬ߞߎ߲߬ ߢߐ߲߰ߡߊ ߟߎ߬ ߕߍ߫ ، ߓߊ ߥߊ߯ߕߌ ߏ߬ ߡߐ߱ ߟߎ߬ ߡߙߌ ߘߐ߫ ߸ ߝߘߎߢߐ߲߯ߦߊ߫ ߦߋ߫ ߓߊߘߋ߲ߧߊ߫ ߞߎߘߊ߫ ߟߊߘߊ߲ ߠߋ߬ ߘߌ߫ ، ߏ߬ ߞߊ߫ ߞߊ߲߫ ߞߊ߬ ߟߐ߰ ߡߐ߰ ߜߘߍ߫ ߟߋ߬ ߡߊ߬ ߸ ߓߊߘߋ߲ߧߊ߫ ߕߍ߫ ߡߐ߰ ߣߌ߫ ߡߍ߲ ߕߍ߫ ߞߘߐ߬ߡߊ߲߫ ߸ ߊ߬ ߡߊ߲߫ ߞߊ߲߫ ߞߊ߬ ߘߏ߲߬ ߡߐ߰ ߣߴ ߌ ߓߊߘߋ߲ ߕߍ߫ ߸ ߓߊ ߏ߬ ߦߴ ߌ ߕߦߊ ߟߋ߬ ߟߊ߫ ߞߊ߬ߞߘߐ߬ ، ߛߊ߬ߣߊ߲߬ߞߎ߲߬ߧߊ ߝߣߊ߫ ߕߋ߲߬ ߠߋ߬ ، ߓߊ ߏ߬ ߦߋ߫ ߡߐ߰ߜߘߍ߬ߦߊ ߟߊߦߟߍ߬ߡߊ߲ߣߍ߲ ߠߋ߬ ߘߌ߫ ߞߊ߬ ߞߍ߫ ߓߊߘߋ߲ߧߊ ߘߌ߫ ߸ ߞߵߊ߬ ߣߌ߫ ߓߊߘߋ߲ߧߊ ߓߘߍ ߟߌ߬ߤߟߊ ߓߍ߯ ߞߢߊ߫ ߖߐ߲ ، ߏ߬ ߘߐ߫ ߸ ߊ߬ߟߎ߬ ߡߊ߲߫ ߞߊ߲߫ ߞߊ߬ ߝߘߎ߫ ߢߐ߲߮ ߡߊ߬ ߸ ߞߊ߬ ߓߊߘߋ߲ߧߊ߫ ߞߎߘߊ߫ ߟߊߘߊ߲ ߓߊߘߋ߲ߧߊ߫ ߞߘߐ ߞߘߐ߫ .
ߞߵߊ߬ ߕߘߍ߬ ߘߏ߲߬ ߓߊߘߋ߲ߡߊ ߟߎ߬ ߟߊ߫ ߢߐ߲߯ ߝߘߎ ߦߋ߫ ߞߏ߫ ߢߌߡߊ߫ ߟߋ߬ ߘߌ߫ ߸ ߡߍ߲ ߘߌ߫ ߛߌ߲ߖߌ ߘߌߦߊ߫ ߸ ߞߊ߬ ߝߊ߬ߘߋ߲߬ߧߊ ߕߍߜߟߍߦߊ ߟߊߣߐ߰ߦߊ߫، ߊ߬ߟߎ߬ ߦߋ߫ ߛߌߟߊ߲ ߠߊ߫ ߝߘߎߛߊ ߓߊߘߋ߲ߧߊ ߜߏߦߊ ߡߍ߲ ߢߍ߫ ߸ ߏ߬ ߡߊ߲ߛߌߦߊ߫، ߤߙߊ ߛߌߦߊߡߊ߲ ߡߍ߲ ߦߋ߫ ߓߊߘߋ߲ߡߊ ߟߎ߬ ߟߊ߫ ߢߐ߲߯ ߕߊ ߘߐ߫ ߸ ߡߐ߰ ߕߴߛߋ߫ ߤߙߊ߫ ߛߘߍߡߊ߲ ߏ߬ ߓߍ߫ ߘߐߛߊ߬ ߟߊ߫ ߝߘߎߛߊߣߍ߲߫ ߞߋߟߋ߲ߞߋߟߋ߲ ߢߍߛߌߟߊ߲ߢߍ ߡߊ߬، ߤߙߊ ߡߍ߲ ߘߏ߲߬ ߦߋ߫ ߓߊߘߋ߲ߡߊ ߟߎ߬ ߟߊ߫ ߢߐ߲߯ ߝߘߎ߫ ߘߐ߫ ߸ ߏ߬ ߢߐ߲߰ ߠߋ߬ ߛߊ߬ߣߊ߲߬ߞߎ߲߬ߢߐ߲߰ߡߊ ߟߎ߬ ߝߣߊ߫ ߕߊ ߘߐ߫.
߄߲- ߊ߬ ߝߍ߭ ߣߊ߯ߣߌ߲ߠߊ ߟߋ߬ ߝߘߎ ߟߊߕߐ߲ ߘߌ߫ ߕߏ߲ߕߌ߮ ߟߎ߬ ߣߌ߫ ߢߡߊ߬ߞߟߊ ߟߎ߬ ߕߍ߫، ߊ߬ ߣߌ߫ ߢߡߊ߬ߞߟߊ ߛߎ߯ߦߊ ߟߎ߬ ߕߍ߫ ߸ ߦߏ߫ ߣߎ߲߱ ߣߌ߫ ߖߋ߬ߟߌ ߕߍ߫ ߸ ߥߟߊ߫ ߖߋ߬ߟߌ ߣߌ߫ ߝߌ߬ߣߊ ߕߍ߫ ߸ ߤߊߡߊ߲ߕߍ߫ ߝߌ߬ߣߊ ߣߌ߫ ߞߊߙߊ߲ߞߋ ߕߍ߫.
ߡߊ߲߬ߘߋ߲߫ ߞߏ ߞߎ߲߬ߝߟߐ ߘߐ߫ ߸ ߡߌ߬ߙߌ߲߬ߘߌ ߛߌ߲߬ߝߏ߲ ߓߍ߯ ߡߐ߬ߟߐ߲ ߞߢߊߡߊ߲߫ ߠߋ߬ ߕߘߍ߬ ߖߐ߲، ߘߏ߫ ߘߎ߰ߟߊ߬ ߡߐ߯ ߕߍ߫ ߘߏ߫ ߘߌ߫ ߸ ߘߏ߫ ߟߊ߫ ߖߐ߲߬ ߕߍ߫ ߘߏ߫ ߘߌ߫، ߓߊ߯ߙߊ ߘߐߝߘߊ ߘߐߙߐ߲ ߠߋ߬ ߞߊ߬ ߡߐ߱ ߟߎ߬ ߓߐ߫ ߢߐ߲߮ ߡߊ߬، ߓߊ߯ߙߘߊ߫ ߘߐߕߟߊ߫ ߏ߬ ߘߏ߲߬ ߓߍ߲߬ߣߍ߲ ߕߘߍ߬ ߥߊ߯ߕߌ ߏ߬ ߟߊ߫، ߓߊ ߓߊ߯ߙߊ ߡߍ߲ ߕߍ߫ ߢߊ߬ ߞߎ߬ߛߊ߲߬ߧߊ ߞߐ߫ ߸ ߏ߬ ߞߊ߫ ߞߊ߲ ߞߊ߬ ߡߊߞߊ߬ߙߊ߲ ߘߊߡߌ߬ߣߊ߬ ߘߋ߲ߣߍ߲ߧߊ ߟߋ߬ ߘߐ߫ ߞߊ߬ ߡߐ߰ ߊ߬ ߘߌ߫، ߓߊ߯ߙߊ ߡߞߊߙߊ߲ ߘߏ߲߬ ߓߍ߲߬ߣߍ߲ ߡߐ߰ ߡߏߦߌߓߊ߮ ߟߋ߬ ߝߍ߬ ߟߎ ߡߊ߬ ߞߊ߬ ߕߊ߬ߡߌ߲߬ ߕߊ ߟߊ߫ ߡߐ߰ ߜߘߍ߫ ߓߘߊ߫ ߟߎ߫ ߜߘߍ ߡߊ߬. ߓߊ߯ߙߊ ߘߏ߲߬ ߘߐߝߘߊ ߘߏ߲߬ ߡߊ߫ ߞߍ߫ ߡߐ߱ ߟߎ߫ ߖߐ߬ ߞߎ߲߫ ߘߌ߫ ߢߐ߲߮ ߡߊ߬، ߒ߬ߞߊ߬ ߝߘߎ ߟߊߕߐ߲ ߡߍ߲ ߞߍ߫ ߘߊ߫ ߕߏ߲ߕߌ߮ ߣߌ߫ ߢߡߊ߬ߞߟߊ ߕߍ߫ ߸ ߏ߬ ߟߋ ߞߊ߬ ߢߡߊ߬ߞߟߊ ߞߍ߫ ߓߟߏߡߐ߯ ߓߛߌߞߌ ߘߌ߫ ߕߏ߲ߕߌ߮ ߢߣߊ߫، ߞߵߊ߬ ߕߘߍ߬ ߊ߬ ߘߏ߫ ߡߊ߲ ߝߌ߬ߛߊ߬ ߘߏ߫ ߘߌ߫ ߢߊ߫ ߛߌ߫ ߡߊ߬
߅߲- ߊ߬ ߝߍ߭ ߟߏ߯ߟߎߣߊ߲ ߠߋ߬ ߞߍ߫ ߘߊ߫ ߘߊ߲ߛߌ߰ߓߊߟߌߦߊ ߘߌ߫ ߛߌ߰ߒߝߍ߬ ߟߎ߬ ߟߊ߫ ߟߏ߲ߟߊ߲ߧߊ ߞߎ߲߬ߕߊ߮ ߟߊ߫، ߓߊ ߡߊ߲߬ߘߋ߲߫ ߛߊ߬ߙߌ߬ߦߊ ߘߐ߫ ߸ ߤߊߟߌ߬ ߘߏ߫ ߞߊ߬ ߛߏ ߕߍ߰ ߛߐ߱ߡߊ߬ ߸ ߘߏ߫ ߜߘߍ߫ ߦߋ߫ ߖߌ߬ߦߊ ߏ߬ ߞߊ߲߬ ߥߎ߬ߙߊ ߟߊ߫ ߸ ߊ߬ߟߎ߫ ߝߌ߬ߟߊ ߦߋ߫ ߘߍ߬ ߞߊ߬ ߓߏ߲ ߝߟߐ߫ ߟߐ߬ ߸ ߘߎߢߊ߫ ߘߌ߫ ߓߊ߲߫ ߥߎ߬ߙߊ߬ ߝߍ߬ ߟߏ߲ߟߊ߲ ߦߋ߫ ߛߌ߰ߒߝߍ߬ߦߊ ߟߊ߫ ߟߋ߬ ߞߘߊߎ߫ ، ߊ߬ ߕߍ߫ ߞߍ߫ ߘߎ߰ߙߋ߲ ߘߌ߫ ߸ ߊ߬ ߕߍ߫ ߞߍ߫ ߟߊ߲ߔߊ߯ߛߌ ߘߌ߫ ، ߟߏ߲ߟߊ߲ߦߊ ߏ߬ ߡߊ߬ ߸ ߊ߬ ߕߍ߫ ߞߍ߫ ߘߎ߰ߕߌ߯ ߘߌ߫ ߸ ߊ߬ ߕߍ߫ ߞߍ߫ ߛߏߕߌ߯ ߘߌ߫ ، ߊ߬ ߕߍ߫ ߞߍ߫ ߤߊߟߌ߬ ߞߊ߬ߙߌ߬ ߞߎ߲߬ߕߌ߮ ߜߊ߲ߛߊ߲ ߘߌ߫ ، ߦߌߟߊ ߘߏ߫ ߟߎ߫ ߝߊ߲߭ ߘߐ߫ ߸ ߊ߬ ߕߍ߫ ߞߍ߫ ߡߌ߬ߛߙߌ ߊ߬ߟߌ߬ߡߊߡߌ߲ ߘߌ߫. ߤߋߦߌ߬ ߸ ߞߵߊ߬ ߝߐ߫ ߊߟߊ߫ ߟߊ߫ ߸ ߟߏ߲ߟߊ߲ߧߊ ߛߊ߲߬ ߗߡߍ߬ ߦߙߌߞߊ ߣߴߊ߬ ߥߊ߯ ߦߙߌߞߊ ߜߍ߬ߟߍ߲߬ߡߊ߲߫ ߸ ߊ߬ ߘߊ߲ߣߊߕߊ߬ߡߌ߲߬ߣߍ߲ ߡߐ߰ߦߊ ߘߐ߫ ߞߏߖߎ߯ߦߊ߫، ߋ߫ ߸ ߞߊ߬ ߟߏ߲ߟߊ߲ߦߊ ߞߍ߫ ߓߌߦߊ߲ߦߊ ߘߌ߫ ߕߋ߲߬ ߞߘߊߎ߫ ߸ ߟߏ߲ߟߊ߲ ߕߍ߫ ߡߐ߰ߦߊ ߡߐ߬ߟߐ߲ ߛߐ߬ߘߐ߲߬ ߞߏ-ߏ- ߞߏ߫ ߢߍ߫ ߸ ߤߊ߲߫ ߸ ߏ߬ ߦߋ߫ ߣߌߖߎ߯ߦߊߓߊ߫ ߘߌ߫ ߡߐ߰ߦߊ ߘߐ߫ ߞߟߋ߫. ߊ߬ߟߎ߫ ߕߌ߲߬ ߞߊ߫ ߞߊ߲߫ ߠߋ߬ ߸ ߞߊ߬ ߛߙߊߕߌ߫ ߜߍߟߍ߲ ߠߎ߫ ߛߌ߰ ߸ ߟߏ߲ߟߊ߲ ߡߍ߲ ߓߊ߯ ߏ߬ ߘߏ߫ ߘߝߊ߫ ߦߌߟߊ ߡߍ߲ ߸ ߏ߬ ߦߋ߫ ߦߋ߲߬ ߟߊ߲ߔߊ߰ߛߌ߬ߦߊ ߛߐ߬ߘߐ߲߬ ߝߛߊߦߌ߫ ߞߊ߬ ߞߍ߫ ߘߎ߰ߘߋ߲ ߘߝߊߣߍ߲ ߘߌ߫ ، ߦߏ߫ ߡߌ߬ߛߊ߬ߟߌ߬ ߘߐ߫ ߸ ߡߍ߲ ߓߊ߯ ߛߐ߬ߘߐ߲߬ ߦߙߐ ߡߍ߲ ߞߊ߬ ߡߐ߬ ߦߋ߲߬ ، ߥߟߊ߫ ߡߍ߲ ߓߊ߯ ߛߊ߲߬ ߕߊ߲ ߓߐ߫ ߛߌ߱ ߘߐ߫ ߦߌߟߊ ߡߍ߲ ، ߤߊߡߊ߲ߕߍ߫ ߡߍ߲ ߓߊ߯ ߦߙߐ ߘߋ߲ߡߛߏ ߘߏ߫ ߝߘߎ߫ ߞߵߊ߬ ߛߌ߰ ߊ߬ ߘߌ߫ ߦߋ߲߬ ߥߟߊ߫ ߡߏ߬ߛߏ ߓߊ߯ ߛߌ߰ ߦߌߟߊ ߗߍ߭ ߘߏ߫ ߞߎ߲߬ ߸ ߊ߬ ߣߌ߫ ߘߎ߰ ߡߐ߮ ߟߎ߫ ߖߍ߬ߘߍ ߓߊ߯ ߟߏ߲ߟߊ߲ ߡߎߣߊ߲ߝߊ߲ߡߊ ߡߍ߲ ߡߊߞߟߌ߫ ߊ߬ߟߎ߬ ߓߘߊ ߸ ߏ߬ ߡߐ߬ ߟߏ߯ߟߎ ߓߍ߯ ߣߌ߫ ߟߊ߲ߔߊ߰ߛߌ߬ߦߊ ߞߊ߫ ߞߊ߲߫ ߠߋ߬ ߡߐ߰ߦߊ ߛߊ߬ߙߌ߬ߦߊ ߣߌ߫ ߤߊ߲ߞߟߌߡߦߊ ߟߊ߲ߘߊ ߓߍ߯ ߘߐ߫ .
߆߲- ߊ߬ ߝߍ߭ ߥߐ߯ߙߐߣߊ߲ ߠߋ߬ ߞߍ߫ ߘߊ߫ ߛߌ߬ߟߡߊ߬ߦߊ ߡߊ߬ߝߊ߲ ߘߌ߫، ߛߏ߲߬ߖߘߊ߫ ߞߊ߬ ߛߎߡߊߏߙߏ߫ ߞߍ߬ߟߍ ߓߍ߯ ߞߍ߫ ߛߌ߬ߟߡߊ߬ߦߊ ߖߏ߲߬ߖߏ߲ ߠߋ߬ ߞߘߐ߫ ߸ ߊ߬ ߣߌ߫ ߞߎ߬ߙߊ߬ߣߊ߬ ߣߊߥߎ߲ ߠߋ߬ ߘߌ߫ ߊ߬ ߛߟߊ߫ ߟߊ߫، ߊ߬ ߘߏ߲߬ ߛߐ߬ߘߐ߲߬ ߘߊ߫ ߟߋ߬ ߞߵߊ߬ ߓߋ߲ߓߊ߫ ߞߘߐ ߓߍ߯ ߛߌ߬ߟߡߊ߬ߟߊ߬ߡߊ ߣߐ߬ ߞߘߐ ߕߘߍ߬ ߊ߬ߟߎ߬ ߟߊ߫ ߡߊ߲߬ߛߊ߬ߓߏ߲߫ ߠߊ߫ ߸ ߊ߬ ߣߌ߫ ߡߊ߲߬ߘߋ߲߫ ߛߌ߬ߟߡߊ߬ ߡߊ߲ߛߊ ߟߎ߬ ߁߃߲ ߟߋ߬ ߛߏ߲߬ߖߘߊ߫ ߘߌ߫. ߓߊ߬ߙߌ߬ ߏ߬ ߓߍ߯ ߣߴߊ߬ ߕߊ ߸ ߛߏ߲߬ߖߘߊ߫ ߞߊ߬ ߛߊ߬ߙߌ߬ߦߊ߬ ߛߌߦߊߡߊ߲߫ ߠߊߘߊ߲ ߞߙߎߞߊ߲ߝߎߥߊ߫ ߛߌ߰ߞߊ߲ ߘߐ߫ ߸ ߡߍ߲ ߠߎ߬ ߦߋ߫ ߛߌ߬ߟߡߊ߬ߦߊ ߕߊ߬ߣߊ ߖߍ߬ߘߍ ߖߍ߬ߘߍ ߘߌ߫، ߛߊ߬ߙߌ߬ߙߊ ߏ߬ ߟߎ߬ ߘߡߊߘߡߊ߫ ߝߟߍ߫ ߣߌ߲߬:
ߊ) ߊ߬ ߝߟߐ ߡߍ߲ ߘߌ߫ ߸ ߞߏ߫ ߗߍ߭ ߓߊ߯ ߓߐ߫ ߗߍ߬ߦߊ ߘߐ߫ ߸ ߊ߬ ߦߴߊ߬ ߡߏ߬ߛߏ ߟߊߕߊ߬ߡߌ߲ ߊ߬ ߓߊߘߋ߲ ߘߏ߫ ߡߊ߬ ߘߓߌ߬ ߘߐ߫ ߸ ߊ߬ ߦߋ߫ ߕߴߏ߬ ߟߊ߫ ߛߎ ߡߛߏ߬ߦߊ ߣߴߊ߬ ߗߍ߬ ߟߊ߫ ߕߋ߬ߟߋ ߡߛߏ߬ߦߊ ߟߊ߫، ߣߌ߫ ߘߋ߲ ߛߐ߬ߘߐ߲߬ ߘߴߏ߬ ߘߐ߫ ߸ ߏ߬ ߦߴߊ߬ ߗߍ߬ ߘߋ߲ ߠߋ߬ ߘߌ߫، ߓߊ߬ߙߌ߬ ߞߣߐ߫ ߟߊߓߊ߮ ߘߋ߲ ߕߍ߫ ߘߋ߬، ߓߊ ߝߘߎ߫ ߡߊ߫ ߛߘߌ߬ ߊ߬ ߣߴߏ߬ ߕߍ߫.
ߋ) ߊ߬ ߝߌߟߊߣߊ߲ ߠߋ߬ ߛߎ߲ߞߎߘߎ߲ ߠߎ߬ ߣߌ߫ ߞߊߡߋߙߋ߲ ߠߎ߬ ߟߊߛߌ߭ ߘߌ߫ ߢߐ߲߮ ߞߊ߲߬ ߓߏ߲߫ ߞߋߟߋ߲ ߠߊ߫ ߸ ߞߏ߫ ߞߏ߬ߣߌ߲߬ ߊ߬ߟߎ߬ ߞߊߣߊ߬ ߖߊߕߐߦߊ߫ ߞߍ߫ ߘߋ߬، ߣߴߊ߬ߟߎ߫ ߘߏ߲߬ ߞߵߊ߬ ߞߍ߫ ߸ ߊ߬ ߘߌ߫ ߝߐ߫ ߕߋ߲߬ ߞߏ߫ ߖߡߊ߬ߣߊ߬ߞߍ ߟߴߏ߬ ߘߌ߫.
ߌ) ߊ߬ ߛߓߊߣߊ߲ ߠߋ߬ ߓߋ߲ߓߊ ߛߊ߬ߣߍ߲ ߡߏ߬ߛߏ ߛߌ߱ ߘߴߊ߬ ߡߊ߬ߡߊ߬ߙߋ߲ ߞߎ߲߬، ߏ߬ ߘߏ߲߬ ߤߙߊ߬ߡߎ߲߬ߣߍ߲߬ߓߊ ߟߋ߬ ߛߌ߬ߟߡߊ߬ߦߊ ߛߊ߬ߙߌ߬ߦߊ ߘߐ߫.
ߍ) ߊ߬ ߣߊ߯ߣߌ߲ߠߊ ߟߋ߬ ߡߏ߬ߛߏ߫ ߗߍ߬ߛߊ߬ߓߊ߰ߕߐ ߟߊ߫ ߝߙߌ߬ߦߊ ߘߊ߲߭ ߘߌ߫ ߟߐ߯ߕߍ ߁ ߡߊ߬ ߸ ߥߟߊ߫ ߞߊߙߏ߫ ߁ ߤߊߡߊ߲ߕߍ߫ ߕߟߋ߬ ߓߌߣߊ߯ߣߌ߲ ߡߊ߬، ߝߙߌ߬ߦߊ ߘߏ߲߬ ߦߋ߫ ߞߊߙߏ߫ ߣߊ߯ߣߌ߲ ߣߌ߫ ߕߟߋ߬ ߕߊ߲߫ ߠߋ߬ ߘߌ߫ ߞߎ߬ߙߊ߬ߣߊ ߞߣߐ߫.
ߎ) ߛߏ߲߬ߖߘߊ߫ ߘߌ߬ߢߍ ߘߏߕߎ ߟߊߘߊ߲ ߡߊ߬ ߢߊ߬ߣߌ߲߫ ߛߏ߫ ߞߐ ߡߊ߬ ߸ ߖߏ߭ ߟߎ߬ ߛߐߞߊ߲ ߡߊ߬ ߸ ߊ߬ ߣߌ߫ ߛߎ߭ ߟߎ߫ ߖߊ߲߬ߛߊ߬ ߞߊ߲ ߡߊ߬.
ߏ) ߛߏ߲߬ߖߘߊ߫ ߞߍ߫ ߘߏ߲߬ߛߏ߬ߦߊ ߛߌ߲߬ߓߏ߲ ߘߌ߫ ߸ ߞߊ߬ ߕߘߍ߬ ߘߊ߲߬ߞߎ߲߬ ߛߐ ߣߌ߫ ߛߌ߲߬ߓߏ߲߬ߛߌ ߟߎ߬ ߘߐ߫ ߞߍ߬ߣߍ߲.
ߐ) ߛߏ߲߬ߖߘߊ߫ ߛߐ߲߭ ߞߊ߬ ߞߍ߫ ߛߏ߯ߡߊ߫ ߓߟߋߓߟߋ ߣߌ߫ ߛߎߓߊ߯ ߞߎ߲ߕߌ߮ ߘߌ߫ ߸ ߞߊ߬ ߕߘߍ߬ ߞߊߝߙߌߦߊ ߣߊߡߎ߲ ߠߊߕߋߟߋ߲ ߞߏ߫ ߓߍ߯ ߘߐ߫ ߸ ߞߵߏ߬ ߟߎ߬ ߣߌ߫ ߛߌ߬ߟߡߊ߬ߦߊ߬ ߘߌ߯ߣߊ ߞߏ ߟߎ߬ ߟߊߘߍ߬ ߞߍ߬ߣߍ߲.
ߞߙߎ߬ߞߊ߲ߝߎߥߊ߫ ߓߍ߲߬ߡߊ߬ߞߊ߲ ߠߎ߫ ߛߎ߬ߞߎ
ߞߙߎߞߊ߲ߝߎߥߊ߫ ߞߎ߬ߙߎ߲߬ߘߎ ߡߍ߲ ߠߎ߬ ߡߊߘߊ߲ߣߍ߲ ߟߍߙߊ ߣߌ߲߬ ߞߣߐ߫ ߸ ߏ߬ ߢߣߊߡߊ ߟߎ߫ ߟߋ߬ ߘߏ߲߬ߖߟߎ߬ߡߊ߬ߣߍ߲ ߒߠߋ ߓߟߏ߫ ߛߎ߬ߞߎ ߘߌ߫ ߟߊ߬ߛߘߍ߬ ߓߟߏ߫ ߡߊ߬ ߣߌ߲߬:
߁߭- ߒ ߓߊߘߋ߲ ߠߎ߫ ߟߋ߬ ߸ ߒ ߛߌ߰ߢߐ߲߮ ߠߎ߬، ߒ ߛߊ߬ߣߊ߲߬ߞߎ߲
ߒ ߧߴߊߟߎ߫ ߞߟߌ߫ ߟߊ߫ ߸ ߊ߲ ߧߋ߫ ߒ߬ ߠߊߘߍ߬، ߊ߲ ߓߍ߯ ߦߋ߫ ߞߎ߲߫
߂߲- ߓߊߘߋ߲ߧߊ ߣߌ߫، ߛߌ߬ߢߐ߲߰ߦߊ ߘߐ߫، ߣߌ߫ ߒ߬ ߞߏ߫ ߒ߬ ߧߋ߫ ߞߎ߲߫
ߝߏ߫ ߣߌ߫ ߒ߬ ߓߍ߯ ߞߊ߬ ߸ ߢߐ߲߮ ߠߊߝߛߊ߬، ߞߊ߬ ߒ߬ ߢߐ߲߮ ߘߊ߲ߞߎ߲
߃߲- ߣߴߊ߲ ߞߏ߬ߣߌ߲ ߓߍ߲߬ ߘߊ߫، ߒ߬ ߘߌ߫ ߛߓߊ߬ߕߌ߫، ߞߊ߬ ߒ߬ ߥߙߎߞߌ߫
ߓߊߏ߫ ߓߍ߲߭ ߠߋ߬، ߡߐ߰ߦߊ ߖߎ߭ ߘߌ߫ ߸ ߊ߬ ߣߴߊ߬ ߕߎ߲ߞߺߺߺߺߎ߲߫
߄߲- ߒ߬ ߧߋ ߢߐ߲߮ ߞߊ߬ߣߌ߲߫، ߞߊ߬ ߢߐ߲߮ ߘߍ߬ߡߍ߲، ߞߊ߬ ߞߐߣߌߦߊ߫
ߟߊߝߌ߬ߟߌ ߟߋ߬، ߌߞߏ߫ ߝߏ߬ߝߏ߫، ߥߟߊ߫ ߞߎ߲߬ߞߺߺߺߺߺߺߺߎ߲߫
߅߲- ߢߐ߲߯ ߞߊߣߌ߲ ߠߋ߬، ߡߐ߰ߦߊ ߟߐ߬ ߟߊ߫ ߸ ߞߵߊ߬ ߘߐߘߌߦߊ߫
ߞߊ߬ ߓߍ߯ ߟߊߘߏ߲߬، ߘߊ߫ ߞߋߟߋ߲߫ ߠߊ߫ ߸ ߞߊ߬ ߓߍ߯ ߟߊߞߺߺߺߺߎ߲߫
߆߲- ߢߊ߲ߜߏߦߊߓߊ، ߟߋ߬ ߦߴߊ߬ ߞߍ߫ ߟߊ߫ ߸ ߒ߬ ߘߌ߫ ߢߐ߲߮ ߞߟߍ߬
ߞߊ߬ ߢߐ߲߮ ߛߎ߬ߛߎ߬، ߞߊ߬ ߢߐ߲߮ ߞߎ߬ߙߊ߲߫ ߸ ߌߞߏ߫ ߜߊ߲ߞߺߺߺߺߺߎ߲߫
߇߲- ߞߊ߲߫ ߞߏߙߏ߲ ߘߌ߫، ߛߌ߱ ߘߐߜߏߦߊ߫، ߞߊ߬ ߓߍ߯ ߖߛߺߺߺߺߺߺߐ߫
ߞߊ߬ ߕߊ ߛߎ߰، ߦߏ߫ ߕߊߞߊ߬ߟߊ، ߥߟߊ߫ ߕߊߞߺߺߺߺߺߺߺߺߺߺߺߺߺߎ߲߫
߈߲- ߝߏ߫ ߊ߲ ߧߋ߫ ߦߝߊ߬، ߊ߲ ߢߐ߲߮ ߡߊ߬ ߟߋ߬ ߸ ߞߊ߬ ߜߊ߲ߞߎ߲ߣߺߺߺߺߊ߫
ߞߵߊ߲ ߢߐ߲߮ ߕߏ߫، ߢߐ߲߮ ߛߎ߯ߦߊ ߟߊ߫ ߸ ߊ߬ ߣߌ߫ ߢߐ߲߮ ߛߎ߲ߞߎ߲߫
߉߲- ߒ߬ ߧߋ߬ ߦߙߐ ߓߍ߯، ߞߊ߬ߙߌ߬ߦߊ ߟߊߘߊ߲ ߸ ߞߵߊ߬ߟߎ߬ ߘߐߘߌߦߊ߫
ߞߊ߬ ߝߎߣߎ߲ߞߋ ߟߎ߫، ߛߣߐ߬ߡߍ ߟߊߘߍ߬ ߸ ߊ߬ ߣߴߊ߬ߟߎ߬ ߛߐ߲߬ߞߎ߲߫
߁߀߲- ߞߊߡߋߙߋ߲ ߟߎ߬ ߦߋ߫، ߓߊ߯ߙߊ ߟߎ߬ ߞߍ߫، ߟߊߡߊ ߟߎ߬ ߣߺߺߺߌ߫
ߡߊ߬ߗߋ ߟߎ߬ ߘߌ߫، ߕߋ߬ߟߋ ߟߎ߬ ߘߐ߫ ߸ ߊ߬ ߣߌ߫ ߟߐ߯ߞߎ߲߫
߁߁߲- ߊ߲ ߓߍ߯ ߦߋ߫ ߘߍ߬، ߓߊ߯ߙߊ ߟߎ߬ ߟߊ߫، ߝߘߏ߬ߓߊ ߟߎ߬ ߘߺߺߐ߫
ߟߎߕߌ߮ ߓߟߏ߫، ߘߏ߬ߣߌ߲߬ ߞߊߣߊ߬ ߟߊ߫ ߸ ߜߊ߬ߕߌ߮ ߟߎ߫ ߞߎ߲߫
߁߂߲- ߡߐ߱ ߟߎ߬ ߦߋ߫ ߞߍ߫، ߢߐ߲߮ ߛߊ߲ߘߐ߫ ߟߋ߬، ߘߍ߲ ߢߐ߲ߠߊ ߘߺߐ߫
ߜߊ߬ߕߌ߮ ߟߎ߬ ߞߍ߫، ߘߋ߲ߓߦߊ ߘߌ߫ ߸ ߟߎߕߌ߮ ߟߎ߫ ߞߎ߲߬
߁߃߲- ߟߎߕߌ߮ ߟߎ߬ ߦߋ߫ ߞߌ߲߬ߕߌ߮ ߓߟߏ߫، ߘߋ߲ߓߦߊ ߘߺߺߺߺߺߺߺߺߺߌ߫
ߞߌ߲߬ߕߌ߮ ߟߎ߬ ߣߌ߫، ߘߊߕߌ߮ ߟߎ߬ ߦߋ߬، ߛߏߕߌ߮ ߟߋ߬ ߞߎ߲߬
߁߄߲- ߛߏߕߌ߮ ߟߎ߬ ߦߋ߫، ߘߋ߲ߓߦߊ ߘߌ߫ ߸ ߞߊ߬ߝߏ߬ߕߌ߮ ߓߟߺߺߺߺߺߏ߫
ߞߊ߬ߝߏ߬ߕߌ߮ ߟߎ߬ ߟߊ߫، ߞߏ ߓߍ߯ ߦߋ߫ ߟߊ߫، ߢߊ߬ߣߌ߲߬ ߡߊ߲ߛߊ ߞߎ߲߬
߁߅߲- ߞߏ߫ ߡߌߛߍ߲ ߓߍ߯، ߢߊߓߐ ߦߋ߫ ߘߌ߫، ߓߙߊߕߌ߮ ߟߎ߫ ߡߺߺߺߺߺߊ߬
ߞߏ߫ ߞߎ߲ߓߊ ߟߎ߬، ߞߊ߲ߜߍ ߟߎ߬ ߣߌ߫، ߗߍ߬ߡߐ߮ ߟߎ߬ ߞߺߺߎ߲߬
߁߆߲- ߞߏ߫ ߓߍ߯ ߦߋ߫ ߞߍ߫، ߝߊ߬ߛߏ ߞߣߐ߫، ߢߐ߲߯ ߝߊ߯ߡߎ߲ ߘߺߺߺߺߺߐ߫
ߓߍ߲߬ ߓߟߏ ߡߊ߬، ߊ߬ߟߎ߬ ߞߊߣߊ߬ ߕߏ߫، ߡߐ߰ ߞߋߟߋ߲ ߞߺߺߺߎ߲߬
߁߇߲- ߟߎ ߣߌ߫ ߞߌ߲߭ ߠߎ߬، ߦߋ߫ ߢߐ߲߯ ߦߋ߫ ߞߍ߫، ߛߏ ߦߋ߫ ߟߊ߬ߘߍ ߞߍ߫
ߞߊ߬ߝߏ ߢߐ߲߯ߓߍ߲ ߞߍ߫، ߜߊ߬ߙߊ ߦߋ߫ ߟߊ߫، ߞߙߎߝߊ ߟߋ߬ ߞߎ߲߬
߁߈߲- ߊ߲ ߧߋ߫ ߘߍ߭ ߟߋ߬ ߞߍ߫، ߡߊ߲߬ߘߋ߲߫ ߟߐ߬ ߛߋ߲، ߓߊ߬ߙߏ߬ߡߊ ߟߎ߬ ߘߌ߫
ߞߊ߬ ߓߊ߯ߙߊ ߞߍ߫ ߸ ߟߊߒߘߐ ߟߎ߬ ߘߌ߫، ߓߊ߬ߙߏ߲߬ߡߊ ߟߎ߫ ߞߎ߲߬
߁߉߲- ߘߍ߭ ߝߊ߲߬ߞߊ ߘߌ߫، ߣߊ߬ ߤߙߊ ߟߎ߬ ߘߌ߫، ߞߵߊ߲ ߝߊ߬ߛߏ ߞߺߺߺߍ߫
ߘߊ߫ ߓߎ߲ߘߍ ߣߌ߫، ߡߍ߲ߘߌߦߊ ߘߐ߫ ߸ ߌߞߏ߫ ߛߊ߲ߞߺߺߺߺߎ߲߫
߂߀߲- ߡߐ߰ߦߊ ߢߍߕߊ߯، ߞߏ߫ ߛߓߊ߬ ߟߋ߬، ߝߟߐ ߦߋ߫ ߞߏߟߺߺߺߺߺߐ߲
ߓߊ߯ߙߊ ߣߌ߫ ߕߋߟߋ߲، ߞߵߏ߬ ߞߏ߫ ߛߊ߬ߓߊ ߸ ߟߋ߬ ߓߍ߯ ߟߊߞߺߺߺߎ߲߫
߂߁߲- ߤߙߊ߫ ߓߊ߯ ߛߐ߬ߘߐ߲߬، ߒ߬ ߧߋ߫ ߘߍ߬ ߏ߬ ߟߊ߫، ߞߊ߬ ߓߍ߯ ߞߢߺߺߺߊ߫
ߡߊ߲ߕߙߐ߬ ߓߊ߯ ߣߊ߬، ߒ ߧߴߏ߬ ߘߐߕߟߊ߫، ߞߵߊ߬ ߟߊ߫ ߓߍ߯ ߞߺߺߺߺߎ߲߬
߂߂߲- ߣߌ߫ ߖߎ߯ ߣߊ߬ ߘߊ߫، ߒ߬ ߓߍ߯ ߦߋ߫ ߒ߬ ߠߊߘߍ߬ ߸ ߞߵߏ߬ ߟߎ߬ ߞߟߍ߬
ߞߵߊ߬ߟߎ߫ ߡߌ߬ߘߊ߬، ߞߵߊ߬ߟߎ߫ ߛߘߌ߬، ߞߵߊ߬ߟߎ߬ ߓߍ߯ ߛߊ߲ߞߺߺߺߎ߲߫
߂߃߲- ߒ ߧߋ߫ ߒ߬ ߖߏ߮ ߟߊߢߊ߬، ߞߊ߬ ߛߐ߲߬ ߞߏߙߏ߲، ߓߍ߯ ߘߐߜߏߦߊ߫
ߞߏ߫ ߟߊߘߊ߲ ߦߋ߫ ߞߍ߫ ߸ ߊ߲ ߛߍ߬ߓߍ ߘߌ߫ ߸ ߊ߬ ߣߴߊ߲ ߣߌߞߎ߲߫
߂߄߲- ߛߊ߬ߟߊ ߡߍ߲ ߠߎ߫ ߓߍ߲߬ߣߍ߲ ߓߊ߯ߙߊ ߡߊ߬ ߸ ߞߊ߬ ߖߊߝߏߦߺߺߺߊ߫
ߒ߬ ߧߴߏ߬ ߟߎ߬ ߟߊߝߟߌ߬، ߕߏߘߊ ߟߎ߬ ߘߐ߫ ߊ߬ ߣߌ߫ ߛߎ߬ߣߎ߲߬ߞߎ߲߫
߂߅߲ ߣߌ߫ ߡߍ߲ ߘߌ߫، ߡߍ߲ߘߌߦߊ ߞߍ߫ ߸ ߞߵߊ߲ ߝߘߊߝߘߺߺߊ߫
ߒ߬ ߧߴߏ߬ ߡߊ߲ߜߏ߬ߦߊ߫، ߞߵߊ߬ ߟߊߜߎ߬ߝߎ߲߫، ߡߐ߰ ߞߴߊ߬ ߘߊ߲ߞߺߺߺߺߺߎ߲߫
߂߆߲- ߖߐ߲ ߦߋ߫ ߟߊߓߐ߫، ߡߎ߬ߣߊ߲ߝߏߦߌ ߡߊ߬ ߸ ߞߵߊ߬ ߘߐ߯ߦߺߊ߫
ߤߊߟߌ߬ ߏ߬ ߡߍ߲، ߢߊߞߊ߲ߞߎ߲ ߓߍ߫ ߸ ߦߏ߫ ߓߺߺߺߺߺߺߺߺߊ߫ ߞߊ߲ߞߺߺߺߺߎ߲
߂߇߲- ߡߍ߲ ߓߊ߯ ߒ߬ ߠߊߓߍ߲߬، ߘߊߘߐߜߏߦߊ ߟߊ߫ ߸ ߒ߬ ߧߋ߫ ߦߟߍ߫ ߡߎߢߍ߫
ߞߵߏ߬ ߕߌ߱ ߖߋ߬ߓߌ߬ ߸ ߞߎߡߊ߫ ߢߌߡߊ ߟߊ߫، ߥߟߊ߫ ߡߊ߬ߞߺߺߺߺߺߺߺߺߎ߲
߂߈߲- ߣߴߊ߲ ߧߴߊ߬ ߝߍ߬ ߞߊ߬، ߛߌ߱ ߘߐߘߌߦߊ߫، ߡߊ߲ߘߋ߲߫ ߞߣߐ߫
ߒ߬ ߧߋ߫ ߒ߬ ߞߣߐ߫ ߜߍ߫ ߸ ߊ߲ ߢߐ߲߮ ߢߍ߫ ߸ ߞߊ߬ ߒ߬ ߢߐ߲߯ ߠߊߞߺߺߺߺߎ߲߫
߂߉߲- ߊ߬ ߣߌ߫ ߒ߬ ߧߋ߫ ߝߘߊ߫ ߸ ߢߊ߲ߜߏߦߊ ߣߌ߫، ߢߣߊ߫ ߞߏ߫ ߞߍ ߟߊ߫
ߒ߬ ߧߋ߫ ߒ߬ ߢߐ߲߮ ߛߐ߫، ߞߊ߬ ߒ߬ ߢߐ߲߮ ߓߏ߲߬ߧߊ߫ ߸ ߞߊ߬ ߒ߬ ߢߐ߲߮ ߘߊ߲ߞߺߺߎ߲߫
ߊߟߊ ߦߋ߫ ߣߍߡߊ، ߞߍ߫ ߞߋߟߓߊ߫ ߸ ߡߊ߬ߡߊ߲߬ߘߌ߫ ߢߍ߫ ߸
ߞߊ߯ߓߊ߫ ߸ ߞߙߎߞߊ߲ߝߎߥߊ߫ ߜߊ߬ߙߊ، ߁߂߃߆.
------------------------------------------------
ߞߙߎ߬ߞߊ߲ߝߎߥߊ߫ ߜߊ߬ߙߊ ߢߌ߬ߣߊ߬ߒߞߐ߬ ߞߏ߬ ߞߋߟߋ߲
ߞߏߓߊ߫ ߞߋߟߋ߲ ߡߍ߲ ߕߏ߫ ߘߊ߫ ߞߙߎߞߊ߲ߝߎߥߊ߫ ߛߌ߰ߞߊ߲ ߟߊ߬ߘߊ߲߬ߠߊ ߟߎ߬ ߟߊ߫ ߸ ߏ߬ ߟߋ ߞߍߣߴߊ߬ߟߎ߫ ߢߌ߬ߣߊ ߘߌ߫ ߊ߲ ߠߊ߫ ߞߊ߲߫ ߠߎ߬ ߛߓߍ߫ ߞߏ ߞߐ߫. ߊ߫ ߸ ߥߟߊߞߏ߫ ߊ߬ߟߎ߫ ߕߘߍ߬ ߊ߬ߟߎ߫ ߖߊ߲߬ߓߌ߬ߟߴߏ߬ ߘߐ߫ ߊ߬ ߟߏ߲. ߒߠߋ ߞߏ߬ߣߌ߲ ߡߙߌ ߘߐ߫ ߸ ߢߌ߬ߣߊ ߏ߬ ߞߍ߫ ߘߊ߫ ߝߎ߬ߕߎ߲߬ߕߌ߬ߓߊ߫ ߟߋ߬ ߘߌ߫ ، ߞߊ߬ߕߎ߲߯ ߸ ߊ߬ߟߎ߫ ߕߎ߲߬ ߞߊ߫ ߞߊ߲߫ ߞߊ߬ ߛߌ߰ߞߊ߲ ߞߎߡߊ ߓߍ߯ ߟߊ߫ ߝߊ߬ߛߏ߬ ߞߊ߲ ߠߎ߬ ߛߓߍ߫ ߞߏ ߟߋ߬ ߞߊ߲߬ ، ߓߊ ߊ߬ߟߎ߫ ߖߍ߬ߘߍ ߞߊ߲ ߠߋ߬ ߞߏ߫ ߡߐ߰ߦߊ ߢߍߕߊ߯ ߞߏ߫ ߛߓߊ߬ ߟߋ߬ ߸ ( ߞߊ߬ ߞߏߟߐ߲߫ ߸ ߞߊ߬ ߓߊ߯ߙߊ߫ ߸ ߞߊ߬ ߕߋߟߋ߲ ) ߞߏߟߐ߲ ߡߍ߲ ߦߋ߫ ߞߏ ߛߊ߬ߓߊ ߏ߬ ߟߎ߬ ߝߟߐ ߘߌ߫ ߸ ߏ߬ ߛߓߊ߬ߕߌ߬ߟߊ߲ ߠߋ߬ ߞߊ߬ߙߊ߲ ߣߌ߫ ߞߏߟߐ߲ ߘߌ߫ ، ߛߓߍߟߌ ߣߌ߫ ߞߊ߬ߙߊ߲ ߛߎ߮ ߓߍ߯ ߝߣߊ߫ ߘߐ߫ ߸ ߝߊ߬ ߞߊ߲ ߠߋ߬ ߣߐ߰ߡߊ߲ ߥߊߟߌ߫ ߞߊ߲ ߘߌ߫ ߛߋ߲߬ߢߊ߬ ߁߂ ، ߓߊ ߡߐ߱ ߦߋ߫ ߡߍ߲ ߟߐ߲ ߠߊ߫ ߖߘߍ߬ ߞߊ߲ ߘߐ߫ ߛߊ߲߬ ߁ ߘߐ߫ ߸ ߏ߬ ߢߐ߲߰ ߕߍ߫ ߟߐ߲ ߥߊߟߌ߫ ߞߊ߲ ߘߐ߫ ߝߏ߫ ߛߊ߲߬ ߁߂ ، ߒ߬ߓߊ߬ ߢߌ߬ߣߊ߬ ߞߍ ߡߍ߲ ߞߍ߫ ߘߊ߫ ߝߊ߬ߛߏ ߞߊ߲ ߛߓߍ߫ ߞߏ߫ ߞߐ߫ ߸ ߒߠߋ ߓߘߊ߫ ߢߌ߬ߣߊ߬ߒߞߐ߬ߕߊ ߏ߬ ߟߋ ߘߏ߲߬ߖߟߎ߬ߡߊ߫ ߛߎ߬ߞߎ ߘߌ߫ ߣߌ߲߬ :
߁߭- ߒ߬ ߧߋ߫ ߞߊ߬ߙߊ߲ ߞߍ߫، ߘߌߦߊߜߏߦߊ ߘߌ߫، ߡߊ߲߬ߘߋ߲߫ ߞߣߺߺߺߺߐ߫
ߒ߬ ߧߴߏ߬ ߘߏ߬ߣߌ߲ ߟߊ߫ ߸ ߟߏ߲ߟߊ߲ ߠߎ߬ ߣߌ߫، ߘߎ߰ߘߋ߲ ߓߍ߯ ߞߺߎ߲߬
߂߲- ߒ߬ ߧߋ߫ ߞߊ߬ߙߊ߲ ߣߌ߫، ߛߓߍߟߌ ߟߎ߬ ߞߍ߫، ߒ߬ ߝߊ߬ ߞߊ߲ ߠߋ߬ ߘߺߐ߫
ߒ߬ ߘߌ߫ ߟߐߣߌ߲߫ ߏ߬ ߘߐ߫، ߕߟߋ߬ߥߐߙߐ߲ߥߌ߬ߟߊ߫، ߥߟߊ߫ ߟߐ߯ߞߎ߲߫
߃߲- ߖߘߍ߬ ߞߊ߲ ߛߓߍ، ߏ߬ ߟߋ ߦߋ߫ ߟߐߣߌ߲، ߛߐ߬ߘߐ߲߬ ߘߌߦߊ߫ ߟߊ߫
ߟߐ߲ߠߌ߲ ߠߋ߬ ߘߏ߲߬ ߦߋ߫، ߡߐ߱ ߝߊ߲ߘߊ ߘߌ߫ ߸ ߣߴߊ߬ ߡߊߣߊ߲ߞߺߺߺߎ߲߫
߄߲- ߒ߬ ߧߋ߫ ߒ߬ ߖߘߍ߬ ߟߊ߫، ߞߊ߲ ߠߎ߫ ߞߊ߬ߙߊ߲߬ ߞߵߊ߬ ߓߍ߯ ߛߓߺߺߺߺߍ߫
ߦߌߟߊ ߓߍ߯ ߘߐ߫، ߓߊ߬ߘߏ߬ߘߊ ߟߎ߬ ߣߌ߫، ߓߊ߯ߙߊ ߘߊߺߺߺߺߺߺߞߺߺߺߺߎ߲߫
߅߲- ߗߍ߭ ߣߌ߫ ߡߏ߬ߛߏ، ߘߋ߲ߣߍ߲ ߣߌ߫ ߡߐ߰ߓߊ، ߓߍ߯ ߘߏߣߍ߲ ߟߐ߲
ߒ߬ ߧߋ߫ ߞߊ߬ߙߊ߲ ߞߍ߫ ߸ ߛߣߍ߬ߘߊ ߟߎ߬ ߘߐ߫، ߊ߬ ߣߌ߫ ߝߎ߲ߞߺߺߺߺߺߺߺߎ߲߫
߆߲- ߒ߬ ߧߋ߫ ߞߟߋ߬ߦߊ ߞߍ߫، ߛߓߍߦߊߟߌ ߣߌ߫ ߸ ߖߊ߬ߕߋ߬ߟߌ ߟߎ߬ ߘߐ߫
ߊ߲ ߧߋ߫ ߕߏߟߏ߲ ߕߏ߫، ߓߐߟߐ߲ ߠߎ߬ ߘߐ߫، ߊ߬ ߣߌ߫ ߘߊ߲ߞߺߺߺߺߺߺߺߺߺߺߎ߲߫
߇߲- ߊ߲ ߧߋ߫ ߒ߬ ߘߐߖߊ߬ ߸ ߟߐߣߌ߲ ߢߌߣߌ߲ ߣߌ߫، ߓߊ߯ߙߊ ߟߋ߬ ߞߊ߲߬
ߏ߬ ߟߎ߫ ߝߌ߬ߟߊ ߘߌ߫، ߡߐ߰ ߟߊߦߟߍ߬، ߦߏ߫ ߓߊ߫ ߜߎ߲ߞߺߺߺߺߺߺߺߺߺߺߺߺߎ߲߫
߈߲- ߟߐߣߌ߲ߓߊߟߌߦߊ، ߡߐ߰ ߡߎߣߎ߲ߧߊ߫ ߟߊ߫، ߓߌߦߊ߲ ߠߋ߬ ߟߊ߫
ߞߵ ߌ߬ ߕߏ߫ ߌ ߞߎ߲߬ߝߍ߬، ߡߐ߰ ߕߴ ߌ ߖߊ߬ߕߋ߬، ߡߐ߰ ߕߴ ߌ ߘߊ߲ߞߺߺߺߺߺߺߺߎ߲߫
߉߲- ߊߟߊ߫ ߦߋ߫ ߤߌߣߊ߫، ߡߊ߲߬ߘߋ߲ ߠߎ߬ ߣߌ߫ ߸ ߝߘߊ߬ߝߌ߲ ߓߍ߯ ߟߊ߫
ߞߊ߬ ߛߓߍߟߌ ߞߍ߫، ߊ߲ ߤߊߡߌ߲ ߘߌ߫ ߸ ߊ߬ ߣߴߊ߲ ߣߌߞߺߺߺߺߺߺߺߺߺߺߺߺߺߎ߲߫
߁߀߲- ߊߟߊ߫ ߦߋ߫ ߣߍߡߊ߫، ߡߊ߬ߡߊ߲߬ߘߌ߫ ߢߍ߫ ߸ ߥߊ߯ߕߌ ߓߍ߯ ߟߊ߫
ߞߋߟߊ ߡߍ߲ ߣߐ߬، ߘߌ߯ߣߊ ߟߊ߫ ߟߊ߫ ߸ ߥߣߍ߬ߡߊ ߓߍ߯ ߞߺߺߺߺߺߺߺߺߺߺߺߺߺߎ߲߬.
ߛߓߍߦߊߟߌ ߕߎ߬ߡߊ߲߬ߘߊ: ߁߉߇߂ – ߝߎ߲ߘߌ ߛߊ߲ߖߌ߫ ߁߃߉߂
ߞߐߣߊߞߙߌ߫، ߖߌ߬ߣߍ߬ ߞߊ߲ߓߍ߲.
ߓߊߦߟߍߡߊ߲ߠߌ߲ ߕߎ߬ߡߊ߲߬ߘߊ: ߈߁߉߇߈ – ߝߎ߲ߘߌ ߛߊ߲ߖߌ߫ ߁߃߉߈
This article uses material from the Wikipedia ߒߞߏ article ߞߙߎߞߊ߲ߝߎߥߊ߫ ߞߎ߬ߙߎ߲߬ߘߎ ߟߎ߬, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ߞߣߐߘߐ ߦߋ߫ CC BY-SA 4.0 ߟߊ߫ ߓߌ߬ߟߊ ߟߋ߬ ߘߐ߫߸ ߝߴߊ߬ ߛߌ߬ߣߊ߬ߦߊ߫ ߢߊߝߐߟߌ ߘߋ߬. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ߒߞߏ (DUHOCTRUNGQUOC.VN) is an independent company and has no affiliation with Wiki Foundation.