ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨ
ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨ ᱫᱚ ᱟᱹᱰᱤ ᱢᱟᱨᱟᱝ ᱟᱹᱭᱫᱟᱹᱨ ᱠᱟᱱᱟ, ᱡᱚᱛᱚ ᱢᱟᱹᱱᱢᱤᱭᱟᱜ ᱜᱮ ᱛᱤᱢᱤᱱ ᱜᱟᱱ ᱟᱹᱭᱫᱟᱹᱨ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ ᱾ ᱦᱚᱠ ᱟᱨ ᱟᱹᱭᱫᱟᱹᱨ ᱞᱮᱠᱟᱛᱮ ᱢᱮᱱ ᱞᱮᱠᱷᱟᱱ ᱫᱚ ᱯᱩᱭᱞᱩ ᱨᱮ ᱢᱤᱫ ᱢᱟᱹᱱᱢᱤᱭᱟᱜ ᱱᱟᱹᱜᱟᱹᱨᱤᱭᱟᱹ ᱟᱨ ᱨᱟᱡᱽᱨᱮᱛ ᱟᱹᱭᱫᱟᱹᱨ ᱧᱟᱢ ᱞᱟᱹᱠᱛᱤ ᱾ ᱡᱤᱭᱚᱱ ᱵᱟᱧᱪᱟᱣᱜ ᱨᱮᱱᱟᱜ ᱟᱹᱭᱫᱟᱹᱨ, ᱯᱷᱩᱨᱜᱟᱹᱞ ᱛᱟᱦᱮᱸᱱ ᱨᱮᱱᱟᱜ ᱟᱹᱭᱫᱟᱹᱨ, ᱱᱟᱭ ᱥᱟᱢᱟᱝ ᱨᱮ ᱥᱚᱢᱟᱱ ᱟᱹᱭᱫᱟᱹᱨ, ᱥᱟᱹᱶᱛᱟ ᱟᱹᱨᱤ ᱞᱟᱠᱪᱟᱨ ᱥᱟᱶᱛᱮ, ᱪᱚᱛᱚᱛ ᱥᱟᱶᱛᱟ ᱨᱮ ᱡᱩᱲᱩ ᱦᱟᱹᱨ ᱨᱮᱱᱟᱜ ᱟᱹᱭᱫᱟᱹᱨ, ᱡᱚᱢ ᱨᱮᱱᱟᱜ ᱟᱹᱭᱫᱟᱹᱨ, ᱠᱟᱹᱢᱤ ᱨᱮᱱᱟᱜ ᱟᱹᱭᱫᱟᱹᱨ ᱥᱟᱶᱛᱮ ᱥᱮᱪᱮᱫᱚᱜ ᱨᱮᱱᱟᱜ ᱟᱹᱭᱫᱟᱹᱨ ᱱᱚᱣᱟ ᱠᱚ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ ᱾
ᱱᱟᱜᱟᱢ
ᱟᱭᱢᱟ ᱢᱟᱨᱮ ᱯᱚᱛᱚᱵ ᱯᱩᱛᱷᱤ ᱠᱚ ᱨᱮ ᱚᱞ ᱢᱮᱱᱟᱜ-ᱟ ᱡᱟᱦᱟᱸ ᱛᱮ ᱟᱹᱭᱫᱟᱹᱨ ᱧᱟᱢ ᱨᱮᱱᱟᱜ ᱱᱟᱜᱟᱢ ᱫᱚ ᱟᱹᱰᱤ ᱢᱟᱨᱮ ᱠᱷᱚᱱ ᱜᱮ ᱢᱮᱱᱟᱜ-ᱟ ᱾ ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨ ᱨᱮᱱᱟᱜ ᱯᱟᱪᱷᱮ ᱭᱩᱨᱚᱯ ᱨᱮ ᱮᱛᱚᱦᱚᱵ ᱞᱮᱱᱟ ᱢᱮᱱᱛᱮ ᱵᱟᱰᱟᱭᱚᱜ-ᱟ ᱾ ᱩᱱ ᱚᱠᱛᱚ ᱫᱚ ᱫᱷᱚᱨᱚᱢ ᱟᱨ ᱥᱟᱱᱟᱥᱤ ᱛᱷᱚᱠ ᱨᱮ ᱟᱹᱭᱫᱟᱹᱨ ᱧᱟᱢ ᱨᱮᱱᱟᱜ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱾ ᱑᱖ ᱥᱟᱭ ᱥᱮᱨᱢᱟ ᱥᱮᱫ ᱫᱚ ᱛᱤᱢᱤᱱ ᱦᱚᱲ ᱠᱚ ᱢᱮᱱᱠᱮᱫᱟ ᱪᱤ ᱫᱷᱚᱨᱚᱢ ᱟᱨ ᱨᱟᱡᱽᱟᱹᱨᱤ ᱛᱷᱚᱠ ᱨᱮ ᱡᱚᱛᱚ ᱦᱚᱲ ᱟᱹᱭᱫᱟᱹᱨ ᱠᱚ ᱧᱟᱢ ᱢᱟ ᱾ ᱡᱮᱢᱚᱱ ᱟᱠᱚ ᱠᱩᱥᱤ ᱫᱷᱚᱨᱚᱢ ᱠᱚ ᱵᱟᱪᱷᱟᱣ ᱫᱟᱲᱮᱭᱟᱜ-ᱟ ᱟᱨ ᱟᱠᱚ ᱠᱩᱥᱤ ᱟᱠᱚᱭᱤᱡ ᱢᱩᱠᱷᱭᱟᱹ ᱠᱚ ᱵᱮᱱᱟᱣ ᱫᱟᱲᱮᱭᱟᱭᱟ ᱾
ᱨᱟᱭᱨᱤᱛ
ᱦᱚᱲ ᱠᱚ ᱵᱩᱡᱷᱟᱹᱣ ᱠᱮᱫ-ᱟ ᱪᱤ ᱢᱟᱹᱱᱤᱭᱟᱜ ᱟᱹᱭᱫᱟᱹᱨ ᱫᱚ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱᱟ, ᱚᱱᱟᱛᱮ ᱫᱤᱥᱚᱢ ᱦᱚᱸ ᱱᱚᱣᱟ ᱨᱮᱱᱟᱜ ᱨᱟᱭᱨᱤᱛ ᱮ ᱛᱚᱞ ᱠᱮᱫ-ᱟ ᱾ ᱱᱚᱣᱟ ᱨᱟᱭᱨᱤᱛ ᱢᱮᱱ ᱮᱫᱟᱭ ᱪᱤ ᱥᱚᱨᱠᱟᱨ ᱫᱚ ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨ ᱵᱟᱭ ᱚᱪᱚᱜ ᱫᱟᱲᱮᱭᱟᱜ-ᱟ ᱾ ᱱᱚᱣᱟ ᱨᱟᱭ ᱮ ᱢᱮᱱ ᱮᱫ-ᱟ ᱪᱤ ᱡᱟᱦᱟᱸᱭ ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨᱤ ᱨᱮᱡ ᱮᱭᱟᱭ ᱩᱱᱤ ᱫᱚ ᱰᱟᱺᱰᱚᱢ ᱮᱭᱟ ᱠᱚ ᱾ ᱛᱤᱢᱤᱱ ᱜᱟᱱ ᱨᱟᱡᱽᱟᱹᱨᱤ ᱜᱟᱶᱛᱟ ᱫᱚ ᱱᱚᱣᱟ ᱠᱚ ᱫᱤᱥᱣᱟᱹ ᱠᱚ ᱛᱟᱞᱟᱨᱮ ᱥᱚᱫᱚᱨ ᱥᱟᱢᱟᱝ ᱞᱟᱹᱜᱤᱫ ᱠᱚ ᱪᱷᱩᱴᱟᱹᱣ ᱟᱠᱟᱱᱟ ᱾
ᱵᱟᱨᱦᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱢᱟᱹᱱᱢᱤᱭᱟᱜ ᱟᱹᱭᱫᱟᱹᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.