The Smashing Pumpkins

Ho blei danna i 1988 av Billy Corgan (vokal, gitar) og James Iha (gitar), medan D'arcy Wretzky (bass) og Jimmy Chamberlin (trommer) blei medlemmer av bandet seinare same året.

The Smashing Pumpkins
Opphav	Chicago, Illinois, USA
Periode	1988–2000, 2005–i dag
Aktiv	1988, 2006–2000
Sjanger	Alternativ rock
Plateselskap	Caroline, Virgin, Hut, Constantinople, Martha's Music, Rocket Science
Medlemmer	Mike Byrne Billy Corgan Nicole Fiorentino Jeff Schroeder
Tidlegare medlemmer	Jimmy Chamberlin (inntil 2009) James Iha (inntil 2000) Melissa Auf der Maur (1999-2000) D'arcy Wretzky (inntil 1999)
Prisar	Grammy Award for Best Hard Rock Performance, MTV Video Music Award for Video of the Year, MTV Video Music Award for Best Visual Effects

Saman med Nirvana og Pearl Jam var Smashing Pumpkins blant dei største alternative rockegruppene på 1990-talet. Leia av Billy Corgan i rollene som låtskrivar, vokalist, gitarist, pianist og produsent skapte Smashing Pumpkins ei særeiga blanding av arenarock, progressiv rock, grunge, hard rock og seinare elektronisk rock. Med Corgan sin karakteristiske vokal skilte stilen dei frå andre grupper i same periode. Siamese Dream og dobbeltalbumet Mellon Collie and the Infinite Sadness er rekna som to av dei viktigaste rockealbuma frå 1990-talet. Begge albuma blei rangert blant dei 10 beste platene frå 1990-talet av Rolling Stone-lesarar.

Interne strid, narkotikamisbruk og synkande platesal førte til at gruppa gav seg i 2000. Billy Corgan og Jimmy Chamberlin gjendanna gruppa i 2006. Dei novarande medlemmene er Billy Corgan (vokal, gitar), Jeff Schroeder (gitar), Nicole Fiorentino (bass) og Mike Byrne (trommer). Gruppa har selt over 18,75 millionar album berre i USA, og over 30 millionar album totalt.

Gish, Siamese Dream og Pisces Iscariot blei 2012 relanserte i remastera deluxe-utgåver. Mellon Collie and the Infinite Sadness og Adore blei relansert på same måte i 2012/13. Machina - The Machines of God og Machina II/The Friends and Enemies of Modern Music blei kombinert til eit dobbeltalbum i 2013, slik intensjonen opphavleg var.

Studioalbum

• Offisiell nettstad