Suldal kommune er ein kommune nordaust i Rogaland fylke.
Kommunen er den største i Rogaland etter areal, og grensar i nord til kommunane Etne, Sauda, Ullensvang og Vinje, i aust til Bykle, i sør til Hjelmeland og Finnøy, i vest til Vindafjord og i nordvest til Tysvær kommune.
Suldal kommune | |||
kommune | |||
Suldalsdalføret og Suldalslågen ved Herabakka | |||
| |||
Land | Noreg | ||
---|---|---|---|
Fylke | Rogaland | ||
Adm.senter | Sand | ||
Areal | 1 736 km² | ||
- land | 1 592 km² | ||
- vatn | 144 km² | ||
Folketal | 3 889 (1. januar 2024) | ||
Målform | nynorsk | ||
Ordførar | Mads Drange (Ap) | ||
Kommunenr. | 1134 | ||
Suldal kommune 59°28′06″N 6°29′59″E / 59.468333°N 6.499722°E | |||
| |||
Wiki Commons: Suldal | |||
Nettstad: www.suldal.kommune.no | |||
Suldal kommune ligg i distriktet Ryfylke og omfattar i tillegg til det eigentlege Suldal med sidedalar og omliggjande fjelltrakter, også landet omkring Sandsfjorden og Hylsfjorden, og ytre del av Saudafjorden. Landskapet i kommunen strekkjer seg frå kyst- og fjordlandskap til dalføre, skogar og urørte fjellområde.
Frå kommuneseneret Sand går dalføret mot aust til Suldalsosen, og lenger mot nordaust ligg Suldalsvatnet, med stadane Nesflaten og Bråtveit. Nord for Sand går Hylsfjorden inn mot aust, med Vanvik på nordsida. Over Sandsfjorden mot vest ligg Ropeid, og Ropeidhalvøya mot sørvest. Her er det båtanløp på Marvik og Hebnes. Sør for Hebnes ligg Foldøy, og over Sandsfjorden mot aust ligg Jelsa. Vestover via Jelsafjorden og Erfjorden ligg bygda Erfjord. Lenger austover finn ein mellom anna Ulladalen, Gullingen og Sandsavatnet.
Suldal kommune fekk sine nåverande grenser i 1965 då dei tidlegare kommunane Suldal, Sand og Erfjord og Jelsa vart slått saman.
Kommunesenteret Sand er eit trafikk-knutepunkt, handels- og skulesenter. Der kan ein mellom anna finna spesialbutikkar, legekontor, apotek og tannlækjar.
Omtrent 8 % av den samla vasskraftproduksjonen i Noreg skjer i Suldal kommune. Utbygginga byrja på 1960-talet med omfattande reguleringar. Fyrst kom Røldal-Suldal og seinare Ulla-Førre. Reguleringa har ført til inngrep i naturen, men òg til stor økonomisk gevinst for kommunen, som får mykje av sine inntekter frå kraftproduksjonen.
I kommunen ligg Sand skule, ein kombinrt barne- og ungdomsskule, Sauda vidaregåande skule avd. Sand, og ein idrettshall. I Sand ligg òg Topp Volley Norge som har som mål å utdanne topp volleyballspelarar.
Suldal har to primære vegsamband, riksveg 13, Ryfylkevegen (Sandnes–Røldal), og fylkesveg 46 (Sand–Knapphus med samband til E 134 vidare til Haugesund). Desse kryssar i Sand, og fylkesveg 46 går via bilferje til Ropeid på vestsida av Sandsfjorden. Elles fører fylkesveg 517 frå Lovreidet sør for Sand på austsida av Sandsfjorden til Jelsa ved munningen til Sandsfjorden.
Fotnotar
This article uses material from the Wikipedia Nynorsk article Suldal kommune, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.