Stord er ei øy i Vestland, om lag midtvegs mellom Bergen og Haugesund.
Øya har ei flatevidd på 241 km² og er delt mellom kommunane Fitjar i nord og Stord i sør. Øya ligg nord for Bømlafjorden og er den nest største øya i Hordaland. Stord kommune utgjer 127 km² av øya, medan Fitjar kommune utgjer 117 km².
Stord | |
---|---|
Fitjarøyane med øya Stord i bakgrunnen. Sett frå vest. | |
Geografi | |
Stad | Sunnhordland |
Koordinatar | 59°51′N 5°26′E / 59.850°N 5.433°E
|
Areal | 241 km² |
Lengd | 27 km |
Breidd | 13 km
|
Høgaste punkt | Mehammarsåto (749 moh.)
|
Administrasjon | |
Land | Noreg |
Fylke | Vestland |
Største busetnad | Leirvik (14 374 innb.)
|
Demografi | |
Folketal | ca. 22 170 (2023) |
Folketettleik | 92 /km² |
Det høgaste punktet på øya er Mehammarsåto på 749 meter over havet. Eit meir kjend fjell er kanskje Kattnakken på 734 meter over havet som har eit tårn med TV-sendar.
Stord Lufthamn Sørstokken er ein kortbaneflyplass som ligg på vestsida av øya og vert brukt av heile Sunnhordland. Sidan 2000 har Stord hatt vegsamband med fastlandet gjennom Trekantsambandet. På nordsida av øya går det ferjesamband frå Sandvikvåg til Halhjem i Os og på austsida frå Jektevik til Tysnes.
Tilsaman er det rett over 22 000 innbyggjarar på øya, rundt 19 000 av dei i Stord kommune og resten i Fitjar kommune.
Folketalsutvikling:
1801 | 1900 | 2000 | 2023 |
---|---|---|---|
1606 | 3311 | 18 937a | 22 177a |
a Med Føyno
This article uses material from the Wikipedia Nynorsk article Stord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.