Skaugumsåsen: ås i Asker kommune
Skaugumsåsen er ein ås i Asker kommune i Akershus fylke på 351 meter over havet, og med ei skardhøgd (primærfaktor, det vil seie høgda over terrenget ikring) på 140 meter.
Åsen har namn etter garden Skaugum (som tyder Skogheim), ein gard som har røter i yngre jarnalder, som var ein sentral storgard i mellomalderen, og nå er mest kjend for å vere heim for det norske kronprinsparet.
| Skaugumsåsen | |||
| fjell | |||
 Skaugumsåsen sett frå Indre Oslofjord ved Holmen i Asker kommune. | |||
| Land |  Noreg | ||
|---|---|---|---|
| Fylke | Akershus | ||
| Kommune | Asker kommune | ||
| Høgd | 351 moh. | ||
| Primærfaktor | 140 m | ||
Skaugumsåsen 59°51′40″N 10°26′36″E / 59.86111111°N 10.44333333°E | |||
| Wiki Commons: Skaugumsåsen | |||
Bergartane i åsen er harde permiske lavaartar som ligg over lausare skifer, slik ein kan sjå i dei steile skrentane i åssida. I desse skrentane veks edellauvskog med hassel, ask, lønn, lind, alm, sølvasal og barlind, og dessutan finst misteltein. Store delar av åsen, både areal i åssidene og på åsplatået, er verna som naturreservat.
Kjelder
- Dons, Johannes A., Johan Fredrik Bockelie. 1996. Oslo-traktenes geologi med 25 turbeskrivelser. Nesbru: Vett & Viten. ISBN 82-412-0102-8 (Boka har mellom anna framlegg til turar som gjev døme på geologisk interessante lokalitetar i området Skaugumsåsen – Semsvannet.)
This article uses material from the Wikipedia Nynorsk article Skaugumsåsen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.