Shatt al-Arab (arabisk: شط العرب, «arabarstraumen») eller Arvand (kalla اروندرود: arvandrūd på persisk), òg kalla Shatt-al-Arab-vassvegen, er ei 200 km lang elv i Sørvest-Asia, danna av Eufrat og Tigris, som renn saman i byen al-Qurnah i det sørlege Irak.
Den sørlege enden av elva utgjer grensa mellom Irak og Iran ned til munningen av elva der ho renn ut i Persiabukta. Ho varierer i breidd frå 37 meter ved Basra til 800 meter ved munningen. Karun-elva, ei sideelv som sluttar seg til Shatt al-Arab frå den iranske sida, fører med seg store mengder leire i elva. Dette gjer det naudsynt å stadig drenere elva for å gjere ho seglbar. Ein trur at Shatt al-Arab er danna relativt nyleg, då Tigris og Eufrat opphavleg rann ut i bukta via ein kanal lenger vest.
Shat'al arab | |||
elv | |||
Land | Irak, Iran | ||
---|---|---|---|
Lengd | 193 km | ||
Middelvassføring | 1 750 m³/s | ||
Kjelde | Tigris og Eufrat | ||
Samløp | Al-Qurnah | ||
- høgd | 4 moh. | ||
- koordinatar | 31°0′20″N 47°26′29″E / 31.00556°N 47.44139°E | ||
Munning | Persiabukta | ||
- koordinatar | 29°55′40″N 48°37′2″E / 29.92778°N 48.61722°E | ||
Shatt al-Arab 31°00′15″N 47°26′32″E / 31.0043°N 47.4421°E | |||
Wiki Commons: Shatt al-Arab | |||
Territoriale krav og usemje over navigasjonsrettar mellom Iran og Irak var blant hovudfaktorane for Iran-Irak-krigen som varte frå 1980 til 1988, då ein enda opp med same situasjon som før 1980. Dei irakiske byane Basra og Umm Qasr ligg langs elva, begge er viktige hamner, i tillegg til dei iranske byane Abadan og Khorramshahr.
This article uses material from the Wikipedia Nynorsk article Shatt al-Arab, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.