Ojibwe er eit algonkinsk språk som blir snakka i dei nordlege delane av USA og i sørvestre Canada.
Ojibwe blir snakka av litt over 50 000 (av 200 000 ojibwefolk), og det er dermed eit av dei største indianarspråka i USA.
Ojibwe | ||
Klassifisering | Algisk Algonkinsk Ojibwe–potawatomi | |
Talarar | Ojibwefolk | |
Bruk | ||
Tala i | Canada, USA | |
Område | Canada: Quebec, Ontario, Manitoba, Saskatchewan, grupper i Alberta, Britisk Columbia; USA: Michigan, Wisconsin, Minnesota, grupper i Nord-Dakota, Montana | |
Ojibwetalande i alt | 56 531 (folketeljingar 2000/2006) | |
Skriftsystem | Det latinske alfabetet, ojibwe-skrift, det kanadiske stavingsalfabetet | |
Språkkodar | ||
ISO 639-1 | oj | |
ISO 639-2 | oji | |
ISO 639-3 | oji |
Ojibwe blir skrive med fleire ulike ortografiar og skriftsystem. Det vanlegaste skriftsystemet er basert på det latinske alfabetet, og markerer lange vokalar med å skrive doble vokalsymbol, slik det også blir gjort i finsk. Dette systemet blir kalla Fiero-systemet, etter Charles Fiero, men opphavet til systemet ligg i Leonard Bloomfield sine publikasjonar, t.d. Eastern Ojibwa. Eit anna latinsk-basert system er saulteaux-cree-systemet. Her er vokallengde markert med makron (ã) eller cirkumfleks (â).
I Canada, særleg i Ontario og Manitoba, blir austleg ojibwe skrive med ein ojibwe-versjon av det kanadiske stavingsalfabetet.
Ojibwe har tre korte og fire lange vokalar. Dei korte vokalane er [ɪ o ə] og dei tilsvarande lange er [iː oː aː], i tillegg er det ein lang vokal som ikkje har kort parallell, [eː].
Ojibwe har 17 eller 18 konsonantar.
Kontrasten mellom lukkelydane er i fleire dialektar meir ein opposisjon aspirert - uaspirert (pʰ / p) enn stemt - ustemt.
Ojibwe har få konsonantgrupper, og dei fleste av dei er ordinternt.
Substantiv i ojibwe er delt i to grupper, animate og inanimate.
This article uses material from the Wikipedia Nynorsk article Ojibwe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.